اي استفسار عن كليه التصاميم - طالبه سنه ثانيه [الأرشيف] - ملتقى طلاب وطالبات جامعة الملك فيصل,جامعة الدمام

الى متى ؟

2011- 8- 15, 03:39 PM

يااااعمررري الف الف الف الف شكر لش
والله يوفقش في كل خطوه تخطيها ويجعل لش من كل عسر يسر
واخيراً شفنا وحده من بنات التصاميم
********
تعرف خيه الحين حنا في فترة ضغط مره الكل يقول رائيه في اختيار المجال
مع اني خلاص سلمت شهادتي الى كلية التصاميم بقتناع لان احس هل كليه فيها ابداع
وفي نفس الوقت معدلاتها مو نازله ابدا نسبها عاليه جدا وهل تخصص مو في كل الجامعات
اتوقع بس الدمام الي سمعت فيها وجامعة محمد بن فهد الأهلية
ومازلت اسمع الكليات الصحيه افضل شي والوظيفه مضمونه وكلام ماله اول ولا تالي
ولي يدخلوا الكليات الصحيه هم الشطار والمتفوقين واي كليه ثانيه ما تملي عيونهم !!
مع اني الحمد لله ممتازه واساسا الي يدخلوا كلية التصاميم كلهم متفوقين لان ما تقبل بـ أقل من 95
فـ احياناً احس بـ أني غلط يوم دخلت كلية التصاميم والسبب الكلام الي اسمعه
وبسبب مافي اي بنت من هل كلية تتكلم عن الكلية وتحببنا ليها وتجاوب على استفساراتنا
********
اني حالياً ما عندي استفسار معين ابي اعرف كل شي عن الكليه
من ناحية الدراسه هل هي صعبه او سهله ؟
من ناحية الدوام من متى الى متى ؟
وشو الصعوبات الي واجهتش في الكلية ؟
الكتب من عندهم ولا نشتري كل الكتب احنا ؟
طلباتهم كثيره لدرجة ان المكافأه ما تكفي ولا بشكل طبيعي وعادي ؟
وشو مستقبل الطالبات المتخرجين من كلية التصاميم ؟
والله يعينش على اسئلتي وهدرتي
اسمح ليي ما صدقت على الله اشوف وحده تفيدنا
بالتوفيق عزيزتي

النـوـن

2011- 8- 15, 03:59 PM

هلا فيك حبيبتي

يسلمو ع الدعاء الجميل اللي يفتح النفس

اكيد اللي بينقبلون ف التصاميم بيكونون نخبه النخبه لانه زي م قلتتي نسبته عاليه جدا قبل سنتين كان اعلى من الطب بعد

م عليك من كلام الناس اللي بدخل تصاميم عقله بيكون ابداعي عكس الكليات الصحيه اللي بس يحفضون

والتصميم له مستقبل وله وضيفه تقدرين تشتغلين باي شركه تبين بالذات الحين قسم الجرافيك عليه طلب واجد وحتى م لازم بشركه تقدرين من بيتك من خلال تصميم المواقع والدعايات

بالنسبه لاسألتك

الدراسه ممتعه جدا جدا شوي تعب بس متعه يعني اذا انتي حابه الشغله م بتحسين بالتعب ابدا الترم الاول م فيه شئ بس الشغل يبدا الترم الثاني

الدوام اكثر شئ الى خمسه اخر اسبوع كنا نضطر نقعد لين 11 12 باليل للي م خلصوا شغلهم طبعا
اللي ل 5 ماده الحاسب والتصميم باقي الايام الى 3 او 4
وطبعا كل يوم طول الترمين من 8 الى 12 الانجليزي

الصعوبات الحمد لله ماواجهني اي شئ بالعكس كل شئ سهاله

فيه كتب الفيزياء والرياضيات تشترينها من الجامعه وماده التربيه البدنيه والبحث والاتصال مجانا من الجامعه
وفيه كتب التصميم هذي انتي طلعيها من النت او تستعيرينها من مكتبه الكليه

جميع الاغراض بيعطونك اياها بدايه السنه دفعنا 450 ريال وعطونا كل شئ طبعا الطاوله اهم شئ اذا م تقدرين عادي تنفع طاوله المجلس .. فيه اشياء تحتاجينها من فتره لفتره مثل الكراسات اقلام الرصاص الحبر .. الخ .. بس عموما المكافئه تكفي باذن الله

الوظايف ع حسب التخصص التخصص سنه ثانيه ي تصميم داخلي او جرافيك .. التصميم الداخلي تتوظفين ف شركه او تفتحين لك مكتب .. الجرافيك نفس الشئ بالاضافه انه تقدرين تشتغلين من البيت يعني م يحتاج يكون عندك راس مال تبدأين فيه ..

وفيه شئ حلو بعد ممكن تشتغلين وانتي م تخرجتي لسى مثال انا ف الصيف اشتغلت ف استديو لاني اعرف للفوتوشوب وافقوا علي .. ف بنات صمموا اعلان للجامعه .. وف بنات صممو اعلانات لعطور فباريس وهم لسى سنه اولى .. يعني تقدرين تشتغلين بالف وظيفه

ان شاء الله اكون وفقت ف الاجابه ع اسألتك واذا عندك اي سؤال خذي راحتك

الى متى ؟

2011- 8- 15, 06:08 PM

تسلمي غناتي على الاجابة وفيتي وكفيتي
الله يحفظك ويخليك الى اهلك واحبابك

النـوـن

2011- 8- 15, 06:22 PM

الله يسلمك

تعالي كل يوم :biggrin:

only lonely

2011- 8- 16, 05:14 AM

وآخييييييير جاء المنقد :biggrin:

والله مشكووووووووره غناتي مررره كنا محتاجينك
جيتي والله جابك :biggrin: ...

انا حبيت استفسر عن
معادلة المواد انا درست نفس هالمواد بجامعة عبد العزيز
فهل بيعادلونها لي او ..!!!
وإذا يعادول كيف ؟؟
وبعد ذي الطاوله اللي تقولين بها هذي نشتريها او كيف يعني ؟؟؟
اممم
وبس

ربي يعطيييييك الف عااافيه هذا اللي جاء ببالي دحينه
واذا طفر ببالي سؤال برجع :biggrin:

only lonely

2011- 8- 16, 05:19 AM

آييييه صح

كنت بسألك عن الانجليزي
كيف دراسته صعبه او سهله

احنا كنا ندرسه اربع كتب ريدنق ورايتنق سبيكنق ولسننق وقرمر ؟؟
كذا ندرسه بعد ؟؟؟
وشنو هو انجليزي التوفل ؟ اصعب ؟

وهل فيه اختبار تحديد مستوى سوا في الرسم او الانجليزي ؟؟

ومرررررررررررررررررررره شووووووووووكرا تعبتك معااي :smile:

Miss Designer

2011- 8- 16, 10:38 AM

يا الله حيها :")

مرة شكرا لانك فتحتي هالموضوع و افدتينا

ابي اعرف وين نداوم اول يوم اروح وين :/
و ثانياً كيف اقدر اجيب معدل عالي عشان اكمل ثاني
لان هالشي شاغل بالي و خايفة مرة لانو شي جديد و ما اعرف النظام
فهل يكفي مذاكرة يوم بيومه و اجيب هالمعدل من ٣ و فوق
مستوى الصعوبة شلون بكل المواد طبعاً

النـوـن

2011- 8- 16, 10:57 AM

هلا حبيبتي العفو

المواد صراحه م ادري بيعادلونها ولا لا بس عندنا. وحده عادلوها وهي كانت حاسب. عطوها بس ماده التصميم

والطاوله اللي ترسمين عليها من جرير :lllolll:

حياك الله باي وقت

النـوـن

2011- 8- 16, 11:04 AM

الانجليزي تداومون يوم قبل بدايه السنههم يحددونه ع صفحة الجامعه بالفيس بوك
تروحون تختبرون اختبار تحديد مستوى وع بدايه السنه يقسمونكم 3 اقسام مبتدء ومتوسط وعالي
كلكم تدرسون قرامر ورايتنق وريدنق وسبيكنق سهل جدا اعاده للي اخذناه بالمتوسط والثانوي
بالنسبه للتوفل هو زي اختبار التحصيلي حق الانجلش يكون ع الكمبيوتر وبوقت وفيه ريدنق سبيكنق ورايتنق فقط
اما الرسم م ف تحديد مستوى بس اول الاسابيع بيقولون لكم جيبوا رسمات قديمه ويشوفون اللي تحتاج تطوير يخلونها تشتري كتب ويختارون لها رسمات ترسمها يعني غصب بتتعلمين ترسمين

النـوـن

2011- 8- 16, 11:12 AM

الله يحييك حبيبتي
ف صفحه للجامعه ع الفيس بيحددون يوم تجون يختبرونكم انجليزي ويسوون لكم تعريف بالجامعه يعني بيورونكم كل الكلاسات وكل الاماكن ف لا تخافين انتي تابعيهم عشان تعرفين متى

بعدين لا تشيلين هم المواد ابدا الترم الاول سهل جدا لدرجه تحسين بتفاهه اهم شئ الانجليزي تجيبين فيه عالي لانه اكثر عدد الساعات. بعدين الديزاين اتعب وانا اقول سهل الترم الثاني اصعب شوي عشان الماث وفيزياء اما المواد الباقيه م كنا نذاكرها حتى :g2:

وعذرا ع الحوسهالحين بتقولون بنت ديزاين وم تعرف تزين كلامها بس انا ادخل من الجوال :mh318:

الى متى ؟

2011- 8- 16, 08:24 PM

باااك .. جاء على بالي سؤال >> ياكثر اسئلتي *.^
خيه قلتي الدوام من 8 الى 12 انقلش
يعني في مواد ثانيه ندرسها بالعربي ؟؟
وبالنسبة الى الأشغال وشو الأشغال الي اشتغلتوها ؟؟
وكيف اقدر اجيب 5 :mh12: صعب اني اجيبها ولا لا ؟؟
وثاانكس مقدماً

النـوـن

2011- 8- 16, 08:59 PM

حياك الله

اللي من 8 الى 12 ماده الانجليزي بعدها كل يوم ماده
باقي المواد بتكون الاسئله باللغه الانجليزيه والشرح ع حسب الدكتوره اللي بتدرسكم
م عادا ماده البحث العلمي ف الترم الاول و مهاره الاتصال والتربيه الصحيه والبدنيه بالعربي

الاشغال بالترم الاول بدايه فقط يعني شلون ترسمين اش يعني ثنائي ابعاد وثلاثي ابعاد الضل والضوء وكان مشروعنا الترم الاول مجسم ثلاثي الابعاد

وهذي صوره له

http://dc360.4shared.com/img/h9TQsrOj/0.07892035159065003/180487_130807180320109_1000017.jpg (http://www.4shared.com/photo/h9TQsrOj/180487_130807180320109_1000017.html)

http://dc423.4shared.com/img/xk7gEsVC/0.07422373589865794/180487_130807186986775_1000017.jpg (http://www.4shared.com/photo/xk7gEsVC/180487_130807186986775_1000017.html)

الترم الثاني كان كله ع مشروع واحد واهو تصميم مدخل كليه الحاسب
مع العلم ان احنا مشاريعنا كانت غير عن مشاريع السنه اللي قبلنا يعني م شرط تاخذون نفس الشئ

النجاح سهل جدا زي م قلت من قبل اضمني درجه الانجليزي والتصميم يعني كم بنت عندنا جابت اقل م 3 بسبب الفيزياء او الماث م كانوا شادين حيلهم يعني مستسهلينهم

ومتى م جا ببالك سؤال لا يردك شئ

:biggrin:

النـوـن

2011- 8- 16, 09:01 PM

http://www.facebook.com/pages/University-of-Dammam-%D8%AC%D8%A7%D9%85%D8%B9%D8%A9-%D8%A7%D9%84%D8%AF%D9%85%D8%A7%D9%85/130581383636726

صفحه الجامعه ع الفيس بوك انصح الجميع بمتابعتها :(204):

إحسآس

2011- 8- 17, 07:48 AM

السلآلآم عليييكم

ياحظكم بنات التصميم عندكم من تسألوا :icon9:

انا انقبلت في إدارة الأعمال وعندي سؤال ^_^ ودي اسأله :biggrin:

كيف طريقه اختبار تحديد المستوى ؟؟ ممكن تشرحين لي:tongue:

ومعلييييييش ع قطه الوجـه :71:

النـوـن

2011- 8- 17, 10:02 AM

إحسآس

2011- 8- 17, 01:09 PM

لا ابد م مشكله اخذي راحتك
الاختبار عباره عن 4 اجزاء
اول شئ لسينينق محادثه بين اشخاص وعليها اساله
بعدين باقي الاجزاء الريدنق والرايتنق والقرامر مع بعض الوقت كان 3 ساعات
الرايتنق ف سؤالين تختارين منهم واحد وتكتبين 12 سطر
القرامر نفس اللي اخدناها من قبل يبي لها تركيز شوي
الريدق عادي قطعه وعليها اساله
مع العلم ان انا م عندي علم اذا اداره الاعمال عندهم هذا الاختبار والا لا
بس الحاسب متاكده لانهن اختبروا معانا
يعطيك العافيه اختي ماقصررررررتي:) ،،، عندنا الاختبار لان عندنا سنه تحضيري وكليتنا توها اول سنه جزززاااك الله الف خير:love080: وعندي سؤال اخييير الاختبار راح يكون تحريري ؟؟ع ورق كله ؟؟

النـوـن

2011- 8- 17, 02:49 PM

اي ع ورق :(204):

نظراة أمل

2011- 8- 17, 03:23 PM

السلام عليكم
أختي أنا انقبلت تصميم وصراحة ما أبغاه
ولسى في محاولات للتغير
بس عندي سؤال لازم الوحدة تكون تعرف ترسم ؟
يعني أنا ما إلي إلي علاقة بالرسم لا من قريب ولا من بعيد
وكان معاك احد ما يعرف يرسم ولا كيف

الى متى ؟

2011- 8- 17, 04:44 PM

نظراة الأمل مو لازم تعرفين ترسمي هم الي يعلموك
وليش ما تبي هل قسم ؟
وأي قسم الي تبي تحولي له ؟؟ >> أكيد تخصصات طبيه !!

واسمح ليي صاحبة الموضوع على القافه *.*

نظراة أمل

2011- 8- 17, 05:31 PM

ما ابغى هالقسم عشان الفيزياء و عشان الرسم أتوقع كل البنات الي داخلينه عندهم موهبة رسم وأنا أبد ما الي علاقة فيه
والقسم الي ابغاه يا ادارة أعمال يا علوم طبية والله يعين
بس أنت متأكدة مو لازم أعرف أرسم ؟؟

النـوـن

2011- 8- 17, 05:54 PM

حبيبتي م لازم تعرفين ترسمين لانه ع سنه ثانيه بتاخذين كورس رسم
بس اذا انتي م حابه القسم لا تدخلينه احسن لك
وترا انا م دخلت م كنت اعرف ترسم اول مرا اخذت 2 من 10 وشريت كتب وقعدت ارسم واوريهم كل يوم
طبعا الدرجات م ثابته ابدا الى ف النهايه اخذت 9.9 ف الرسم
اهم شئ الفكر البداعي والخيال اهم من الرسم استخيري وشوفي
حبيبتي الى متى اخذي راحتك الموضوع للكل

الى متى ؟

2011- 8- 17, 08:06 PM

يسلمؤؤ خيتي النون

نظراة أمل .. بالنسبة للعلوم الطبيه احمدي ربك الف مره انك ما دخلتيه لان هل مجالات راح يكون فيهم اكتفااء
وخصوصاً العلوم الطبيه المستشفيات تبي من هل مجال عدد محدود جداً
وفي ناس نعرفهم متخرجين من علوم طبية مو ملاقين شغل !!

اما بالنسبة لـ إدارة الاعمال ما دخلتيه بسبب ترتيبك للرغبات كان غلط اكيد حطيتي التصاميم اول وبعدين ادارة الاعمال
لان إدارة الاعمال نسبته انزل من التصاميم بنسبتين تقريباً

والحين بما انك في كلية التصاميم حاولي تقرين عنها اكثر واكثر صدقيني بتحبين المجال
مجال ابداعي مو بس حفظ حفظ وثانياً مجال مو متوفر في أي جامعه
يعني إن شاء الله مستقبلياً الفرص الوظيفيه راح تكثر وخصوصاً اذا كنت متفوقه وحبيتي المجال راح تبدعي فيه
على عكس المجالات الي موجوده في كل الجامعات وفي كل المعاهد وكثير متخرجين منها حالياً كيف بعد 5 سنوات بكون عدد هائل متخرج

نصيحتي لش لا تحطمين نفسك وتحطي في بالك انك ما تعرفي الرسم وما الى ذلك من الكلام
احنا دخلنا نبي نتعلم ومع الوقت راح تتطور مهاراتنا ما احد طلع من بطن امه عالم
صحيح ممكن في البدايه راح نواجهـ صعوبه لكن بعد العسر يسر بإذن الله
واي مجال لازم يبي له جد واجتهاد ومثابره وبالعزيمه والاراده كل شي يصير
حاولي انش تقري عن المجال واذا مره حسيتي نفسش ما بتقدري تمشي فيه توكلي على الله وحولي على المجال الي تبيه
وبالتوفيق

نظراة أمل

2011- 8- 17, 10:38 PM

لو سمحتي متى امتحان الانجليزي أو متى يحددوه ؟
هل هو أول أسبوع في الدراسة ؟
هل أقدر أختار اليوم ؟
مشكووورة جدا

النـوـن

2011- 8- 18, 12:04 AM

الاختبار قبل الدوام الاصلي
هم يحددون يوم كل البنات يجون يختبرون
واللي م تختبر يختبرونها ع بدايه الدوام اول الايام

إحسآس

2011- 8- 18, 04:07 AM

يعطيك العافيه أختي :love080:

انا رجعت وعندي سؤال ثاني :tongue:

الحين هل تختلف ساعات دراسه الانجليزي من مستوى لمستوى ؟؟ ولا كلنا ندرس نفس الساعات ؟؟

وكم ساعه في الأسبوع راح تكون ؟؟

النـوـن

2011- 8- 18, 03:00 PM

العفو حبيبتي

كل المستويات نفس الساعات بالملي
وعددهم عليك الحسبه اهو كل يوم. 4 ساعات

coca cola

2011- 8- 19, 01:30 AM

يـــــــــآآآآآآآآآآآآآآآي ووووونـآآآآآآسه والله ..

اخيرآآآآآآآآآآآآ صج صج اخيرآآآآآآآآآآ

انـآآ طاايره من الفرررررررررررح لآن فيه احد عبرنـآآآ ,,,

<<<<<<<< ادري استخفيت بس ووش اسووي .. من زمان وانا ادور على احد ..

... طي باوول شي ابشكرررررررررررررركـ كثيييير .. على المعـآآونه ..

وووبعد ترآآك خووفتيني على ساالفه اختبـآآر تحديد المستوى هذآآ جـآني تووتر ..

يعني انا موو مره ووحده باالنجليزي ولآآ اني عاالي مره عـآديه ..

بس مدري هالاشيااا تخووووفني ...

ووبعد ابي اقوولكـ .. انتي بالدمـآم ولآآ .. المهم السؤاال ,,يعني . وين سـآكنه ..؟؟؟؟

وووشكرآآآآآآآآآآآآآ مره ثـآآنيه ...

<<<<<< ادري الكلآآآم ملفق بقووووه :mh318:

النـوـن

2011- 8- 19, 02:26 AM

هههههههههههههههه عادي عادي بسوي نفسي م قريت :biggrin:

بعدين شحقه توترتي ترا الاختبار سهل وسواء حلتي والا م حليتي بتاخذين الانجليزي
وكل المستويات نفس الشئ يعني م اللي ف المستوى الاول ياخذون اكثر من الثاني نفس الايام ونفس الساعات

ايه انا ساكنه بالدمام تحديدا بترومين اكثر دقه قدام الجامعه :biggrin:

coca cola

2011- 8- 19, 04:01 AM

مشكـــــــــــــــووووره كثيــر .,,,

زين اررتحت .. شووي ,, :(269):

امم كووويس ... لآآن السكن مسبب لي مشكله ...,,

ووبعد ,,, اذاا ذكرت شي بسـآآل ...

النـوـن

2011- 8- 19, 03:54 PM

العفو :106:

م اعرف شئ عن السكن ابدا والا ودي اساعدك :icon9:

نظراة أمل

2011- 8- 19, 03:59 PM

كيف الحال اختي ادري مكثرة أسئلتي بس سؤال
أول أسبوع لازم نحضره كله ولا عادي لو بس حضرنا يوم واحد

النـوـن

2011- 8- 19, 04:42 PM

هلا فيك

ابد اخذي راحتك انا م فتحت الموضوع الا عشانكم

اول اسبوع دوام لازم تحضرين بيعطونك مقدمه عن الكورسات

يعني م بتقعدين ل 5 لا تخافين

و الانجليزي حرام ترروح عليك ايام غياب

بتحتاجينها بعدين

coca cola

2011- 8- 19, 08:16 PM

مشكـووره .. الله يعطيك الف عـآآفيه والله ,,,

نفعتينـآآ كثيــر ,,,

الله يووفقكـ ان شالله ..

coca cola

2011- 8- 19, 08:27 PM

اي صح شووفي ,., اهم كـآتبين ان دوـآمنـآآ يووم .. 12

يعني كم السـآآعه نرووح .؟؟ ... اذا تذكرين انتي متى رحتي يعني ..

ووبعد ,, انتي قلتي ان اذآ رحنا اهم بيرشدونـآ صح ..

ووو الملآآبس .,, قالو لي نص كم .. يعني والله مو عـآرفه كيف اشررح بس ..

بحط صوور وانتي قولي لي اي وحده تصلح ؟<<<< يـآربي دلآخه هه’

ووبس .. ثينكيووو ...

النـوـن

2011- 8- 20, 03:16 PM

يوم 12 بيكون استقبال ف قاعه العثمان من 8

الاختبار ويوم التعريف قبل يوم 12 وبرضو من 8

الملابس الصورتين تنفع بدون م تروحين المجتمع لان م بيدخلونك كذا يعي بس ف كليتنا والطب

coca cola

2011- 8- 20, 04:30 PM

الله يعطيكـ العـآآفيه ..

جزآآآك الله خيــر ,,,

إحسآس

2011- 8- 20, 08:54 PM

اختي يعني اختبار تحديد المستوى رايح يكون قبل 12 شوال ؟؟

إحسآس

2011- 8- 20, 09:09 PM

وهل بيعلنوا في موقع الجامعة متى راح يكووون ؟؟؟:bawling: لان انا باسافر في العييد وابي اعرف هل اجي بدري عن الوقت اللي مفروض ارجع فيه عشان الاختبار

النـوـن

2011- 8- 20, 09:25 PM

الاختبار الاسبوع اللي قبل الدوام احنا كان اثنين

والاعلان كان بالفيس بوك م ادري عن الموقع والله

إحسآس

2011- 8- 20, 09:43 PM

اهااا تسلمي خيتو ،،يعني لازم نتابع صفحتهم ع الفييس بوك :) ،،،يااارب يكون مثلكم ،،،والدراسه راح تبدا ع طول من اول اسبوع ؟

النـوـن

2011- 8- 21, 03:35 AM

اي من اول اسبوع الانجليزي بس الكورسات الثانيه مجرد مقدمه

إحسآس

2011- 8- 21, 10:49 AM

امممممم يعني الاختبار قبل الدوام
ولما نداوم دراسه انجلش ع طوول ,,,

طيب هل فيه فرصه لأعادة الاختبار ؟؟ لو الوحده ماقدرت تكون متواجده وقت الاختبار

ولا ع طول مستوى اول ؟؟

إحسآس

2011- 8- 21, 10:51 AM

وكم المده اللي بين الاختبار والاعلاان عنه كانت ؟؟؟

النـوـن

2011- 8- 21, 03:16 PM

اي فيه اعاده

والله م ادري لان انا م كنت اعرف واختبرت ف الاعاده

أهازيج

2011- 8- 22, 03:44 PM

و أخيراً لقيت وحدهـ أسألها و تعطينا وجهـ :71:مشكور أخت النون والله يوفقك و يجزاك خير
حبيت أسال ويش التخصصات اللي تندرج تحت مسمى التصاميم :(107):
و إذا مافي لقافة يعني :biggrin: إيش تخصصتي و ياريت تكلمينا عنه اكثر ؟؟؟

عنوان التفاؤل

2011- 8- 22, 04:43 PM

السلام عليكم .... انا الحمدلله انقبلت في التصاميم بس متى اقدر اتخصص و هل اقدر اني اختار انا التخصص ولا على حسب الدرجات لاني ودي ادرس تصميم داخلي ... وهل لازم اكون رسامة لاني مو مرة شاطرة بالرسم ....... و هل في يوم تعريفي ؟؟؟ معليش طولت عليك الاسئلة ... جزاك الله خير

النـوـن

2011- 8- 22, 05:38 PM

فيه تخصصين في الكليه

التصميم الداخلي والجرافيك

انا تخصصت جرافيك يندرج تحته تصميم المطبوعات الاعلانات المواقع الميديا وغيره

اختي عنوان التفاؤل اسالتك جاوبت عليها قبل ياليت تقرين الردود السابقه
والتخصص م عالدرجات انتي تختارين

الى متى ؟

2011- 8- 22, 05:54 PM

وشو هي الميديا ؟

النـوـن

2011- 8- 22, 06:03 PM

يعني فيديو وصوت وصوره

يعني مثلا تصميم الدعايات اللي ف التلفزيون او تصميم مقدمات البرامج

هــ د ـى

2011- 8- 23, 03:39 AM

هلا اختِي ’’ حبيت أسألِك .. الحين التنانير اللي نلبسسها سودا ولا جينز ازرق ولا عادي ولا ايش بالضبط ؟ < $;

temoo25

2011- 8- 23, 03:47 AM

يعطيك العافية خيتي النون ,,مرة أستفدت من الموضوع :d5:

وإذا جا في بالي أي سؤال بجي هون أكيييد :mh318:

النـوـن

2011- 8- 23, 01:10 PM

التنانير اكثر شئ شائع الاسود والجنز والرمادي

العفو حبايبي

عنوان التفاؤل

2011- 8- 23, 05:15 PM

جزاك الله الف خير يا النون :)

أهازيج

2011- 8- 23, 05:33 PM

مشكورة أخت النون :119:

النـوـن

2011- 8- 23, 05:38 PM

العفو حبايبي :mh318:

عنوان التفاؤل

2011- 8- 23, 09:22 PM

بس سؤال هل في بطاقة جامعية .... و هل في رقم جامعي للطالبة لاني ما عندي شي ؟؟

النـوـن

2011- 8- 23, 11:03 PM

اي في بيعطونكم بعدين
يعني م الحين لسى
احنا بطاقاتنا عطونا نهايه الترم الاول

عنوان التفاؤل

2011- 8- 23, 11:10 PM

اها ... الله يعطيك العافية ... تعبتك اسفة

إحسآس

2011- 8- 24, 12:00 AM

نزل برنامج ايام التهيئه وموعد اختبار تحديد المستوى:53:http://www.ud.edu.sa/web/content/برنامج-أيام-التهيئة-0

الى متى ؟

2011- 8- 24, 12:27 AM

يعني بداية الشهور ما تستلمؤ مكافأه ؟؟

هــ د ـى

2011- 8- 24, 01:13 AM

سؤال ... لازم أحظر برنامج التهيئه ؟
*طبعاً سؤالي ما يضمن اختبار تحديد مستوى اللغة الانجليزية

النـوـن

2011- 8- 24, 01:33 AM

مشكوره حبيبتي احساس بعطيك العافيه

الى متى الا بيعطونك المكافئه بشيكات كل شهر الى ان تطلع البطاقه

اختي هدى اهو م لازم بس انا افضل لانها ايام مهمه انا م حظرت لاني م كنت اعرف

شوفي اش صار لي بعدين قعدت احوس من مبنى لمبنى عشان اخذ جدولي واعرف كلاساتي

يعني احسن لك احظري اذا م كان عندك ظروف طبعا

فيروزية الحلم

2011- 8- 24, 05:48 AM

مشكوررة اختي وما تقصرين والله
تعبناكِ بالأسئلة

بسألك المكافأه عطوكم اياها من أول شهر والله استنيتو شهر شهرين
لأنه قالو لي انه المكافأه ما تنزل من أول شهر عشان الحوسة والحسابات وكذا !

ثاني شي عادي اذا نلبس تنورة قصيرة :p يعني اقصى حد لوين ممكن ؟

بعدين ، ما تدرسون اسلامك ؟

ثالث شي ، تشوفون الطالبات الى في الأقسام الثانية -طب حاسب وغيره - ؟ وفي مواد مشتركة ؟ يعني زي الانجلش مثلًا ؟

وو كيف على العباية عادي كتف وكشف الوجه والله لأ ؟ < ما انعطى وجه

كم مدة البريكات ؟ وعندكم مكتبة ؟

ان شاء الله ما ثقلت :p
ومشكورة حبيتي مقدمًا

إحسآس

2011- 8- 24, 01:29 PM

العفو يالغلاا .. :love080:

عندي سؤال ,, الحين وش هي المواد اللي ندرسها بالانجلش في السنه التحضيريه ؟؟
كلها بتكون انجلش ولا فيه مواد بتكون عربي ؟

النـوـن

2011- 8- 24, 01:42 PM

هلا فيك العفو م تعبتوني ولا شئ

المكافئه عطونا بعد شهرين بشيك بس مكافئه شهرين يعني 1980

اي عادي ميدي بس م مرا قصير شلون اشرح لك يعني فوق الكعب بشبر هههههههههههه عرفتي

اي نشوفهم الحاسب بنفس المبنى ونفس كلاسات الانجلش الترم الاول وباقي الاقسام مباني ثانيه بس عادي تروحيين لهم او يجونك
المجتمع بعيده يمكن ربع ساعه مشي والنظام هناك غير بالنسبه للبس

اي عادي كتف وعادي كشف

البريك الاساسي كل الجامعه من 1-12
وفيه بين كلاسين الانجليزي ربع ساعه بريك
وصلاه العصر ربع ساعه

فيه مكتبه اكيد و فيه قرطاسيه
المكتبه ف مبنى 65

النـوـن

2011- 8- 24, 01:51 PM

فيروزيه الاسلاميك ناخذه سنه ثانيه

احساس جاوبت السؤال من قبل
كل المواد دراستها والاسئله ف الاختبارات بالانجليزي بس الدراسه تعتمد ع الدكتوره ممكن تقولون لها تخلط لكم بين العربي والانجليزي
يستثنى من ذلك ماده البحث والاتصال الترم الاول بالعربي و مادتي التربيه الصحيه والبدنيه و مهارات الاتصال بالترم الثاني ايضا بالعربي الاسئله والدراسه

هــ د ـى

2011- 8- 26, 02:26 AM

- أنا من الحين ناوية أجيب الاغراض اللي ممكن احتاجها للسنه التحظيرية ... ايش تنصحيني أجيب؟

النـوـن

2011- 8- 26, 04:43 AM

حماااااااااس جيبي لك طاوله بس

باقي الاشياء هم بيعطونك

هــ د ـى

2011- 8- 26, 04:58 AM

جد جد !! كل كل ابو الاششياءات يجيبونها بالـ 450 اللي يطلبونها " ؟ ششيء جمييل
وشسسمه وخخري ’’ بس لأنه اخوي مخرعني يقول لي لازم من الحين تجيبين الأشياءات
ولا تطسس عليتس بأول اسبوع دراسسه ’’ عاد انّي خففت وذآ ... ذآ إند :biggrin:

النـوـن

2011- 8- 26, 06:01 AM

هههههههههه لا تخافين كل شئ بالشنطه

بس اذا انتي م مره بالرسم اشتري لك كتب تعليم رسم و دائره الالوان هذي الاشياء الي شريناها
وباقي الاشياء باوقات متفرقه حسب حاجتك لها

فيروزية الحلم

2011- 8- 26, 06:28 AM

اووكي ، عجبني الموضوع
والله كشخة الجامعة :p

طيب سؤال أخير ، وشي ذي التربية البدنية ؟ رياضة يعني ؟!

وتسلمين يالغلا

النـوـن

2011- 8- 26, 02:22 PM

فيه جزئيه نظري وفيه عملي
العملي لمفروض انها رياضه اخذنا كلاس بالجيم بعدين وقفت لان مكانه بعيد ف مبنى ثاني وم مجهز عدل
ف صار كله نظري
العفو

كمبيو نت

2011- 8- 28, 05:18 AM

السسلآإم عليكم وَ رحمة الله ..

بوركتِ أُخيَّة ، يـآإ رب بلِغ "النــون" أمـإآنيهـآإ وَ حقِّق مُبتغآإهـآإ وَ ارزقهـآإ وَ اغفر لهـآإ وَ اجزيهـآإ خيراً .. بِـ حقِّ محمد وَ آل محمد الطيبين الطآإهرين .. :119:

فقط اسستفسـآإرـآت جَت على ـآ بـآلي ..

انـآإ أششوف الأسسبوع الأول في برنآإمج التهيئة معظمهـ في (قآإعـة العثمـآإن) هدـآإ إدـآإ مو كلهـ ... :(107):
وين تصصير هدي . وَ وشو يقصصصدوا فيهـآإ . .؟ :(269):

وَ على ـآ ششسمهـ ، مِن إجـآإبـآإتك اللي قبل ذكرتِ إن الامتحآإن تبع تحديد المسستوى ـآ قبل الدرـآإسسة .. فـ هدـآإ أسسبوع التهيئة "هو اللي تقصديهـ قبل الدرـآإسسة" .. ؟ يعني حتى ـآ هم محددين يوم الاثنين بعد زي دفعتكم .. :biggrin:

وَ تسسلمي خيَّة .. ربي يوفقكِ وَ إيـآإنـآإ أجمعين .. :love080:

E M A N

2011- 8- 28, 02:36 PM

كلية الحاسب و تقنية المعلومات مالها بوابه على الشارع

هي داخل الجامعة , لازم تمشين لها على رجولك

إدخلى من مدخل كلية الطب و إسألي أي أحد يدلك

هذي خريطه إن شاء الله تساعدك

http://hostinga.imagecross.com/image-hosting-05/6433-1576-1583-1608-1606---1593-1606-1608-1575-1606-.png

http://hostinga.imagecross.com/image-hosting-05/952-1576-1583-1608-1606---1593-1606-1608-1575-1606-.jpg

http://hostinga.imagecross.com/image-hosting-05/952-1576-1583-1608-1606---1593-1606-1608-1575-1606-.jpg

هذي إجتهاد شخصي

الصوره جايبتها من Google Earth

حطيت لك الكافيترياتات باللون الأزرق

و الطريق للكلية بالوردي

اللون الأبيض هذي حدود الجامعة

الشوارع إلي داخل للمشي مافيها سيارات .... هههههههههـ

--------------------------------------------------
أنا درست السنة التحضيرية العام الماضي

و عرفنا قروباتنا بأول يوم

يعلقون الأسامي و القروبات

---------------------------------------------------
الجداول الدراسية حسب القروبات

كل قروب له جدول

نفس المواد بس بأيام مختلفه

يعلق بالكلية

---------------------------------
ساعات الدوام

كل يوم من 8 إلى 11:55 إنجليزي

و بعده ماده من الساعه 1 ظهراً

تختلف مدة هذه المحاضره حسب المادة

كل يوم مادة غير

(مثلاً: كل سبت رياضيات بعد الإنجليزي

كل أحد مادة مهارات الاتصال بعد الإنجليزي

وهكذا )

تصاميم سنة تحضيري نفس مبنى بنات الحاسب تحضيري وهو مبنى المهيدب / :biggrin:

الصورة من الاخت ارنوبة وبس :biggrin:

coca cola

2011- 8- 28, 07:22 PM

السلأآآم ..

بغيت اسـآلك .. امم ووش نحتـآآج .. كرآسـآت مثلأآآ (( دفـآتر .. ))

اوو نووعيـآت اقلأآآم اوو شنوووو ؟؟؟

يعني بالمعنى اوول يووم نرووح وش نحط بالشنطه ؟؟...

ووشكرآآآ

النـوـن

2011- 8- 29, 12:46 AM

حبيبتي كمبيوتر نت يعطيج العافيه ع الدعاء الجميل :$
بالضبط اهو اللي اقصده

وايمان ايضا مشكوره هذا اهو مبنى المهيدب اللي تدرسون فيه
وبرضو قاعه العثمان موجوده ف الخريطه هي زي المسرح للي سالت
كوكاكولا اول يوم م تجيبين شئ جيبي شنطتك. وفلوسك وجوالك اذا تحبين جيبي دفتر ملاحظات
يوم الاختبار جيبي معك اقلام :d

نظراة أمل

2011- 8- 29, 03:49 AM

السلام عليكم أختي
رجعت وعندي سؤالين
هل فيه أخبار لقدرات الرسم السنة التحضيرية ؟ >>> يا خوفي من هالرسم
ايش بالضبط مبادئ الصميم يعني عن شنو تتكلم ؟
والله يحرم يدش على نار

coca cola

2011- 8- 29, 05:50 AM

مشكـووره ,,,

... بالتــووفيق ..

طيب ,, انتي ليه اخترتي .. جرافيك ديزآين .؟؟

ووهل على كيفنـآ نختـآآر او الدرجه تحدد ؟؟ ..

النـوـن

2011- 8- 29, 05:55 PM

نظره امل حياك الله
الرسم م فيه اختبار بس يشوفون قدراتكم بالرسم وم بيعدي الترم الاول الا تعرفين ترسمين غصب
مبادئ التصميم بيكون بالتدريج شلون ترسمين بعدين شلون تتعاملون مع الادوات بعدين تدريبات بسيطه عن نفس الموضوع بعدها يجي الضوء والضل الاشكال ثنائيه الابعاد وثلاثيه الابعاد

كوكاكولا التخصص ع كيفك تختارينه م على الدرجات
وانا اخترت جرافيك لاني احب الفوتوتوشوب و الشغل ع البرامج و ابدع اكثر ف الجرافيك

وبالتوفيق للجميع

coca cola

2011- 8- 30, 04:59 AM

امم .. يعني اللي مـآله في الفووتيشووب .. مـآيدخل .. جرآفيك ديزآين ..

اوووووكـ .. ثينكيو,,,

جزآآكـ الله الف خيـر ..

عنوان التفاؤل

2011- 8- 30, 11:15 AM

كل عام و انتو بخير :)

النـوـن

2011- 8- 30, 11:34 PM

عيدكم مبارك حبايبي

كوكاكولا فيه كورس فوتوشوب بالترم الاول :biggrin:

هــ د ـى

2011- 8- 31, 09:24 AM

الله! عشششقِي وادماني الفوتوششوب :71:
يارب يدخخلون مقررات تتعلق بالفوتوشوب وتصير كل أبو الجامعه عباره عن فوتوشوب < يارب رحمِتك :icon9:

coca cola

2011- 8- 31, 11:28 PM

لآآ لآآآ ...

امــآآ انـآآ مـآآدري ليش مـآآحبه .. احسه معقد >< :017:

بس مـآآيندرى يمكن بعدين يدخل في المـزآآج ..

طيب النـوون ..:biggrin:

بقولكـ.. يعني تحسين لمن خلصتي السنه التحضيريه .. قدرتي تعرفين شنو تبين ..؟

اقصد اي تخصص يعني ..

ووكل عـآم ووانتو بخير ... ووعسـآآآكم من عووآده ..

النـوـن

2011- 9- 1, 01:36 AM

ايه الحمد لله واصلا بنهايه السنه جاوا دكاتره سنه ثانيه وكلمونا عن التخصصات وبرضو دكتورتنا ساعدتنا كانوا البنات يسالونها اذا يناسبهم جرافيك والا انتيرير

coca cola

2011- 9- 2, 01:37 AM

اهـآآ كوووويس .. :119:

كمبيو نت

2011- 9- 5, 11:31 AM

السسلآإم عليكم وَ رحمة الله ..
= )
كيف الحـآإل نـوٍـن .. ؟ إن ششآ ء الله تكوني في تمـآإم الصحة وَ العآإفية ..

حبِّيت اسستفسسر عن كتب السسنة التحضيرية "إدـآإ فيهـ كتب" .. خصوصاً الترم الأول فقط ... :(269):

وَ بِمـآإ إنك درسستيهـآإ ، إدـآإ في الإمكـآإن آخِد الكتب أو أسستأجرهـإآ منك .. "^^

أو إدـآإ ماتقدري ، إدـآإ تعرفي أحد مو مسستفيد منهم وَ يبى ـآ نوعاً مـآإ يتخلَّص منهم ....
عطيني خَــبر ..

حـآإوَلت أرسسل بِـ الخـآإص أو رسسآإلة زـآإئِر ، الفـآإلِح هدـآإ مو رـآضي <~ يمكن لأن ما عندي مششـآإركـآإت :hhheeeart4:

في الإنتظـآإر .. ^_^

:106:

النـوـن

2011- 9- 6, 05:13 AM

هلا فيك حبيبتي

انا بخير يسلمك ربي

كتبي كلها رميتها من اول الاجازه :biggrin:

بس بشوف لك البنات اللي وياي وترا كلها كتاب واحد بالترم الاول حق الرياضيات :biggrin:

كمبيو نت

2011- 9- 6, 08:57 PM

مآإششآإء الله كويس جداً ...
وشكراً مقدماً ... ^_^

يعني عبآإرة نحتآإج دفتر كبير نلخِّص ،
ولآ ما في دفـآإتر <~ فكَّهـ .. !

coca cola

2011- 9- 7, 05:42 AM

اهلـين ,, كيف الاحــووآآل .,

انـآآ سمعت عن هذآآ نظـآآم البـآنر .. الي خبري غيروو اسمه المهم ..:hhheeeart4:

ابي اعررف كيف ادخل عليه ..؟؟ ووش السـآآلفه ..؟؟ :(107):

<< في نـآس شرحوو لي بس صرآحه نسيت ><" :mh318:

ممكن تعلميني ..؟؟؟ :biggrin:<< طيبه ينقـآل لي هع

كمبيو نت

2011- 9- 7, 11:03 AM

أهلاً كوكـآإ كولآإ ..
بعد إذن النوـن .. بششرح لك كيفهـ .. "^^

لآإزم يصير عندك رققم جآإمعي .. وَ لمـآإ يعطوكِـ إيـآإهـ بتقدري تدخليهـ مِن هنـآإ ..
http://sis.ud.edu.sa:8000/psp/hcs9prd/EMPLOYEE/HRMS/?cmd=logout
البـآإسسوورد يخلوهـ سسجلِّك المدني .. وَ تقدري تغيريهـ بعد ..
بيطلع لك حآإجـآإت فيهـ القـآئمة وَ الجدول وَ مدري ويهـ .. هدـآإ صوَّرتهـ من حسسآب خآلتي .. هـ ع
http://im10.gulfup.com/2011-09-07/1315382584321.jpg (http://www.gulfup.com/)

الحين لمـآإ تفتحيهـ ما بتقدري تدخلي لـ أي ششي ، لأنو ما عندنـآإ أرقآإم جآإمعية .. "^^

إن ششـآإء الله أفَّدتك بـ ششي ..

coca cola

2011- 9- 7, 08:31 PM

اهـــآآ يعني بمـآآ ان الحين مـآآعندي .. مـآآقدر ادخل ..

اممممم مشكـووووووره .. هع

اجل ووش سـآآلفة هذآآك الررقم الي على ووورقه البريد الممتـآز ..

الي تقريبـآآ يتكوون من 8 ارقـآآم ..؟

انشـآآلله مـآآكثرت هذره عليك .. ووان طلعت كثرت .. سووي نفسكـ مـآآقريتي الي كتبت هع هههـ..

النـوـن

2011- 9- 7, 11:30 PM

كمبيوتر نت الا تحتاجين دفاتر م ف فكه الماث دفتر لحاله والانجليزي مع بعض ودفتر حق ملاحظات يعني م يطلع من الشنطه

ومشكوره ع شرحك

كوكاكولا م اعرف اي رقم اللي تقصدين يمكن رقم التسجيل او شئ :-\

coca cola

2011- 9- 7, 11:46 PM

هههـ ... خلأآآآص مشكووره والله تعبتكـ ...:mh318:

بس اهم شي الحين .. ان اهم يعطوونـآ كل شي لمن نروح صح ..

الى متى ؟

2011- 9- 8, 12:09 AM

بنات التصاميم بداوموا السبت او الأحد ؟؟

coca cola

2011- 9- 8, 12:28 AM

ابســــــآآلك .. عن .. اختبـآر الانجليزي

كم مستووى اهوو .؟؟

وو الاسئله كم دررجتهـآ <<< اقصد سهل صعب ؟؟

وو انتي قلتي انه السـآآلفه فيهاآ writing تذكرين عن شنوو كـآن .؟؟

ادري والله ان اسـآلتي كثيره .. بس لآن مستـوآآي موو حيل يعني ..

فقلت لك من قبل اني متوتره :000::bawling:

coca cola

2011- 9- 8, 12:29 AM

اي ووو ... الى متى ..

بالنسبه لي احتمـآآل اروووووح يووم .. الاحد ..

لآآن يوم السبت للكليـآت الصحيه ..

النـوـن

2011- 9- 8, 06:47 AM

الدوام يبدا يوم السبت م ادري اذا صحيه والا لا يعني فرقت يوم بلا كسل

<< بتنطق

اختبار الرايتنق كان سؤالين تختارين واحد وتكتبين 12 سطر
الاول ايش احسن فلم شفتيه وليه
والثاني شخص تعتبرينه قدوه لك وليه

ابد م ف تعب ولا شئ خذي راحتك :mh318:

الى متى ؟

2011- 9- 8, 07:47 AM

النون غناتي العام انتي داومتي اول يوم ؟؟
واذا داومتي كيف كان الدوام ويش سويتوا ومتى طلعتوا من الجامعه ؟

coca cola

2011- 9- 8, 11:43 AM

النووون .. شكرآآ للمره العـآآشره << !!

<< لأآتصدقين ترى مـآآعديتهم بس استهبل هع ,,, :lllolll:

وووو الله يستر ووش بكتب لوو جـآآبوو لي زي كذآآ بتدرب من الحين على

كتــآآبه هالجمل على الاقل .,:53:

ووو بالنسبه لـ ,, الى متى .. شوووفي هذي ..

اتووقع شفتيها’’

http://www7.0zz0.com/2011/09/08/08/262500043.jpg

عنوان التفاؤل

2011- 9- 9, 10:55 AM

بنات بكرة راح تروحو للجامعة ؟؟؟ لانه مكتوب يوم الاحد اليوم الاول !!

coca cola

2011- 9- 9, 01:38 PM

امي تقووووووووووول لي روووووووحي .. بس مدري ..

لآآني موو لأآآقيه بـآآص للحين !!!

عنوان التفاؤل

2011- 9- 9, 01:47 PM

بس بتروحي اي مبنى؟؟ لانه السنة التحضيرية ما بتكون في مبنى كلية التصاميم

coca cola

2011- 9- 9, 03:48 PM

اممم ووالله مدري .. يعني لمن نرووح يمكن نشووف .. احد مشرفـآآت وولأآآ شي ..

وو يقوولوون لنـآآ <<< اتحلم هع ..

وووبعد اتووقع ماايعطوونـآ ووجه بكره .. لأآآن للكليـآت الصحيه يعني ..

وواذاا فيه مجـآل ان نقدم على بطـآآقه جـآآمعيه نسووي ..

بس شوووفي يعني ..

مثل مـآآقلت لك اهوو بكره مو لنـآ فـآآتووقع ان مـآنرووح ولآ مبنى .. بس يووم الاحد ..
نرووح قـآعه العثمـآن هذي ..

عنوان التفاؤل

2011- 9- 9, 04:15 PM

ايوة عشان كذا استغربت لما قلتي انك بتروحين .. اصلا مكتوب بموقعهم انه اللاحد اليوم الاول للتصاميم و الحاسب و العلوم الادارية

الى متى ؟

2011- 9- 9, 07:41 PM

بنااات ليش بتروحوا وبكرا مو لينا يعني بتصيروا متشتتين من مكان الى مكان
وما في اي استقبال ليكم لان الجدول نزلوه في منتدى الجامعه وعلى الفيس بوك ان حنا نبدأ يوم الاحد في قاعة العثمان

عنوان التفاؤل

2011- 9- 9, 07:44 PM

لا ما بنروح .... بس كوكاكولا كانت بتروح عشان كذا استغربت

الى متى ؟

2011- 9- 9, 08:32 PM

اهاا .. طيب حبايبي امبا رقم سواق يوصل ومعروف ..
بسرعه الله لا يهينكم الي تقدر تفيدني
واهم شي بنات القطيف

temoo25

2011- 9- 10, 12:20 AM

اهاا .. طيب حبايبي امبا رقم سواق يوصل ومعروف ..
بسرعه الله لا يهينكم الي تقدر تفيدني
واهم شي بنات القطيف

خيتوو أنا من بنات القطيف وحصلت لي سواق
لو حابة بأعطيك الرقم :119:

الى متى ؟

2011- 9- 10, 01:20 AM

خيتوو أنا من بنات القطيف وحصلت لي سواق
لو حابة بأعطيك الرقم :119:

الله لا يهينك يارب اعطيني الرقم
وشو اسمه ..
اني عندي حاليا الفرات بس بعدني ما كلمه

واشوهـ الحمد لله اخيراً لقيت بنت قطيفيه
اني حاسهـ بالخوف لان ما اعرف احد !!
تعرفي انتي بنات وياكـ في نفس القسم ؟؟

واسمحي لي على الاسئله غناتي

temoo25

2011- 9- 10, 01:54 AM

الله لا يهينك يارب اعطيني الرقم
وشو اسمه ..
اني عندي حاليا الفرات بس بعدني ما كلمه

واشوهـ الحمد لله اخيراً لقيت بنت قطيفيه
اني حاسهـ بالخوف لان ما اعرف احد !!
تعرفي انتي بنات وياكـ في نفس القسم ؟؟

واسمحي لي على الاسئله غناتي

أهلين:)
أسمه عبد العزيز الخباز وهذا رقمه: 0504940063
إذا مو غلطانة هذا تابع الفرات بعد

أني بعد ماأعرف أحد إن شاء الله نصير سوى :cheese: >>>نشبة لوووول

لا عادي شدعوة غناتي ماسألتي شي ^^

only lonely

2011- 9- 10, 10:12 AM

اهاا .. طيب حبايبي امبا رقم سواق يوصل ومعروف ..
بسرعه الله لا يهينكم الي تقدر تفيدني
واهم شي بنات القطيف

هلااا خيتوووو

هذا رقم سواق يوصل انا بروح معه 0506852405

آسمه نوح حمقان ...

_________

آحس روحي خايييفه ما اعرف آحد هنااك :icon9:

طييب بنآت بسآلكم دحينه لمن اروح الجامعه آقول لسواق يدخلني

من آي بوابه :(107): ؟؟

coca cola

2011- 9- 10, 01:06 PM

اهلآآآ .. عنووآآن التفـآآؤل ..

طبعـآآ مـآآرحت الجـآآمعه ..

بس سووري مـآآقدرت اقوول لكم .. لآآني امس توووني جـآيه الدمـآآم

وووو خلآآص اجل الووعد بكره .. الله يعيينـآآآ <<< هذآآ تووهـآ ماابعد تبـدآآ شي هع ..

ووشسمه .. بس .. هع

اي ووبعد مثل مـآآقـآلت .. only lonely .. من ووين ندخل .؟

only lonely

2011- 9- 10, 01:31 PM

توكـ جايه ؟؟

ليه آنتي من وييين ؟؟؟

<< ملقوووووفه :biggrin:

coca cola

2011- 9- 10, 01:51 PM

ههههـ لأآآآ عاادي شدعووووه خذي رآآحتكـ

انـآآ من الاحســــآآء

<< انـآ كااتبه تووني جـآآيه << الي يسمعني مدري ووين عـآيشه هع اخرر الدنيـآآآ

عنوان التفاؤل

2011- 9- 10, 05:56 PM

هلا كوكاكولا حتى انا ما رحت للجامعة ... لا عادي شدعوة تتعذرين .. الحمدلله على سلامتك يا عسل ^_^

coca cola

2011- 9- 10, 07:06 PM

الله يسلمكـ ,,,

تسلمييييين ... :biggrin:

الى متى ؟

2011- 9- 11, 12:36 AM

ياااااربي خايفه ما امبا احس بالضياااع

coca cola

2011- 9- 11, 12:45 AM

اذآآ انتي خـآآيفه ..

انـآآآآ احس مـآآلي خلق ارووح ..

ووكل هذآآ بسبب اختبـآر هالانجليزي :017::mad: والله سبب لي عقده

هالغبي .. اووف ..

الى متى ؟

2011- 9- 11, 12:46 AM

غناتي بكرا مافي اختبار
وحتى اني ماليي خلق اروح ><

coca cola

2011- 9- 11, 02:01 AM

ايه .. الاختبـآر الاثنين ,, بس اسمنه من الخووف .,,

وومدري ليه كذآآ مالنا خلق الله يسهل بس ,,

النـوـن

2011- 9- 11, 03:02 AM

مرحبا ي حلوات
الحين شحقه خايفين والله ماكو شئ يخوف الاختبار سههههههل جدا حتى لو م لك بالانجليزي عااادي
انا الرايتنق م كتبت ولاسطر وعفست وحطوني بالمستوىالمتوسط :-d
وشئ ثاني اول م تروحون بتلقون فيه لوح اسهم توريكم وين قاعه العثمان بتروحون وكل كليه لحال وحاطين اسهم عشان تدلون
يعني م بتضيعون ولا شئ واذا فيه محاضره بيقولون لكم
وم شرط يصير عندك ربع من اول يوم صدقوني بعدين تذكرون انكم كنتم خايفين تضحكون ع عمركم :-p

الى متى ؟

2011- 9- 11, 06:29 AM

شكلي ما بااارووح ماني قادره احس الجو حاار واذا بعد كانت القاعه حاره كان ننضج
واحس اليوم كله بياخه × بياخه مافي شي مهم كل هدرهـ
وبعدين بريك من 11ونص الى 1
وش بقعد اسوي فيه واني ما اعرف احد !!
خليني اروح وعلى طول دراسه ابركـ ليي

الى متى ؟

2011- 9- 11, 06:44 AM

بنااات مو المفروض نداوم الساعه وحده ؟
شوفوا الرابط من 1 الى 3ونص هي الي فيها الاشياء الي تخصنا
http://www.ud.edu.sa/web/content/%D8%A3%D9%8A%D8%A7%D9%85-%D8%A7%D9%84%D8%AA%D9%87%D9%8A%D8%A9-0

عنوان التفاؤل

2011- 9- 11, 06:44 AM

بنات اليوم ان شاء الله متى بتيجو ؟؟

الى متى ؟

2011- 9- 11, 06:45 AM

بنات اليوم ان شاء الله متى بتيجو ؟؟

وحده حسب الرابط لان لو تلاحظي قبل الوحده اشياء كلها ما تخصنا فـ ليش نروح !!
وانتي متى بتروحي

عنوان التفاؤل

2011- 9- 11, 06:46 AM

ايوة عشان كذا انا بكون هناك ان شاء الله 12 ونص

الى متى ؟

2011- 9- 11, 07:19 AM

قاعة العثمان تكيفها بارد
ولا حررر ><

النـوـن

2011- 9- 11, 07:19 AM

القاعه تجمد اخذوا جاكيت احتياط :-\

only lonely

2011- 9- 11, 07:22 AM

آنا بروح ع 11 ونص ويبيلي ساعه لين آوصل

الله يطمنك خيتوو النون طمنتيني :tongue:

only lonely

2011- 9- 11, 07:26 AM

في شئ مهم نحملووو معانا اليوووم :(107): ؟؟؟؟

الى متى ؟

2011- 9- 11, 07:53 AM

اللهي يرزقكـ كل خير اختي النووون ما قصرتي معانا في شي
واشوهـ طمنتيني >> توقعت انه يكون حر *.^
بس في نفس الوقت ما اتوقع في الجامعه مكان حار
لان لما رحت الى اختبار القياس ما شاء الله كل مكان ندخله ابرد من الثاني
ويلا بالتوفييق حبيباتي

خيه اونلي ما في شي نحمله غير حبوب وجع الراس *.* هع :biggrin:
بعوروا راسنا من الهدره :mh12:

coca cola

2011- 9- 11, 08:16 AM

جد جد ريييييييحتيني حييل على هالاختبـآآر الغبي الي مـآآله دآآآعي ,,, :017:

ووبعد .. انـآ يمكن اروووح 10 .,. << ادري مالهاا دآآعي ,, بس تدرون على السيـآره ,,

ووووو .. الى متى تعـآآلي احتيـآآط .. اكيد هذره بس موو مشكله ..

ووووووو النووون .. قلتي تصلح هذي التنوره ,, (( الي مدري شيسموونها هع ,.. الي مو طوويلها لثـآنيه )):53:

<< تحسووني من العصر الحجري على هالغبـآء ههههـ...:lllolll::mh001:

ووان شـآآآلله نسـآآعدكـ يـآ .. النووون .. اذآآ احتجتي شي .. في المستقبل القريب هه ,

كمبيو نت

2011- 9- 11, 10:39 AM

إن ششآء الله على ـآ السسآإعة 12 بمششي من البيت ...
لَـ الجآمعة يصير سسـآإعة كآإملة المششوـآإر ...

إن ششآء الله نششوف بعض هنآإكَ .. <~ كنت أفكِّر نحدِّد مكآإن نلتقي فيهـ ..
بس ما في غير هدي القآإعة الأليمة الكبيرة كِل العآإلَم بيصير فيهآإ ...:(107):

موفَّقـــين يــــــــآإرَب أجمَعــين ..

عنوان التفاؤل

2011- 9- 11, 10:55 AM

مررررة انا متحمسة على الجامعة :biggrin:

coca cola

2011- 9- 11, 01:44 PM

هلآآ بنــآآآآآت ,,,

رحتوو ولآآ ؟؟؟ <<< حلفي !!

بس صرآآحه مدري عنهم .. يعني لمن رحت .. ظليت سنه على ماالقيت المكـآآآن

وو بعدين ..... ظليت انتظرر على ان قبلنـآآآ ,, العلووم الادآآريه وومدري منوو .. المهم

اخخرتهـآآ تجي لي بنت ووتقوول .. ان حت التصـآميم قـآلوو لهم يدخلوون الحين ..

ووبس لحقت على اخرر 10 دقـآآآيق .. << تقريبـآآ يعني

فمدري ووالله بالنسبه لكم ياللي رحتوو الحين ........ هل بيعيدوون لكم ولأآآآ

ان شـآآلله يعيدوون لكم .. ولأآآ تكوون رووحتكم على الفـــــآآضي

<< سووووووري على الهذرره ..

وموووووفقين جميعـــــآآآ هع << لأآزم هع .,. هههـ

النـوـن

2011- 9- 11, 02:56 PM

العفو جميعا اهم شئ تدعون لي باللي يجوز لكم
الحين خلاص دليتوا العثمان باقي المهيدب وان شاء الله بتدلونه ويصير كل شئ تمام
التنانير متاكده الميدي عادي و اللي سالتني عن الكتب ترا سالت البنات اللي وياي قالوا رموها تقدرين تسالين بنات الحاسب السنه الماضيه وياكم
اتوقع الحين م عاد تحتاجوني بشئ بس انا موجوده للي تبي والموضوع مفتوح
وموفقين جميعا باختبار الانجليزي السهل :mh318:

عنوان التفاؤل

2011- 9- 11, 03:04 PM

انا اليوم رحت على الفاضي قاعة العثمان مقفلينها و ما في احد من الاداريات و المشكلة حاطين الجدول انه التصاميم من وحدة الى ثلاث و نص يعني وين احترام الوقت ... بس استكشفت الجامعة مع صديقاتي و رجعت البيت .. بس من جد مرة مقهورة ... كوكاكولا اعطوكم شي مهم ؟؟

النـوـن

2011- 9- 11, 03:20 PM

حسافه والله اهم شئ اكتشفتي الجامعه :-d
اتوقع التصاميم ع ١١ لان وحده من دفعتنا دقوا عليها عشان تلقي كلمه عن الكليه وكان تقريبا ع ١١

عنوان التفاؤل

2011- 9- 11, 03:24 PM

شكلهم جمعوهم مع العلوم الادارية و الهندسة ... طيب انتي الحين سنة ثانية تدرسي في مبنى كلية التصاميم اللي جنب طب الاسنان ؟؟
طيب اليوم كان في اشياء مهمة ؟؟
معليش طولت عليكي الاسئلة

كمبيو نت

2011- 9- 11, 03:30 PM

السسلآإم عليكم .. : (

احنآإ ما لحقنـآإ على ـآ ششي .. ضلينآإ على ـآ البـآإب نصص سسآإعة كآإملة وَ هو مقفَّل تبع القآإعة .. تآلي اللي يقولوا خلآإص ما في أي ششي حالياً ، سووهـ من قبل .. !!
وَ الله سسخآإفة على ـآ وجوههم يودونـآإ على ـآ الفآضي ، ولآ سووا إعلآإن وَ لآإ هُم يحزنون .. :017: <~ صحيح تعصيب في هَـ الحَر ..

النون ، غنآإتي ربي يعطيكِـ ألف عآإفية إن ششآء الله ..
ما قصصرتي ..

كوكـآإ كولآإ ، من حظك وَ الله لحقتي أقلاً .. وَ ششفتهم كأن طآإلعين اللي قبلنآإ بَـ ملفآإت فيهـآإ أورآق ..
مدري وش هي . .!! :(107):

الله يسسستر ..
الإمتحآإن بكرة مِن بدري قآإلوا نروح .. ، وَ إن ششآء الله ما يسووهـآإ فينآإ زي اليوم ..

:(177):

النـوـن

2011- 9- 11, 04:41 PM

ايه انا ادرس جمب طب الاسنان
اليوم مجرد مقدمه وتعريف بالكليه والملفات هذي جداولكم وفيه الاوراق حقت السياره والبطاقه الجامعيه وغيرها اللي م اخذت هذي الاوراق تروح المهيدب تاخذها لانها مهمه
وبكرا انا انصح تكونون ف الجامعه 7 و 50 د

عنوان التفاؤل

2011- 9- 11, 05:02 PM

يعني بكرة بعد الاختبار اروح للمهيدب؟؟

coca cola

2011- 9- 11, 07:53 PM

هلآآ بنـآآت سووري على التـآخير بس كنت نـآيمه هع ..

المهم مثل مـآقلت لكم مـآآلحقت الا على الاخيير ..
يعني بس عرضوو لنـآ اعمـآل طالبـآآت .. مـآآشفت وش صـآر قبل ... و عطوونـآ وورقه نكتب فيهـآ بيـآنـآآت ووبعدين
نـآخذهـآ لعمـآده القبول والتسجيل مبنى (( 65 )) <<< اذآ موو غلطـآنه ..

بس بمـآآ ان مااعندناا رقم جـآآمعي .. مـآآخذوو الوورقه !!
على العمووم .. قـآلو ان يوم الاربعـآآ ,, بيعطوونـآ الررقم الجـآمعي ووكل شي نحتـآجه ,,

ووو مثل مـآقالت النوون .. بكره الاختبـآر بنفس القـآآعه ,, العثمـآن .. تعـآآالو من الصبح

احتيـآآط على موآآعيدهم ..

ايه ووبالنسبه للظرف الي عطوونـآآ ,., دـآخله 3 اشيـآآ ,,
1- الخطه الدرآآسيه (( تقريبـآ كتبتهـآ لنـآ النوون من قبل )) .. وو برنـآمج ايـآآم التهيئه (( نفسه الي بمووقع الجـآمعه ))
2- دليل الطـآآلب .. يعني يتكلم عن الاقسـآم وو التقديرآآت ,, ممدري شنو ..
3- كليه العلووم الادآآريه (( هذي مآآدخلنـآ فيهـآآ ))

ووووبس ... موو المفرووض نلتقي بكره ولأآآ ..؟ عشـآن اناا مااعرف احد ..

النـوـن

2011- 9- 12, 01:53 AM

الاختبار بالعثمان :mh318:

temoo25

2011- 9- 12, 02:26 AM

أهلين بنات ^^
أنا اليوم رحت بدري ولحقت ع كل شي ,,بس عادي مافي شي مهم ترى
يعني كان هدرة عن السنة التحضيرية والتخصص وبسس
وبكرة الإختبار الساعة 8 ونص في نفس القاعة يعني تعالوا بدرري ^^

نلتقي تومورو هــع :biggrin:

coca cola

2011- 9- 12, 07:15 AM

زين اجل .,.,.. الله يسهل علينـآ اليووووووووم هالله هالله بالدعوآآت ...

only lonely

2011- 9- 12, 12:32 PM

ندآآآآء

النووون .. إذا عندك رقم كلية التصاميم
آبييييهـ ضرووري :Cry111:

ومررررررررهـ شووكرآ :mh12:

coca cola

2011- 9- 12, 01:38 PM

بنـآآت ووش سوويتووو بـآآلآختبـآآر ,..

مع العلم .. اتووقع ان الاسئله نفسهم مـآلين العـآآم ..

عنوان التفاؤل

2011- 9- 12, 02:30 PM

كان سهل الحمدلله .. اييه نفس الرايتنق اللي قالت عليه اختنا النون جزاها الله خير

عنوان التفاؤل

2011- 9- 12, 02:42 PM

بنات بكرة راح تداومو ؟؟

only lonely

2011- 9- 12, 03:05 PM

بناااات بكرى كييف الدوام

آنا اليوم ما رحت الاختبار :000:

ومرره خاايفه آحس موعارفه شئ :mh12:

قالوا لكم شئ مهم

وزعوا عليكم الجداول ؟؟؟

النـوـن

2011- 9- 12, 06:15 PM

لا والله حبيبتي م عندي
بس اهم تلقينهم بالمهيدب اذا احتجتي شئ

coca cola

2011- 9- 12, 06:52 PM

هـآي بنــــــــــآآت ..

قـآآلوو بكره مــــــــــآآفيه دوووووووووووووام :mh001:

بس يووم الاربعـآآ فيه .. ووصرآحه مدري كـآن قالو 8 اوو 8 ونص ..

ووبالنسبه للجدآآوول مـآوزعووهـآآ

ويوووم الاربعـآ نرووووح مبنى المهيدب .. حق نسووي بطـآآقه وو الرقم ووهالاشيـآآ ..

بس صرآآحه مـآدري كيف بنرووح .. اوو حق منو بالضبط

اهم قـآلوو شؤون الطـآلبـآت بس انا مدري وش اللسـآآلفه هع ..

عنوان التفاؤل

2011- 9- 12, 07:10 PM

اكييييييييييييد ما في دوام بكرة "؟؟؟؟؟؟؟؟؟؟؟؟؟؟

coca cola

2011- 9- 12, 07:34 PM

ووالله هذآ الي قاالوه يعني

فيونكهـ ورديهـ

2011- 9- 12, 10:07 PM

اي قالوا ما في دوام
بس حبيت اسأل يوم الاربعاء نروح مبنيى 300 شنو نسوي
اقصد يعني كيف نعرف القاعات ولا نروح نسوي البطاقه الجامعيه ولا كيف

يعني شنو الوضع يوم الاربعاء.؟؟

فيونكهـ ورديهـ

2011- 9- 12, 10:11 PM

يوو نسيت
عندي سؤال

انا دخلت القسم وكنت متحمسه له مرره
بس اللحين تخوفت منه مدري كيف
خصوصاً الرسم والخيال الابداعي
انا بالرسم امشي حالي بس ماعندي خيال :mh12::Cry111:
كيف اتخلص من هذا العائق مرره خايفه

only lonely

2011- 9- 13, 08:35 AM

لاتخااافين
ترى القسم آبدآآآآع :(204):

والخياااال مابيجدي كذا ع طول
بنمشي ع قواعد واسس
وبعدين بنخلي مخيلتنا تنطلق

ترى حلوووو

بس آهم شئ تكونيين تحبي هذا المجال
لانوو كرررررررررررف مو طبيعي :tongue:
وهذا اللي آسمعه ^^

الى متى ؟

2011- 9- 13, 09:17 AM

يقولوا كرف مو طبيعي وفي النهايه تصيري مدرسه !!
اني استغربت يوم سمعت ان مصير الي يتخرج من كلية التصاميم التدريس
يعني مدرساتنا الفنيه كانو في كلية التصاميم ؟؟

only lonely

2011- 9- 13, 09:39 AM

لا مدرستنا درسو فنوون

اللي تتخرج من كليتنا إذا مالقت شغل في آصعب الاحوال تدخل تدريس

بس لقسمنا مجالات كثييير

شركات وغيرها

وممكن تفتحين لك مكتب لوحدك بس يكون معك مهندس معماري

coca cola

2011- 9- 13, 09:41 AM

لآآ موو شرررط تصيري مدررسه ...
بس لوو بغيتي .,.
اسمنه يصلح !! هه هذآ الي اظن ...

عنوان التفاؤل

2011- 9- 13, 11:32 AM

لا ما تصيري مدرسة .. مين قال ... تقدري تشتغلي لحالك انك تفتحي مكتب و تقددري تشتغلي بشركات و تقدري تكملي دراسات عليا و تصيري دكتورة بالجامعة ... في كذا مجال .. لا تحطمي نفسك و مستحيل بعد خمس سنين دراسة تصيري مدرسة و شهادتك عبارة عن هندسة

النـوـن

2011- 9- 13, 05:43 PM

الكليه تحتاج الى مخيله ومحد م يقدر يتخيل
كلنا عندنا القدره ع الخيال بدرجات ف الكليه راح يطورونه بدون م تحسين فجاه تلقين خيالك الف لدرجه صرنا نشوف الاثاث بمخنا وكل الديتيلز اللي فيه بدون م نرسمه يعني لا تخافين
الشئ الثاني التدريس ماله اي علاقه بالتصميم الا اذا بتصيرين معيده فالجامعه او دكتوره اما مدرسه فنيه ابدا
والوظايف كثيييييير شرحتها من قبل ومطلوبه ايضا تقدرين تكملين دراستك بالخارج موجود هذا القسم

النـوـن

2011- 9- 13, 05:43 PM

هــ د ـى

2011- 9- 14, 07:17 AM

فلّها وربك يححلهآ ’’ بروح اليوم استكششف مبنانا الجميل طبعاً ماعررف مكآن شيء
بس عآدي بتمششى وذآ لحد ما اطلع حقين شؤون الطالبات ’’ ورآآه انتِ ويآها هآه :biggrin: << :biggrin:

احسسكُم تقولون وش تسوي ذي عندنا :hahahahahah:
للأسف بنشب لكُم هنآك :icon9:

عنوان التفاؤل

2011- 9- 14, 04:16 PM

بنات في احد بشعبة 2؟؟؟ و اذا فيه ممكن وحدة جزاها الله خير تنزل الجدول وشكرا :)

النـوـن

2011- 9- 14, 04:57 PM

يؤ الحمد لله والشكر تو انتبه اني كاتبه الرد مرتين :-\
اليوم انا جيت ف المهيدب ي ليت تقابلنا اش انطباعكم عن اول يوم
والاعمال اللي معلقه ع الجدران ترا هذي اعمالنا واعمال السنوات اللي قبلنا قولوا لي رايكم فيه ;-)
الجداول اتوقع معلقينها ف لوح الاعلانات

كمبيو نت

2011- 9- 14, 10:39 PM

^
إي الأعمآإل منتششرة في معظم المبآإني ... تبع المهيدب .. وتبع الـ 65 بعد .. :biggrin: <~ أصلاً ما رحت غير دولآ
فَــن .. :(269):

،

انآإ في ششعبة اتنين عنوـآإن التفـآإؤل وَ هدـآإ هو الحدول سويتهـ ..
بس أهم ششي تتأكدي إنك في دي الشعبة شفتي اسسمك فيهآإ ... ما تقصدي المجموعة .. لأن يختلف .. "^^

http://im10.gulfup.com/2011-09-14/1316029048701.jpg (http://www.gulfup.com/)

<~ اعذريني على ـآ السسريع سويتهـ .. :(177):

عنوان التفاؤل

2011- 9- 15, 06:44 AM

الله يعطيك الف عافية على الجدول لا انا بلانجليزي قروب 11 و بالشعب شعبة 2

كمبيو نت

2011- 9- 15, 07:43 AM

^
الله يعآإفيكِـ وَ يخليكِـ ..

كويس جداً . "^^

انآإ مجموعة 12 ، وَ نفس ششعبتك .. <~ يعني نلتقي في الحصص عبآإرة .. :53:

عنوان التفاؤل

2011- 9- 15, 12:49 PM

اهلا فيك كمبيو نت :)
النون عندي سؤال الكتب نشتريها و لا هم يعطونا اياها ؟؟

coca cola

2011- 9- 15, 01:41 PM

بنـآآت الحين المستويـآآت كيف يعني .؟؟

1 اقل شي وو 12 مدري 13 اعلى شي .؟؟ اوو العكس ؟؟

وووبعد يــــآآآآآآآآحظكم .. يووم الاربعـآآ 12 !!!

يـآآليت انــــــــآآ عشـآن ارجع الحسآآ بدري .. يووه .

<< بنظلكم هع << امززززززززح ..

هــ د ـى

2011- 9- 15, 02:30 PM

13 أعلى شيء
وعلى فكره ترى جدول شعبه 3 فيه اخطاء للأسف
انا يوم السبت بروح اسألهم واشوف شسالفه

فيروزية الحلم

2011- 9- 16, 12:14 AM

عنوان التفاؤل
انتي معاي بنفس القروب والشعبة :))

طيب عندي سؤال
فيه مستوى 1 ومستوى 13
يعني فيه 13 كلاس ؟

موفقين كلياتكم :))))

عنوان التفاؤل

2011- 9- 16, 06:57 AM

اهلا فيروزية حلم تشرفنا :) ... اعتقد انه فيه 13 كلاس

النـوـن

2011- 9- 16, 10:42 AM

الكتب فيه بيعطونكم مجانا وفيه بيعطونكم بفلوس يعني كله من الجامعه

رزآن

2011- 9- 16, 03:23 PM

السلام عليكم
اول شي اشكررك على الموضوع يعطيك العافيه
حبييت اسألك كم سؤال ؛ )
امم فيه عندكم بنات تخصصهم ادبي ؟
وممكن تقولين لي موادك هالترم ؟
الرياضيات كم ترم تدرسونه ؟
الله يعطييييك العااافيه :love080:

النـوـن

2011- 9- 16, 04:46 PM

هلا رزان م ف ادبي التصميم بس للعلمي
هالترم للسنه التحضيريه تاخذون رياضيات وماده اساسيات التصميم وحاسب و البحث العلمي وانجليزي
والرياضيات الترمين تاخذونه

رزآن

2011- 9- 16, 07:52 PM

اهاا طيب انت تخصصتي تصميم داخلي ولا جرافيكس ؟
اذا جرافيكس ممكن تقولين لي موادك ؟
الله يجزااااك خير تعبتك معاي:106:

النـوـن

2011- 9- 16, 08:55 PM

انا جرافيك وموادنا نفس مواد الانتيرير بس تفرق ماده وحده
موادي اهي مرسم التصميم 3 ، نظريات التصميم ،برنامج الاوتوكاد ، رسم حر ، اسلاميك و ماده اسمها الانسان والعوامل البيئيه

jeje93

2011- 9- 18, 06:32 PM

طيب حبيبتي أنا ناوية إن شاء الله أحول تصاميم ..

كنت أبغى أسألك من خبرتك لإنك سنة ثانية فا أكيد بنات كثير حولو لكليتكم من تخصصات ثانية..

لما يجون يدرسون معاكم كيف الوضع ؟ يعني تعيد سنة كاملة ولا عادي تبدأ معاكم سنة ثانية وتحمل مواد السنة الأولى التحضيرية ؟

لإني قاعدة أدرس علوم طبية وموادنا مرة غييير عن موادكم!! ويقولون لا عادي هما بيشوفون أي مواد يشيلونها منك وإيش يخلونك تدرسين ..

فا بس حبيت أسأل إيش بيصير لما أحول ؟ ياليت تساعديني :)

النـوـن

2011- 9- 18, 07:30 PM

اممم طيب انا م عندي خلفيه عن التحويل بس بقولك كان عندنا وحده درست حاسب بعدين حولت سنه ثانيه احنا كنا سنه اولى فصارت م تاخذ الا ماده التصميم فقط باقي المواد م تاخذهم
يعني اتوقع اذا بتحولين بيرجعونك تحضيري ويعطونك هالماده
والله اعلم

نظراة أمل

2011- 9- 22, 02:12 PM

اختي قبل يومين جتنا دكتورة في أساسيات التصاميم وقالت إنه تبغانا نرسم اربع رسومات ونجيبها لها طيب أنا وحدة ما تعرف ترسم أبدا ويش أسوي !!!
يعني خلاص ما راح أمشي و لا كيف بليز ردي علي بسرعة :Cry111:

Nice Shine

2011- 9- 22, 10:47 PM

طيب اختي بسالك كم نسبة اللي حولوا العام من الكليات الثانية الى كليتكم

لاني تربية بالجبيل وحيييل ناوية انيي اجيب ان شاء الله بالتحضيري 5 من5 بس لاني ابغى يكون عندي فكرة عن الوضع عندكم كيف \؟؟؟؟!!!!!

ياريت لو بس تعرفين اي وحدة حولت من كليات ثانية تخبرك كم نسبتها !!!!

يعني هذي اللي كان تخصصها حاسب وحولت كم كانت نسبتها !!!!

ياريت تردي علي حتى لو برسالة شخصية لاني محتاااااجة كثييير اعرف عن الوضع كيف:love080:

النـوـن

2011- 9- 22, 11:43 PM

نظراة أمل
ارسمي اي شء حطي لك جره مثلا او غراش وارسميها
قلت من اول انهم بيسوون لكم قياس مستوى يعني ارسمي اللي تقدرين عليه واذا ابد م تعرفين ادخلي يوتوب وشوفي مقاطع رسم وسوي زيها بعدين الدكتوره بتقيمك وتقولك ايش الكتب اللي تشترونها تعلم الرسم وتختار لكل وحده رسمه تناسبها وهكذا

فروح
انا ما اعرف عن التحويل كثير بس وحده كانت فيزياء ونقلت عندنا كانت نسبتها 4 وشئ اما اللي ف احاسب مادري كم كانت نسبتها
تقدرين تسألين شؤون الطالبات او القبول والتسجيل

وبالتوفيق

إحسآس

2011- 9- 23, 12:11 PM

مرحبا اختي :)
عندي سؤاااال محيرني *_* متى عطوكم الكتب ؟؟؟
بندخل في الاسبوع الثالث وحنا بدون كتب وكل تيشرر تقول لنا زين لو اخذتوهم على نهايه الفصصل
:bawling:

النـوـن

2011- 9- 23, 08:24 PM

السمستر الاول عطونا كتب من اول يوم بعدين لم انتقلنا للمستوى الثالث صرنا ملازم كل شابتر ملزمه الين نهايه السنه :d

إحسآس

2011- 9- 24, 01:41 PM

يعطيك العافيه اختي

طيب حنا للحين ماعطونا ولا حتى كتاب

وحق الرياضيات قالت لازم يكون عندنا الكتاب لان كل اعتمادنا علييه

باسألك الحين لو شرينا الكتاب من برا ,, هل مجبورين نشتري الكتاب اللي راح يعطونا اياه الجامعه ؟؟

النـوـن

2011- 9- 24, 10:34 PM

لا طبعا مو مجبوره

انتظروا شوي بيعطونكم والكتب اهي من ا لجامعه يعني ما بتلقينها براا

احنا اشترينا من جرير الواحد ب 200 وف النهايه قطيناه :biggrin:

نوره 38

2011- 10- 4, 02:30 PM

بليييز النون عندي اسئله كثيره وتحمليني
انا طالبة مجتمع انا كان طموحي من زمان تصميم داخلي او تصميم مجوهرات
لكن ميولي الاكبر لتصميم المجوهرات فحبيت اسألك سمعت انو راح يفتحو هالتخصص
السنه الجاي في كلية التصاميم هل هالكلام صحيح ؟ :g2:

ثاني شي لو الكلام مش صحيح فأنا السبب الي ماخلاني ادخل كلية تصاميم
هوا خوفي من كلمة " كرف "
يعني كرف لدرجة الطب ؟
الكرف اللي يخليني نفسيه بس عند دراستي ومشاريعي لا اطلع لا اروح لا اجي
لا اهتم بنفسي واجي بشعري منكوش ووجهي مافيه نتفت ميك اب :(

ولا الكرف الطبيعي :|

طيب نجي للأسئله الجد
الجداول نفس نظام كليتنا تستلمونها من الكليه نفسها
ولا تنزلونها من النت ؟
كم سنه واتخصص ؟
انا قريت معظم الصفحات تقريبا وكلامك يقول انو تحضيري لهم مكافأه
يعني اول ما التحق بهالكليه من اول ترم اخذ مكافأت ؟
ولا بس طالبات التخصص ؟
وكم المكافأه ؟
جوالات الكاميرا يحاسبونكم عليها ؟

انا رساااامه جداً واحب الألوان والتنسيق والخامات
هالاشياء لها علاقه بالتصميم الداخلي انو راح نشوف الوان وخامات وننسق
ولا نصمم واجهات ومداخل وكذا ؟

انا مره فاشله في الامور الحسابيه :119: ولا احب المحاسبه ولا التسويق ولا الاداره
ولا مجال البنوك هذا
فعشان كذا متضايقه مره من تخصصي :(

بس احس بنات كليتكم مكرسين حياتهم للدراسه بس :mh12:
فمتخوفه ادخل

استنى ردك وشكرررررن عالمجهود الي تبذلينه
الله يووفقك

:love080:

النـوـن

2011- 10- 6, 11:04 AM

عذرا على التاخير نوره

السنوات الجايه بيفتحون تخصصين زياده بس ايش هم بالضبط ما اعرف
انا اختي تدرس طب واحس انس اكرف اكثر منها كنت اكرف حاليا لا :biggrin: طبعا القصد مو تخويف او شئ اهو كرف حلو لاني كنت حابه الشغل فما احسه كرف بالعكس وزي ما قلتي اهو طموحك فما اتوقع ما بيعجبك
السنه التحضيريه الجداول من الجامعه بعدها انتي تدخلين وتسجلين المواد
سنه ثانيه التخصص فيه جرافيك وتصميم داخلي
ايوا المكافئه من اول ترم كل شهر 990 في البدايه شيكات لين تطلع بطاقت تصيرين تسحبينها من الصراف
جوالات الكاميرا ممنوع اكيد بس كنا نجيبها كانوا الامن يروحون البيت واحنا لسى فمحد مسكنا وفي ايام يسوون تفتيش فجأه يعني اذا انتي ما تحبين المغامرات لا تجيبينه
التصميم بشكل عام سواء جرافيك او تصميم داخلي لازم تكونين فنانه وعندك ذوق التصميم الداخلي اكيد تحتاجين تنسقين بين الخامات والاوان اذا جيتي تصمميم كنبه مثلا
بالعكس احنا مو مكرسين حياتنا للدراسه ابدا يجينا ايم ننضغط وايام عادي نطلع ونروح ونجي بس ز ماقلت لك اذا انتي حابه القسم ماراح تحسين بتعب ولا راح تحسين انك تدرسين اصلا :biggrin:
وبالتوفيق استخيري بعد ماتقرين كلامي :mh12:

نور على نور ..

2011- 10- 6, 01:15 PM

أهلا النون ..

انا حاليا سنة تحضيرية حاسب .. وكلش مو حابة التخصص
يعني أنا ما أحب البرجمة والشغلات الي داخل الجهاز وهادي الاشياء ><
ودراستنااا بالسنوات الجاية كلها تعتمد ع هادي الاشيااااء ..

علشان كذا افكر احول تصاميم السنة الجاية .. يعني انا احب الجرافيك والفنون وكذااا بس مالي بالرسم خخخخ ..

بس حابة اسألك بماا أنك تخصص جرافيك ..
وش المواد الي تدرسونها حاليا " واذا تعرفي مستقبلاً " ؟ وفيهااا حفظ وقرقرة وايدة يعني -ـ- ولا كله شغلكم بالجهاز ..

ماتقصصصري (f) ~

النـوـن

2011- 10- 7, 12:15 AM

هلا حبيبتي
انا ذكرت المواد اللي ادرسها سابقا
طبعا الجرافيك قسم حديث جدا يعني احنا بس 6 بنات مقابل 44 في التصميم الداخلي
حاليا احنا نصمم خلفيات ولوقوز باليد بعدين ندخلها ع الفوتوشوب يعني لسى بالبدايه
عموما التخصص هذا ما فيه حفظ ابدا يعني حتى مستقبلا واذا انتي فعلا مو حابه الحاسب انا اقول استخيري وشوفي لانه حرام تدخلين تصميم وما يعجبك بعد اقعدي مع بنات التحضيري الحين وشوفي
والله يوفقك

pure delight

2011- 10- 7, 11:00 AM

خيتو نون مشكوره على تفاعلك معنا ورك على استفساراتنا

عندي كم سؤال

١- ايش الاختلاف بين كليه التصميم وكليه العماره والتخطيط بجامعه الملك فيصل ؟
٢- المسمى الوظيفي يكون ( مهندسه تصميم داخلي -مصممه تصميم داخلي ) ؟
٣-بالنسبه للمبنى هل هو جيد وإلا كيف ؟
:cheese::love080:*

نوره 38

2011- 10- 7, 08:42 PM

شكراً يانون مرره مشكووره
طيب سؤال اخر وش يعني قسم الفنون التطبيقية ؟
يعني ايش مجالاتو وايش اقسامو وتخصصاتو ؟

وشكراً

النـوـن

2011- 10- 8, 02:23 AM

صباح الخير
كليه العماره والتخطيط كان اسم الكليه سابقا واللي تتخرج يكون معها شهاده مهندسه قبل كم سنه تغيرت التسميه الى كليه التصاميم وتتخرجين بشهاده مصممه اما كليه العماره صارت للاولاد فقط
اذا قصدك مبنى الكليه من وجهه نظري سئ لكن يندرس فيه :\

نوره مافي قسم ف الكليه اسمه الفنون التطبيقيه :d

الى متى ؟

2011- 10- 8, 04:31 PM

اختي النون سؤال بخصوص الغياب عن المحاضره
الحين اني اذا مثلا مرضت وغبت عن المحاضره هل هذا يأثر على درجاتي ؟!
حتى لو ان غيابي ما تكرر كثير

النـوـن

2011- 10- 8, 06:31 PM

طبعا يأثر
فيه 5 درجات ع الغياب غير اذا كان في المحاضره نشاط مثلا او كويز عليه ١٠
اذا كان عندك عذر طبي ماراح تنقصين من الغياب

pure delight

2011- 10- 8, 08:32 PM

اليوم تقول لي صديقتي ان مايقبلون طالبات المدارس الاهليه
هل هالكلام صحيح واإلا لا ؟ :mh12:

النـوـن

2011- 10- 9, 01:15 AM

لا غير صحيح يقبلون عادي :119:

نوره 38

2011- 10- 9, 04:10 PM

وتضم كلية التصاميم في جنباتها أربعة أقسام أكاديمية تنطوي تحتها مجموعة من التخصصات الدقيقة:
(1) قسم هندسة التصميم الداخلي,
(2) قسم المطبوعات والوسائط المتعددة,
(3) قسم تصميم المنتجات,
(4) قسم الفنون التطبيقية,

هذا في موقع كلية التصاميم بجامعة الدمام :mh12:
متأكده ماعندكم ؟

النـوـن

2011- 10- 10, 04:44 PM

هذا كلام قديم حبيبتي
الحين مافيه الا تصميم داخلي او جرافيك
متأكده b)

نوره 38

2011- 10- 12, 12:28 PM

طيب انا اسفه غلبتك معايا :Cry111:
الجرافيك دايزاين هوا ايش ؟ :g2:
انو ايش بتصممو ايش بتعملو ؟
وهل هو صعب زي الانتريور ديزاين ؟

وشكررن :mh318:

pure delight

2011- 10- 12, 03:09 PM

انا حابه اسأل عن دوامات الكليه

هل يتأخرون في الرجعه في الليل ؟

لأن ابوي يقول لي دواماتهم مررره متأخره من الساعه 7 إلى 10 في الليل

-__________________-

فيروزية الحلم

2011- 10- 12, 10:03 PM

اهلين اختي
حبيت أساك وشو التخصصات الى يقولوا راح يفتحوها السنة الجاية ؟
بعدين دفعتكم يعني بس 48 طالبة !
في رسم الشبكة كم أعلى درجة حصلتوها !؟
يعني انا صار لي اسبوع كامل وانا كل يوم اسوي الشبكتين وآخذ عليهم نفس الدرجة وساعات أقل !
والسكتشات سويت أفضل ما عندي وأعلى شي عطوني 8,5

والحين احنا نتخرج بشهادة مصممة !
احبااااااااااااااط !!!!!!!

النـوـن

2011- 10- 13, 05:22 AM

عذرا ع التاخير
نوره الجرافيك مو صعب ابدا اهو تصميم الوسائط والمطبوعات يعني تصميم شعارات هويه للشركات اعلانات وغيره

لا الدوام العادي مستحيل يتاخر اكثر من 6 بس يمكن اخر الايام شوي تتاخرون زياده

والله ما اعرف شئ عن الاقسام الجديده
ودفعتنا حاليا اقل من 48 فيه بنات طلعوا وفيه بنات تزوجوا
الشبكه انا شخصيا عدتها 4 مرات واذكر كانت اجازه ورسمتها بالبحر :\ انتي شوفي ايش الاغلاط ولا تعيدينها واذا ما تعرفين اسألي المعيده شلون اتفادا هالخطأ
السكتش مو مهم مرا يعني درجتك كويسه
ايوا شهاده مصممه ابدا مو احباط رائع هوا فعلا فرق عن المهندسه انا احس مصممه مقنعه اكثر :d

عنوان التفاؤل

2011- 10- 13, 07:41 AM

طيب الشبكات درجاتي تتراوح بين 7 و 8.5 كويسة ؟؟؟ ولا لا؟؟
و السكتشات يرجعولي اياها يكتبو ارجو الاعادة و ما يعطوني درجات :mad: ايش اسوي؟؟

النـوـن

2011- 10- 13, 10:38 AM

ايوا كويسه بس برضواتقدرين تسوين احسن لان كل مرا تعيدين ايدك تتعود ع القلم
السكتش اشتري كتاب وخليهم يختارون لك رسمه وارسميها

عنوان التفاؤل

2011- 10- 13, 02:47 PM

اها .. الله يعطيك العافية :love080:

الى متى ؟

2011- 10- 13, 05:34 PM

عنوان التفاؤل اي شعبه انتي ؟
وبقولش غناتي مو مهم المسمى الي راحت تطلعي به كثر اهمية المهارات والمستوى الي راح توصلي له
بس اني سمعت الدكتوره هاله تقول الى المعيدات بش مهندسه مع ان هم مخلصين مثلنا
فـ انتي تقدري تثبتي وجودش وياخذونش معيده معاهم
ولما كلمتنا لدكتوره اول مره قالت يا مهندسات
لان قسمنا فرع من فروع كلية العماره والتخطيط واذا تخرجتي تقدري تكملي ما جستير هندسه
فـ انتي في النهايه راح تكوني مهندسه وكل ما طورتي دراساتش راح توصلي الى مستوى عالي
واخذي الدكتوراه ما بيقولوا لش بس مهندسه بينادونش دكتورهـ فـ مو مهم المسمى الحين كثر أهمية راحتش الى المجال
لان تقدرين تخلي الناس يطلقوا عليش المسمى الي تبيه بتطويرش الى دراساتش
والصراحه اني لما اقول اليهم دخلت كلية التصاميم يقولوا ليي حركات بتصيري مهندسه
ما يقولوا ليي بتصيرين مصممه
بالتوفيق يا قلبي
والف شكر لش اختي النون على المساعده
والصراحه المجال جدا جدا حلو + متعب
وما بعد التعب راحه والمجال ممتع مع ان المرسم الى الساعه 5 لكن ما احس بالوقت الي اجلسه معاهم
وصار عندي طموح في المجال اني اوصل فيه الى مستوى عالي وصار عندي هدف اتمنى تحقيقه
دعواتكم حبايبي

LooM

2011- 10- 14, 09:48 AM

السلآم عليكم ., =)

بنوتآت حآبهـ أسألكم .,

الحين كم هيآ نسبتكم المركبهـ ؟! =)

مرآ ودي أعرف هم قبلوآ بأي نسبهـ !

عنوان التفاؤل

2011- 10- 14, 10:42 AM

اعتقد 86
النون سؤال .. هل سهل اني انجح بالسنة التحضيرية ؟؟؟

النـوـن

2011- 10- 14, 01:09 PM

ايوا سهل :d
سوي اللي عليك وبتنجحين

الى متى ؟

2011- 10- 14, 04:25 PM

ما احد عاطني وجهـ !!
اكلمهم ما يردوا عليي ..
:(177):

النـوـن

2011- 10- 14, 04:39 PM

منو ؟

عنوان التفاؤل

2011- 10- 14, 05:14 PM

الى متى .. كلامك رفع معنوياتي .. بس مشكلتي اني ما اعرف ارسم :Cry111:

عنوان التفاؤل

2011- 10- 14, 05:15 PM

عشان كذا خايفة بس بالشبكات درجاتي الحمدلله حلوة

النـوـن

2011- 10- 27, 10:57 AM

مرحبا بنات شخباركم
ان شاء الله مبسوطين
انا جيت يوم الاربعاء المهيدب وشفت شغل بعض البنات ف الابستراكت كان رائع بجد
وشفت كم رسمه جمييلين
شكلكم بتطلعون احسن من دفعتنا :d
موفقين

نظراة أمل

2011- 11- 1, 12:59 AM

سؤال أختي الحين دوامنا في سنة ثانية راح يتغير أو راح يظل مثل ما هو ؟

النـوـن

2011- 11- 1, 06:59 PM

لا غير

الى متى ؟

2011- 11- 2, 06:27 PM

طيب غناتي كيف دوامك
وهل في مواد نختبرها نظري او كل شي عملي ؟

النـوـن

2011- 11- 4, 11:52 PM

كل يوم الدوام من ٨ والخروج ١٢ او ٢ الاربعاء ٣
فيه مواد نختبرها نظري اللي هي نظريات التصميم و هيومان فاكتور
و الباقي عملي

عنوان التفاؤل

2011- 11- 5, 11:17 AM

طيب سؤال مرسم اساسيات التصاميم في لها اختبار نظري؟؟؟

النـوـن

2011- 11- 6, 08:19 PM

اي كان فيه كم اختبار واحد عن الالوان وواحد عن الاساسيات

نظراة أمل

2011- 11- 17, 01:03 PM

أختي عندي السؤال بالنسبة لإمتحانات الفاينل التصاميم و مهارات التعلم فيهم إمتحان فاينل أو لا وإمتحانات الفاينل كم أسبوع ؟؟

لبى روحكـ

2011- 11- 19, 03:13 PM

يسعد مسائكم
حابة استفسر
عن موقع الكلية وين بالضبظ وتبع اي عمادة؟
واخر نسبة وصلت لها الترم الي فات

Fatima*

2011- 11- 20, 09:41 PM

السلام عليكم . .
يعطيك العافيه اختي النون ، قريت الموضوع بالكامل و استفدت منه كثير بس عندي بعض
الاسئله . . أنا اللحين ادرس في محمد بن فهد و درست ترم تحضيري وسنة تخصص
انا ناويه احول لجامعة الدمام، كلية التصاميم عشان ادرس قرآفيك ديزاين . . و ابغى ابدأ ادرس من
الترم الجاي ، بس قالو لي بعض البنات اللي اعرفهم هناك ان مو ممكن ادرس من الترم الجاي بس من السنه الجايه .. هل هذا الكلام صحيح ؟
و طيب تتوقعين يطابقون لي مواد التحضيري ، لان كثير منها نفس اللي درستوها ، الليسنينق و الرايتينج والقرامر و درست رياضيات بعد . .
و هل تنصحيني اني احول ؟ انا مره ابغى قرآفيك ديزاين بس متردده !
شكراً مره ثآنيه :love080:

النـوـن

2011- 11- 21, 06:51 PM

اهلا حبايبي عذرا ع التاخير
التصميم الامتحان النهائي اسمه جوري اعتقد بتاخذون ميد جوري و فاينل جوري والتعلم ما كان فيه ع وقتنا لانه كتن فيه لخبطه شوي ف ما ادري عنكم

الكليه في الدمام في حي بترومين عند الاشاره لكن السنه التحضيريه تكون ف الحرم الجامعي الكليه مو تبع اي عماده كانت سابقا مع كليه العماره والتخطيط لكن حاليا اصبحت مستقله
ماعندي خبر عن اخر نسبه والله

اهلا حبيبتي الحمد لله انك استفدتي
بالنسبه للتحويل ماعندي معلومات اكيده بس اتوقع بتعيدين السنه هذي بس التحضيري لا والمواد بيعادلونها لك ان شاء الله
اذا انتي حابه القسم تنصحك فيه مرا .. دراسته ممتعه جدا جدا فيه كميه ابداع كبيره .. وبالنسبه للوظايف القسم مطلوب والرواتب اكثر من رواتب المصممات الداخليات وهذي معلومه اكيذه :d

والله يوفقكم جميعا

Fatima*

2011- 11- 25, 08:44 PM

أهلن النون
يعطيك العافيه . . بس في نقطه حابه توضحينها ما فهمتها زين ^^ .

بالنسبه للتحويل ماعندي معلومات اكيده بس اتوقع بتعيدين السنه هذي بس التحضيري لا والمواد بيعادلونها لك ان شاء الله

كيف اعيد هذي السنه ؟ يعني اقدر اطابق المواد واعدي تحضيري بس ابدأ الدراسه من السنه الجايه ؟ او كيف ؟
وشكراً :love080:

النـوـن

2011- 11- 26, 07:35 PM

ايوا كلتمك صحيح بتعدين التحضيري وتكملين السنه الجايه وتصيرين سنه ثانيه هذا اللي اقصد

Fatima*

2011- 12- 16, 10:33 PM

يعطيك العافيه النون ماقصرتي :) .

ليآليـ}..

2011- 12- 17, 05:27 PM

أختي النون ..

لو سمحتى اذا تعرفين رقم كلية العمارة والتخطيط تعطيني اياه ضروري من جد ..

ربي يوفقك ..

النـوـن

2011- 12- 21, 08:58 AM

لا والله م اعرف
بس احنا مفصولين عن العماره والتخطيط

ليآليـ}..

2011- 12- 21, 05:19 PM

مشكوورة ربي يعطيك العافيهه ^^

فيروزية الحلم

2011- 12- 22, 12:19 PM

النون
ابغى أسألك كيف كان معدلك في الترم الأول ومعدّلات البنات
احس نفسي في الديزاين كويسة ، يعني الحمد لله فيه أشياء جبت فيها عشرة
بس الماث مو مره عاليه درجاتي والسيرج سكلز اخاف تنقصني كثير على البحث رغم انها شافت موضوعي وعجبها
وممكن لو جينا معدل مو كويس ينرفع في الترم الثاني اذا شدينا حيلنا ؟

وعندي سؤال ، لو ابغى أكمل بعد الدراسة يصير أكمل هندسة معمارية ؟ ولازم أدرس انتريور لو عادي ادرس قرافيك وأكمل انتريور وفيه بعثات للنساء على الحكومة هندسة معمارية ؟
ضروري ابغى تجاوبيني
ومشكورة وما تقصري تعبناكِ ويانا

النـوـن

2011- 12- 23, 10:18 AM

اهلا فيروزيه
معدلاتنا كانت ممتازه اغلبنا يعني فوق 4 مع انه كنا مخبصين بالماث والفيزيكس
واذا لاسمح الله احد جاب نسبه م كويسه تقدر تعدلها السمستر الثاني

ايوا تقدرين تتخصصين الحين مثلا قرافيك وبعدين تكملين ماجستر انتيريور والعكس صحيح ايضا بس م اعرف عن الهندسه المعماريه اذا ممكن والا لا
وبرضو م عندي اي معلومه عن الابتعاث

ان شاء الله نفعتك وحياك باي وقت

يمااان

2011- 12- 23, 08:49 PM

مرحبا
انا الحين طالبة في الصف الثالث ثانوي قسم ادبي
في مجال اني ادخل الجرافيكس ديزاين هنا في دي الجامعة
وايش الشروط ؟؟
وشكرا مقدما ^^

النـوـن

2011- 12- 24, 09:32 AM

اهلا حبيبتي

لا م ممكن التصميم للقسم العلمي
الله يوفقك

نور على نور ..

2012- 1- 14, 02:01 AM

نوره 38

2012- 1- 14, 11:44 AM

بنات في تقديم على الترم الثاني ؟
يعني انا الحين بقدم يقبلوني عالترم هذا الي بيجي ؟

أهازيج

2012- 1- 18, 06:05 PM

moshy

2012- 1- 25, 06:43 PM

مررحبا حبيبتي "النون"..:(269):
جيت اساعدك في الرد على استفسارات البنات ..ربي يعطييك العافية ياعسسل ماقصصرتي كفيتي ووفيتي:(204):
..وكمان قلت لاازم يكون للإنتيرور حضوور :smile:عشان اللي عندها اي سؤال عن هالتخصص اقدر ارد عليها
"النون" انتي افضل مني بهالمواضيع والرد عالبنات :cool:وأنا بس بطل اساعد تدرين الوقت اللي مقطع بعضو عندي ^^:lllolll:
ربي يوفققكم ياحلواات.. و ربي يجزاك الجنة حبيبتي "النون"

moshy

2012- 1- 25, 06:46 PM

مرحبا
انا الحين طالبة في الصف الثالث ثانوي قسم ادبي
في مجال اني ادخل الجرافيكس ديزاين هنا في دي الجامعة
وايش الشروط ؟؟
وشكرا مقدما ^^

حبيبتي يمان :).. للأسف ادبي مايقدرون يدخلون هالكلية لأنو انتي بتمري عالتحضيري اول فيها ماث وفيزيكس تكونين اساسا دارستهم بالثانوي اللهم الإختلاف بالجامعة انو بالإنجلش..
بعدين سنة ثانية تختاري انتي تبي انتيرور ولا جرافيك

بالتووفييييق ^^

moshy

2012- 1- 25, 07:26 PM

أهلاً النون ..
حبابة قلتِ ان وحدة معاكم محولة من حاسب ،*
حابة اسالك اذا تعرفي كيف الوضع عنها زحمة وضغط ولا قادرة توافق بين مادة المرسم بالتحضيري ومواد سنة اولى ..*

ولا لازم تكون عارفة الاساسيات علشان تمشي بسنة اولى ..*

وشي ثاني هي جرافيك ولا انتيرنر ؟*

ادري طولت ، بس لاني حابة احول ديزاين و خايفة من انه لازم اعرف الاساسيات الي بمادة المرسم علشان نمشي عليها بالتخصص xd *

وثانكس عزيزتي مقدماً ..

حبيبتي
هي كيف كان وضعها؟؟..حولت من حاسب وطبعا هي دارسة تحضيري الفرق بيننا وبين الحاسب في التحضيري مادة التخصص فقط..يعني هي درست نفس مادرسنا ماعدا الديزاين..
وبالنالي عادلو لها المواد السنة اللي وراها وماخذت غير الديزاين..السنة الحالية هي في سنة ثانية عادي الوضع بالنسبة لها ممشية معنا خلاص..هي انتيريور

أتمنى اكون أفدتك :119:

moshy

2012- 1- 25, 07:28 PM

بنات في تقديم على الترم الثاني ؟
يعني انا الحين بقدم يقبلوني عالترم هذا الي بيجي ؟

مااقدر افيدك والله..دقي على الجامعة وشوفي قسم القبول والتسجيل :)

moshy

2012- 1- 25, 07:38 PM

اهلين اخت النون كيف احوالك و كيفك مع الإجازة ؟؟ :119: في الحقيقة جايه و معي اسئله كثير ... ادري مو وقته الناس في إجازة :000: بس شاغلة تفكيري هالأسئلة و ياريت تجاوبي حتى لو بعضها و السموحة على الإزعاج
اصلا كنت ناوية اروح المعرض حق الجرافيك و الجوري و اسأل اسئلتي هناك فيس تو فيس يعني بس للأسف صار عندي اختبار و ما قدرت اروح و لما سمعت من زميلاتي اللي راحو كانو متحمسين و هم يتكلمون عن شغل البنات .. وقتها تحسرت و تندمت :icon9: بعد لأني ما رحت بس ايش نسوي عسى ان تكرهوا شيئا و هو خير لكم :smile:
الموهم لندخل في الموضوع ألا و هو اختيار التخصص اما انتيرير او جرافيك
مازت في حيرة من امري في اختياره :000:
الصراحة بالنسبة لي احب تصميم البو سترات و اشكالها و اللوقو والشعارات:biggrin:
و بالنفس الوقت احب اعدل و اختار الاثاث للغرف
انا اميل للجرافيك بس اجهل عنه الكثير يعني لما اسأل احد عنه يقول لي الجرافيك سهل و ما يحتاج له .أي شخص يقدر يسويه بس شغل على الفوتوشوب و خلاص و لما اقول للبنات راح ادخل جرافيك يغيرون نظرتي له و يقولون اصلا لما تدخلين انتيرير تقدري تسوي شغل الجرافيك بس العكس غير صحيح و بما اني اجهل عنه اقول صحيح و اغير رايي و حاولت بعد ابحث عنه في النت بس معلومات عنه ضئيلة جداً
و عندي بعد اسباب تخليني اغير راي مثل
اني البس نظارة يعني نظري ضعيف :p احس مو سبب مقنع بس لما استشرت اهلي قالو لي شغل الجرافيك كل على الكمبيوتر و هذا يخلي نظرك اضعف زيادة.
و هل صحيح الجرافيك مكلف جداً لانه حالتي المادية متوسطة ..
ادري كثرت واجد بالكلام بس حابة احد يجاوبني على اسئلتي و قلت مالي الا الاخت النون و مشكورة واجد مقدماً عزيزتي و إجازة سعيدة :biggrin:

شوفي حبيبتي...
بالنسبة لموضوع التخصص..انتي اذا كنتي داخلة الكلية و مو حاطة في بالك انك بتتخصصين شي معين فأنا انصحك انك ماتقررين الا بعد ماتشوفين وش بتسوين الترم الجاي..لأنو الترم الثاني بيحدد لك انتي وش ميولك وابداعاتك وين تطلع عن طريق مشروع بيسلمونكم اياه بتسوونه..
بالنسبة للإنتيرور..هو تخصص اخر شي قيه تعدلين وتحطين اثاث..لازم عشان تدخلين هالتخصص يكون عندك صبر ومثابرة وعزيمة وكمان خيال واسع وقدرة عالتحمل ^^
يعتمد على قدراتك الإبداعية ونظرتك للمكان كيف متخيلة شكل البيت الغرفة الحديقة وماإلى ذلك وبعدها يجي الأثاث وكذا..وتحطين في بالك انو شغلم بتعيدينه الللف مررررة وتخخص متعب صراحة بس حلوو وتنبسطين وتبدعين وفي النهاية تحسين اكتسبتي خبرات مرة كثيرة بالنسبة لنظرتك لأي شي..وعلى فكرة شغل الإنتيرور سنة اولى وثانية نصه عاللاب ابتداء من سنة ثالثة الى سنة خامسة شغلك اولا وأخيرا عاللاب..
بالنسبة للتكلفة ..الإثنين مكلفييييييين في طباعة المشاريع والأغراض طول السمستر وغيره..بتجربين الترم الثاني عشان كذا اقولك لا تقررين من الآن..
ممكن اختي النون تعطيك معلومات افضل عن الجرافيك..

الله يسهل لك يارب:119: