كل الاوراق المطلوبة بالتفصيل الممل ...

[فجورة]

مرحبا

كل واحد منا حيران في نقطة معينة من اجراءات التسجيل

انا جمعت لكم كل المطلوب من الوثائق المطلوبة وباذن الله ماراح تحتاجون شي

بالنسبة للوثائق المطلوبة هي التالية :

1- أصل الشهادة الثانوية. : احتفظ بصورة منها في ملفك الشخصي .

2- صورة من بطاقة الأحوال المدنية للطالب/الطالبة (أو صورة من بطاقة العائلة للطالبة التي لاتملك بطاقة الأحوال المدنية ).

3- صورة شخصية واحدة مقاس 4×6 (للطلاب فقط).

4- صورة من الإقامة بالنسبة للطلاب والطالبات الغير سعوديين.

5- نموذج التعهدات وهذا مرفق لازم تطبعه وتعبي البيانات المطلوبة والتوقيع .
6- نموذج سداد البنك من موقع الاستعلام عن النتائج واطبع منه نسختين ترسل واحدة وتحتفظ بواحده .

7- أصل سند الإيداع " القسيمة الزرقاء " من بنك الرياض بمبلغ الرسوم الدراسية 2475 ريال (ألفين وأربعمائة وخمسة وسبعون ريالاً فقط لا غير+ 10 ريال رسائل جوال)

8- نموذج البريد الممتاز تحصلة من موقع الاستعلام عن نتائج القبول اطبع منه نسختين وحدة احتفظ فيها وحدها سلمها للبريد بعد ختم النسختين حتى يكون عندك دليل على ارسال الشهادة الاصل لو صار ماصار :mh12: لاسمح الله

وحابة اضيف موضوع اخوي هتاان للفائدة بعد اذنة :53:
http://www.ckfu.org/vb/t211279.html

لا اشوف احد يسئل عن موضوع الاوراق مرة ثانية :017:

[الطالبة الجديدة]

الله يجزاكي الف خير يارب

من جد كنت حايسة بسالفة التعهدات

باقي الضمان بس واخلص

الله يوفقك ويسهل امرك

[عالي المستوى]

الله يعطيك العافية




ماقصرت كفيت ووفيت






up up

[Live it]

:(269):


يعطيكِ ربي العافية .., شكراً ^.^

[ابن عباد]

طيب نموذج التعهدات وين ألقاه ؟

[فاارس1]

طيب نموذج التعهدات وين ألقاه ؟


وانا بعد نفس السوال وين نلقى التعهد

[soso ♡]

الحين مو يقولون انو نموذج التعهدات للانتظام بس وانت كاتب لازم نطبعه
ممكن تووضيييح ؟؟

[فاارس1]

هذا الي كتب الموضوع ليش مايرد علينا وين راح نلقى التعهد

[Mohammed saeed]

انا ارسلت اوراقي بدون نموذج التعهد .

[الوالي سعيد]

نفس السؤال نموذج تعهد ما مر عليه من ضمن الشروط في التسجيل

[فجورة]

بالنسبة لنموذج التعهد انا زيكم اول اقول مو لازم ولكن ذهبت للبريد واعطاني ورقة التعهد وقال مطلوب تعبي هالنموذج من شروط الجامعة

والنموذج مرفق مع الموضوع وللاحتياط راح ارفقة مرة ثانية

[فيصل0]

اصلن مو مطلوب النموذج يافجووره...
وهذي الشروط ياأخوان وخوات
- أصل الشهادة الثانوية.
2- صورة من بطاقة الأحوال المدنية للطالب/الطالبة (أو صورة من بطاقة العائلة للطالبة التي لاتملك بطاقة الأحوال المدنية ).
3- صورة شخصية واحدة مقاس 4×6 (للطلاب فقط).
4- صورة من الإقامة بالنسبة للطلاب والطالبات الغير سعوديين.
5- نموذج إرسال وثائق القبول (يطبع من موقع الجامعه بعد اعلان نتيجة القبول)
6- أصل سند الإيداع من بنك الرياض بمبلغ الرسوم الدراسية 2485 ريال (2475 رسوم دراسية + 10 ريال بدل خدمات رسائل جوال) .
ونؤكد على الطالب ضرورة الإحتفاظ بنسخة مصدقة (مختومة) من نموذج إرسال الوثائق الأصلية للبريد الممتاز وكذلك نسخة مصورة من سند إيداع الرسوم الدراسية لدى بنك الرياض.
واللي حاب يششوف يدخل هالرابط

http://www.kfu.edu.sa/ar/Lists/KfuNews/DispForm.aspx?ID=863

تقبلوا تحياااتي ولاتنسسوني من صالح دعواااتكم

[فيصل0]

فجورة بعض الزملاء أرسلوا بدون هالنموذج والسالفه كلها من موظف البريد
وبعدين التعهدات للمنتظمين ولاتخصصصصصص اي شي من المنتسسبين

[mad77000]

بسم الله الرحمن الرحيم

اولا مبروك عليكم القبول ثانيا الحين يا اخت فجورة توك داخلة الجامعه امس وتفتين!!!!! لايكون انتي بس شغالة في عمادة القبول والتسجيل !!من وين اخترعتي نموذج التعهدات هل هو مكتوب بالحبر السري في متطلبات القبول وانتي الوحيده الي عندك الشفرة ؟؟!!ياليت افهم . اختي العزيزه (نموذج البريد موحد لجميع طلاب الجامعة)الخانات المتواجده اسفل نموذج البريد والمذكور فيها نموذج التعهدات خاص بطلاب الانتظام ولو راجعتي نموذج التعهدات تلقين فيه توقيع ولي الامر طيب الي مثلي انا رب اسره وولي امرها من وين اجيب ولي امر اصحي ابوي من القبر مثلا!! اختي العزيزه لاتهرفين فيما لا تعرفين والمشكله كاتبة مهم!!! يالله العجب . الجامعه طالبه منا نموذجين فقط البريد والبنك وحاطة ابقونه الطباعه لو نموذج التعهدات مطلوب كان حطووه . الزبدة انصحك لا تجتهدين فيما لا تعرفين ولا تصيرين كأصحاب البقرة وقصتهم الشهيرة والمذكوره في كتاب الله ودمتم.

[AbOoOdALH]

الله يجزاكي خير اخت فجورة حملت النموذج بس لفت لي شيء بالنموذج توقيع ولي الامر يعني اخلي ابوعبدالله يوقع لي :biggrin:

اكرر لك شكري

[ام عبدالرحمن21]

:d5:جزاك الله الف خير على الايضاح

[فارس740]

:(204):

[فيصل0]

:( عبدالله شخبارك أن شاء الله أنك تمممام :(
خل أبو عبدالله يوقع عليها دامك طبعة هالنموذج ..
الحين الجامعه حاطه لنا كل المطلوب علينا وبالأخير نجي نزيد من راسنا ليييييييييييه ؟؟؟ ههههه

[Om Emad]

ياجماعة انتوا ليه مكبرين القصة يعني للأحتياط فقط أرسلو النموذج مع الاوراق وبعدين انتوا ماراح تخسروا شي ... اختي فجوره يعطيك العافية على التوضيح ..

[AbOoOdALH]

صباح الخير فيصل

المشكلة الوالد يبصم مايوقع :tongue:

حبيت امزح حفظك الباري

اذا ماخليت الورقة كلها توقيع كباري مااكون عبدالله:biggrin:

[فجورة]

ياجماعة وش فيكم انا لا افتي ولا شي :Cry111: الصراحة كسرتو خااااطري :000:

اقسم بالله اني اليوم جهزت كل المطلوب وارسلتة مع ابو الشباب للبريد ورجع الاوراق ومعه صورة للتعهد المرفق وقالي لازم تعبين النموذج ونرسلها وانا والله لا اعرف التعهد وهالخرابيط من يومي وانا منضبطه اه اه اه :bawling:
والله مابغيتكم تطقون مشوار على الفاضي مثلي وتضيعون وقتكم والي ماعندها احد يروح ويرجع وراعي قفلات وتتوهق حبيت اسوي معروف بس :Cry111:
شكلي اتحسب عليكم وادعي على كل الي كسر بخاطري انه يدفع الرسوم ويجحدونة الجامعة ويتغربل وتضيع فلوسة وشهادة الثانوية الي فرحان فيها بعد ويجلس من مكتب لمكتب ويتغربل سنتين :017:

وعلى فكرة يتيمة لا بعد مضلومة :mh12: طيب اوريكم ياوجه النكبة
واولهم mad77000 ميداني راح استلمك الليلة لا بعد نفس التخصص طيب لاخليك تقلب تربية خاصة :(177):
ولا يهون الباقيين الي مسحو فيني الارض هين انت وياة لااوريكم الشغل

كش عليكم :(284):

وحدة تحمست خخخخخخخ

[mad77000]

يأخت فجورة يؤسفني اقولك ان موظف البريد الي قالك هذا الكلام انسان ماعندة سالفة واقولك ليش انا يوم ارسلت اوراقي قالي الموظف باقي ورقت التعهدات قلت له مو مطلوبه قالي الا انت مو اول واحد كلهم كذا اصريت على رأيي وقال بتاكد مدري من كلم بالتلفون واعتقد انه مندوب الجامعه للبريد وأسمعه بالتلفون يقوله يعني بس الانتظام طيب شكرا التفت علي وقال اسف قلت له ما صار شي وانتهى الموضوع

الخلاصة : ساعي البريد لا يعمل في عمادة القبول والتسجيل انما يعمل لدى مؤسسة البريد السعودي

[Abu ali55]

حصل خير ياشباب وتراها ورقه سواء راحت ولا لا ماهنا مشكله .
وانا والله تعجبت في البدايه لأني قارىء الشروط مية مره ولا شفت سالفة التعهد .


اختي انتي بذلت جهد وتستاهلين الشكر عليه والخطاء وارد ,والحمدلله مو شي يودي بداهيه ولا كان انا اول واحد مع الشباب قلبا وقالباً

[آلمآسة آلحسآسة]

هدوووء شوي يا حلوين :tongue:

خلص انسو سالفة ورقة التعهدات مو مطلوبه هذي للانتظام فقط :(204):

موفقين :106:

[HR Professional]

^^^

انا سلمت أوراقي أمس للبريد وما طلب نموذج التعهد

وقلتها من قبل ، التعهد أكيد لطلاب الانتظام لانه فيه معدل وحضور وهذا الشيء ما ينطبق في الانتساب

ولكن كالعادة الشعب السعودي يبغى كل شي على طبق من ذهب ، رافعين شعار (لا للقراءة)

كل مواضيع هالمنتدى مكررة ، لو تقرأ المواضيع المثبتة تغنيك عن كل موضوع في هالقسم

نحن شعب لا نقرأ

مع احترامي للجميع ، وجهة نظر شخصية

[mad77000]

انا ما تداخلت الا لن موضوع الاخت فجورة سبب ربكة عند بعض الناس وانا من واجبي اوضح الصورة اولا لني قارئ ثانيا لاني لاحضة ان بعض الطلاب فعلا ارسلو التعهدات ووقعوها يعني التزموا ببنود ومواثيق ليست مفروضه عليهم ومنها المعدل . بمعنى انهم وهقوا انفسهم ويحق للجامعه انذارهم وحتى طردهم اذا لم يلتزموا وهذا ان دل على شيء فهو يدل على سذاجة وسوء تقدير للعواقب. وانا مجرد ناصح ودمتم

[ẤĽSЙΪфRẪΉ]

فجوره ياعمري تسلمين عالموضوع
بس بغيت اسئلك ؟؟

5- نموذج التعهدات وهذا مرفق لازم تطبعه وتعبي البيانات المطلوبة والتوقيع .
هذا من ضمن الأنتساب ؟؟

إلي أعرفه خااااص بالأنتظاااام !!

[HR Professional]

التعهد مو ضروري

فقط للانتظام