تسجيل الدخول

مشاهدة النسخة كاملة : شهاادتي الاصليه ضيعتها وش الحل ؟؟؟؟

اسرار الصمت
2011- 9- 4, 02:51 PM
السلام عليكم ورحمه الله وبركاته

وكل عام وانتم بخير وينعاد عليكم يارب باليمن والمسرات

اخوتي انا عندي مشكله بالنسبه للتسجيل انتساب

انقبلت بالتسجيل والحمد لله وكل اموري ماشيه تمام

سددت الرسوم وطبعت الاوراق وكل شي ماشي زي حلاوه العيد:lllolll:

ولكن صادفتني مشكله وهي اني لم اجد شهادتي الاصليه ولا يوجد معي غير الصور فقط

انا موضفه بحثت في الملفي بالمدرسه والاداره التعليميه ولكن لا يوجد الا الاصل واكيد انكم عارفين ان حتى اطلع بدل فاقد يبغالي شهر تقريبا بعد الاعلان عنها وبعدها اقدر اطلعها

الحين كيف ممكن اسوي هل الصور اختمها ويكفي ولا وش اسوي لان مابقى غير اسبوع ويخلص تقديم الوثائق
مع العلم اني لست من المنطقه الشرقيه


تكفون دلوني :Cry111:
(خالد)
2011- 9- 4, 03:05 PM
وعليكم السلام

ونتي بصحه وسلامه.

شوفي مالك حل الا تكلمين الجامعه وتطلبين منهم شهر حتى تطلعين بدل فاقد

ورسلي الصوره طبق الاصل مع الاوراق للجامعه

وذا توفرت الاصل ارسليها مع البريد الممتاز

انا اعرف خويي سجل بدون شهاده الاصل وراح للجامعه وقال الاصل ضايعه وعطوه شهر

يطلع بدل فاقد ويرسلها لهم.
Mr.FahaD
2011- 9- 4, 03:12 PM
قبل شوي جاي من ادارة التعليم شهادتي في الكلية ولا اقدر اسحبها


طلعت الشهاده بثلاث دقايق <<< انجاز تاريخي

لااعلان في الجريدة ولا رح لمدرستك ولا واسطة ولا شي وانا واقف طبع لي الشهاده وقال امسك

رح لهم ويطلعونها لك بثواني بس خذ معك صورة من الشهاده وصورة البطاقه احتياط
اسرار الصمت
2011- 9- 4, 03:17 PM
الله يعطيك العافيه خالد بس كيف اتصل عليهم وعلى اي قسم واذا عندك رقم لهم الله يسعدك تعطيني ياه
اسرار الصمت
2011- 9- 4, 03:18 PM
هلا بك مستر فهد مشاء الله ندخلك في غنس هههههههههههه


قلي بالله كيف طلعتها وكيف سويت وهل انت بالشرقيه ولا الجنوب ؟؟؟

والله اني حايسه واخاف التسجيل يفوت علي وانا جالسه اصفق اليدين ...:d5:
(خالد)
2011- 9- 4, 03:24 PM
ارقام الجامعه/035800000

الدكتور مصلح/0534513395

هذا اذا ماكان معاك وقت مادري متى اخر موعد لكم لارسال الوثائق

وذا كان باقي يمديك بكره تروحين اداره التربيه والتعليم اللي قريب

منك وتطلعين بدل فاقد.
اسرار الصمت
2011- 9- 4, 03:31 PM
اداره التعليم اليوم رحنا لها مارضت معقده ياخي
\
الدكتور مصلح وش يطلع يعني قصدي يطلع بايده شي يساعدني ؟؟

اخروقت للتسليم يوم 17 يعني الاربعاء القادم
السنيدي
2011- 9- 4, 03:33 PM
انا قدمت صورة طبق الاصل وقبلوها
اسرار الصمت
2011- 9- 4, 03:37 PM
هي المشكله عندي انو برسلها بالبريد يعني ماقدر اروح لهم واخاف تجيهم الاوراق مايشوفونها متكامله يكنسلوها
:mh12:
(خالد)
2011- 9- 4, 03:38 PM
اداره التعليم اليوم رحنا لها مارضت معقده ياخي
\
الدكتور مصلح وش يطلع يعني قصدي يطلع بايده شي يساعدني ؟؟

اخروقت للتسليم يوم 17 يعني الاربعاء القادم



حلو باقي معاك وقت خل احد قرايبك يروح لهم ويقول انك مسجله بالجامعه

ون التسجيل راح يروح عليك لو محضرتي بدل فاقد وخلي ياخذ معه صوره من الاصل

المفقوده وبكذا راح تسهل ان شاء الله،،

الدكتور مصلح اهو الكل بالكل بجامعتنا!!
اسرار الصمت
2011- 9- 4, 03:42 PM
والله رحنا اليوم لكن رفضو رفضا قطعيا قالو لازم تروحون للمدرسه الي تخرجت منها والي تخرجت منها بمدينه ثانيه يعني الشغله سفر ومرمطه

اوكي ان شاء الله نتصل على مصلح والله يجيب الي فيه الخير

واشكرك اخوي على الاهتمام وسرعه الاستجابه والمساعده

وكل عام وانت بخير مره ثانيه وينعاد عليك يارب
(خالد)
2011- 9- 4, 03:57 PM
اتوقع الاداره اللي في المنطقه اللي انتم فيها معقده!!

بالرياض ونت واقف يطبعونها ويعطونكم ايها بدون مرمطه؟

بس كلمي الجامعه ان شاء الله يردون عليك وتيسر امورك .
وردة الجـــــــوري
2011- 9- 4, 08:23 PM
الله ييسر لك امورك ياااااااااااارب
اسرار الصمت
2011- 9- 4, 08:37 PM
هي من ناحيه معقده معقده مافيها كلام

وربك يسهلها ان شاءا لله بكره

يسلموو دلوعه واللهم امين
اسرار الصمت
2011- 9- 7, 11:58 AM
تعقدت الشغله وش اسوي يروح علي التسجيل يعني وانا ماصدقت ؟؟؟؟:Cry111:
YouseF2011
2011- 9- 7, 12:54 PM
روحي الى وزارة التربيه والتعليم وخذي معك صوره من الشهاده واطلبي بدل فاقد بيعطيك على طول شور:(204):