▓ اطرح سؤالك واستفسارك .. وبعون الله ستجد الإجابه ▓

[^تركي^]

السلام عليكم ورحمة الله وبركاته


اهلاً بالأعضاء الكرام ..


من منطلق روح التعاون والمساعدة والإرشاد بين الجميع وان تكون هناك صفحه
تجمعهم لطرح استفساراتهم واسئلتهم فيما يتعلق بالأنظمه الجامعيه
وكل ما يدور في بال كل طالب او طالبه من اسئله ..


نجتمع هنا لتكون مرجع لنا ونرجوا من الجميع الإلتزام ووضع كل مايدور في داخله
من استفسارات في هذه الصفحه فبعض الاسئله قد يكون السؤال والجواب
لا يتجاوز سطرين .. فليس هناك داعي لإنشاء موضوع جديد ..


كلنا مكملين لبعض .. الرد على الاسئله لا يقتصر علي انا فلستُ الا واحداً منكم
وتخفى علي الكثير من الأمور ولكن من يجد لديه الجواب على احد الاسئله
يرد بكل اريحيه ..


ايضاً آمل ان تكون هذه الصفحه للإستفسارات فقط ..
لا داعي للتعليقات الجانبيه او الحوارات حتى لا تأخذ منحنى آخر ..


نقطه اخيره / تأكدوا عند طرح سؤال او استفسار والإجابه متوفره
لن نتأخر في وضعها وان تأخرنا في الرد
فنرجوا الصبر وعدم انشاء مواضيع مستقله ..


موفقين

[Dima]

الله يجزاك دار الخلد اخووووووووي

بس عندي سؤال متى راح تكون اجازة نهاية الترم ؟؟:biggrin:
وشكرا مقدما,:(204):

[^تركي^]

الله يجزاك دار الخلد اخووووووووي

بس عندي سؤال متى راح تكون اجازة نهاية الترم ؟؟:biggrin:
وشكرا مقدما,:(204):

شكراً لك ديما ... ويجزاك الفردوس الأعلى من الجنه ..

بالنسبه لسؤالك ليس لدي اجابه متوفره في الوقت الحالي :cheese:

[حرآئر]

من اولها ياتركي ليس لدي اجابه متوفره في الوقت الحالي :biggrin:

انا سؤالي

الحين عدد المواد الي بنسجلها كثيره ولا قليله بايش تضر وتنفع المعدل؟

يعني العمليه كيف تكون عدد ساعات كثيره نقاط كثيره = معدل مرتفع؟

والعكس ولا كيف ؟؟

[^تركي^]

من اولها ياتركي ليس لدي اجابه متوفره في الوقت الحالي :biggrin:

انا سؤالي

الحين عدد المواد الي بنسجلها كثيره ولا قليله بايش تضر وتنفع المعدل؟

يعني العمليه كيف تكون عدد ساعات كثيره نقاط كثيره = معدل مرتفع؟

والعكس ولا كيف ؟؟

هلا حرآئر

عند تسجيل المواد وكان التقدير فيها عالي سترفع من المعدل بكل تأكيد والعكس صحيح

بضرب لك مثال علشان تستوعبين اكثر ..

الآن نفرض انك مسجله 8 مواد وعدد ساعات كل ماده ساعتين

وكان تقديرك فيها جميعاً a

كم تحصلين على نقطه من المجموع الكلي 80 نقطه

ستحصلين على 76 نقطه

بتقولين كيف جت 80 نقطه وكيف حسبتها 76 بقوولك :

الآن بنحسبها

من 95 الى 100 تاخذين 5 نقاط كامله واذا كانت الماده ساعتين تضربين 5 × 2 = 10

واذا ساعه وحده تبقى كما هي 5 نقاط

ومن 90 الى 94 تاخذين 4.75 اذا الماده ساعتين نضربها 4.75 × 2 = 9.5 نقطه

ومن 85 الى 89 تاخذين 4.5 اذا الماده ساعتين نضربها 4.5 × 2 = 9 نقاط

وقيسي على بقية الدرجات

بمعنى تقديرك في كل المواد كان a اذا ( 9.5 × 8 مواد ) = 76 نقطه

والعدد الكلي للنقاط ( 10 نقاط كامله × 8 مواد ) = 80 نقطه

المهم اللي ابي اوصله لنفترض كان معدلك في المستوى الأول 4.5 من 5

وعدد النقاط المجمعه كانت مثلاً 67.5 بإعتبار عدد الساعات 15 ساعه

نجمع 67.5 + 76 = 143.5

نقسم 143.5 على عدد الساعات الكلي في المستويين 15 + 16(31) = 4.63

طيب لو سجلتي عدد مواد اقل مع الحصول على نفس التقدير

نفترض 7 مواد وكان عدد ساعاتها 14 ساعه

وبإعتبار النقاط المجمعه نفسها يعني 9.5 ( 9.5 × عدد 7 مواد ) = 66.5 نقطه

66.5 + 67.5 ( عدد النقاط في المستوى السابق ) = 134

134 نقطه نقسمها على عدد الساعات الكلي 14 ساعه في المستوى الثاني + 15 ساعه في المستوى السابق = 29 ساعه

134 ÷ 29 = 4.62 اذا المعدل نزل قليلاً ..

طيب نسوي العمليه بالعكس

تقديرك كان جيد مرتفع (+ c ) في جميع المواد ( ان شاء الله اعلى )

كم تحصلين على نقطه باعتبار ان الماده ساعتين

3.5 × 2 = 7 نقاط

نقول 7 نقاط في عدد المواد 8 = 56 نقطه

56 + 67.5 ( نقاط المستوى الأول ) = 123.5

123.5 ÷ 31 ( عدد الساعات الكليه ) = 3.98 المعدل نزل عن السابق

طيب لو كانت المواد اقل ( 7 مواد )

ايضاً نحسب على نفس التقدير 7 نقاط ×7 مواد = 49 نقطه

49 + 67.5 = 4.01

اذاً المعدل نزل ولكن اقل من لو كانت المواد 8

بإختصار تسجيل عدد مواد كثيره يجب الحصول على تقديرات عاليه ..

ارجوا المعذره ان لم اتمكن من ايصال المعلومه بشكل واضح او فيها قصور ..

اجتهاد شخصي وبإذن الله يحمل الصواب اكثر من الخطأ ..

موفقه

[وردة الكريستال]

مرررحبا بنآت
بقولكم المواد اللي ناوية بأذن الله اسجلها
نحو تطبيقي (2)
تلاوة وتجويد (1)
قرأة ومحآدثة
برآمج الحآسب المكتبية
انجليزي قرأة
مهارات التعليم والتفكر وبس
ومحتآآآآرة آخد كمآن انجليزي كتآبة ولا وانا حآملة مادتين من السمستر الماضي
النحو التطبيقي (1).. وأدارة الأعمآل آخدهم ولا لأ
علما انو انا كل مواد الدين اخدتهم والأحصاء كمان اخدتوو
وش رأيكم في جدولي فيدوني وهل في مادتين مع بعض ولا
بليزز شوفولي وعدلولي لو مادتين مع بعض ..:119:
وحآبة اعرف كم سنة يبقآلي بالجآمعة قسم انجليزي ...

[" A L K A D I "]

مرحـبـا اختي . .
أول شي كل عام وأنتي بخير ,وإن شالله تكون
سنة توفـيق ونجاح لج وللجميع . .":wink:

ـــــــــــــــ

المواد السّته اللي اخترتيهم تمام وحلوين

وانا أشوف من الافضل لج تضيفين المادتين اللي حملتيهم

وجذي بيكون عندج ثمـان مقرارات . . :(204):

بقولج نقطه "النحو1 والنحو2 جداً متشابهين فيُسْتَحسن إنج تسجلين النحو1 اللي حاملته

لانهم يكملون بعض ..":smile:

الانجليزي كتابه سهل وخفيف وكله غرامر مبسّط

إن كانت عندج القدره تدرسيـن 9 مقرارت ,سجليه

لكن إذا حسّيتي إن في زحمه عليج ,إتركيه للمستوى الثالث .."

ـــــــــــــــــــــــــــــــــــ

وحآبة اعرف كم سنة يبقآلي بالجآمعة قسم انجليزي ...


يبقى لج يَ عزيزتي ثـلاثّ سنـوات وكورس

دراستنا بالجامعه درجة البكالوريوس ,دراستها مدة لا تقل عن أربع سنوات :smile:




بالتوفيق لج ...:106:

[لمسات]

يا ناس

ممكن احد يفهمني

انا درست مبادئ علم الاجتماع في السمستر الاول

بس لقيتها موجوده عندي في المقرر ات حق السمستر الثاني

ليييييييييييييييييييييش ؟؟؟؟؟؟؟؟؟

[لمسات]

ممكن احد يتكرم ويتعطف ويرد :Cry111:

[الــغـــدراء]

اتوقع منزل للي حولو علم اجتماع من تخصصات ثانيه
انتي لا تنزلين الماده وكذلك التحرير العربي ؟

[لمسات]

اهاااا
مشكورة خيتي

:love080:

[Lubna]

عادي تصير لخبطه زي كذا و هي المقصود بالتغيير للطلبة الجدد

أنتم عليكم بس من المواد اللي الجديده اللي ما بعد درستوها يعني شيكو على جدول المستوى الاول كمان
المواد الجديده هي اللي بس تسجلونها اللي عديتوها و نجحتوا فيها اتركوها

[ابوريــم]

اخوي تركي الله لايهينك حاب استفسر عن تخصص اللغة الانجليزيه

ماهو المسار المتوفر بجامعة الملك فيصل للتعليم عن بعد بالاحساء

انا اللي اعرفه ان في 3 مسارات اللغويات الترجمه والادب

وماهو الافضل

[الفارسه الملثمه]

كم ساعه يفترض للتحويل الأنتظام؟:mh318:

[Lubna]

اول شي سوري تلخبطت و بدال ما احط اقتباس حطيت تعديل و ضيعت مشاركتك أسفه :mh12:


و هذا الرد على كلامك

قصدها ان الطلبة اول ما يعلن عن محاضرة مباشرة ولا واجب تلقينهم حطوا موضوع عنه

و الـ 3 هي المحاضرات لكل مادة 3 محاضرات مباشرة

البلاك بورد فيه فوق بأعلى صفحة المنتدى خيارات تلقين البلاك بورد من ضمنها تدخلين فيه رقمك الجامعي و الباسورد

و طبعا مالك وقت محدد للدخول للبلاك بورد متى ما قدرتي ادخلي و حملي محاضراتك و الملفات المرفقه




و آسفة مره ثانيه

[ترآنيم الغلآ]

:bawling:

مشششآركتي بح .! خخخخخ

عاتي فدآك ..

طيب الرقم الجآمعي من فين اجيبوا ؟

انا اليوم مرسله اوراقي للجامعه يعني يعطوني هم بعدين رقم جامعي لي؟

ولاتحدفي المشاركه ركزي زين هههههه

مشكوره :cheese:

[بنت المريسي]

السلام عليكم ورحمة الله وبركاته

انا ابغا احد يفيدني الحين للي حملو مواد من المستوى الاول وشلون يضيفوها للمستوى الثاني


وبالنسبه مبادئ علم الاجتماع قد اخذناها بالمستوى الاول وشلون حطوها لنا هلمستوى

[ندى العمر]

السلام عليكم ورحمة الله وبركاته

انا ابغا احد يفيدني الحين للي حملو مواد من المستوى الاول وشلون يضيفوها للمستوى الثاني


وبالنسبه مبادئ علم الاجتماع قد اخذناها بالمستوى الاول وشلون حطوها لنا هلمستوى
وعليكم السلام ورحمة الله وبركاته...
شوفي يالغالية...اي مادة تحمل عادي تقدرين تنزلينها بجدولك وكأنها
مادة جديدة من ناحية الرسوم وحضور المحاضرات والواجبات والمشاركات...
أما بالنسبة للجدول كل ترم يتم تغيير ترتيب المواد عاد أنتِ شوفي المواد
أللي اخذتيها بالمستوى الأول لا تنزلينها وشيكي على جدول مستوى أول
يمكن فيه مواد ما أخذتيها..
بالتوفيق...

[بنت المريسي]

ربي يعطيك العاااافيه

[بناس]

دائما مجتهد ومحب للخير اخوي تركي


اشكرك على وجودك المتميز


تستاهل التقييم

[عيون حالمه]

السمستر الأول مافي حذف

مجبره تآخذين كل موادك

[عيون حالمه]

http://www.kfu.edu.sa/ar/Deans/elearning/Pages/calender.aspx

ادخلي هنااا تلاقين كل شئ

ان شاء الله أكون أفدتك

[SaD HeArT]

السمستر الأول مافي حذف

مجبره تآخذين كل موادك

السلطانه2


مرحبـا ..


لــلآسف ما تقدرين !!

و مثل ما قالت عيون حالمه ..

الفصل الأوّل تحدّد مواده إدارة الجامعـه و دراسته إجباريـه ,

و لا يمكن للطالب أو الطالبه حذف أي ماده منه !!













http://www.ckfu.org/vb/images/icons/ei28.gif

[لشموخے روايـہ]

طلعت على الجدول بداية إنسحاب من مقرر أو أكثر بدون إسترداد للرسوم. ..في تاريخ 17-11-1432والثاني أخر موعد للإنسحاب من مقرر أو أكثر بدون إسترداد الرسوم بتاريخ 23-12-1432 ..!!
أتوقع الجدول فيه خطأ كيف أتأكد. ..يعني كل التواريخ بدون إسترداد الرسوم كيف. .!!




طيب إذا نزلت الماده مره ثانيه ياخذون عليها رسوم

[^تركي^]

اخوي تركي الله لايهينك حاب استفسر عن تخصص اللغة الانجليزيه


ماهو المسار المتوفر بجامعة الملك فيصل للتعليم عن بعد بالاحساء

انا اللي اعرفه ان في 3 مسارات اللغويات الترجمه والادب

وماهو الافضل


هلا ابو ريــم

المعلومه المتوفره لدي هي مسار واحد ( لغه )

سيكتب في الشهاده بعد التخرج إن شاء الله ( تخصص لغه انجليزيه )

سبق وان قرأت مشاركه للدكتور احمد الشعيبي رداً على استفسار احد الأعضاء يمنتديات النقاش وذكر بأن الدراسه لغه .. سأبحث عن الرابط واضعه هنا بحول الله ..

موفق

[^تركي^]

كم ساعه يفترض للتحويل الأنتظام؟:mh318:

شروط التحويل للإنتظام ..

* ان يكون المتقدم سعودي الجنسيه .
* ان لا يكون قد مضى على تاريخ الحصول على الشهاده الثانويه اكثر من خمس سنوات .
* ان يجتاز فصلين دراسيين ولا يقل المعدل في كل فصل دراسي عن 3.5 .
* ان يجتاز 24 ساعه فأكثر .

والتقديم يكون عن طريق الخدمات الطلابيه ( ايقونة التحويل للإنتظام )

موفقه

[^تركي^]

:bawling:

مشششآركتي بح .! خخخخخ

عاتي فدآك ..

طيب الرقم الجآمعي من فين اجيبوا ؟

انا اليوم مرسله اوراقي للجامعه يعني يعطوني هم بعدين رقم جامعي لي؟

ولاتحدفي المشاركه ركزي زين هههههه

مشكوره :cheese:

الرقم الجامعي تحصلينه في النماذج

نموذج البريد الممتاز ( بند الرقم التسلسلي )

نموذج السداد ( بند الرقم الجامعي )

ويتبقى لك الرقم السري سيرسل على جوالك بعد مطابقة الوثائق ..

موفقه

[^تركي^]

السلام عليكم ورحمة الله وبركاته

انا ابغا احد يفيدني الحين للي حملو مواد من المستوى الاول وشلون يضيفوها للمستوى الثاني


وبالنسبه مبادئ علم الاجتماع قد اخذناها بالمستوى الاول وشلون حطوها لنا هلمستوى

وعليكم السلاام ورحمة الله وبركاته

بالنسبه للمواد المحموله اذا رغبتي في تسجيلها ولم تكن موجوده من ضمن مواد المستوى الحالي تروحين للمستوى السابق وتاخذين الـ crn وتضيفينه مثل أي ماده تسجلينها بالمستوى الثاني بشرط ان لا يكون هناك تعارض مع ماده اخرى من مواد المستوى الثاني ..

وبالنسبه لمبادئ علم الإجتماع طالما مجتازه الماده تجاهليها وسجلي الماده الأخرى ..

تم وضع الجداول بما يناسب الجميع .. اللي يهمك هي موادك في المستوى الحالي وان تكررت ماده سبق وان تم اجتيازها بنجاح تجاهليها ..

موفقه

[^تركي^]

وعليكم السلام ورحمة الله وبركاته...

شوفي يالغالية...اي مادة تحمل عادي تقدرين تنزلينها بجدولك وكأنها
مادة جديدة من ناحية الرسوم وحضور المحاضرات والواجبات والمشاركات...
أما بالنسبة للجدول كل ترم يتم تغيير ترتيب المواد عاد أنتِ شوفي المواد
أللي اخذتيها بالمستوى الأول لا تنزلينها وشيكي على جدول مستوى أول
يمكن فيه مواد ما أخذتيها..

بالتوفيق...


شكراً ندى .. لم انتبه لردك .. اجابه مميزه

[Luffy]

السلام عليكم

الفترة الاخيرة ما فيها استرداد رسوم

بس فيه فترة بعد بداية الدراسة بسبوعين تقدري تنسحبي وترجعي فلوسك

[j0o0ry]

وعليكم السلام ياسوكره
صبح صبح ياعم الحج
:biggrin:
وانتي بالف خير وسرور وسعاده وسلام وصفاء ووئام ومحبه وتفاهم ==>>بيخلص السطر وانا ماخلصت خخخ

انا بطلع لك التاريخ بس تعزميني ع الزواج ==>>قطت بالسالفه هههههههه

اصبري انط للجدول واشوفه وارجع لك

باك :biggrin:
يقصدون ان عندك من تاريخ 17 يبدء طلب الانسحاب وتاريخ 23 يتقفل طلب الانسحاب يكون بين هالفتره
بدوون رسوم

الجدول مافيه خطاء لاني شيكت جدول السمستر الي راح نفس الشي مسوين بدايه ونهايه للانسحاب بدون رسوم

بس دامهم كاتبين بدون رسوم اتوقع اذا سجلتيها من جديد تدفعين
السمستر الي راح كاتبين تبديل المواد المنسحب منها بمواد اخرى
بس يمكن غيروا نظامهم هسنه مو مكتوب تبديل

شكل الماده الي عندها لاتستبدل ولاتسترجع الا بفاتوره ==>>فاهمه غلط :biggrin:

عموما ياقلبو بدال وجع الراس من رايي تاخذين ماده بدالها
احسن لك
موفقه يارب

[ام لمى 82]

الحين ودي اسال بس مفتشله:000:
الحين انا توني مستوى اول ماقد بديت:biggrin: اسجل موااااد او هي خلقه مسجله وخالصه

[انا واختي خوات]

88

وش دعوى ليش متفشله من حقك ياقلبي تسالين مافيها شي ولا تنزلك مجهزه وخالصه وعندي سؤال يا اخ تركي متى تبدا الدراسه

[عُرَيْب]

السلام عليكم ورحمة الله وبركاته

احيي فيكم روح التعاون و المبادرة
وبرضو حرصكم على ترتيب القسم
ماشاء الله بارك الله

...

عندي استفسارين واتمنى تتفضلوا علي بالاجابه

- بالنسبة لمستوى ثالث قسم اللغة الانجليزية
عدد الساعات 13 أقدر ازيد واضيف مواد من رابع مع العلم المعدل يسمح ؟؟

- قسم الدراسات الاسلاميه مستوى أول
فهمت من الجدول ان جميع أقسام كلية الاداب المستوى الاول والثاني نفس المنهج
وبرضو الدكتور يعني نفس الواجبات والمناقشات << فهمي صح او غلط ؟؟

[hdoy]

يعطيكم العافيه حبيت استفسر

فيه معادله للمواد بجامعه الملك فيصل او لا ؟

[Dima]

ايه اختي فيه معادلة للمواد

[SaD HeArT]

الحين ودي اسال بس مفتشله:000:
الحين انا توني مستوى اول ماقد بديت:biggrin: اسجل موااااد او هي خلقه مسجله وخالصه




ام لمى 82


مرحبــا ..

طلاب و طالبات المستوى الأول غير ملزمين في تسجيل المواد ..

لأن إدارة الجامعه هي المسؤوله عن تحديدهـا و تسجيلها لهـم ,


بــالتوفيق لج و للجميــع :smile: ..











http://www.ckfu.org/vb/images/icons/ei28.gif

[SaD HeArT]

88

عندي سؤال يا اخ تركي متى تبدا الدراسه



انا واختي خوات



بعد إذن الأخ تركـي ..

حسب التقويـم الدراسي للجامعـه :

تبدأ الدراسـه يوم السبـت ( بعد بكره ) 12 / شـوّال و اللي يوافق 10 / سبتمبـر ,


بــ التوفيق لج و للجميـع :smile: ..










http://www.ckfu.org/vb/images/icons/ei28.gif

[Dima]

:d5::d5::d5:

عساك على القوة

[^تركي^]

عندي استفسارين واتمنى تتفضلوا علي بالاجابه

- بالنسبة لمستوى ثالث قسم اللغة الانجليزية
عدد الساعات 13 أقدر ازيد واضيف مواد من رابع مع العلم المعدل يسمح ؟؟

- قسم الدراسات الاسلاميه مستوى أول
فهمت من الجدول ان جميع أقسام كلية الاداب المستوى الاول والثاني نفس المنهج
وبرضو الدكتور يعني نفس الواجبات والمناقشات << فهمي صح او غلط ؟؟




ج 1 / طالما المعدل يسمح بإمكانك التسجيل حتى 18 ساعه ..

ج 2 / بالضبط نفس المنهج ونفس الدكتور وكذلك اسئلة الإختبار النهائي .

بالتوفيق

[رمآد انثى]

انا واختي خوات



بعد إذن الأخ تركـي ..

حسب التقويـم الدراسي للجامعـه :

تبدأ الدراسـه يوم السبـت ( بعد بكره ) 12 / شـوّال و اللي يوافق 10 / سبتمبـر ,


بــ التوفيق لج و للجميـع :smile: ..










http://www.ckfu.org/vb/images/icons/ei28.gif



سآد بعد آذنك ..
شلون تبداء الدراسه يوم السبت وهم مرسلين مسج
ان تسجيل المقررآت يبدآء يوم الاثنين :(107):
يعني للحين ماسجلنا موآدنـآإ اسـآسآ :000:

[^تركي^]

سآد بعد آذنك ..
شلون تبداء الدراسه يوم السبت وهم مرسلين مسج
ان تسجيل المقررآت يبدآء يوم الاثنين :(107):
يعني للحين ماسجلنا موآدنـآإ اسـآسآ :000:




مرحبا اختي

سأقتبس لك مشاركه رديت فيها على نفس سؤال الأخت .. قد تكون اجابه واضحه لك


حسب التقويم الزمني 12 شوال

ولكن اعتقد ان تتأخر اسبوعاً لتأجيل تسجيل الطلبه القدامى حتى 14 شوال وبيستمر التسجيل حتى 18 شوال ..

بيكون الموعد بشكل مؤكد 19 شوال .. ومن المحتمل انزال المواد للمستوى الأول في 12 شوال .. وطالما لم يتم ارسال الرقم السري لكم للأسف لن تتمكنوا من الدخول للبلاك بورد ..

الصبر طيب يا اختي .. اسبوعاً آخر ليس هناك ضرر ان شاء الله ..

موفقه

[ثــامــر]

اسعد الله صباحكم بكل خير

س1/ هل تخصص علم اجتماع يعتبر من قسم الأداب

س2/ هل يوجد اختبارات للدورة التأهيلية لطلاب الجدد

اتمنى من الجميع الرد على اسئلتي

ووفق الله الجميع

[^تركي^]

اسعد الله صباحكم بكل خير

س1/ هل تخصص علم اجتماع يعتبر من قسم الأداب

س2/ هل يوجد اختبارات للدورة التأهيلية لطلاب الجدد

اتمنى من الجميع الرد على اسئلتي

ووفق الله الجميع


اهلاً اخي ثامر

ج 1 / نعم من ضمن تخصصات كلية الآداب .

ج 2 / لا يوجد شيء اسمه دوره تأهيليه هي سنه تحضيريه ومواد عامه تتم دراستها لجميع التخصصات في الكليه ومدتها فصلين دراسيين .. ودراسة مواد التخصص تبدأ من المستوى الثالث .. وبالطبع لها اختبارات ومحاضرات وينطبق عليها ما ينطبق على المواد الأخرى ..

موفق

[سو84س]

السلام عليكم \\ انا حولت من كلية التربية الى كلية الاداب قسم اللغة الانجليزية

هم يسوون المعادلات تلقائية للمواد اللي درستها بكلية التربية ؟؟؟

لو بتنزل لي مرة ثانية ؟؟

او انا لازم اقدم الطلب ...؟

[^تركي^]

السلام عليكم \\ انا حولت من كلية التربية الى كلية الاداب قسم اللغة الانجليزية

هم يسوون المعادلات تلقائية للمواد اللي درستها بكلية التربية ؟؟؟

لو بتنزل لي مرة ثانية ؟؟

او انا لازم اقدم الطلب ...؟


وعليكم السلام

المعادلات تتم بشكل تلقائي للمواد المشتركه بين كلية التربيه وكلية الآداب ..

وبقية المواد التي ليست موجوده من ضمن مواد كلية الآداب ستثبت في سجلك الأكاديمي فقط بالتقدير الذي تم الحصول عليه ..

موفقه

[السلطانه2]

انا مستوى اول علم اجتماع اقدر اسحب مقرر الانجليزي لوقت اخر

[^تركي^]

انا مستوى اول علم اجتماع اقدر اسحب مقرر الانجليزي لوقت اخر

للأسف لا ..

جميع مقررات المستوى الأول الزاميه ولا يحق لك فيها حذف او استبدال ماده بأخرى ..

ما يحق لك هو الإعتذار عن الدراسه وتأجيلها ..

ولها 3 مواعيد حسب التقويم الزمني

الموعد الأول / طلب تأجيل مع استرداد كامل الرسوم وتبقى برصيدك الجامعي وعند العوده للدراسه تسجلين موادك المؤجله بنفسك ولن تسجلها لك الجامعه بحكم انك اصبحتِ من القدامى حتى ولو انك مؤجله الترم ..

الموعد الثاني / استرداد نصف المبلغ وعند العوده تسددين النصف المتبقي عليك من الرسوم ..

الموعد الثالث / بدون استرداد اي مبلغ وعند العوده تسجلين موادك من جديد وتدفعينها من جديد ..

كل هالمواعيد لها تواريخ معينه بالتقويم الزمني

ان شاء الله وضحت الصوره

موفقه

[ساره 2005]

مرحبا وصلت اليوم من السفر وايقونه تسجيل المقررات مغلقه ولااستطيع تسجيل المقررات ماذا افعل ساعدوني

[^تركي^]

تأجل التسجيل حتى 14 شوال .. وحمدأ لله على سلامتكم ..

وفقك الله

[طالبة متوهقه]

مثل ماقال لك الاخ تركي

[طاغية الأنوثه]

السلام عليكم ورحمه الله وبركاته

اول مشاركه لي ومن بدايتها بسال :biggrin:

انا طبعا اول سنه لي وماعرف اي شي عن الكليه:icon9:

اممممم ابي اعرف متى الخروج من الكليه وكم عدد المواد معاي :119:

وهل صحيح كلها انجليزي؟؟ وسمعت انه في قروب للبنات اللي اول سنه تحضيريه وين بيكون مكانهم؟؟

وهل في اوراق او شي لازم اجيبه معاي او اثبات

شاكره ومقدره تعاونكم :119:

[طاغية الأنوثه]

ايوه نسيت اقولكم انا سنه تحضيريه طبعا هل في جدول اقدر انا اسويه او كيف طريقه الجداول

او انها نزلت وانا اشوفها افيدوني الله يسعدكم وهل فعلا نبدا 12 شوال؟؟

[^تركي^]

السلام عليكم ورحمه الله وبركاته

اول مشاركه لي ومن بدايتها بسال :biggrin:

انا طبعا اول سنه لي وماعرف اي شي عن الكليه:icon9:

اممممم ابي اعرف متى الخروج من الكليه وكم عدد المواد معاي :119:

وهل صحيح كلها انجليزي؟؟ وسمعت انه في قروب للبنات اللي اول سنه تحضيريه وين بيكون مكانهم؟؟

وهل في اوراق او شي لازم اجيبه معاي او اثبات

شاكره ومقدره تعاونكم :119:

اهلاً بك اختي

لكن هنا المعلومات تتعلق بالإنتساب ( التعليم عن بعد ) والإنتظام لا تتوفر لدينا المعلومات الكافيه لإفادتك ..

اذهبي للصفحه الرئيسيه للملتقى وستجدين الكليات الخاصه بكم واكتبِ مشاركتك هناك ..

وفقك الله

[^تركي^]

سأقتبس لكم جزء من مشاركاتي وردي على بعض الإستفسارات ارجوا الاطلاع عليها قبل وضع سؤال مشابه .. وان شاء الله اني وفقت في الإجابه وان اخطأت سامحوني :smile:

جزاكم الله خير ع الصفحة

اخوي انااا مسجل من العام ترم اول بس ما نجحت رسبت بالمواد كلها
اللحين ابي ابد من جديد كيف وماهي الشروط وكيف الطريقة وكيف طريقة الدفع؟
شهادتي الاصلية وكل شي عندهم من العام ..

اهلاً استاذي

تعوضها بإذن الله .. لا تشيل هم جد واجتهد والتوفيق حليفك

عند بدء التسجيل يوم الأثنين القادم ان شاء الله 14 شوال

تدخل على البانر وتسجل موادك من جديد وتدفع رسومها من جديد لكن بما انك رسبت ومعدلك اقل من 2 شيء طبيعي بحكم الرسوب ..

تسجل حتى 12 ساعه فقط ..

تختار موادك من جدول المستوى الأول .. بعد تسجيل المقررات .. تسدد الرسوم في بنك الرياض وتسحب صوره من سند الإيداع على جهازك بواسطة الإسكنر وترسله من الخدمات الطلابيه وتبدأ في الدراسه كأي طالب آخر ..

وفقك الله


يعطيكم العاافية يارب ..

انا خريجة رياض اطفال من كلية التربية من فرع جامعة الملك فيصل

اقدر على السمستر الثاني اعادل المواد

لان سمعت انو المتخرج بكالوريس مايحق له المعادلة :icon9:
شسمووهـ انا اغلب المواد التربوية دارستها حررام ماتكون لي معادلة:bawling:
هل هذا صحيح ؟؟:mad:



بالضبط اختي تقدرين تعادلين موادك من الآن .. سواء خريجه ام لا .. ( حسب كلام الدكتور النجار )




المعادله مفتوحه حتى تاريخ 2 ذو القعده .. اذا انتِ مستجده انتظري حتى يتم ارسال الرقم السري لك ومن ثم الدخول على الخدمات الطلابيه وتقديم المعادله ..


اذا من القدامى بإمكانك التقديم الآن .. الأيقونه مفتوحه ..



يجب ان تنتبهي لهذه الأمور :

ـ المواد للمستوى الأول الزاميه ولا يحق لك المعادله فيها ..

ـ المعادله لمواد المستوى الثاني وأعلى ..
ـ لديك سجل اكاديمي ووصف للمقررات وكلاهما موثق من الجامعه ..
ـ ان لا يقل تقديرك في الماده عن c
ـ عدد الساعات التي سيتم معادلتها بحد اقصى 15 ساعه ..







يعطيكم العافية
بالنسبة لجدول الامتحانات يكون ثابت كل سنة بنفس الترتيب ولا يتغير


التغيير كل فصل دراسي وليس كل سنه دراسيه ..

والتغيير حتى الآن جزءي بعض المواد استمرت في نفس ترتيب الأيام والبعض الآخر تغير ..

موفقه

يعطيك العاافية تركي


انا مستجده وموادي الزامي اقدر من الحين اعادل موادي للسمستر الثاني او انتظر لين انتقل للترم الثاني ؟

الله يعاافيك

عندك سجل اكاديمي ووصف للمقررات ..؟

اذا لديك بعد استلامك للرقم السري تدخلين على الخدمات الطلابيه فيها ايقونه اسمها تقديم طلب معادلة مواد .. تدخلين عليها وتتبعين الإجراءات ..

طبعاً تاخذين نسخه على جهازك من السجل الأكاديمي والوصف علشان ترسلينه كصوره للجامعه عن طريق الموقع ..

الآن اطلعي على الخطه الدراسيه ووصف المقررات للتخصص وما يتناسب مع المواد المطلوب معادلتها حتى تكون جاهزه .. وبمجرد استلامك للرقم السري تطلبين المعادله .. اخر موعد 2 ذو القعده ..

موفقه


مرحبا
انا مستجدة وتم قبولي وارسلت كل شي ووصلتهم الاوراق وكل شي
بس ماجاتني رساله بالرقم الجامعي وكلمة المرور
في احد وصلته او لا

الف مبروك اختي القبوول ..

ومتأكده من وصول اوراقك للجامعه ..

انتظري فقط مطابقة اوراقك وسيتم ارسال رساله على جوالك بالرقم السري ..

موفقه

آلسسلآمً عليكمً وُ رحمة آلله وَ بركآتهَ

لوَ سمحتَ آخَ تركيَ

آنآ آستفسرتَ عن آلتحولَ لـ آنتظـآمَ خـآرجَ آلجآمعه

يعنيَ جآمعهَ غيرَ جآمعة فيصلَ

وَ آلله يجزآهمَ خخيرَ آلآخوآنَ وً آلآخوآت مآقصروَ


بسَ ححآبهَ آتأكد للمرهـ آلآخخيرهـ َ


وً آسفينَ عً آلآزعآجَ ,‘:mh318:


وعليكم السلام ورحمة الله وبركاته

تطبق عليك شروط الجامعه التي ترغبين بالإنتظام فيها ..

اطلعي على شروطهم وطلباتهم وبالنسبه لجامعة الملك فيصل حسب ما قرأت للدكتور عبدالله النجار لن يتأخروا في ارسال ملفك في حال طـُلب منهم ذلك من أي جامعة كانت وبالبريد الممتاز ..

وفقك الله



السسلام عليكم


الحين فيه مواد اختياريه ومواد اجباريه ~
قبل شايفتهم في توصيف المقرر وطلعت 5 مواد اختياريه والحين لما جيت اتاكد مو كاتبين لا اختياري ولا اجباري

يعني كل شي اجباري ؟؟ :bawling::71:


وعليكم السلام

اهلاً عشق القصيد

الكلام هذا غير صحيح

بعطيك مثال ..

فيه ماده في مستوى رابع لكلية الآداب ( قواعد البيانات )

هي اختياريه يا الشبكات او قواعد البيانات انا مخير في اختيار احداها ..

ايضاً قضايا ثقافيه معاصره ماده اختياريه مع النظام الإقتصادي في الإسلام ..

هذه امثله فقط احببت ان اطرحها ..

ولكِ حرية الإختيار فيما بينها مع انه ما نزل الا قضايا ثقافيه وقواعد بيانات ولم تنزل المواد الأخرى ولستِ مجبره لدراستها في الوقت الحالي .. بإمكانك تركها حتى تنزل احد المواد الأخرى الإختياريه وتسجلينها ..

ان شاء الله قدرت اوضح لك الصوره ..

وفقك الله



السلام عليكم ،،



انا ارسلت الاوراق بس البريد ما عطاني رقم ولا شي اخذ الاوراق بس ،، كيف اعرف اني انقبلت او لا؟؟


السؤال الثاني كل مواد سنة اولى انجلش اجباريه؟؟ و كيف اعرف جدول الامتحانات للمواد ؟؟



من المفترض ان يعطيك البريد ورقه فيه رقم الإرساليه .. بإمكانك مراجعتهم وسؤالهم عن ذلك ..

وبالنسبه لقبولك انتِ مقبوله يا استاذه ويتبقى فقط مطابقة اوراقك والتأكد من صحتها .. اذا نفس ما سُجلت في النظام فأنتِ مقبووله بإذن الله ..

وجداول الإختبارات من هنا

http://www.ckfu.org/vb/t206366.html (http://www.ckfu.org/vb/t206366.html)

والمواد للمستوى الأول الزاميه .. لا حذف ولا استبدال ..

موفقه

ياخوي ممكن اجابه انا تم قبولي ودخلت رقم سري لم سجلت واعرف الرقم السري

كيف اعرف الرقم الجامعي يااخوان وهل اقدر ادخل الان مع ان الاوراق راح توصل الاسبوع هذا انشاء الله



الرقم السري للدخول للنظام يختلف وسيرسل على جوالك بعد مطابقة الوثائق والتأكد من صحتها ..

الرقم الجامعي موجود في النماذج طبعاً انت ارسلتها واحتمال لا يوجد لديك نسخه منها ..

اذاً ادخل مره اخرى على بوابة القبول وادخل على النماذج التي قمتَ بطباعتها وتجد الرقم الجامعي

في نموذج البريد الممتاز ( بند الرقم التسلسلي )

في نموذج السداد ( بند الرقم الجامعي )

هذا هو رقمك الجامعي الذي ستدخل به على النظام ويتبقى فقط حصولك على الرقم السري ..

وضحت الصوره يا استاذي ..

وفقك الله

طيب والي جواله تغير ايش يسوي

لم ترد على سؤالي يا استاذ ..

عموماً ان كان ما قصدته هو ان جوالك تغير وتخشى ان يرسل على جوالك القديم رسالة الرقم السري ..

بإمكانك الدخول على هذا الرابط واستخراج الرقم بكل سهوله :biggrin:

http://www.kfu.edu.sa/ar/Deans/AdmissionRecordsDeanship/Pages/newstudents.aspx (http://www.kfu.edu.sa/ar/Deans/AdmissionRecordsDeanship/Pages/newstudents.aspx)

دعواتك

السلام عليكم
ابي اسأل عن مواد الاختياريه لازم اخذها والاعادي احذفها ومااخذها لين اتخرج يعني ماتاثر علي عدد ساعات التخرج

وعليكم السلام

يا استاذه .. ما يُـعنى بالمواد الإختياريه هي ان يكون هناك مادتين تختارين ماده منهم لدراستها وبذلك تكون مطلوبه للتخرج .. ويجب عليك دراسة احدى هاتين المادتين ..

بالطبع هذا مثال والمواد ليست مادتين فقط قد تكون اكثر من ذلك ..

يعني كل ماده معها ماده اخرى اختياريه

ولنفترض 10 مواد .. يجب اختيار خمس منهم للدراسه ..

وضحت الصوره ان شاء الله

الله يعافيك على الرد بس مثال المستوى الرابع فيها ماده قضايا ثقافيه بس هذي ماده اختياريه انا من قبل اخذت فقه السيره والترم هذا باخذ الاخلاق يسير احذفها اقصد قضايا

يبدو اني لم اوضح الصوره لك بشكل جيد .. اعتذر عن ذلك ..

قضايا ثقافيه معاصره الماده الاختياريه التي معها هي النظام الإقتصادي في الإسلام

الاخلاق الاسلاميه ليس معها ماده اختياريه ولا بد من دراستها وايضاً فقه السيره

قواعد البيانات ماده اختياريه مع الشبكات لكِ حرية الإختيار بينها ..

حاضر العالم الإسلامي ماده اختياريه مع مدخل الى الإعلام

الحضاره الإسلاميه ماده اختياريه مع الإسلام وقضايا العلم والتقنيه

يعني هذه امثله فقط اضعها بين يديك ولو تطلعي على وصف المقررات لتخصصك ستجدين ذلك بوضوح ..

ستجدين ماده وتحتها ماده اخرى وبينهم كلمة أو ..

هل اتضحت لك الصوره الآن بشكل اكبر يا استاذه ..

موفقه

طبعاً ما نزل من المواد هي من تسجلينها .. بعض المواد الاختياريه الأخرى لم تنزل

اذا لم ترغبي بهذه الماده وترغبين بالماده الإختياريه الأخرى انتظري حتى يتم انزالها في سمسترات اخرى وسجليها ..

لكن من الأفضل تسجيل المتاح .. ربما هناك ما يمنع الجامعه لإنزالها في الجداول ..

وفقك الله

أخووي انا اوراقي اوصلت الخميس يعني يرسلو لي الرقم السري السبت لان دخلت على استعلام عن الرقم السري مافيه شي!!!اقدر ادق عليهم واستفسر منهم! !لاني طفشت من الاانتظار! !!مهي حاله هاذي كل شي ارسلته لهم كل اللي اطلبوووه بارساله قدمته وحتى صاحب البريد قال اورقك كامله طيب كيف مانقبلت!!:mad:

ليس ضروري ان يرسلوها السبت قد تتأخر اكثر من ذلك .. وقد تكون .. الصبر طيب يا اختي

العمليه استلام وتسليم وفرز ولجنة تدقيق ورفع بصحة المعلومات من عدمها .. كل هذه تحتاج الى وقت بارك الله فيك

حتى لو اتصلتي عليهم بيقولون انتظري رساله على جوالك او من خلال الموقع ..

بودي أؤكد على نقطه / الآن اذا البيانات المدخله في النظام صحيحه ومطابقه للأوراق المرسله للجامعه وتم اعلان قبولك فأنتِ مقبوله يا اختي ولا تحتاجين لإعلان آخر .. فقط في انتظار المطابقه للوثائق ..

اذا كان هناك اخطاء ما بين التسجيل والوثائق .. ربما يتم استبعادك ..

وضحت الصوره يا استاذه ..

وفقك الله

السلام عليكم -أنا خريجة عام 1414هجري وشهادتي هي معهد معلمات سجلت في الجامعة وارسلوا تم قبولك بس باقي ماارسلت الاوراق المطلوبة لاني قريت تحت في اجراءات القبول الشهادات المرفوضة معهد المعلمات دلوني على الكلام الصحيح قبل مااارسل الاوراق جزاكم الله خير

وعليكم السلام .. اهلاً اختي

للأسف الشديد يا اختي شهادة اعداد المعلمات ليست مقبوله لدى الجامعه حسب شروطها ..

الحقيقه لا اعلم هل قبل شخص آخر بهذه الطريقه بعد اعلان قبوله لكن الجامعه اعتمدت على نوع الثانويه المدخله بالنظام ..

بإمكانك الإتصال على ادارة الجامعه وسؤالهم قبل ارسال اوراقك وحتى لا ترفض وتطول المده في استرجاع وثائقك ..

اتضحت لك الصوره يا استاذه .. بشكل مؤكد نعم :biggrin:

وفقك الله


معليه سؤالي شاطح شوي :biggrin:

انا بسافر بشهر 5 بعام 1433 ان شاءالله :biggrin:
بس خوفي انه وقت اختبارات مع العلم انا علم اجتماع واخوي اداره وكلنا مستوى واحد

سؤالي هي توافق وقت الاختبارات ومتى موعدها :g2:

اهلاً اختي

حتى وان وافقت وقت اختبارات .. بإمكانك الإختبار في المركز الذي سبق وان حددتيه ومن ثم لو وافق وسافرتي وبقي لديك اختبارات اخرى بإمكانك الإختبار في مركز آخر بشرط توفر مركز في المنطقه المراد السفر لها ..

تذهبين للمركز في هذه المنطقه وتشعرينه بذلك وسيتم اختبارك ان شاء الله وتكملته ..

لكن يجب عليك التأكد من تخصصك بعض المناطق فيها اكثر من مركز .. تشوفين اي مركز فيه تخصصك وموقعه وتتجهين له .. وان تم الرفض بدخولك .. اخبري المشرفه بالإتصال على منسق الجامعه وهو لديه علم بذلك ويأمرها بإدخالك للقاعه ..

موفقه

فيه تقديم عالترم الثاني ولا لا؟؟

ان شاء الله سيكون فيه تقديم .. تابعي الملتقى او موقع الجامعه وستعلن المواعيد

وفقك الله

[hashim77]

السلام عليكم ورحمة الله وبركاته


احيي فيكم روح التعاون و المبادرة
وبرضو حرصكم على ترتيب القسم
ماشاء الله بارك الله

...

عندي استفسارين واتمنى تتفضلوا علي بالاجابه
للمعلوميه كليه الاداب تخصص لغه انجليزيه

س1/ كيف الطريقه لتسجيل المقرارات ؟
س2/كيف احصل علي الرقم الجامعي ؟

ولكم جزيل الشكر :119:

[^تركي^]

السلام عليكم ورحمة الله وبركاته

س1/ كيف الطريقه لتسجيل المقرارات ؟
س2/كيف احصل علي الرقم الجامعي ؟

ولكم جزيل الشكر :119:





ج 1 / http://www.ckfu.org/vb/t213910.html

ج 2 / موجود في ردودي اعلاه ربما لم تنتبه يا استاذي

عموماً من النماذج التي تمت طباعتها

نموذج البريد الممتاز ( بند الرقم التسلسلي )

نموذج سداد الرسوم ( بند الرقم الجامعي )

ارسلت اوراقك ولم تحتفظ بنسخه من النماذج .. ارجع للصفحه التي طبعت منها النماذج وستجدها هناك ..

وفقك الله

[يوسف ـآلعتيبي]

السلام عليكم ورحمة الله وبركاتة
كل عام وانتم بخير وصحة وسلامه

اللهم صلي على محمد


..
انا سجلت في الجامعة وكنت مفكر ما راح يقبلوني عشان درجاتي مش ولا بد المهم
قبلوني وانكليزي كمان ..:33_asmilies-com:
ما دريت عن طريقة الواجبات ولا المحاضرات بس اختبرت ..:biggrin:

واختبرت مع المختبرين ما فلحت غير في الانكليزي ومادة ثانيه اما المواد الباقية فحطت فيها وعطوني انذار اول يعني وشو انذار اول ..؟:mh12:

ووش اسوي فيها معاد ابي انذارات اخر مره معودها .. بس ابي اعدل من وضعي في المواد اللي ما افلحت فيها كيف الطريقة واطلب من فطاحله اللغة العنقليزية المساعدة :mh318:

وسجلت في المنتدى عشان عندي أسئلة كثيررره بالحيل ..

[^تركي^]

اهلاً اخي يوسف ..

وعليكم السلام ورحمة الله وبركاته

اللهم صلي وسلم عليه

بالنسبه للإنذارات .. عند حصولك على معدل اقل من 2 ستأخذ انذار اول وهذا ما حصل ..

في حالة درست الفصل الدراسي الثاني ولا زال معدلك تحت 2 ستأخذ انذار ثاني ..

وفي حالة درست الفصل الدراسي الثالث ولا زال معدلك تحت 2 ستأخذ انذار ثالث وأخير ..

وتعطى فرصه في الفصل الدراسي الرابع لتحسين وضعك وترفع المعدل لأعلى من 2 او بكل أسف يتم فصلك من الجامعه ..

في حالة رفعت معدلك في اي حالة من الحالات بالأعلى في الفصل الثاني او الثالث عندما يكون المعدل 2 ستلغى الإنذارات وتبدأ من جديد ..

بمعنى اخذت انذار اول وفي الفصل الثاني رفعت المعدل ستلغى

ايضاً اخذت انذار اول وفي الفصل الثاني انذار ثاني وفي الفصل الثالث رفعت المعدل الى 2 واعلى ستلغى

وعلى هذا النحو ..

اتضحت الصوره يا استاذي

وفقك الله

[بنت الداود]

انذار اول يعني لازم تنجح هالترم وترفع معدلك آكثر من 2 عشان مآيجيك آنذار ثاني

هالترم آجتهد ونزل مقررات سهله عشان تمشي فيها وتنجح بمعدل

شنو الماده الثانيه اللي نجحت فيها غير الانجليزي ..!!

آنصحك بـ العقيده الاسلاميه والمذاهب المعاصر
و بـ مبادئ علم علم الآجتماع
وبـ الصحه واللياقه
وبـ التحرير العربي
و بـ مدخل الى تقنية المعلومات

آآآممممممممممم مبادئ الاداره ابعد عنها حالياً لما يرتفع معدلك :119:

و اذا الماده الثانيه اللي ناجح فيها من ضمنهم احذفها و خذلك مقرر اسهل :119:

[AbOoOdALH]

اخوي تركي جاء سؤال ببالي :

اللحين في درجات على المشاركة والواجبات

طيب بشارك واحل الوجبات وبنزل المحاضرات كيف اعرف درجتي المستحقة بالمشاركات والواجبات لاني اخاف اشارك واحل الواجبات ومايعطوني درجتي المستحقة ؟ هل فيه طريقة اعرف درجتي ؟ وهل هي 30 درجة

حبيت اشكرك كثير الشكر على مساعدتك لنا :106:

[^تركي^]

اخوي تركي جاء سؤال ببالي :

اللحين في درجات على المشاركة والواجبات

طيب بشارك واحل الوجبات وبنزل المحاضرات كيف اعرف درجتي المستحقة بالمشاركات والواجبات لاني اخاف اشارك واحل الواجبات ومايعطوني درجتي المستحقة ؟ هل فيه طريقة اعرف درجتي ؟ وهل هي 30 درجة

حبيت اشكرك كثير الشكر على مساعدتك لنا :106:

اهلاً اخي

نعم يوجد ايقونه في الخدمات الطلابيه اسمها ( الإستعلام عن درجات المشاركه )

ستتفعل قبل بدء الإختبارات وبعد قفل نظام البلاك بورد للإطلاع على درجاتك في المشاركه

انت فقط عليك بحل الواجبات وستعرف نتيجتك للواجب من البلاك بورد ..

الواجب الاول 3 درجات والثاني 3 درجات والثالث 4 درجات

هذا بالنسبه للواجبات .. هي الوحيده التي ستعرف درجتها

بالنسبه لتحميل المحاضرات والمقصود هي المحاضرات التي بصوت الدكتور سواءً فيديو او صوت فقط وستكون 14 محاضره .. كل محاضره تنزلها او تشاهدها بالموقع ولو لمدة دقائق معدوده سيحسب لك النظام الدرجه وعلى كل محاضره نصف درجه ..

المشاركات في منتدى الحوار 14 مشاركه وعليها 10 درجات ( المطلوب 14 ) وما زاد كثر الله خيرك :biggrin:

والمحاضرات المباشره ( اللقاء المباشر مع دكتور الماده ) وسينزل جدول خاص بالمواعيد بعد بدء الدراسه .. ستكون 3 محاضرات مباشره على كل محاضره درجه واحده ..

وليس الزامي ان تحضرها مباشره .. بإمكانك تنزيلها مسجله متى ما وضعت في البلاك بورد وتستمع لها بالموقع او تنزلها على جهازك .. وستحسب لك الدرجه ..

بكذا 30 درجه ( احرص كل الحرص ان تاخذها كاملة ) ورتب جدولك ووضعك اولاً بأول .. وفالك التوفيق

[Dima]

الجماعة ما قصروا معك

هذا شرح للدكتور احمد

الانذار يوجه للطالب اذا انخفض المعدل عن 2 ( اثنين من 5 ) وتنمسح الانذارات اذا رفع الطالب معدلة الى فوق الأثنين .. والطالب يفصل بعد ثلاث انذارات وللتوضيح الانذار الثاث هو من اسمه انذار ولايفصل الطالب بعد هذا الاتذار مباشرة بل يفصل بعد نهاية الفصل اللي يحصل فيه الطالب على الانذار الثالث :

وللتوضيح سأضع لكم هنا مثال:

الفصل الأول 1427 - معدل الطالب 1.2 - اتذار أول (لأنه تحت 2)
الفصل الثاني 1427 - معدل الطالب 1.35 اتذار ثاني (لازال تحت 2)
الفصل الأول 1428 - معدل الطالب 1.5 انذار ثالث وأخير (لازال تحت 2)
ملحوظة : لايفصل الطالب هنا بل يعطى الفرصة الأخيرة لدراسة فصل أخير لأن النظام ينص على اعطاء 3 انذارات
الفصل الثاني 1428 - معدل الطالب 1.8 هنا يفصل الطالب من ا لجامعه (المعدل لازال تحت 2)

ولو الطالب في الفصل الثاني 1428 رفع معدله ليصبح مثلا 2.4 فيتم مسح جميع الانذارات السابقة والتي حصل عليه الطالب.

امل أن تكون الصورة واضحة الآن للجميع

أطيب تحياتي

[غايتي اللانهايه]

الله يعطيكم العافية
بس السؤال الانذار هل يحسب على المعدل التراكمي او الفصلي؟:mh12:

[amal.galbi]

السلام عليكم

انا عندي سؤال مهم اتمنى القى جواب عليه

انا كلية الاداب قسم انجليزي

الحين انتقل مستوى ثاني

في المستوى الاول درست مادة مبادئ علم الاجتماع

واشوف الحين في المستوى الثاني حاطين لي نفس الماده علما ان مو مكتوب جمبها لا 1 ولا 2 مثل النحو التطبيقي

اتمنى الاقي جواب شافي
وشكرااااا

[amal.galbi]

عندي استفسار ثاني

انا من المستفيدين من الضمان الاجتماعي وسجلت في موقع الجامعه

سؤالي لو سجلت مواد ادفع لهم ولالا ؟؟

ويعفوني سمستر واحد ولا على طول ؟؟؟؟

شكراااااا

[يوسف ـآلعتيبي]

يعطيكم الف الف الف عافييةةةة

طيب كيف اختار المواد اللي ابي ادرسها في الترم ..
ولو اخليها كلها عربي بدون الانقليزي اخذ تخصص انقليزي وانا ما درستها ولا يأجلونها للترم اللي بعده ..
يعني دارس انقليزي دارس ..

[^تركي^]

السلام عليكم

انا عندي سؤال مهم اتمنى القى جواب عليه

انا كلية الاداب قسم انجليزي

الحين انتقل مستوى ثاني

في المستوى الاول درست مادة مبادئ علم الاجتماع

واشوف الحين في المستوى الثاني حاطين لي نفس الماده علما ان مو مكتوب جمبها لا 1 ولا 2 مثل النحو التطبيقي

اتمنى الاقي جواب شافي
وشكرااااا

وعليكم السلام

تجاهليها وسجلي مادة الإنجليزي كتابه ..

الجداول يتم وضعها بما يخدم الطلبه .. واي ماده مجتازتها بنجاح وتلقينها في جدولك للمستوى الذي تم الوصول اليه تجاهليها وكأنها لم تكن موجوده ..

موفقه

[^تركي^]

عندي استفسار ثاني

انا من المستفيدين من الضمان الاجتماعي وسجلت في موقع الجامعه

سؤالي لو سجلت مواد ادفع لهم ولالا ؟؟

ويعفوني سمستر واحد ولا على طول ؟؟؟؟

شكراااااا

هل ارسلتِ شهادة انتمائك للضمان لإدارة الجامعه ؟

ان كان كذلك فالأسماء رفعت للشؤون الإجتماعيه والجامعه تنتظر الإفاده من قبلهم

سجلي موادك عند فتح التسجيل والموعد متاح لتسديد الرسوم حتى 5 ذو القعده

وستعلن الجامعه بالنسبه للمستحقين من الضمان هل يسددون الرسوم ام لا ..

حتى وان تم سداد الرسوم سترجع لكم حسب ما اكدته ادارة الجامعه ..

وفقك الله

[amal.galbi]

يعطيييك الف عااافيه

[mansor 25]

شكرا اختي الكريمه طمنتي قلوبنا ,,

بس ياليت تعدلو كلمة ملزمه ولاملازمه بصراحه , اي مستجد حيسالك وحيقولك شو هيا الملزمه ؟
مش مفهومه .. لهم

يفضل الاكتفاء بكلمة ملخصات ,,

[AbOoOdALH]

المشاركات في منتدى الحوار 14 مشاركه وعليها 10 درجات ( المطلوب 14 ) وما زاد كثر الله خيرك :biggrin:




طيب ياتركي منتدى الحوار هو المنتدى هذا ولا منتدى ثاني وطريقة التسجيل برقم الجامعي وهل المشاركة بمنتدى الحوار مثل مشاركتي هنا يعني نفس النظام :smile:

ياليت لو تعطيني رابط منتدى الحوار

[mansor 25]

حبايب قلبي بالنسبه للواجبات الاسبوعيه ..

هل الواجبات تختلف من شخص الى اخر والمقصود من كلامي الان شخصين دخلو البلاك بورد يحلو الواجبات بنفس الماده ,, هل الاسئله حتختلف عندي وعنده ؟؟

[رجوى*]

حبايب قلبي بالنسبه للواجبات الاسبوعيه ..

هل الواجبات تختلف من شخص الى اخر والمقصود من كلامي الان شخصين دخلو البلاك بورد يحلو الواجبات بنفس الماده ,, هل الاسئله حتختلف عندي وعنده ؟؟

شكل الاخ تركي في استراحة الحين :biggrin:,, راح ارد عليك


الواجبات ينزل لها جدول وعددها 3 واجبات في الترم لكل مادة

وفيه مدة لكل واجب تقريبا اسبوعين

الاسئلة نفس الاسئلة بس يتغير الترتيب

اتمنى اني افدتك

وفالك التوفيق

[mansor 25]

يسلمك ربي اختي رجوى على المساعده ..

[نجمة الفؤاد]

مرحبا بالجميع

بالله ساعدوني لسه واصله من السفر كيف اقدر اسجل مقررات جاتني رسالة بالجوال ان يوم 14-10
التسجيل بس المشكلة اني ما اعرف بالله سااااعدوني :Cry111:

[Heart story]

اممممممممممم تصدقين موفاكره بالضبط من فين بس على مااعتقد من مكان ماعرفتي نتيجة قبولك تدخلي برقم السجل المدني تلقي الرقم الجامعي والباسورد والله اعلم
ماحبيت اعدي من موضوعك بدون ما ارد

[Heart story]

شوفي بانقل موضوعك لملتقى المستوى الاول والثاني واكيد بتلقي الجواب هناك:119:

ربي يوفقك:106:

[الفارسه الملثمه]

السلاام عليكم ورحمه الله وبركاته...
ان شاء الله بعد مانسجيل المقرات يوم الأثنين.. كيف طريقه تسديد الرسوم للجامعه؟؟؟:g2:

[seema**]

فديتك مشكوره :love080:

[j0o0ry]

أصبحنا واصبح الملك لله

شوفي هذا الفلاش بيشرح لك من طق طق لسلامو عليكم

طريقه تسجيل المواد وبعدين وشلون تدفعين موفقه

http://www.kfu.edu.sa/ar/Deans/elearning/Pages/using_guide.aspx
:106:

[^تركي^]

وعليكم السلام ورحمة الله وبركاته

عن طريق الإيداع النقدي ببنك الرياض ..

تاخذين سكان للسند على جهازك وترسلينه للجامعه عن طريق الخدمات الطلابيه ( ايقونة سداد الرسوم )

واحتفظي بنسخة السند عندك ربما تحتاجينه مستقبلاً او تطلبه الجامعه ..

وفقك الله

[^تركي^]

من النماذج

نموذج البريد الممتاز ( بند الرقم التسلسلي )

نموذج السداد ( بند الرقم الجامعي )

موفقين

[ملكة بدنيتي]

السلام عليكم..

افيدوني لو سمحتو عن التعليم عن بعد هل فيه لقسم رياض اطفال او لا؟؟ وشنو التخصصات؟؟ وهل فيه اللحين تسجيل؟ وكيفية التسجيل؟ بليزززز افيدوني معلوماات عنه

[^تركي^]

طيب ياتركي منتدى الحوار هو المنتدى هذا ولا منتدى ثاني وطريقة التسجيل برقم الجامعي وهل المشاركة بمنتدى الحوار مثل مشاركتي هنا يعني نفس النظام :smile:

ياليت لو تعطيني رابط منتدى الحوار


اهلاً استاذي

رجوى ما قصرت .. الله يجزاها الخير

بالطبع ليس هذا المنتدى هو منتدى الحوار الخاص بالجامعه

بمجرد دخولك على البلاك بورد ومن ثم تدخل على المنتدى سيتعرف عليك النظام من خلال رقمك الأكاديمي ( الجامعي ) ..

انتظر حتى تحصل على الرقم السري وبإستطاعتك بعدها الدخول ..

وفقك الله

[j0o0ry]

يعد ماتسوين الطريقه الموجوده تسوين الطريقه الثانيه للتاكيد الي قالها تركي
يعني تسوينهم الاثنين مو وحده منهم

[^تركي^]

السلام عليكم..

افيدوني لو سمحتو عن التعليم عن بعد هل فيه لقسم رياض اطفال او لا؟؟ وشنو التخصصات؟؟ وهل فيه اللحين تسجيل؟ وكيفية التسجيل؟ بليزززز افيدوني معلوماات عنه


اهلاً يا استاذه وعليكم السلام

للأسف لا يوجد رياض اطفال

التخصصات الموجوده

كلية الأداب ( علم اجتماع ، لغه انجليزيه ، لغه عربيه ، اسلاميات ، جغرافيا ، تاريخ )

كلية الإداره

كلية التربيه <<< للأسف اغلق التخصص هذه السنه ..

التسجيل انتهى في الفتره الحاليه للفصل الدراسي الأول

وسيكون بمشيئة الله فيه تسجيل للفصل الدراسي الثاني ولكن حتى الآن لم يعلن موعد التسجيل .. تابعي الموقع وسيعلن في حينه ..

وفقك الله

[seema**]

:love080: مرررره شكراً


ربي يوفقنا:106:

[seema**]

طيب ممكن اعرف كيف ادخل البلاك بورد يعني ايش اليوزر والباسورد المطلوبه

[Heart story]

شوفي هذا الرابط اكيد بيفيدك
http://www.ckfu.org/vb/t215917.html

[j0o0ry]

اليوزر الرقم الجامعي
الباسوورد بتلاقينه نفس الصفحه الي سجلتي فيها وشفتي قبولك
او يرسلونه ع الجوال مو متذكره بالضبط

عموما دخلت موقع الجامعه ع قسم الطلاب الجدد في خانه كلمه المرور كاتبين خطاء بالصفحه
في صفحه ثانيه
http://www.kfu.edu.sa/ar/Deans/elearning/Pages/new_students.aspx
تغير كلمه المرور تحطين الرقم الجامعي والاحوال شوفي وش يطلع معاك
يمكن مايطلبون الباسوورد القديم

[ودان]

اريد تغير تخصص ولا لقيثت سنع منيعرف الريقه ويفيدني

[j0o0ry]

اصبحنا واصبح الملك لله

ادخل الخدمات الطلابيه من هالرابط
http://del2.kfu.edu.sa/entisab_app/index.asp
فيها تغير تخصص
موفق يارب

[j0o0ry]

الايقونه مو مفعله طبعا لان لها تاريخ معين يوم رجعت للتقويم الزمني
لقيت هالشي
الأثنين
15/9/1432
15/8/2011
أخر موعد لتقديم طلب تغيير التخصص للفصل الدراسي الأول من العام الجامعي 1432/1433 هـ




معقوله يكون انتهى :(107):

[^تركي^]

اكيد يا جوري انتهى ..

الدراسه من المفترض انها بدأت اليوم .. والتواريخ معلنه في التقويم الزمني ..

يعطيك العااافيه على مجهودك

[j0o0ry]

تركي جابك الله توني اسالك برسايل الزوار
بس وشلون تنتهي قبل الدراسه بشهر
مره واجد
انا اذكر بعد الدراسه كان تغير التخصص ولا :(107):

[الجوoOoري]

الأخت جوري والأخ تركي الف شكرلكم على جهودكم يعطيكم العافية

[بنت الداود]

اولا لتغير التخصص لابد تكون خلصت مستوين دراسين

ثاني تغير التخصص يفتح بعد الانتهاء من الاختبارات مو بداية الدراسه :000:

[العنقا]

سلام عليكم

اختي سجلت ونست من الرقم السري اللي اتدخله مع رقم السجل المدني علشان اتطلع الرقم السري والاكاديمي
وش تسوووي الحين

[^تركي^]

تركي جابك الله توني اسالك برسايل الزوار
بس وشلون تنتهي قبل الدراسه بشهر
مره واجد
انا اذكر بعد الدراسه كان تغير التخصص ولا :(107):

هلا جوري ..

لأنه اذا تقدم الطالب او الطالبه على تغيير تخصصه .. الجامعه تغير تخصصه اذا كان مطابقاً للشروط ..

وبالتالي يبدأ مع بداية الدراسه لدراسة تخصصه الجديد وتسجيل مقرراته بدءاً من المستوى الأول ان كان في كلية مختلفه او الإستمرار في تخصصه القديم ان تم رفض الطلب ..

على كذا الموعد يفترض ان يغلق قبل بدء الدراسه وفتحه من جديد كما ذكرت الأخت بنت الداود بعد نهاية الفصل .. ولا يتقدم بالطلب الا بعد معرفه وضعه ومطابقته للشروط ..

سؤال يطرح نفسه / كيف يعرف الطالب بوضعه الاكاديمي من اجتياز ومعدل قبل اداء الاختبارات وظهورها ليتمكن من تقديم الطلب بالتغيير ؟

ومن ضمن فقرات الشروط ان يكون التقدم بالطلب قبل خمسة اسابيع من بداية الفصل الدراسي ويستثنى من ذلك الفصل الدراسي الثاني نظراً لضيق الوقت يفتح بعد نهاية الاختبارات مباشرة ولا يغلق الا بعد ظهور النتائج ..

كما حصل الترم الماضي .. تأخرت ظهور النتائج وتم تمديد فترة تغيير التخصص لمدة يومين او ثلاثه ان لم تخوني الذاكره ..

وفقك الله

[QsL]

اعتقد الاثنيييييييين

[AbOoOdALH]

شكرا لك ياتركي انت ورجوى

وننتظر الرقم السري

وفقنا الله واياكم

[^تركي^]

وعليكم السلام

فيه حل بديل ؟؟

تدخل السجل المدني ورقم الجوال

وإن شاء الله لن تحتاج لذلك .. ستصلها رساله على الجوال المسجل اثناء التسجيل


وفقك الله

[^تركي^]

يعد ماتسوين الطريقه الموجوده تسوين الطريقه الثانيه للتاكيد الي قالها تركي
يعني تسوينهم الاثنين مو وحده منهم


جوري انا الترم الماضي ما سويت الا ارسال الوصل الكترونياً وبعد كم يوم شيكت على الحاله وتم استلام المبلغ ..

انصح بإرسال الوصل الكترونياً اولاً وان تم استلام المبلغ كان بها .. ان لم يتم واستمر الوضع يتم ارسال السند بالبريد .. مع الإحتفاظ بصوره منه ..

موفقين

[ثــامــر]

السلام عليكم ورحمة الله وبركاتة

عندي استفسار ياأخوان انا سجلت بالجامعة التعليم عن بعد
والى الان ماأدري وش اسوي هل يرسلولي رقم جامعي ومتى ومتى بيكون الاختبار التحضيري وكيف نعرف المحاضرات والمشاركات ومتى نبدى بالمشاركات والواجبات بالله فهمونا ترى والله مرة ة ماش يعني بالعربي مو فاهم شي ارجو الافادة يالزملاء وتقبلو تحياتي

[دوم في قلبي]

أخوي حالي من حالك
بس اللي فهمته انك اذا ارسلت الوثائق وسداد المبلغ
يرسلون الرقم الجامعي والرقم السري
بالنسبه للمحاضرات عن طريق خدمات الطلابيه
هذا اللي فهمته من اخواني واخوات في ملتقى

[بسام المحيا]

إنتظر إلين يجيك الباسوورد على جوالك بعدها تبدأ الدراسة فعلياً عن طريق نظام Bb البلاك بورد راح تنزل فيه محاظراتك تلقائياً .. الحياه سهلة بس يجي الرقم السري

[بسام المحيا]

التسجيل راح يبدأ الاثنين 14/10/1432هـ

بالتوفيق :106:

[حلم عمري *]

التسجيل يعتمد على عدد الساعات

لو طالب معدله 2 او اقل من ذلك فـ له الحق فقط في 12 ساعه كحد اعلى ..

اما اذا كان من 2 الى 2.5 فله 15 ساعه ..

واذا اكثر من 2.5 يستطيع ان يأخذ الى 18 ساعه كحد اقصى ..

موفق

[حلمـ,,ـــي أكمل]

أنا لسا مارسلت أوراقي صارلي ظرف بس خلاص سددت
وبكره راح أرسلها
متى يجيني الرقم السري
وعلى حسب الموقع الدراسه بدأت 12-10
اللي هو اليوم السبت
وهو فيه درجات حضور وواجبات
فاآ هل بدأ الدراسه فعليا ولاآ ؟

[Lubna]

أنا لسا مارسلت أوراقي صارلي ظرف بس خلاص سددت
وبكره راح أرسلها
متى يجيني الرقم السري
وعلى حسب الموقع الدراسه بدأت 12-10
اللي هو اليوم السبت
وهو فيه درجات حضور وواجبات
فاآ هل بدأ الدراسه فعليا ولاآ ؟


ارسليها و الرقم السري للحين ما احد وصله حسب علمي

لا الدراسه للحين ما بدأت حنا القدامى تسجيلنا يبيله تقريبا اسبوع يبدا هذا الاثنين بإذن الله تعالى


مافيه درجات للحضور المحاضرات مجرد ما تنزل بالبلاك بورد تحملينها و بعد فترة ينزلون الواجبات
و جدول المحاضرات المباشرة


لا ما بدأت و عادي كل ترم نتأخر بالدراسه شوي و كل التعليم عن بعد بكذا جامعه للحين ما بدأو

[ثــامــر]

إنتظر إلين يجيك الباسوورد على جوالك بعدها تبدأ الدراسة فعلياً عن طريق نظام bb البلاك بورد راح تنزل فيه محاظراتك تلقائياً .. الحياه سهلة بس يجي الرقم السري


الله يعطيك العافية واشكرك أخوي على اريحيتك
فعلاً الحياة سهــــــــــــــــــــــــــــــــــلة

[Lubna]

الرقم الجامعي تلقونه بالورقة اللي تطبعونها للبنك المهم انها بين الاوراق اللي ارسلتوها اكدي احتفظتوا بنسخه منها

الرقم بقولكم مثال ارقامنا حنا المستوى الرابع اغلبنات يبدا بـ 2100 انتم اكيد بيتغير الرقم 0 يعني ممكن يكون 211 او 212 و طبعا فيه ارقام وراهم

الرقم السري هو الي يرسلونه لكم


بعدها تدخل على البلاك بورد و بتلقى المواد موجود و تبدا تنزل المحاضرات نصيحه لكم تحملونها عشان الدرجات مع محتوى المقرر ( المحتوى هو الملف المرفق مع كل محاضرة اللي بعد ما تنطبع نسميها ملزمه)

و بعدها بفترة تبدا الواجبات و المشاركات بمنتديات الحوار في البلاك بورد

[هاوي دراسة]

الاعتماد الكلي على النت

اما بالنسبة حق المحاظرات تشوفينها في البلاك بورد

والمشاركات برضوا عن طريق البلاك بورد

يعني السالفة كلها الحضور والوجبات كلها بالنت

معدا وقت الختبار النهائي

[هاوي دراسة]

تخشين على المستوى الاول وتسجيلن المادة

عن طريق البانر

[بنت المريسي]

اشلوووووووووووووووووووووووون يعني اسجلها مع المواد فالبانر

[am3]

انتي مستوى ثاني .. يعني تاخذين مواد مستوى ثاني ..
وتسجلين معها الماده اللي حملتيها ..
طبعا ماتقدرين تاخذين انجليزي كتابه و انجليزي قراءة .. لانك حامله العامه ..
او انك تنزلين العامه مع القراءة او الكتابه ...
طبعا طريقه تسجيل المواد بالبانرر فيه موضوع موضحين فيه الطريقه ..ماعليك الا انك تختارين موادك وتسجلينها ..
وهذا الموضوع ....
http://www.ckfu.org/vb/t213910.html

[j0o0ry]

عزيزتي تسجلين الماده كانها ماده جديده تشاركين وتحملين المحاظرات المسجله والمباشره
عن طريق البلاك بورد
ريقه تسجيل المواد ماقصرت am3
عساها ع القوه
موفقه اي سوال لايردك الا الكيبورد

[ام ميار]

بنات انا سجلت وارسلت الرسوم بس سؤالي الورقه اللي في النت اللي اطبعها حق سداد الرسوم هل لازم اختمها من البنك او لا
لان شفت مكتوب في النهايه ختم البنك والتاريخ

[{ نُ }..]

اعتقد عاادي مو لازم ختم البنك على السداد الرسوم

اهم شي الوصل <<وتطبعين ورقه الوصل احتياطيا


ان شاء الله غيري يفيدك اكثر
بالتوفيق:biggrin::106:

[ام ميار]

يعطيك العافيه اختي ماقصرتي:106::106:

[j0o0ry]

التسجيل مشروح هون

http://www.ckfu.org/vb/t213910.html

والمعادله
اخر تاريخ لها
الجمعة
2/11/1432
30/90/2011
أخر موعد لتقديم طلب معادلة المواد للفصل الدراسي الثاني من العام الجامعي 1432/1433 هـ




شروطها باختصار
1 انك تتقيد بتاريخ اخر طلب للمعادله الي حطتيه فوق
2 مايعادلون اكثر من 15 ساعه
3 الماده الي تبي تسوي لها معادله تكون اصلا تدرس بالجامعه وشلون تعرف تروح للخطه حقت الجامعه
http://www.kfu.edu.sa/ar/Deans/elearning/Pages/services-2.aspx

4الماده الي تبي تسوي لها معادله جايب فيها تقدير c ومافوق

5ترتب المواد الي تبي تسوي لها معادله ع حسب اهميتها بالنسبه لك
لان مو شرط كل المواد تنقبل معادلتها يمكن تنقبل اول ماده والرابعه وهكذا
فرتبها احسن

6 المعادله تتم الكترونيا عن طريق الخدمات الطلابيه في ايقونه اسمها معادله المواد
ماترسلها لا ع بريد ولا تروح للجامعه

http://del2.kfu.edu.sa/entisab_app/index.asp
7 مواد المستوى الاول اجباري تدرسها ومافيه معادله

موفق يارب

[بنت المريسي]

شكرا
لك am3
وشكرا جوري فديت قلوبكن ماقصرتين

[ندى العمر]

مرحبا يالغالية...
أهم شي وصل البنك...ورقة البريد الممتاز...
والشهادة الثانوية...
أما ورقة ختم البنك لا ترسلينها...
بالتوفيق ياقلبي...

[ام ميار]

طيب انا بكره الصباح برسلها كم يبيلها يوم عبال ماتوصل للجامعه يعني راح انقبل

[Yuki-Chan]

ماتاخذ وقت طويل يمكن اقل من اسبوع او اسبوع :love080:

[Yuki-Chan]

وهو فيه درجات حضور وواجبات

مثل ماقالو الأخوااااات وكنصيحة من مجررررربة
حلي الواجبات وحملي المحاظرات اول بأأأأول لانو بعدين البلاك بورد بيصير عليه ضغط وبيصعب فتحه
واحيانا مايفتح فمن الأفضل المتابعه اول بأول :106:
وبالتوفيق

[أتعبتني الغربة]

جزاك الله خير وكثر الله من أمثالك فعلا كنا بحاجة ومازلنا

[انا واختي خوات]

صباح الخيرررر اخ تركي قسم مدري وش اسوي بخصوص الرسوم قالو فيه اعفاء لمستفيدي الضمان وانا منهم وطبعت ورقه الاخ الراقي ورحت للضمان وختمتها ودقيت ع الدكتور النجار ولا رد ثم ارسلت له مسج اساله فيها هل اسدد او اكتفي بخطاب الضمان ورد علي وقال يكفي الخطاب اذا كان باسمك واساس ومختوم ودي تريحني ارسله مع الاوراق بدون تسديد او اسدد وارسلها كلها ماعاد بقى وقت ابي الحل الله يجزاك خير ولا ودي تفوتني هالسنه

[حلمـ,,ـــي أكمل]

طيب ألف شكر لكم

[بنت الداود]

آنآ و آختي آخوات

عزيزتي الافضل آذآ عندك المقدره سددي و آرسلي خطآب الضمآن مع الاوراق عشان مآتروح عليك الفرصه

و آذآ قبلوا الخطآب رآح يرجعون فلوسك يالغلا

و آذآ مآ قبلوا الخطآب الشكوى لله آدفعي و الله يرزقك

[انا واختي خوات]

8

88

مشكوررررره جعل ربي يريح قليبك دنيا واخره :106:

[بنت الداود]

8

88

مشكوررررره جعل ربي يريح قليبك دنيا واخره :106:


العفو

آآمين ويآآك غاليتي:106:

[البياعي]

بارك الله فيك تصدقين اني اشغلتهم بالاتصالات والرسائل ... خابره الشيبان للي مثلي فيهم حرص شوي

[gєℓηαя]

:hahahahahah:


عسى بس انت موب جد يا الشايب حرام عليك ما شاء الله تبارك الرحمن توك بعز شبابك بس مثل ما قالوا

الاخوان والاخوات اول بأول انا المستوى الثاني افدت نفسي كثير وربك صرت اشارك اول بأول واخر ايام الدراسه

كنت اشوف الطلاب منهارين مع الطالبات طبعا

وكنت احمد ربي اني مو مثلهم ما اخرت شي ابدآ ابدآ وريحت راسي من هم البلاك بورد


بس انت سوي كل شي بوقته :biggrin::biggrin:


ونام على الراحه :biggrin::biggrin:


فالك التوفيق يارب :biggrin::biggrin:

[ج ـودي]

بالتوفيق للكل الله يسهلها علينا <<<لسه زيك انتظر الرقم:love080::love080:

[عبدالله العياضي]

ياجماعه وشو البلاك بورد:mh12:

[gєℓηαя]

:mh318:


البلاك بورد تنزل فيه محاضراتك وواجباتك ومشاركاتك اكيد في منتدى الحوار

[عبدالله العياضي]

مرحبا
البنك يختم لك على الوصل ادبسيها على النموذج وارسليها :cool:

[املولة]

الي درسو علم اجتماع بالله عليكم كيف الاختبارااات والدراسه سهله والله صعبه عشااان انا توي مسجله وخائفة شوي

[ج ـودي]

يارب يسهلها ع الجميع اتوكلو على الله وانشالله خير :106:

[نديم الشوق]

بسم الله الرحمن الرحيم

السلام عليكم ورحمة الله و بركاته ..

استفسار يا شباب جزاكم الله خير ..

بالعربي
ماهي المقررات التى سوف ندرسها في المستوى الاول تخصص لغة انجليزيه يا شباب ؟؟

What are the courses that will be studying in the first level of specialization english guys:sdfgdsf:

[صالح77]

هذآ آسمآء موآد تخصص آلانجليزي آمآ آلعآمه كثيره

آنشآء وتعبير 1

آلتركيب آللغوي

آستمآع وآستيعآب

قرآءآت ومطآلعآت

[طالبة متوهقه]

درسنا في المستوى الاول

صحة ولياقة
تحرير عربي
نحو تطبيقي 1
عقيدة اسلامية
انجليزي عام
مبادىء ادارة
مبادىء علم الاجتماع
مدخل لتقنية المعلومات

15 ساعه

[نديم الشوق]

بسم الله الرحمن الرحيم ..

صالح 77

طالبه متوهقه

الله يعطيكم الف عافيه على التوضيح و الف شكر ,,موفقين جميعاا ..

[نديم الشوق]

بسم الله الرحمن الرحيم ..

اخت طالبه متوهقه ..

نحو تطبيقي == يعني راح يجينا اعرب ماتحته خط :bawling:

ربناا يخدك يا استاز شحته كرهتناا في العربي :(177):

الف شكر مره ثانيه اختي طالبه متوهقه ..

[MOST7ILH]

السلام عليكم :biggrin:

انا اليوم ارسلت اوراقي , بس بستفسر عن شهادة حسن السيره والسلوك مهمه ولا لأني نسيت مَ ارسلتها ؟!

[^تركي^]

السلام عليكم :biggrin:

انا اليوم ارسلت اوراقي , بس بستفسر عن شهادة حسن السيره والسلوك مهمه ولا لأني نسيت مَ ارسلتها ؟!


وعليكم السلام

ليست من ضمن الشروط وغير مطلوبه ..!

موفقه

[MOST7ILH]

الله يعطيك آلفف عآفيه :106:

[ريما عادل]

:(107):

[{ نُ }..]

http://www.kfu.edu.sa/ar/Deans/elearning/Pages/using_guide.aspx

هاذي الطريقه الوحيدة <<<ومافي طريقه سهله (يعتمدونها)

وبالنسبه لل10 ريالات هم يحسبون حسابها

ماراح يعيدون حركه السمستر الماضي :biggrin:



بالتوفيق
:106:

[حلمـ,,ـــي أكمل]

طيب أنا أبغا أتقفى الأثر وماني عارفه كيف ممكن أحد يفهمني ؟
إسم المستخدم وكلمة المرور إيش أحطهم
وبعدين مربع تقفي الأثر احط فيه رقم الباركود
وبعدين كيف أعرف هي وين ؟
من حالة البعثيه متكوب تم إستلام البعثيه من العميل
تكوين إرساليه صادره (إيش يعني)

[Lubna]

طيب أنا أبغا أتقفى الأثر وماني عارفه كيف ممكن أحد يفهمني ؟
إسم المستخدم وكلمة المرور إيش أحطهم
وبعدين مربع تقفي الأثر احط فيه رقم الباركود
وبعدين كيف أعرف هي وين ؟
من حالة البعثيه متكوب تم إستلام البعثيه من العميل
تكوين إرساليه صادره (إيش يعني)


بعد ما تحطين الباركود و يقول تم استلام الارسالية للهفوف >> حاجة زي كذا

معناها اوراقك استلمتها الجامعه و التاخير في ارسال الباسورد عادي و اصلا دراستنا ما بدأت

[يارب يارب يارب]

السلام عليكم
الحمد لله انقبلت في الجامعه وطبعت الورقتين بسس لاحظت في ورقة البنك اني مقبوله في العام 1430 -1431 ومادري هل هو خطاء مطبعي او كيف؟؟؟ وهل كلكم طلع معاكم كيذا او بسس انا؟؟ علما اني مسجله السسسننه هذي وكل شي :bawling:
v
الصوره في المرفقات

[^تركي^]

وعليكم السلام .. اهلاً بالأستاذه المستجده بجامعة الملك فيصل .. الف مبرووك القبول

الكل لديهم هذا الخطأ والجامعه لم تعدله .. ما يهم هو البيانات الأخرى في النموذج طالما هي صحيحه .. فالنموذج صحيح ..

وفقك الله

[3baaady]

الي درسو علم اجتماع بالله عليكم كيف الاختبارااات والدراسه سهله والله صعبه عشااان انا توي مسجله وخائفة شوي


أي والله عطونا نبذة مختصرة
.
.

أخذت لفة سريعة على مواد علم الاجتماع جتني أم الركب :mad:

الله يووفقنا ان شاءالله

مستوى أول :(
new

[اشراقه جديده]

انا عن نفسي توني مسجله جديد
وجاني القبول لكن للحين ما قدرت احصل على رقمي السري
ان شاء الله غيري يقدر يفيدك

[Najlas]

هلااااااااااا :biggrin::biggrin: .. حتى انا ابي رقمي الجآمعي :"( شلون ومتى وليه ؟
آبي ادخل النظام واشوف المحاضرات < متحمممسه :$

[الريوفي]

جزاك الله خيراً ... وكثر الله من امثالك

شكراً 10000000000000000000000000000000000000000000000000 0000000000000000000000

[حلم&& حياتي]

ثامر الدراسه حلوه وسهله وممتعه انتى الحين متوتر بس تبدأ الدراسه راح تعرف كل شي حتى بدون محد يعلمك

ومشرفتنا العزيزه لبنى ما قصرت شرحت لك بداية الطريق وانتى مجرد ما راح يفتح معاك البلاك بورد راح تمشي امورك كله

والاعضاء الي هنا والمشرفين كلها في الخدمه يعني كلش كلش ماراح تواجه صعوبه (( الا اذا علق موقع الجامعه عندك :cool:))


ك ن ت ه نا
&& حلم حياتي &&:106:

[بسام المحيا]

يعطيك ألف عافية على المعلومات المفيدة رايقة

أنا مستغرب ليش جامعتنا ما تفعل خدمة سداد
وتريح العالم من شغلة الايصالات
والبريد .. مثل خدمات وزارة الداخلية

أو بسهولة تسديد مخالفات ساهر مثلاً ...!

[gareer]

مرحبا


بعد مااشكرك على المجهود الواضح احب اوضح نقطة بس


انتي عارفه كم جلست عشان افهم (ماالمقصود بكلمة المعتقل)؟؟


انا اساسا تعقدت من هالكلمه لين بديت احس اني معتقل صدق :119:



ياليت يارجوى منك ومن كل اللي يتعاملون مع الطلاب الجدد مايتكرر نفس الخطأ اللي

حصل معانا , هم ياحرام وش دراهم انه طلع بالحلقة الاخيرة طالب اجتهد و أعد ملزمات كلنا

استفدنا منها !!


مره قلنا هذا محل ومره قلنا هذا اسم دكتور وماخلينا شي ماتوقعناه ولاعندنا استعداد نروح

نحلل ونبحث عن هالكلمه وحنا مشغولين خلقه بالدراسه ..


طبعا هذا مايقلل ابدا من الروح الحلوه بالموضوع واهميته لاخواني المستجدين بس كلمه

بالخاطر اتمنى يتسع لها صدرك



الف شكر مجددا

[•●»™Eşcađa ~]

فالنا التووفيق:d5:

[شكولاته ساده]

وانا كمان طالبه جديده وعلم اجتماع وارسلت اوراقي وكل شي بس لسى ماجاني لا رقم جامعي ولا شي بس في اعضاء قالوا يمكن كل شي يبين بعد اسبوع

[نغم الهوى]

انشاء الله يارب تسلمين ياقلبي طمنتيني طيب فيه سنه تحضيري ولا الدراسه اربع سنين ؟

[شكولاته ساده]

عسى الله يحفظك يارجوى تسلمين على جهووووودك
فالك البيرق :biggrin:قصدي فالك التفوق والنجاح ان شاء الله

[Lubna]

التأخير وارد بإرسال الباسورد الرقم الجامعي بيكون عندكم بالاوراق اللي طبعتوها اكيد احتفظتوا بنسخه منها
راح اعطيكم مثل على ارقامنا طبعا ممكن يختلف يكون بدال احد الاصفار ارقام حنا رقمنا يبدا بـ 2100 و بعدهم تقريبا 4 ارقام ا


الدراسه كلها 4 سنوات 8 مستويات

[حكايه سحاب]

لسلام عليكم ورحمه الله وبركاته

كيفكم ان شاء الله بخير

ببدا علي طول صديقتي كانت تخصص اداره اعمال للاسف اخفقت في السمستر الاول يعني يحق لها 12 ساعه فقط :icon9: فختصرت المسافه وحولت تخصصها الي علم اجتماع
وبعد للاسف مافيه ولا ماده تتعادل لها :41jg:لان الماده الوحيد اللي مفروض يعادلونها رسبت فيها
المهم الحين كيف تاخذ جدولها مع العلم انها تعتبر مستوي اول في تخصصها الجديد صح
وووهم حاطين لها بالجدول الاساسي 15 ساعه :(204):وانا قلت قبل شوي انها المفروض 12 ساعه
الزبده هي تعتبر مستجده ولا وش سالفتها لان ارقام المسئولين كعادتهم ........مايردون :bawling:


يارب يكون احد فيكم فهم ماقصد ويحل لي مشكلتي :000:
انتضركم

صح وبعد لما ادخل علي البنر القي مكتوب فيه (يرجي الدخول علي رابط تسجيل المقررات لطلبه الذين لم يتمكنوا من التسجيل ) والرابط اللي يقول لي عليه مومفعل :017:

[نغم الهوى]

مشكوره اختي يعطيك الف عافيه :love080:

[ms.zeze]

انا سجلت علم اجتماع وقبلوني بسس ابغى اسال يعني بعدين ماروح الجامعه بس في البيت على النت كل شي ولا اقدر اروح اذا احتجت شي .؟
وشرايكم اروح ادفع رسوم واكمل ومتى يصير احول منتظم

[أثيرالحب]

طب مادخلتي موقع البريد وعرفتي اذا وصلت اوراقك اولا اذا ماتعرفي الطريقه اناجاهزه؟؟؟؟؟؟؟؟؟؟؟؟؟؟؟؟؟

[بنت الداود]

المستوى الاول آجباري ماتقدرين تعدلين لا تسوين حذف ولا آضآفه

المقررات بتنزل لك بالبلاك بورد اول ما يجيك الرقم السري

و آتوقع هذا جدول مقرراتك لـ هالمستوى

http://www.kfu.edu.sa/ar/Deans/elearning/Documents/143310_courses_tables/adab-f/Adab_L1_all_F.pdf

[بنت الداود]

اذا تقصدين الجدول الدراسي مافي جدول دراسي لآن آحنا مو آنتظام

لكن المحاضرات تنزلك كل سبت ... عددها 14 محاضره في الترم عليها 7 درجات تحميلها او الاستماع لها

الواجبات كل ثلاث اسابيع واجب وطبعاً تنزل حسب اسلوب دكتور المقرر بعضهم كل شهر بعضهم كل ثلاث اسابيع الواجبات عليها 10 مقسمه على 3 الواجب الاول 3 الواجب الثاني 4 الواجب الثالث

و فيه ثلاث محاضرات مباشره عليها 3 درجات

فيه منتدى اسمه منتدى الحوار تحصلينه بالبلاك بورد نفسه تحتاجين اكثر من 14 رد فيها عشان تاخذين الدرجه كآمله وطبعآ عليها 10 درجآت

وطبعآ لو حسبتي الدرجات جميعها تطلع لك 30 اللي هي درجات المشاركه و 70 على الاختبار يطلع المجموع 100

كل مقرر له محاضرات خاصه منتدى حوار خاص وواجبات خاصه بنفس المقرر

و بالتوفيق يالغلا

[دانه الشهري]

مشششششكورهـ حبيبتي كثير ع مساعدتك :106: ,, بس إذا ماعليك أمر أنا مافهمت وش تقصدين بـ 14 رد اللي بمنتدى الحوار ياليت توضحين آسفه اذا تعبتك معي :mh318: . .

[بنت الداود]

آهلين غاليتي

دآم آنها محوله من كليه لكليه تعتبر مستجده ومثل ماتقولين ماتتعادل لها

ومعدلها اللي جابته خاص بالاداره راح تبدآ من جديد والله اعلم

لكن راح تاخذ مقررات المستوى الاول كآمله اذا مانزلت لها آليآ خليها هي تسجلها

اذا هم حاطينها 15 ساعه خلاص هي تعتبر مستجده و المقررات اجباريه يعني ماتقدر تعدل عليها

[نغم الهوى]

بنات مين تعرف موعد الاختبارات الترم الاول لان عندي موعد عمليه نهاية شهر واحد واخاف تكون في نفس موعد الاختبارات ؟؟؟؟وش الحل :Cry111:

[بنت الداود]

انتي تدخلين للبانر من قسم التسجيل عشان كذا يعطيك هالشي جربي ادخلي من هالرابط

http://bannerweb.kfu.edu.sa/PROD_ar/twbkwbis.P_WWWLogin

[بنت الداود]

فيه في البلاك بورد زي المنتدى الصغير يحطون فيه البنات آسئله متعلقه بالمقرر

ويحط فيه دكتور المقرر قضايا لـ النقاش خاصه بالمقرر كل دكتور يحط 14 قضيه لــ النقاش

انتي لما تردين على آحد البنات او تنزلين موضوع فيه وتتناقشون او تحلين قضايا النقاش اللي نزلها الدكتور تكونين آخذتي درجات

يعني لما يكتمل 14 رد في كل مقرر تصيرين اخذتي 10 درجات كآمله

و آي سؤال لا يردك الا الكيبورد :wink:

[Dima]

هلا اختي
السبت
13/2/1433هـ

7/1/2012م

بداء الاختبارات النهائية للفصل الدراسي الاول 1432/1433هـ

[دانه الشهري]

ربي يعافيك ع هالمووضوع الحلو :smile:
كآنت ببآلي هالأسئله وخايفه كثير :icon9:
الله يريح قلبك مثل ماريحتيني :love080: <~ دعواتي لك بالتوفيق ..

[نغم الهوى]

متى موعداختبارات الترم الاول ؟؟؟

ودي اعرف من الحين لان عندي موعد عمليه في نهاية شهر واحد وش الحل ادرس ولا اعتذر ؟؟؟؟؟

[بنت الداود]

الاختبارات بـ 20-1-1433 هـ

موعد العمليه مآ يتآجل ..؟

[نغم الهوى]

العمليه ولادتي:Cry111: طيب ايش الحل ؟؟؟؟؟

[بنت الداود]

آآمممممم بس آنآ مشيكه قبل آسبوع كآن 20 مسرع غيرووه :000:

[Dima]

عادي راح تغيبين وتقدمين عذر,,

وبعدين راح تختبرين المواد الترم القادم

الله يقومك بالسلامة:106:


موفقة

[دانه الشهري]

فديتك والله :love080:
يعني قصدك إذا أخذت 14 رد من المواضيع او النقاشات اللي انزلها ؟؟

[بنت الداود]

ديمآ حبيبتي شوفي الرابط يقول آنه 20-1-1433 هـ 15-12-2011 مـ

http://www.kfu.edu.sa/ar/Deans/elearning/Pages/calender.aspx

[بنت الداود]

العمليه ولادتي:cry111: طيب ايش الحل ؟؟؟؟؟

الله يهون عليك يالغاليه

يمكن يمديك ولادتك متى بداية شهر وآحد ...؟

اذا مآمداك مثل ماقالت ديمآ قدمي تغيبي وقدمي عذر وبيقبلونه ان شاء الله وتدرسين الترم اللي بعده

[نغم الهوى]

اذا كان عذر طبي اختبر بدون رسوم ؟ اسفه على كثرة الاسئله

[Dima]

هلا اختي

الدكتور ينزل كل محاضرة سؤال في منتدى الحوار

وانتي جاوبي عليه وعدد المحاضرات 14 محاضرة

وراح تحسب لك 10 درجات
موفقة

[بنت الداود]

نغم اذا كنتي الحين مسددتهم وجبتي عذر اي تدرسين الترم اللي بعده بدون رسوم

[نغم الهوى]

تسلموووون الله يجزاكم خير بس كيف اتواصل مع الجامعه واقدم عذر؟

[بنت الداود]

فديتك والله :love080:
يعني قصدك إذا أخذت 14 رد من المواضيع او النقاشات اللي انزلها ؟؟


اي حبيبتي اهم شي ان بكل مقرر 14 رد او آكثر عشان تضمنين الدرجه كآمله

[بنت الداود]

مو الحين لما تولدين بالسلامه انتي طبعآ بتغيبين عن الاختبار صح جيبي عذر لايام اختبارك

و راح تفتح بالخدمات الطلابيه ايقنوه اسماء اعذار الغياب انتي بتسوين للعذر سكان وترسلينها لهم من خلال الموقع

[دانه الشهري]

بنت الداود .. تسلمين ربي يوفقك ياعسسسل والله ريحتيني :106:
آسسفه تعبتك معاي :mh318:

[بنت الداود]

يسلمك ربي

لا عادي حبيبتي تعبك رآحه :106:

[Dima]

وهذا الرابط راح يفيدك
شرح بالصور طريقة { تنزيل المحاضرة المسجلة & حل الواجب & المشاركة في منتدى الحوار } للمستجدين~♥ (http://www.ckfu.org/vb/t214277.html)

[ms.zeze]

بنات ماحد رد علي بخصوص علم الاجتماع اكمل ادفع الرسسوم ولاا نفسي اكمل بس مادري
يخلوني انتظاام ولا بعدين؟

[Dima]

عذرا الخطأ مني
شكرا على التنبية
موفقة

[بنت الداود]

بنات ماحد رد علي بخصوص علم الاجتماع اكمل ادفع الرسسوم ولاا نفسي اكمل بس مادري
يخلوني انتظاام ولا بعدين؟


اذا ودك تدرسين ادفعي الرسوم وكملي

وكم سنة تخرجك من الثانوي عشان اقولك تقدرين تحولين انتظام ولالا ؟

[ski]

صباح او مساء الخير جميعا

ابي منكم مساعده صغنووووونه جواب سؤالين
الاول.
انا ابي اعادل موادي الي درستها بقسم العربي
الى قسم الجغرافيا بس قالو انه لازم تكون المواد تكون موجوده بالقسم الجديد
طبعا مثل ماتعرفون العربي فيه نحو وصرف وادب وغيره
بس الجغرافيا فيها مواد ثانيه ....... فهموني


اما السؤال الثاني.
طالبين توصيف المقرر في المعادله
يعني انا أحط توصيف مقرر الماده الي بعادلها بس
او كل المواد الي بعادلها والي ماني معادلتها
لانهم عطوني توصيف كل المواد الي درستها عندهم

[زينب عبدالكريم]

لودخلت دحين وسجلت ينفع ولا فيه ساعه معينه أسجل فيها..؟

مووفقييييييييييين

[بنت الداود]

لسى مآفتح ممكن يفتح الصباح ممكن العصر و ممكن المغرب الله اعلم

[رنجه]

آن شآء الله اليوم يبدى والله آعلم

[^ مشعل ^]

مشــــــــكــــــورهـــ :d5:
وجزااااااااك الله خيرررررررررررررررررر

[╠ƒσ̈̈ƒớ╝]

ي حلو المتحمسسسين:106:


من ساعه 1 وانا اشيك مافتح:biggrin:

[الماستر هدفي]

لسى مافتح :33_asmilies-com:

[دانه الشهري]

صبايا - شباب . . " لاهنتو :biggrin: "
أبي أسألكم كيف أعرف إذا هم قبلوني أو لا بعد مارسلت لهم الأوراق
ومتى تبداء دراسة الإنتساب ؟؟
الرقم الجامعي هو نفسه الرقم التسلسلي ؟؟
والرقم السري اللي انا حاطته من أول ماسجلت ولا هم يعطوني رقم سري خاص؟؟ <<~ قروووشه :000:

[^تركي^]

صبايا - شباب . . " لاهنتو :biggrin: "


أبي أسألكم كيف أعرف إذا هم قبلوني أو لا بعد مارسلت لهم الأوراق
ومتى تبداء دراسة الإنتساب ؟؟
الرقم الجامعي هو نفسه الرقم التسلسلي ؟؟

والرقم السري اللي انا حاطته من أول ماسجلت ولا هم يعطوني رقم سري خاص؟؟ <<~ قروووشه :000:



اهلاً يا استاذه .. انتِ مقبوله إن شاء الله طالما ظهر ذلك في النتائج ..

فقط يتبقى المطابقه للوثائق ان كانت مطابقه للبيانات المدخله ومكتمله فقبولك المبدئي يعتبر قبول نهائي ..

من المفترض ان الدراسه بدأت حسب التقويم الزمني بتاريخ 12 شوال

تأجيل تسجيل القدامى ادى الى تأخر الدراسه ومن المتوقع ان تكون السبت القادم 19 شوال

بالضبط اختي الرقم الجامعي هو الرقم التسلسلي في نموذج البريد الممتاز

وفي نموذج السداد بند الرقم الجامعي

الرقم السري الخاص بالدخول لأنظمة الجامعه راح يجيك برساله على جوالك ويختلف عن الرقم المدخل اثناء تعبئة بيانات التسجيل ..

وفقك الله

[اشراقه جديده]

السلام عليكم
انا طالبه جديده توني مسجله
بس حابه اعرف متى يعططوني الرقم السري الخاص فيني مع العلم انه جاني القبول وارسلت اوراقي ودفعت؟
يعطيكم العافيه

[^تركي^]

السلام عليكم
انا طالبه جديده توني مسجله
بس حابه اعرف متى يعططوني الرقم السري الخاص فيني مع العلم انه جاني القبول وارسلت اوراقي ودفعت؟
يعطيكم العافيه

وعليكم السلام

اهلاً بك اختي .. الرقم السري ستحصلين عليه متى ما تفعلت حالتك الأكاديميه الى فعال وادخل رقمك السري بالنظام ويرسل على جوالك ..

الجامعه لم تعطي موعد محدد لإرسال الأرقام السريه للدخول على النظام .. فقط قليلاً من الصبر وستصلكم بمشيئة الله ..

وفقك الله

[محمد الشلاحي]

ياصباح النور والسرور لأني ارد عليك الآن في فترة الصباح
اختي بالنسبة لتخصصات كلية الأداب جميعاً المستوى الأول والثاني جميعها مواد عامه ومطلوبه من جميع التخصصات وما يطلب منك معادله إذا حولتي من تخصص الى تخصص لأنك مادرستي مواد التخصص كل المواد التي درستيها مواد عامه وإدخلي على سجلك الأكاديمي بتلاقين نفس المواد ما تغيرت بالتوفيق انشالله

[نووسا الحلوووه]

الف الف شكرا لك,, معلومات مرررررره مفيده,, وياليت نتشرف بالمعتقل والساحر,, على كثر فرفرتي بالملتقى ماشفتهم..

[غايتي اللانهايه]

الساعة 9.45صباح الاثنين باقي مافتح تسجيل المواد
جار الانتظار.........:24_asmilies-com:

[j0o0ry]

مازال مسكر شكله وقت صلاه ==>فاهمه غلط

شكلي بحاول بكرا في مثل هذا الوقت

موفقين يارب

[الماستر هدفي]

10:10 ومازآآل العرض مستمر:Cry111:

[صلوـوـوحي]

:106::106:يعطيك العااااااااااااااااااافيه رجوووووووووووى:106:

[كذا أجتماعي]

اصبروا عليه ياحبايب
يحب النووووووووم

لسى ماروق لكم

عارف ان ماوراة الا الازعاج
الكل المتحمس للدراسة
بعد 3 أشهر من الراحه

لاكن شوي وكريم سبلا
يضيفكم
عنده بالديوانية ويقوم بالواجب وزياده
وينادي ولده بلاك وورد يجيب القهوووه

ويلبى طلبكم...
..........

[الجوoOoري]

بدينا من الحين التسحيبات يكفينا المحاضرات المباشرة الله يكون في عون الجميع

ننتظر الصبر جميل

[الجوoOoري]

الذين يشاهدون محتوى الموضوع الآن : 4 ( الأعضاء 3 والزوار 1) ‏الجوoOoري (http://www.ckfu.org/vb/u72484.html), ‏لوران (http://www.ckfu.org/vb/u71440.html), ‏بندوله مصدعه (http://www.ckfu.org/vb/u75023.html)

الذين يشاهدون محتوى الموضوع الآن : 4 ( الأعضاء 3 والزوار 1) ‏الجوoOoري (http://www.ckfu.org/vb/u72484.html), ‏لوران (http://www.ckfu.org/vb/u71440.html), ‏بندوله مصدعه (http://www.ckfu.org/vb/u75023.html)
الذين يشاهدون محتوى الموضوع الآن : 4 ( الأعضاء 3 والزوار 1) ‏الجوoOoري (http://www.ckfu.org/vb/u72484.html), ‏لوران (http://www.ckfu.org/vb/u71440.html), ‏بندوله مصدعه (http://www.ckfu.org/vb/u75023.html) يسعد صبآآآآآآآآآآآآآآآآجكم

[amal.galbi]

السلام عليكم

انا سالت قبل على مادة علم الاجتماع اني درستها في المستوى الاول وارجعوا حطوها لي في المستوى الثاني ورديتوا علي اني اتركها ماسجلها لاكني شيكت على السي ار ان مختلف واكتشفت ان السي ار ان مختلف في كل المواد

اتمنى احد يفيدني اسجل الماده ولا لا ؟؟؟:Cry111:

[كذا أجتماعي]

اختي بنت الدواد ممكن تنزلى لى جدولك الحقيقة متايع لك من المستوي الاول وتعجبنى مشاركتك ولايهنون أخواني وخواااتي
شفته قبل يومين واعجبني باضافتك مادة من المستوى الثالث
والسبب اللي دفعك بأضافتها بالمستوى الثاني
ولاعليك أمر

.........................

[demo]

مشكوره وجزاك الله خير :106:

[k@y@N]

هلا والله وتجمعنا من جديد

سؤال لو سمحتوا ,,,,انا اول مستوى لي كان الفصل الدراسي الثاني والحمدلله عديت منه
طيب الحين لو سجلت المواد اكتب الفصل الدراسي الاول1432 ,,,,,,ولا السنه الدراسيه لعام 1432
وشكرا

[رمآد انثى]

انـآ عندي استفسـآآر ومتوقفه بتسجيل الموآد عليـه :bawling:

آلحين آنـآ ما طلعت نتيجتي مآحسبت معدلي كانت عندي ظروف ولاقدرت حتى اشوف النتيجه
بس شافتها لي وحده وبلغتني اني ناجحه بجميع المواد الحمدللـه

لاكن الى الان مو عارفه كم معدلي ولا أدري كم ساعه مسموح لي = (
وأدخل على ايقونة الاستعلام عن النتآئج بس مقفله

بليز اذا ماعليكم امر فيه احد يعرف كيف يقدر يساعدني اعرف المعدل او اي حل
واللـه مره محتـآآره ومتوهقه :s

ويعطيكم الف عآفيه كلكم ,, بالتوفيق للجميع :love080:

[ski]

مشكور اخوي ماقصرت

[حرآئر]

فتح ياجماعه ولألأ:icon9:

[بندوله مصدعه]

السلام عليكم
الله يجزاكم خير عندي استفسار حول الماده مبادئ علم اجتماع اللي بالجدول حق المستوى الثاني هذي ناخذها ولا اللي خذ1 قبل مبادئ علم الاجتماع ماياخذها : لأن ماشوف عندها رقم 2 ولا شي!!

واستفسار ثاني وهو انه : انا حملتها هالماده علم الاجتماع في المستوى الاول احط السي ار ان اللي بجدول المستوى الاول ولا احط هاذي اللي بالمستوى الثاني !!

وربي يوفقكم ويعطيكم العافيه

[onlybarbie]

صبر جميل والله المستعان

[كذا أجتماعي]

صبر جميل والله المستعان
..................

[fatimah-stc]

تراه ماورانا الا الدجه
متى مافتحتوه افتحوه :(284):
> تحسسهم يمششون عكسس هوانا

[SaD HeArT]

السلام عليكم

انا سالت قبل على مادة علم الاجتماع اني درستها في المستوى الاول وارجعوا حطوها لي في المستوى الثاني ورديتوا علي اني اتركها ماسجلها لاكني شيكت على السي ار ان مختلف واكتشفت ان السي ار ان مختلف في كل المواد

اتمنى احد يفيدني اسجل الماده ولا لا ؟؟؟:Cry111:



amal.galb


و عليكم السلام و رحمة الله و بركاته ..

دامج دارستهـا و مخلـّصتها .. ريحي نفسج و لا تشيلين همّ الـ CRN ,

أرقام الـ CRN تختلف و يتم تغييرهـا في كل فصل دراسي ,

و أرقام مواد الشباب تختلف عن أرقام مواد البنات ,

أذكر في الفصل اللي طاف بعد ما بدأ التسجيل الجامعه غيـّرت أرقام أكثر من مادة , و منها مباديء الإدارة ..


بـــ التوفيق لج و للجميــع :smile: ..









http://www.ckfu.org/vb/images/icons/ei28.gif

[SaD HeArT]

بليز اذا ماعليكم امر فيه احد يعرف كيف يقدر يساعدني اعرف المعدل او اي حل
واللـه مره محتـآآره ومتوهقه :s

ويعطيكم الف عآفيه كلكم ,, بالتوفيق للجميع :love080:




رماد انثى


مرحـبــــا ..

إدخلي ع السجل الأكاديمي في الخدمات الطـلابيه .. و إن شاءالله راح تعرفين كل شيء سألتي عنـّه ,


بـــ التوفيق لج و للجميــع :smile: ..









http://www.ckfu.org/vb/images/icons/ei28.gif

[SaD HeArT]

بندوله مصدعه


و عليكم السلام ورحمة الله وبركاته ..


السلام عليكم
الله يجزاكم خير عندي استفسار حول الماده مبادئ علم اجتماع اللي بالجدول حق المستوى الثاني هذي ناخذها ولا اللي خذ1 قبل مبادئ علم الاجتماع ماياخذها : لأن ماشوف عندها رقم 2 ولا شي!!


المقـرر هو نفسه , و لكن الجامعه في كل فصل تغيـّر من مواد المستويـات ,

يعني أمر إعتيادي تشوفين المقـرر في هالفصل مع المستوى الأول , و الكورس الجاي مع المستوى الثاني ,

و الأمر نفسه ينطبق على أغلب مواد كل المستويات و في كل التخصـّصـات ..



واستفسار ثاني وهو انه : انا حملتها هالماده علم الاجتماع في المستوى الاول احط السي ار ان اللي بجدول المستوى الاول ولا احط هاذي اللي بالمستوى الثاني !!


التسجيل يتم بــ رقم الـ CRN الجديد اللي أضافته الجامعه في جدول المواد ,

خلاص إنسي اللي سجلتيه في الفصل اللي فات :(204): ..


بـــ التوفيق لج و للجميــع :smile: ..









http://www.ckfu.org/vb/images/icons/ei28.gif

[زينب عبدالكريم]

السلام عليكم ورحمة الله وبركاته...

لما جلست اسجل المقررات وابى اختار الفصل..
بس طلع ليا السنه الدراسيه1432 ..والفصل الاول

ماطلع لياا الفصل الثاني..؟؟

هدا معناه لسى مابدء ولا ..؟

أرجو تفييدوونيي بسررعاااا

مووفقيين

[البياعي]

:hahahahahah:


عسى بس انت موب جد يا الشايب حرام عليك ما شاء الله تبارك الرحمن توك بعز شبابك بس مثل ما قالوا

الاخوان والاخوات اول بأول انا المستوى الثاني افدت نفسي كثير وربك صرت اشارك اول بأول واخر ايام الدراسه

كنت اشوف الطلاب منهارين مع الطالبات طبعا

وكنت احمد ربي اني مو مثلهم ما اخرت شي ابدآ ابدآ وريحت راسي من هم البلاك بورد


بس انت سوي كل شي بوقته :biggrin::biggrin:


ونام على الراحه :biggrin::biggrin:


فالك التوفيق يارب :biggrin::biggrin:


جد ...لا شرطة .....ايش أسوي الحين بنتي اشترت لي تجليده وطوابع أسفنج بوب ونشطة ومقلمة ومسطره وبراية هندسة العقيل جابتها .. وانا مستحي منها كل يوم تقول انها بتجلد كتبي وتدرسني

انا داخل تحدي مع بنتي أني بأخذ الجامعة قبلها والله يستر من الدويحات الحمر

الله يوفق لجميع

[مهبوله]

وعليكم السلام

نفس المشكله والي يقهرني يكتب لي لا يمكنك التسجيل لست مسجل في الفصل ولا دخلت على المعلومات يطلع لي مسجل لحسو مخي :000:

يعني ايش ذا ممكن احد يفيدنا لوسمحتو الفزعه :bawling:

[مهبوله]

الله يعينا عليه كفايه ماسوى فينا في المستوى الاول وقف شعر راسي و انا مو ناقصه :biggrin:

متى الاخ يفتح البقال نبي تشتري >>يا الله لك حمد :hahahahahah:

[ARYAM]

:mh12:

[sky diving]

السلام عليكم ومسا الخير جميعا سؤالي الى الان لم استطع فتح البلاك بورد لماذا والسؤال الثاني هل يوجد قسم خاص للمستوى الاول

وشكرا

[زينب عبدالكريم]

والله مدري ايش هرجتووووو:Cry111:

[مشـــعل]

:24_asmilies-com:

[فنوُ *]

لا يسمح لك بالتسجيل في هذا الوقت التسجيل.

:mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad:

[رحمتك ورضاك]

نفس الحكايه

[فنوُ *]

:017::41jg:آحد يجيبهم لي آحوسهم
كل مآيوعدوآ يخلفوآ خلص آلصبر عندي:mad:

[ms.zeze]

اذا ودك تدرسين ادفعي الرسوم وكملي

وكم سنة تخرجك من الثانوي عشان اقولك تقدرين تحولين انتظام ولالا ؟


انا لي تقريبا هذي السنه الثالثه الحيين
ودي اكمل بس سمعت يقولون الانتظام كنسلوه مادري عاد
ابي راايكم الي تدرسون فيها اكمل ولا باقي كم يوم بس وينتهي تسليم الاوراق

[بنت الداود]

لآنه توه مافتح التسجيل ممكن مايفتح الا العصر او المغرب الله اعلم

[أحمد باسمح]

بالنسبة للبلاك بورد ، فما ندري ،

أما بالنسبة للمستوى الأول ، فهذا قسمكم ! .....

[برهوم الخبر]

نفسسس المشكله حاااصله معاااي:Cry111:

[الجوoOoري]

السلام عليكم::::::::::

من الصباح ونا منتظرة التسجيل وكل شوي تظهر لي هذه الرسالة هل الجميع مثلي ام المشكلة من عندي ياليت احد يطمنا الله يعينا بدينا من الآن في لعب الأعصاب يكفينا لعب الأعصاب في المحاضرات المباشرة


هذه الرسالة التي تظهر لي



يرجى الدخول على رابط تسجيل المقررات للطلبة الذين لم يتمكنوا من التسجيل.