النفـس طابت من الدراسه .. وماعاد بالنفس شهاده جامعيــه

[أبـــو راكـــان]

السلام عليكم ورحمة الله وبركاته
كل عام وأنتم بخير "بعد الزحمه" .. دامت أعيادكم وطابت لياليكم ..

زملائي لاأخفيكم في هذه الأيام مالي نفس ع الدراسه , لدرجة أني
تخلصت من أي شي يتعلق بالجامعه أشوفه قدامي حتى هذا الموقع
لم يسلم من هذه الجفوه !
وكل يوم أراجع حساباتي وأعيد النظر وأحاول بقدر المستطاع رفع
المعنويه وشحن الهمه لكن للأسف من غير جدوى !
وعلى قولتهم اللي زاد الطين بله" اليوم واجهت saleh999
أخ منتسب معنا بالجامعه ومعي بنفس التخصص يلوح بيده لترك الجامعه
ويقول لي حنا فزة ددسن" والمشوار طويل وورانا وظيفه وبيت وعيال
وش لنا بوجع الراس , كثرها علي وأنا بليا ع جرف !!!

أخواني أخواتي يعلم الله أني أكن لكل شخص منكم الأحترام والتقدير..
أبي نصيحتكم .. مشورتكم .. وش الحل ؟
أحد مر بنفس هالمرحلة البائسه !!
هل أستخير وأحذف الترم الجاي وأشوف بعدين لعل وعسى !!
أم أكمل باقي الرحله وأنا غير مستعد نفسيا لهذا الترم .. أم ماذا ؟

[انا واختي خوات]

استخيري الله وشوف ولكن دام النفسيه ماااااااش فالافضل تنسحب اهم شي النفيسه والحماس للدراسه والله يوفقنا

[كانشــو]

استخير وضغط على نفسك كلها سنوات قليلة وان شاء الله تعدي شهادتك الجامعيه بتفيدك كثير ف يوظيفتك او اجل هالترم اذا انت تمر بضغوط وان شاءالله ربك ييسرها وبيفرجها

[الفيصل3421]

شووف وانا اخووك انا والله مثلك موظف

ووبيت وعيااال ووزحمة وخلهاا على ربك

بس الحمد لله قدرت انسق ووقتي

وهذي مرحلة تمرر بناا كلناا بين فترة وأخرى

لاتخليهاا تأثر عليك

واهم شي تشيل من بالك انك تنسحب او تترك الجاامعة

وصدقني رااح تشوفهااا سهلة وتمشي بسرعة

[الخاصه]

اشوف انك تواصل وتكمل اذا ظروفك تساعد واذا بس احباط من بعض الاخوه اترك عنك الاحباط وخل عندك عزيمه يااااااامااا ويااااما كثير نشوف في المنتدى رسائل احباط اللي يبي ينسحب واللي زهق اهم شي العزيمه وترى الحمد لله والله كل شي تسهل ماعاد في صعوبه مثل اول وهذي وجهت نظري وبالتوفيق:71:

[أبـــو راكـــان]

أنا وأختي خوات
النفسيه والحماس مو زي قبل .. لكن عسى بالأمر خيره
لاهنتي ..


كانشـــــــو
الحمدلله ماعندي ضغوط لكن ماعاد لي نفس مدري وش السالفه
يعطيك العافيه ..

[ڠلآ الطنآيآ]

يا حيي اقول عين من الله خير وتعوذ من الشيطان وخلك من الناس الي يحطمونك

وكلها سهالات ان شاءالله وفكر بالشهاده بعدين اذا تاخذها راح تفيدك باالشغل كا ترقيات او تلقى عمل افضل من عملك وهاذا شعور مؤقت ويروح ان شاءالله ونصيحه لاتضيع الفرصه من يدك ترى في ناس ودهم يكملون دراستهم ومهي حاصل لهم واستخير وماخاب من استخار

واقولك مره ثانيه لا تضيع عليك الفرصه

موفق ان شاءالله

[i b r a h i m]

وش هالكلام الله يهديك ؟

الدنيا و انا اخوك تبي صبر و طولة بال

انصحك نصيحة اخوية اجلس مع نفسك خمس دقايق و اسأل نفسك :

ليش تبي تترك الدراسة ؟ وش الاسباب او المؤثرات اللي وصلتك لهالمرحله انك عفت الدراسة ؟

اذا توصلت للاساس فكر باالحل و اذا عرفت المشكلة حاول تهيأ نفسك للاجواء اللي تساعدك للدخول من جديد في عالم الدراسة



انا الحمد لله موظف و راتبي زين و في اكبر الشركات لكن ما فكرت ليش قررت اني اكمل دراستي الجامعيه ؟

كلنا موظفين و ورانا مسؤوليات و لكن في هالوقت الشخص او الموظف بدون شهاده جامعيه كحد ادنى مع احترامي للكل ما ينفع

اسأل نفسك و انت بنفسك جاوب للاسألة اللي شكلت لك شكوك و دافع سلبي لترك الدراسة


خلاصة كلامي :

فكر بعقلك مو بعواطفك

[So0oT AlFgEd]

وعليم السلام والرحمه
وعساك من عواده

أبو ركان/ أذا ألانسان راح يتأثر في كبوات غيره أو ينظر بما هم مشغولين ويفعل بما يتناسب لأفاعلهم أعتقد وقفت الحياة لماذا الأنسان ينظرالى السلبيين لماذا لم تقلد من هم سبقوك في هذاالمجال ويجب أن تنظر لمستقبلك القادم كل منا يحمل ظروف في حياته وعيال ولكن يجب أن تزرع العزيمه والأصرار وتغرز في ذهنك ,كم من شخص يتمنى أن يكمل دراسته وكم من شخص في موقفك لآ يريد أن ينظر الى الخلف من عتبات التأخر هذه الفرصه فنـزعها من افواه اليأس والخوف والتردد وجعل في نفسك همه تفوق بركاين الجبال من أنفاسها اصرار لأنك في الأول والأخير راح تتذكر أن مستقبلك بعد الله في هذي الشهاده كم منا يريد التغيير في مستقبله .... الصبر ثم الصبر ثم الصبر

أخوك/ صوت الفقيد

[بحة الناي]

ليش تحطم نفسك وتكسر مجادفيك :mad:

خلك صارم مع نفسك وقول بدرس يعني بدرس
ياخي انا هذا القسم الرابع اللي ادخله والاقسام
اللي درستها أول في اللي نجحت وفيه اللي فشلت
وماشاء الله اني اكمل انتظام ووصلت لمرحلة طاب خاطري من الدراسه :icon9:
بس الحمدالله لزمت على نفسي قلت والله لاتكملين يافلانه وكملت
واللحين الهمه فوق عالي السحب ولله الحمد :53:
والامور سهلات بس انت لاتعقدها

[أبـــو راكـــان]

الفيصل
أخوي لاهنت وبارك الله فيك ..

الخاصــــــــة
بالنسبة لظروفي زينه ومعدلي للترم اللي راح حلو لكن .. !
لاهنتي ع المرور


غلا الطنايــــــــــــــا
أعوذبالله من الشيطان الرجيم
عوفيتي ياحي ..


ibrahim
أخوي أبراهيم كلامك عين العقل
ولاهنت ع المرور العطر ..


S0O0T ALFGED
أخوي صوت القصيد لاهنت ع رفع المعنويه
شكرا لتواجدك ..


بحــــــــة الناي
عسى أمورك سهلااااااات
لاهنتي ..

[حياة الروح#]

من اولها تحطيم وتكسير مجاديف
انت بيدك تخليها صعبه وبيدك تخليها سهله نظم وقتك وان شاء الله تتيسر والله انها تمر بسرعه ومن غير ماتحس تلاقي نفسك متخرج ان شاء الله :119:
الله يوفقك ويسرها لك ويختار لك الي فيه الخير

[متخصص إنجليزي]

شف وأنا أخوك :-

أنا أحيانا أمر بنفس الحالة ، ولكن على طول أتذكر أن السنين تمر بسرعة ، وأتذكر أن زملاء لي في العمل درسوا من قبل وحاولوا إقناعي بالدراسة وأن السنين تمر بسرعة زي ماقلت لك وهذا هم هلحين خلصوا الدراسة وأخذوا الشهادة الجامعية الله يرزقهم ويوفقهم وانا اتحسر لو إني درست معهم كان هلحين معاي الشهادة ، ولكن هذا اللي زادني إصرارا على الدراسة .....

[مُلهمــــة]

اذا لــــــــــــــم تكن عظـــــــيما ................. فسعـــــــــــى لان تكـــــــــون عظيما"

نصيحــــــــــتي:


ان لا تستسلم لهذا الشبــــــــــح ........... بل تحـدى الصعــــــــاب
فالعبرة بالنهـــــــــــاية ................

[ULTRA]

السلام عليكم
ابي اسرد عليك قصص انا مريت فيها وعايشتها وعايشت اصحابها ووالله اني ابيك انت وغيرك تكمل دراستك
1- رجل اسمه معروف ومنعا للاحراج لن اضع اسمه بلغ الاربعين سنه بالظبط ووال سنه له بكليه الطب في بريطانياعلي حسابه في عام 1988 وفي اول اختبار يقول التفت يمين ويسار واشوف الطلاب كلهم من عمر اولادي وتمر علي شريط السنين في تللك اللحظه واتندم اني ماكملت دراسه ومن ساعتها واني من نجاح الي نجاح وبتفوق ابي اختصر واعوض ما فات من عمري, الرجل حقق مايريد وهو الان مازال حي يرزق وعضو في مجلس الشوري, الزبده هو كان عنده وظيفه وواولادومسؤلييات وديون وترك الوظيفه وضحي بكل شي ليحقق ما يريد وماهي الا همم مثل القمم
2-مثال اخر لااعرفه ولكن زميل لخالي قديم في الاتصالات يوم انها حكوميه قبل اكثر من 25 سنه عنده ابتدائي كان رؤساهم يمرموطونه وشغلته لاهي فراش ولاهي مراسل اي شغله يعطونه والراتب لاشي يقول مجتمعين في العزبه عشاهم قطيه لشراء فول وبزاليا وخبز وطاولتهم اللي يحطون عليها بيالات الشاي برميل البويه بعد ماتعشوا قال ابي افصل واروح امريكا. يضحكون عليه انت ماتعرف تكتب عربي تبي تعرف انجليزي لا وبعد تبي تروح امريكاوما عنك فلوس يقول مرت علينا ايام ما نلقي فلوس الاكل والله نفتح علبه الصلصه وناكل منها
المهم الرجال فصل وجمع من حقوقه واستلف وراح امريكا وانقطعت اخباره
تدري وش يشتغل الان دكتور علم نفس في احدي الجامعات الامريكيه وماهي الا همم مثل القمم
3-شخص في عام 1993 دخل جامعه الملك سعود في الرياض كليه الطب درس سنه تحضيريه يقول كان طموحي مرتبه الشرف يعني مش نجاح بس وتغير عليه الجو الجامعي واصدقاء السوء ويترك الجامعه بسبب الانذارات ويشتغل اي كلام الي ان من الله عليه بالعمل في شركه كبري وصار عنده عائله ومارس التجاره يقول والله ان دخلي الشهري يفوق 60,000 ريال ولكن احس اني مطعون في قلبي وفيه شي ناقصني قلت له صارحني وش فيك قال كل هذا ما حقق طموحي وش اللي تبي قال حبي الاول وش تحب استح قال الجامعه لا تفهمني غلط ,. يقول كل ما اشوف زول جامعه الملك سعود ولا ادخلها الا وتهل الدمعه
وترك الوظيفه وصفي اعماله التجاريه واخذ اولاده وزوجته وراح امريكا ابتدا من الصفر كمل الجامعه والماستر والدكتوراه ورجع وقدم علي الجامعه والان دكتور في الملك سعود كليه العلوم الاداريه
4-واحد خوي لنا من اهل ...... عنده ثالث متوسط وداشر بمعني الكلمه اي شي يخطر في بالك سواه والعمر قرب الثلاثين ولا تزوج واهله غاسلين يدهم منه وماوراه الا المشاكل
جانا ليله بعد الظهر في راس الجبل هو والونيت الدتسن وقف ونزل ودخن السيجاره ورا الثانيه فيه شي غريب
هدوء غير طبيعي وراك يافلان ساكت شوي وقام قال ابسافر امريكا ويفقعون العالم من الضحك وش فيه الظاهر مكثر المهم اختفي الرجال نسال عنه الرجال باع الونيت وسافر الرياض اشتغل ويكمل ثانوي ليلي خلص وفعلا سافر امريكا وهو الان يدرس هناك والرجال صار ملتزم وتزوج وجاب اولاد وعلي وشك تخرج
وماهي الا همم مثل القمم وحقق ما يريد

اخي اكرر وما هي الا همم مثل القمم وكل الاشخاص اللي ذكرتهم لك حققوا ما يريدون
السؤال ماذا تريد انت؟؟؟؟؟؟؟

[هانت ياجروحي]

أخوي بو راكان

الفرصه ماتجي بالعمر الا مره واحدة

استغلها واترك عنك النفسيه والخرابيط

هذا وساوس ابليس مايبي لك الخير والتوفيق بالحياة

يبيك بمكانك ماتحرك ,,’’

تدري لو تحتسب الاجر في الدراسة يمشي لك اجر وحسنات وانت ماتدري
طلب العلم والنيه الصالحة شيء جميل ولو تموت تموت ع خير وطاعه
والله يكتب لك طولة العمر والحياة السعيدة


ترى غيرك يفحط يبي الجامعه وانا منهم ولكن عقدنا النجار الله يهديه يس

[بنوتة نجد]

خلك بطططططل لايهزك متاعب الدنيا
نظم وقتك ساعتين للجامعه وامورك بتمشي
جرب هالترم

موفق اخوي

[P e a c e]

أخوي العزيز, كل عام وأنت بخير

راح أكلمك بدون عواطف أو مجاملات

أقول لك عن تجربة, أكبر غلط أنك تواصل دراسة وانت مالك نفس, راح تجيب العيد لا محالة, سويتها أيام ما كنت أدرس انتظام وعلى قولة واحد صاحبي يقول هذي نكتة مو نتيجة, وتسببت في حصولي على الإنذارات المتتالية وخروجي من الجامعة. واتمنيت لو أني حذفت ترم علشان أجدد نشاطي وأرتب صفوفي, لكن الحياة دروس ونتعلم منها.
يعني رايي أنك تشوف حل لنفسيتك أولا قبل ما تبدأ الدراسة, عادة الطالب يبدأ متحمس على أمل أنه يمشي كويس فما بالك بالبداية المتحطمة.
الشي الثاني واسمح لي على هالكلام بس لأنك انت وكل الأعضاء اخواني وتعزون علي, ترى الوظائف فيها فوق وتحت, في مدير وسكرتير, في عامل وفي مهندس, في فني وفي مستشار, واللي تحت يخدم اللي فوق, واللي فوق ما يصير فوق إلا بخدمات اللي تحت, وانت اختار لنفسك مكان. تبي تكون من اللي فوق واللي يخدمونهم اللي تحت, ولا تبي تكون من اللي تحت (مكانك سر)

أنا ما أقول أن الشهادة راح تفيدك أكيد, هاشي مو واضح لحد الآن وفي علم الغيب, بعد ثلاث أو أربع سنوات راح نشوف النتيجة. لكن الله سبحانه يطلب منا أن نسعى ومن عنده التوفيق.

انت احسبها صح وشوف, إذا متأكد أنك ما تقدر تمشي بيتك أولى بوقتك وفلوسك

وعلى فكرة من العبارات الأكثر استخداما لأعداء النجاح هي "خلك واقعي"

تقبل رأيي وودي, وان شاء الله ما أكون ثقلت عليك

أتمنى لك التوفيق في أي قرار تتخذه :119:

[هانت ياجروحي]

خلك بطططططل لايهزك متاعب الدنيا
نظم وقتك ساعتين للجامعه وامورك بتمشي
جرب هالترم

موفق اخوي

من صجك ساعتين باليوم ؟؟

لا يبه والله بالموت نوفر نص 10 دقايق

ورانا كورة ومباريات وجلسة شباب ومقاضي بيت ومشاوير
ههههههههههههههههههههههههههههه:41jg:

[خمائل الورد]

أخوي الأخوان والأخوات ما قصروا فوق كفوا ووفوا إن شاء الله

لكن كل اللي بقوله لك لا تخلي عزيمتك تفتر ولا تبدأ عامك الدراسي بتشاؤم وإحباط

والسنين تركض مثل لمح البصر يعني بالعامية غمض عين وفتحها تلاقي نفسك متخرج بإذن واحد أحد

فلا تأجل ترم ولا تعطي فرصة للإحباط والكسل أنها تخرب عليك مخططاتك وترى دراستنا عن بعد ماهي بصعوبة الإنتظام

ما يحتاج لها بحوث و استبيانات ولا تسجيل الحضور والغياب ولا ولا ولا أشياء كثيرة

إحنا هنا في نعمة كبيرة ولله الحمد والمنة تقدر تعدي فيها بإذن الله مهما كانت مشاغلك

ولا يبي لها الا توفير القليل من الوقت يوميا فصبر نفسك وحثها على المواصلة والمثابرة وذكرها بالنتيجةالمرضية و القريبة بإذن الله


الله يوفقك ويدلك إلى كل ما يحبه ويرضاه

[(كـبـريـآء)]

مثل مااقالوا الاخوان والاخوات اللي قبلي

.
.


تصدق يااخوي ..انا من تخرجت من الثانويه وانا نفسيتي لدارسه مقفله
سجلت انتساب دراسات اسلاميه وانسحبت بعد شهر

وبعدها سجلت انجليزي وانسحب بعد شهر
واخذت فتره كل من يقول سجلي ادرسي اقول ليه اكمل بتزوج وانطق بالبيت واحيانا اجيبب طاري الموت واقول ليه اخسر الشايب واحيانا اقول كبرت على الدراسه واحيانا اقول مافي وظائف
خواتي خريجات ومتكيات عندي ومن هالخرابيط

وجلست 5 سنوات وانا بالبيت وعلى ذا الحال و طفشت من وضعي قلت يابنت ورى ماتكملين دراستك وتسوين اكشن بحياتك وبالفعل سجلت وانقبلت وان شاء الله متفائله خير

وانا اعتبر الحاله اللي تمر فيها بس فتره وتروح
يعني تعوذ من ابليس وانطق بالجامعه لاتسوي لي حركات وخلك ذيب واكل الملازم اكل
واتؤكل على ربك ....وبس
ادري كثر كلام لكن عاد ابي اخليك تهون عن اللي براسك بااي طريقه
:biggrin:

[star77]

اولا وقبل كل شي استخير
ثانيا انا اشوف انك تكمل ولاتأجل اي ترم وتوكل على الله وامورك تمشي تمام ولاتقول بيت وعيال و..و..و,, الخ مشاغل الدنيا ماتنتهي وبالعكس اذا خلصت الجامعة بسرعه وبدون تأجيل افضل من كل النواحي ترتاح من همها وتتفرغ للبيت والاهل وتحصل على ترقيه او وظيفه بسرعه،،
والله يوفق الجميع لما يحبه ويرضاه

[ليلة جمر]

لا تتركها ع الاقل بس خذلك 5 مواد او 4 اذا يسمحون بس لا تتركها

[saleh1999]

يابوراكان ورطتنا معك قلت لك فكرت بترك الجامعة وبعدين انا وانت خلاص اخذنا من الدراسة مااكفنا والاختبارات وبهذلة وصلنا مرحلة ماعاد نتحمل فى مجال عملنا فقعوا روسنا تكفينا اختباراتنا

[المحبه الى الله]

انا اقول اجل ترم لعل وعسي تتغير نفسيتك وتشتاق للدراسه

[العبير2]

نبي تشجيع حتى انا ام وعندي اطفال بس عندي طموح
والله يوفقنا ويسهل امورنا كلنا

[تخصص علم اجتماع]

ابو ركان كمل وتعوذ من ابليس مادامك شاق طريقك حرام تتوقف
وكلها اربع سنوات وماتدري الا وانت جامعي ويامالك من العلاوات وقتها

توكل على الله

[حصة أمآل]

و عليكم السلام و رحمة الله و بركاته
أذا على النفسيه يّ كثر السنوات الي بتروح عليك
لا تدفن عزيمتك الاولى وخطواتك الاولى التى من أجلها سجلت بالجامعة
انت ما تدري شهادتك وش راح تفيدك فيه و ما تدري وش الزمن اللي مخبيه لك
قبل كل شيء أستخير و أطلب ربك و أستعين بالله و الله يوفقك

خلني أقولك سالفة تخصصي الجغرافيا
يّ كثر البنات اللي يقولي لي كلام تحطيم
و مالقيتي ألا جغرافيا وع وع :biggrin:
أحيانا أختبر لحالي في هالقسم
و الوضع عندي عادي لأني أحب هالمادة
ومتمسكه فيها وعندي طموح بأذن الله
أني لما أخلص راح أكمل مو لأجل شيء
أول شيء أني أتعلم
ثاني شيء أستفيد
ثالث شيء ما أدري يمكن الله يوفقني و اتوظف و أعاون أمي
مو معناته أني أدرس لازم أهمل الجوانب الثانيه من الحياة لا
ظبط و قتك و لا تستمع لناس يحطمونك و تحط كلامهم بعقلك و يأثر فيك

كنصيحه كمل كمل كمل
ترى بعدين تتحسف لما تشوف ناس تتخرج وانت باقي لك كم سنه
و تتطلع بالساهل

موفق ~

[حصة أمآل]

يابوراكان ورطتنا معك قلت لك فكرت بترك الجامعة وبعدين انا وانت خلاص اخذنا من الدراسة مااكفنا والاختبارات وبهذلة وصلنا مرحلة ماعاد نتحمل فى مجال عملنا فقعوا روسنا تكفينا اختباراتنا


كل الامور بالبداية تصعب و بعدين تسهل
مو كل شيء يجي بالساهل لازم متعوب
أجل كيف تحس أنك تدرس :000:
لاتفكر ب سلبيه فكر بشيء أيجابي
حط لك جدول نظم و قتك من بداية المحاضرات
عشان تسهل عليك

موفق ~

[Hannudah]

ماشاء الله ماقصرو الاخوان والاخوات

لكن هي نقطه صغيره انظر لها !
الاربع سنين بتمشي من عمرك بتمشي !
بامر الله ولك طولة العمر
هل انت بعد هالسنين انجزت شيء اخذت الشهادة ! والا باقي تقول النفسيه مووووششش وتأجل اترام ؟

( انجز ) العمر يمشي يا نوقف وتمشي السنين يا نمشي معاها !!
والله اني متحسفه على 3 سنين راحت من عمري بدون ما اكمل لكن كانت لي ظروف رغم ان تو العمر قدامي ان شاء الله
والان اول ماتيسرت كملت بدون تردد


لاتلتفت ورا ابدا انته كذا كأنك عكست سيرك وصرت تمشي للخلف !
والناس كلها من حولك تمشي للأمام
اكمل مسيرك للأمام انت قادر اكيد لكن اشحذ الهمّه قليلا ! قدراتك اكبر من كذا


الله يوفقك ويوفق الجميع

[saleh1999]

كل الامور بالبداية تصعب و بعدين تسهل
مو كل شيء يجي بالساهل لازم متعوب
أجل كيف تحس أنك تدرس :000:
لاتفكر ب سلبيه فكر بشيء أيجابي
حط لك جدول نظم و قتك من بداية المحاضرات
عشان تسهل عليك

موفق ~يعطيك العافية وماقصرتى واحس لو معك عصا ضربتنى مشكورة

[أبو راكاان]

عزيزي ابو راكان


اذا انت موظف وظيفه كويسه ومرتاح براتبك والشهادة بتفيدك بنفس وظيفتك وتطورك تراك انت المستفيد


انا اعرف شخص قدم على الدراسه هالترم لان ترقياته توقفت ووده يمشي بالترقيات وعمره 35

انت احسبها لا تقول الحماس قل ومن هالحكي


انا محاكيك احيان اداوم 12ساعه وعندي عايله والتزامات ولاتذكرت طاري الدراسه تصيبني غلقه

بس ادفدفها عشان ابي اغير وظيفتي واطلع من دوامي ورديات وكرف


انت احسب بالنسبه لوظيفتك بتفيدك حتى لو بالمستقبل لاتتردد وكمل


عندي الوالد يقول ياليت كان عندي فرصتك اقدر اشتغل وادرس يقول كان ماوقفت للدكتوراه بس اول استقعاد









الله يوفقنا وياك


لاتخليها وتقول بعدين يالييييييت اللي حصل ماكان

[صدى غرامكـ]

يابوراكان ورطتنا معك قلت لك فكرت بترك الجامعة وبعدين انا وانت خلاص اخذنا من الدراسة مااكفنا والاختبارات وبهذلة وصلنا مرحلة ماعاد نتحمل فى مجال عملنا فقعوا روسنا تكفينا اختباراتنا
<< اهااا انت السبب اجل خذ :41jg::41jg::41jg:
لجل ماتقول مره ثانيه << ههههههههههه
لا اخوي الهمه الهمه وصدقني شد حيلكـ وربك بيوفقكـ وقولي وين مكانكـ لجل ارسل لك اخوي يساعدكـ لان بيراقب عليكم.. لوووووووووووول :lllolll:
ووانت شد حيلكـ<<
:53:هلا ووومليون مرحب ابو راكاان << خالي<<
رجيتكـ شيل هالافكار الشينه,, ووشد حيلك لو كنت خايف خذ مواد سهله ولا تكثر 4 واجد وخلهم خفاف عليكـ بس لا تنسحب ولا تاجل بتتركب عليكـ وتكثر شد حيلك والله سنين تركض,, والله الموفق :mh318:

[فجورة]

الصراحة الاخوان الله يحفظهم ماقصرو ....

ولكن لك دعوة من قلب صادق
الله يوسع صدرك بالإيمان وطاعة الرحمن ويهديك للخير يارب

[ashoog]

لا يا أخواني هونها تهون

والله ما تعرفون قد ايش امر بضروف نفسية وبدنية ومادية والكل يقول أجلّي هالترم بس اذا اجلّت هالترم أعرف نفسي بأجّل ترم وترم لكن بأستعين بالله وربي بيحلها أهم شيء الاقدام والتوكل والثقة بالله والعمل بالاسباب

المهم شدو حيلكم ولا تخلو لليأس فرصة اختارو مواد قليلة 4 او 5 اذا عندكم ضروف والأيام ماشية ما تحسون فيها الا وانتهينا هالدراسة ونفرح بالتخرج

شوفونا خلصنا مستوى ورايحين للي بعدو

لك الحمد يا رب حتى ترضى ..

[المسآفرة]

لالالا

مانبغى كلام زي كذا ليه هالاحباط .. اخوي معضمنا هنا عنده مسؤوليات كبيره ومامنعته من اكمآل مشوآره

انا مثلكم عندي بيت واطفال وطبخ ونفخ وتنظيف واستقبال زوار وتوديع زوار وتوجيب ناس ومذاكره للاولاد واهتمام بزوجي

ومع كذا ما افكرررررررررررر ابد ابد اني اترك الدراسه مع انو احساسي اني ماراح اتوظف بهالشهاده بس ابغى اكمل

لسببين

السبب الاول اصير قدوه لاولادي

والسبب الثاني تحدي للمصاعب وعناد بالظروف راح اكمل راح اكمل :biggrin:

ابغاك تتعوذ من ابليس .. وتشد حيلك

واذا تبغى نصيحتي اتوقع هالملل اللي انتا فيه من الروتين اليومي وضغط العمل ومسؤوليات الاسره

خذ اجازه بسيطه واطلع فيها رفه عن نفسك شوي

وجدد النشاط بذهنك وجسمك

وان شاءالله تصير امورك تمام

الشئ الثاني اكثر من الاستغفار والدعاء بالصلاه ان ربي يوفقك ويعينك

والله يكون بعونك اخوي

[المسآفرة]

يابوراكان ورطتنا معك قلت لك فكرت بترك الجامعة وبعدين انا وانت خلاص اخذنا من الدراسة مااكفنا والاختبارات وبهذلة وصلنا مرحلة ماعاد نتحمل فى مجال عملنا فقعوا روسنا تكفينا اختباراتنا


شكلك انتا اللي قاعد للرجال ومخليه بهالحاله :000:

لا ياخوي من قال لك العلم يوصل لفتره ويقول خلاص اكتفينا

العلم بحر ماله نهايه

وبالمنتدى ناس منتسبه معانا عمرها بالخمسينات

وشوف الحماس يللي عندهم والله لاهو عندي ولاعند احد بالمنتدى

ماشاءالله ولاقوة الا بالله

ليه تكون انسان سلبي

وتفكيراتك محصوره بالدوام والعمل وراتب

فكر بشكل ايجابي

وانو الشهاده الجامعيه شئ اساسي ولازم اخذها اسوة بغيري

وعشان تكون قدوة حسنه لابناءك كمان

اتمنى انك تفكر بكلامي زين


وفالك التوفيق يارب

[الطالبة المعذبة]

نفس الحاله وزيادة حبتين

افكر اترك الدراسة واحس ان ذي الشهادة مامنها فايدة منتظمين ماهما لاقين وظايف حنا راح نلاقي ي الانتساب لا وعند بعد



من جد افكر اترك الدراسة يضيع عمرنا على الفاضي

[يارب تحقق أملي]

لا يأخوي لاتقووول كذذا
الدراسه اهمم شي وسلاح للانسان

بقولك تجربتي لعل وعسسسى تغير راييككك

انا تخرجت عام 1428/1429
ودخخلت قسسم انقلش كنت متردده لدخووله ماكان عندي خبره بالانقلش دخلته لانه احسسن قسسم عندنا بمنطقنا
له مستقبل كثيرر
بدت الدراسسسه الترم الاول اذاااكرر واجتهد بس ماحبيت القسسم ابد ودرجاتي زففت اخذت انذار
جاء الترم الثاني نفس الحاله انذارات ونزل مععدلي ومواد محموله اخذت كوورس لعل وعسسى اخفف من المواد المحموله
نجحت بالكووررس الصيفي رفعت المعدل بدات السنه الجديده وحملت مواد وعافت نفسسسي الدراااسه قررت اسحب ملللفي جلست ترم بالبيت وسجلت العام تربيه خاصه والحمدلله
حسيت اني مرتاحه للقسسم وحبيته ومشت اموووررري
يارب توععضني واحقق طموووحي
يعني ششوف كم سسنه ضاعت مني سنتين ضاعت مني

الحين صديقاتي اخر سنه بالجااامععه بس لاتذككرت الايام اقوول خييررره ان شاءالله احقق طموحي بهالقسسم

تعوذ من ابلييس وكمل شهادتك تنفعك وتفيدك بكل شششي
ككلنا نمررر بضرووف نتعب من الدرراسه بس اذا كان عندك رغبه من داخلللك راح بأذن الله تكككمل
ارررجع واكرررر كمل وانا اختك غير راييك

هذي مجرد نصيحه اخويه والله يوفقك

[Business manage]

والطموووووح ماله مكان بحياتك
لا تستعجل فكر مره ثانيه ف الاخير هذا مستقبلك

[أبـــو راكـــان]

حياة الروح ... أن شاءالله تيسر وبالتوفيق للجميع ..
متخصص أنجليزي ... أخوي لاهنت وشكرا لتواجدك ..
الأمــــــل ... أذا لم تكن عظيما ... فسعى لأن تكون عظيما .. صح لسااانكـــ ..
Ultra ... شاكر لك ذكر الأمثلة .. وفعلا الطموح لا يقف ..
هانت جروحــي ... عوفيت أخوي ..
شموخ ذاتي ... شكرا ع مرورك العطر ..
رضوان ... رائك يهمني أخوي , لاهنت ع الطرح ..
خمائل الورد .. شكرا لك ع تشجيعك وأشعال الهمم ..
سراب ... الذيب بالقليب :biggrin: عوفيتي ..
Str 77.. الله يسمع منك .. لاهنتي ..
ليلة جمر ... رائك حلوو عوفيتي ..
saleh 1999 ... لا أشوفك الا أنت متسنع والا ترى برميك بشوزن :oao:
المحبة الى الله ... أختي عوفيتي ع مرورك ..
العبير 2 ... دعواتي لك بالتوفيق .. لاهنتي ..
تخصص علم اجتماع ... شكرآ لك ع مرورك العطر ..
حصة آمال ... الله يوفقك ويخلي لك والدتك ..
Hannudah ... عوفيتي وتمنياتي لك بالتوفيق والنجاح ..
ابو راكان ... أخوي الله يحقق لك كل أمنياتك وطموحاتك .. عوفيت وبلغ سلامي لركون :wink:
صدى غرامكـــ ... هلابك مليون .. عوفيتي يابنت أوخيه ..
فجــــورة ... الله يسمع منك ولك مثله ..
ashoog ... الله يسرها لك ويفرجها عليك ..
المسأفرة ... الله يخليك لهم يالشقرديه ...
الطالبة المعذبة ... الحال من بعضها .. لكن ربي يوفقك ولاتحاولين تستسلمين بهالسهولة ..
يارب تحقق أملي ... شكرآ ع تواجدك وشكرآ ع مثابرتك ..
Business manage ... عوفيتي ع مرورك ..

[صمت...%]

استعن بالله ولا تعجز

ومن سلك طريقا يلتمس فيه علما سهل الله له طريقا الى الجنه
الهدف ليس دنيوي
ارقى بنفسك وحقق طموحاتك
هل تريد ان تبقى كما انت السنه الماضيه مثل القادمه واللتي بعدها
لا بد ان يكون لك انجازات في كل عام جديد ومن اهم الإنجازات تقدمك في المجال التعليمي ومستوى ثقافتك

وقبل كل هذا عليك بإستخارة رب العالمين
أسأل الله للجميع التوفيق والتقدم

[أتعبتني الغربة]

توكل على الله وواصل تعليمك وبشتى الطرق ولاتيأس مهما صادفك من عراقيل واستعن بالله ولاتكسر مجاديفك

بيدك فما بالك بمن يطلبه وهو خلف القضبان ومحكوم عليه بالسنين أسأل الله أن يفك أسر الجميع ومابالك أخي

بمن يطلبه وهو على السرير الأبيض أسأل الله أن يرفع عن مرضى المسلمين لا ياأخي أنت أقوى من ذلك بكثير

فهو جهاد وسلاحك في الدنيا والآخرة وخير لك ولأبناءك ولكل من حولك ناهيك بتفضيل الله سبحانه لطالب العلم

على العابد فحتى الحيتان في البحر تدعوا له فالعلم يبقى والمال يفنى . فهذا أبوهريرة رضى الله عنه من فقراء

الصحابه حتى أنه يسقط من الجوع كالمغمى عليه فأسألك بالله هل يجري لأبي هريرة ذكر بين الناس في عصرنا

أم لا ؟ نعم يجري كثيرا وله أجر من انتفع باحاديثه

ولكي لا أطيل أخي أسأل الله لك وللجميع التوفيق

[مناااااير]

ارتاح هالترم بس
والترم الجاي انشالله كمل وادرس
بس نصيحه لاتخلي الدنيا تلهيك عن دراستك

الدراسه الجامعيه لها دور كبير بحياتك وبوظيفتك وبكل شي


الله يوفقك ويسهلك يارب ويرزقك رزق طيب

[(كـبـريـآء)]

هاااه وش قررت عسى الله هداك وبتكمل ...؟؟
:(107):

[عيون ALmaha]

يابوراكان ورطتنا معك قلت لك فكرت بترك الجامعة وبعدين انا وانت خلاص اخذنا من الدراسة مااكفنا والاختبارات وبهذلة وصلنا مرحلة ماعاد نتحمل فى مجال عملنا فقعوا روسنا تكفينا اختباراتنا



اخوي صالح بما ان لك تأثير على ابو تركي أكيد تقدر تعيد له ثقته بنفسه

بعدين ياخوي والله كلنا عندنا ضغط من العمل والبيت بس الطموح وانا اختك

والخيرة فيما اختاره الله

تقبل اقتباسي بود

[عيون ALmaha]

لي كلمة لو تكرمت:

التحقت الجامعة برغبتك ام تقليد لبعض ناس :(269):

تذكر ان كثييييير يتمنى ما وصلت له ويعتبره نجاح باهر

فلم التخاذل...!!!



هذِهِ الوصِيَّةُ الشَّرِيفَةُ تَدُلُّ عَلى شَرَفِ طَلَبِ الْعِلْمِ .

وَجَاءَ في حَدِيثِ أَبي الدَّرداءِ رَضِيَ اللهُ عَنْهُ قَالَ : سَمِعْتُ رَسُولَ اللهِ صَلى اللهُ عَليهِ وَسَلَّمَ يَقُولُ : « مَنْ سَلَكَ طَرِيقاً يَلْتَمِسُ فِيهِ عِلْماً سَهَّلَ اللهُ لَهُ طَرِيقاً إِلى الْجَنَّةِ ، وَإِنَّ المَلائِكَةَ لَتَضَعُ أَََجْنِحَتَهَا لِطَالِبِ الْعِلْمِ رِضاً بِمَا يَصْنَعُ ، وَإِنَّ الْعَالِمَ لَيَسْتَغْفِرُ لَهُ مَنْ فِي السَّمَواتِ وَمَنْ في الأَرْضِ حَتَّى الْحِيتَانِ فِي المَاءِ ، وَفَضْلُ الْعَالِمِ عَلى الْعَابِدِ كَفَضْلِ الْقَمَرِ عَلَى سَائِرِ الْكَوَاكِبِ وَإِنَّ الْعُلَمَاءَ وَرَئَةُ الأَنْبِيَاءِ ، وَإِنَّ الأَنْبِيَاءَ لَمْ يُوَرِّثٌوا دِينَاراً وَلا دِرْهَماً وَإِنَّمَا وَرَّثُوا الْعِلْمَ ، فَمَنْ أَخَذَهُ أَخَذَ بِحَظٍ وَافِرٍ » .

أخرجه أبو داوود والترمذي وابن ماجه وابن حبان في صحيحه والبيهقي .


تقبل مروري بود

[saleh1999]

لي كلمة لو تكرمت:

التحقت الجامعة برغبتك ام تقليد لبعض ناس :(269):

تذكر ان كثييييير يتمنى ما وصلت له ويعتبره نجاح باهر

فلم التخاذل...!!!



هذِهِ الوصِيَّةُ الشَّرِيفَةُ تَدُلُّ عَلى شَرَفِ طَلَبِ الْعِلْمِ .

وَجَاءَ في حَدِيثِ أَبي الدَّرداءِ رَضِيَ اللهُ عَنْهُ قَالَ : سَمِعْتُ رَسُولَ اللهِ صَلى اللهُ عَليهِ وَسَلَّمَ يَقُولُ : « مَنْ سَلَكَ طَرِيقاً يَلْتَمِسُ فِيهِ عِلْماً سَهَّلَ اللهُ لَهُ طَرِيقاً إِلى الْجَنَّةِ ، وَإِنَّ المَلائِكَةَ لَتَضَعُ أَََجْنِحَتَهَا لِطَالِبِ الْعِلْمِ رِضاً بِمَا يَصْنَعُ ، وَإِنَّ الْعَالِمَ لَيَسْتَغْفِرُ لَهُ مَنْ فِي السَّمَواتِ وَمَنْ في الأَرْضِ حَتَّى الْحِيتَانِ فِي المَاءِ ، وَفَضْلُ الْعَالِمِ عَلى الْعَابِدِ كَفَضْلِ الْقَمَرِ عَلَى سَائِرِ الْكَوَاكِبِ وَإِنَّ الْعُلَمَاءَ وَرَئَةُ الأَنْبِيَاءِ ، وَإِنَّ الأَنْبِيَاءَ لَمْ يُوَرِّثٌوا دِينَاراً وَلا دِرْهَماً وَإِنَّمَا وَرَّثُوا الْعِلْمَ ، فَمَنْ أَخَذَهُ أَخَذَ بِحَظٍ وَافِرٍ » .

أخرجه أبو داوود والترمذي وابن ماجه وابن حبان في صحيحه والبيهقي .


تقبل مروري بوداشكرك بجد وانشالله بنكمل مجرد تفكير وبنشوف حنا غالين اولا عندكم

[عيون ALmaha]

كل طلاب العلم غالين علينا فما بالك بمن ارتبط واثقل على كاهلة ضغوط الحياة اضافة الى حب العلم


فالنا وفالك النجاح والتوفيق

وربي الدنيا سهلة لا تصعبونها عليكم وعلينا

[saleh1999]

كل طلاب العلم غالين علينا فما بالك بمن ارتبط واثقل على كاهلة ضغوط الحياة اضافة الى حب العلم


فالنا وفالك النجاح والتوفيق

وربي الدنيا سهلة لا تصعبونها عليكم وعلينافالك التوفيق والنجاح بالدارين

[الوحيدهـ*]

لو اجلت الدراسه اغسل ايدك ترجع لها فشوف نفسك واستخير والله الدراسه خير من جلسه الاستراحه واطلب العلم احتسابا للاجر وربك بيبارك لك في وقتك بأذن الله
والله خالي متزوج ثنتين وزحمممممه وقت وعمل ودراسته انتظام ويداوم خلص دبلوم في كليه التقنيه وطلع من الاوائل
ورجع كمل في جامعه الملك فهد هندسه ماشاء الله لا اله الا الله ومستواه ممتاز وبيتين وماشاء متطلبات حياتيه وماشي يبي لها وزنيه وتركيز وحب لطب العلم وربك ييسرها باذن الله

[فلسفة..~]

لو اجلت هالترم راح تااجل بعديين ومااراح تكمل
صدقني الايااام مو بس تمشي الا تركض
عن نفسي مو مصدقه اني بمستوى 4 يعني بقى لي نص المشوار الحممدلله
وعقبالك ي رب نشوفك هينا بالملتقى وباخر مستوى
والف الحممدلله دراستنا مريحه وماهي متعبه
واذا ع النفسيه وع التاجيل خذ لك شهر والا شهرين
واعط احد يحمل لك محاضراتك ويحل واجبااتك عشان مايفوتك شي
لمن تتحمس اشوي للدراسه
موضوعك يااخوي زدني طمووح وحماس بكل رد يحمس
وانا ضد اللي قالوا لك اجّل:017:
اتمنى هالموضوع يكون تاثيرره اقوى من saleh 1999:biggrin:
الله يووفقك يااخوي
ويوفق االلي ردوا ويسهل امووركم ي رب

[عمدة المنتسبين]

أخي أبو راكان

أولاً أحييك وأرحب بك وأرجو أن تقبّل لي ( راكان ) لأنه يحمل اسم ابني الأصغر أصلح الله الجميع

ثانياً .. أرجو أن لاتستسلم لليأس والإحباط مهما كانت مشاغلك ومهامك مادمت تملك - بفضل الله - الصحّة والرغبة والطموح

يبدو أنك - ماشاء الله - في ربيع عمرك المديد - بعون الله - فماذا تقول عن ( عمدتكم ) الذي يعيش خريف العمر ومع ذلك أنتظر الموافقة النهائية على انتسابي ؟!!

أرجو أن تنظّم وقتك وتعيد حساباتك وتستعد للأفضل
خفّف من ساعات الأصدقاء والشلّة والاستراحة واللهو - إن وجد - !!!

واجعل من نفسك قدوةً لراكان وإخوته ليجعلوا من طموحك ومثاتبرتك نبراساً لهم في المستقبل

صدّقني - أيها الغالي - أنني لا أتوجه لك بالنصيحة بل أطلبها منك لكن حرصي دعاني لهذه الحروف

تقبّل محبتي واعتزازي

وأسأل الله لك الثبات نحو مستقبلٍ أفضل !

ولا تنس :

( ومن يتهيّب صعود الجبال @@ يعش أبد الدهر بين الحفر )

و

( لاتحسب المجد تمراً أنت آكله @@ لن تبلغ المجد حتّى تلعق الصبرا )

[عمدة المنتسبين]

أخوي الأخوان والأخوات ما قصروا فوق كفوا ووفوا إن شاء الله


لكن كل اللي بقوله لك لا تخلي عزيمتك تفتر ولا تبدأ عامك الدراسي بتشاؤم وإحباط

والسنين تركض مثل لمح البصر يعني بالعامية غمض عين وفتحها تلاقي نفسك متخرج بإذن واحد أحد

فلا تأجل ترم ولا تعطي فرصة للإحباط والكسل أنها تخرب عليك مخططاتك وترى دراستنا عن بعد ماهي بصعوبة الإنتظام

ما يحتاج لها بحوث و استبيانات ولا تسجيل الحضور والغياب ولا ولا ولا أشياء كثيرة

إحنا هنا في نعمة كبيرة ولله الحمد والمنة تقدر تعدي فيها بإذن الله مهما كانت مشاغلك

ولا يبي لها الا توفير القليل من الوقت يوميا فصبر نفسك وحثها على المواصلة والمثابرة وذكرها بالنتيجةالمرضية و القريبة بإذن الله


الله يوفقك ويدلك إلى كل ما يحبه ويرضاه







أختي وابنتي ( خمائل الورد ) كلما قرأت لك ازددت إعجاباً بمدى وعيك وفكرك وعقلك
رعاك الله وأكثر من أمثالك

[مناااااير]

بالضبط

كلامهم صحيح

خلك من الي يحطمونك

[Heli-Pilot]

والله يا اخوي ابو راكان ما ازيد على كلام الاخوان والأخوات اللي ردودهم تشرح الصدر وتقوي العزيمه



يا عزيزي الغالبيه منا متزوجين وموظفين وعندهم عيال ومشاغل (الى قبل)

لكن صدقني ٩٠٪ من مشاغلنا بس نفسياً والا على ارض الواقع مافيه شي

يعني بجدول الدوام صدقني بالغالب ساعه او ثنتين هذي اللي نشتغل فيها والباقي تكيه وسوالف مع الزملاء

وبالجدول اليومي مع الاهل ساعه او ثنتين نخلص اغلب الشغلات

وباقي الوقت استراحه وضحك وبلوت مع الاصدقاء

فلو الواحد استفاد من وقته لو نص ساعه يومياً ( ومو كل يوم بعد)

لو مسويين هذا الشي من زمان كان امدانا اخذنا الدكتوراه

بعدين احسن شي بهالدراسه عن بعد انك تقدر تدرس باي وقت واي مكان الامور متيسره اللهم لك الحمد ، اغلب الناس ( اذا مو كلهم) عنده لاب توب واي فون وآي باد.

[bebo0osh]

اخوي الكريم لاتخلي احد يأثر عليك ولا يحبطك ولا يحسسك بعدم أهمية الدراسه لسنك ولا لوضعك ولا ولا... الاغلبيه عندهم مشاغل لكن عندهم عزم وطموح وتفائل بالمستقبل ..

انا متزوجه وعندي اطفال وضغـــــــــــــــــــــــــــــــــط وكل سنه اقول الي بعدها لحد ماشفت اولادي جالسين يكبرون وانا على موضوع التأجيل بحجة ماعندي وقت ولا تعب لكن قررت هالترم اقدم واترك سالفة كل سنه بقدم بس ماقدر اكتشفت ان السنين تمضي وانا محلك سر :bawling:

حتى لو الانسان مو محتاج للشهاده كفايه قدام نفسه و اولاده عنده شهاده جامعيه تخليه قدوه لهم وتخليهم يفتخرون فيه اكثر واكثر احنا في وقت الناس تشتغل على الماجستير والدكتوراه ماتوقف عند البكالوريس بس ...في زمن الي ماعنده بكالوريس كأنه مادرس شي بحياته ..
حتى لو عندك وظيفة تغنيك عن الشهاده تبقى الشهاده فخر لك واعتزاز اكثر بنفسك وزي ماقلت دافع لاولادك بالمستقبل بعد .. كل شي بالتنظيم والترتيب يصير والسنين مثل ماانت شايف غمض فتح الا خلصت الاربع سنين

وعلى فكره حتى زوجي سويت له غسيل مخ واقنعته يسجل الترم الجاي :biggrin:
الحمدلله مع انه مو محتاج ابدا للشهاده وحتى لو اخذها لا راح تقدم ولا تاخر بوظيفته وشغله ضغط ودوام يجيب المرض :icon9:
مع ان كان ودي يسجل معاي هالترم علشان استغله بوقت الاختبارات بدل مااجيب مدرسة خصوصيه ههههههههههه<<< اجرام :33_asmilies-com:

كلمة للاخ saleh 1999 :41jg: بس خلاص خلصت كلمتي :biggrin:

الله يوفق الجمييييييع ياااااااااااارب :106:

[Student 2010]

ابو راكان .. سجل مواد تحس انها خفيفة على قلبك وعلى بال ما تجي الامتحانات راح يتغير مزاجك وتحمد ربك انك مافوت الوقت والفرصة .. واذا انت ددسن لا تغلبك الهايلوكس :119:

[هــدوء ملكــه]

والله حتى انا مثلك بس عقب كلالام اخواني واخواتي رااااح اكممل انشالله واجييب معدل وانت كممل اللهم اشررح صدوورنا للمذاكرره ويوفقنا يارب وييسرلنا كل مايصععب عليينا:love080::love080::love080:

[بنت الداود]

شدعوه أبو رآكآن مآخبرتك تستسلم على طول

كلها ثلاث سنوات ونص ومخلص

الكل عندهم ضغوط و مسؤليه طلبتك استخير و ي ليت لو تستمر معانا

[أم سمون]

أخوي نصيحة مني كمل دراستك يعني بالله بلا دراسة وش راح تسوي كلها عدة أسابيع هي إلي يبيلك

تشد حيلك والله راح تمر بسرعة مثل البرق وخل عنك زميلك بكرة يسألك وش صار مع الجامعة إلا أنت تقول

الحمدالله تخرجت توكل على الله وشد الهمة وترى هالدفعات إلي بالمنتدى والله ماراح تلاقي مثل تعاونهم

معك شد الهمة وأنا أختك والله يوفقك :53:

[L,v]

قال تعالى ..: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.


يارب يسر امووورك ويوووفقناااا ..)~

[شبيــه آلــريح ،]

فديت الاخوان والاخوات والله ينشد فيهم الظهر :53:
تعال يابو راكان تعال اقرب ماني بأكل :tongue:
علمني وش وراك وش عندك ، نفسيه كلنا نواجه هذي الحال وربي بعض الاحيان ودك تنتحر مو تترك الجامعة
بس الحمد الله سجلنا في الجامعة لكِ نطور من أنفسنا ومن مستوياتنا الوظيفهـ
وتذكر دائماً ان الناجحون فقط هم من يتغلبون على المصاعب ويصلون الي اهدافهم اللي رسموها لانفسهم والفاشلون هم من يسقط من اول الطريق وانا اظنك من الناجحين .. !
وبعدين اذا خويك راح انا موجود وشفني اشاور لك بيدي واقول اجلس معانا :biggrin:


في الأخير اقول
*لا يدرك النعيم بالنعيم
*ومن اردا العلى سهر الليالي
*والعلم يبني بيوتاً لا عماد لها

وسلامتكم

[أبـــو راكـــان]

السلام عليكم ورحمة الله وبركاته

أتخذت قرار نهائي بعد استخارة , للعودة لاكمال مسيرتي التعليميه
وباذن الله بكمل المشوار معكم وبسجل مقرراتي الأسبوع القادم

بكل صراحه أفتخر بكم ياثوار العلم طلاب وطالبات جامعة الملك فيصل
أثلجتم صدري بردودكم العقلانية التحفيزية النابعه من قلوب محبـــــــــــــــــــــــه
وأيآدي بيضاء حملت بأكفها أصرار وعزيمــــه وطموح لاحــد لـــه ..

من باب من لم يشكر الناس لم يشكر الله !!
في البدايه أشكر الله عز وجل ثم أشكركم فردأ فردآ أسمأ أسمآ
كما أحمد الله الذي وهبني زملاء أمثالكم (شرواكم)

فتعجز الكلمات والسطور تقف عن وصف ما أشعر به ..
ربما لأنها تشعرني بقصورها وعدم أيفائها حق من أشكره ..
وربما تـــداخلت الحروف والكلمات وربما عجــــز اللسان ..
ولكن القلب دائما يكون الأصدق فلكم مني كلمات نسجها قلبي لكم ..
أشكر كل من ساهم في رفع معنوياتي وتخفيف معناتي ..
أشكر كل من أخذ بيدي وحاول تغير قراري ..
أشكر كل من سأل عني وخصني بدعواته ..

أخواني أخواتي تقبلو تحياتي وأحترامي وتقديري
أدام الله عزكم ودام عطاؤكم فوالله ماقصرتوا كفيتم ووفيتم
أرجو أن أكون عند حسن ظنكم بي .. وجزاكم الله خير وكثر من أمثالكم .

[عيون ALmaha]

زيييييين ماراح تعبنا عبث يابوراكان
:d5:

عوداً حميدا


وبنفس الوقت :41jg: لأعاد تعيدها روعت الورعان :017:
:cheese:
:cheese:

تحياتي

[أبـــو راكـــان]

الله لا يضيع تعب أحد فيكم .. لاهنتوا
الحمدلله أنك مانتي مدرسه كان فصولك بسبة السوط اللي بيدك :biggrin:

[saleh1999]

السلام عليكم ورحمة الله وبركاته

أتخذت قرار نهائي بعد استخارة , للعودة لاكمال مسيرتي التعليميه
وباذن الله بكمل المشوار معكم وبسجل مقرراتي الأسبوع القادم

بكل صراحه أفتخر بكم ياثوار العلم طلاب وطالبات جامعة الملك فيصل
أثلجتم صدري بردودكم العقلانية التحفيزية النابعه من قلوب محبـــــــــــــــــــــــه
وأيآدي بيضاء حملت بأكفها أصرار وعزيمــــه وطموح لاحــد لـــه ..

من باب من لم يشكر الناس لم يشكر الله !!
في البدايه أشكر الله عز وجل ثم أشكركم فردأ فردآ أسمأ أسمآ
كما أحمد الله الذي وهبني زملاء أمثالكم (شرواكم)

فتعجز الكلمات والسطور تقف عن وصف ما أشعر به ..
ربما لأنها تشعرني بقصورها وعدم أيفائها حق من أشكره ..
وربما تـــداخلت الحروف والكلمات وربما عجــــز اللسان ..
ولكن القلب دائما يكون الأصدق فلكم مني كلمات نسجها قلبي لكم ..
أشكر كل من ساهم في رفع معنوياتي وتخفيف معناتي ..
أشكر كل من أخذ بيدي وحاول تغير قراري ..
أشكر كل من سأل عني وخصني بدعواته ..

أخواني أخواتي تقبلو تحياتي وأحترامي وتقديري
أدام الله عزكم ودام عطاؤكم فوالله ماقصرتوا كفيتم ووفيتم
أرجو أن أكون عند حسن ظنكم بي .. وجزاكم الله خير وكثر من أمثالكم .
يوم السبت اسوى لك غسيل مخ انشاالله ههههههههه الى الامام زنقة زنقة بيت بيت لطلب العلم يابوراكان

[أبـــو راكـــان]

يوم السبت اسوى لك غسيل مخ انشاالله ههههههههه الى الامام زنقة زنقة بيت بيت لطلب العلم يابوراكان


الحين لو تجيب معك خرطوش الدفاع المدني ماينفعك :biggrin:
المعنوية تب بس عطنا الملازم أبذاكر :(269):

[saleh1999]

بنحدد المقررات ومعنا شهرين يابوراكان نشوف وش ترسى علية الامور

[عيون ALmaha]

الله لا يضيع تعب أحد فيكم .. لاهنتوا
الحمدلله أنك مانتي مدرسه كان فصولك بسبة السوط اللي بيدك :biggrin:



هههههههههه والله ما انفصلو اللي درسونا من اول


وعشان كذا اكره التدريس والله لا يكتبه علي ولو بعد حين


تقبل اقتباسي بود

[المسآفرة]

الحمدلله اخوي انك رجعت عن قرارك

وخذها مني نصيحه .. اذا تعودت انك تتراجع عن امور مهمه بمصيرك
رآح تصير عآده لك
وراح يصير عزمك ضعيف لامور كثيره بالحيآه
والحياه يآخوي مليئه بالصعآب
فـ من الضروري نعود النفس على تحمل الكثير من الصعآب
وخليك دائما قد الضروف تحدي الفشل بكل قوة
ولاتدع التأثيرات المحيطه بك َ تسيطر عليك ...
أو تقلل من عزمك ..

نحن هنآ أسرة وآحده نفرح لمن يدخل عآلمنا
ونحزن كثيرآ على فراقه ..

بتراجعك عن قرارك حفزت الجميع ..
وجعلت لدينا رغبه ان نحذو حذوك ..
ودائما اذا قررت بانهاء تعليمك الجامعي والانسحآب منه ..
تذكر من هم حولك ..
ناس ظروفها اصعب من ظروفك ..
وكملوا تعليمهم بكل جد واجتهاد ..

والشهاده وانا اختك مو شرط انو يكون لها عائد مادي عليك ..

اهم شئ تصبح انسآن متعلم وصل بفتره قصيره وبظروف قاسيه الى درجات من العلم .. لم يصل اليها غيره
ومن هم برفاهيه .. ومن هم بظروف متيسره ..

أخوي فرحتُ كثيرا ,, وسعدت ُ
بقرارك النهائي

وتذكر ان الله خير معين لي ولكَ وللجميع

ومن توكل على الله فهو حسبه

:

أتمنى لك مزيدآ من التوفيق والنجاح :106:

[أبـــو راكـــان]

بنحدد المقررات ومعنا شهرين يابوراكان نشوف وش ترسى علية الامور




أن شاءالله ترسي ع خير بس شد حزامك ..
لاهنت ..

[ReeO]

رايي لاتستعجل وتنسحب على طول اذا مره مالك نفس اعتذر ترم وارتاح وبعدها شوف وضعك :119:

[أبـــو راكـــان]

الحمدلله اخوي انك رجعت عن قرارك



وخذها مني نصيحه .. اذا تعودت انك تتراجع عن امور مهمه بمصيرك
رآح تصير عآده لك
وراح يصير عزمك ضعيف لامور كثيره بالحيآه
والحياه يآخوي مليئه بالصعآب
فـ من الضروري نعود النفس على تحمل الكثير من الصعآب
وخليك دائما قد الضروف تحدي الفشل بكل قوة
ولاتدع التأثيرات المحيطه بك َ تسيطر عليك ...
أو تقلل من عزمك ..

نحن هنآ أسرة وآحده نفرح لمن يدخل عآلمنا
ونحزن كثيرآ على فراقه ..

بتراجعك عن قرارك حفزت الجميع ..
وجعلت لدينا رغبه ان نحذو حذوك ..
ودائما اذا قررت بانهاء تعليمك الجامعي والانسحآب منه ..
تذكر من هم حولك ..
ناس ظروفها اصعب من ظروفك ..
وكملوا تعليمهم بكل جد واجتهاد ..

والشهاده وانا اختك مو شرط انو يكون لها عائد مادي عليك ..

اهم شئ تصبح انسآن متعلم وصل بفتره قصيره وبظروف قاسيه الى درجات من العلم .. لم يصل اليها غيره
ومن هم برفاهيه .. ومن هم بظروف متيسره ..

أخوي فرحتُ كثيرا ,, وسعدت ُ
بقرارك النهائي

وتذكر ان الله خير معين لي ولكَ وللجميع

ومن توكل على الله فهو حسبه

:

أتمنى لك مزيدآ من التوفيق والنجاح :106:




أختي المسآفرة كلام جميل .. وبأذن الله لن أن أرتجل عن صهوهةجوادي الا معي شهادتي الجامعيه :biggrin:
وانتي من الناس اللي لهم فضل علي بعد الله فى مواصلتي تعليمي .. لاهنتي ..

[أبـــو راكـــان]

رايي لاتستعجل وتنسحب على طول اذا مره مالك نفس اعتذر ترم وارتاح وبعدها شوف وضعك :119:


أخوي وضعي زين وأن شاءالله بكمل المشوار ..
شاكر لك تواجدك .. :106:

[سمو الإحساس]

وعليكم السلام ورحمة الله وبركاته

وكل عام وانت بصحة وسلامة ان شاء الله

اولا ماذكرت لنا هل انت مستجد او غير مستجد

ادا كنت مستجد فتاكد اننا كلنا مرينا بالمرحلة هذي بعد التسجيل والسبب هو التفكير بمدة الدراسة وطولها والعقبات اللي ممكن نواجهها وقت الدراسة وكثير من المحبطات اللي تدفعنا للتفكير جديا بمثل هذا القرار ،،
ولكن الاصرار وتحدي الذات دفعنا للمواصلة وعدم النظر الى البعيد والتركيز على القريب ، بمعنى انك تركز تفكيرك على المستوى اللي انت فيه ويكون جهدك منصب للانتقال للمرحلة اللي بعدها او المستوى اللي بعده ولا تفكر ابدا في التخرج في الوقت الحالي ، واعتبر نفسك في مراحل حسم واستمرارك هو لكشف قدراتك على تجاوز كل مرحلة ، واعتبر هذا هو الدافع لك للاستمرار واثبات قدراتك ،،

اما اذا انت درست حتى لو فصل دراسي واحد وانتقلت سواء للمستوى الثاني او الثالث او غيره ففكر بوقتك وجهدك ومالك اللي بذلته واعتبر انتقالك لأي مرحلة جديدة بمثابة المحفز لك للاستمرار والمواصلة ،،

مثل ماذكرت لك لاتفكر الا بالمستوى اللي انت فيه وركز تفكيرك عليه وحاول تثبت لنفسك انك قادر على تجاوز هذا المستوى ، بدون ماتشتت ذهنك في المستويات الثانيه او التخرج لأن هذا راح يوصلك للاحباط ،،

او قسم دراستك لثلاث مراحل :

المرحلة الاولى : (المستويين الأول والثاني ) واعتبر لهم شهادة مرحلة انت تمنحها لنفسك بعد ماتتجاوزهم وضروري تأجل أي فكرة انسحاب الا بعد ماتنهي المرحلة هذي .. على الأقل حتى لو قررت الانسحاب بصورة نهائية تكون وصلت لقناعة انك قوي الارادة وبامكانك الوصول الى شي انت تحب توصل له .

المرحلة الثانية : ( المستويات من الثالث الى السادس ) : ونفس التحدي اللي دخلت فيه مع نفسك بالمرحلة الاولى ادخله مع نفسك في المرحلة الثانية بشرط انك ماتفكر بالانسحاب نهائيا الا بعد ماتنهي هذي المرحلة ،

والمرحلة الثالثة : ( المستويات السابع والثامن ) : اذا وصلت للمرحلة هذي فاعتقد مافيه خيار قدامك الا المواصلة والتفكير بالتخرج وان شاء الله يكون لأنك قدرت تتغلب على كل المعوقات بالوصول لمرحلة التخرج .


وبالتوفيق ان شاء الله لك ولنا .