كلية الغد او كلية المانع [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : كلية الغد او كلية المانع

الطفلة المرحة

2011- 8- 17, 08:02 PM

سلاام عليكم

شخباركم

انا قبلوني كلية الغد وكلية المانع

بس محتارهم بينهم
اش افصل
كلية الغد او المانع
مين اقوى من حيث الشهادة والدراسة والنظام وكل شي

ارجووووووووكم ساعدووووووني

انسان أنا

2011- 8- 17, 10:51 PM

كلية الغد طبعا افضل
واكبر دليل أنها داخلة في برنامج المنح الداخلية
بعكس المانع

كما ان تخصصاتها اكثر بس حاليا القبول للبنات في فرع الدمام عالانتظار

حلوه الملامح

2011- 8- 17, 11:30 PM

أختي الغد قبلوووك تبع شنو الموارد ؟؟؟؟؟؟

الطفلة المرحة

2011- 8- 18, 01:15 AM

لا مو تبع الموارد

جنة الايمان

2011- 8- 18, 01:33 AM

هلا خيتو

وش التخصصات اللي انقبلتي فيها في المانع والغد ؟؟

عشان نحدد الأفضل

بالتوفيق

الطفلة المرحة

2011- 8- 18, 01:44 AM

مختبرات في الغد

وصيدلة في المانع

تحلم بالدراسة

2011- 8- 18, 01:44 AM

أختي إذا ممكن ولا عليك أمر

قبلوك منحة ولا موارد و لا على حسابك الشخصي ؟؟

و كم معدلك في الثانوية و القدرات و التحصيلي ؟؟

اعذريني على الأسئلة بس حابة أتطمن

الطفلة المرحة

2011- 8- 18, 01:53 AM

كلية الغد او المانع قصدج

تحلم بالدراسة

2011- 8- 18, 01:57 AM

كلية الغد او المانع قصدج

الإثنين إذا ممكن ؟؟ :biggrin:

جنة الايمان

2011- 8- 18, 02:11 AM

مختبرات في الغد

وصيدلة في المانع

شوفي حبيبتي
أني للحين ماقبلوني في مكان>>> مسكينة أني ادعي لي يقبلوني:bawling:
لكن على حسب اللي سمعته من الطالبات اللي درسوا في هذي الكليات
بالنسبة للكلية:
أني أحس إن الغد أسهل وتجيبي فيها معدل عالي مو بصعوبة
لكن المانع دراستهم أصعب وهذا طبعاً كلام الطالبات اللي درسوا

بالنسبة للتخصص:
الصيدلة شهادتها أقوى من المختبرات
الصيدلة وظيفتهم مضمونة أكثر من المختبرات
الصيدلة رواتبهم أكثر من المختبرات
الصيدلة في الوظيفة غير متعب لكن المختبرات في الوظيفة متعب

يعني حبيبتي أنتي اللحين شوفي وش يناسبش؟؟
تدرسي صيدلة صعبة في كلية صعبة بس في النهاية تحصلي على مميزات واجد
شهادة قوية وراتب كبير وزيادات أكثر من المختبرات ووظيفة مضمونة وغير متعبة

أو

تدرسي مختبرات مو صعب وكلية تسهل على الطالبة بس في النهاية تحصلي على
شهادة قوية (ماأقدر أقول مو قوية !! لأن العلوم الطبية في المختبرات قوية لكن الصيدلة أقوى )
وراتب وسط لاكبير ولاصغير وزيادات قليلة بالنسبة للصيدلة
والوظيفة مو مضمونة واااااجد متخرجين مختبرات وللحين ماتوظفوا
والوظيفة متعبة ( صحيح الوظيفة مو متعبة واجد زي التمريض لكن متعبة بالنسبة للصيدلة)

أنتي قارني وشوفي الأفضل
وصحيح الوظيفة والدراسة أرزاق يعني ماتدري يمكن بعد كم سنة يتغير الكلام ويصير المختبرات أفضل من الصيدلة !!!
بس أنتي اختاري اللي تشوفيه يناسبش والله يوفقش

بالتوفيق

الطفلة المرحة

2011- 8- 18, 02:19 AM

أختي إذا ممكن ولا عليك أمر

قبلوك منحة ولا موارد و لا على حسابك الشخصي ؟؟

و كم معدلك في الثانوية و القدرات و التحصيلي ؟؟

اعذريني على الأسئلة بس حابة أتطمن

معدل الثانوية 92 القدرات 69 والتحصيلي 67

منحة بس مابعد اقدم طلب منحة

الطفلة المرحة

2011- 8- 18, 02:27 AM

شوفي حبيبتي
أني للحين ماقبلوني في مكان>>> مسكينة أني ادعي لي يقبلوني:bawling:
لكن على حسب اللي سمعته من الطالبات اللي درسوا في هذي الكليات
بالنسبة للكلية:
أني أحس إن الغد أسهل وتجيبي فيها معدل عالي مو بصعوبة
لكن المانع دراستهم أصعب وهذا طبعاً كلام الطالبات اللي درسوا

بالنسبة للتخصص:
الصيدلة شهادتها أقوى من المختبرات
الصيدلة وظيفتهم مضمونة أكثر من المختبرات
الصيدلة رواتبهم أكثر من المختبرات
الصيدلة في الوظيفة غير متعب لكن المختبرات في الوظيفة متعب

يعني حبيبتي أنتي اللحين شوفي وش يناسبش؟؟
تدرسي صيدلة صعبة في كلية صعبة بس في النهاية تحصلي على مميزات واجد
شهادة قوية وراتب كبير وزيادات أكثر من المختبرات ووظيفة مضمونة وغير متعبة

أو

تدرسي مختبرات مو صعب وكلية تسهل على الطالبة بس في النهاية تحصلي على
شهادة قوية (ماأقدر أقول مو قوية !! لأن العلوم الطبية في المختبرات قوية لكن الصيدلة أقوى )
وراتب وسط لاكبير ولاصغير وزيادات قليلة بالنسبة للصيدلة
والوظيفة مو مضمونة واااااجد متخرجين مختبرات وللحين ماتوظفوا
والوظيفة متعبة ( صحيح الوظيفة مو متعبة واجد زي التمريض لكن متعبة بالنسبة للصيدلة)

أنتي قارني وشوفي الأفضل
وصحيح الوظيفة والدراسة أرزاق يعني ماتدري يمكن بعد كم سنة يتغير الكلام ويصير المختبرات أفضل من الصيدلة !!!
بس أنتي اختاري اللي تشوفيه يناسبش والله يوفقش

بالتوفيق

مشكوووووووووووورة حبيبتي

بس يقولون شهادة الغد اقوى من المانع صح
ويوم صار لي موقف
وانارحت اسوي مقابلة في الغد اشوف وحدة تقول انهم كانوا يدروسون صيدلة وبعدين سكروه وضاعت علي السنة وتقول رحت اسجل المانع وقالوا يبون الاصول والاصول عند الغد حتى الان ماعطوهم اياه وتقولي المانع اقوووى واحسن
بصراحة الموووقف الاشفت اليوم مرررررررررررررررررررررررة خوفني
وتقول ان الكلاس حق المختبرات مافي الا 6 طالبات
انا خايفة ادرس بعدين يسكرونةوتضيع علي السنة

ابي رايكم وشوركم:Cry111::Cry111:

هدوء البنفسج

2011- 8- 18, 02:33 AM

صيدلة او مختبرات
:(107):

شوفي حبيبتي
ما ازيد على كلام جنة الايمان

وشهادة المانع قوية ومعترف فيها لا يهمك داخلة في المنحة ولا لا
اهم شي معترف فيها من قبل الوزارة
وان شاء الله بتدخل منحة ع حسب ماسمعت

بالنسبة للدراسة انا سامعة عن المانع دراستهم اصعب ومدري عن التعامل واغلى
الغد الدراسة سهلة والتعامل مع المسات حلو وارخص

الصيدلة اللي بتدرسينا فارمسي ولا فارمدي
فارمدي تعتبرين دكتورة صيدلانية وهذا اعلى بكثير من المختبرات
وغير هذا واللي اهم مافي احد يعيب تخصصك بشتى الطرق
والشغلة رااقية
فارمسي صيدلانية

المختبرات اخصائية
اغلب الناس ينظرون لك مدري كيف ويخلونك تعصبين
مع انه المختبرات عادي يعني شغلة مهمة ولولاهم ما يكتشوفون الامراض
بس تعرفين عقول ناس اول :mad:

وغير هذا الوظايف مو مضمونة للأسف
بس نقول الرزاق الله

وسوي خيرة
وشوفي اللي يريحكِ

بالتوفيق حبوبة

هدوء البنفسج

2011- 8- 18, 02:38 AM

مشكوووووووووووورة حبيبتي

بس يقولون شهادة الغد اقوى من المانع صح
ويوم صار لي موقف
وانارحت اسوي مقابلة في الغد اشوف وحدة تقول انهم كانوا يدروسون صيدلة وبعدين سكروه وضاعت علي السنة وتقول رحت اسجل المانع وقالوا يبون الاصول والاصول عند الغد حتى الان ماعطوهم اياه وتقولي المانع اقوووى واحسن
بصراحة الموووقف الاشفت اليوم مرررررررررررررررررررررررة خوفني
وتقول ان الكلاس حق المختبرات مافي الا 6 طالبات
انا خايفة ادرس بعدين يسكرونةوتضيع علي السنة

ابي رايكم وشوركم:cry111::cry111:

شوفي حبيبتي
انا من اللي درسوا صيدلة في الغد
اساسا طلعت مو معترف فيها واحنا مادرينا الا هالسنة يعني قاصين علينا
مو عن عدد الطالبات
اما بقية التخصصات معترف فيها
وانا قلت لك المانع والغد شهادتهم وحدة

والسنة ماضاعت احنا دارسين سنة تحضيرية بعد العيد نروح لهم ويعطونا شهادة مكتوب عليها
سنة تحضيرية عشان نقدر نعادل المواد في اي كلية ثانية او نغير تخصصنا

كلاس المختبرات ياقلبي مين قال 6 طالبات
تدرين في 3 دفع مدري دفعتين قبلك يالغالية مختبرات
يعني مستحيل يسكرونه والدفعة اللي انا فيها طالبات المختبرات كثير مو 6 بنات اكثر

لا تخافين
انت توكلي على الله واستخيري
بودك مختبرات حياك بالغد ودك صيدلة الله يوفقك

جنة الايمان

2011- 8- 18, 02:39 AM

[QUOTE=الطفلة المرحة;4212619]مشكوووووووووووورة حبيبتي

العفو حياتي

بس يقولون شهادة الغد اقوى من المانع صح

اللي قالوا هذا الكلام قالوه على أساس إن المانع موداخل في المنح والغد داخلة في المنح !!!
وهذا مو مقياس تعتمدي عليه عشان موداخلة في المنح تصير موقوية !!!
بس في النهاية حبيبتي الخيار لش

ويوم صار لي موقف
وانارحت اسوي مقابلة في الغد اشوف وحدة تقول انهم كانوا يدروسون صيدلة وبعدين سكروه وضاعت علي السنة وتقول رحت اسجل المانع وقالوا يبون الاصول والاصول عند الغد حتى الان ماعطوهم اياه وتقولي المانع اقوووى واحسن
بصراحة الموووقف الاشفت اليوم مرررررررررررررررررررررررة خوفني
وتقول ان الكلاس حق المختبرات مافي الا 6 طالبات
انا خايفة ادرس بعدين يسكرونةوتضيع علي السنة

ايه حبيبتي هذا الشيء صار إلى بنات الصيدلة وحتى اسأليهم عندهم موضوع في المنتدى
كلية الغد الصيدلة فيها مو معتمد من الوزارة
وسجلوا الطالبات وقالوا ليهم إن الصيدلة معتمد لكن على حسابكم مافي منح والطالبات دفعوا رسوم السنة التحضيرية وبعد مادرسوا سنة كاملة
قالوا ليهم خلاااص بنقفل التخصص شوفوا ليكم تخصص غير لأن الصيدلة مو معتمد !!!!!!!!!!!!

ابي رايكم وشوركم:Cry111::Cry111:

ياقلبي أني ماأبغى أقول لش ادخلي هذا التخصص أو اتركي ذاك >>> بعدين تقولي جنة الايمان هي اللي قالت وهي اللي ضيعت مستقبلي وتدعي علي في صلاة الليل !!!!

أني وضحت لش الفروقات بين الكلية وبين التخصص وأنتي احكمي
أو
استخيري رب العباد

وان شاء الله تدرسي في التخصص المناسب

بالتوفيق

تحلم بالدراسة

2011- 8- 18, 03:19 AM

معدل الثانوية 92 القدرات 69 والتحصيلي 67

منحة بس مابعد اقدم طلب منحة

ربي يوفقك إن شا الله و تنقبلين

نسبتي مو بعيدة عن نسبتك أنا 92.75 والتحصيلي مثلك بالضبط والقدرات 72

ومسجلة تمريض موارد

ربي يسهلها

Toolay

2011- 8- 18, 06:17 AM

الدخول في المنح مـآايدل على انو معترف فيها ولا لآ ..

لو تلاحظين هم محددين مبلغ معين لكل تخصص ..
يمكن المانع تعدت المبلغ وما ضمت للمنح ..

انـآا انصحك بالمـآانع .. مهما كآان الصيدله لها وزنها
وافضل من المختبرات ,,

والاهم من كذآا .. انتي شوفي ميولك تتجه لوشو ..
لأن اساس النجاح مو الكليه .. اساس النجاح الرغبه الصادقه
في الشي اللي تدرسينه ,,

والله يوفقك

د ليان

2011- 8- 18, 07:14 AM

هدوء البنفسج تتدكرين دكتوره لمياء اللي درستنا كيميا احس هي اللي طقتنا عين عشان داخلين صيدله تحسين كان ودها تدخل صيدله بس مانقبلت والله ماكتب لها ههههههههههه الله يذكرها بالخير هي واختباراتها الصعبه اربع نماذج عشان مانغش نظااااااااااااااااام مبزززززززززززززره صراحه كلية العالميه بالرياض طب مايسووون نظام المبزره كثير بنات طلعو منا لغد رواحو للعالميه والمانع
واختباراتها كاننها قدرات صععععععببببببببببببه كرهتني بالكمستري

المهم كانت دايم تقول الصيدله برستيج وبكرا بدخل عليكم بالمستشفا اشوفم بنات دكتورات صيدلانيات تعبو علا حالهم برستيج بناتي الصيدله برستيج ههههههههههه كانت دايم تعيدها وتزيدها الله يذكرها بالخير :biggrin:

د ليان

2011- 8- 18, 07:16 AM

طفله مرحه اذا كنتي تتحملين الدراسه الصعبه وتطمحين للبرستيج وانو انتي دكتوره صيدلانيه
ادخلي صيدله

اذا كنتي تحبين الدراسه سهله عندك المختبرات سهل وبسيط جدا

بس انا برايي كل التخصصصصصصصصصصصصصصصصصصات فيها صعوبه ومافي تخصص مافي صعوبه

حتا العربي صدقوني بس كل انسان اذا دخل علا ميوله وهدفه مافي شي يصعب عليه بعد التعب نلاقي خير

وانا من بنات الصيدله اللي قصو عليهم كلية الغد وعلمونا باخر وقت انهم سكرو التخصص بعد ماقفلت الجامعات:Cry111:

هدوء البنفسج

2011- 8- 18, 07:23 AM

ههههههههههههههههههههههههههههههههههههه
اهي واسألتها من نوع ثااني :wink:
وكلا تتكلم عن الصيدلة و الادارة ينقهروون :biggrin:
في النهاية طلعنا مو معتمدين :hhheeeart4:

ايام حلووة بس للاسف رااحت :icon9:
يالله تشتتنا وربي يلملمنا :106:

ツAиa..B

2011- 8- 18, 09:34 AM

انا درست بالمانع .. ودراستها مو صعبه وحتى ع طول دخلت مستوى ثاني لانو الانجلزيه عندي كويسه
وحلوة دراست المانع فيها حريه وماهي صعبه بس المعامله من ناحية الاداريات والدكتورات ابدا ماهي نايس
وغير كذا نظام الكشف عندهم <<مع انو عادي عندي >> بس فيه ناس لا ... بس ما كملت معاهم بسبب حركاتهم البايخه يعني ما تظمنينهم سوو نفس حركة كلية الغد .. كنت مسجله صيدله ومعدلي يدخلني صيدله ع الموارد البشريه بس صارت مشاكل معاهم وسحبوها مني بسبة مشاكلهم مع الموارد

وحاليا انا ادرس بالغد .. وطالعه مستوى رابع ومعدلي روووعه تخصصي مختبرات <<دراستهم ابدا ماهي صعبه
والي يقول عن لمياء اسألتها صعبه صح هي صعبه ع الي ما يذاكر وما يحضر محاظرتها والا هي كل اسألتها من المحاظره والنوت الي انتي تكتبيها وقت الشرح .. وباقي الدكتورات عسل حتى العربي <<بس شو نظام الدكتورات احظري المحاظره وانتبهي لها وراح نكون عسل معاك .... اما تتسيبي وتسحبي عليها راح تشوفين معامله ثانيه منهم <<انا عن نفسي استغربت كيف معاملتهم للمستويات الي تحتي فرق عناااا بكثييييير والمستوى الي فوقي مو طايقنه <<لانهم كل ثانيه ودافعين بفلوسنا ... حتى حنا دفعنا بس ما سوينا كذا :biggrin:

وصح الدفعه الي انا فيها 6 بنات فقط <<<ونااااااااسه :biggrin:

وبالاخير القرار راجع لك شوفي انتي وين مرتاحه وروحي سجلي

الطفلة المرحة

2011- 8- 18, 05:09 PM

انا خايفة المانع يقولون لي كشفي بعدين راح اطلع يعني تضيع السنة علي
وطيب شلون نظامهم في الدراسة صعب ولا سهل واخاف يشروطون علي اني اشتغل عندهم سنتين

blueflower

2011- 8- 19, 01:35 AM

انا خايفة المانع يقولون لي كشفي بعدين راح اطلع يعني تضيع السنة علي
وطيب شلون نظامهم في الدراسة صعب ولا سهل واخاف يشروطون علي اني اشتغل عندهم سنتين
حبوبه انا وحدع ادرس بالمانع ولا عندي اي مشكله ابد وياهم معاملتهم حلوه حتى طاقم التدرسين معاملتهم زينه بس اكيد مانقدر نجمع للكل
وكشف الوجه اجباري >>>بس على فكره كل الي يدرسونا حريم
وفي السنوات الجايه رابعه وخامسه يمكن يصادف يدرسنا رجال وراح يكون كشف الوجه اجباري
واذا على الشغل.. اذا انتي راح تدرسين على برنامج ماهر فانتي تتخرجين وتاخذين شاهدتج والسلام.. بس اذا درستي على نظام القروض تبع المانع لازم تشتغلين عندهم علشان ترجعين القرض الي اخذتيه
ومن ناحيه المشاكل حبوبه انتي لاتدرسين الا اذا شفتي موافقه الموارد وتوقعين على الورقه
اما البنات الي صار لهم شذي بسبب ان الاداره كان تصبرهم علشان يمكن يجيهم قبول

الطفلة المرحة

2011- 8- 19, 01:50 AM

حبوبه انا وحدع ادرس بالمانع ولا عندي اي مشكله ابد وياهم معاملتهم حلوه حتى طاقم التدرسين معاملتهم زينه بس اكيد مانقدر نجمع للكل
وكشف الوجه اجباري >>>بس على فكره كل الي يدرسونا حريم
وفي السنوات الجايه رابعه وخامسه يمكن يصادف يدرسنا رجال وراح يكون كشف الوجه اجباري
واذا على الشغل.. اذا انتي راح تدرسين على برنامج ماهر فانتي تتخرجين وتاخذين شاهدتج والسلام.. بس اذا درستي على نظام القروض تبع المانع لازم تشتغلين عندهم علشان ترجعين القرض الي اخذتيه
ومن ناحيه المشاكل حبوبه انتي لاتدرسين الا اذا شفتي موافقه الموارد وتوقعين على الورقه
اما البنات الي صار لهم شذي بسبب ان الاداره كان تصبرهم علشان يمكن يجيهم قبول

طيب حبيبتي تدرسون طلاب وطالبات ولا بس طالبات
بس قصدج اجباري يعني زي المدرسة اجباري الكشف قصدج ولا

blueflower

2011- 8- 19, 02:47 AM

طيب حبيبتي تدرسون طلاب وطالبات ولا بس طالبات
بس قصدج اجباري يعني زي المدرسة اجباري الكشف قصدج ولا
طالبات فقط !! خصوصا الصيدليه لانه اعداد الطالبات فيها كثير
شلون يعني قصدج يمسكون الوحده من الباب ويقلون لها يالله فتحي وجههج لا
بس ذا نظام في الكليه
يعني اذكر مره رحنا ناقبل العميد ومافتحنا وجهنا بس بعدين وصلت لنا السكرتيره تقول ممنوع
وثانيا واهو الاهم احنا في مجال تعليمي يعني فتحتي وجهج غطيتي ماراح يفرق
بس في التطبيق في المستشفى اجباري كشف الوجه

هدوء البنفسج

2011- 8- 19, 03:24 AM

يعني ضروري بالمانع كشف الوجه
:41jg:
شي غير مقبول في عايلتنا :(107):

ومس لمياء اسألتها مو سهلة بس مو صعبة موت
لا فيها صعوبة بس اذا ذاكرتي وكنتِ تحبين الكيمياء تنجحين << صحيح اني فوت محاضرات بس احبه
كذا قدمت فيه زين
بس طريقة اسئلتها وتحديدها للوقت زي القدرات وانا ما احب هذي الطريقة لاني احب اخذ وقتي :biggrin:
بس شرحها لا يعلى عليه تفهمين :smile:

والغد دراسة سهلة وحلوة :(204):

المانع انا معاي وحدة تقول حلوة دراستهم وفيه تشديد بمكن اكثر من الغد
حتى الانجلييزي مشددين اكثر منا والسستم لدراستهم غيرنا
بس تقول لي سهل مو صعب واجد :smile:

و المعاملة ما اقدر اتكلم بهالخصوص
لاني ما تعاملت معاهم فيه ناس يمدحونهم وفي ناس يذمونهم

توكلي ع الله شوفي قلبك وعقلك وش مرتاحين عليه
لان اذا استمريتي بتسألين
بتعبين وبتزيد حيرتكِ ناس بتمدح وناس بتذم

الطفلة المرحة

2011- 8- 19, 04:34 AM

بس راح اقوول لكم معلوومة ترى مو اجباري الكشف اذا توظفتي عندهم هذه كلام قديم
:mh318:
اختي راح تكمل سنتين عندهم وهي متغطية لاابسةالنقاب

وحبيت اشكرهم ع تعاونكم معاي

د ليان

2011- 8- 19, 10:32 AM

الحمد لله انه مو اجباري اي بعد احنا بعايلتنا كشف الوجه ياويلييييي :mh12:

د ليان

2011- 8- 20, 09:16 AM

صح شرح دكتوره لمياء حلوووو وحتا الثور يفهم منها

كنت لما ما افهم تجيني عند دفتري وتفهمني ههههههههه وافهم علا طول :biggrin:

تعرف الفاهم من الموفاهم ماشلله دقيقه مرا صديقتي طالعت بساعتها هههههههههههه
سوت لها سالفه قالت مو عاجبتك المحاضره اطلعي برا صبييييه ههههههههه:biggrin: انا مابجبر احد يحضرني

كم مرا تكرر هالموقف مع كذا بنت ههههههه ماشلله كيف تنتبه حتا لنظرة علا الساعه تنتبه لها

بس هي تحط اسئله علا قوة شرحها ولكن نظام القدرات هذا حقها ونظام النماذج العشره مايمدينا من هنا ولا من هنا نشوف شي ولا شيات :000::biggrin: