اسعفوني ماعندي وقت

[الشعشاعي]

السلام عليكم .. يا شباب أنا جاتني رسالة على البريد تقولي : فرصه للإلتحاق بكلية الهندسة بجامعة الدمام ولك ثلاث أيام علشان تحضر للجامعه وتجيب أوراقك .. وأنا مقبول في كلية الجبيل الصناعية .. واقدر أسحب أوراقي من عندهم .. بس السؤال هو : هل هذا قبول نهائي علشان ما أتحسف على سحب الملفات ؟؟ أو هذي رساله عامه للكل وما فيها تأكيد قبول ؟؟ أررججوكم أسعفوني بالجواب ترى ما عندي وقت

[منار سعود]

لا رساله مؤكده ..
ومافي شي اسمه رساله عامه ..
انت نسبتك طلعت اقرب نسبه واقبولك ..
اسحب وتوكل ع الله ولا تخلي الفرصه تروح من يدك
كلية الهندسه كل من يتمناها ..

[مرآمي مرآمك]

منار لاتستعجلين
؟

اسئل اخوي وتاكد بشكل اكبر

لاتسحب وتندم

لان الرساله تقول
فرصــــــــــــه للالتحآق

ولم يكتب تـــم قبولك ونرجوا تسليم......... الخ


والله اعلم

[الـبــدر ~]

عليكم السلام ورحمة الله وبركاته
مثل ما أفادتك أختي "مرامي مرامك"
روح للجامعة واسألهم هل قبولك نهائي أم لا ..
وإذا كان نهائي وتبي جامعة الدمام أسحب ملفك وروح لجامعة الدمام ..

ولكن حط ببالك بأن كلية الجبيل الصناعية قوية أيضاً وليست ضعيفه ..
ومرغوبة بكثرة رغم ان شهادتها دبلوم .. ولكن تستطيع اكمال البكالوريوس إذا كان تخصصك تقني ( فيه تخصصات محددة لاكمال البكالوريوس ) ..
ومعظم خريجين كلية الجبيل الصناعيه مطلوبين من شركات كبيرة مثل أرامكو وسابك وغيرهم ..
ولكن وظيفتك راح تكون فني أو مساعد مهندس ( اذا تخصصك تقني )

أما إذا أخذت البكالوريوس من جامعة الدمام راح تكون مهندس إن شاء الله ..

بالأخير .. استخير ربك وسوي اللي ترتاح له ..
والله يوفقك ويسهل دربك ..

..
مودتي وتقديري,,

[لاكوست]

حاول قبل ماتروح وتسحب شهاداتك

تمر على الجامعة وتتأكد اكثر فيه فرق بين الفرصة
وبين تم قبولك

وبنهاية مسار كلية الهندسة معروف وكلية الجبيل معروف

الباقي تحدد طموحك والتوفيق من رب العالميين