دورة العمر (تخصص ادارة اعمال )لمن يهمه الامر [الأرشيف] - ملتقى طلاب وطالبات جامعة الملك فيصل,جامعة الدمام

عازف الشوق

2011- 9- 4, 04:11 AM

السسسلام عليكم
احبتي
كل عام وانتم بخير
ونبارك لَ اخوانا الناجحين
وحظ اوفر للحاملين

اعزائي
من منطلق قول رسولنا الكريم صلى الله عليه وسلم (حب لأخيك ماتحب لنفسك)
احببت لكم قبل نفسي , عرض الدوره لمن يهمه الامر ..
http://www.riyadhchamber.com/tr_cldp.php (http://www.riyadhchamber.com/tr_cldp.php)
بختصار :
الدوره تفيد تخصص ادارة الاعمال
ومسماها :دبلوم إدارة الأعمال المصرفية والاستثمار (http://kfuforums.kfu.edu.sa/tr_dpvw.php?did=10)
من الغرفه التجاريه

بعد البحث والتحري والتنقيب عن الدورات , تبين لي ان هذه افضل دورة لتخصصنا الدراسي .
اولآ:ملمه بمواد الجامعه.
ثانيا: تستفيد منها بعد التخرج الجامعي .
ثالثا:تستطيع بعد انهاء الدوره ,طلب الجامعه معادلة ساعات الدراسه ,وبكذا راح تكونُ اختصرتم ترم دراسي .
http://store1.up-00.com/Jun11/BdA97905.jpg

http://store1.up-00.com/Jun11/ai498083.jpg

بمشية الله
راح اقوم بدخول الدوره , الجميع يعلم بان السعر عالي ,لكن انا ارى كوجهة نظر استثمار نفسي لا خسارة فيه .

الرجاء من الجميع بداء رئية ولا تصتغر الرد ,لانكم ممكن تفتحون ابواب لم اتطرق لها او انتبه لها ..

ولكم جزيل الشكر ..

امولة المكافحة

2011- 9- 4, 04:16 AM

اووة غالي واحنا ظروفنا ماتسمح بهل مبلغ مع انا باين دورة غنية وحلوة

ǺĽ ẕeeห

2011- 9- 4, 04:24 AM

الله يعطيك الف عافيه اخوي على هالمبادره الخلوه منك بارك الله فيك والله ماتقصر بيض الله وجهك "

اداره اعمال هنا بالجامعه تخصص رائع وحلو وسهل ممتنع للي يذاكر متأخر "

الي مايذاكر اول بأول ويسأل اول بأول راح يتعب لا قربت الإختبارات

هالدوره "" حلوه صراحه "" بس اتوقع ماراح يكون في وقت عشان البعض او الأغلبيه يدخلونها "

والبعض امكانياته ماتسمح له يدخلها " انت عساك ع القوه وربي يوفقك وكل من يقدر يدخلها معاك"

انا كـ نصيحه مني" فقط "

ادخل اداره وشوف كان في شي صعب وقتها ادخل دورات تساعدك " :wink:

اعتبر نصيحتي " وجهة نظر " لا اكثر ولا اقل واشكرك كل الشكر على جود الحلوه وحبك للخير ""

اي خدمه انا تحت امرك "

Mr-AyMaN

2011- 9- 4, 04:28 AM

يعطيك العافية اخوي عازف الشوق ... وكل عام وانتم بخير
انا اتطلعت وسألت عن دورات الغرفة التجارية الدبلوم وفعلا من ناحية الإعتمادية هي فعلا قوية حتى اني كنت بسجل معهم قبل فترة ( دبلوم ادارة مواد ) بحكم عملي بمجال المستودعات وادارة المواد لكني فضلت التسجيل في الجامعة للحصول على شهادة البكالوريوس اللي هي بالطبع أقوى من الدبلوم ...
ويعطيك العافية حبيبي وتقبل مروري

عازف الشوق

2011- 9- 4, 04:31 AM

يعطيكم العافيه على الافادة
لكن حبيت ابين لكم
انا طالب في الجامعه
وحبيت اكمل بً الدوره هذي
راح احاول
نكلمهم يخفضون لو دخلنا مجموعه

عازف الشوق

2011- 9- 4, 05:13 AM

رئيكم ادخل يعني ..

وبعدين بعد الاطلاع تبين اني اذا درست مواد الدبلوم
راح يخصم من ساعات دراستي الجامعيه
يعني في كل الحالتين مستفيد
واذا خصم مني ما يقارب 15 ساعه
يعني خصم مني ترم كامل ومبلغ 2500 ريال

يعني راح تطلع علي الدورة بـ9500:mh318:

يعني حاسبها صح في رئيكم ..:(107):

فارس740

2011- 9- 4, 06:49 AM

مشكـــور :(204):

رشوف123

2011- 9- 4, 08:05 AM

يعطيك العافيه بس اتوقع انها خاصه للشباب فقط

أم ليــــان

2011- 9- 4, 08:15 AM

الله يعطيك العافيه على طرح الفكره هنا

لكن انا من وجهة نظري اركز جهدي ووقتي على شيء واحد واعطيه كل امكانياتي

على اني اقسم جهدي بين شيئين كل منهم ياخذ جزء من حقه فقط

تخصص ادارة الاعمال محتاج تركيييز وكذا راح يتشتت الذهن

لكن كلن وقدراته وعساك عالقوة

عازف الشوق

2011- 9- 4, 10:59 PM

يعطيكم العافيه على الردود

Abu ali55

2011- 9- 4, 11:37 PM

والله انا رأيي انك ما تستعجل وتاخذ الدوره لأنك انت تدرس نفس التخصص وماراح تتخرج بحول الله الا انت ملم بمعظم الحاجات اللي في الدوره نفسها , ولا تنسى شهادة الجامعة تعتبر احسن من الدبلوم , واذا انت تبي شي يساعدك بعد الجامعه وتبي دبلوم مع البكالوريس وعندك الامكانيه الماديه والوقت انا رأيي انك تاخذ دبلوم يمشي مع تخصصك وممكن ينفعك مستقبلاً . زي دبلوم تسويق او دبلوم موارد بشريه او محاسبة وكذا راح تضرب عصفورين بحجر واحد معك بكالوريس ادارة ومعك دبلوم تخصص متعلق بالاداره وراح تكون لك اولويه لو قدمت على وظائف على الاشخاص الاخرين اللي معهم نفس تخصصك .

اتمنى اني افدتك برأيي و الله يوفقك ان شاءالله

عازف الشوق

2011- 9- 5, 12:49 AM

والله انا رأيي انك ما تستعجل وتاخذ الدوره لأنك انت تدرس نفس التخصص وماراح تتخرج بحول الله الا انت ملم بمعظم الحاجات اللي في الدوره نفسها , ولا تنسى شهادة الجامعة تعتبر احسن من الدبلوم , واذا انت تبي شي يساعدك بعد الجامعه وتبي دبلوم مع البكالوريس وعندك الامكانيه الماديه والوقت انا رأيي انك تاخذ دبلوم يمشي مع تخصصك وممكن ينفعك مستقبلاً . زي دبلوم تسويق او دبلوم موارد بشريه او محاسبة وكذا راح تضرب عصفورين بحجر واحد معك بكالوريس ادارة ومعك دبلوم تخصص متعلق بالاداره وراح تكون لك اولويه لو قدمت على وظائف على الاشخاص الاخرين اللي معهم نفس تخصصك .

اتمنى اني افدتك برأيي و الله يوفقك ان شاءالله

مشكور على الافاده
بسس انت عارف ان الدوره تمشي مع متطلبات السوق وبالاخص ادارة اعمال
وفق كذا انا افكر اعادل الدوره (يعني ادخل الدوره على الجامعه ويعادلون لي الشهاده وبكذا اكون اختصرة الشي الكثير ):biggrin:

قلم طموح

2011- 9- 5, 10:24 AM

من وجهة نظري المتواضعة اشوف انها بلا فائدة خصوصا اني ادرس نفس المواد وبسعر اقل يعني دبلوم سنه بقيمه 12000 راح تعادل 15 ساعة ويمكن اقل يعني فصل دراسي بقيمه 2500 وفرق السعر واضح جدا
علاوه على ذلك راح اداوم 32 اسبوع بواقع 4 ايام في الأسبوع لمدة 3 ساعات
وانا اصلا راح ادرسها عن بعد وفي بيتي كمان ولمده اقصر من كذا
فوق هذا كله مراح استفيد من الشهادة بعد البكالوريوس لانهم عادلولي موادها وانتفت فعاليه الشهادة للتوظيف
مثال في حال تم التقديم على وظيفة مراح نقدم بشهادة البكالوريوس + الدبلوم لان في الأصل عادلناه فما الفائدة ؟؟ يعني الدبلوم راح تكون شهادته ورقة لا قيمه لها
فليش اجهد نفسي وميزانيتي ووقتي لكن ممكن اخذ دبلوم تخصصي يفيدني اكثر مثلا دبلوم تسويق او محاسبه مع بكالوريوس ادارة اعمال هذا الإستثمار الصح!!

حلاها

2011- 9- 5, 10:40 AM

انا مع الاخوان ماتنفع لاني انا اصلا معاي دبلوم اداره اعمال سنتين مو سنة زي هذي ولا بعد افيدك ترا فيه احتمال مايعادلون يعني لو اخذت معدل 3.5 من 5 وشرط ثاني لازم تكون الماده 3 ساعات وشرط ثالث تكون ماخذ ممتاز في نفس الماده .... نصيحه لك من اخت قد مرة بنفس التجربة
انت راح تحس بملل اذا انعادت لك الماده مرتين اصلا راح تتلخبط خصوصا في المعادلات والرياضيات
انصحك ...
ترا الادارة مايبي تشتت افكار يبي تعميق فكر وتركيز لا تتشتت .. وتخسر دراهمك .. ووقتك ... ركز جهدك هنا ومعانا .. مايبي لك الا الملازم اهم من الكتب ..

ويسلم صاحب الموضوع :mh318:

ناوي السوكبا

2011- 9- 5, 12:08 PM

دورة ما هي قد الطموح

ولو أحضر هذه الدورة بعلم الي يشرح أبجديات الادارة المالية :cool:

انتهى

عيون ALmaha

2011- 9- 5, 12:16 PM

12 الف !!!!!
واخرتها دبلوم سنة وحدة :(177):
واضح جداً ان العرض ربحي بحت لصاحب المؤسسة

الجامعة هنا ارخص بكثير ياخي درسنا سنة كاملة تقريبا ب 6000

شكرا على الموضوع لكن ارفض الدراسة الا في جامعتي العزيزة

عازف الشوق

2011- 9- 10, 03:27 PM

يعني رئيكم ما ادخلها ...
طيب لو فرضا ما عادلتها , وخليتها معاي راح تفيدني ان شاء الله ..

تكفون افيدوني لان باقي 20 يوم وتبدا دراستها ..
ولكم جزيل الشكر ..

sense-71

2011- 9- 10, 03:41 PM

عازف الشوق ..
تحيه لك يالغالي على الطرح المميز ..
بس حبيت استفسر الدفع كاش ولا اقصاد ..
لان لو بتسجل انت انا معك ..

fhd.s

2011- 9- 10, 03:48 PM

مشكور

اين فروعها

عازف الشوق

2011- 9- 10, 03:59 PM

عازف الشوق ..
تحيه لك يالغالي على الطرح المميز ..
بس حبيت استفسر الدفع كاش ولا اقصاد ..
لان لو بتسجل انت انا معك ..

لا كآش
هذي المشكله ((للي ما معاهم كاش )).. :(
ما اخفي عليك المبلغ معاي كنت بستثمره في مشروع
والحين راح استثمره في نفسي
المشروع الي ان شاء الله ربحه مضمون

بتوفيق للجميع ..:106:

عازف الشوق

2011- 9- 10, 04:00 PM

مشكور

اين فروعها

الرياض