الشعب المليانة والجدول الفاضي

[قمر اللييل]

السلام عليكم أخواتي
عندي مشكله تتلخص في..."عندي في الجدول مادة "مقدمة في علم الأحصاء"مخصص اليها شعبتين فقط والشعبتين مليانيين فأني ولله الحمد خلصت الجدول وما باقي الا هادي المادة وللمعلوميه...أني الحين عندي 15 ساعه وباقي عن" الحد الأقصى للساهات المسموح بتسجيلها " هو 18 ساعه
فهل لازم أكمل هادي الـــ18 ساعه ؟
مع العلم اني دخلت هادى الرابط وضليت ادخل في هادي الماة وما فيه فايده
http://kfuforums.kfu.edu.sa./showpost.php?p=137073&postcount=3
وللمعلومية أخر موعد لتأكيد التسجيل للمستجدين هو يوم السبت
فأرجوا المساعده والجواب على سؤالي لأني من جد متأزم واااااجد
لأن أختي اللي اكبر مني قالت اذا ما اضفتي هادي المادة تعتبري راسبة فيها:Cry111:

[بـــو أحــمــد]

و عليكم السلام

قمر اللييل
قبل كل شي .. مو لازم تكملين 18 ساعة

الشعب المليانية هاذي مشكلة موجودة من زمااان
و المفروض يا أختي من اول ما يفتح التسجيل ... على طووول تسجلين
ترا التسجيل في نظام البانر يتبع مقولة من سبق لبق

حاولي مرة ثانية و قبل بداية التسجيل بفترة كافية أنك تكونين مجهزة أرقام CRN
و مرتبة جدولك .. و بس يفتح التسجيل و من أول دقيقة أو حتى ثانية
على طووووووول سجلي :g8:

برضو بإمكانك أنتي و باقي الطالبات ألي ما سجلن المادة .. تكتبن أسمائكن عند مسجلة الكلية (الموظفة)
و تطلبن فتح شعبة جديدة ..

برضو فيه إمكانية أنك تدرسين في الصيف في الإجازة الصيفية (الفصل الصيفي)
بس ترا مو كل المواد تنزل ..

بس مثل ما قلت لك ..
أول ما يفتح النظام مرة ثانية .. سجلي على طووول
خلك فاتحة نظام البانر قبل بداية التسجيل بربع ساعة تقريباً
لأنه بعض الأحيان أو في الغالب يفتح بدري :g8:

[غـرور دلـوعـهـ]

يؤ كيف تاكيد التسجيل .؟؟؟

الحين انا سويت الجدول طيب كيف ااكد الجدول .؟؟ و متى .؟؟؟

[وتين القلب]

:000:


أني مثلك سجلت 15 ساعه كنت بحط الإحصاء بس طلعت مليانة !!

ياربي أبغى أحطه ..!!

[عز المملكه]

تاكيد التسجيل انك تحطين الاخاله تسجيل ويب لازم

[&ليـــــــنا&]

والله انا ماضفت الا مادتيين ..

وباقي المواد يطلع لي ... غير متاح للكليه ...

مدري وش اسوي ؟؟؟:mh19: