الرجاء اخذ الموضوع بجديييييييييييييييييييييييييه؟

[AL FaIsAl]

بسم الله الرحمن الرحيم

السلام عليكم ورحمة الله وبركااااتة

اخواني اخواتي الأعزاء

بلييييييز اخذ موضوعي بجديه

انا ابي اكمل دراستي بالأكاديميه

تخصص مساعد طبيب اسنان

وحبيت اعرف عن هــ لتخصص هل له مستقبل لانه انا اسمع من بعض الطلاب انه تخصص ماله مستقبل وانه بالأخر راح اجلس بالبيت وانه محتكر للبنات لانه ما اخفي عليكم ان انا راح ادفع مبلغ وقدره ومابي اندم بليييييييز نوروني


وتحياااتي لكم

[|..الندى..|]

وعليكم السلام ورحمة الله وبركاته

صديقتي دخلت هذا التخصص وندمت وسجلت السنة الي وراها في الجامعة في كلية العلوم الزراعية

تخصص تغذية

أنصحك تدخلي تخصص كويس الصيدلة تخصص كويس وإذا عندك أقبال عليه أدخلي

أتمنى أفدتك

سلام

:119:

[AL FaIsAl]

يسلمو على المرور المحطم من اولها

تحياتي لك

وياليت الباقين يفيدوني

وتحياتي للجميع

[|..الندى..|]

الله يسلمك

مو محطم

أسمعي لاتاخذي برأي البنات

أحياناً الناس يقولون لك شي

ولما تدرسي أو تدخلي التخصص تلقي شي ثاني

لا تاخذي بالكلام دايم

إذا إنتي مقتنعة فيه ادخلي وما عليك من أحد

إذا لاقية إنك بتقدمي فيه زين وحابته دخلي أكرر

وربي يوفقك

وإن شاء الله يفيدوك

:119:

[مشعل العنزي]

السلام عليكم

أسعد الله وقتكـ ,,اخــوي بالنسبة لتخصص مساعد طبيب أسنان ,,

شوف المعاهد الحكومية ,, شكثر الطلاب بالتخصص هذا ,, وانت تعرف الافضلية لهم بكل تأكيد ...

اذا انت جازم بالدخول :

شوف تخصص : مختبرات

شوف تخصص : التخدير

شوف تخصص : طب الطورائ


هذه الاقســــام الافضل واللي عليها طلب من الحكومة وبكل مكان راح تحصل ,,

الاسباب ,,

المختبرات : مافي سعوديين بشكل كااااااافي لسنوات قدام

التخدير : بالمثل مثل المختبرات ,,

طب الطوارئ : تخصص جديد + جامع بين الاسعاف والتمريض + في نوع من الصيدلة وهالشي بالتقرير كامل عن هذا التخصص


ولك تحياتي ولك الاختيـــار :)

[m1shm1shah]

نصيحه دور اي تخصص ثاني الحين دكاتره مو لاقين وظايف مو عاد مساعد من معهد اهلي
دور شي نادر فيه السعودين صيدله مختبرات طب طوارئ زي ما قال اخوي مشعل
انا صيدله ولما شفت التوظيف قليل فيه بنسبه لنا كادبلوم وخاص قاعده افكر احول طب طورئ لأنه قليل سعودين فيه

[AL FaIsAl]

الله يسعدك يارب

طيب هل التخصصات موجوده بالأكاديميه

وهل دراستها صعبه

وابيك تنصحني بأفضلها

تحياتي لك

[مشعل العنزي]

السلام عليكم ورحمة الله وبركاتة


أنت بالأول في أي منطقة ,, لان التخدير بكم منطقة

وباقي التخصصات ان شاء الله بكل مكان ,,

والدراسة وانا خيك سهلة ان شاء الله

ومافي احد متعلم :)

وشد حيلك

والافضل بنظري اللي قلتهم لك هم الثلاثة :)

[AL FaIsAl]

اخوي مشعل انا من جدة

وهم حبيت اضيفك معلومه

انا دبلوم تجاري

وقالولي انه فيه ترم تأهيلي

بعد ما اخلص الترم التأهيلي راح يكون اختباره بالهيئه

ماصحة هالكلام وشنو هالهيئه

[مشعل العنزي]

هــلا اخوي ,, وهلا بأهل جدة غيـــر :d5:

بالنسبة للكورس التأهلي : أنت أدبي أو مضت على دراستكـ خمس سنوات = راح تدرس تأهيلي

والتأهيلي الاختبـــار مو من المعهد من برى , ولازم تشد حيلك فية وانا خيكـ ,, :s12:

وهالكــلام صحيح ولا فيه شكــ :064:

لك أحتراميــ وتقديري :119:

[طالبة تمريض]

ادخل اللي انت ميولك في واذا ع التوظيف الارزاق بيد الله وحد ياخذ اللا نصيبة

[AL FaIsAl]

ماقصرت يالغالي

بس حبيت اعرف شنو الهيئه انا اول مره اسمع فيها

[كرستالهـ؛؛]

الله يوفقك اختي وادخلي اللي انتي تبينه وماعليك من احد
وبالتوفيق

[فتنة]

تبغى دراسة اهلية مضمونة وفي تخصص صحي

انصحك بكلية الرياض لطب الاسنان والصيدلة

وهذا رابط الموقع

http://www.pcdp.edu.sa/?p1

كان ممكن اكون من طالبات الكلية لكن الله مااراد والخيرة فيما اختاره الله:119:

بالتوفيق..

[1988بنادول]

الهيئه هي اللي مسؤله عن المعاهد
وهي تقدم لنا الاختبارات
ومانتوظف الا اذا نجحنا بهالاختبار

وهذا اللي اعرفه