ايش رايكم بطب الطوارء للبنت ؟؟ [الأرشيف] - ملتقى طلاب وطالبات جامعة الملك فيصل,جامعة الدمام

د ليان

2011- 8- 11, 02:21 AM

السلام عليكم ورحمة الله وبركاته انا من بنات الصيدله اللي

انصدمو صدددددددددمه كبيره اليوم حسبي الله ونعم الوكيل الله يمهل ولا يهمل حسبي الله اتوقع من

السنه اللي فاتت مسوين كذبه علينا وقالو خلنا نكسبهم بالسنه التحضيريه وبعدين نقلعهم حسبي

الله ونعم الوكيل المهم انا مادري احول لاي تخصص ايش رايكم بطب الطوارء وهالتخصص اللي كنت

حاطه عليه اكس انا بدرسه عشان اكمل عليه طب بشري ايش رايكم اقدر اكمل طب بشري بعده

وكم سنه او اقدر اكمل بعده بتخصص من تخصصات الطب بليييييييييييييييز ساعدوني معاي مهله

ليوم السبت وايش رايكم بكلية المانع شفتها مو معتمده واخاف اسجل ومايعتمدونها ابدا واذا احد

عنده فكره عن نوع الصيدله بالمانع اكلينيكيه ولا لا وكم رسومهم افيدوني وفقكم الله وسدد

خطايا وخطاكم بدعي للي بساعدوني بظهر الغيب:Cry111:

Eva ~

2011- 8- 11, 02:35 AM

آمممم

الله يكون بعونكم يارب ويبرد قلوبكم

شوفي اختي انا احس وبما ان الصيدلة قفلوها

عندهم مختبرات واشعة / لأن التمريض احس الي كانت رغبتها صيدلة بعيدة تغير لتمريض
لانها تبي شي يشبة الصيدلة سوا بالشغل او او ..الخ

لذالك اشوف المختبرات بديل حلو للصيدلة .. وفي الاشعة بعد حلوو

ادارة صحية وظايفها قليلة جدا وماحسها تخصص يختص بالطب كثير

وطب طوارئ ينفع للي معها قلب رجال .. وتتحمل بس

المانع انا سمعت ان شهادتها قوية .. ولكن بعد التخرج تكون قوية بالتوظيف بمستشفى المانع بس .. يعني اذا سجلتي فيها مستشفى ثاني مش معتمدة كثير

هذا الي سمعت والعلم عند الله

عندك كذا خيار .. استخيري والله يوفقكم جميع يارب

:106:

لصقة جونسون

2011- 8- 11, 02:40 AM

الله يعينكم ياصيدلانيات ويصبر قلوبكم
كلام ايفا صحيح اقرب شي مختبرات وبالنهايه هذا قرارك

بالتوفيق

هدوء البنفسج

2011- 8- 11, 03:20 AM

اهلين حبيبتي

سمعي اولا تخصص طب طوارئ لقلوبهم قوويه
وبما انج حطيتي من البداية عليه اكس ليش تمسحين الاكس
لانه حتى بالتدريب تعب وبصراحة الناس اللي تدخله قوية

فيه تخصصات ثانية بالكلية
مثل اقرب لنا احنا المختبرات
واذا تحبين اشعة لانه فيه شغل
والتمريض او ادارة

وبالنسبة للمانع معتمدة يا اختي انا دخلت موقع الوزارة وشفتها معتمدة وشي اكيد بتتوظفين عندهم

اذا للحين بودك صيدلة كملي بكلية ثانية

بالنسبة لطب بشري ما اتوقع
كأني مرة قريت انج بتكملين على نفس التخصص مدري والله ما افيدج بالهخصوص

ولازم تسرعين ياقلبي
وتحددين اقري عن كل التخصصات

تاج حيدر

2011- 8- 11, 03:20 AM

د ليان
الصيدلة إلي في المانع اكلينيكية وبـ 60 الف في السنة :(269):
وعلى فكرة مو بس طب الطوارئ تقدرين تكملين عليه طب ترى حتى المختبرات والتمريض
بس الأشعة والأدارة الصحية مااتوقع
وبحسب علمي ان العلوم الطبية لما بتكملين علي طب تدرسين اربع سنوات
آقتراح دليان
ليش ما تتفقي مع صديقاتك وتروحون الرياض ادري انها غربة بس انتوا رآح تخففوا على بعض
وبالنسبة لي انا اشوف في فرق بين الصيدلة والمختبرات صحيح مو كبير بس يفرق إذا الواحد يميل لشي معين
لأن الصيدلة تركز على الكيمياء اكثر والمختبرات تركز على الكيمياء الحيوية أكثر
وإذا تبي تعرفي أكثر عن المختبرات ادخلي منتديات مختبرات العرب وشوفي يمكن يناسب ميولك او لا
موفقة ياعمري حاسة بشعورش واتمنى لكم التوفيق وعسى ان تكرهو شيئاً وهو خيراً لكم

انسان أنا

2011- 8- 11, 03:49 AM

جميع تخصصات العلوم الطبية تستطيع بعدها تواصل طب

بل أن في بعض الدول كأمريكا وكندا وهولندا وغيرها ما تقدر تكمل طب إلا أول يكون عند شهادة في مجال صحي وطبي (اي تخصص من تخصصات العلوم الطبية)

د ليان

2011- 8- 11, 03:56 AM

الرياض كل بنات الصيدله ماحد فيهم بروح الرياض يقولون الغربه صعععععبه وهم صادقين اي والله انا ماتحمل انام عند ناس يوم الا ارجع البيت زي المجنونه ابي اهلي :Cry111: انا اكره الرياض ثقيلة دم وخلاص راح ادرس بكلية المانع صيدله اكلينيكيه ماتخيل نفسي طوارء ماينفع للبنت ابدا تخيلو فالمستقبل تكونين حامل وشغلك طوارء يالله سترك عذااااااااب :000: وتعذيب الالالا فديت الصيدله فديتها

تاج حيدر

2011- 8- 11, 04:02 AM

د ليان ...موفقة قلبو

انسان أنا

2011- 8- 11, 04:12 AM

للعلم كلية المانع مو داخلة في منح وزارة التعليم العالي

TŗµSţ ¥ôµ

2011- 8- 11, 04:43 AM

اولا يا اختي اذا سجلتي بكلية الغد السنة الماضيه ماكان في شي اسمة صيدلة الا كانت اضحوكة من قبل الموظفه

ثانيا مستحيل اي تخصص علوم طبيه سواء ( طب طواري - اشعة - مختبرات - تمريض ) انه بعد التخرج انه يكمل طب
لكن هناك ماجستير ودكتوراه ولا يروح طبيب بشري

ثالثا
موضوع ان مواقف شنيعه او تخوف كلها التخصصات لازم لها قلب
طب الطواري اول موقف كصدمة
اشعه كسور ويمكن يكون العظم طالع برى الجسم
مختبرات تعرفون اللي فيها وخطورتها
تمريض نفس المشكلة

وشكرا

هدوء البنفسج

2011- 8- 11, 05:21 AM

^^
بالنسبة للمواقف الشنيعة تكون متدرجة
يعني انا اشوف كسور ورم من خلال الصورة
اما اني اشوف واحد متقطع او محترق او ميت قبالي
لا ياخوي فيه اختلاف كبير
طب طوارئ يعني شغلته صعبة بالنسبة لي وخاصة اللي داخلين الصيدلة
ما نتحمل
وانا شفت تدريبهم في الكلية مرة والله بغيت اموت من الخوف شفت بنت صابغة بالاحمر
عشان التدريب ومسكينة تقولي لا تخافين لا تخافين انا رجولي ترجف كنت بروح فيها لاني ماادري
ولما دريت انه تدريب ارتحت
لو انه ع الحقيقة يمكن تصلون علي في المقبرة

جد يعني انتوا شغلتكم تخوف ويبي لها قلب قلب قوي

وبالنسبة لاضحوكة من الموظفة ليش ماقلت خداع وتزوير من الكلية نفسها
تدري اهم قالوا لي احنا فاتحينه عشانكم
انا مايمشي هالكلام عشانا انا ابي اعتماد يعني الغلط عليهم والمفروض يتحملون المسؤولية

بس بسألك
شنو خطورة المختبرات ؟؟!

عشان يمكن بعد احول للمانع وافك عمري

د ليان

2011- 8- 11, 06:58 AM

الاضحوكه من الكليه مو من الموظفه بس في رب عالمين ياخذ لنا حقنا ولو بعد 100 سنه ولو في يوم الحساب حقنا بناخذه يعني بناخذه الله لايحللهم والمختبرات خطورته انه ممكن تنعدي من العينات ياحبيبتي هدوء البنفسج الله يسترك يارب وانا بسجل صيدله ان شاء الله فالمانع وانصحك تعالي سجلي معاي يعني كلها سنه سنتين وتخش فالمنح لان المانع السنه اللي فاتت كانت خاشه فالمنح وغير عن كذا التخصص معتمد ولله الحمد والمنه والصيدله اكلينيكيه الحمد لله بستخير وبسجل فيها :love080:

♥ ms.laborator

2011- 8- 11, 08:07 AM

كل المجالات الصحية لها خطورات

و المختبرات لو تعاملت مع العينات بطريقة صحيحه مابيصيبها اي ضرر << تخصص المستقبل :hhheeeart4::love080:

اني كنت محتاره بين الاشعه والمختبرات
بس خوفوني من الاشعه ان بتعرض لها ولو بشكل بسيط بتضرني !!

_________________________________

بالنسبه للصيدله في المانع في على الموارد
مطلوب النسبه الثانويه فوق الـ 90 % والقدرات والتحصيلي ماادري كم

تاج حيدر

2011- 8- 11, 11:06 AM

تست يوم
لفتة بسيطة بس
ترى المختبرات في خطوات احترازية كثيرة
بس طب الطوارئ ممكن تعالج واحد ماتدري وش فيه اصلاً ولا بآمكانك تسأل حزتها يطلع لك وآحد معه امراض معدية
يعديك :biggrin:
..
المهم هدوء إذا جتك فرصة تسجلي في المانع وانتي ضامنة انك رآح تحولي على الموارد واهلك قابلين بالهشي
سجلي ..حلو ان الواحد يتمسك بحلمه

هدوء البنفسج

2011- 8- 11, 02:41 PM

الموراد
لخريجات الثانوية فقط
ومستحيل اعيد السنة التحضيرية عشان الموارد :icon9:

المانع حبيبتي العام ماشفتها في المنح
مدري يمكن يدخلونها
وانا حاليا ماني برايحة للدمام وبعطين اطقها مشوار للخبر
وبما انه على حسابي يمكن اغير في بداية السنة مدري والله

والمختبرات انا سمعت عنها يعني عن الامراض وخطورته
بس كل التخصصات يعني الاشعة والتمريض والطوارئ يمكن حتى الصيدلة
وحتى الطب فيه خطورة

واللي يتكل على الله و يهتم بنفسه وبالارشادات ان شاء الله ما يجيه شي

انسان أنا

2011- 8- 11, 05:29 PM

ثانيا مستحيل اي تخصص علوم طبيه سواء ( طب طواري - اشعة - مختبرات - تمريض ) انه بعد التخرج انه يكمل طب
لكن هناك ماجستير ودكتوراه ولا يروح طبيب بشري

وشكرا

عفوا ... شنو المستحيل؟

يريد يكمل ماجستير ودكتوراه في مجاله يقدر
وإذا يريد يروح ويدرس طب يقدر ...

د ليان

2011- 8- 12, 12:25 AM

صحيح يقدر انا ابوي قال لي بيدفع اللي انا اطمح له واحلم فيه حتا لو مية الف وراح اسجل بالمانع صيدله اكلينيكيه بستين الف والله يعين

لصقة جونسون

2011- 8- 12, 12:27 AM

د\ليان انا ابوي مثلك بس اهم شي عنده اني مااتحرك برا الشرررقيه هع هع
بس التجسير مافي الا بهذي الكليه وش نسوي :Cry111:

في انتظار المنح

2011- 8- 12, 03:08 AM

لا تخوفوونى من طب الطوارئ انا سجلت دي السنة وحدرس ان شاء الله
انا صراحتن مبسووطة من داا التخصص وحاابتو مررا
كيداا احب الشغل والفرفرة والاكشن <<تحمسست
بس عندي سوال ؟؟ دحين كم ادنى حد للراتب
وهل هياا مضمون مستقبلها الوظيفي ؟؟
وانا من دحين بديت اتدرب اشوف مقاطع عمليات في اليوتيوب وكيداا
مسجلة هدى السنة في كلية الغد الدولية بجدة قسم طب طوارئ :33_asmilies-com:
اليوم لمن خلصت الكشف الطبي سالت الدكتوور
قالى طب طورائ يعنى تسيري
ممرضة في الطورائ :71:
انا مااباا اكون ممرضة واهلى مررا قالى لى ادخلى اي شئ بس تمريض لا
فاابلييز قولى لى ازاا ممرضة يسير احوول قبل ماادرس
ادخل مختبرات
حسيت الدكتوور مو موثوق في كلاموو لانو يقول الاشعة احسن لك وانا عارفة الاشعة مو مضمونة :064:
افيدوونى

هدوء البنفسج

2011- 8- 12, 03:57 AM

مو مشكلة الفلوووس
بس انا ماابي
ولا كيف دخلت في كليتنا الموقرة وانا ادري مافيها منح وقلت بكمل على حسابي
انا يمكن احول بعد رمضان اما في رمضان مرح اتحرك
تعبت
بس بشووف شنو الافضل بين المختبرات والاشعة << رجعنا لطير يلي :biggrin:

وربي يوفقج د/ ليان

د ليان

2011- 8- 12, 07:43 AM

والله هدوء البنفسج المانع معتمده وشفت اسمها بموقع الوزاره اذا تبين اعطيك الرابط
ومادري يكف بتحولين من صيدله لاشعه ومختبرات احس شتان بس الخيره فيما اختاره الله الله يوفقك

لصقة جونسن اي والله صدقتي انا جاتني بعثه لالمانيا وابوي مارضا والرياض اكرها شسوي مالنا غير الشرقيه وهل القلب يعشق بلد غير الشرقيه فديتها