رسآلتي لحآفز .. عزيزي حآفز بعد التحية والتقدير ..!!

[المسآفرة]

السلآم عليكم ورحمة الله وبركآته


اليومـ فتحت عيوني على رسآله من حآفز


مفآدها اني تخطيت الخطوة الأولى للإعانه أو البحث عن وظيفه


وانتظري منآ الخطوة الثآنيه


/


ردي على حآفز


ماقصرت انك تذكرتني بعد طول غيآب وبعد انتظآر طويل لآ أعلم ماهو منتهآه وماهي نتيجته هل هي النجآح أم الرسوب ...!!


وانتا ماقصرت جالس تطمني
وغيرك يروح ومايرجع يتذكر احد ..!!


عزيزي حآفز بعد التحية والتقدير


اولآ اشكر خآدم الحرمين الشريفين على هذه اللفته الأبويه الكريمه
وهذآ ليس بمستغرب على مليكنآ ملك الانسآنيه والقلوب


ولكن ...............!!


انا لا أريد الاعانه


اريدوظيفه تشعرني بأنني عضو فعال بالمجتمع اكافح واشتغل


ما ابغى اعانه ياحافز لاتقتلوآ احلامي باعانتكم التي تأتي اليآ للمنزل وانا جالسه ومرتاحه وتحسسوني اني عجيز ومقدمه على المعاش


ابغى اشتغل ... ابغى اعيش اجواء الوظيفه بحلوها ومرهااااااااااا


والله يآحافز ان زوجي وأبنائي هالسنه كلهم بالصباح يذهبون لاعمالهم الا انا
حتى ولدي الصغير اللي دائما يعبي البيت بضجيجه وتخريبه
هالسنه جاه ملل من الروتين اللي عايش فيه ومن الفوضه اللي مسببها
وعقد اموره وتوكل على ربه وبيروح الروضه وبيخليني بوحدتي .:*_*:.


وانا جالسه بطفشي
الذي يلازمني ليل نهآر
والخليقه بأكملها عجزت تواسيني ولو بكلمة هلآ


يآحافز لو تعيش وضعي
بالطفش والوحدة
وربي لتهج


خليك دقيقة مكآني وشوف وش يصير لك
وربي يمكن تشنق نفسكhttp://www.alamal2.com/images/smilies/037.gif



/


واذا الوظيفه حلم مستحيل بالنسبه لي



ادفعوا عني رسوم الجامعه وخلوني ابحث بنفسي على وظيفه


مابي اكلف على حآفز بشئ


اعرف مشآغله كثار
ولا ابي ازود همه بهمومي
واعرف ان العالم ثلاثة ارباعها عاطلين


/


ابغى بس ابسط حقوقي اللتي كفلها لي الملك حفظه الله ورعآه


بصفه اني مواطنه سعوديه من اب وام سعوديين ومن جد وجده سعوووديين ومن قبيله بأكملها نبتت بجذور السعودية


عملوا بكل قطاعات الدوله من عسكريه ومدنيه وخدموا الوطن بكل غالي ونفيس


ابغى اصير مثل ابوي


او مثل جدي على الاقل


كان يشتغل وياخذ اجره من عرقه

انا اطالب بحقوقي بصفة اني بنتك السعوديه
كنت طفله برئيه
وعشت على أرض الوطن وترعرعت بربوعه

صحيح اني لمن كنت صغيره كنت اعبث بازهاره واقطعها
بس هذا مايمنع اني اتوظف
ياشيخ وربي لو توظفني بالبلديه
لارجع اعدل كل أخطآئي

وازرع كل المدن والمناطق والمحافظات
بس اديني فرصه وشوف اذا ماكنت قد كلامي فماني بنت أمي وأبوي ..!!:biggrin:


ابغى وظيييييييييييييييييييييييفه ياحافز ابغى احس اني اشتغل مثل العالم لا تحطموني باعانتكم اللي راح تصرف سنه وتنقطع


واذا مررره مررررررررررررره طلبي صعب عليكم


سددوا عني رسوم الجامعه


وخلوني اتخبط بالطرقات وفي الليالي المظلمه ابحث عن وظيفه احقق فيهآ طموحآتي المبعثرة<<<<<:biggrin: اوخس يالتعبير تهقون لو يقراها مدير حآفز بيوظفني مديره لمكتبه http://www.alamal2.com/images/smilies/093.gif


باختصآر
عزيزي حآفز :-


انا كل طموحآتي ان اخدم وطني وأعيش فيه عضو بناء


لا اريد ان اصبح عاله على وطني


هل لك بتلبيه طموحتي البسيطه والمتوآضعة ...!!


انا اعرف شكلك بتتضايق مني ومن طلباتي ياحافز
بس شسوي بربك ..!!:(107):
وآسفة اذا كدرت خآطرك او نكدت عليك :000:
وانا اعرف شكلك بتعصب عليا وتحرمني من الإاعانه والوظيفه:000:


بس قبل تتخذ قرارك خلينآ نتفاهم دقيقه :hahahahahah:


يمكن اذا تفاهمنا نوصل لحل يرضي كلآ الطرفين


:


والسلآم خير ختآم

[Om Emad]

ماشاءالله عليك أسلوبك جميل جداً وسلسل..بس عزيزتي بدك مين يسمعك ..:bawling:
على العموم بتوفيق لنا جميعاً ياربَ..

[ام عبدالرحمن21]

ياقلبي انتي :Cry111:
انا مثلك دورت على وظايف وجاتني لمكاني نظرا لقدرتي الممتازة على الترجمه والتحدث با اللغه اللانجليزيه
ولكن وللاسف بعد فرح رفض زوجي القدير والعزيز بحجه تربيه الأبناء
ويعطيك العافيه على الكلمات العذبه والجميله
وان شاء الله كل عاطل يلقى له وظيفة تفرحه

[سمو الإحساس]

ماشاء الله تبارك الله على روعة الاسلوب

اختي المسافرة

قلمك سافر بنا ممتطيا مركب خيالك
مُحَفزين بوقود كلماتك السريعة الوصول الى شواطىء الابداع

جميل اسلوبك ،، والأجمل تواصلك
فلاتحرمينا ابداعاتك ،،

[حلم مستحيل]

ياشيخه
الحين يقولون ان الطلبه والمتزوجات طالعين من حسبة حافز

المتزوجات يصرفون عليهن ازواجهن
والطلبه اللي مثلنا اللي حنا نصرف ع الجامعه مايندرا
معهم ولا مش معهم



حسبي الله ونعم الوكيل

لاوظيفه-لادراسه-لامكرمه

[ناوي السوكبا]

أتمنى من البرنس الوليد بن طلال حفظه الله ورعاه ( رجل البزنس الاول في الشرق الاوسط )
دعم " حافز " بـ مليار ريال ليتم توزيعها على الشعب العاطل عن العمل
وباذن لله سنطرح هذه الفكرة على سعادته وكلي ثقة بدعم هذه الفكرة

انتهى

[ابونواف1]

هذا خطاب ولا معروض:biggrin:

بس صراحه شفقت عليك:000:

ولو أنا مكان ساهر اسف اقصد ولد عمه حافز:tongue: أوظفك أحسن وظيفه على هالكلام اللي قلتيه :tongue:

وبالنسبه للعم ساهر ما نبي منه مساعده:tongue:

عسى الله يكفينا شره بس:bawling:

[JJS]

حتى انا جاتني ذا الرساله ...... انا مسجل فيها افكر بيوظفوني انا موظف بشركه من سنة الطوفان و الظاهر ان الديوان و حافز و جداره عاجزين يلاقون لي وظيفه تليق بمكانتي و مركزي الإجتماعي الرفيع .... طيب انا قابل بأي وظيفه حتى لو وزير أو مدير عام

12 ساعه عمل يوميا على خط انتاج بـ 2400 ريال في ذا الشركه ( و أكيد بيطلع مسؤول بيقول الشباب السعودي ما يبي يشتغل ) او بيقول عندك ثانويه صناعيه وش تبي تشتغل ...... طيب هذا انا ادرس جامعه و اذا الله عطانا عمر بنتخرج نبي نشوف وش يصير :oao:

[ام عبدالرحمن21]

ان شاء الله لنا نصيب من حافز
واذا طلعو المتزوجين والطلاب طيب مين بقي

حآفز وش سالفتك انت :41jg::41jg:

[مـــي]

:hahahahahah::hahahahahah::hahahahahah::hahahahaha h:

للأسف مامر علي حافر الخير

بس ساهر الله يكفي ابوي شره تعرفت عليه والعلاقه زفت بيينا

:hahahahahah::hahahahahah::hahahahahah:

بالتوفيق للجميع

وعسى حافر ولد عم ساهر يسمع ندائك قصدي معروضك

[زهوور المحبة]

http://t1.gstatic.com/images?q=tbn:ANd9GcSPEK2cw2F7Pq_w3VZ2p90LK7GAcmAqR-4aU83SiDbCzyO_0uL7

[أم ليــــان]

ماشا الله تبارك الرحمن

اسلوبك رااائع

ومانقول الا الله يغيننا عنهم بالعاافيه

يوم جا طاري المكافئات ماحسبونا ضمن الطلبه ومااخذنا حال حال اي طالب جامعي

لكن الحين بنصير طلاب ونص وثلاث ارباع بعد :000:

[فيلسوف الكلمة]

حافز تخدير للعاطلين لااقل ولااكثر

[ڠلآ الطنآيآ]

خليك دقيقة مكآني وشوف وش يصير لك
وربي يمكن تشنق نفسكhttp://www.alamal2.com/images/smilies/037.gif





عايشه هاذي الحاله اخاف انتحر من الفراغ وربي طفش نفسي اكون عضو فعال باالمجتمع << اخس ياالتعبير
اضيع وقتي واخدم بلدي

[المنصور]

انا جاني رسال تذكير هل فيه رسال ارقام سريه ام لا

[المسآفرة]

أسعدني تواجدكم في خربشآتي :

وزي مايقولون فيض من غيض

كنت ابغى اطلع عن روتين القلق والانتظآر بروتين آخر

الله يعيننآ جميعآ

لكم مني اجمل تحيه

دعوآتي لكم بالتوفيق اخوه واخوات اجمعين :106:

[,متـــكـ تــكـ,]

الله يوفقك

[حلمـ,,ـــي أكمل]

اااااااااينمسسسسسسسسسسسس

[hgm]

:d5:

[همسه غلا @]

ماعندهم سالفه

[خطوط إيحاء]

عبيت استماره لاحد اقربائي بحافز بجد حسيت انه فلم رعب من كثرة الشروط والتعهدات والتهديدات بسحب الاعانه بأي وقت دون ابداء الاسباب فعلا طريقة صياغة الشروط استفزازيه للمستفيد/ه خادم الحرمين الله يطول لنا بعمره ماقصر ولفته كريمه منه لأبنائه لكن نقول الله يهدي الموظفين اللي يحطون هالتعقيدات ويصلحهم

[Rza]

تنفخون بقربة مشقوقة :41jg:

[المسآفرة]

تنفخون بقربة مشقوقة :41jg:




لعل القربه بيوم مآ يبرأ جرحهآ وتلتأم :biggrin:

[وزيرة]

أنـا وصلت لي الرسـالة الأولى من حـافز !؟ وأن شاء الله توصـل الرسـالة الثانية وتكمـل الخطوات على خير !؟
أندملت كبودنـا وأحنـا نلاحق في هاالوظيفـة مـاصارت !؟