دراسات إسلامية - المستوى الأول [الأرشيف] - ملتقى طلاب وطالبات جامعة الملك فيصل,جامعة الدمام

ترتيلة مطر

2011- 9- 6, 06:09 AM

السلام عليكم ورحمة الله

طلاب دراسات إسلامية - المستوى الأول - حياكم
و ياليت نشوف طلاب المستويات المتقدمة يعطونا نصايح وأشياء فادتهم
نبي نستفيد من خبرتهم :119:

النظام جديد علي وأحس ضايعه :icon9:

يارب توفقنا

أحساس روح

2011- 9- 6, 07:37 AM

وانا معك ترتيلة مطر اضم قلمي لقلمك
واقولهم الله الله فينا لاتنسونا من اي معلومه عندكم اسدحوها هنا تراها تفيدنا
وربي اني سجلت ماعرف شي و24ساعه وانا مرتزه هنا والحمدلله اخذت من الملتقى الرائع معلومات مهمه ومفيده
واطمع بالمزيد

استغفرالله2

2011- 9- 6, 09:28 AM

وانا معاكم بعد
بسأل عن المحاضرات شلون طريقتها والواجبات
احس بلخبطة:sdfgdsf:

ام عبدالرحمن21

2011- 9- 6, 09:57 AM

يعطيك العافيه على الموضوع الرائع
وانا اضم صوتي لكم وان شاء الله كل اخوانا واخواتنا بالدراسات يساعدونا

سكيتلز

2011- 9- 6, 11:03 AM

السلام عليكم ،، أحبابي أنا سجلت دراسات إسلامية ومحتار مدري أحس ما فيه طلاب كثيير في نفس القسم أو إنه كلهم شيبان ،، أنا أحب التخصص مع إنى ماني مطوع بس عاد أبي شوركم؟؟؟:(107)::(107)::(107):

ام عبدالرحمن21

2011- 9- 6, 12:19 PM

سكيتلز
مبروووك القبول وحبيت اصحح
ملتزم وليس ~>مطاوع
تقدر تجرب التخصص واذا ماعجبك تغيرة
والمعروف اول شي تدرسه مواد التحضيري
واذا خايف استخير وان شاء الله مايجيك الا كل خير
والله يوفق الجميع

ترتيلة مطر

2011- 9- 6, 09:47 PM

الحين اللي فهمته أن مواد التخصص ماتبدأ ألا من المستوى الثالث تقريباً
المحاضرات تحملينها من الموقع ويحسب لك درجاته
الواجبات والمشاركة بقسم الحوار عليها درجاتها
كل هذا عليه 30 درجة

إذا معلوماتي فيها خطأ ياليت أحد يوضح لنا

بس ودي أحد يقول عن مستوى التخصص سهل صعب أبي مستواه بشكل عام

أحساس روح

2011- 9- 6, 10:53 PM

ياليت اللي سبق لهم ودخلو القسم يقولون لنا عن كل شي من المحاضرات من الواجبات وكان عندهم نماذج لاسئلة الاختبارات يحطونها هنا علشان نذاكر على طريقة الاسئله

عشق القصيد

2011- 9- 6, 11:14 PM

سلام ياحححلوين ~
امرو وش بغيتو تعرفون :biggrin:

أحساس روح

2011- 9- 6, 11:59 PM

هلابك عشق القصيد
ماعليك امر اذا عندك نموذج لاسئلة المقررات ياليت تحطينها لنا
علشان نفهم طريقة الاسئله ونذاكر على هالاساس

عشق القصيد

2011- 9- 7, 12:05 AM

احساس هلا فيك
والله ماعندي بس كلها خيارت يعني
يعني الامور سهله ان شاء الله 70 فقره عالورقه
و30 بيدك قبل لا تختبرين بس عندك الارشيف يمكن تلاقين فيه ~ او منتدى النقاش
موفقه :mh318:

عشق القصيد

2011- 9- 7, 12:09 AM

بااك :biggrin:
لقيت لك اسئله لي فقه السيره شوفيها
بالتوفيق يارب ~
http://www.fuimi.org/vb/showthread.php?t=3853&page=1

حورmiss

2011- 9- 7, 12:29 AM

بااك :biggrin:
لقيت لك اسئله لي فقه السيره شوفيها
بالتوفيق يارب ~
http://www.fuimi.org/vb/showthread.php?t=3853&page=1 (http://www.fuimi.org/vb/showthread.php?t=3853&page=1)

يالبى الاجتهاد تشكرين عليه بس اظن ان اسئلة الفقه السيرة ليست من مقرارتنااا بس حبيت انوة عشان مايحصل تشتيت .. فالله الله يسعدك نبي نماااذج من مقرارتناااا

دمتي لناااا

حورmiss

2011- 9- 7, 12:33 AM

هلابكم زميلاتي الله يحفظكم جميعااا اتمنى ان حنااا نتعون لان هذا شئ جديد علينااا وصايرة حقيقه مرة افهم ومرة يتشتت فهمي من كثر المواضيع المطروحهه للاستفسار من قبل الاعضاء الله يحفظهم

ودمتم بخير

عشق القصيد

2011- 9- 7, 12:34 AM

طيب عطيني اسم الماده واجيبها لك ططال عمرك :biggrin:

حورmiss

2011- 9- 7, 12:52 AM

طيب عطيني اسم الماده واجيبها لك ططال عمرك :biggrin:
الله يطول لنااا بعمرك بطاعته وحسن عبادته نبي انجليزي عقيدة او اللياقه ,,, وو لالا خلاص ماب اضغط عليك :33_asmilies-com:

حورmiss

2011- 9- 7, 12:53 AM

بنات الهمااام نبي جروبنااا دائما اب للاستفادة والافادة :d5:

عشق القصيد

2011- 9- 7, 12:57 AM

http://kfuforums.kfu.edu.sa/showthread.php?t=126819
http://www.***********/vb/showthread.php?t=8366
اتفضلي ياقمر اسئله الصحه واللياقه
لا تحرمينا من دعواتك الطيبه ~ :biggrin:

حورmiss

2011- 9- 7, 01:02 AM

** اسئله كثيرة تدور في مخيلتي من زود الحرص طبعااا اتمنى الاقي لها اجااابه

اولهااا هم السداد والطباعه>> فا هل فيه سداد جديد عن طريق الهاتف او الصراف يريحناا من عناء المشاوير والمطاليب

سؤال اخر نسمع عن منتدى المناااقشه هذا اين موقعهة بالضبط هل هو موجود في ايقونه البلاك بورد

سؤال اخر ولا اقول لم يفتح البلاك راح اطرحة بأذن الله

اهااا نسيت اقول اني دائما في خوف من انقطاااع النت لسبب او بدون سبب فهذا اعتبرة سقوط محتم لانه يعتمد على النت اعتماد كلي حتى من نااحيه الدرجات

حورmiss

2011- 9- 7, 01:05 AM

:106:http://kfuforums.kfu.edu.sa/showthread.php?t=126819
http://www.***********/vb/showthread.php?t=8366
اتفضلي ياقمر اسئله الصحه واللياقه
لا تحرمينا من دعواتك الطيبه ~ :biggrin:

يالبى قليبك .. والله اني محرجه:bawling:

الله يبااارك فيك :106::106:

عشق القصيد

2011- 9- 7, 01:06 AM

^
شوفي السداد خذي دراهمك واطبعي الوصل من الخدمات الطلابيه وخلي نسخه عندك احتياط طبعا ~
وارسليه للجامعه
ومنتدى النقاش انا سمعت فيه منتدى جديد بس مو متاكده للحين بس اذا كان الاولي فهو في البلاك بورد
كل ماده ولها منتدى خاص فيها ~
وانقططاع النت الله يعينك حاولي تجددينها بين كل فتره وفنره ولا اشتري لك كونكت خاص للجامعه ~
والله يوفقك

عشق القصيد

2011- 9- 7, 01:07 AM

حااضرين للحلوين :mh318:

المنصور

2011- 9- 7, 01:36 AM

خطوه بخطوه وخلي لين يرسلون الرقم السري وراح تدخلي علي النظام

وكل شي موجود هناك وارجو من الله لكي التوفيق

خمائل الورد

2011- 9- 7, 02:08 AM

السلام عليكم ورحمة الله وبركاته

هلا بالغالين حبيت في البداية أبارك لكم بالقبول :53:

ويامرحبا وسهلا فيكم أنتم هنا بين أهلكم وناسكم :love080:

وفي هالمنتدى باذن الله ما يضيع أحد أي استفسار أو مسألة تطرطع في رؤؤسكم على قولتكم اسدحوها هنا :biggrin:

وما بتطول مسدوحه الا وهي فازة ومحلولة :hahahahahah:

المحاضرات مثل ما تفضلت الاخت عشق القصيد تنزل في البلاك بورد كل اسبوع محاضرة لكل مادة

وهذي طبعا المحاضرات المسجلة واللي على تحميلها عندك في الجهاز خمس درجات

وعلى فكرة لو حملتي المحاضرات أول بأول راح تذاكرينها من جهازك يعني مو مضطرة تفتحين النت

الا لحل الواجب أو المشاركة في منتدى الحوار أو الاستفسار في هالمنتدى يعني ما أقول لك النت ماهو بضروري لا بالعكس

وجوده ضروري جدا بس فيه تخفيف عليه بوجود المحاضرة عندك بالجهاز :(204):

فما عليك الا تحميلها والاستماع لها اسبوعيا مع متابعتها في ملزمة المادة أو ملخصها اللي بتلاقينه باذن الله هنا :(204):

والخمس درجات الباقية من عشر درجات على تحميل المحاضرات أو حضورها على النت تجي من حضور المحاضرات المباشرة

وهي عبارة عن ثلاث محاضرات لكل مادة طبعا عددها مو ثابت بعض المواد ينزل لها أربع على حسب الدكتور :(269):

انتي بس تابعي مكان المحاضرات المباشرة في البلاك بورد لكل مادة دائما وتعرفين اذا نزل شيء او لا

ولها جدول خاص فيها يحدد موعد نزولها بالتاريخ والوقت مع الدكتور الخاص في هالمادة اللي بتنزل لها المحاضرة

ولو صار وما قدرتي تحضرينها مباشرة فبامكانك تحميل تسجيل المحاضرة المباشرة وهنا يسجلك الكمبيوتر تلقائيا حاضرة وبالتالي حصلتي على العشر درجات الخاصة بالمحاضرات :53:

والعشر درجات الخاصة بالواجبات في كل مادة من موادك بالبلاك بورد تلاقين مكتوب على جنب الواجبات

وهي الواجبات الخاصة بها المادة تنزل ثلاث واجبات في الترم لكل مادة وممكن تكون أكثر أو أقل

أنتي تابعي قسم الواجبات وتعرفين اذا نزل واجب او لا وطريقة حله سهلة أما من ملزمتك أو ملخصلك الخاص بالمادة

أو من هنا بالمنتدى الزملاء الله يعطيهم العافية ينزلون الحل اول باول وبحلها تكونين قد حصلتي على هالعشر درجات :119:

والعشر درجات الثالثة على حد علمي الى الآن من منتدى الحوار لكل مادة في البلاك بورد

تحاولين تشاركين في كل مادة أقل شيء 14 مرة مناقشة أو سؤال أو مشاركة

وهنا تكونين حصلتي على الـ 30 درجة :mh001:

أدري أني طولت عليكم وسببت لكم قلق من كثر القرقرة أعذروني بس حبيت أوضح لكم بالتفصيل الممل :lllolll:

والله يوفق الجميع أي استفسار احنا في الخدمة

:106::106::106:

خمائل الورد

2011- 9- 7, 02:23 AM

وفيه شيء نصيحتي للجميع بالمتابعة المستمرة لجميع الايقونات الموجودة في الصفحة الرئيسية لبوابة التعلم عن بعد بلا استثناء
سواء كانت ايقونة الطلبة الجدد وما فيها من روابط أو البلاك بورد أو التقويم الزمني أو الخدمات الطلابية وما فيها من أيقونات آخرى
وغيرها من الايقونات الموجودة في البوابة الرئيسية

فهي مهمة جداً

خمائل الورد

2011- 9- 7, 02:39 AM

واما بالنسبة للمواد في قسم الدراسات الاسلامية فالسنة الاولى تحضيرية نفس مواد التخصصات الاخرى لكلية الآداب

وأنا أشوفها رائعة جدا وباذن واحد أحد أنها سهلة وزينة لكن لابد من الجد والاجتهاد سواء كان في قسمنا أو أي قسم أخر

فشدو الحيل و قووا العزم و ثابروا واجتهدوا في الدراسة

واحتسبوا الأجر في دراسة علوم هالقسم عند الله و تراها اللي بتفيدكم دنيا وآخرة

وحكاية أن مافيه طلاب كثير في هالقسم فبالعكس فيه طلاب كثر بس مو كلهم مشاركين بالمنتدى

و الله ييسرها علينا و يسهلها من عنده قولوا آمييييييين :106:

ترتيلة مطر

2011- 9- 7, 03:22 AM

الله يجزاكم خير ويوفقكم ع المساعدة
طيب المذاكرة ملزومين بَ كتب مخصصه وألا تكفي المحاضرات المسجلة ؟

عشق القصيد

2011- 9- 7, 03:42 AM

^
هلا
على حسب الدكتوره بعضهم يطلب كتب للماده وبعضهم يكتفي بس بالمحتوى
وبعضهم يقولك اسئلة الاختبار من شرحي في المحاضره
يعني انتي شوفي المحاضره المتهيديه وشو يقول الدكتور ’ بالتوفيق

ام عبدالرحمن21

2011- 9- 7, 01:16 PM

عشق القصد
يعطيك العافيه على المجهود
لاتحرمينا طلتك

خمائل
يعطيك العافيه على التوضيح
تدرين تونا سنه اولى مو كل حاجه نعرفها
البركه فيكم تساعدونا :53::53:

حورmiss

2011- 9- 7, 04:30 PM

الله يبااارك فيكم

طيب وش المقصود بالتقويم الزمني

خمائل الورد

2011- 9- 7, 06:45 PM

الله يبااارك فيكم

طيب وش المقصود بالتقويم الزمني

أيقونة تجدينها في الصفحة الرئيسية لبوابة التعليم عن بعد

و تلاقين فيها تواريخ كل ما هو مطلوب منك في الجامعة مثل توقيت بداية سداد الرسوم ونهايتها

وتوقيت بداية الدراسة وتاريخ الاختبارات ومتى تختارين مركز الاختبار وغير ذلك من التواريخ

أحساس روح

2011- 9- 8, 03:38 AM

الله يوفقك عشق القصيد على هالمعلومات
بغيت اسالك عن تسجيل المقررات كيف طريقته وهل المستوى الاول يسجلون والا لا

ترتيلة مطر

2011- 9- 8, 03:55 AM

لا المستوى الأول ماعندهم تسجيل مقررات
ماحد رد علي بخصوص مستوى القسم ( سهل صعب متوسط ) بشكل عام ؟
هل المواد دسمه أو بسيطه ؟

طموح وهمة

2011- 9- 8, 05:37 AM

السلام عليكم

مرحبا بالجميع الحمدلله وأخيرا وجدت زميلات بنفس التخصص

توقعت بالبداية أنني الوحيدة في القسم :biggrin:

وبالمناسبة أشكر صاحبة المتصفح جزاها الله بكل خير

وأهنئها وأهنيء جميع المنتسبين والمنتسبات لقسم الدراسات فنحمد الله أن يسر لنا الانضمام له

وأشير أنه لابد أن نجد من يحبطنا بسبب التخصص ولكن أحب أن أقول أن قسم الدراسات فيه خير الدين والدنيا بإذن الله فهو علم شرعي مأجورين عليه إن نحن أحسنا النية لله والإخلاص له وكان هدفنا الأسمى فيه التزود بالعلوم الشرعية ونشرها رغبة لنصرة دين الله وتحقيق العقيدة الصحيحة تحت ظل الكتاب والسنة الشريفة

مع تمنياتي للجميع بالتوفيق والسداد

أحساس روح

2011- 9- 8, 06:39 AM

حياك الله طموح وهمه بين خواتك وابشرك حنا واجد
والله ياقلبي انا عن نفسي مادخلت علشان شهاده لاوربي
كله علشان العلم والتخصص هذا بالذات الوحده تستفيد منه بدنياها واخرتها

شتااااااان

2011- 9- 8, 06:42 AM

فعلا ودي تساعدونا أنا بودي أوراقي اليوم بإذن الله

طموح وهمة

2011- 9- 8, 11:25 AM

حياك الله طموح وهمه بين خواتك وابشرك حنا واجد

والله ياقلبي انا عن نفسي مادخلت علشان شهاده لاوربي
كله علشان العلم والتخصص هذا بالذات الوحده تستفيد منه بدنياها واخرتها

الحمدلله هذا هو المهم النية النية الخالصة لوجه الله تعالى

اسأل الله الكريم رب العرش الغظيم أن يوفقنا وإياك وأن يجعلنا من الفائزين بالآخرة :love080:

ام عبدالرحمن21

2011- 9- 8, 03:18 PM

حياك الله طموح منورتنا
ان شاء الله كلنا نساعد بعض :106:

طموح وهمة

2011- 9- 9, 01:42 AM

8
8

حياك البارئ أم عبدالرحمن وإن شاء الله نكون عون لبعض :106:

عشق القصيد

2011- 9- 9, 02:06 AM

صصباحكم عسل
بنات اذا احتجو اي شي لا يردكم الا الكيبورد ~ :biggrin::biggrin:

طموح وهمة

2011- 9- 9, 05:02 AM

عشق القصيد

جزاك الله خير لاخلا ولاعدم

بس تبدأ الدراسة راح نزعجك :biggrin:

ممنونين لك :106:

ام عبدالرحمن21

2011- 9- 9, 01:46 PM

فديتك عشق القصيد
ماتقصرين فيك الخير والبركه ~>تبدأ الدراسه بس :33_asmilies-com:ونستلمك:53:

خمائل الورد

2011- 9- 9, 03:53 PM

لا المستوى الأول ماعندهم تسجيل مقررات
ماحد رد علي بخصوص مستوى القسم ( سهل صعب متوسط ) بشكل عام ؟
هل المواد دسمه أو بسيطه ؟

عزيزتي القسم مواده حلوة باذن واحد أحد

لكن ما فيه شيء يجي بالهين ولا فيه شيء نسميه سهل وانت داخلة جامعة

يعني مهيئة نفسك ان شاء الله للدراسة ومستعدة لها

فأتكلي على ربك وأدعيه ولا تخافي

وان احتجتي شيء فاحنا هنا في هالملتقى يدا واحدة

اسألي وأستفسري وأطلبي وآمري وتمني وتدللي

فكل ما تطلبنة بتلاقينه باذن الله

احنا نعين ونعاون

عشق القصيد

2011- 9- 9, 10:40 PM

^
فديتكم ياغووالي :biggrin:

اسفون

2011- 9- 9, 10:54 PM

ياشباب ابي معدلي 4 بالمستوي الاول اقدر اجيب وكم مادة ادرس الترم الاول

شتااااااان

2011- 9- 9, 11:44 PM

حياكم الله أخواتِ ودي فعلا تساعدونا بما أننا جدد
بالمحاضرات والواجبات

عشق القصيد

2011- 9- 10, 12:09 AM

^^
اهنن ياقمر
احفظي الموضوع ذا عندك بالمفضله ~
ماشاء الله قسم الاداب بالمره متعاونين :53:
وزي ماقلت للشباصات اللي قبلك لااحتجتي شي لا يرد الا الكيبورد ياقمر ^ :biggrin:
http://www.ckfu.org/vb/t215738.html

عشق القصيد

2011- 9- 10, 12:10 AM

ياشباب ابي معدلي 4 بالمستوي الاول اقدر اجيب وكم مادة ادرس الترم الاول

السلام عليكم هذا الجدول شوف قسمك
http://www.kfu.edu.sa/ar/Deans/elear...es_tables.aspx
واذا عالمعدل تجيب 4 ولالا
يمكن تجيبه اذا شديت حيلك بكل المواد وكل موادك كلها > اي بلس
وترانا شباصاات :mh318:
بالتوفيق

اسفون

2011- 9- 10, 12:47 AM

الحين كم محاضرة لمادة الواحد وهل المحاضرة يوجد اورق لمذاكرة

عشق القصيد

2011- 9- 10, 12:51 AM

^
14 محاضره لكل ماده
وفيه محتوى طبعا ويمكن يطلب الدكتور كتاب للماده , وبعض الدكاتره ينزل رؤس اقلام ويقولك اسئلة الامتحان من شرحي ~ وهكذا :biggrin::biggrin:

اسفون

2011- 9- 10, 11:47 AM

اختي ادري اني كثير اسلئة بس وش اسوي ماعرف شي انا فاشل بالانجليزي اخاف اجيب العيد والسؤال الثاني هل شهادة الانتساب معتمدة بالتوظيف تدريس ومره الثانية اغذارني

ترتيلة مطر

2011- 9- 10, 12:17 PM

اسفون شوف الرابط :
http://www.sabq.org/sabq/wap/user/news.do?section=5&id=13457

الموافقة تعني أنه معتمد إن شاءالله

خمائل الورد

2011- 9- 10, 01:43 PM

الأخ اللي يسأل عن الأنجليزي تلاقيه السمستر الأول عام

عبارة عن بعض القواعد إللي درسناها من وحنا صغار ماهي صعبة أبدا فلا تتخوف منها

اسفون

2011- 9- 10, 02:15 PM

اقول انا حمار بالانجليزي ماعرف شي زين اذا عرفت اقرا

عشق القصيد

2011- 9- 10, 07:10 PM

محشوم ياخخوي ~
اذا مره ميح خل احد يساعدك بدراستك يعني يشرح لك :(204):
تتدبر ان شاء الله ~

اسفون

2011- 9- 10, 07:15 PM

انا سمعت ان بالمنتدي ينزلون اجوابه قبل الاختبار هل هذا الكلم صححيح يعني

عشق القصيد

2011- 9- 10, 07:21 PM

اجوبه وين دلني > ساقطه 3 مواد الانقلش :biggrin:
يمكن قصدك ملزمه يعني اسئله واجوبه صح ؟
اذا هذا قصدك ايه فيه الاخوان مايقصصرون والله ~ :(204):

اسفون

2011- 9- 10, 07:29 PM

افا انتي بي مستوي ولحين متي ينزل الملزمه:biggrin:

عشق القصيد

2011- 9- 10, 07:33 PM

انا مستوى رابع
واذا تبي الملزمه تلقى في قسم الاداب او لارشيف يعني فحط منا ومنااك ~ :biggrin:

اسفون

2011- 9- 10, 08:00 PM

اختي الحين كم صحفة الملزمه وكم عدد صفحت الكتاب هم متي يقلون جيبو الكتاب اوالملزمه وهل يحتج انزل برمامج لاب توب على شان ماجيب العيد؟

اسفون

2011- 9- 10, 08:03 PM

وهل اقدر ادرس سنتين وبعدين انقل لجامعة القصيم انتي كم معدلك المستوي الاول

عشق القصيد

2011- 9- 10, 09:25 PM

اختي الحين كم صحفة الملزمه وكم عدد صفحت الكتاب هم متي يقلون جيبو الكتاب اوالملزمه وهل يحتج انزل برمامج لاب توب على شان ماجيب العيد؟

والله مدري بس تراهم وتجد يعني مو اقل من 50
والكتب على حسب الدكتور يمكن يطلب ويمكن يقولك المحتوى كافي ~ وبعض الدكاتره ينزل رؤس اقلام ويقولك اسئلة الامتحان من شرحي ~ :000:
يعني المحاضره التمهيديه لازم تشوفها عشان ترتب امورك :(204):

وهل اقدر ادرس سنتين وبعدين انقل لجامعة القصيم انتي كم معدلك المستوي الاول

على ماتوقع ايه تقدر ~
وانا معدلي الحمدالله زين 3 :biggrin:

خمائل الورد

2011- 9- 10, 11:39 PM

الانجليزي سهل والله يبي لك أحد يشرح لك بس

عني أنا شرحت لي بنت الجيران وهي تدرس ثالث كلية قسم انجليزي

وجبت فيه المستوى الأول 98 +a وكذلك الانجليزي كتابة المستوى الثاني أما الانجليزي قراءة فجبت فيه 89 +b

مع أني كنت بأموت من خوفي من مواد الانجليزي لكن ربي يسرها وعديت فيها فهونها وتهون باذن الله

توآقه للقمه

2011- 9- 13, 08:47 AM

السلام عليكم ورحمة الله وبركاته
أرحب بكم
أختكم في الله توآقه للقمه
كنت متابعه لكم عن بعد :Cry111: لان الملتقى مو راضي يسجلني
أخواتي لجامعيات المستجدات والجامعيات من لديهم خبره
اريد منكم نصائح وتعليمات وارشادات لهذا القسم قسم الدراسات الأسلاميه
وش المواد الي راح ندرسها ؟؟
وكيف البلاك بورد حاسه اني ضايعه :icon9:مو فاهمه شي ..

توآقه للقمه

2011- 9- 13, 09:57 AM

ووووووووووووووووووووووووووووووووين الدراسات الأسلاميه ؟؟!!!

◕‿◕Bish

2011- 9- 13, 12:05 PM

^
^
^
^
:Cry111:

ترتيلة مطر

2011- 9- 14, 02:39 PM

عليكم السلام ورحمة الله وبركاته

المواد أول مستوى كلها عامة على حسب علمي
وبسيطة إن شاءالله أهم شيء تشدين على نفسك ونأخذ معدل مضبوط علشان نرتاح شوي بعدين < هذا اللي فهمته من كلام اللي قبلنا

شوفي ذا الموضوع بيمشون حبه حبه معنا بالواجبات والمحاضرات :

http://www.ckfu.org/vb/t215738.html

البلاك بورد بيفتح معك إذا أرسلوا الرقم السري

وهذا شرح له :

http://www.ckfu.org/vb/t152521.html

دعوآتك

ترتيلة مطر

2011- 9- 15, 02:32 AM

أوراقي لسى ب التوزيع :icon9:

و الدراسة بتبدأ وماوصلنا شيء من الجامعة > متحمسة :biggrin:

أبو محمد

2011- 9- 15, 02:46 AM

أوراقي لسى ب التوزيع :icon9:

و الدراسة بتبدأ وماوصلنا شيء من الجامعة > متحمسة :biggrin:

توصل ان شاء الله ..

ما دام وصلت التوزيع خلاص فهي على وشلك ولا بقى الا التسليم النهائي ،،

بالتوفيق

ام عبدالرحمن21

2011- 9- 15, 07:48 AM

الله يوفقنا يارب واهلا بكم اخواننا واخوتنا الجدد
وان شاء الله نفيد ونستفيد سوا

توآقه للقمه

2011- 9- 18, 04:22 AM

يارب

توآقه للقمه

2011- 9- 20, 07:11 AM

وينكم يا الدراسات تعلو نتأقلم قبل :119:الدراسه :119:

ترتيلة مطر

2011- 9- 21, 01:35 AM

بنآت هذآ جدول الأختبارات

http://www.m5zn.com/uploads2/2011/8/6/photo/080611070832b9b8qzaunfsj4.jpg

اللي بسأله عنه الفترة الأولى كم الساعة
والفترة الثانية بعد متى وقتها ؟؟

بعدين شلون نختبر مادتين بيوم واحد :000: ؟

توآقه للقمه

2011- 9- 21, 01:42 AM

أممممممممم
والله ما ادري حتى انا مو فاهمه شي
جدول أختبار وحنا ما بعد درسنا ولا سسو لنا حفل تعارف :119:

توآقه للقمه

2011- 9- 23, 09:29 AM

بنآت هذآ جدول الأختبارات

http://www.m5zn.com/uploads2/2011/8/6/photo/080611070832b9b8qzaunfsj4.jpg

اللي بسأله عنه الفترة الأولى كم الساعة
والفترة الثانية بعد متى وقتها ؟؟

بعدين شلون نختبر مادتين بيوم واحد :000: ؟

أختي ترتيلة مطر
هذا رد للأخ تركي على سؤال أخت
اقتباس:
المشاركة الأصلية كتبت بواسطة ام ريموووو http://www.ckfu.org/vb/ckfu/buttons/viewpost.gif (http://www.ckfu.org/vb/t211189-86.html#post4382031)
السلام عليكم
انا سجلت بالجامعه وتم قبولي الحمدلله قسم اللغه الأنجليزيه وحبيت اسأل اللي درسو قبلي هل الدراسه صعبه كونها عن بعد او سهله واقدر اعدي فيها :mh12:؟
ووش المواد اللي راح ادرسها في المستوى الأول:g2: ؟

وعليكم السلام

اهلاً ام ريموووو .. مبروك قبوولك

طالما فيه اجتهاد ومتابعه اولاً بأول يا استاذه لن يكون هناك صعوبه في الدراسه ابداً ..

اجتهدي بقدر المستطاع وفالك التوفيق

الصوره بالأسفل توضح موادك التي ستدرسينها بالمستوى الأول مع ايام الأختبارات

للتوضيح ما يقصد باليوم الأول والثاني والثالث هي ايام الاختبارات

بمعنى الأول يوافق يوم الخميس والثاني السبت والثالث الأحد

ايام الجمعه لا تعقد فيها اختبارات .. وتاريخ اختبارات الفصل الأول يبدأ من تاريخ 20 محرم

الفتره الأولى تبدأ الساعه 4 العصر ومدة الإختبار ساعتين

والفترة الثانيه تبدأ 6.30 ولمدة ساعتين ايضاً ..

http://www.m5zn.com/uploads2/2011/8/6/photo/080611070832b9b8qzaunfsj4.jpg

http://www.ckfu.org/vb/images/Like.png (http://www.ckfu.org/vb/#)

ترتيلة مطر

2011- 9- 24, 02:19 PM

الله يجزاك خير أختي توآقه للقمة

ترتيلة مطر

2011- 9- 28, 01:43 AM

أحد منكم نزل له المواد ؟

ترتيلة مطر

2011- 9- 28, 01:47 AM

توي دخلت ولقيت المواد نازلة
الله يعين ويوفقنا

طارد سراب

2011- 9- 28, 02:31 AM

السلام عليكم ورحمة الله وبركاتة

اخواني_اخواتي

بصراحة لي الفخر اكون عضو معاكم
واتمنى من الله اننا نستفيد ونفيد والله يوفقنا جميع بصراحة فرحت وايد لما حصلت قرووووب لتخصصنا ياعلكم ع القوووووووووة

طارد سراب

2011- 9- 28, 02:41 AM

معليش عندي اسئلة واتحملوني عليها الله يخليكم

1-هل المحاضرة اكتفي بسماعها والا يجب علي تحميلها (حفظها) في جهازي؟

2-كيف طريقة المشاركة وووين اشارك وماحصلت ايقونة واجبات الحين؟

3-فية بعض المحاظرات يجي معاها مرفق كتابي اطبعها والا مايحتاج؟

4-المحاضرات اللي حملتها وشفتها تنحذف او لا لاني ماابيها تسبب زحمة ابي اعرف الجديد اول باول؟

5-احس اني طولتها آآآآآآآسف ع الاطالة واااااالله يقدرنا على النجاح بالدنياء واآلآخرة
تقبلوووووووووو تحياتي اخوووووككككككككككككم

توآقه للقمه

2011- 9- 28, 03:54 AM

أحد منكم نزل له المواد ؟

اي ترتيلة مطر نزلت لي مواد بس مو عارفه شي :119:

توآقه للقمه

2011- 9- 28, 04:05 AM

معليش عندي اسئلة واتحملوني عليها الله يخليكم

1-هل المحاضرة اكتفي بسماعها والا يجب علي تحميلها (حفظها) في جهازي؟

2-كيف طريقة المشاركة وووين اشارك وماحصلت ايقونة واجبات الحين؟

3-فية بعض المحاظرات يجي معاها مرفق كتابي اطبعها والا مايحتاج؟

4-المحاضرات اللي حملتها وشفتها تنحذف او لا لاني ماابيها تسبب زحمة ابي اعرف الجديد اول باول؟

5-احس اني طولتها آآآآآآآسف ع الاطالة واااااالله يقدرنا على النجاح بالدنياء واآلآخرة
تقبلوووووووووو تحياتي اخوووووككككككككككككم

فهمت نص ونص ونقلت لك هذا
اي اخوي فيك تشوفها وفيك تحملها ع جهاازك وتحسب لك الدرجه الكامله باذن الله:106:

ملاحظه/

بخصوص المحاضرات المباشره والواجبات والمشاركه المناقشات ف البلاك بورد مو الحين وقتهااا:106:

حاليا بس المطلوب منكم المحاضرات المسجله تشوفونها او تحملونها وتطبعون الشرائح الي ف البوربوينت:106:

واتمنى التوفيق للجميع يارب:106:
3- نختار المحاضرات المسجلة

http://im1.njm5.com/13143934541.gif

4- نختار مشاهدة المحاضرة المسجلة

http://im1.njm5.com/13143948411.gif

5- تُفتح صفحة بداخلها ثلاثُ خيارات:

1- سرعة مشاهدة عالية ( للإتصال السريع)

2-سرعة مشاهدة متوسطة

3-سرعة مشاهدة منخفضة

http://im9.gulfup.com/2011-08-26/1314391134551.gif

6- يبدأ تحميل المحاضرة كمشاهدة فقط

1- بدل من ان نختار مشاهدة المحاضرة المسجلة

نختار تنزيل المحاضرة المسجلة

http://im9.gulfup.com/2011-08-26/1314391134752.gif

ويبدأ فوريا تنزيل المحاضرة على جهازك

وان أردت تحميلها كصوت فقط

تختار الخيار الثالث

http://im9.gulfup.com/2011-08-26/1314391134183.gif

انا اقول حملهم احسسسن علشان لو احتجتهم بيوم من الايام بتلاقيهم عندك:106:

لان البلاك بورد اوقات يطق له عرق نذاله ويعلق:106:

وعندك الطريقه طبقها وان شاء الله تزبط معااااااااااااااك:106:

ملاحظه:

المشاهده والتحميل= نفس الدرجه:106:

طبعا الموضوع منقول من الاخت رجوى ف المواضيع المثبته:106:

http://www.ckfu.org/vb/images/Like.png (http://www.ckfu.org/vb/#)

طارد سراب

2011- 9- 28, 12:53 PM

ياجعل ابوك بالجنة يابنت الشايب كفيتي ووفيتي :106:

شاكر ومقدر اجتهادك وردك ع اسئلتي والله يوفقك يارب :106:

توآقه للقمه

2011- 9- 28, 12:56 PM

وابوك واباء المسلمين وامهاتهم
لا تقومون بتحميل اي ماده الأن
النظام يشتغل السبت
http://www.ckfu.org/vb/t226282.html

تعبنا ربي يعينا على ها الجامعه بيربحون دكاترة العيون ومحلات النظارات بسم الله علينا :017:

طموح وهمة

2011- 9- 28, 01:11 PM

السلام عليكم

يعني الآن نحفظ المحاضرات والا النظام متوقف وماراح يحسبها لنا الا يوم السبت ؟

توآقه للقمه

2011- 9- 28, 01:15 PM

الله أعلم انا حملتهم وتعبت:Cry111: ولما شفت موضوع الأخت انصدمت
يقولون معلنين في منتدى النقاش

شتااااااان

2011- 9- 28, 01:27 PM

أنا بعد أنزلت المواد
وما أدري شسالفة
الاخوات بالمستوى المتقدم
ياليت يساعدونا
وأخيرا لقيت أخوات معاي بنفس القسم

توآقه للقمه

2011- 9- 28, 01:31 PM

:g2:حياكم الله في ملفي الشخصي اي سؤال واي أستفسار ويكون اجتماع لنا في هذا الموضوع وهناك من أجل التبيهات .
خروج لنوم

طارد سراب

2011- 9- 28, 02:20 PM

يووووة انا من امس جالس اشاهد المحاضرات والله ان الشوف راح فيها من جد الله يعينا

ام عبدالرحمن21

2011- 9- 28, 03:24 PM

مساء الخير على الجميع
انا فتحت المحاضره الاولى للعقيدة والمذاهب
وسمعتها بس السؤال حق الواجب مو من ضمن الى سمعته :017:يمكن من الكتاب

طارد سراب

2011- 9- 29, 01:30 AM

ام عبدالرحمن اللي عرفتة الواجبات والمشاركة من السبت يعني لااحد يستعجل ويحل واجبات لوحدة

ويتوهق بعدين حتى نسدح كل شي بالمنتدى والله يسهل كلش

loler

2011- 9- 29, 06:17 AM

تواقة للقمة
الله يسعدك ويعلي قدرك وقدر الجميع
الحين ياختي لاززم من مشاهدة المحاضره
ولا اكتفي بتحميلها وتنزيل المرفق التابع لها
لانه بهذلني وجنني جهازي النت مدري
والي سويته هو نزلت المقطع الصوتي وحملت المرفق
فهل مهمه الظغط علي كلمة مشاهدة ولاتنزيل خلااص يكفي بالغرض

ياليت الي يعرف سوا اخت تواقه بما انها مشاءلله ماكله الجو بشطارته
ولا اي احد عنده خبره ولايهونون البقية

توآقه للقمه

2011- 9- 29, 09:58 AM

تواقة للقمة
الله يسعدك ويعلي قدرك وقدر الجميع

أمين واياك والجميع
الحين ياختي لاززم من مشاهدة المحاضره
ولا اكتفي بتحميلها وتنزيل المرفق التابع لها
لانه بهذلني وجنني جهازي النت مدري
والي سويته هو نزلت المقطع الصوتي وحملت المرفق
فهل مهمه الظغط علي كلمة مشاهدة ولاتنزيل خلااص يكفي بالغرض

هم يقولون يفي بالغرض وتحصل على الدرجات اذا حملت الماده لان الدكتور يعرف مين الي حمل ومين ما حمل .
بس الأفضل تنزيل لانك بتحتاج وقت الأختبارات
وعن قول الأخوه والأخوات هنا
البلاك عليه حركات ويجب اخذ الحيطه والحذر من الأن
اقصد بحركات (يمكن يخرب ,, يتعطل ..)) الله أعلم ..
.ويارب ما يصير

مو بس جهازك حتى جهازي :017:شكل البلاك مسكون
(بسم الله الرحمن الرحيم )

ياليت الي يعرف سوا اخت تواقه بما انها مشاءلله ماكله الجو بشطارته
ولا اي احد عنده خبره ولايهونون البقية

اما شطارتي ما توقع بس احاول افهم وافيد ويارب أفيد و استفيد
رربي يوفقك
دعواتكم

صح لا تحمل المحاضرات من الحين حمل من السبت لان السبت يشتغل البلاك بورد وتبداء الدراسه
وما ادري هل تنحسب الدرجات الأن ولا مع بداية تشغيل النظام

loler

2011- 9- 29, 06:35 PM

طيب ياست الكل تسلمي علي كل معلومة قولتيه ويديك الف عافية
يانوارة الدراسات الاسلامية

توآقه للقمه

2011- 9- 30, 12:46 AM

بديتو تذكرون ولا باقي :Cry111:
اتمنى أعرف ليه ها القسم مهجور :017:

loler

2011- 9- 30, 01:05 AM

لاانشاءلله موجودين كل اشويه اخش اطل واشوف اي شي جديد
ولو نعرف معلومه مانبخل ولو الي عندو معلومه لايبخل

طارد سراب

2011- 9- 30, 02:13 AM

لالالالالالالالالالالالالالالالالالالالالالالالالا لالالا جديد

ريم الاكاديمية

2011- 9- 30, 02:25 AM

أنا قسم دراسات لاحظت ان المحاضرة الاولى (تقنية المعلومات-الجزء 2)تطلع لي صفحة فارغة
مين مثلي؟
وعندي طلب تكفون اللي عنده رابط منتدى النقاش ينزله عجزت افهم من الوصف وابغى آخذ فكرة من الآن :mh318:

ريم الاكاديمية

2011- 9- 30, 02:28 AM

طلاب وطالبات الدراسات ارفعوا الموضوع قد ماتقدرون وخلونا نحصر اسئلتنا فيه-قدر الامكان -علشان ما نتووووه بين الاقسااام
:oao:

طموح وهمة

2011- 9- 30, 10:15 AM

البلاك بورد مقفل معي مارضى يفتح فيه أحد مثلي ؟

أمس كان عادي يفتح اليوم لا :000:

سعد المالكي

2011- 9- 30, 11:30 AM

يا اخوان تفالوا خير كلنا جدد ، وحايسين وهذا امر طبيعي الانسان ما خلق عالم ونحن جينا لنتعلم وان شاء الله سوف نحصد علم ينفعنا في الدنيا والاخره ، اسأل الله لي ولكم التوفيق والنجاح

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ

أبو محمد

2011- 9- 30, 11:39 AM

في موضوع للأسئلة مُثبت ..

يغلق ،،

،،