ماذا لو ارتدينا السكرب .. "نداء للمسؤولين/ الطلاب والطالبات" [الأرشيف] - ملتقى طلاب وطالبات جامعة الملك فيصل,جامعة الدمام

ph.Dr.rose

2011- 8- 25, 08:24 AM

السلام عليكم و رحمة الله و بركاته
,
,

http://up11.up-images.com/up/viewimages/3bcdf60d7a.jpg (http://fashion.azyya.com/)
,
,
من خلال البحث و القراءة في معظم منتديات جامعات المملكة : (جامعة سعود, وطيبة, وأم القرى, والخرج, وكلية سلطان,
و حائل, و الطائف و غيره ...)
اكتشفنا إن جميع الجامعات تتيح لطلابها من الإناث والذكور إرتداء "السكرب"
داخل المعامل طبعا "مع" اللاب كوت"

http://up11.up-images.com/up/viewimages/deb203f8a9.jpg (http://fashion.azyya.com/)

,,

و من منطلق ان حنا راح يكون أغلب وقتنا في معامل الكيمياء وطبيعة المواد الكيميائية اللي ممكن تكون حارقة و خطيرة والواجب اتخاذ الحيطة والحذر عند استخدامها

http://up11.up-images.com/up/viewimages/3ce0bde055.jpg

وحفاظاً على صحتنا وسلامتنا وتجنباً للإصابة بالحوادث

"وليس من باب التقليد"

,,

قررنا نعرض الفكرة على المسؤولين بالجامعة بأننا "نرتدي السكرب" خلال المحاضرات العملية

و طرحنا هذه الفكرة على الطالبات و لقد أيدتهآ الكثير منهم

فمآ رأيكم بهذآ ؟ مع جزيل الشكر و التقدير

تحياتي Dr.Rose:106:

روح شفافة

2011- 8- 25, 05:37 PM

وعليكم السلام والرحمه

صراحه فكره ممتازه وشكل الطالبه يكون ارتب يليق بتخصص صحي

واريح بعد عن التنوره،،

خلاص بدايه الدراسه نكلمهم ونشوف رأي باقي البناات

شكرا ع الطررح الموفق

الشاآامخة

2011- 8- 25, 10:27 PM

تم نقل الموضوع إلى منتديات النقاش لعرضه على المسؤولين
بس قلنا نوضعه هنآ بعد لأن نسبة اللي يترددون على هذا المنتدى أكثر و علشآن نشوف الآرآء

الفكرة جميلة من نوآحي عديدة و نأمل الموآفقة من قبلهم
و علشآن تسآعدونآ آعرضوآ رأيكم و تأييدكم في منتديات النقاش حول هذا الموضوع علشآن يشوفون بأنفسهم
:smile:

D.Ḿᴈὴᴈ

2011- 8- 25, 10:32 PM

صح أوافقكمـ آلـرآي أنآ ..

:biggrin:

روآن عبدالله

2011- 8- 26, 01:35 AM

يعني أفهم من كلامكم

ان حنا مانلبس هذا مدري شيسمونه :biggrin:

انا ع بآالي اول سسنه يكون عادي ملابس شيآكه بس بعدين لا لبس المخصص

روح شفافة

2011- 8- 26, 02:19 AM

روان عبدالله

لامانلبسه .. هو مافي قرار يمنع ولا في قرار يؤيد

بما ان مافي شي يمنع خل نسلبس لين يثبت العكس

ولا شرايكم ؟

روآن عبدالله

2011- 8- 26, 02:24 AM

روان عبدالله

لامانلبسه .. هو مافي قرار يمنع ولا في قرار يؤيد

بما ان مافي شي يمنع خل نسلبس لين يثبت العكس

ولا شرايكم ؟

انا من رآيئ انا جميع الطالبات والطلاب يلبسون هذا :biggrin:

لان بجد

كيف أحس اني بمسسـار طبي دامي ماأختلاف عن البقيه

يكفي الثقه اللي تصيبك لما تلبسيه :love080: >>> مدري وش جآني :biggrin:

اانا مؤيده وبقوه لهذا السكرآب :biggrin::biggrin::biggrin::biggrin:

waiting

2011- 8- 26, 02:25 AM

انا معكم ايضاً

ان شاء الله تلقى الفكره استجابه :)

ـــ
تحياتي،، :106:

Dr.amal

2011- 8- 26, 03:39 AM

معاًكم معاًكم :biggrin:

روآن عبدالله

2011- 8- 26, 03:46 AM

:biggrin:

طيب بسألكم الحين مافيه ولا شخصه تلبس هاللبس ولا فيه وفيه ؟

اذا كان فيه ممكن نتشجع من البدايه

روح شفافة

2011- 8- 26, 03:58 AM

مافيه احد يلبس من الطالبات
بس الطلاب عادي يلبسون

دفعتنا عشان التدريب الصيفي بعض الطالبات فصلوا لهم للتدريب الميداني

بس داخل الكليه ماحد لبس

Dr.amal

2011- 8- 26, 04:14 AM

طيب يعني ممكنَ يتجـأًبون بسرعه؟

Dr.Mayamin

2011- 8- 26, 11:39 PM

انا مع الفكره هذي تمآمآ :d5:
خصوصآ انه أريح لنا من التنوره بمآ إن أغلب موادنآ فيهآ لاب و تجآرب و غييره فحركتنا راح تكون سهله و حره واحنا لابسين السكرب أكثرر من التنوره اللي تقييد

الشاآامخة

2011- 8- 28, 05:23 AM

آخر التطورآت ,,
رد علينآ مسؤول في منتديات النقاش و يقول /

و عليكم السلام ورحمة الله وبركاته
كم هو جميل مناقشة المواضيع وتبادل الآراء لـ [ الصالح العام ]
و كرأي شخصي أقول :
- أن قضية اللباس الجامعي تندرج تحت مظلّة [ أنظمة ولوائح الجامعه ] , والتي تختلف من جامعة إلى غيرها , فما نراه ممنوعاً هنا نجده متاحاً هناك والعكس صحيح , و هذا لا يعني إستحالة التغيير [ للأفضل ] لكن لتحقيقه يجب أن يتم ذلك وفق مساره الصحيح وهو :
- إيصال مطالبكم إلى إدارة قسم الطالبات بالكليه , لأنهم على درايةٍ تامه بـ اللوائح المنظمه لزي الطالبات , و بعد مناقشتهم وموافقتهم المبدئيه , يتم الرفع بذلك إلى إدارة الكليه لعمل ما تراه مناسباً إما بالقبول أو عدمه .. ونذكر أن مثل هذه القرارت تخضع لأنظمة ولوائح الجامعه أيضاً , والتي يجب أن تؤخذ بالحسبان عند الرغبه في تطبيق أي قرار جديد ..
تمنياتنا لكم بالتوفيق ,,

بحكم إنكم أكبر و أخبر منآ و حنآ مآ نعرف مين اللي نوصل له مطلبنا هذا !
(روح شفآفة ) , فهل يؤخذ رأي إدارة الكلية للطالبات ! أو يتم توجيه مبآشرة لأصحآب الأمر و القرار الأخير !
ليس لدينا أدنى فكرة عن هذا الأمر و نحتاج مساعدتكم و المبادرة من قبلكم و كلنا يد واحدة
حالياً رآح نكتب خطآب و نجهزه و كل شيء و لمآ ندآوم بنجمع توآقيع البنآت بالموآفقة .

Dr.amal

2011- 8- 28, 05:49 AM

الله يوفقكم بنات
وياًرب يوافقون
آنتم السابقون ونحن اللاحقون:biggrin::biggrin:

روح شفافة

2011- 8- 28, 05:54 AM

الشاامخه تسلمي ع المبادره والاجتهاد في الموضوع

قبل كتابه الخطاب وجمع التواقيع لازم نعرف موافقه اغلب الطالبات اول

وبعدين نكلم اداره الجامعه في قسم البنات وهم بدورهم يرفعوا رأينا

والخطوه الاخيره اذا ماوافقوا نكتب بأنفسنا خطاب ونرسله لقسم الرجال

لاتنسوا احنا ٣ دفعات في الكليه ويمكن مو الكل موافق

حاليا بشوف رأيي دفعتي واعطيكم خبر

الشاآامخة

2011- 8- 28, 06:19 AM

الله يسلمككِ :smile:

شيء حلو و تقدري تعملي تصويت في قروبكم ع الفيسبوك لكثرة أعضآءه ,
و من بنآت دفعتي للحين مآ شفنآ آحد معآرض,
و لو كان فيه قلة معارضين و البقية موافقين , تقدر الجآمعة تخليه مو أمر إجبآري يعني إختيآري اللي تبغى تلبس تلبس , مو تلغي الموافقة بتاتاً,

و مشكورة ,,

طآلبة علم

2011- 8- 28, 06:39 AM

خساره جيت متأخر :mad:

عجبتني الفكره ... :53:

أنا اقول اذا داومنا نستشير باقي البنات واذا موافقين نتوكل على الله ونكتب الخطاب ونشوف الرد
( بكل الحالات ماراح نخسر شي )

اممم بس ودي اقول لكم لاتتحمسون كثير لان ماتوقع يوافقون :064:
اذكر مره اقترحنا على وكيلة كليات الطالبات يدرسونا الدكاتره الرجال بشكل مباشر وقلنا لها كل الكليات الصحيه بالسعوديه يدخلون عندهم ويشرحون لهم ليه كليتنا لا قالت لنا ( حنا غيرهم ) هع :(269):

اهم شي حنا نسعى بالموضوع ونشوف وش بيصير

m00na

2011- 8- 28, 06:40 AM

فكككره روعهـ يآليت تصيير يآبنآت ^^

روح شفافة

2011- 8- 29, 03:23 AM

حااالياا
10 أصوات موافقين
3 اصوات محايديين..<<<<من الاولاد ماينحسبوا يعني :cheese:
1 صوت رافض<<<<من الاولاد بعد

الشاآامخة

2011- 8- 29, 06:42 AM

يآ ذآ الأولآد مآلنآ دخل فيهم , يبون يروحون بثيآبهم و أشمغتهم برآحتهم :mad:

Dr.Mayamin

2011- 8- 29, 08:18 AM

لأننا جادين في اقتراحنا هذا و نأمل الموافقة من قبل الجامعة ,

أولا / نود أن يتم اختيار شخص من كل كليه " يمثلهآ " , يقوم بكتابة طلبنآ هذا و يرفق الأسباب المهمه ويقوم برفعه الى عميد الكليه
ثآنيا / من كل دفعه يتم اختيار شخص و احد " يمثلها " يقوم بجمع التوآقيع للأشخآص الموافقين على ارتداء هذا الزي ومن ثم ارسال ورقة التواقيع الى الشخص المسؤل عن كلية الطب والأمر نفسه يقوم به طلاب كلية الصيدله ويرفعون التواقيع الى الشخص المسؤول عن رفع الخطآب الى عميد كلية الصيدله

وشكراً لكم :106:

الشاآامخة

2011- 8- 29, 09:19 AM

أرشح روح شفافة من دفعة 2009
و طآلبة علم من دفعة 2010

لجمع التوآقيع و هم أكيد قدهآ و قدود :wink:

و أنآ و Dr.Mayamin رآح نتكفل بدفعتنآ 2011

Mariam R

2011- 8- 29, 10:44 AM

الفكرة رائعة لكن ممكن نلاقي صعوبات كثيرة

خصوصا إن طالبات الطب طالبوا بهالموضوع قبلنا وما وافقوا عليه

فكيف احنا إللي ما في منا إلا كم سنه

ومثل ما ذكرتوا فهم يسمحون للطلاب إنهم يلبسون السكراب

ويشددون على البنات إن يلبسون تنانير سواء كان دوامهم بالجامعه او بالمستشفى

طآلبة علم

2011- 8- 30, 02:00 AM

اتفق مع مريم
بس حنا خلنا نحاول
نعرض الفكره على أستاذه مناهل ونشوف اذا فيه مجال ان الفكره تتطبق نكتب الخطاب ونجمع التوقيعات ونرسله
ومثل ماقالت الشامخه
روح شفافه وأنا والشامخه مع Dr.Mayamin نجمع التوقيعات بيوم نخلصهم
بس القضيه بالفكره نفسها هل فيه مجال تتطبق والا لا مانبي نتحمس وبالنهايه نشوف ان مافيه أمل :000:

Dr.amal

2011- 8- 30, 03:07 AM

عفوأً ع المدآخله : )
ولكَن معلومه قرآتهاً منن قبل آحد الطلآب الطب ببفيصل
"* أقتباس

و في نقطة مهممممممممممممممممة ..
أوعكم تودون لهم ورقة فيها توقيعات .. كأنكم مسوين مظاهرة و محتجين ..
وهم لو وافقوا عليه راح يقولوا لكم اجمعوا التوقيعات .. تقوموا تجمعوها ..
و احتمال ما يطلبوا توقيعات .. هم بأنفسهم يروحوا للطلاب و الطالبات و يقولوا لهم عن النظام الجديد ..

بالتوفيق

روآن عبدالله

2011- 8- 30, 04:46 AM

آمآال انتي حكآيه :biggrin:

روح شفافة

2011- 8- 30, 07:27 AM

اي احنا مانبي نفرض رأينا وكأنه احتجاج او مظاهره

اول شي بنعرض الفكره ونشوف رأي الاداره فيها

والخطوه الثانيه نجمع التواقيع

Dr.amal

2011- 8- 30, 10:41 AM

آمآال انتي حكآيه :biggrin:

يب

ليكون أنتِ نفسس الشخصه اللي ببالي:biggrin:

روآن عبدالله

2011- 8- 30, 06:07 PM

يب

ليكون أنتِ نفسس الشخصه اللي ببالي:biggrin:

هههههههههههههههه يب انا هي بس ماعرفت ارد عليك بالتقييم :biggrin:

يارب يـ آمآال اذا كنتي مو مقبوله برغبتك الاولى يارب في هاليوم يدقون عليك ويرقونك وأشوفك :biggrin:

نآدرة في وجودي

2011- 9- 6, 01:40 AM

:hhheeeart4:

m00na

2011- 9- 7, 03:59 AM

:d5:

مجهودآت تستحق التقديرر ^^

طآلبة علم

2011- 9- 16, 11:45 PM

بنات وش صار على الموضوع ..!؟
خلاص بدينا الجد .. ونبي نسلمهم الخطاب من الآن على مايشاورون عمرهم ويردون لنا خبر

روح شفافة

2011- 9- 17, 12:59 AM

هلا طالبه علم..

الخطاب عندي حاليا وجالسين نعدل فيه..ان شاء الله على يوم الاحد بسلمك اياه عشان تشوفونه وتجمعوا تواقيع البنات..

ونعطيه سنه ثانيه ...

طآلبة علم

2011- 9- 17, 06:01 AM

خلاص اوكي ..

نآدرة في وجودي

2011- 10- 18, 07:09 PM

بنآت إيش صآر على الموضوع
ماردوا عليكم !!؟

زين الكون

2011- 10- 19, 01:22 AM

انا اشتغل في مدرسه امريكيه وكل شغلي له علاقه في المعامل فقط من تجهيز الادوات والبروجكتر
والاجهزه والسيرفرات لاني انا تكنشن حاليا ودرست شبكات

وهذا واحنا معمل عادي واجبرونا نلبس سكراب لونه دراك بلو بس عشان يميزونا من بنات تبع سوفت وير وتبع البروقرمينغ

نظام امريكي لايقبل المساومه يعجبوني والله:33_asmilies-com:

كثير اشياء كويسه تعلمتها منهم اولها احترام الوقت واحترام المعمل لان لازم يفرقون الطلاب هناك

اني انا مجرد تكنشن ومالي علاقه في الشرح

ومن هذا المنطلق اجبرونا نلبس سكراب

فكيف لو وضعكم انتو كيمائئ الحرص واجب ياجماعه رسولنا قال اعقلها وتوكل

والحررص ضروروي في هالامور حياه وموت الله يجزاكم خير حتى النظارات ضروروي برضوو

ربي يسهل عليكم ويشرح صدوركم وان شاء الله القرار من صالحكم

Muhamed

2011- 12- 19, 01:29 AM

Dr.Mayamin

2011- 12- 23, 12:39 PM

Muhamed

2011- 12- 24, 02:15 AM

محد قال سلامتكم تفاصيل غير مهمه بس ما ادري ايش علاقت السكرب سوت بالسلامه :hhheeeart4:

في اولويات لكم تطالبون فيها اهم بكثير من يونيفورم

mosh

2011- 12- 25, 02:06 AM

قل خيرا او اصمت <<مالا داعي اقول من قالها. ان شاء الله ينزلون القرار قريب

Muhamed

2011- 12- 25, 02:44 AM

اولا: ياليت تفهمي معنى الحديث قبل تكتبينه كذا بكل بساطه وتحشرينه في غير معناه هذا الحديث يقال في حال الكذب, الغيبه, النميمه, الخوض في اعراض الناس, يقال لمن سب اوشتم... الى اخره يا اختي الفاضله وليس لكل من خالف رايه رايك

ثانيا: "<<مالا داعي اقول من قالها"
قائلها الرسول صلى الله عليه وسلم !! وكونك ماتأدبتي معه صلى الله عليه وسلم بكلامك الي كتبتيه ما اتعجب ابدا طريقة تعقيبك على كلامي !!

ثالثا: حسب ماهو مكتوب ببياناتك ان تخصصك تسويق حقيقه لا اعلم ولا عندي ادنى فكره ايش علاقتك بالموضوع المطروح للنقاش من قريب او بعيد !!!!!!!!

أماني عبدالله

2012- 1- 6, 03:22 AM

^_^ تمت المششآآآرككةةة:lllolll:

طآلبة علم

2012- 1- 29, 03:27 PM

أخ محمد :
ومن قال لك حنا مانطالب بحقوقنا..؟
سلامتنا ولبسنا للبس مريح بالمعامل يعتبر حق من حقوقنا وجالسين نتناقش بخصوصه ..
وين المشكله بالضبط..؟؟
تشوفنا تركنا دراستنا وسوينا اضراب على التعليم وجلسنا ببيتنا الى مايصدرون القرار مثلاً..؟!!!

يمكن لأن اقسام الرجال متعودين على اللبس وتشوفونه شي أقل من عادي ومو مهم عندكم فحسيت انت ان مطالبتنا له تافهه
لكن انا اتمنى تحط نفسك مكان اللي يتكلمون بالموضوع قبل ماتصفهم بالتفاهه ..!

واتمنى من مشرفة القسم إغلاق الموضوع نظراً للمستوى اللي انحدر له
ولو صار اي جديد بهالموضوع ننزل خبر ..
وصلى الله وبارك

Muhamed

2012- 1- 31, 12:51 AM

يا استاذه طالبة علم انا اتمنى توريني بس وين ومتى وصفتكم بالتفاهه؟؟

اذا انتي تتكلمين عن السلامه اتمنى بس تذكرين لي 3 اشياء تميز السكرب سوتس من ناحية السلامه عن باقي الملابس المناسبه !!!

كل ماكنت اقصده اني اكاد اجزم ان نص معدات السلامه مو موجوده او مو شغاله بشكل سليم بالمعمل وهي اولى بالف مره من السكرب على سبيل المثال فقط مع اني غير ملم بتجهيزات المعامل الشاور الي يستخدم بالطوارئ وهل هو شغال ولا لا !! , اجهزة كشف الحريق واطفائها الخ...

اتحدى اذا احد بس فكر فيها وهي بنظري اولى الف مره من السكرب سوتس

اما اذا تتكلمين عن ناحية راحه ولاتشوفينه stylish وغيره هذا موضوع ثاني

عموما تلبسون سكرب سوتس تلبسون ملابس رجال اطفاء ولا رواد فضاء بكيفكم انا مالي علاقه بالموضوع ولا انا صاحب قرار عشان هالعدائيه بالردود !! :hhheeeart4:

عموما فعلا صادقه اختي جدا انحدر الموضوع على قولتك واتمنى يقفل

وبالتوفيق والله يكتب لكم ولنا الي فيه الخير

طآلبة علم

2012- 1- 31, 02:11 PM

و من منطلق ان حنا راح يكون أغلب وقتنا في معامل الكيمياء وطبيعة المواد الكيميائية "اللي ممكن تكون حارقة و خطيرة والواجب اتخاذ الحيطة والحذر عند استخدامها"

للعلم بس السكرب عباره عن قماش خفيف ولبسه ابد ما منه فايده بخصوص هالناحيه !!
ولا هو مريح اكثر من غيره من الملابس وشكله كانه بيجامة نوم :biggrin:
ركزوا بس باشياء تنفعكم واتركوا عنكم التفاصيل التافهه :(269):

من هالرد :smile:

..

أخوي الفاضل:
لبس السكراب معروف بجميع انحاءالعالم ويعتبر بروتوكول ولبس رسمي بمستشفيات وكليات العالم الصحيه..
يعني حنا ماطالبنا بشي اخترعناه من نفسنا
طلبنا هو مساواتنا بغيرنا لا اكثر ولا اقل..!

واذا انت من رايك الشخصي ان السكراب ماله مميزات ولافوائد فحنا البنات نشوف له مميزات مقارنه بالتنوره وحنا مانجبرك تقتنع براينا بس نطلب منك احترامه فقط لاغير..

اما بالنسبه لمعدات السلامه فعلاً كلامك صحيح لكن هالموضوع له ناس مسؤولين عنه حنا كطالبات لنا اهتمامات شخصيه أخرى

وبالنسبه للستايل فالعكس هو الصحيح
السكراب بيقيد لبسنا عكس الحين نقدر نتفنن ونلبس ونصير ستايل على قولك :biggrin:

وأخيراً ردودنا ماكانت عدائيه مثل ماتفضلت وانما دفاع عن رأينا الشخصي اللي انت استهنت فيه بردك الأول..

إحترامي لك ولرأيك أخ محمد ...

Muhamed

2012- 1- 31, 06:16 PM

اولا قلت عن السكرب سوت انه من التفاصيل التافهه ومحشومين اخواتي من اني اصفكم بشي مثل كذا

ثانيا اصلح لك معلومتك اختي الفاضله السكرب مو بروتوكول !! الي يحط بروتوكولات السلامه المهنيه لكل العاملين بالقطاع الصحي وغير القطاع الصحي من عمال المصانع الى الجراحين هي الـ oshia
"Occupational safety and health impact assessment" واتحدى تجيبين من مصادرهم بروتوكول بخصوص السكربز لغير الجراحين او المعرضين مباشرة لمصادر العدوى "الدم , العاب ..."

وفكرت السكرب انه سهل تعقيمه وتجهيزه بحيث يكن جاهز ومعقم بالمستشفيات خصوصا للعمليات الجراحيه الي كل شي فيها لازم يكون معقم ولو تلاحظين بالمستشفيات اكثر الدكاتره يلبسون ملابس رسميه عاديه مع معطف طبي فقط في مكاتبهم

وبالنسبه اذا معدات السلامه ماتهمك وعلى قولتك له ناس مسؤولين كذا خلاص من البدايه هذا كان قصدي بالرد الاول ان في اشياء اولى لاني كنت اعتقد انكم مهتمين بناحية السلامه وكل الي كنت اقصده ان السكرب ماله اي اولويه من هالناحيه اما من نواحي راحه وغيره موضوع ثاني

والعذر منكم اذا اني ماوفقت بتوصيل فكرتي او اذا احد فهمني بطريقة خاطئه..

طآلبة علم

2012- 2- 1, 12:37 PM

وصفك لشي متحمسين له ومهتمين فيه بالتفاهه هو وصف غير مباشر لنا بالتفاهه يعني مافرقت

بالنسبه للسكرب فأنا من خلال اطلاعي وبحثي وجدت انه يعتبر بروتوكول للعديد من مستشفيات العالم ولو طلعت هالمعلومه غير صحيحه فاقدر لك تصحيح المعلومه اخي الفاضل
لكن انا هدفي من اثارة النقطه اني كنت ابي اوضح لك حنا ماطالبنا بشي جديد او صعب تحقيقه !

وانا كطالبه اهتم بنواحي السلامه الشخصيه مو العامه واللي مسؤولين الكليه عن توفيرها

وبالنهايه طالت السالفه اتمنى تكون وصلت لك فكرتنا وحياك الله اخوي

وجددان

2012- 7- 19, 05:54 AM

السسلآمم ,

أنصدمت : !!

يعني الحين البنآت ولآ الاولآد يلبسونه ؟

اجل آييش تلبسون طوآال الوقت ؟

:Looking_anim::Looking_anim::Looking_anim:

سطرُ ماء!

2012- 8- 6, 07:34 PM

^
اختي وجدان

بالنسبة لنا تنورة الى آخر سنة من الدراسة بجامعتنا

صوت الضمير

2012- 8- 13, 01:19 AM

معليش بدخل عرض ,,

بس الحين السكرب كيف تلبسه البنت ؟؟ و تطلع فيه ؟؟ هل يجوز ؟؟ ما يعتبر لباس ساتر .. لازم فوقه عبايا تستر !

بغض النظر عن السلامة أو عدم السلامة ,, المفروض أخواتي الكريمات تفكرون بالموضوع من الجانب الشرعي ,,

الدين أهم من كل شي ,, نطلع من البيت للدوام و حنـا ما نضمن نرجع ( أحياء ) ,, فلو متنا ,, هل كان يرضينا نموت و حنـا لابسات لباس لا يرضي الله ؟

جزيتم خيرًا ,,

مع السلامة ..

Dr.Mayamin

2012- 8- 13, 01:47 AM