جميع الي تم قبولهم بكلية المجتمع بالدمام (دعوة للنقاش) [الأرشيف] - ملتقى طلاب وطالبات جامعة الملك فيصل,جامعة الدمام

DASH

2011- 7- 31, 04:51 PM

السلام عليكم ورحمة الله وبركاته.....

مبارك عليكم الشهر الفضيل رمضان كريم , الحمدالله نزلت النتايج في موقع كلية المجتمع بالدمام:

http://www.dcc.kfupm.edu.sa/results/dccA.asp

ابارك للجميع الي قبلوهم في الكلية وانشاء الله عقبال جامعة الملك فهد للبترول والمعادن...

الحمدالله تم قبولي في كلية المجتمع ونسبتي المركبة بالضبط 70%

طيب الي عنده سؤال او وده يشاركنا بمعلومات بخصوص اي شئ التقديم,الدراسة, الخ لا يبخل علينا..

مثل مو مكتوب شروط الانتقال الى جامعة البترول :::

تسجيل مقرر اللغة الإنجليزية (ENGL 011) ومقرر الرياضيات (MATH 011) معاً والحصول

على تقدير لا يقل عن جيد (C) في كل منهما في ذلك الفصل الدراسي .

** الحين هل كلية المجتمع تصرب مكافاة للطلاب واحنا نعتبر طلاب منتظمين , انا اسمع كلام وكلام مافي اي تاكيد للخبر الي عنده الخبر اليقين يتفضل....

** بالنسبة لشهادة حسن سيرة وسلوك عندي حقت المتوسطة وسمعت انه الغوها وبيعتمدون على شهادة الثانوية هل هذا صحيح؟؟..

دعوة للنقاش-----

سعود الجيعان

2011- 7- 31, 10:30 PM

: )

الله يبارك فيك ، والله يوفق كل المقبولين وانا معهم هع ،
احنا طلاب منتظمين بس للحين مآسمعت ان للكليه مكافئات شهريه وهذآ شي يحطم بَ صرآحه
بس الزين فيهم ان الكتب الدراسيه مجانيه .. "
آلمهم بَ خصوص شهادة الحسن سيره وسلوك .. أيه الغوهآ صارت على الشهآده
انا السلوك عندي 100 بس المواظبه 93 .. تعتقد رآح تسوي لي مشكله هذي ؟!! لأني حسب ماسمعت اهم شي السلوك والباقي مايهم ..
والحمدلله السلوك عندي 100 ..

DASH

2011- 7- 31, 10:53 PM

اهلين بيك

والله مشكلة من وين ندبر فلوس ونشتري اغراض الدراسة الواحد الحين لازم معاه لابتوب دفاتر تحضيرية على الاقل يفتحون البوفيه مجانا :biggrin:لحد الحين مافي مكافاة والله حالة ,,, طيب على الاقل شجعونا بس لا حياة لمـ ن تنادي ,,,,

ايوه السلوك اهم شئ الحمدالله انا 100% والمواظبة 100% بس ما استاهلها <<< صادوه 7 مرات يدخن بالفسحة :biggrin:

عالعموم انشاء الله راح اتاكد من خبر المكافاة من احد اخويائي وبجيكم الخبر

سعود الجيعان

2011- 7- 31, 11:08 PM

بَ خصوص الكتب الدراسيه والتحظيريه .. " هم يعطونك ببلاش وهذا عذرهم انهم مايعطون مكافئات
يقولون احنا نوفر لكم كل شي خخخ
على العموم دام اهم شي السلوك 100% خلاص زين مايهم المواظبه .. وعلى طاري التدخين بالفسحه
انا زيك وعلى كذآ تهريب يوميآ وكم مره انصآد :biggrin:

اسأل وشوف وش يقولون لك .. " وعلى طاري معهد الاداره " نسحب عليه لو اقبلونآ ولآ ؟

ص.ع

2011- 8- 1, 01:39 AM

^
هههههههههههه تدخين بالفسحه اجل ... فالينها الحبآيب .. الله يآخذ ابليسكم
يعني ما حلى لكم التدخين الا بالمدرسه ، كان انتظرتو لما تطلعون .. :biggrin:

..

بخصوص المكآفأت .. لا ما فيه .. و شهادة السلوك ألغوها :biggrin: و زي ما قلتو بالشهادة صارت خلاص ..
انا كنت شاكه بس تأكدت لما كتبتو كلامكم :biggrin:

الله يوفقكم ي رب ويوفق اخوي .. و يسهل عليكم .. و عقبال جامعه الملك فهد ي رب ..

وانا عندي سؤال ، بخصوص درجه المشاركه ؟ > وش تطلع هاذي .؟
وشنو هي البرامج الأكاديمية الي عنده معلومات ي ليت يفيدنا :106:

>> احس الكل يقول وش فيها هاذي قاطه في كل نقاش عن كلية المجتمع :tongue:
خخخخخ مسوية مسؤولية الأخت الكبرى خخخخ :(284):

سعود الجيعان

2011- 8- 1, 01:46 AM

: )
درجآت المشآركه مآدري يمكن تكون درجآت اضافيه .. "
الي اعرفه من الموقع ومن ولد عمي الي كان يدرس فيهآ
أن بالبدايه يدرسونك مادة انجليزي ومادة رياضيات < تحضيري .. " والانجليزي رآح يفيدك الطآلب
علشآن الدراسه اغلبهآ انجليزي ..
وبعدهآ يدرس مواد التخصص ..

برمجة حاسب ..
محاسبه ..
تسويق ..
ادارة مواد ( تفرق عن ادارة الموارد البشريه ) لاتلخبطون فيهآ
هذي ادارة المواد تختص بَ ادارة المبيعات والبضاعه المطلوبه من الخارج في المخازن التجاريه
وحساب المبالغ المشتريه وكذآ يعني وأكثر شي يبونهآ شركآت الشحن والتوصيل والمحلآت التجآريه ..
ومحطة تحلية الميآآآآه .. وشركآت كثيره وهو تخصص جديد تقريباَ ..
وانا محتار اختاره ولآ اخذ برمجة حآسب .. مع أن مابقا احد الا واخذ برمجة حآسب حتى من المعآهد ..
والمحآسبـه . ممتازه جدا جدا جدا :biggrin: بس شوي يعني صعبه فيهآ حسابات وكذآ ورياضيات

DASH

2011- 8- 1, 03:24 AM

انا والله اختبرت اليوم وكل شئ تاليف , بس انشاء الله بروح كلية المجتمع لان باذن الله ناوي التحق بالبترول

مشعل الشملاني

2011- 8- 1, 03:29 AM

يعني ياشباب

وش نأخذ معنا

النموذج اللي نطبعه

و1- الشهادة الأصلية

2- أصل شهادة حسن سيرة وسلوك ( طبعا ماعندي وش نجيب مكانها)

3- خمس صور حديثه مقاس 4*6

4- كشف طبي لتحديد فئة الدم (الرخصه تكفي )

5- صورة مع بطاقة الأحوال مع الاصل للمطابقة

ياشباب بالله عليكم فيدوني وش أجيب معي بالتفصيل الممل

أنتظركم

سعود الجيعان

2011- 8- 1, 06:08 AM

كل الي قلته أنت جيبه معك .. "
شهادة حسن سيره وسلوك ، هذي الغوهآ وزارة التربيه والتعليم صآروآ يشوفون درجة السلوك والمواظبه الي بشهادتك ..
اطبع الصفحه الي طلعت لك انك مقبول + النموذج الي حملته اطبعه واكتب اسمك ووقع ..الخ
وبس كل شي واضح ونآ اخوك .. " كاتبين لك الي تجيبه

مشعل الشملاني

2011- 8- 1, 06:59 AM

مشكور أخوي سعود ويعطيك العافية

يـ ح ـلمون

2011- 8- 1, 02:28 PM

الله يحييكم يا زملائي الكليين << متعوب عليها والله :lllolll:
مباركـ عليكم الشهر :53:
الله يعطيكم على هالمعلومات ويوفقكم

بالنسبه للمكافئات الكليه ما تعطي مكافئات انا والله اللي باكلها امتر من راس تنوره :Cry111:

بغيت اسأل عن النموذج اللي نطبعه اعبيه بالكمبيوتر ولا باليد ؟ :(107):

غير كذا لازم نجيب الملف الاخضر الخايس نحط فيه الاوراق ولا لا ؟

DASH

2011- 8- 1, 04:01 PM

بالنسبة للنموذج عبيه باليد افضل لانه في توقيع وكذا , الحين العلة لازم اطلع اصور 5 صور
بالنسبة للملف اتوقع ملف المدرسة يكفي الي عطوك وياه حط فيه جميع اوراقك واذا طلبوا شئ اتوقع في مكتبة حول الكلية

Esc

2011- 8- 1, 04:18 PM

الحين يعتبروه خلاص مقبول لانو اشوف اخوي تم حجز الموعد بس مااكدوا قبلوه

نذير مبين

2011- 8- 1, 04:48 PM

مرحبااا
حتى انا انقبلت في كلية المجتمع وكتبو لي هذا الكلام
عليك الحضور شخصياً الى مكتب شؤون الطلاب بمقر الكلية بالدمام غرفة رقم 155
خلال الفترة 9 - 2 رمضان 1432هـ الموافق 2-9 اغسطس من الساعة العاشرة صباحا حتى الساعة الثالثة عصرا
مادري قصدهم اسلم اوراقي في تاريخ 2 رمضان ولا عادي من 2 رمضان الى 9 رمضان
لأن الكشف يطول مايطلع في نفس اليوم ؟؟؟
وبالنسبه للتحويل الى الجامعه اذا ابي احول لازم اقول للكلية من البدايه ينزلو لي الانغلش والرياضيات ولا هم تلقائيا ينزلوهم لي ؟؟
واذا جبت c حولت للجامعه اقدر اختار اي تخصص ولا كيف ؟؟
اذا سمعتو طالب حول للجامعه افيدوني الله يعطيكم العافيه لأني سمعت صعب التحويل

نذير مبين

2011- 8- 1, 05:00 PM

صح في اختبار للقبول ولا خلاص اسلم اوراقي واكون مقبول قبول نهائي ؟؟؟

يـ ح ـلمون

2011- 8- 1, 08:32 PM

من الضروري طباعة هذة الصفحة واحضارها معك)
عدم حضور الطالب في الموعد المحدد يؤدي الى الغاء قبوله

عليك الحضور شخصياً الى مكتب شؤون الطلاب بمقر الكلية بالدمام غرفة رقم 155
خلال الفترة 9 - 2 رمضان 1432هـ الموافق 2-9 اغسطس من الساعة العاشرة صباحا حتى الساعة الثالثة عصرا

في مقر الكلية بالدمام مكتب رقم 155 مصطحباً معك الوثائق التالية:

شباب وش هي الصفحه اللي لازم اطبعها :000:

سعود الجيعان

2011- 8- 1, 08:41 PM

: )

مبروك لكل المقبولين ..
اخوي الي تقول اي صفحه اطبعهآ اطبع نفسهآ هذي الي بالخط الاحمار الي مكتوب فيهآ انك من المقبولين + الورقه الي فيهآ البيانات الي بتكتبهآ بَ يدك وتوقع ..

وآلله أمس رحت اقرب استوديو .. جلست اشكشك صور :biggrin: ومتكشخ ودآق بنت البكآره ومحلق قدام الكاميرآ .. "
سويت 5 صور 4×6 هــع

سعود الجيعان

2011- 8- 1, 08:48 PM

بَ خصوص الملف الاخظر .. مايحتآج تجيبون حق المدرسه
لأن فيه شهادات الابتدائي والمتوسط .. الخ وهذي مآلهآ لزوووم طآل عمركم

جيبوآ بس الي أطلبوووه منكم وحطوه بَ ملف وأنططططلوه بَ وجهه :biggrin:

مشعل الشملاني

2011- 8- 1, 11:48 PM

لازم ملف أخضر علاق أو أي ملف ثاني

دح ـوم

2011- 8- 2, 12:26 AM

اول شي السلام عليكم ورحمة الله وبركآته ..

هذي اول مشآركه لي ..

انا قبلوني كلية المجتمع .. لاكن انا من الرياض ..!

ومقدم على جامعة الملك سعود والامام .. والنتايج تطلع 10/9 و 20/9

لان انا رحت عندهم ماهو من النت التسجيل ..؟

اقدر اقدم ملفي بعدين اسحبه ..؟ اذا انقبلت في الرياض ! .؟؟؟

وفي احد رآح من الكلية الى البترول والمعادن.. >> حوووول

والف شكر لكم ..

سعود الجيعان

2011- 8- 2, 12:26 AM

جيب أخظر .. " يكون أحسن لأن الملف الاخظر هو الرسمي

انا بأنتظر لين تظهر نتآيج معهد الاداره اذا نآجح بَ افكر اكثر واختآر المكآن المنآسب
اذا مآقبلوني معهد الاداره على طول بَ اقدم اوراقي للمجتمع :biggrin:

ص.ع

2011- 8- 2, 04:54 AM

الله يوفقكم :106:

ص.ع

2011- 8- 2, 05:57 AM

خلال الفترة 9 - 2 رمضان 1432هـ الموافق 2-9 اغسطس من الساعة العاشرة صباحا حتىالساعة الثالثة عصرا
مادري قصدهم اسلم اوراقي في تاريخ 2 رمضان ولا عادي من 2 رمضان الى 9 رمضان

ما جاوبتو عليه ؟؟
يعني من 2رمضان إلى 9 رمضان ؟؟ ولا في 2 / 9 رمضان ؟؟؟
ترى انلحس مخي !!

سعود الجيعان

2011- 8- 2, 06:22 AM

مآيبي لهآ تعقيد ..
كآتبين من 2 لـ 9 رمضآن .. ومن 2 لـ 9 اغسطس بالميلآدي
والميلآدي الحين شهر 8 خخخ يعني مو معقوله تكون بتاريخ 2 شهر 9 .. "
لو بتاريخ 2 شهر 9 كآن قآلوآ الموافق 2/8 اغسطس
فهمتي ؟!

< مسوي شرح طويل ومشوآر خخخ ..
على العموم عندك من 2 لـ 9

ص.ع

2011- 8- 2, 06:30 AM

لا تضحك علي :( ،، والله التفهي صاك ابو مخي ،،

الله يوفقكم بس :(

ص.ع

2011- 8- 2, 06:31 AM

و ايه صح

مشكور ع الاجابه اخوي :106:

سعود الجيعان

2011- 8- 2, 06:48 AM

حيآك الله / ولو مآله دآعي الشكر

alromancyeh

2011- 8- 2, 01:55 PM

متى اخر موعد لتسليم الوثائق بكلية المجتمع ؟؟................. الي يعف لايقصر معانا

يـ ح ـلمون

2011- 8- 2, 06:07 PM

^^

اخوي انا مستلم القسم كاامل على هالاجابه :biggrin:

اخر يوم تسليم في 9 رمضان ..

الله يوفقك ..

لحظه صمت !

2011- 8- 3, 03:25 AM

طيب شفت اعداد كبيره

هل في مقارنه ومفاضله ولا كلها تقبل ؟

يـ ح ـلمون

2011- 8- 3, 03:40 AM

اليوم انا كنت قبل الاخير رقمي 123 وكلهم يقبلون

سعود الجيعان

2011- 8- 3, 09:27 PM

يعني كل يوم يوزعون ارقام وبالدور النآس تسلم ملفآتهآ ؟!
ولآ كيف الوضع "
وهل زحمه ولآ الوضع سهالات "

يـ ح ـلمون

2011- 8- 5, 04:02 AM

فيه ارقام تتوزع كل يوم انا دخلت عليهم 12 وقالوا لي خلصت

ورجعت لهم على الساعه 2 ونص خلصوا كل الطلاب باقي دفعه اللي هم حن وخلصونا

بس ما خلونا نطبع البطاقه

سعود الجيعان

2011- 8- 6, 12:16 AM

آهآ
يعطيك العافيه " ان شاء الله بَ اروح لهم بكرى "
واقدم الملف

علياء~

2011- 8- 6, 04:40 AM

السلام عليكم

اخوي انقبل في كليه الدراسات التطبيقيه وخدمة المجتمع وجته رساله

انه يراجع مبنى عماده القبول والتسجيل ((مبنى 40))

شنوو المستندات المطلوبه ؟

وين قدمتووا المستنادات في جامعه الدمام او في كليه المجتمع ؟؟

العشق السرمدي

2011- 8- 6, 01:43 PM

يا اخوان هل اذا سلمت اوراقي لكلية المجتمع

أقدر اسحبها بعد أيام لو احتجت ؟؟

faisal911ksa

2011- 8- 8, 04:31 AM

السلام عليكم و رحمة الله و بركاته .

كيفكم يا اخوان ان شاء الله طيبين .

ابي المشورة منكم يا اخوان لو سمحتم . اخوي تم قبوله في كلية المجتمع معدله في الثانوية

92.18 ماشاء الله تبارك الله . بس محتارين ايش ندخله ،علوم الحاسب او تسويق .

ياليت تفدوني بسرعة لان آخر موعد لتسليم الاوراق بكره . و شاكر ومقدر للجميع .

وبالتوفيق للجميع يا رب

سعود الجيعان

2011- 8- 8, 05:01 AM

التسويق أبعد عنه "
أفشل تخصص موجود .. "
خله ياخذ محاسبه .. قويـه جدا جدا ومطلوبه بكل مكآن .
وبعدهآ يجي الحآسب " ..
وبصرآحه نسبته 92 حلووه جداَ " حرآم يدفن نفسه بَ هالكليه الي حتى الي نسبته جيد ، يقبلونه :tongue:

faisal911ksa

2011- 8- 8, 05:33 AM

مشكور اخوي سعود على الرد السريع .

ايش نسوي ما نقول الا حسبنا الله و نعم الوكيل في القدرات و التحصيلي .

الكل يقول حرام يروح كلية المجتمع بس ان شاء الله تكون خيرة له .

و مشكور مرة ثانية و الله يوفقك .

إبراهيم الشمري

2011- 8- 9, 09:22 PM

السلام عليكم

اخواني انا الحمدلله من المقبولين .. ولما سألتهم عن التحويل الى جامعة البترول قالو جيب c

وقريت في الشاشه اللي حاطينها انه مافيه عدد معين للتحويل اللي يجيب c على طول يروح

لكن وانا قاعد كنت اسولف مع ناس ويقولون مو صحيح هالكلام يعرفون ناس للحين في الكليه وما حولوهم وهم جايبين b

هل هالكلام صحيح ولالا يا اخوان .. وطالبكم ابي احد يرد قريت صفحات الموضوع كلها وكل ما احد سال مثلي طنشتوا السؤال .. للدرجه هذه الموضوع معقد :000:

الله يعين بس .. مع اني انقبلت في الدراسات التطبيقيه وخدمة المجتمع في جامعة الدمام .. بس قالولي هذه احسن اللي انا فيها لانها تحولني .. وما اظن ان اخرتها خيره ..

الله يعين بس .. والله يوفق الجميع

إبراهيم الشمري

2011- 8- 9, 09:24 PM

وعلى فكره فيه احتمال اني انقبل في كلية الجبيل الصناعية .. وقفت على 77 وانا نسبتي 75

متى تسكر الكلية .. اخاف انقبل ولا اقدر اسحب ملفي

__________________________________________________ _____

ادري زودتها بس تحملوني .. طيب وموقع الكليه كنت بدخل اشوف ملفي .. حطيت رقمي الجامعي ولا طلع لي شئ يقولون غلط

سعود الجيعان

2011- 8- 10, 06:25 AM

انا مقدم على كلية الجبيل الصناعيه
وكلمآ ادخل يكتبون لي بالخط الاحمر ، نأسف لم يتم قبولك .. "

إبراهيم الشمري

2011- 8- 10, 10:09 AM

الظاهر ما فيه الا انا وانت في هالمنتدى

كل ما اروح موضوع القآك ^_^

لا وانا اخوك فيه رجال مثلك وشرواك في المنتدى حقهم

يقول انه باذن الله فيه دفعتين .. وحده في 14 - 9 .. والثانيه في 21 - 9

قل امين عسانا من المقبولين

faisal911ksa

2011- 8- 14, 10:42 PM

يا شباب كيف حالكم .

ودي اسئلكم الحين الدراسة في كلية المجتمع مجانا او بفلوس ؟

لانهم كاتبين في خطاب القبول ( تسديد الرسوم الدراسية ) !

يا ليت اللي عنده علم يفيدني .وشكرا للجميع .

إبراهيم الشمري

2011- 8- 15, 08:13 AM

انا عن نفسي ما عندي هالكلآم في خطآب القبول

لآكن الافضل انك تتصل عليهم وتتأكد .. يمكن اللي درجآتهم نازله او اللي سجلو في وقت متأخر ياخذون عليهم فلوس

اتصل وتآخذ العلم الاكيييييد

faisal911ksa

2011- 8- 15, 09:01 AM

و الله اذا على الدرجات

المعدل ماشاء الله تبارك الله 92

واذا على تسليم الاوراق سلمناها في الوقت المحدد

على العموم مشكور اخوي ما قصرت و انا ان شاء الله امرهم و اتاكد بنفسي

واذا طلعت بفلوش يبه جاك الذيب يعني انحش .

إبراهيم الشمري

2011- 8- 15, 07:31 PM

ههههههههههههههههههه

لا وانا اخوك دام الموضوع كذا لا ريح ولا تشيل هم

معناها من غير فلوس .. الظاهر فيه خطأ بالورقه

سعود الجيعان

2011- 8- 18, 10:05 AM

: )
الكليه اول مافتحت كآنت بَ فلوس على ماعتقد
بس الحين صآرت ببلاش ،
والاخوان ناسين يشيلون هالعقد ويغيرون اوراقهم خخخخ ،
ماتشوف بورقة القبول حاطين علامه صح على تسديد الرسوم ، يعني كأنك مسدد
الملك عبدالله ، خلاها ببلاش الله يحفظه ويرعاه

حمد الخالدي

2011- 8- 19, 08:04 AM

السلام عليكم شباب بنات انا سجلت بالكليه بس يقولولي ع قاىمه الانتضار وش اسوي علموني الله يوفقكم:Cry111::Cry111::Cry111:

حمد الخالدي

2011- 8- 25, 06:32 AM

طيب انا يقولولي ع قاىمه الانتضار وش اسوي :Cry111::Cry111::Cry111:

هيناتا

2011- 11- 23, 01:43 PM

امممممممممممممم ..
اناا سمعت ان الملك الغى الرسوم بسس هالسنه لاان فيه لخبططه بالقبووول ووالسنه الجاايه برسووم صحيح هالكلاام ؟؟. << اقصدد في كلياات خدمة المجتمع ..

sultan 76

2011- 11- 26, 09:03 PM

السلام عليكم ابي استفسر

انا نسبتي الثانويه 69

اقد انقبل

موظبه وسلوك كلو ميه ميه

وقدرات 65

ومتى يفتح التسجيل السنه الجديده 1433

ذعار نيوتن

2012- 6- 30, 12:32 AM

هل الموضوع جديد ام من العام الماضي ..

واذا كان جديد ... انا سجلت الان ولكن ماوصلني اسم المستخدم وكلمه المرور .. لمتابعه الطلب ..

ارجو المساعده من الاخوان .