تسجيل الدخول

مشاهدة النسخة كاملة : مساعدة من طالبات كلية الطب ؟؟؟؟

dr-sh
2011- 8- 6, 05:52 PM
الحمد لله أنا انقبلت في كلية الطب و مبرررروك لكل المقبولين :53:

بس حبيت أستفسر عن نظام الدراسة في الجامعة ؟

ودراسة اللغة الإنجليزية كيف راح تكون ؟ يعني راح تكون على ليفلات ؟ لأن مستواي في اللغة متوسط ؟

و أبغي نصائح من إلي حصلوا على معدل فوق 3 في المواد العلمية (كيمياء و فيزياء و أحياء ) ؟

وبشكل عاام هل الدراسة سهلة لو صعبة ؟

أتمنى من الطالبات العام الماضي يجابوني حتي أستفدي أنا وغيري :000:

والله يوفق الجميع يآآآآرب :smile:
Spirit
2011- 8- 7, 01:28 AM
الف مبروك القبول :)

بالنسبة للانجلش مافيه ليفيلات .. اتوقع بس كلية الحاسب هم الوحيدين اللي اختبروا تحديد مستوى السنة اللي راحت .. والله أعلم ..

وبتدرسوه ان شاء الله في السمسترين

عبارة عن : reading - writing - grammar -listening

المعدل للمواد العملية تقدري تجيبي +3 :)..

على سنتنا كل البنات قدروا يجيبوه :)

الدراسة سهلة بس لازم ما تهملي ..يعني اللي يهمل بيأثر على معدله ..وهالمعدل بيمشي معاكم لآخر سنة :)

فشدوا حيلكم وجيبوا معدلات حلوه لأنها تعتبر اسهل سنة :)

بالتوفيق :)
dr-sh
2011- 8- 12, 12:36 AM
Spirit مشكوورة وااجد بس حبيت إنك تتكلمي لي أكثر عن المواد و الدراسة ؟

و كيف طريقة حساب المعدل العام ؟
Spirit
2011- 8- 13, 03:51 AM
العفو ^^

الحاسب
بيقسموكم قسمين ..كل قسم بياخذ الكورس في سمستر واحد .. ساعة في الاسبوع
بسيط وتقدري تاخذي A+ بسهولة ..بس في الاكسل ساعات يعلق ويجيب المرض ><
بتدرسوا : وورد + اكسل + بوربوينت
يكون فيه 2 homework و برزينتيشن في البوربوينت

عدد الساعات : ساعة

الاسلامك :

ساعتين في الاسبوع
السمستر الاول الثقافة الاسلامية .. والثاني العقيدة والاخلاق ولكل سمستر جزء من القرآن ..
الاول اصعب من الثاني في المذاكرة ><
واحرصوا انكم تحفظوا القرآن في اول الاسابيع ..لأن بعدين بيكون عليكم ضغط من الاختبارات
ويعتبر مادتين

عدد الساعات: ساعتين لكل سمستر

البايو:

3 محاضرات و لاب في الاسبوع
نفس منهج ثانوي بس مترجم
بتواجهوا صعوبة في البداية و مصطلحات واجد ما تعروفوها بس بعدين بتتعودوا
لازم على الأقل تقرأوا المحاضرة وتترجموا
لأن اذا راكمتوا بتتعبوا بعدين

واللاب غالبا الاختبار على ميكرو سلايدز ومجسمات وأحياناً تجيب رسمات ومطلوب اسم المشار اليه

عدد الساعات : 8 ساعات

الكمستري

محاضرتين ولاب في الاسبوع

السمستر الاول جينيرال .. والثاني اورقانيك

بعض الدكاترة يعطوكم نوت والبعض يكتب على السبورة

مادة جميلة و اللاب حقها اجمل <3

بس النص الثاني يحتاج مذاكرة اول باول :)

و اللاب تدخلوا في الاختبار النهائي بالنوت فاحرصوا انكم تكتبوا الخطوات مع الدكتورة

عدد الساعات 6 ساعات

الفزيكس

محاضرتين ولاب
المواضيع ما تتعمقوا فيها واجد .. المتجهات الطاقة الحرارة النوعية ..ألخ

يعني زي ثانوي بعد بس مو كل شي ^^

اللاب : كل لاب تشرح لكم التجربة تقريباً في ربع ساعة واحيانا اكثر او اقل على حسب التجربة
بعضهم يكون كلها نظري يعني تعطيكم ارقام وتقول لكم حلوا الورك شيت وتعالوا اصحح ليكم

الكويز يكون نظري بس حسابات و رسم بياني احياناً على حسب التجربة

الفاينل اكثر التجارب عملي (خصوصاً السمستر الأول )
بس السمستر الثاني فيه 3 تجارب نظري والباقي عملي < على ما اذكر
بس كل التجارب تجي في الاختبار !
وانصحكم تكتبوا خطوات العمل وانتوا تسووا التجربة :)

عدد الساعات :6 ساعات

الانجلش : عليه 6 ساعات
توزيع الدرجات :
Reading 150
grammar 100
writing 100
Listening 50

وفي النهاية يكون المعدل ليهم كلهم جميع (يعني يسووا معادلة خاصة عشان يطلعوا درجته )

بالنسبة للريدنق : امم قطع و ورد-ستدي و ميديكال تيرمز
الاختبارات الدورية يفصلوا القطع عن الورد ستدي و الميديكال تيرمز كل واحد في اختبار غالباً

النهائي يكون 2-3 برغرافات + ورد ستدي + ميديكال تيرمز

القرمر : زي المدرسة

الرايتنغ : تكتبوا مواضيع وتصلحهم لكم الدكتورة

اللسننغ : بس تسمعوا وتكتبوا اختصارات و فيه وصف لمحلات +الساعة .. الخ والنصف الثاني كان تسمعوا قطعة و تكتبوها بعدين تعطيكم اسئلة عليها وكان المنهج قصير في السمستر الثاني فضافت عليه برزنتيشنات

اي سؤال لا يردكم شي :)

بالتوفيق ^^
dr-sh
2011- 8- 15, 09:34 PM
Spirit شكراً لك من أعماقي قلبي على هذا المجهود و لك كل الدعاء بالنجاح والتوفيق

و أشوفك أكبر دكتووووورة متخرجة من جامعتنا المحترمة :love080:
Dr.Ghadeer
2011- 8- 21, 01:48 AM
شكرا Spirit ع الشرح الحلو عن المواد

حبيت أسأل عن اللاب كوت اللي راح نلبسه في اللاب
حنا نحتاجه من أول سمستر ؟ و عادي لو سويته من أحين و لا لازم نتقيد بشكل معين له ؟
Spirit
2011- 8- 21, 04:44 AM
العـــفو <3<3

امم اللاب كوت تحتاجوه من بداية الدراسة يعني تقريباً ثالث اسبوع تبدأوا لابات ^^

لا ما في شكل معين ^^

بالتوفيق :)
Spirit
2011- 8- 21, 04:50 AM
بالنسبة للمعدل <سوري توني انتبه :$

العام = [ (المعدل للمادة 1 × عدد الساعات) + (المعدل للمادة 2 × عدد الساعات) + ...] ÷ مجموع عدد الساعات

والمعدل المشروط [ ( معدل البايو × 8 ) + ( معدل الفزكس × 6 ) + (معدل الكمستري × 6 ) ] ÷ 20
Fanar
2011- 8- 21, 05:32 PM
السلام عليكم
عذرا بنات - بدخل فيكم !!!!!
عندي استفسار عن كلية الطب اذا فيها نظام الموازي هالسنة ؟؟؟؟
خاصة أني خريجة قديمة و متخرجة بتخصص رياضيات ! لكن مازالت رغبتي بالطب قوية ولاهي حاصلة !!
واتمناها من جامعة حكومية
ياليت احد يفيدني
موفقين جميعا يارب
Spirit
2011- 8- 23, 03:24 PM
و عليكم السلام ورحمة الله وبركاته

امم اللي اعرفه انه موقف وهذي السنة الرابعة !

والله اعلم ..

بالتوفيق..
Dr.Ghadeer
2011- 9- 2, 09:43 PM
سؤال ثاني :mh318:

بالنسبه لأول اسبوع ناويه اصير نظاميه و البس كم او ثلاث أرباع
بس يصير بعدين نلبس ربع كم ؟
TheBaroness
2011- 9- 3, 09:45 PM
مشكورة Spirit على المعلومات :53:
الله يوفقك ويوفقنا 
Spirit
2011- 9- 6, 01:38 AM
سؤال ثاني :mh318:

بالنسبه لأول اسبوع ناويه اصير نظاميه و البس كم او ثلاث أرباع
بس يصير بعدين نلبس ربع كم ؟
صراحة :(269):
اني نص لبسي -او اكثر من النص- ربع كم ولا مرة قالوا لي شي :biggrin:


TheBaroness

العفو <3
آمين يارب :)