السنة التحضيــرية حياااكم طالبات السنه التحضريه هنا [الأرشيف] - ملتقى طلاب وطالبات جامعة الملك فيصل,جامعة الدمام

روح الحس

2011- 8- 11, 05:50 AM

أخواتي العسولات المقبولات بجامعتنا العزيزه لعام 2011 ولكمووووا فيكم وويالله حيااااه:53:
أنا قررت أنزل هذا الموضوع لغايه وهي مساعده طالبات السنه التحضريه معنوياً ونفسياً للتكيف مع طبيعه المرحله اللي منتقلين إليها ألا وهي الجامعه صحيح الوضع سام هاو فري لكن من حيث الدراسه صدقوني يبله جهد وإراده لأنه الوضع مختلف ميه بالميه عن المدرسه المعلمه في المدرسه كانت هي إللي تلاحقكم عشان تقول لكم ترى بكره في أختبار الجامعه اما في الجامعه الوضع يختلف الكتواره تحط رجل ع رجل وأنتي إلحقي وراها ولا في ساعات مكتبيه محدده لها بالمختصر المفيد هنا في جامعتنا ستعاملون ككبار ذوي مسؤليه وفرصك ستكون قليله لذا سيتوقع منك تحمل المسؤليه والواجبات بدافع ذاتي,وتحمل النتايج والعواقب تبعاً لذلك , ستكوني مسؤله عن قراراتك وأفعالك وطبيعه حياتك ,ولكنك ستكونين محاسبه عن تصرفاتك وردود فعلك.....
لذا حاولي تركزي أختي ع الهدف إللي بذلتي جهد عشان توصلين للمرحله هاذي ألا وهو دراستك..
حبيباتي ضيعتكم معاااي ساعه فصحى وساعه عاميه المهم تحاملوني
وش رأيكم تكون هذه صفحه خاصه فيكم وللكل أستفسراتكم وكثير من الأمور إللي حابه أقولكم عنهاخصوصاً أني أنحطيت بموقفكم وتعرضت لمواقف ماودي تنحطون فيها لان بطبيعه الحال حياتك الجامعيه لأزم تتعرضين لحالات واقعيه من الفشل والنجاح .....
الموضوع حلووو وراح نستانس ونفش خلقنا فيه نبدا من بكره أول صفحه ياليت تدخلون تعرفون عن حالكم .......... ع فكره الموضوع للجادات فقط وإللي يهمهم النجاح في مستقبلهم الجامعي لذا أي موضوع يخص الموضه أرجوا أستبعاده هناك مواضيع تهتم بهل الأشياء وسلام

c!nema

2011- 8- 11, 05:58 AM

-

الله يوفقكم :biggrin:

واي مساعده او سؤال اعرف اجابته ماراح ابخل فيها :(204):

حكآية مشآعر..

2011- 8- 11, 06:09 AM

اي والله تعرضنا لمواقف ماننحسد عليها :71:
انا ماتعودت على الكليه الا السمستر الثاني <<<زين تعودتي بعد :(269):

برنسيسه جامعيه

2011- 8- 11, 06:47 AM

هلا والله بخواااتنااا التحضيرريااات <<<الي يشووفهااا يقوول تخصصت :(269):

السنه التحضيريييه يبيله شده حيييل شوووي
طبعاا اوول مااداااوموون بيصييبكم احباااط شوووي خصوووصااا ساالفه الجداووول بعدييين القااعااات واحيااناا يغيرروون الاسااتذه ولاا القاااعه :017:

بس لمنن تتعوودوون راااح يصييير كل شي سهلللل وحلووووو مع الوووقت :biggrin:

بالتوووفييق لكمووو وفاالكم اكوووس معدل :106:

*Oni.K*

2011- 8- 11, 08:11 AM

ارحبووو بخواتنا الصغاااار

مثثل مااقالو الصبايا رااح يجيكم احبااط ورااح يتغير عليكم الجوو
كل شيء بيصير غير المحاضره لا تاخرتي عليها خمس دقايق يعني غايبه طبعا الا من رحم ربي من الدكاتره والمعيدات
مااراح تتعودي على جو الكليه الا الترم 2 لانوو كذا خذيتي معلومه عن الكليه
شسممة يعني حااولوا قدد ماتقدروون تفهموون ع الدكتوره بالمحااضره لانوو البشرح مابينعااد مرتين
والكلالاس مابيكوون نفسووه لا كل محااضره بقااعه وماشاء الله باليوووم الوااحد بتسووووين رياااااضه تخفييين منهاا

واي استفسااار انا جاااهزهه:love080:

روح الحس

2011- 8- 11, 12:27 PM

فديت إللي منورين موضوعنا clnema,حكآيه مشاعر,برنسيسه جامعيه,ساحبه ع الدنيا
نورتونا صراحه يعجبني التفاعل إللي كذا
((جميل أن يكون لك تجاربك الخاصه لتشارك فيها الأخرين,والأجمل أن تعلمهم أين الصواب وأين الخطأ لتساعدهم ع تفادي الأخطاء التي أن وقعت بها مسبقاً فما الذي يحفزك ع ذلك ورغبتك الدائمه في تقديم الخير والمشوره للأخرين فافي النهايه أنت أنسان خسر))

روح الحس

2011- 8- 11, 01:00 PM

بنات السنه التحضريه وش توقعاتكم من المرحله الجامعيه يعني وش هو المقصود بكلامي بحالات من الفشل إللي ذكرتها في مقدمه الموضوع أتمنه تسدحوها هنا ياحلويين راح يكون بدايه صفحتنا بنات التخصص أتمنه تشركونا وتتحفونا بتجاربكم.....

مشاعر رقيقه

2011- 8- 11, 03:07 PM

هلا فيكم بنات

شنو سالفة الجداول والقاعات :mh12:

جامعية مقهورة

2011- 8- 11, 05:44 PM

يا عزيزتي سالفة الجداول و القاعات ان اول اسبوع دوام تروحين تدورين اسمك في قائمة الاسماء هم يعلقونها و تشوفين كم رقم شعبتك بعدين تستلمين الجدول بس ما اعرف من وين تاخذينه لان مالهم مكان محدد احنا السمستر الاول خذناه اعتقد من الشؤون و السمستر الثاني من دكاترة كانوا في مكان معين و انتي تروحين و تقولين لهم كم رقم شعبتك و تعطيك :24_asmilies-com: و ترا الجداول طول السمستر تتغير مو ثابته ممكن تتغير الدكتورة او الدكتور و تتغير القاعات
اما بالنسبة للقاعات الللللللللللللللله يكون في عونكم على الحوسه مرح تدلون المباني الا في السمستر الثاني او السنه اللي بعدها :lllolll:
والله لحس مخ
بس لا تتعقدون من كلامي و تخافون ترا عادي الوضع سهل و بتمشون و تتعودون ان شا الله
و ابشركم بتهسترون مع الجامعة و جوها :53::mh001: :hahahahahah::hahahahahah::hahahahahah: احلى شي يوم الاووف :33_asmilies-com:

بالتوفيق :(284):

آناستازيآ

2011- 8- 11, 07:30 PM

شوفو يا حبايبي :biggrin:

من اولها امشو صــــــــــح مع الدكاترة ,, مواد التحضيري سهله يمديك اذا شديتي على نفسك تجيبين معدل ممتاز
الحلو في التحضيري انك طول السمستر مع نفس الطالبات كأنك في المدرسة وهذي فرصه حلوه لتكوين صداقات
الحياة الجامعية يغلب عليها طابع العمل الجماعي وروح الفريق ممكن تشتركون في بحث او واجب او عرض جماعي فنصيحتي لكم ألزقو بالشطار واشتغلو معهم شغل جد لا يكرشونكم :mh35: وعلى قد التعب راح تلقون النتيجة الطيبه ان شاء الله ..
اظهري اهتمامك واثبتي نفسك حركة الطالبة الهادئة المؤدبة ماتمشي عليهم يا بابا :biggrin: اكثر من 50 بنت في الشعبة بيلحقو على مين ولا مين

نصائح عامة :hahahahahah:
1/ البسي شوز فلات مريح لانك عزيزتي طالبة التحضيري راح تاكلي هوا من المشي والكرف بين المباني
2/ عندنا قاعات ومدرجات لازم تفرقون بينهم (القاعة) داخل السيب في القسم و(المدرج) في الدوائر اللي برا القسم :biggrin: <<محتاسه منهم
3/ لا تشترون من مكاين القهوة اخر الدوام لانها راح تطلع لكم مويه حارة :biggrin:
4/ الكابتشينو بالبندق لذيذ جربوه http://vb.eqla3.com/images/smilies/n/sm5.gif
وشكرا :106:

شرايط ورديه

2011- 8- 11, 07:36 PM

ياكرهي للتحضيرري:017:

مشاعر رقيقه

2011- 8- 11, 07:53 PM

مشكوررين على ردكم :mh318:

طيب ممكن تقولون لي شنو عندنا من مواد تحضريه وفي رياضيات للادبي ما احب الرياضيات بس:Cry111:

مشاعر رقيقه

2011- 8- 11, 08:06 PM

وياليت بعد تعلموني شنو نظام البانر ومن وين اطلع (الرقم الأكاديمي) :mh318:

اعذروني على كثر اسئلتي واستفساراتي ما عندي غيركم :mh318:

miss.R.N

2011- 8- 11, 08:15 PM

الله يوفقكم..

بالنسبة للرياضيات مآفي.. بس السمستر الثاني عندكم مادة احصاء حلوة بس يبيلهآ..

اما البنر فخلآص صار عندنا بيبول سوفت...
وانتوا ماتحتاجونه جداولكم بتاخذونهآ جاهزه...

واخييرآ الرقم الاكاديمي انا اخذته من الشؤون العآم:love080:

مشاعر رقيقه

2011- 8- 11, 08:41 PM

مشكوووووووووووووووووور حبيبتي ريحتيني الله يريحك :smile:

جامعية مقهورة

2011- 8- 11, 08:49 PM

مواد التحضيري السمستر الاول
فقه السيرة
ثقافة اسلامية
صحة و اللياقة
نحو تطبيقي 1
تحرير عربي
انجليزي عام
مبادئ ادارة
مهارات تعلم و التفكير او علم اجتماع وحدة منهم تدروسنا الترم الاول و الثانية الترم الثاني
مدخل الى تقنية معلومات << حاسب

مواد السمستر الثاني
احصاء
نحو تطبيقي 2
قراءة و محادثة
تذوق ادبي
تلاوة و تجويد
انجليزي قراءة
انجليزي كتابة
برامج المكتبية < حاسب عملي

:d5:

مشاعر رقيقه

2011- 8- 11, 08:51 PM

يسلمؤؤؤؤؤؤؤؤؤؤ يا جامعية مقهورة :mh318:

جامعية مقهورة

2011- 8- 11, 09:11 PM

ولو خيتو :love080:
:biggrin:

إسراء الجهني

2011- 8- 11, 10:37 PM

انا جاني قبول في كلية الآداب سنه تحضيرية

بس ماعرف نظام اللبس..

لون التنوره؟ ايش البلوزه؟ وهل عباية الكتف مسموحه ولا لا؟

شكراً

.. أميـــ بطبعي ـــرهـ ..

2011- 8- 11, 10:50 PM

اهلين خيتو
بالنسبه للتنوره لونها يكون اسود
وعادي تكون ميدي بس موالقصير لا اللي اقصر من الطويل بشوي
وبالنسبه للبلايز عااادي البسي اللي تبين
بس اهم شي ماتكون شفافه ولا مفتوحه من وراء ولا عريانه
وماتكون الوانها فاااااقعه
واقصر شي في الكم يكون نص
والله يجي اوقات البس جوبانيز ومايقولون شي خصوصا في بداية الدراسه
وحتى إذا لبستي يعني اذا شفتي امن انحاشي منهم >> ناااويه تخرب البنت :hahahahahah:
والعبايه عادي كتف مو لازم راس

اتمنى فدتك حبوبه واي سؤال انا حاضره

مشاعر رقيقه

2011- 8- 12, 12:43 AM

طيب مبنى الكليه كبييره مره يعني بنضيع فيها وفصول السنه التحضريه وين يكون فوق ولى تحت :(107):

احد يوصف لنا وين نروح اول ما نوصل للكليه :000:

شجن الروح

2011- 8- 12, 12:49 AM

مشآآعر اول ماتدخلين من الباب بوجهك امن يصرخون خخخخ
وريهم ورقه البريد عشان يدخلونك والا بيطردونك تجيبينها من البيت العلوم يروحون يمين والاداب يسار
وامشي مع البنات وبتدخلين للمبنى خخخخخ
والباقي مدري يحلها ربك مدري كيف عدت :biggrin:
انتظري ينزلون اسمائكم بتكون معلقه ومقسمه لشعب واستلمي جدولك ودآومي بااوقاتها:(269)::hahahahahah:

.. أميـــ بطبعي ـــرهـ ..

2011- 8- 12, 12:51 AM

والله الكليه اول ماتجيين بتحسينها كبيره
بس إذا تعودتي عليها وعرفتي مداخلها ومخارجها بتحسينها عااديه

لا ياعمري مافي شي اسمه فصول زي الثانوي
بتكون كل ماده في المبنى حقها
يعني إذا عندك انجلش بتكون في مبنى الانجلش
وإذا عليك نحو بيكون في مبنى اللغه العربيه

والمبنى عباره عن قاعات كل قاعه لها رقم ورقم قاعتك بيكون مكتوب عندك في جدولك

وفيه بعد يمكن تحضرون في مدرجات
وهي اكبر من القاعات يعني احتمال تجون اكثر من شعبه في محاضره وحده

واي سؤال او اي شي مافهمتيه انا بالخدمه

مووووفقه

مشاعر رقيقه

2011- 8- 12, 12:54 AM

تسلمين شجن الروح :mh318:
كل ما افكر بالكليه بطني يعورني :sdfgdsf:

اخاف ابتلش واروح بعيد عن فصلي واتعب وانا احووس :Cry111:

مشاعر رقيقه

2011- 8- 12, 12:56 AM

اميره اذا كلامك دووخني مبنى وقاعات ومدرجات اجل اشلون لو اروح للكليه :mh12:

تسوآ عيونــٌي

2011- 8- 12, 01:01 AM

مشاعر لااااااااا تخافين ابدأ . . . اسبوع او اسبوعين ب الكثير وراح تحفظين الكليه صممممم ,:d5:

.. أميـــ بطبعي ـــرهـ ..

2011- 8- 12, 01:05 AM

هههههههه
آآآآيه لاتخافين عادي بعدين بتتعودين
انا اول ماجيت كنت اروح المحاضره قبل بربع ساعه
لاني كنت اضيع من كثر المباني والمدرجات
بس بعدين يوم تعودت صررت اروحها بعد مايمر 5 دقايق من وقت المحاضره
واوقات 10 دقايق لان بعض الدكاتره يتاخروون

شجن الروح

2011- 8- 12, 01:05 AM

مششششششششاعر انا كنت نفسسك بس تعودت :biggrin:..
كنت افكر كيف بدخل مبنى اول مرة ولحالي خخخخخخخخ
واذا ع المباني احفظيها اخبر مبنى 61و62 الدور الثاني قسم جغرافيا و الدور الثالث عربي وقدامهم مدرج 66
و64 و65 الدور الاول انقلش والثاني دراسات والثالث تاريخ وقدامهم مدرج 68
وبين مدرج 66 و68 مدرج67

وش رايك بالقلبه :biggrin:
ههههههههههههههههه

.. أميـــ بطبعي ـــرهـ ..

2011- 8- 12, 01:09 AM

شجن الروح
مع اني انا اعرف الكليه
بس يوم قريت كلامك احس اني ضيعت :hahahahahah:<<< داااجه
عااد كيف هي والله بغمى عليها :71:

جامعية مقهورة

2011- 8- 12, 01:09 AM

مشاعر شرايك نتقابل اول اسبوع دراسة ادليك الكلية :lllolll:

تسوا انا حفظت الكلية بس تصدقين للحين ما اعرف التخصصات اي مبنى يعني مثلا تخصص تاريخ ما اعرف اي مبنى و اي دور بس اعرف ارقام المباني :hahahahahah::hahahahahah:
كنت ادخل محاظرتي بس على اساس رقم المبنى ولا حظفت حق اي تخصص :hhheeeart4:

.. أميـــ بطبعي ـــرهـ ..

2011- 8- 12, 01:12 AM

جامعيه مقهوره
انا نفسك اعرف بعضهم مو كلهم
يعني لو وحده تقولي ابي مبنى لغه عربيه بقولها مدري
بس إذا وحده قالتلي مبنى 62 عاادي بوديها
مع انه نفس المبنى هههههه

.. أميـــ بطبعي ـــرهـ ..

2011- 8- 12, 01:15 AM

مشاعر
اي والله تسوين فيها خير
شكلي اول يوم بجيب لافته
مكتوووب عليها مرشده
يعني اللي تضيع تقولي انا ادلها
ههههههه :hahahahahah:

مشاعر رقيقه

2011- 8- 12, 01:22 AM

جامعية مقهورة يلاه انا موافقه :cheese:

مشاعر رقيقه

2011- 8- 12, 01:25 AM

كلامكم ريحني الله يريحكم مثل ما ريحتوني :mh318:

اول ما ادخل بدور المرشده :53:

مشاعر رقيقه

2011- 8- 12, 01:25 AM

كلامكم ريحني الله يريحكم مثل ما ريحتوني :mh318:

اول ما ادخل بدور المرشده :53:

.. أميـــ بطبعي ـــرهـ ..

2011- 8- 12, 01:33 AM

ههههههههه
خلااااص بتحصليني عند البوابه مسنتره

مشاعر رقيقه

2011- 8- 12, 01:42 AM

مسنتره يعني اشلون :000:

.. أميـــ بطبعي ـــرهـ ..

2011- 8- 12, 01:51 AM

يعني رازه خشتي عند البوابه ههههههه :hahahahahah:
فهمتي ؟؟؟:(107):

مشاعر رقيقه

2011- 8- 12, 01:55 AM

فديييتج بس تقولين كذا وكانج الوحيد الي بتكونيين واقفه اهناك :biggrin:

.. أميـــ بطبعي ـــرهـ ..

2011- 8- 12, 01:58 AM

آآآآآيه يعني انا الوحيد اللي معها لافته
مكتووب فيها مرشده خخخخخخ

مااتفقنا ولا نسيتي

مشاعر رقيقه

2011- 8- 12, 02:03 AM

:hahahahahah: صح نسيت الافته :hahahahahah:

تسوآ عيونــٌي

2011- 8- 12, 02:13 AM

يا ا ا ا ا ا ا ا ا ا ا حلاتكم بس . . . :hahahahahah:

نور السمآ

2011- 8- 12, 02:23 AM

السلااام عليييكم ..
بنوتات انا انقبلت في كلية العلووم ،، وسمعت ان الباصات تبع الكلية مشتركة ...
حابة اسأل الحين الباصات ادا سجلت فيها توصلني عن باب البيت ولا في المنطق الي انآ فيهـآآ ؟؟؟
للمعلوميهـ أنآ من العوآآميهـ

ــــــــ
ويعطيكم العآآفيهـ

مشاعر رقيقه

2011- 8- 12, 02:26 AM

قولوا لي بعد عن كلية الاداب وكيف المعلمات فيها :g2:

تسوآ عيونــٌي

2011- 8- 12, 02:31 AM

هلا بك خيتو . . .اول شي مبروك ع القبول:106:
بخصوص اسألتك , صح اللي سمعتيه ان الباصات مشتركه بين الاداب والعلوم , الباص يوصلك لين باب بيتك. . . إلا اذا كان بيتك في شارع مايقدر يدخله الباص ف راح ينزلك عند اقرب شي لبيتك ,

آنسه مشاكل

2011- 8- 12, 02:33 AM

تسوآ عيونــٌي

2011- 8- 12, 02:35 AM

مشاااااعر الله يغربل ابليسك ياا بت . . .:hahahahahah::hahahahahah::hahahahahah:

خلااااااااااص انسي المعلمات الحين مافي الا دكاااتره . . . والدكاتره كثييييييييرييييييييييييييين يعني مو مثل المدرسه , كل ترم الدكاتره يتغيرون . . . فهمتي يا قلبي:biggrin:
ياحلات الننوسين:biggrin:

روح الحس

2011- 8- 12, 02:47 AM

بااااااااااااااااااااااااااااااااااااااااااااك

تسوآ عيونــٌي

2011- 8- 12, 02:49 AM

انسه مشاكل . . .
لا تخااااااافيييييين ابدآ . . . انتي تقدرين وبزيادة ماشالله عليك :d5:, كل المواد مع المذاكره بتكون سهله ,
بس اهم شي يكون معك دفتر عشان تكبين فيه الاشياء المهمه في المحاضره . . . اهم شي لكم يابنات التحضيري ان الترم الاول تشدون حيلكم فيه بقوووووة لانه راح يكون الاساس . . . يعني الترم الاول خليك حريصة وبزياااادة البحوث,حل الواجبات, الحضور للمحاضرات لان بعد عليه درجات ,

اما الاحصاء . . . كنت مرررة خايفة منه:mh12: كنت ما افهم شي ع الدكتورة بس يوم ذاكرتة شفته سهل , هو عبارة عن قوانين احفظيها وفي الاختبار تطبقينها بيكون معك آله حاسبه تسهل عليك ,
ترى القوانين سهله جدآ بس يبغالها تركيز عشان تفرقين بينهم . . .
والله يوفقك:d5:

مشاعر رقيقه

2011- 8- 12, 02:50 AM

طيب وش دراني ما فيها معلمات فيها دكاتره :mh318:
قاعده اتعلم منكم اشوي اشوي :hahahahahah:

آنسه مشاكل

2011- 8- 12, 02:52 AM

^

لببببى انتي تسسلمين ع الررررد

عادي اسجل المحاضرات والا ممنوع ؟

عشاان لما ارجع البيت ادقق ع كلام الدكتور او الدكتوره واخطط من الكتاب وكذا

وهم يعطونك الكتاب بكبره يحددون لك من صفحه لصفحه ؟

ويعلمونا طريقه الاسئله والا بس احفظي كل شي :(107):

مشاعر رقيقه

2011- 8- 12, 02:52 AM

ياربي اوووف ما احب الرياضيات والي يشبه :Cry111:
اثاري لحقني حتى لو انا قسم ادبي :017:

روح الحس

2011- 8- 12, 02:52 AM

لبه قلبهم بنات جامعتنا لا لا أسمحوا لي مايمديني ع التعاووون ياختتشييي :53:
حركات أميره بطبعي أشوف صرتي مرشده خلاص هذي مهمتك الأرشاد أوكييييييييييييييه عاااد أنا بشيل لافته بكتب فيها الاشراف عشان أشرف ع المرشده أخا يذبحها الحررر وتسحب ولا تجيها الأمن زهيرررر داااااخللللللل خخخخخ
قووود قيرلززززز يلا وش رايكم ندردش شوياااااااااات أنا وأنتووووا

احاسيس..

2011- 8- 12, 02:52 AM

بنات شلون اجيب درجااااات عاليه ف التحضيري يعني ابي اجيب 4 ونص صعب علي ولا لا:icon9:

انا جايبه بثالث ثانوي 96 .. صعب علي اجيب نسسبه عاليه زي الثانوي ؟ :icon9:

والاحصاء شلون الرياضيات فيها زي اول ثانوي والا اسهل <- عقدددددددددددتي الرياضيات :41jg:

حبيبتي اكيد تقدرين

اللي جابت 4 و5 مو احسن منك بشي

بس الفرق انهم حطوا ببالهم يبون التفوق

وانتي تقدرين اذا كسبتي دكتوراتك وحضرتي معهم واثبتي وجودك وشديتي حيلك بالاختبارات

وماعليك من اللي تقول مايصححون ويرسبون تراهم نصابات

شدي حيلك وتوكلي على الله

:love080:

نور السمآ

2011- 8- 12, 03:02 AM

مشكوورهـ تسوآ عيونُني ،،
يعطيك العآفية =)
بس يعني الباص كبير مرآآ ولا بحجم الميكروباص ؟؟
سوري ثقلت عليك :mh318:

تسوآ عيونــٌي

2011- 8- 12, 03:04 AM

.. أميـــ بطبعي ـــرهـ ..

2011- 8- 12, 03:05 AM

خلاااااص روح الحس
قدااااام انا المرشده وانتي المشرفه

وعادي بنسوي فيها نمون على الامن
إذا ذبحنا الحر بندخل غرفة الامن نتبرد << لابالله رحنا فيها ههههه

روح الحس

2011- 8- 12, 03:07 AM

بنات تحضري نصيحه خلوا بالكم من دراستكم لاحقين ع الدجه وأنتبهوا لاتسحبون ترى الغيابات كلها 3 أو 4
ع حسب الماده حاولوا تشاركون تقدمون نشاطات تنهون واجباتكم ولو بعضها ثقيل وأهم شي ذاكروووا أو بأول لا تجبون العيد لأن كتبكم موزي ثانوي ولا متوسط لا هذا كتاب دسم مليان معلومات لازم وقت عشان تحفظين من جد بنات ذاكروا أول بأول ولا تستحون من السؤال أو المشاركه أدري البنات واجد وتقريباً كلهم ماتعرفونهم بس عودوا نفسكم ع كسر حاجزز الحياء لأن مكانه مو في القاعه أخيراً حددي هدفك وتذكري كل شي محاسبه عليه وأنتي مسؤله عن نفسك .......

.. أميـــ بطبعي ـــرهـ ..

2011- 8- 12, 03:07 AM

مشكوورهـ تسوآ عيونُني ،،

يعطيك العآفية =)
بس يعني الباص كبير مرآآ ولا بحجم الميكروباص ؟؟

سوري ثقلت عليك :mh318:

حبيبتي شفتي باص العمال الاصفر هو نفسه
بس مكتوب عليها جامعة الدمام << يعني اني طوروها ههههه
خخخخخخخخخخ :hahahahahah: :hahahahahah: :hahahahahah: :hahahahahah: :hahahahahah:

تسوآ عيونــٌي

2011- 8- 12, 03:09 AM

ما هو المكروباص؟ . . .

ما اعرف شكله الصراحه:mh12:

الباص يا عزيزتي . . . فيه نوعين واحد جديد ويهبل ابيض وصغير ,
وواحد اصفر كبير وبعد مافيه مكيف:24_asmilies-com:
باصات الثانوي انسوها:71:

.. أميـــ بطبعي ـــرهـ ..

2011- 8- 12, 03:10 AM

التسجيل المحاضرات , , , مدري والله ماقد شفت وحده سوتها :(107):
شوفي الدكاتره بيتكلمون سااعتين في كل محاضرة ... كلام طويل وعريض في نفس الوقت , انتي اللي يهمك الزبدة بس , وعن التخطيط فيه دكاترة عسسسسل يخططون لك ويحذفون بعد ,,

بس تعالو اقول لكم سر:064:
اذا الدكاترة قالو لكم هذي الصفحة (قرآءة) اعرفو انها محذوفه . . . بس بطريقة مثقفة:064::lllolll:
مع الخبرة كشفنااااااهم:(284):
وفي دكاترة ابد ما يخططون , بس اذا عندك اختبار ادخلي منتدآنا الحبيب , ياااااا كثر ما ساعدني , فديتهم البنات وربي ما يقصرووون , يفزعون النشميااااات :mh001:
إيه والله انك صااادقه
إّذا قالت الدكتوره قراءه على طول اسفط الورقه واكتب عليها
محذوووووووووووووووووف << يعني اني ذكيييييه

.. أميـــ بطبعي ـــرهـ ..

2011- 8- 12, 03:12 AM

طيب بنات سؤال فيه وحده منكم في باص حكومي :(107):

تسوآ عيونــٌي

2011- 8- 12, 03:13 AM

امييييرة . . . الله يغربل ابلسيك جبتيييييها صح:hahahahahah:

روح الحس

2011- 8- 12, 03:14 AM

أذكررررا أول مادخلت الجامعه ماكنت أعرف أحد إلا بنات علاقتي معاهم سطحيه جداً وكنت أحس أني وحيده مقطوعه من شجره ياعيني تأثرت بمسلسلات رمضان المهم كان شعور كريه ماحسيت فيه صح إلا مع مرور الأيام علماً بأن صديقاتي شلتي العزيزه محد دخل معاااااي:Cry111:فكنت دائماً أمشي مع بنات مدرستي مع أن ماكنا صديقاااات فقط زميلات وتعمقت علاقتي معاهم وتعرفت ولكن تعلمت شي مهم حاولي ما تكثرين من الصديقااات لأن مو من صالحك العلاقات الكثيره إلا مالها سنععع صراحه وموأي وحده تتخذينه صديقه تعرفي عليها أحسن ماتنصدمين خذوها مني الموضوع بسيط ومنطقي ....yub yub

دعاء محمد

2011- 8- 12, 03:15 AM

طيب بنات كم الساعه نروح الكليه بخصوص اني اول يوم اداوم :Cry111:

تسوآ عيونــٌي

2011- 8- 12, 03:16 AM

نعم انا اروح باص حكومي اذا ما في احد يوصلني الكليه او يجيبني ,:bawling:

.. أميـــ بطبعي ـــرهـ ..

2011- 8- 12, 03:17 AM

امييييرة . . . الله يغربل ابلسيك جبتيييييها صح:hahahahahah:
هههههههه
اي والله اني صاااادقه
اخاف البنت تعيش في احلام ورديه وبعدين تنصدم
<<<< حلوووه احلام ورديه حشى مو باص صار عريس هههههه

نور السمآ

2011- 8- 12, 03:20 AM

أوبس >< اني افكر شي فخم ههههههههـ

طيب اهم شي انها من داخل مكيفة ومرييحة ؟؟؟

تسوآ عيونــٌي

2011- 8- 12, 03:20 AM

اول اسبوع ما اظن ان فيه محاضرات . . . لاني يوم داومت يمكن اعطونا الجداول يوم اربعاء او ثلاثاء
كنت اداوم ع الفاضي واللة :icon9:. . . من ثاني اسبوع تبدا المحاضرات
يعني اول يوم داومي ع كيفك , الساعه 7 , 8 , 9 عادي مافي شي مهم ,

.. أميـــ بطبعي ـــرهـ ..

2011- 8- 12, 03:21 AM

نعم انا اروح باص حكومي اذا ما في احد يوصلني الكليه او يجيبني ,:bawling:
طيب تتذكرين يوم عطونا ورقه قالو اكنبو اسمائكم والكليه اللي انتي فيها
واكتبوا رايكم في الباصات وإذا تبون غيرونها ووش السبب والتوقيع
وصاحب الباص قال اكتبو كل سلبيات الباص علشان يغيرونها لكم بسرعه
وبيجيبون لكم نفس باصات الامين
فإنشاء الله السنه الجايه يكونون غيروها<<<متأمله خيييير

دعاء محمد

2011- 8- 12, 03:22 AM

مشكوره اختي تسوا عيونك
جزاك الله خيرا :love080:

دعاء محمد

2011- 8- 12, 03:23 AM

ليه بنات في باصات حكوميه للكليه ؟
:mh12:

.. أميـــ بطبعي ـــرهـ ..

2011- 8- 12, 03:25 AM

أوبس >< اني افكر شي فخم ههههههههـ

طيب اهم شي انها من داخل مكيفة ومرييحة ؟؟؟

مكييفه مكيف رباني <<< فهمتيني صح مايحتاج اوضح
والله مو ذاك الراحه
يعيني شفتي باصات الثانوي القديمه الصفراء
تشوفين مقعد مكتوب عليه شعر
ومقعد مشلوووع الغلاف حقه
و.... و...... و....... الخ)

تسوآ عيونــٌي

2011- 8- 12, 03:25 AM

شوفي يا نور , انتي وحظك لو طلع الباص اللي يوصلك لبيتك الابيض , يااااهو بتتدلعين دلع :mh001: , مكيييف , ورآحة , والشبابيك مظلله ,

واما اذا كان الاصفر , الله يعينك بس ولاشي مما ذكرتة في اول كلامي:cheese:

ادعي من الحين انه يطلع لك الابيض:biggrin:

مشاعر رقيقه

2011- 8- 12, 03:25 AM

بنات يعني اول يوم نروح وناخذ الجدوال بس ما في محاضرات يعني اقعد احوس بالكليه كامل الين احفظها :33_asmilies-com:

.. أميـــ بطبعي ـــرهـ ..

2011- 8- 12, 03:26 AM

ليه بنات في باصات حكوميه للكليه ؟
:mh12:
آآآييييييه فيه باصات حكوميه

روح الحس

2011- 8- 12, 03:29 AM

دردشوووا معااااااااااااي ي ايااااااااااااااااااه أنتوا وباصاتكم ذي

.. أميـــ بطبعي ـــرهـ ..

2011- 8- 12, 03:31 AM

بنات يعني اول يوم نروح وناخذ الجدوال بس ما في محاضرات يعني اقعد احوس بالكليه كامل الين احفظها :33_asmilies-com:
أيييوه اول يوم مافي شي
احنا ماعطونا إلا يوم الاربعاء
جيييت اول يووم وماعطونا شي وثاني يوم وولا شي
بعديييين غبت الاثنين والثلاثاء
ويوم جيت الاربعاء عطونا الجداول
عااااد مدري انتو زينا ولا لا

.. أميـــ بطبعي ـــرهـ ..

2011- 8- 12, 03:32 AM

دردشوووا معااااااااااااي ي ايااااااااااااااااااه أنتوا وباصاتكم ذي

افااااااا عليك روح الحس
انا ادردش معاك انتي بس قولي سالفه

مشاعر رقيقه

2011- 8- 12, 03:34 AM

اجل ما بيعطونا جداول اجل نجي مع اورقة البريد وش نسووي :24_asmilies-com:

.. أميـــ بطبعي ـــرهـ ..

2011- 8- 12, 03:40 AM

اجل ما بيعطونا جداول اجل نجي مع اورقة البريد وش نسووي :24_asmilies-com:
حبيبتي ورقة البريد ماتدخليين الكليه إلا بها
إذا ماجبتيها بيسوون لك سالفه طويله عريضه وتعهد ومااعرف ايش
بتقعدون تدخلون بورقة البريد إلييين تطلعون بطااقه جامعيه

مشاعر رقيقه

2011- 8- 12, 03:43 AM

اشوى انك علمتيني ولى كان تركته بالبيت :Cry111:
مشكوره :mh318:

تسوآ عيونــٌي

2011- 8- 12, 03:44 AM

براحتك يا مشاعر لو تبين تداومين الثلاثاء والاربعاء داومي , لان المحاضرات ماراح بدا الا الاسبوع الثاني ,
وجدولك محد بياخذة غيييرك , لازم تعطينهم اثبات لشخصيتك ,
انا صارت لي سالفه:mh12: ورقة البريد حقتي مافيها اسمي , ورحت استلم جدولي قالو وين اسمك ؟
قلت مو موجود هنا . . . قالت مافي جدول لين تجيبين اثبات , كرت العائله او بطاقه الاحوال او بطاقه صراف ,
وجبت لهم واعطوني الجدول ,:mh318:

دعاء محمد

2011- 8- 12, 03:45 AM

حتى الجدول بيسون عليه سالفه ياليل ماطولك :24_asmilies-com:

.. أميـــ بطبعي ـــرهـ ..

2011- 8- 12, 03:45 AM

العفوووووو
والله انا نسيته اول يوم بس حااولنا فيهم ليين دخلونا
وقالو اخر مرررره

مشاعر رقيقه

2011- 8- 12, 03:48 AM

طيب بنات اشكبر الكليه يعني كم دور فيها كلية الاداب بس لو صار اني تاخرت على المحاضره لاني ضيعت بالكليه وش اسووي :mh12:

مشاعر رقيقه

2011- 8- 12, 03:49 AM

ابي اشوف الكليه من عيونكم ويوم ادخل الكليه ما احس دخلت مكان غريبه الا وانتم وصفتوني عنها :mh318:

ڣـۇڣـه

2011- 8- 12, 03:56 AM

اممم,, طييب الكليه ممن الدآخل برآد ولآ حررر:(107):<<<يمديكم ع سؤاال :cheese:

تسوآ عيونــٌي

2011- 8- 12, 03:56 AM

اقول لك حل
ادخلي قوقل واكتبي صور كليه الاداب با الدمام ,
واضغطي ع ايقونة الصور . . . وبتطلع لك صورها:d5:

تسوآ عيونــٌي

2011- 8- 12, 03:58 AM

من داااااخل , كآنك داخله القطب الشمالي :53: الصراحة باااردة , هذا احلى شي فيها , بس المشكله ان المكيفات يشغلونها بعد وقت الشتآء:(107): ليييييش ؟ مدري

مشاعر رقيقه

2011- 8- 12, 04:01 AM

لاتقولوون بس اجيب معي جاكيتي :hahahahahah:

تسوآ عيونــٌي

2011- 8- 12, 04:01 AM

من ناحية الحلى . . . فا كلية الادآب رآآآآآآآئعه , ياحلاتها بس:mh318: إذا درستو فيها بتعرفون كيف ,

تسوآ عيونــٌي

2011- 8- 12, 04:03 AM

اذا ما تحبين البرد جيبي معك احتياط ,:lllolll:

.. أميـــ بطبعي ـــرهـ ..

2011- 8- 12, 04:04 AM

يالله بناااااااات انا طالعه
ليييي بااااااااااك بكره انشاء الله

تسوآ عيونــٌي

2011- 8- 12, 04:06 AM

الله معك ياعسل:mh318:

مشاعر رقيقه

2011- 8- 12, 04:07 AM

مشكؤؤريين بنات جزاكم الله خير بصراحه استانست معكم مع اني اول
مره اسولف في منتدى :hahahahahah:

عرفت اشياء كثيير تسلمؤؤؤ:mh318:

تسوآ عيونــٌي

2011- 8- 12, 04:07 AM

ياااا بنات إي اسئله ثااانية ؟ انا تحت خدمتكم :d5:

تسوآ عيونــٌي

2011- 8- 12, 04:10 AM

فديتك مشاعر , حتى انا مثلك:mh318: اول مره اشارك في منتدى كنت بس زائره:biggrin:
اي شي ياقلبي محتارة فية ماعليك سوى الدخول الى منتدى كليتنا الجميله واسآلي اللي تبين وراح تلقين الفزعه وانا اختك:d5:

آنسه مشاكل

2011- 8- 12, 04:12 AM

التسجيل المحاضرات , , , مدري والله ماقد شفت وحده سوتها :(107):
شوفي الدكاتره بيتكلمون سااعتين في كل محاضرة ... كلام طويل وعريض في نفس الوقت , انتي اللي يهمك الزبدة بس , وعن التخطيط فيه دكاترة عسسسسل يخططون لك ويحذفون بعد ,,

بس تعالو اقول لكم سر:064:
اذا الدكاترة قالو لكم هذي الصفحة (قرآءة) اعرفو انها محذوفه . . . بس بطريقة مثقفة:064::lllolll:
مع الخبرة كشفنااااااهم:(284):
وفي دكاترة ابد ما يخططون , بس اذا عندك اختبار ادخلي منتدآنا الحبيب , ياااااا كثر ما ساعدني , فديتهم البنات وربي ما يقصرووون , يفزعون النشميااااات :mh001:

هههههههههههه اي سسالفه قراءه من الثانوي نعرفها :hahahahahah:

خصوصا ابله الجغررافيا تقول الصفحه ذي قراءه !

نقول يعني محذوف :(284):

تقول لاااااااااا انا اقول قراءه وبس :mad:

ونفططس ضحكك واحط على الصفحه اكس كبييير :lllolll:

والله بديت ارتاح من ناحيه المذاكرره خبرتس انتوا خرعتونا مو زي الثانوي مو زي الثانوي

مدري حتى شلون بذاكر اذا مو زي الثانوي :hahahahahah:

تسوآ عيونــٌي

2011- 8- 12, 04:17 AM

للمرة المليون اقول لم يا عزيزاتي . . .
لاااااااااااااا تخافون كل شي سهل وانتوا قدها وقدود :d5:, لا تخوفكم شوية كتب , :53:
الى الامام يا اسسسسدات ,>>(مؤنث اسود):hahahahahah:

مشاعر رقيقه

2011- 8- 12, 04:17 AM

يسلمؤؤؤؤ تسوآ عيونــٌي :mh318:

مشاعر رقيقه

2011- 8- 12, 04:19 AM

ياالله عن اذنكم بطلع اشووفكم على خير يا رب :wink:

انكسار

2011- 8- 12, 04:19 AM

انا من خريجآت العآم مو هآلسسنه وأحس مخي مقفل مآعرف أذآكر :53:
يآهي وهقه خآيفه حييل ...

كثروآ من هآلموآضييع الحلوه .. إذآ شفتوآ بنت جآلسه وبوسط الكليه وتصييح أعرفوآ انهآ انآ ..:000::biggrin:

صرآحه أحس بشعور غبي :bawling::icon9:

خآيفه أضيييع بالكليه ولآ الأمن يمسكوني ويصآرخون علي وآنآ آنسسآنه حسآسه <~~يمدييكم ع الحسآسه:cool:

عآد قولوآ لنآ وش نسوي ولآ اذا دخلت الكليه خوفتي أضييع أروح كلية العلوم :hahahahahah:

يآربييييه إني شآيله هم :000:

نور السمآ

2011- 8- 12, 04:24 AM

وييهـ ع سالفت الباصات شكلي ما بسجل عندهم دام هادي سمعتهمم ههههههـ
زين انكم نبهتوني بصراحة اني بسجل وان كان الأبيض من نصيبي بروح فية :33_asmilies-com:
إما ادا صرت في الأصفر بقول مع السلامة باي باي ههههـ :53:
اني كل شي ولا المكيفآآت الربانيه :(177):ما اتحمل ابد

تسوآ عيونــٌي

2011- 8- 12, 04:25 AM

دآنـهـ

2011- 8- 12, 04:36 AM

بناات وش يعني مدرج ؟؟ :(107):

تسوآ عيونــٌي

2011- 8- 12, 04:44 AM

والله مدري كيف اشرح لك ,,, :(107):

القاعة هي اللي تكون داخل المباني الموجودة في الكلية
المدرج هو اللي يكون موجود في شي مكان اسمة الدوآئر ,,,
هو مكان ناخذ فية المحاضرات ,,, >>جابت شي جديد يعني:cheese:

بعدين بتعرفين مثل ما عرفت:cheese: :106:

آنسه مشاكل

2011- 8- 12, 04:54 AM

http://im9.gulfup.com/2011-08-12/1313114038276.jpg (http://www.gulfup.com/)

هذا المدرج صح :lllolll:

انكسار

2011- 8- 12, 05:02 AM

انكسار . . . :hahahahahah::hahahahahah::hahahahahah: الله يغربل ابلسك ,
ما تخفيش انا اقول لك كيف تدخلين كليه الاداب اول ما تدخلين البوابه ,,,
اعرفي يدك اليسار وينها ,,, ولفي يساااااااااار وامشي مع البنات لين تشوفين مبنى ازرق هذي هي كليتك الجديدة وعام دراسي موفق , , ,

:hahahahahah:

تدرين وين المشكله ..؟!

بعديين لمآ أدخل أبي مثلآ الحمآمآت وأنتي بكرآمه بضبط الكدش حقي :lllolll:<~~ أمحق

بعد مآ أضبطه أبي أعرف وين أروح:g2: .. وآذآ شسسسمه يعني قآلوآ خلآص توكلوآ ع الله تعرفوآ ع الكليه أخآف أروح مكآن نآئي مآبووه أحد وأتوهق <~~صحرآء مو كليه :biggrin:

يووه جد أحآتي <~~ مغصهآ بطنهآ

تسوآ عيونــٌي

2011- 8- 12, 05:23 AM

علييييييك نوووووور . . . انسة مشاكل هذا هو بعينة وعلمة:d5:

تسوآ عيونــٌي

2011- 8- 12, 05:26 AM

انكسار ,,, حسستيني انك بتروحين الربع الخالي مو كلية:lllolll:هي دائرية يعني لو مشيتي ولفيتي بترجعين لنفس المكان , مو صحرآء:biggrin:

مشاعر رقيقه

2011- 8- 12, 01:57 PM

مرحبااااااا بنات ام باااااااااك :53:

مشاعر رقيقه

2011- 8- 12, 01:59 PM

من امس افكر في شي انه لو كانت المحاضرات يعطونا بالقاعات وكل ماده لها قاعه طيب وش نسوي في الفصول (شعبه) :biggrin:

Sanfoor

2011- 8- 12, 03:37 PM

بنات بقولكم على شغله ممرا مرا مهمه :biggrin:

العام ماصارت هوشات وحماس الا ثنتين :24_asmilies-com:

حلو انك تتفرجين وتضحكين خاصة لمن تكون بين بويه وامن

يا سلااااام ينقصك بس البوبكورن :d5::53:

:(269)::(269):

اتوقع دوام بيكون خايس اول سمستر :biggrin: وانا لمن ذا قلت ابد موب مكمله وش ذا

دكتورات يخرعون وبنات يخزونك من فوق لتحت واضيع واجد :biggrin: بس حمدلله اول شهر وسرت ادل دربي :biggrin:

والسمستر الثاني ان شالله تبدون تاخذون عليه ومع البنات وبتحبين الكليه

بقولكم شغله بس اللي هي المهمه < طولتي عليهم

شدووووووو حيلكم عشان تقدرون تتخصون !
واذا قلتي التررم الثاني هاها اعرف كثير شاتوهم الكليه الترم الاول
جاتهم انذارات وهم مايدرون وابتلشو

عشان كذا ياحلوين بدون لعب هاه :41jg: < اوص مين يتكلم

ادعوا يارب اتخصص اللي ابغاه وانتو كمان ان شالله :biggrin:

وكل سنه وانتم طيبين :biggrin:

جامعية مقهورة

2011- 8- 12, 04:34 PM

هههههههههههههههههههه اما سوالفكم :lllolll:
والله امس كنت بدخل الفجر بس النت حقنا عله يخرب كثير :41jg:

تسوآ عيونــٌي

2011- 8- 12, 04:46 PM

سلام صبايا . . . :53:
هلا بك جامعيه +مشاعر ,:mh318:
مشاعر بخصصوص سؤالك عن الشعبه , الشعبه يا قلبي هم بنات فصلك نفس ايام الثانوي بتدرسين معاهم لين ينتهي الترم و تتنقلون بين القاعات والمدرجات واذا انتهى الترم راح تتفرقون :icon9:
احيانا اذا مالي خلق ادور رقم القاعه وش اسوي :064: ؟؟
ادخل كل القاعات واطالع في وجيه البنات :cheese: اذا لقيت( بنات فصلي) افرح وارتاح وادخل القاعه ,

جامعية مقهورة

2011- 8- 12, 08:28 PM

هلا فيك تسوآ :biggrin:

جامعية مقهورة

2011- 8- 12, 08:31 PM

مشاعر انتي ما عليك من بنات شعبتك
انتي معك جدولك خلاص امشي عليه شوفي وقت المحاظرة و ساعة كم و اي قاعة و روحي تلقينهم موجودين بالقاعة انا كذا :d5:
:oao:

.. أميـــ بطبعي ـــرهـ ..

2011- 8- 12, 11:09 PM

هااااااااااي بنااااااااااات
انااااااا رجعت

الله يقطع ابليسك مشاعر والله ضحكتيني :hahahahahah:
يوم قلتي وش نسوي بالشعبه

هههههههههههه

برنسيسه جامعيه

2011- 8- 12, 11:16 PM

مشاعر رقيقه

2011- 8- 12, 11:50 PM

يسلمؤؤؤ تسوآ جامعيه مقهوره و اميره :love080:

طيب بنات كيف اسئلة الامتحانات في الكليه انا سمعت انه كله خيارات وبس اعذورني على كثر اسئلتي تحملوني :mh318:

تسوآ عيونــٌي

2011- 8- 13, 12:05 AM

ولا يهمك اسألي اللي تبين فديتك:love080:
اسأله الاختبارات متنوعه بين الاختياري والمقالي , يعني متنوع على حسب كل مادة ,,,
بس احيانا الاسئلة تكون دقيييييييقة . . .
انا عن نفسي كان فية سؤال في مادة علم الاجتماع علية 20 درجة. . .
حتى صرت اذا ابي احل اسئلة الاختبار اخبي الدرجة اللي علية عشان لا اشوفها وانسى كل شي :mh12:

مشاعر رقيقه

2011- 8- 13, 12:08 AM

يؤؤؤؤؤؤؤ حرررام سوال واحد عليه 20 درجه:sdfgdsf:

الله يعين بس شكلي لازم اصير مثل كمبيوتر واحفظ الكتب زين :Cry111:

تسوآ عيونــٌي

2011- 8- 13, 12:18 AM

شوفي ياقلبي ,الجزء اللي اختبرتي فية الاختبار الشهري , اذا جاء الاختبار النهائي مري علية مرور الكرام
, :(204):لانة ما يجي منة كثير سؤال او ثلاثه وكلها اختياري بعد ,
ركززززززي ع الجزء اللي ما ختبرتي فية الان اغلب الاسئلة بتجي منة خصوصآ الاسئلة اللي فيها شرح:(204):

روح الحس

2011- 8- 13, 12:22 AM

بااااااااااااااااااااااااااااااااااااااااك لكل المشاركين في الموضوع كفيتوووا وفيتووووووووا

روح الحس

2011- 8- 13, 12:27 AM

مشاعر رقيقه ركزي في الماده المطلوبه للأختبار في الجزء إللي ما أختبرتي فيه في الشهرري لأنه مهم أغلبيه الأسئله راح تجي منه والجزء إللي ماأختبرتي فيه تقريباً كلها منه لذا ذاكري زيييييين وأول بأول وبتباع نفس الطريقه بأذن الله ناجحه ومعدلك عالي بعد...

تسوآ عيونــٌي

2011- 8- 13, 12:32 AM

كلامك صح يا روح:(204):

مشاعر رقيقه

2011- 8- 13, 01:53 AM

مشكورين ما قصرتم والله :d5:

.. أميـــ بطبعي ـــرهـ ..

2011- 8- 13, 01:58 AM

بس انا في الاختبار النهائي حق النحو
ماذكرت الجزء الشهري مره يعني مريت مرور الكرام على قولتكم
وركزت على اللي مااختبرنا فيه
وفي الاخير جاب السؤال عليه 16 درجه
وجابه من حق الاختبار الشهري
وفي مادة الاحصاء ماجابت يمكن إلا سؤال واحد من الجزء الشهري

يعني مو كل الدكاتره زي بعض

بس كلامكم صحيح مايركزون على الشهري مرررره
بس خذوا حذركم يعني ذاكروا زين

يعني ذاكري للاختبار الشهري كانك تذاكرين للاختبار النهائي
لان الشهري هو اللي يرفع درجتك
وحلو الواجبات كااامله يعني لاتقولون واجب عليه درجتين مو مهم
لاالله ماتضمنين وشلون يكون حالك في الاختبار النهائي
ويمكن يجي الاختبار النهائي صعب على الاقل تكونين ضامنه النجاااح
والله الله في الحضور
ترون بعض الدكاتره يحطون عليه 10 درجات
والله حلو كأنها عشر درجااات بدووون تعب تجيك بالراااحه

وإذا حضرتو المحاضرات في وقت الاختبارات بعض الدكاتره يحطون درجات
انا في الفصل الاول في مادة الصحه واللياقه حضرت وكان علينا اختبار
وقالت الدكتووره لكل اللي حضروا 10 درجات علشان اهتمامهم بالمحاضره
يعني يمكن تحضيرين وتاخذين ال10 بالرااااحه

ادري طولت عليكم بس هذا لمصلحتكم

والله يوفق الجمييييع

مشاعر رقيقه

2011- 8- 13, 02:04 AM

بالعكس امير ما طولتي قاعده اقراء كلامك واستفيد منها يالغلا :love080:
بس الواجبات صعبه ولى سهله اقدر احلها بروحي ولى لازم مدرسه خصوصيه :hahahahahah:

.. أميـــ بطبعي ـــرهـ ..

2011- 8- 13, 02:10 AM

لا والله سهله مو كلها صعبه
انا احلها كلها بروحي لامدرسه خصوصيه ولا هم يحزنووون
يمكن شوي يتعبك الانجليزي قراءه والانجليزي كتابه هذولا شوي يبيلهم جهد

وفي بعض الاساتذه متعاونين
زي انا كانت تدرسني دكتوره في مادة الاحصاء
كانت تقول مو مهم عندي الواجب صح ولا خطأ اهم شي انك حاولتي
وكانت تعطينا الدرجه الكامله في الواجبات

وكانت لما البنت تشارك مره وحده تعطيها 10 درجات على طول
تقول اهم شي انها جاوبت مو مهم عدد المرات

انشاء الله تجين عند اساتذه متعاونين

مشاعر رقيقه

2011- 8- 13, 02:16 AM

الله يسمع منك يارب :119:

.. أميـــ بطبعي ـــرهـ ..

2011- 8- 13, 02:19 AM

انتي معاك احد من صديقاتك ولا بس لحاااالك؟؟؟؟؟

مشاعر رقيقه

2011- 8- 13, 02:40 AM

لا انا لحالي :mh12:

.. أميـــ بطبعي ـــرهـ ..

2011- 8- 13, 02:42 AM

الله يعينك
بس يالله والله بنات الكليه طيوووبات
مااارح يقصرووون
وبتلقين صديقات بسررررعه

الله يوفقك

مشاعر رقيقه

2011- 8- 13, 02:43 AM

تسلمين يالغلا ويوفقك يارب:119:

.. أميـــ بطبعي ـــرهـ ..

2011- 8- 13, 02:44 AM

يالله انا اللحين بطلع بس انشاء الله بكره
ليي باااااااااااك

جامعية مقهورة

2011- 8- 13, 02:45 AM

مشاااااعر تدرين اختبار النحو سؤال تعداد اربع فقرات عليه 16 درجة لحاااله
حتى التعداد كان كلمات مو جمل
تذكرون بنات ؟ كان السؤال الاول بعد

يعني في دكاترة بتحبينهم من اسئلتهم :love080::love080:
و دكاترة لا تعليق خصوصا اذا كان رجال :(177):

عموما بالجامعة ما تقدرين تقولين اسئلة سهلة ولا صعبه نص و نص كل دكتور له طريقته :cool:

بس شدي حييلك و لا تيأسين حتى لو كان الدكتور شديد ما عليك منهم انتي سوي اللي عليك وبس :wink:

مشاعر رقيقه

2011- 8- 13, 02:57 AM

يسلمؤؤؤ جامعية مقهورة :biggrin:
طيب ان شاء الله لو عديت مرحلة السنه التحضريه :mh318: واخترت تخصص انجليزي ما في شي ثاني معه ادرس صح :mh318:

reem-7

2011- 8- 13, 03:01 AM

مشاعر رقيقه

2011- 8- 13, 03:33 AM

ايه ياريم :biggrin: حتى انا ابي اعرف عن الكتب والبنات الله يجازيهم الخير ما يقصرون معنا :mh318:

روح الحس

2011- 8- 13, 04:02 AM

العام إللي راح بعض البنات الله يجزاهم خير سووا حركه ساعدونا صراحه كثيررر ألا وهي تبادل الكتب
طبعاً هذا سنه ثانيه معنا حنا بنات التحضري وبنات استفادوا من الكتب سوا حق المذاكره وبنات أستفادوا منها حق الابحاث طبعاً الأبحاث عندنا واااااااااجد تومتش بس حلوه الحركه إللي كتبها تحس أنها بتفيد غيرها تسلمها أحسن ماتقعد كذا بنات وش رأيكم نعيد التجربه خصوصاً أن بعض الكتب أسعارها تكون مرتفعه ..............:(204):
مين معاااااااااااااااااااااااااااااي ترفع يدها
up
up

روح الحس

2011- 8- 13, 04:04 AM

أنا عندي فقه سيره وثقافه أسلاميه وووووأنقلش وعلم أجتماع للي تبيه تعرف طريقي.........:53::53:

احاسيس..

2011- 8- 13, 04:06 AM

مشكورين ومنكم نستفيد

ريحتونا كثير:smile:

ااامم الحين كيف بتكون كتب ولا ملازم اللي ندرس منها؟ ومتى ناخذها ولا نشتريها ؟

والشرح كيف اكتبه ولا القااه بالملازم ؟ يعني ممكن لو مااكتب عادي مسجل مثل كتب اللي بالمدرسه؟

وذا كان دكتور مو دكتوره كيف بشارك معه ؟؟ كيف يعرفني ويحط لي درجات

واغلبهم مين الدكتورات ولا الدكاتره؟

وذا دخلت الكليه نقعد براا ساحه مفتوحه ولا داخل مكيف >>خايفه من الحر

الكتب كل دكتور يقولك الكتاب المطلوب وانتي تشترينه من المكتبه .. نادري تجي ماده مقررها ملزمه .. بس مادة الثقافه هي الملزمه الترم الاول ..

والدكاتره عاددي اذا بتشاركين تقومين وتكلمينه بالتلفون :biggrin: وياخذ اسمك ويعطيك الدرجه .. طبعا المواد اللي يدرسكم دكتور لازم فيه مشرفه عشان تاخذ الحضور والغياب وهكاااا يعني :love080:

لا طبعا الكليه كلها مكيفه يعني مافيه جلسه بالحر سلمات معسكر :71:

اي صح الشرح لا حبيبتي نادر ماتحصلين ماده لازم تكتبين مع الدكتوره .. بس الاحصاء هو اللي لازم تكتبينه لان كله معادلات ولازم تذاكرينها بالبيت

وبس :love080:

جامعية مقهورة

2011- 8- 13, 04:14 AM

مشكورين ومنكم نستفيد

ريحتونا كثير:smile:

ااامم الحين كيف بتكون كتب ولا ملازم اللي ندرس منها؟ ومتى ناخذها ولا نشتريها ؟

والشرح كيف اكتبه ولا القااه بالملازم ؟ يعني ممكن لو مااكتب عادي مسجل مثل كتب اللي بالمدرسه؟

وذا كان دكتور مو دكتوره كيف بشارك معه ؟؟ كيف يعرفني ويحط لي درجات

واغلبهم مين الدكتورات ولا الدكاتره؟

وذا دخلت الكليه نقعد براا ساحه مفتوحه ولا داخل مكيف >>خايفه من الحر

بعض المواد كتب و بعضها ملازم الشرح احسن تكتبينه مع الدكتورة لان بتستفيدين منه كثير و يجي بالاختبار حتى لو كان خارج الكتاب ممكن يجي

الدكتور تشاركين معه عن طريق سماعة زي التليفون موجود داخل كل قاعة و مدرج تقولين له اسمك و يحط لك الدرجة :biggrin: اغلبهم دكتورات على حسب علمي
بالنسبة للقعدة داخل الكلية مكيفة ترا مو زي المدرسة ممنوع تتمشين داخل :hahahahahah:
لا حبيبتي الكلية براااحتك هذا احسن شي
بس المشكلة الكفتيريا برا :000: عند الباب الرئيسي حق الموظفااات بس طبعا الكفتيريا نفسها مسكرة مكيفة فيها مطاعم و جلسات عيبها انها مو داخل المبنى اللي نقعد فيه و ناخذ المحاظرات فيه

جامعية مقهورة

2011- 8- 13, 04:28 AM

و صح فيه لوكرات اذا تبين تروحين مكتب المسؤولة حق اللوكرات و تدفعين 200 مدري 100 نسيت والله :(284): و تعطيك مفتاح حق لوكرك و تحطين فيه اغراضك و عبايتك و كتبك :biggrin:
بس انتبهي ترا عندهم نسخ مفاتيح كل اللوكرات يعني ممكن يفتشونها اذا حاطه ممنوعات ولا شي مثلها :53: اي بود ممنوع حتى بدون كاميرا وجععع :41jg:

جامعية مقهورة

2011- 8- 13, 04:30 AM

و بعد ؟ << طفشانة :53:

هنوووووووده

2011- 8- 13, 04:35 AM

بببنات انا جديده ولا عارفه شي ممكن تساعدوني:Cry111:

مشاعر رقيقه

2011- 8- 13, 04:35 AM

ندفع حق لوكرات لكم مده يعني طول السنوات الي بدرسها ولى كل شهر :(107):

مشاعر رقيقه

2011- 8- 13, 04:37 AM

هذي مادة الاحصاء احسها بتكون لي كابوس لاني اصلا ما احب الرياضيات بسبب المعادلات :bawling:
بالله لو رسبت فيها لازم اعيد امتحانه :mad:

روروي

2011- 8- 13, 04:38 AM

انا بالنسبه لي السنه اللي راحت دفعت مره وحده لكل السنه

جامعية مقهورة

2011- 8- 13, 04:45 AM

لا مو كل شهر
بس مدري حق كل السنوات ولا كل سنه بس اعتقد كل سنه :biggrin:
بعد الاجازة اشوف و اعلمك :(204):

» ツ Đєєм

2011- 8- 13, 04:47 AM

ندفع حق لوكرات لكم مده يعني طول السنوات الي بدرسها ولى كل شهر :(107):

200 حق السنه الوحده ..

هذي مادة الاحصاء احسها بتكون لي كابوس لاني اصلا ما احب الرياضيات بسبب المعادلات :bawling:
بالله لو رسبت فيها لازم اعيد امتحانه :mad:

بالعكس أحلى من الرياضيات بكثيييييير فيها متعه ومو كله صعب يمكن 3 دروس بس كانت صعبه علي :(107):
بس اللي يبي منك تحفظين قانون كل درس وتطبقينه

ما عليك من البنات لو صعبوه عليك , انا بالأول خفت وشلت همه وبعده بالعكس حبيته :biggrin:
انتي ركزي معه اول بأول ولا تفوتين محاظراته وإن ما فهمتي شي البنات هنا بالمنتدى مايقصرون
وغير كيذا بوقت الامتحانات ينزلون ملازم تسهيل للمنهج بينفعك :(204):

والله يوفقكم وينجحكم :106:

جامعية مقهورة

2011- 8- 13, 04:48 AM

هنوودة وشو اللي مو عارفته بالضبط ؟
احنا تقريبا تكلمنا عن كل شي بالجامعة :biggrin:

جامعية مقهورة

2011- 8- 13, 04:50 AM

يب صح كلام ديم الاحصااء ترا حلو مرة حتى انا اكره الرياضيات بس الاحصاء والله ممتع و سهههل
بس ركززي انتي عليه و تحبينه ان شا الله :love080:

مشاعر رقيقه

2011- 8- 13, 04:52 AM

مشكؤؤؤؤيين بنات ريحتو قلبي على مادة الاحصاء :mh318:

مشاعر رقيقه

2011- 8- 13, 04:55 AM

ايه الحمد الله تكلمنا تقريبا عن كل شي وش باقي :(107):

مشاعر رقيقه

2011- 8- 13, 04:58 AM

ايه صح الكتب الي بنشتريه بتكون غاليه :icon9: والمكافئات هم يعطونا كل شهر اشان نشتري منه الكتب
وضحولي الله يسلمكم :mh318:

مبسمها عسل

2011- 8- 13, 05:02 AM

أكبر هم أشيله في الكليه هو هم اني أدور على القاعات ، و ربي يا بنات أنــآإ طالعه سنه ثــآإلثه
إلى الآن ما حفظت إلآإ مبنى قسم التــآإريخ > اللي هو قسمي طبعاً :biggrin: ،

و تعالوآإ شوفوا الوهقه لمــآإ يغيرون القاعات ، يروح نص الوقت و أنــآإ أدور القاعه ، و بالأخير طبعاً يعطوني غياب :(269): ،

يعني من جد مبنى الكليه كبير حيل كثير وآإجد مره :biggrin: ، المفروض يعني وحده تتبرع لنــآإ و تسوي لنــآإ كروكي للكلية :mh318:

و بالتوفيق يَ اخوآإتي العزيزات :love080:

جامعية مقهورة

2011- 8- 13, 05:10 AM

يب اغلب الكتب غالية
و المكافأة تنزل كل شهر :106:
بس مدري الحين بداية السنه بيجمعون حق 3 شهور بعدين ينزلونها او لا لان السنه اللي راحت صار لنا كذا بس بعدين خلاص تنزل كل شهر :biggrin:

مشاعر رقيقه

2011- 8- 13, 05:14 AM

يعني يصير انه الكتاب تكون قيمته غالي اكثر من المكافأت :icon9:

اصلا كم المكافأة تجينا:(269):

جامعية مقهورة

2011- 8- 13, 05:16 AM

و اشتري دفتر واحد كبير حق كل المواد ماله داعي دفتر لكل مادة
و ابشرك نهاية الترم بيبقى نص الدفتر :53:

جامعية مقهورة

2011- 8- 13, 05:18 AM

لا ان شا الله تكفي شدعوة
المكافأة 850 - 10 = 840
ياخذون عشرة حسبي الله ونعم الوكيل
بس عشان صيانة الكلية :mad::icon9:

جامعية مقهورة

2011- 8- 13, 05:21 AM

العلوم مكافأتهم 1000 - 10 = 990

جامعية مقهورة

2011- 8- 13, 05:25 AM

احنا شدخلنا بالصيانة :41jg:هذا اللي قاهرني

مشاعر رقيقه

2011- 8- 13, 05:25 AM

طيب المكافاة بتكون على طول 840 ما تزيد لنا :biggrin:

طماعه :33_asmilies-com:

جامعية مقهورة

2011- 8- 13, 05:35 AM

لا ما تزيد الا اذا كانت هدية من الملك زي ذيك المرة :lllolll:
:hahahahahah:

جامعية مقهورة

2011- 8- 13, 05:41 AM

مفروض تزيد كل سنه :(107):

reem-7

2011- 8- 13, 05:43 AM

بنات ماتواجهون صعووبه

اذا كان دكتور ومشاركه ماتحسوونها صعبه شووي

وهذا التلفون وووين يعني اقوم له ولا هو يسمع بدوون مااقوم>
>سودانيه خايفه من المشاوير

» ツ Đєєм

2011- 8- 13, 05:45 AM

أغلب أسعار الكتب تكون بين 60 إلى 45

في أغلى وفي أرخص بس ذا الأغلبيه

تحضيري مافي كتاب تعدى قيمته 200

الانقلش في كتاب سعره 150 تقريبا :(107):

» ツ Đєєм

2011- 8- 13, 05:47 AM

انا عن نفسي ما شاركت أبد عند أي دكتور

لأن الجهاز يكون بعيد ومشوار على ماتطلعين

بس كنت حريصه بالواجبات والبحوث والحمدلله نجحت

وكل طالبه ورغبتها تقوم وتشارك إذا سأل

وفي دكاتره بالأسماء :000:

بس الحمدلله ماجربتهم

مشاعر رقيقه

2011- 8- 13, 05:48 AM

يعني الباقي 600 لي ولجوالي :mh318:

جامعية مقهورة

2011- 8- 13, 05:48 AM

انتي تقومين ترفعين السماعة تحطين التحويلة اول :biggrin:
ما يسمعكم هو الا اذا حطيتوا التحويلة حقته

جامعية مقهورة

2011- 8- 13, 05:51 AM

يب حتى انا ولا مرة شاركت مع دكتور
و زيك حرصت على الواجبات و البحوث و الحمد لله نجحت :d5:

ايه من جد مشوااار اقوم اكلمه :24_asmilies-com:

جامعية مقهورة

2011- 8- 13, 05:58 AM

مشاعر
ترا فيه دكاترة هنود و باكستانيات حق الانجليزي :mh12:
ان شا الله ما يدرسونكم
درستني وحدة باكستانية اسغفر الله العظيم
الله يسامح اللي حطها لنا :41jg:

مشاعر رقيقه

2011- 8- 13, 06:58 PM

ليش الهنود شرحهم للانجليزي مو حلو لا يكون ما يتكلمون عربي ابد :000:

مشاعر رقيقه

2011- 8- 13, 06:59 PM

طيب عادي لو نحط مكياج في الكليه :mh318: يعني مناكير كحل ولو خفيف:g2:

i.w

2011- 8- 13, 07:01 PM

مشاعر اي عادي مسموح الميك اب
بس لاتحطين. ظل ابد لان محد يحط
والباقي عادي 

تسوآ عيونــٌي

2011- 8- 13, 08:17 PM

مشااااعرحطي اللي تبي ياااحلوة عدسات+آيلاينر+بلاشر+ روج +بودر+ ظل خفيف +مسكارا اللي تبييييييين عرس عرس مو جامعه :biggrin: بس لا تكثرين:biggrin: انتي بتشوفين الصبايا كيف صدقيني تجربة الجامعه مرررررة حلوة عيشيها بمتعة وستمتعي ب كل يوم فيها ولا تضيعون نفسكم بشوية خوف وارتباك كلة سهالات:53:

جامعية مقهورة

2011- 8- 13, 09:08 PM

مشاعر ايه ما يتكلمون عربي اببببد :41jg:
اما بالنسبة للمكياج و المناكير و و .. الخ كله مسموح طبعا :biggrin: بجامعة حنا مو مدرسة :cool:

بس بنبهك على شي
لا تخافين من بعض اشكال البنات من كثر المكياج :mh12:
تقولين رايحين زواج :sdfgdsf:
و تنانيرهم بعد قصيرة و فتحة وش كبرها خيير حففلة دي جي صارت :hahahahahah:

مشاعر رقيقه

2011- 8- 13, 09:39 PM

طيب البنات الي يحطون مكياج كثيف وتنانير قصيره هذولي ما يهاوشونهم الدكاتره ولا يعطونهم تعهدات وهيك:(107):

مشاعر رقيقه

2011- 8- 13, 09:41 PM

بنات ما قلتو لي السنه التحضيري البنات شعبتهم او فصولهم وين يكون في اي دوور :mh12:
ما ابي اروح ادور عن فصلي بين فصول الي اكبر مني:tongue:

فتوشه

2011- 8- 13, 09:53 PM

بسالكم يعني مايدخلون موادهم من البيبل سوفت؟؟؟

تسوآ عيونــٌي

2011- 8- 13, 09:56 PM

ع المكياج لا مايسوون شي بس التنانير القصيره الامن يمسكونهم ويكتبونهم تعهد

تسوآ عيونــٌي

2011- 8- 13, 09:58 PM

بسالكم يعني مايدخلون موادهم من البيبل سوفت؟؟؟

قصدك مواد تحضيري ؟

مشاعر رقيقه

2011- 8- 13, 11:02 PM

بنات سويت بحث في جوجل عن مادة احصاء وهذا الي شفته
http://www.kau.edu.sa/Files/247006/files/22667_%D9%82%D9%88%D8%A7%D9%86%D9%8A%D9%86%20%D9%8 5%D8%A8%D8%A7%D8%AF%D8%A6%20%D8%A7%D9%84%D8%A5%D8% AD%D8%B5%D8%A7%D8%A1.pdf

حسيته مره صعب :mh12:

روح الحس

2011- 8- 13, 11:06 PM

خيتي العام إللي راح يوم كنا تحضري كل ماده لها دور وومكان وقاعه صراحه أم التوهان ولا أنسى كذا مره أدخل قاعه غلط واحضر محاضره معاهم يافشيلتي أنتبهي لا تطحين بموقفي شوفي في خمس مباني مبنى61 و62و63و64و65 وكل واحد فيهم ثلاث أدور الدور الأرضي والأول والثاني يعني ممكن كيف اشرح لك يكتبون مبناك مثلاً61 قاعه 0-1 يعني الدور الأرضي مبني 61 بماأنه في الصفر وكذا ياختي يبلها تعود تدرين يبيلنا نتعرف وأفهمك السالفه أحسن ماتهويين زينا:53:

روح الحس

2011- 8- 13, 11:09 PM

مشاعر حنا أدبي صدقيني ماراح يجبون الكتاب كله لكم الأشياء إللي تناسبكم كأدبي بس إللي يبيلك تركزين زيين مع الدكتوره لا تحاتين قلبي بعدين من قالك أدبي خلاص مافي رياضيات لاحبيبتي لأزم إلا ماتأخذين منه ياختي لاتكبرين الموضوع مثل ماقدروا غيرك أنتي بتقدرين .

مشاعر رقيقه

2011- 8- 13, 11:13 PM

يسلمؤؤؤ روح الحس :mh318:
وكيف نتعرف بالكليه :mh12:

هنوووووووده

2011- 8- 14, 12:28 AM

حبي تسلمين خلاص عرفت من وحده ما قصرتي يا لغلالى:love080:

روح الحس

2011- 8- 14, 12:49 AM

مشاعر برسلك رساله ع الخااااص استقبلي

روح الحس

2011- 8- 14, 12:51 AM

بس تكتمل مشاركاتي

مشاعر رقيقه

2011- 8- 14, 01:00 AM

:oao:

.. أميـــ بطبعي ـــرهـ ..

2011- 8- 14, 01:01 AM

هااااااااااي بناااااات
الله يعينكم يابنات التحضيري
بس والله الجامعه فله مو زي المدرسه
يعني بتنبسطون

الله يوفقكم ياااارب

مشاعر رقيقه

2011- 8- 14, 01:07 AM

ان شاء الله ننبسط :biggrin:
مع اني احس انه في المدارس المواد سهل علينا وحتى الحصص تكون تقريبا ساعه اما كليه تقولون انه ساعتين محاضر ملل:24_asmilies-com:
خاص لو كانوا الدكاتره مملين :41jg: ولى شرحهم ينوم:24_asmilies-com:

.. أميـــ بطبعي ـــرهـ ..

2011- 8- 14, 01:13 AM

اي والله من جد انا اوقات كنت اغفي بالغلط خصوصا في بداية السنه
ومن جد ملل بس والله انا اعجبتني الكليه اكثر من المدرسه

على الاقل مافي فصل تنكتميين فيه
ويجيك اوقات تقعدييين فاضيه ساعتين
احلى من المدرسه
المدرسه إذا مافيه حصه تجيك وحده انتظار تكتم على نفسك
اما الجامعه تروحين مع صديقاتك وتفلينها

مشاعر رقيقه

2011- 8- 14, 01:23 AM

يعني لو ما كان على الا محاضره وحده اقدر اطلع من الجامعه للبيت ولى لازم الكل يطلع بوقت واحد مثل المدرسه:(107):

.. أميـــ بطبعي ـــرهـ ..

2011- 8- 14, 01:24 AM

لاعاادي تقدرين تطلعين
الساعه12 يفتح الباب واللي يبي يطلع يطلع

مشاعر رقيقه

2011- 8- 14, 01:37 AM

مشكؤؤرين بنات على تعاونكم :bawling: معي ساعدتوني كثير :love080:

تسوآ عيونــٌي

2011- 8- 14, 01:40 AM

[QUOTE=.. أميـــ بطبعي ـــرهـ ..;4182497]اي والله من جد انا اوقات كنت اغفي بالغلط خصوصا في بداية السنه
ومن جد ملل

ضحتكيني:hahahahahah: رايقة والله تنامين في المحاضرة انا مااا اقدر ابد . . . لازم ابين نفسي اني مهتمة للدكتورة حتى لو مو فاهمة عليها:(269):
مدري ليه انا كذا:(107):

.. أميـــ بطبعي ـــرهـ ..

2011- 8- 14, 01:44 AM

يمكن ماتصدقيني
لكن والله كنت انام غصباً عني
مدري كيف شوي وإلا مدري إلا وانا نايمه

.. أميـــ بطبعي ـــرهـ ..

2011- 8- 14, 01:45 AM

مشكؤؤرين بنات على تعاونكم :bawling: معي ساعدتوني كثير :love080:

لا عادي

آآفاااااااااا عليك خوات مابيننا

مشاعر رقيقه

2011- 8- 14, 01:56 AM

صج والله ما حسيت اني اكلم ناس غير حسيت صج اني اسئل خواتي :mh318:

تسلمون يا الغاليات والله يوفقنا ونتخرج من الجامعه واحنا مبسوطين يارب:love080:

.. أميـــ بطبعي ـــرهـ ..

2011- 8- 14, 01:57 AM

آآميييييييييييييييييييين :106:

روح الحس

2011- 8- 14, 02:11 AM

آآآآآآآآآآآآآآآآآآآآآآآمييييييييييييييين يارب العالمين

جامعية مقهورة

2011- 8- 14, 02:11 AM

هآآآي :d5:

m.a.o

2011- 8- 14, 02:13 AM

اههللللللللللااا وسهههلا بالمقبولات الجدد هي كم كلمة باختصار ههههههههههههه الله يعينكم على سالفة تسجيل المواد والتخصصات !! هذا اهم شييي :hhheeeart4:
بس بالنسبة للكلية ترا زوينه وفيها ثلاجات الموية ما انصحكم فيها ابددددا لأنها تسحب فلوس وما تطلع مووويا لو تموتين :lllolll:
القاعاات مرررررررررررة تلخخخخبط بس اول سمستر ويمكن الثاني بعد بعدين تتعودين ! في بناااااااات كثيييييير ومرررررررررررة زحمممممممة !! احيانا تجيك قاعات فيها اكثر من 100 بنت :000:
انا عن نفسي اول سمستر اكتئبت اكتئااب مووو صاااحي :Cry111: لأن صديقاتي مو نفس الكلية :mh12: بس بعدين تعرفت على بنات كتكوتات وتعودت على الوضع الحمدلله :106::106: والحمدلله كملت معاهم بس الحين كل وحده تخصص :Cry111:

روح الحس

2011- 8- 14, 02:18 AM

أنااااااااااااااااا انام زلا أتخذ وضعيه إذا الحصه مواحصاء ماده دسمه يعني والله أنام ولا لاجاتك دكتوره هذاره تقرا قرايه الكتاب وجاني النوم اشخررري أهم شي أغطي وجهي عشان البرستيج خبري خبركم خخخخ تذكرت شي مره كنت في حصه الأنقلش وكنت جالسه وراى وكانت الحصه ع غير العاده تجيب الممل ناظرت جنبي لقيت البينتين إللي جنبي حاطين راسهم ع الجدار متكين عليه وأشخري صراحه منظر والله كنت بموت من الضحك وكل ماشفتهم تذكرت المنظررر خخخخخخخخخخخخخ الله لا يبلانا ترى غصب سالفه النوم أم الملل إللي في ساعتين

مشاعر رقيقه

2011- 8- 14, 02:25 AM

شنو سالفة تسجيل المواد والتخصصات ما فهمت كيف اسجل مواد :icon9:

حكآية مشآعر..

2011- 8- 14, 02:54 AM

هلا مشاعر رقيقه اول شئ مبروك القبول
وثاني شئ الاخت m.a.o تقصد تسجيل المواد والتخصصات السنه الثانيه اذا خلصتي من التحضيري وبتتخصصين
لان الحين احنا محتااسين مع هالشغله لين الحين مانزلت ماطلعت التخصصات الي انقبلنا فيها ولين الحين ماسجلنا موادنا :icon9:
ولاتحااتين شئ دام الخوات بساعدونك بس بالبدايه وبعدها بتتعودين وبتحفظين الكليه وبصير كل شئ طبيعي بالنسبه لك وبعدها تتذكرين اول سنه وتضحكيين على نفسك ههههههه شلون كنتي كذا :hahahahahah:
وبالتوفيق للجميييع :119:

aroojh123

2011- 8- 14, 03:13 AM

بنات متى تسجيل التحضيري وين القى موادكم افيدوني بليييز :biggrin:

تيا

2011- 8- 14, 03:15 AM

التحضيري مالهم تسجيل الكلية تعطيهم الجداول جاهزة اول اسبوع

aroojh123

2011- 8- 14, 03:17 AM

يعطيك العافيه حبيبتي :d5:

شموخ الظهران

2011- 8- 14, 04:17 AM

كيفكم بنات
لوسمحتو
انا اقبلوني في كلية النعيريه الدفعة الاولى في الدفعة الثانية اقبلوني بالدمام المهم ورقة البريد اللي ندخل فيها مكتوب عليها كلية النعيرية تتوقعون يقولون شي
وشكرا

روح الحس

2011- 8- 14, 05:13 AM

مايركزووووووووووووون بس لازم تروحين للشؤون تشرحين لهم لايجي يوم ينتبهون خذيها مني والله المستعان

جامعية مقهورة

2011- 8- 14, 05:15 AM

لا ما بقولون شي عادي اهم شي انقبلتي بجامعة الدمام نفس المسمى تبع بعض كلهم :biggrin:
:106:

SKJ

2011- 8- 14, 06:49 AM

السلام عليكم .. اخباركم بنات

:(107): اممم .. بصراحه مافهمت ايش ناخذ معنا اول اسبوع دراسية ..سمعت ان ورقه البريد ...؟ :000:

اقصد كليه الاداب بالدمام

:bawling: حدي خايفة محد معي من صديقاتي

وشكرا

جامعية مقهورة

2011- 8- 14, 03:19 PM

ايه ورقة البريد مهمة خليها مثل السلسلة برقبتك لين ما يطلعون لكم بطاقة جامعية
هذي ما تدخلين و تطلعين الا فيها :biggrin:

تسوآ عيونــٌي

2011- 8- 14, 05:06 PM

شوفوا ورقة البريد حافظو عليها وغلفوها بتغليف حراري عشان ما تتقطع ولا حطيها في غلاف عشان ما تتقطع . . . نفس حالتي:cheese:
لانك بتصيرين كل يوم تطلعينها لهم

تسوآ عيونــٌي

2011- 8- 14, 05:08 PM

سؤال مهم جدا وشااااااغل بالي موت . . .

متى تبدآ دراستنا , ابي الخبر اكيد مابي اضيع واغيب اول اسبوع لانة مرررررة مهم لي ,:064:

تسوآ عيونــٌي

2011- 8- 14, 09:51 PM

ابي اجاااااااابة اكييييييييدة لاتتأخرون عليٌ

جامعية مقهورة

2011- 8- 15, 04:31 AM

مب مهم ابببد مافيه دراسة ولا شي
بس ماغير تمشي على غير سنع

جامعية مقهورة

2011- 8- 15, 04:34 AM

الدراسة ثاني اسبوع معروف يعني :biggrin:

روح الحس

2011- 8- 15, 04:42 AM

كلا م الاخت صووووووووووووح الاسبوع الاول مافي شيييييي بس أحتمال ع الربوع الثلوث توزيع الشعب والاسبوع إللي بعده تبد الدراسه

senyorita

2011- 8- 15, 06:51 AM

تيب<< داخله عرررض بقووه :41jg: .. شلون علاقات البنات ؟؟
تصير هوشات و منازعات؟؟ :biggrin:... متعاونين مع بعض ؟؟
ولبسهم ومكياجهم شلون ؟؟ <<ناويه تجي أول يوم حفله وخايفه الكل يطالعها :mh12:

c!nema

2011- 8- 15, 07:02 AM

^

والله شوفي البنات انواع , في المتعااونه وفي المصلحجيه وفي النفسيه وفي اللي عادي :biggrin:

بالنسبه للبس بتشوفين العجب:biggrin:
البويه والليدي والعروس والطقااقه واللي تو جالسه من النوم وجايه لاتخافين :hahahahahah:

اغليكـ بسكات

2011- 8- 15, 07:06 AM

بنات بسالكم لا جينا نطلع البطاقه الجامعيه لازم نتصور :biggrin:

SKJ

2011- 8- 15, 07:16 AM

هلا خواتي ..

من وين اطلع ورقه البريد انا سلمت اوراقي من زمان والموقع حق الجامعه مافي هذا الشي ..؟

كيف اطلعها .؟
:mh12:

اغليكـ بسكات

2011- 8- 15, 07:21 AM

^^^^
ورقة البريد اللي ختمه لك راعي البريد لما ياخذ اوراقك تكون معك 2 وحده ياخذها والثانيه يختمها لك وتكون معك
اتمنى افدتك:biggrin:

SKJ

2011- 8- 15, 07:23 AM

سؤال ثاني ..؟

انا افتح حساب بالبنك ولا كيف ..؟

SKJ

2011- 8- 15, 07:25 AM

يعطيك ربي العافيه اي افدتيني .. بس انا ماكنت فاهمة الموضوع لان بابا هو الي سلم اوراقي واخذ الورقة

تسوآ عيونــٌي

2011- 8- 15, 04:16 PM

الدراسة ثاني اسبوع معروف يعني :biggrin:
هذي اجابة مبهمة . . . انا اقصد التاريخ , ابي التاريخ حق اول يوم دراسة في الاسبوع الاول
:(107): ساعدوني بليز ,

مشاعر رقيقه

2011- 8- 15, 05:25 PM

بنات كيف تحلون الواجبات في الكليه واشلون تقدمون البحوث انا سمعت انه ببرنامج الووردد :(107):

.. أميـــ بطبعي ـــرهـ ..

2011- 8- 15, 05:36 PM

هلا بك

المواد تختلف عن بعض
في اساتتذه يقولون لك حلي الواجب واكتبيه في الوورد وارسليه على ايميلنا
وفي اساتذه تقولك حليه في الوورد واطبعيه وجيبيه
وفيه اساتذه زي الاحصاء مثلاً كانت تقول حلوه بخط يدكم وسلمووه لي
بس اغلبهم مايقبلون بخط اليد لازم تكتبينها في الوورد

وبالنسبه للبحووث
انتي خذي كتب اقل شي 3 كتب يعني تصير مراجع لك
وابحثي فيها عن الموضوع اللي بتسوين عنه البحث ونسقيه في الوورد
ورتبيه واطبعيييه وجيبييه

والكتب تقدرين تستعيرينها من مكتبة العلوم مو شرط تشترينها
بس بعد مو كل الكتب تلقينها موجود
وانا اوقات إذا مالقيت لاكتاب كنت احمله من النت
واطبع الجزء اللي اخذت منه المعلومه علشان تشوووفه كمرجع لي

اي سؤال انا بخدمتك

.. أميـــ بطبعي ـــرهـ ..

2011- 8- 15, 05:38 PM

هذي اجابة مبهمة . . . انا اقصد التاريخ , ابي التاريخ حق اول يوم دراسة في الاسبوع الاول
:(107): ساعدوني بليز ,

التاريخ بيكون يوم 12 شهر 10 يعني 12/10

بس مدري احنا بنحضر من اول اسبوع ولا الاسبوع الثاني

.. أميـــ بطبعي ـــرهـ ..

2011- 8- 15, 05:41 PM

بنات بسالكم لا جينا نطلع البطاقه الجامعيه لازم نتصور :biggrin:

اييه لازم اجباري تتصوريييين

موووفقه

.. أميـــ بطبعي ـــرهـ ..

2011- 8- 15, 05:43 PM

سؤال ثاني ..؟

انا افتح حساب بالبنك ولا كيف ..؟

اييييوه لازم تفتحين حساب بالبنك علشان تنزل المكافئه عليه
وبعدين الكليه بيعطونك ورقه
تاخذينها معك البنك تسجلين رقم حسابك
ومعلوماتك انتي
والبنك يختمونها لك وتعطينها الكليه
وهم ياخذونها وخلاص تنزل المكافئه على هذا الحساب

اي سؤال انا بالخدمه

لحظه جنون

2011- 8- 15, 05:48 PM

مرحبااا اخباركن :biggrin:<< جوعااااانه

.. أميـــ بطبعي ـــرهـ ..

2011- 8- 15, 05:49 PM

لحضة جنون هلا بك خيتو
انا تمااااام اخبارك انتي؟؟؟؟

لحظه جنون

2011- 8- 15, 05:56 PM

كككل استاذة لها طريقتها بالتعامل والتدريس وطلباتها الاخاصه فيها من واجبات وابحاث و تلخيص واختبارات
في مواد سهله وودسمه بنفس الوقت ووطويله والي تحتاج مذاكرة اول باول ممثل فقه السيرة ووفي مواد دمها ثقيل مممثل :biggrin:الادراة مااخوفكم منها بس جد كانت ثقيله على :cheese: الحمد الله عديت منها

الي عندها سوال حاضريين لها :53: