تجمع بنات الفيزياء لجميع المستويات

[نودي1]

مساء الخير :106:

شخباركم بنات ... اليوم النت عندي تعبان << سلامته :biggrin:

أبي اطبع المواد اللي انا سجلتها .. من وين ؟!:mh12:>> نسيت الطريقه :(107):

[فيزيائية طموحة]

فيزياء ططمووحة نفس النتيجة تطلع !!!
نفس الرسالة آلي تطلع للمتمردة شالحل يار بي قربت أجن ><
و لييه مافيه تذوق أدبي هالترم ؟

الله يعينك

إذا تقدرين روحي الكلية بكرة أو أحد من صديقاتك يروح

والتذوق إذا كان نازل لكل الأقسام الترم الأول خلاص مابينزل مرة ثانية الترم الثاني

بالتوفيق إن شاء الله :love080::love080:

[هند عبد الله]

مساء الخير :106:

شخباركم بنات ... اليوم النت عندي تعبان << سلامته :biggrin:

أبي اطبع المواد اللي انا سجلتها .. من وين ؟!:mh12:>> نسيت الطريقه :(107):
الخدمه الذاتيه وبعدين عالسجلات الاكاديميه ___ عرض كشف غير رسمي للدرجات
وحطي القيمه تبع انوفيشل ترانسكريبت بعدين عرض التقرير
يستحسن تفتحينه بالفاير فوكس او متصفح الكروم:119:
لطباعه السجل كامل

[فيزيائية طموحة]

مساء الخير :106:

شخباركم بنات ... اليوم النت عندي تعبان << سلامته :biggrin:

أبي اطبع المواد اللي انا سجلتها .. من وين ؟!:mh12:>> نسيت الطريقه :(107):

مساء النور :106::106:

الحمد لله وانتي شلونك ؟

الخدمة الذاتية - التسجيل - جدول الفصول الدراسية الخاصة بي

[هند عبد الله]

ملكة حبيبتي مشكوره ع الرد:106:

[فيزيائية طموحة]

الخدمه الذاتيه وبعدين عالسجلات الاكاديميه ___ عرض كشف غير رسمي للدرجات
وحطي القيمه تبع انوفيشل ترانسكريبت بعدين عرض التقرير
يستحسن تفتحينه بالفاير فوكس او متصفح الكروم:119:

هذا السجل الأكاديمي

هي تقصد جدول موادها اللي سجلتها هالترم :119:

[هند عبد الله]

هذا السجل الأكاديمي

هي تقصد جدول موادها اللي سجلتها هالترم :119:

يس عدلت المشاركه:mh318:

[Dexter's Mind]

نزلت كيم 2 مع أيمن بالنظام : )

[هند عبد الله]

مبروووووووووك ع الاشراف:106: ولو انها متأخره

[bnt 3zooz]

بناااات
ابي ايميل الاستاذ عبدالله بسسرررررررررررعه
الله يجزاكم خيير

[نودي1]

^

registration@sm.ud.edu.sa

[فيزيائية طموحة]

مبروووووووووك ع الاشراف:106: ولو انها متأخره

الله يبارك فيك وعقبالك إن شاء الله :love080::love080:

لا عادي :119::106:

[bnt 3zooz]

حبيبتي ايميل الاستاذ في كلمة shahen
اتوقع :000:


احد يعررفه ؟؟

[نودي1]

د/ مـنـيـرة عبدالله عبدالعـزيز المصـيريـعـي

malmessiere@ud.edu.sa

هذا ايميلها

:106:


^
هذا ايميلها حق الجامعه..

انا عندي هذا ..اتوقع الخاص ..

mmussar@hotmail.com

[احلى توته.]

حبيبتي ايميل الاستاذ في كلمة shahen

اتوقع :000:



احد يعررفه ؟؟



https://r3.res.outlook.com/owa/14.15.39.1/themes/resources/clear1x1.gif
‏[ashaheen@ud.edu.sa]‏

:tongue::love080:

[نودي1]

حبيبتي ايميل الاستاذ في كلمة shahen
اتوقع :000:


احد يعررفه ؟؟

سوري قلبو بس مخزن عندي بأسمه .. على العموم انشاءالله احد يساعدك ..

[bnt 3zooz]

مشششششكورين ماقصرتوو :love080:

بس سؤال : ارسل من ايميلي الجامعي ولا العادي ؟؟
وهل في شي معيين ضروري اكتبه بالرساله ؟؟

[احلى توته.]

مشششششكورين ماقصرتوو :love080:


بس سؤال : ارسل من ايميلي الجامعي ولا العادي ؟؟

وهل في شي معيين ضروري اكتبه بالرساله ؟؟



يفضل الجامعي

واكتبي له اسمك ورقمك الجامعي وكلمه المرور ومشكلتك اكيد:tongue:

[ريوووش]

بنات الله يسعدكم
ابي خطة الفيزياء 2010
كل المستويااااااات

[ريوووش]

بنات سؤال طرى على بالي

عادي اسجل الماده ومتطلبها بنفس الترم ؟؟؟

بيرضون ؟
والنظام الحلو بيرضى يسجلها لي؟

[~{وردة ملكها}~]

لا مايرضون

لان اسمها متطلبات يعني تخلصينها وتاخذين الباقي :119:

[Saint Laurent]

بنات مين تنصحوني فيه في فزيا2
منيره ولا نوال ولا امل

[ريوووش]

طيب عندي سؤال اخر

متى اختبار تفاضل 2 ؟

[احلى توته.]

طيب عندي سؤال اخر



متى اختبار تفاضل 2 ؟



يوم السبت من الاسبوع الثاني الفتره الاولى

[غلآكمـ]

غلاكم بالنسبه للغه الانجليزيه :icon9:
هي مرررررره مهمه تعتبر باسبورت الدراسه بررا
يمكن عشان كذا الريسيررتش يكون بالانجلش عشان يمهدون للطالب طريقه
بس للاسف طلاب كثير ما أسسسوا انفسهم لهالنقطه
يعني الواحد مايعتمد عليهم في التعليم يعلم نفسه بالممارسه :biggrin:

انا مع ان الشرح يكون عربي بس الكتب العربيه بعضها ماتعطيك المعلومه بشكل مبسط
وهالشي صار بماده من المواد عندنا المرجع الانجليزي كان اسهل واوضح
والعربي كان كلام كلام كلام < يعني المؤلف يعبي الصفحات :(269):
بس وقت تجين تختصرين المعلومات بتحسين الكتاب صار نص حجمه :biggrin:
هنا بنحتاج مرجع انجلش لانهم مو حقين تعبية اوراق وهذره :(177):
عاد تخيلي بمكتبة الكليه من سنه .. فتحت كتاب حيويه
وشفت معادله كيميائيه مكتوبه بالعربي والله حسيتها طلاسم :000:
تعودنا عالرموز تكون انجلش < لاحد يلومها حتى توقيعها انجلش ماشاء الله :lllolll:
بالنسبه للنت تلاقينهم مهتمين ينشرون الكتب لو تبين كتاب انجلش بدقايق بتلقينه
بس الكتب العربيه ...! للأسف لو تدورين من هنا للسنه الجايه ماراح تلقين كتابك المطلوب
يعني المشكله بصراحه اكبر من انه ترجمه وكذا ..
حتى الترجمه لما تجيك ماراح تجيك بالمعنى يمكن تجيك ترجمه حرفيه
والحرفيه ما تعطيك اجمال الكلام ومعناه الكلي بتحسينه اكواد فيجوال بيسك :lllolll:

<< كني طولت :biggrin: وجهة نظري واعتذر لو ضايقت احد :106::106:

صحيح كلآمك فيه تقصير من الطآلب نفسه و فيه تقصير آكبر في طريقة التدريس بالمدرسة ..
اجل معقوله 6 سنوات دراسة لغة انجليزية في المرحلتين المتوسطة و الثانوية و في النهاية ماتقدر البنت انها تقول 6 جمل ورا بعض عن نفسها بدون اخطاء ؟؟

6 سنوات اظن انها كفيلة ان الشخص يكون بلبل باللغة الانجليزية :)
و يتعلم فوقها لغة الى لغتين زود ..

على وقتنا هالكلآم :cheese:

الحين من رابع الى ثالث ثانوي ..
يعني 9 سنوات !!!!!!!!!!!!! :icon9:

اما بالنسبة لبعض الكتب المترجمة حاليا ..
لما نجي للي يترجمون هالكتب ، و نشوف تخصصهم شنوو ؟
بتششوفين اما ترجمة او آدب انجليزي ..
فـ طبيعي بتكون الترجمة حرفيه


يعني المفروض في الترجمة يكون متواجدين اثنين

1 /وحده تخصصها انجليزي + وحده من طالبات العلوم = ينتج لنا كتاب مترجم ترجمة ممتازه علميه عملية

او

2 ‫/‬ طالبة علوم عندها لغة انجليزية . . . هذا يعني راح تكون الترجمة ممتازه علميه عملية


انا معك ان في تقصير بس ايش نسوي مافي تشجيع للأسف :icon9:
ولا في ناس بصراحه مبدعه وتترجم بس مالقت دافع :icon9:

ايه صادقة و ^^ البنت اللي تكتب من خلف الكيبورد تتمنى لو قروب من بنات باشراف دكتوره و نشتغل مع بعض .. على ترجمة كتاب :love080:

ما اقول الا الله كريم ..

بالعكس ردك اسعدني :love080:
زورينا كل يوم :biggrin:

[غلآكمـ]

ما شاء الله كلام الفنزويلية صحيح :d5:

المفروض إن كل شيء يدرسونا إياه بلغتنا حتى لو كان المرجع إنجليزي عشان الطالبات يفهمون المادة العلمية وبالنسبة للغة
فهاذي تعتمد على الطالبة نفسها لازم تتقوى بالإنجليزي عشان تقدر تتطلع على مراجع أكثر
وحتى اللي ماتقدر تروح معاهد في مواقع تعلم إنجليزي ومجانية وتحسون فيها تفاعل :(204):
وصحيح كل الدول جامعاتها تدرس بلغتها :(204):
والمفروض بدل ما يطيرون الناس برا عشان يدرسون يطورون الدراسة هنا حتى لو يتعاقدون مع جامعات أجنبية
وياخذون منهم أفكار ويبدأون ينفذونها مع الوقت يمكن حتى يصيرون جامعاتنا احسن من اللي برا :biggrin:

وبالنسبة للترجمة أوافقك الرأي إذا كانت بتعم الفائدة من ترجمة الكتاب أما اني أترجمه لنفسي ماله داعي :(177):

وإياك إن شاء الله :love080::love080:



اذكر مره طالب مبتعث قال بمعنى كلامه مو ذاكره كلامه نصا: " كلآمه آعجبني "

( لو الجامعات الاجنبية سوت لها فروع هنا بالسعودية .. كآن النآس طلعو عيوب فيها و قالو مو زينه ، مو عشان شي
بس لآن الجامعة موجودة بالسعوديه ليس الا )

و لكن اتمنى كلامك يطبق :love080: . . .

مع اني اشوف فيه مشكلة في فكر الطالب الجامعي :(177):
- يعني مو كل شي يعجبه .. لو جا دكتور يشرح بضمير و يتعب علشان احنآ نفهم و يضغط علينا عشان نذاكر و يبي يشوفنا شي مميز مستقبلا :
ردة الفعل من الطالب .. هالدكتور مانبيه :(177):
و ابرز شي صاير الحين :( عن المادة اللي البنات يبون يغيرون دكتورتها و السبب !!!!! :(177):
اتوقع وصلتك الرساله صح ؟

اذا ماوصلتك قولي لي عشان اقولك عليها بالخاص :119:

- و الدكتور اللي .. يشرح اي كلام و :biggrin: مايتعب نفسه كل شي واضح كل شي واضح ..
ماراح يعجب الطالب :119: لانه مايشرح صح

- و اذكر بعد قريت رد لطالب من جامعة الملك فهد للبترول و المعادن :biggrin:
كان معترض انه يتأخر بس خمس دقايق عن المحاضرة و الدكتور الاميركي يحط له غيآب :(269):

طيب هذا النظام !!

معروف في كل الجامعات .. ان التأخير عن المحاضرة دقيقتين يعتبر غآيب و اذا الدكتور مرره طيب .. عطاه غياب ساعه :love080:

- و اذا الدكتور طيب حيييل .. استغلوه و مآ آحترموه :119:

برايك كيف نتعامل مع هالنوعية من الطلاب ؟ :(107):

اغلب الطلاب اذا ما كآن 80٪ من هالنوعية و الباقي فيهم الخير :cheese:

[غلآكمـ]

:hahahahahah::hahahahahah::hahahahahah:


ايه تونا مبتدئات بس المشكلة اننا يمكن نزعج أحد بالتنبيهات اللي تجيهم :000:

صح احنا الحين في زمن مهم جدا تعلم اللغة الإنجليزية بس فكرة الدراسة برا لأنها افضل المفروض تتغير بحيث ان الدراسة هنا تتطور والأنظمة بعد تتطور
عشان مانفرق عنهم بشي و ممكن نصير أحسن منهم :wink:

أوافقك الرأي بالنسبة للشرح وأسئلة الإمتحان لازم تكون بالعربي لأن احنا مو قاعدين ندرس الإنجليزي كتخصص
وبالنسبة للمراجع فعلا للأسف الشديد المراجع الإنجليزية أفضل من العربية

و أحيانا في مبدعين مايدرون عن نفسهم :(177):
لأن نطام دراستنا كل شي معتمد على الإختبارات وتجي الأسئلة أكتبي ماتعرفينه عن منهج كذا بدون مبالغة :sdfgdsf:
و يجون أغلب البنات صامين المنهج ويكتبونه زي ماهو إلا مارحم ربي هم اللي نظام أسئلتهم يخلي الطالبة تكتشف انها مبدعة :(204):


وغير كذا طريقة تعامل بعض الدكتورات الله يهديهم
من أول اليوم يقولون المنهج صعب وإذا مانجحتي في المادة الفلانية مابتمشين في المنهج فأكيد هالشي بيأثر على نفسية الطالبة
وتحط في بالها انها مابتفهم فعشان تنجح في المادة تروح تصمها صم :sdfgdsf:


وفيه العكس حتى لو الطالبة سوت شي بسيط بس كان متقن مثلا بحث أو عرض تلاقينهم يشجعونها تشجيع
حتى لو انها مخترعة شي جديد ما لقت هالتشجيع فأكيد هالبنت بيصير عندها دافع انها تطور الشي اللي بدت فيه

بالعكس يالغالية خذي راحتك استفدنا كثير من رأيك و جميع الآراء ووجهات النظر عندنا محترمة
وماتضايقنا أبدا حتى لو كانت مخالفة أو كانت نقد لشيء ما عندنا كل شي عندنا عادي :biggrin:

حياك الله وبياك :106::106::love080:
*

:icon9::biggrin: من جد يا كثر التنبيهات عندي و بطلتها فيزيائية طموحة :icon9::biggrin:

آنا آكثر آعتراضي كطالبة فيزياء .. هو عدم وجود الفيزياء النووية و الذرية بأي جآمعة سعوديه على حد علمي ..

في مرحلة الدكتورآه و المآستر

^‫^‬ فيه مآستر لكن نظري !!!!
الفيزياء = تجربة

يكفي الصور بالمرآجع الاجنبية تفتح النفس غصب تطآلعين تطآلعين لما تستوعبين عن وشو تتكلم الصفحة :icon9::biggrin:

تجي الأسئلة أكتبي ماتعرفينه عن منهج كذا بدون مبالغة :sdfgdsf:

ججججربتها السمستر اللي رآح :bawling: :bawling:
هالنوع من السؤال .. جبت العيد بس ربي ستر و عديت المآدةه :icon9:

من ناحية الدكتورات اللي يقولون المنهج صعب و كذا ..
شوفي هي تقصد .. ذاكرو اول بآول :(269):
بس طريقة كلامها او حتى اسلوبها للاسف :(177):
تحسينه تخويف اكثر من انه نصح :119:

يوم شفت كلآمك .. على طول قلت " الله يكثر من آمثآل دكتوره هند " :wink:

[نداء الروح2]

بناااااااااااااااااااااااااااااااااااااااااااااااا ت :000:
صبآح الخيييييييييييير اول شئ

استغفر الله ربي واتوب اليه

ارسلت طلب موافقة المرشده من يومين !
ولاجاني رد ؟.!


الحين حتى لما اسوي بحث
يطلع لي الداله خاطئه .!
وباقي ماسجلت موادي :017:

والسواة ؟! :(

[آلمتمردّه]

آلله يعينـّآ

طيب بنآت
آبي آخذ كتآبه وتعبير
بس وقت تآكيدآلتسجيل مآيتم
وحآولت بـ آلنظآم عربي و آنجليزي و نفسسسسه تطلع

http://im19.gulfup.com/2012-02-01/1328072029581.jpg (http://www.gulfup.com/show/Xwk4s850h9fpk)

وش آلحل !؟!!!!!!!!

[هند عبد الله]

You are not allowed to enroll in this class at this point of time as University has not scheduled Course ID : 800165 Subject : CHEM Catalog Number : 101N for the Term . Please get in touch with Deanship for more details. :mad:انا يطلع لي ذا المسج

[هند عبد الله]

ما دري وش الحل!!!!!

[هند عبد الله]

حبيبتي المتمرده شكل لازم نروح الكولج انا قايمه من الساعه 7
بس الجو غبااااااااار مايحمس مااااااااابغى اروح:Cry111:

[نداء الروح2]

يوووه طلعت لي نفس مشاكلكم
اقولكم كل يوم ويطلع لنا مشكله
حسبي الله ونعم الوكيل بس .!

[آلمتمردّه]

آلله يسسستر
آلمشكله مآنيب في آلشرقيه آلـآن:Cry111:

[هند عبد الله]

ايشركم طلع لي رساله جديده
يقولكم
You have not yet enroll a course ID : 800165 i.e CHEM -101N from previouS level of academic Advisement for program PHYFD. Please enroll in this course first and then proceed.If you want to skip this course, please navigate to following navigation path and apply. Self Service --> Uoda Services --> Student Application --> Registration Advisor Approval page. choose the 'Previous Level approval' option from the drop down of 'Advisor Approval' type and click on 'Apply' button.

بالعربي:24_asmilies-com:
أنت لم تسجل حتى الآن على هوية الدورة : 800165 - 101N كيمياء أي من المستوى السابق للأكاديمية المتأنية لPHYFD البرنامج. الرجاء التسجيل في هذه الدورة أولا ثم proceed.If تريد تخطي هذا بطبيعة الحال ، من فضلك انتقل إلى مسار الملاحة التالية وتطبيقها. الخدمة الذاتية --> Uoda خدمات --> تطبيق الطلبة --> الموافقة على تسجيل مستشار الصفحة. اختيار خيار "الموافقة المستوى السابق" من القائمة المنسدلة من النوع 'مستشار الموافقة" وانقر على زر "تطبيق".

[هند عبد الله]

وت دو اي دو!!!!!!!!:lllolll:

[نداء الروح2]

اسسستغفر الله بس !!
جربتي تسوين الي كتبوه طيب ؟!

[هند عبد الله]

لاااااا خفت ازيد الطين بله

[هند عبد الله]

وش رايك اجرب

[نداء الروح2]

يضحگني النظآم لاجيت ادخله من جوآلي
يقولي المعرف الخاص بك او كلمة المرور غير صحيحه،!
واهيا صحيحه !!!
الحمممدالله والشگر ،!!
والا عاد لا قالوا لك حولي الواجهه انجلش ويضبط
ع اساس متطور النظام ومايقبل عربي بففففففف Xd
هي كل ابوها الباس والمعرف ارقام
عاد فرقت انجلش والا عربي وكلها تك تك وانتيهنا ',!

[نداء الروح2]

ايه جرررربي وششششوفي
وقولي وش يصير

[هند عبد الله]

جربت انقلش وتك تك وبعد ماضبط:24_asmilies-com:

[هند عبد الله]

بجرب والله يستر والا استنى رد استاذ عبد الله ارسلت له ع الايميل

[هند عبد الله]

لم ينفع :lllolll:

[فيزيائية طموحة]

صحيح كلآمك فيه تقصير من الطآلب نفسه و فيه تقصير آكبر في طريقة التدريس بالمدرسة ..
اجل معقوله 6 سنوات دراسة لغة انجليزية في المرحلتين المتوسطة و الثانوية و في النهاية ماتقدر البنت انها تقول 6 جمل ورا بعض عن نفسها بدون اخطاء ؟؟

6 سنوات اظن انها كفيلة ان الشخص يكون بلبل باللغة الانجليزية :)
و يتعلم فوقها لغة الى لغتين زود ..

على وقتنا هالكلآم :cheese:

الحين من رابع الى ثالث ثانوي ..
يعني 9 سنوات !!!!!!!!!!!!! :icon9:

اما بالنسبة لبعض الكتب المترجمة حاليا ..
لما نجي للي يترجمون هالكتب ، و نشوف تخصصهم شنوو ؟
بتششوفين اما ترجمة او آدب انجليزي ..
فـ طبيعي بتكون الترجمة حرفيه


يعني المفروض في الترجمة يكون متواجدين اثنين

1 /وحده تخصصها انجليزي + وحده من طالبات العلوم = ينتج لنا كتاب مترجم ترجمة ممتازه علميه عملية

او

2 ‫/‬ طالبة علوم عندها لغة انجليزية . . . هذا يعني راح تكون الترجمة ممتازه علميه عملية




ايه صادقة و ^^ البنت اللي تكتب من خلف الكيبورد تتمنى لو قروب من بنات باشراف دكتوره و نشتغل مع بعض .. على ترجمة كتاب :love080:

ما اقول الا الله كريم ..

بالعكس ردك اسعدني :love080:
زورينا كل يوم :biggrin:

جبتيها 6 سنين دراسة والطالب يطلع حده أورنج وآبل !!!!! :sdfgdsf:

توني أدري ان اللي يترجمون مو متخصصين في المادة اللي يترجمونها ؟!! :g2:

توقعتهم متخصصين بس الإنجليزي عندهم يبيله شوي :(269):

وإقتراحك حلو عن ترجمة الكتاب وإن شاء الله يوصل صوتك ويتنفذ اقتراحك :(204):

نتفاءل خير شورانا :biggrin:

[كبرياء جرح]

وت دو اي دو!!!!!!!!:lllolll:

لازم موافقة المشرفة :biggrin:

[فيزيائية طموحة]

:icon9::biggrin: من جد يا كثر التنبيهات عندي و بطلتها فيزيائية طموحة :icon9::biggrin:

آنا آكثر آعتراضي كطالبة فيزياء .. هو عدم وجود الفيزياء النووية و الذرية بأي جآمعة سعوديه على حد علمي ..

في مرحلة الدكتورآه و المآستر

^‫^‬ فيه مآستر لكن نظري !!!!
الفيزياء = تجربة

يكفي الصور بالمرآجع الاجنبية تفتح النفس غصب تطآلعين تطآلعين لما تستوعبين عن وشو تتكلم الصفحة :icon9::biggrin:

تجي الأسئلة أكتبي ماتعرفينه عن منهج كذا بدون مبالغة :sdfgdsf:

ججججربتها السمستر اللي رآح :bawling: :bawling:
هالنوع من السؤال .. جبت العيد بس ربي ستر و عديت المآدةه :icon9:

من ناحية الدكتورات اللي يقولون المنهج صعب و كذا ..
شوفي هي تقصد .. ذاكرو اول بآول :(269):
بس طريقة كلامها او حتى اسلوبها للاسف :(177):
تحسينه تخويف اكثر من انه نصح :119:

يوم شفت كلآمك .. على طول قلت " الله يكثر من آمثآل دكتوره هند " :wink:

:mh318::mh318::mh318::mh318::mh318:

لاحظت إن أغلب دكتوراتنا السعوديات تخصصهم نووية أو جوامد بس كله نظري ماأدري إذا فيه تجريبي وأنا مانتبهت له :(107):
معناته فيه هالتخصصين وطبعا في كليتنا نتفاجأ باللي صاروا دكتورات حتى إعلان مايحطون بهالشيء يعني لازم يكون فيه تقدير للعلم :icon9:

والذرية هو اللي ماسمعت فيه عندنا والدكتورة سوسن تخصصها الأطياف :(204):


الحمد لله انك عديتها :106::106:

ايه أكيد قصدهم شريف ويبون البنات يذاكرون بس الأفضل بدال مايستخدمون اسلوب التخويف يستخدمون أسلوب التشجيع مثلا يقولون المادة حلوة وممتعة بس تحتاج مذاكرة أول بأول لأن معلوماتها مترابطة :wink:

" الله يكثر من آمثآل دكتوره هند "

اللهم آمين

فعلا هالدكتورة الله يحفظها أمثالها جدا نادرين

الله يجمعني معاها في مادة قبل لا أتخرج :Cry111:

[صمتْ]

الحمدلله ياااارب سجلت موااادي

:mh001:
:mh001:
:mh001:


:71: :71: :71: إلى الآن ماني مصدقة :71: :71: :71:

[فيزيائية طموحة]

اذكر مره طالب مبتعث قال بمعنى كلامه مو ذاكره كلامه نصا: " كلآمه آعجبني "

( لو الجامعات الاجنبية سوت لها فروع هنا بالسعودية .. كآن النآس طلعو عيوب فيها و قالو مو زينه ، مو عشان شي
بس لآن الجامعة موجودة بالسعوديه ليس الا )

و لكن اتمنى كلامك يطبق :love080: . . .

cheese:[/QUOTE:]


صادق البعض وللأسف سعوديين ودايما حاطين في بالهم ان السعودي مهما يسوي يعتبر فاشل

يعني السعودي ناقصه شي عن غيره مثلا !!!

إن شاء الله :love080::love080::love080:


[QUOTE=غلآكمـ;5662703]
مع اني اشوف فيه مشكلة في فكر الطالب الجامعي :(177):
- يعني مو كل شي يعجبه .. لو جا دكتور يشرح بضمير و يتعب علشان احنآ نفهم و يضغط علينا عشان نذاكر و يبي يشوفنا شي مميز مستقبلا :
ردة الفعل من الطالب .. هالدكتور مانبيه :(177):
و ابرز شي صاير الحين :( عن المادة اللي البنات يبون يغيرون دكتورتها و السبب !!!!! :(177):
اتوقع وصلتك الرساله صح ؟

اذا ماوصلتك قولي لي عشان اقولك عليها بالخاص :119:

- و الدكتور اللي .. يشرح اي كلام و :biggrin: مايتعب نفسه كل شي واضح كل شي واضح ..
ماراح يعجب الطالب :119: لانه مايشرح صح
:cheese:

كنت بأقول رغم كل المحبطات اللي تجيط بالطالب المفروض اذا مالقى اللي يشجعه المفروض هو يحاول يشجع نفسه بنفسه يبحث عن تجارب الناجحين ويحاول يصير زيهم ويحاول يبتعد عن أي شخص يحاول يحبطه

دايما هالدكتورات النادرين اللي من هالنوع ماحد يبيهم إلا مارحم ربي مع انهم مايتفوتون دايما يدورون على اللي اسئلتها نسخ لصق ومايبون حتى رقم يتغير من مسألة وإذا تغير شي قالوا جانا شي برا المنهج !!! بغض النظر عن شرحها أهم شي اسئلتها

ايه صح كلامك الله يهديهم مو لها الدرجة عاد !!!!! :017: <<< أكلمك أكثر في هالموضوع على الخاص ماينكتب هنا بس أنا ضد اللي صار حتى لو ......... :icon9:

رسالتك ماوصلت أرسليها على الخاص :mh318:

و إذا ماشرح الدكتور قالوا مايشرح صح كلامك الله يهديهم بس

وكل هاذا نقصد فيه الأغلب مو الكل طبعا كذا :(204):


- و اذكر بعد قريت رد لطالب من جامعة الملك فهد للبترول و المعادن :biggrin:
كان معترض انه يتأخر بس خمس دقايق عن المحاضرة و الدكتور الاميركي يحط له غيآب :(269):

طيب هذا النظام !!

معروف في كل الجامعات .. ان التأخير عن المحاضرة دقيقتين يعتبر غآيب و اذا الدكتور مرره طيب .. عطاه غياب ساعه :love080:

- و اذا الدكتور طيب حيييل .. استغلوه و مآ آحترموه :119:

برايك كيف نتعامل مع هالنوعية من الطلاب ؟ :(107):

اغلب الطلاب اذا ما كآن 80٪ من هالنوعية و الباقي فيهم الخير :cheese:

غلاكم :love080::love080:

ما شاء الله عليك باحثة ممتازة :d5:

طيب ايش سبب التأخير ؟؟؟ إذا كان فيه سبب مقنع المفروض الدكتور يعذره
أما ان الطالب يلعب وإذا تأخر يحاسب الدكتور ليش يسوي كذا فهو غلطان :mad:

وأحيانا الدكاترة هم اللي يتأخرون عن وقت المحاضرة فعلى كذا المفروض الدكتور والطالب اثنينهم محاسبين على التأخير :(107):

ومسكيييييييين هالدكتور الطيب دايما مو محترمينه ويصارخون عليه إلا ما رحم ربي هم اللي فعلا
يحسون هالدكتورة كأنها أخت كبيرة لهم إذا ماكانت أم بالنسبة للدكتورات اللي كبار في العمر

أما كيف نتعامل معاهم لازم الدكتورة تشد عليهم شوي لأنهم غلطوا عليها بتصرفهم إذا مانفع معاهم الكلام الطيب
لأن احنا لو بنقعد نكلمهم مباشرة شي طيب بس مدى استجابتهم يختلف بعضهم بتناقشون معانا بهدوء وبعضهم مابيخلونك حتى تكملين كلامك إلا قبوا بوجهك
فهنا نحتاج طريقة غير مباشرة بحيث انهم مايحسون ان هالكلام موجه لهم شخصيا وهذا يبيله شوي تفكير
وإن شاء الله نقدر نسوي شي عشان يتغير هالشي <<< بعد خليها على الخاص عندي كلام بها الموضوع :biggrin:

[فيزيائية طموحة]

الحمد لله يا رب سجلت موااادي

:mh001:
:mh001:
:mh001:


:71: :71: :71: إلى الآن ماني مصدقة :71: :71: :71:

الحمد لله مبروووووووووووووك صمت :love080::love080:

[نداء الروح2]

بناااااااااااااااااااااااااااااااااااااااااااااااا ت :000:
صبآح الخيييييييييييير اول شئ

استغفر الله ربي واتوب اليه

ارسلت طلب موافقة المرشده من يومين !
ولاجاني رد ؟.!


الحين حتى لما اسوي بحث
يطلع لي الداله خاطئه .!
وباقي ماسجلت موادي :017:

والسواة ؟! :(

*:


سسسسسسسساعدوني :bawling::bawling:

[فيزيائية طموحة]

^^^^^^

سامعة كلام والله أعلم إن التسجيل بيمددونه بعد الخميس و حتى اذا سكر هم بيسجلوننا يدوي

ماأدري عن مصدره بس قلت يمكن أحد سمع فيه ومتأكد منه

:106::106:

[ترانيم الحور]

بنات حابه أسئل عن طريقة منيره الميصيرعي <<< ماني متأكده من العائله :000:
المهم أنها تدرس فيزياء 2
شرح لدروس عروض ولا نكتب وراها :biggrin:
وسلوبها كيف والشرح انشاء الله زين
الله يخليكم ردو علي ولاتبخلو
لأني صراحه جربت نوال شرح يجيب النوم وماتعرف تصحح الأختبارات بدون نقاش يعني بداية الجواب موكاتبته خلاص يعتبر خطأ <<< هذي وجهة نظري :(269):

[نداء الروح2]

مشششششگوره حبيبتي فيزيااائيه <٣

ترانيم :)
دكتوره منييييره عسسسسسل
اسلوبها حلو
وتشد ع البنات وبالتالي تقدرين تركزين
ومرا ارتحت لها
بعكس نوال >< على قولتك

بس للاسف ماقدرت اخذ مع منيره ع اساس التعارض
بس العملي معاها <٣


الله يوفقكم انششالله

[فلآﯛيـہ]

بنات
انا كنت مسسجله انجليزي عملي يوم الاحد الصبح مع الاحيا
بسس سحبببته

وسكرت كل شعب الانجليزي
ابي وحده تببدل بسسرعه :24_asmilies-com:

[فلآﯛيـہ]

بنات
انا مستوى رابع
اقدر اخذ كتابه وتعبير هالترم ولا ,,

[ae hyo shin]

ايه صح انا بعد ابي اعرف اقدر اخذ كتابه وتعبير ؟؟

انا سجلتها بس اسمع اليوم يقولون ان ماهي لنا

ممدري اذا الكلام جد او لا

عندكم خبر؟

[رواني9]

الكتابه والتعبير نازل للرياضيات بس على كلام دكتورة نهى انه عادي تاخذينه مع قسم ثاني المواد الادبيه هذي

[ae hyo shin]

شكرآ روآني يعطيج العافيه طمنتيني

[رواني9]

الله يعافيك:biggrin:

[هند عبد الله]

سسسسسسسساعدوني :bawling::bawling:

نداء
انا ارسلت للمرشده منيره المصيرعي وردت علي بنفس اليوم
وقالت لي تعالي اسجلك يدوي السبت عادي لا تخافين :119:
وحاولي ترسلين مشكلتك للاستاذ عبد الله رد علي بنفس اليوم
بالتوفيق:106:

[~{وردة ملكها}~]

انا بعد ارسلت لاستاذ عبد الله وقالي هالكلام :

حاولي مع د. نهى كما قالت لك.. وإن شاء الله ستتساعد معك الكلية لإضافة المقرر..

~*~**~
على الله ومايضيع تعبنا:119:

[نداء الروح2]

عطوووني طيب إيميله اذا ماعليكم امر
والله ارسلت لـ دكتور منيره ونهي مالقيت رد


وبحآول بعد مره ثآنيه وبشوف

[فيزيائية طموحة]

^^^^^^

https://r3.res.outlook.com/owa/14.15.39.1/themes/resources/clear1x1.gif
‏[ashaheen@ud.edu.sa]‏

:tongue::love080:

بالتوفيق إن شاء الله :love080::love080:

[احلى توته.]

نداء
انا ارسلت للمرشده منيره المصيرعي وردت علي بنفس اليوم
وقالت لي تعالي اسجلك يدوي السبت عادي لا تخافين :119:
وحاولي ترسلين مشكلتك للاستاذ عبد الله رد علي بنفس اليوم
بالتوفيق:106:


ايش الايميل الي راسلتي الدكتوره منيره لها .؟

عندها اكثر من ايميل هي :biggrin:

[نودي1]

كبرياء جرح تهقين مافي محاضرات السبت:(107): ..>> تبيها من الله :biggrin:

المجموعه الاولى عندنا كم 2 د- منال اكيد بتعطينا :064:

:(269):

[نودي1]

وين نانا ......؟!!!! >> كل مادخلت موضوع لقيته مغلق ..:biggrin: شسالفه ؟

[**ألم و أمل**]

ههههههههههههههههههههههههههههههههههههههههههههههههه
ماشاء الله شغاله تقفل مواضيع أحس أحجزتنا :biggrin: مب قادره أتحرر

[♥..ЙAИa]

بنات دي اوامر من فوء مش من عندي انا يخواتي :lllolll:

[تَوٍلِيـبَ ~]

أخيرا خلصت تسجيل أحس بـ راحه نفسيه عظيمـه ، :(284)::71:
عقبآل اللي عندهآ مشآكل مع التسجيل :bawling::love080:

[غلآكمـ]

ههههههههههههههههههههههههههههههههههههههههههههههههه
ماشاء الله شغاله تقفل مواضيع أحس أحجزتنا :biggrin: مب قادره أتحرر



:hahahahahah: :hahahahahah: :hahahahahah: :hahahahahah: :hahahahahah:

من جد ماشاء الله عليهااااا

كل ماجيت برد على موضوع .. آشوف مكتوب يغلق و اهم شي جنبها هالفيس >> :biggrin:

[♥..ЙAИa]

غلاكم ههههههههههههههههههههه
هالفيس رهيب :biggrin: شوفي بس ضروسه ...

شفيكم علي ترا مو بس انا اقفل مواضيع :bawling::hahahahahah:

[نودي1]

ههههه مرحبا بنات طاح قلبي شفت اخر رد نانا .. قلت عسى ماتقفل موضوعنا بس :biggrin:


نانا حبيبتي ..>> هذه مداعبه لا اكثر ..:biggrin:


شكرآ لجهود نانا .. الشجره المثمره ......:d5:

يعطيك العافيه ما قصرتي ...:106::106:


:biggrin:

[فيزيائية طموحة]

أنا بعد أساعد نانا في تقفيل المواضيع :33_asmilies-com: <<< مشرفة شريرة :biggrin:

مجهود تشكر عليه نانا جزاها الله كل خير :love080::love080:

[لبى خفوقه]

بنات بليز من افضل
الدكتوره نوره القحطاني والا غدير المقبل
فيز2
من ناحية الشرح والاسئله

[هند عبد الله]

ايش الايميل الي راسلتي الدكتوره منيره لها .؟

عندها اكثر من ايميل هي :biggrin:
mmussar@hotmail.com
:106:

[هند عبد الله]

الحمد لله حلت مشكلتي واخيرا تسجلت موادي :119:

[فلآﯛيـہ]

بنات
كلكم سجلتو انجليزي عملي
طيب ابي اطلب توسيع الشعب شلون الطريقه ؟:bawling:

[آلمتمردّه]

الحمد لله حلت مشكلتي واخيرا تسجلت موادي :119:


مآشآء آلله
آنآ بآآآقي مآ حصلت آلموآفقه:icon9:

[نداء الروح2]

لآإله الا الله
استغفر الله
ارسلت إيميل محد رد .!
إرسلت طلب موافقه محد رد .!
مو هذا اهو إيميل الدكتوره منيره

mmussar@hotmail.com

عطوني أيميل استاذ عبدالله ودكتوره نهى
خل اجرب حظي :(

[شموخي عذبهم]

السسلآم بنآت انا طلع لي تخصص فيزيآء ولمآ ابي اسجل الموآد تطلع هالرسآلهـ
You are not allowed to search the classes as you are not activated in term 2112. Please choose the correct term.

قام برنامج PeopleCode بتنفيذ عبارة خطأ نتجت عنها هذه الرسالة


كيف اتعآمل معآهآ دحيييييييييييييين واللهـ خايفهـ مدري ايشش اسووي لاهنتوآ ابي مسسسسآعدهـ:Cry111::Cry111::000:

[♥..ЙAИa]

فيزيائيه تسلمين حبيبتي ما نستغني عنك يا عسسسوله :love080::mh318:

[فيزيائية طموحة]

لآإله الا الله
استغفر الله
ارسلت إيميل محد رد .!
إرسلت طلب موافقه محد رد .!
مو هذا اهو إيميل الدكتوره منيره

mmussar@hotmail.com

عطوني أيميل استاذ عبدالله ودكتوره نهى
خل اجرب حظي :(

ايميل الأستاذ عبد الله
ashaheen@ud.edu.sa

ايميل الدكتورة نهى
n_almulla@yahoo.com

:love080::love080:

[فيزيائية طموحة]

السسلآم بنآت انا طلع لي تخصص فيزيآء ولمآ ابي اسجل الموآد تطلع هالرسآلهـ
You are not allowed to search the classes as you are not activated in term 2112. Please choose the correct term.

قام برنامج PeopleCode بتنفيذ عبارة خطأ نتجت عنها هذه الرسالة


كيف اتعآمل معآهآ دحيييييييييييييين واللهـ خايفهـ مدري ايشش اسووي لاهنتوآ ابي مسسسسآعدهـ:Cry111::Cry111::000:

ارسلي المشكلة لإيميل الدكتورة نهى وإن شاء الله تساعدك

n_almulla@yahoo.com

:love080::love080:

[ورده الكون]

بنات الله يسعدكم غدير المقبل زينه ولا لا

[فيزيائية طموحة]

بنات الله يسعدكم غدير المقبل زينه ولا لا

ايه ماشاء الله عليها شرح وأخلاق وأسئلتها سهلة وهي توها صايرة دكتورة واحنا جربناها معيدة فإن شاء الله ترتاحون معاها :(204):

[simsomah]

بنااات ثقافه اسلاميه حق مستوي ثاني مع مين ناخذ اش رقم الماده ؟؟

[ورده الكون]

الله يجزاك خيييييييييييييييييييييييييييييييييييييير

[فلآﯛيـہ]

بنات
كلكم سجلتو انجليزي عملي
طيب ابي اطلب توسيع الشعب شلون الطريقه ؟:bawling:

:Cry111::Cry111::Cry111::Cry111:

[فيزيائية طموحة]

^^^^^^^^

اللي أعرفه توسيع الشعب لازم تطلبينه من القسم في الكلية

جربي أرسلي طلبك للدكتورة منيرة وأنا سمعت انه اذا تسكر التسجيل الأسبوع الجاي والمشاكل ما انحلت بيسجلونكم يدوي والله أعلم

:106::106:

[فلآﯛيـہ]

الله يعطيك العافيه
ارسلت للدكتوره منيره وماردت للحين ؟

[Alosh]

بنات شرايكم بمعيدة هند الذيب ؟

[نودي1]

^^

اولا :اهـــــــــــــي دكتــــوره هند الذيب ..:love080::106:

ورأي ..انها جدآ راقيه ..ولو الماده صعبه .. بتشوفينها معها جدآ سهله ..

انسانه تشرح واهي فاهمه كل كلمه تقوله ..

انسانه تفهم نفسيات البنات ..

انسانه محترمه وتحترم اللي قدامهاا مهما كان اهو ...

انسانه يستحي الواحد يناقشهاا بشيء.. من كثر ماهي مخلصه بتوصيل المعلومه ..

انسانه خلت غيرهاا يسير على نفس طريقتها

انسانه خلت الدكاتره يتسابقون على كسب حب طالباتهم ...

انسانه خلاتنا نحب الكليه ..

بإختصار لو تمسك كل المواد .. اخذتهاا لانها غير ممله ابدآ


ماشاءالله ولااله الا الله والله يحفظهاا لعيالها واهلها

:106:

[donia]

فيزيائيات انتم يا كشخات
انت اختكم من قسم الرياضيات
جايه اسألكم سؤال لا هنتو :106:
ممكن ادرس فيزياء 1 صيفي ولا لا
انه متعارض مع مواد التخصص عندي :icon9:

[سنيورتياا]

كيف شررح نوره القحطاني فيزيا 2

[فيزيائية طموحة]

الله يعطيك العافيه
ارسلت للدكتوره منيره وماردت للحين ؟

الله يعافيك :love080::love080:

إذا ماردت عليك مالك إلا تروحين الكلية وتطلبين منهم يوسعون لك الشعبة ويسجلونك يدوي

[فيزيائية طموحة]

فيزيائيات انتم يا كشخات
انت اختكم من قسم الرياضيات
جايه اسألكم سؤال لا هنتو :106:
ممكن ادرس فيزياء 1 صيفي ولا لا
انه متعارض مع مواد التخصص عندي :icon9:

هلا بأختنا وأنا أقول التجمع منور :biggrin:

ما أضمن لك إنه ينزل صيفي فيمكن يتأجل لك للسنة الجاية وتاخذينه مع التحضيري

عادة المواد اللي فيها معامل ماتنزل صيفي :(177):

اذا اخذتيه السنة الجاية مع التحضيري تقدرين تختارين الشعبة اللي تناسب جدولك وتحضرين معاهم

والقرار في الأخير راجع لك :119:

[فيزيائية طموحة]

كيف شررح نوره القحطاني فيزيا 2

الدكتورة نورة مادرستني بس يمدحونها كثير وأنا جربتها كتعامل ما شاء الله عليها أخلاقها جدا راقية :love080::love080:

[بتلة]

بنات انا طلع لي تخصص فيزياء
ومتوهقة مرة مو عارفة كيف اسجل موادي اخترت شعبة 2 بس اشوف الأوقات في تسجيل المواد تختلف عن الجدول
و الحين ماادري الجدول اللي سجلته صح ولا لأ
كيف اعرف بليز ساعدوني

[بتلة]

بنات الحين سجلت الفيزياء اوكي من 8 ل 10
و الكيمياء نفس الشعبة ونفسسسس الوقت كيف!!!!

[m00n 14]

بليز بنات في احد مثلي

النظام بعطيني ان الفلك ماقدر اسجله لاني ما اجتزت المتطلب مع اني مجتازته

[آلمتمردّه]

بنـآت آرسلت آلموآآآفقه من زمآن
و آلـى آلـآن قيد آلدرآسه ؟!!

آلى ـآ متى ـآ:icon9:

[m00n 14]

انا ارسلت وما جاني شي بس لما رجعت دخلت بالانقلش تسجلت معي

يمكن يفتحونه بدون مايرسلون الموافقه

[آلمتمردّه]

حاولت فتحت آلنظآم بـ آلـآنقليزي مآآآآآيجي:icon9:

[sandy]

..

.
السسلام عليكم بنات ,, ارجوووكم ما احد يقرأ مشاركتي ولا يرد :000:

ابي أستفسر هل أقدر أحول من كلية العلوم قسم فيزياء الـــــــى كلية الجبيل تربية قسم فيزياء ؟؟؟؟

أو لأ ؟

واذا ممكن احول هل بيرجعوني سنه ولا بيعادلون لي المواد ؟

في انتظار ردكم بنات قسمنا المتعاون
..

.

[فيزيائية طموحة]

..

.
السسلام عليكم بنات ,, ارجوووكم ما احد يقرأ مشاركتي ولا يرد :000:

ابي أستفسر هل أقدر أحول من كلية العلوم قسم فيزياء الـــــــى كلية الجبيل تربية قسم فيزياء ؟؟؟؟

أو لأ ؟

واذا ممكن احول هل بيرجعوني سنه ولا بيعادلون لي المواد ؟

في انتظار ردكم بنات قسمنا المتعاون
..

.

وعليكم السلام ورحمة الله وبركاته

ايه عادي تقدرين تحولين بس أكيد بيعادلون لك المواد وهم عندهم مواد تربوية زيادة عنا فتوقعي ترجعين سنة

فإذا تحويلك مو ضروري كملي أفضل لك :106::106:

بالتوفيق :106::106:

[فيزيائية طموحة]

^^

اولا :اهـــــــــــــي دكتــــوره هند الذيب ..:love080::106:

ورأي ..انها جدآ راقيه ..ولو الماده صعبه .. بتشوفينها معها جدآ سهله ..

انسانه تشرح واهي فاهمه كل كلمه تقولها ..

انسانه تفهم نفسيات البنات ..

انسانه محترمه وتحترم اللي قدامهاا مهما كان اهو ...

انسانه يستحي الواحد يناقشهاا بشيء.. من كثر ماهي مخلصه بتوصيل المعلومه ..

انسانه خلت غيرهاا يسير على نفس طريقتها

انسانه خلت الدكاتره يتسابقون على كسب حب طالباتهم ...

انسانه خلاتنا نحب الكليه ..

بإختصار لو تمسك كل المواد .. اخذتهاا لانها غير ممله ابدآ


ما شاء الله ولا إله إلا الله والله يحفظهاا لعيالها واهلها

:106:

كنت أرد على مشاركتك أمس وخلص شحن لابتوبي بس الدكتورة هند تستاهل :love080::love080::love080::love080::love080::love 080:

ما شاء الله لا قوة الله << كل من يقرا هالرد يقولها :106:

تستاهليييييييييييييين لايكات من هنا لمكة :love080::love080::love080::love080::love080:


اولا :اهـــــــــــــي دكتــــوره هند الذيب ..


دكتورة في أخلاقها قبل لا تكون دكتورة في شهادتها :love080:

ورأي ..انها جدآ راقيه ..ولو الماده صعبه .. بتشوفينها معها جدآ سهله ..
انسانه تشرح واهي فاهمه كل كلمه تقوله ..

*:

واضح هالشي عليها ما شاء الله عليها <<<< متى يحصل لي الشرف وتدرسني :Cry111:

لكل مشكلة حل مع الدكتورة هند مافي مجال لأي كلام سلبي معاها على طول تخليك تغيرين رايك وينقلب إيجابي

انسانه تفهم نفسيات البنات ..


ماحد إذا كلمته حس فيني وعطاني جرعات إيجابية إلا هي و أمثالها


انسانه محترمه وتحترم اللي قدامهاا مهما كان اهو ...

*:

وهالشي خلاني أحترمها أكثر

انسانه يستحي الواحد يناقشهاا بشيء.. من كثر ماهي مخلصه بتوصيل المعلومه ..


*:

الله يثبتها على إخلاصها صدق أحرجتنا بجمايلها علينا

انسانه خلت غيرهاا يسير على نفس طريقتها


مع اني ماكنت أعرفها زين من قبل بس هالسنة من موقف معين صار معاها وقامت توجهني فيه حسيت اني أبي أعرف أكثر عنها ... أبي أوصل حتى لو قريب من اللي وصلت له

انسانه خلت الدكاتره يتسابقون على كسب حب طالباتهم ...


*:

هاذي الجملة أثارت فضولي مع اني ماأستبعد هالشي لأن فعلا اللي يقعد معاها لازم يتأثر فيها

ودي أعرف كيف صار هالشي إذا عادي ينكتب :g2::biggrin:

انسانه خلاتنا نحب الكليه ..

ماحد كان مخفف علي الترم اللي فات إلا هي والدكتورة إيمان والأستاذة إيمان :love080::love080::love080:

بإختصار لو تمسك كل المواد .. اخذتهاا لانها غير ممله ابدآ


*:

كلمة بإختصار جاية بمحلها لإنك لو بتظلين تكتبين عنها بيخلص المنتدى وانتي ماخلصتي بس بنفس الوقت مو في محلها لأننا مهما نكتب فيها مابنوفي و لاربع شي من حقها

يالييييييييييييييييييييييييييييييت لو هي تمسك كل المواد :love080::love080: <<< تخيلت الأمر في الواقع وفعلا مابنشعر بالملل معاها :(204):


ما شاء الله لا قوة إلا بالله

جزاك الله خير أختي نودي على هالرد الإيجابي الجميل وهذا أقل شي نسويه لدكتورتنا أقصد أختنا :love080::love080:

[sandy]

..
.

فيزيائية طموحة

ماشاء الله عليك احس عندك خبره :(204):, فبسألك بيعقدون السالفه اذا جيت بحول ولا عادي مافيه صعوبات؟ ؟:000:

يعني انا ابي احول مو هالترم ابي احول ع السنه الجايه انا الحين مستوى سادس!! :g2:
..
.

[donia]

احم احم انا منسدحه في قسمك مع اني رياضيات خخخخخخخ
بس عندي سؤال لا هنتو
هل استطيع اخذ فيزياء 2 وانا حامله فيزياء 1
؟؟
تكفون ابغى اقطع الشط باليفين عشان احوس في جدولي ذحين:biggrin:

[فيزيائية طموحة]

..
.

فيزيائية طموحة

ماشاء الله عليك احس عندك خبره :(204):, فبسألك بيعقدون السالفه اذا جيت بحول ولا عادي مافيه صعوبات؟ ؟:000:

يعني انا ابي احول مو هالترم ابي احول ع السنه الجايه انا الحين مستوى سادس!! :g2:
..
.


تسلمين ساندي :love080::love080:

التحويل صار الحين عن طريق البيبل سوفت فأتوقع بيكون أسهل من قبل

أذكر صديقاتي كانوا يبون يحولون من قسم لقسم بس بعد ماخلصوا سنة أولى يا الله بالغصب حولوهم مع ان معدلاتهم عالية من مكتب لمكتب
لدرجة انهم اشتكوا على الشؤون عند التوجيه والإرشاد :sdfgdsf:

فإن شاء الله يكون تحويلك سهل خصوصا ان لكلية ثانية بس دام انك وصلتي مستوى سادس ما شاء الله
أنصحك من الحين تشوفين خطتهم وانتي تعادلين المواد اللي درستيها عشان تشوفين وضعك وتفكرين في الموضوع أكثر

بالتوفيق :106::106:

[فيزيائية طموحة]

احم احم انا منسدحه في قسمك مع اني رياضيات خخخخخخخ
بس عندي سؤال لا هنتو
هل استطيع اخذ فيزياء 2 وانا حامله فيزياء 1
؟؟
تكفون ابغى اقطع الشط باليفين عشان احوس في جدولي ذحين:biggrin:

عادي انسدحي على راحتك :biggrin:

في قسم الفيزياء فيزياء 1 متطلب لفيزياء 2 بس قسمكم ما أدري اذا انتوا زيهم أو لا

الأفضل تتأكدين من بنات قسمك لأنهم أدرى بهالشي

[Alanod]

بنات ادري السؤال غلط بس حابه استفسر عن حاجه
وحده قريبتي نفس الشي بالكليه ونفس مستواي وكل شي
تبي تحول انتساب وخايفه ما تنقبل اوكي انا ابي اسأل اذا لو سجلت انتساب بيقبلونها ؟
وهل لازم تسحب ملفها اول قبل ما تسجل ولا لما تنقبل تسحب ملفها ؟
و اخر سؤال , معروف انو تسجيل الانتظام قبل الانتساب ,
ينفع تسجل انتظام بفيصل اول وبعدين لما يجي وقت تسجيل الانتساب تسجل ؟ ولا كيف ؟ بليز افيدونا :love080:

وسؤال ثاني يمديني اخذ احصاء هالسمستر ؟

[فيزيائية طموحة]

بنات ادري السؤال غلط بس حابه استفسر عن حاجه

لا عادي خذي راحتك :119:

وحده قريبتي نفس الشي بالكليه ونفس مستواي وكل شي
تبي تحول انتساب وخايفه ما تنقبل اوكي انا ابي اسأل اذا لو سجلت انتساب بيقبلونها ؟

ممكن يقبلونها

وهل لازم تسحب ملفها اول قبل ما تسجل ولا لما تنقبل تسحب ملفها ؟

لما تنقبل تسحب ملفها لأنها اذا سحبته ولا سمح ماانقبلت ماتقدر ترجعه مرة ثانية لجامعة الدمام

و اخر سؤال , معروف انو تسجيل الانتظام قبل الانتساب ,
ينفع تسجل انتظام بفيصل اول وبعدين لما يجي وقت تسجيل الانتساب تسجل ؟ ولا كيف ؟ بليز افيدونا :love080:

أول شي لازم تنتظر نتيجة القبول إذا انقبلت انتظام خلاص مايصير تسجل انتساب واذا ماانقبلت تقدر تسجل انتساب

وسؤال ثاني يمديني اخذ احصاء هالسمستر ؟

لا لأنه في خطتكم موجود الترم الأول والمواد العلمية مايصير تاخذينها الا مع قسمك




موفقة بإذن الله :106::106:

[♥..ЙAИa]

ساندي حبيبتي طالما مستوى سادس حرام تحولين ويا ريت يحولون بسرعه :icon9:
انا اقترح عليك اقتراح وانتي شي راجع لك بالاخير :biggrin:
خلصي بكالريوس الفيزيكس بعدين خذي دبلوم تربيه وبكذا تكون شهادتك تربويه
:106::106:

[فيزيائية طموحة]

انتقلنا إلى منزلنا الجديد

فحياكنّ الله :love080::love080:

http://www.ckfu.org/vb/t291680.html