تسجيل الدخول

مشاهدة النسخة كاملة : دفعت الرسوم ببنك الرياض .. لكن بدون ختم !!

abood_k
2011- 9- 7, 01:49 PM
السلام عليكم ورحمة الله وبركاته

احبتي .. الحمدلله تم سداد رسوم الجامعة الترم الأول ادارة اعمال

لكن !! لم يتم الختم على الورقة اللي طبعتها من موقع الجامعة
وأيضاً لم يتم الختم على الايصال اللي اخدتو من البنك ( ورقة الايداع الزرقاء ) ..!!

سؤالي .. هل ارسل الورقة الزرقاء للجامعة ؟؟
ام ارسل لهم صورة منها ؟؟

تحياتي لكم ..
آآريج
2011- 9- 7, 01:52 PM
ارسل الورقه الزرقاء
أبو محمد
2011- 9- 7, 01:52 PM
وعليكم السلام ..

مدري وش تقصد بالختم ..

لكن لازم موظف البنك يمرر وصل التسديد بالآله الخاصة بتأكيد الايدآع ..
هذا بحد ذاته يعتبر ختم وشهادة لك ..

الحين ارسل أوراقك مع اصل الوصل الي من البنك .. ولا تنسى تآخذ صورة منهآ إحتياطاً ,,

ولا هو لازم ختم البنك على الورقة الي من موقع الجامعة .. ارسلهآ مثل ما هي ..

وربي يوفقك ،،

،،
^تركي^
2011- 9- 7, 01:52 PM
وعليكم السلام ورحمة الله وبركاته

النسخه الزرقاء تكفي لإرسالها مع الأوراق والصوره انت احتفظ فيها ..

وفقك الله
المسآفرة
2011- 9- 7, 01:56 PM
الورقه الزرقاء تكفي اخوي

وكلنا ماختموا لنا ورقه البنك اللي طبعناها من الموقع

عموما الورقه اتوقع للبنك مو للجامعه .. يعني مثل الخطاب موجهه للبنك من الجامعه:biggrin:
صمتي جنون
2011- 9- 7, 02:00 PM
ارسل الورقه الزرقاء الى هي الاصل

واحتفظ بصوره منها

بالتوفيق:106:
MÓĴŖđ ЗЋŠåŠ
2011- 9- 7, 02:13 PM
حتى انا كمان .. والله امس رزعة في بنك الرياض من تسعه ونص لحد الساعه 12 والبركة في كثرة الموظفين ( فرع بنك واللي موجودين ثلاثة موظفين واحد صندوق و2 خدمة عملاء وأخوكم مسوي دافور رايح بدري على اساس يخلص بدري ويلحق يرسل الاوراق ) <== خارج النص .. :119:
المهم سويت إيداع واعطاني الموظف الورقه الزرقه وانا من ورا القزاز ااشرلو بيدي على الورقه اللي طبعتها من موقع الجامعه يبغالها توقيع وختم وهوا براسه يقولي لا وانا براسي اقلو الا وقلي لا مايحتاج قلت لا ياشيخ هما طالبين لازم ختم وتوقيع قلي ماعليك الورقه الزرقه مختومه تكفي قلت تكفى اخاف يكنسلوني قلي لاتخاف ..
الزبده في الموضوع ان الورقه الزرقه تكفي لانهم اكيد حيراجعو حسابهم في البنك ويتأكدو من السداد .. اطمن يعني ..
abood_k
2011- 9- 7, 02:35 PM
يعطيكم العافية على سرعة الرد ..

طمنتوني :) ..

سيتم تصوير الورقة وارسال الاوراق يوم السبت ان شاء الله ..

سؤال على طاري الموضوع .. وين في فرع بريد ممتاز بشمال الرياض !!!؟؟؟
أبو محمد
2011- 9- 7, 03:04 PM
في الملز
شارع جرير تقاطعة مع الستين هناك في البريد السعودي ( مركز رئيسي)
طالب حكومي
2011- 9- 7, 05:59 PM
اخوي انا قريت التعميم الي من الجامعة للبنك بعدم تختيم نموذج الجامعة لاكن الورقة الزرقا يطبع عليها طباعة في اعلى الورقة
بعدين نشبت في حلق مدير الفرع لين ختم لي ورقة الجامعة
اما بالنسبة للارسال لابد من ارسال الورقة الزرقا الاصل والصورة تكون عندك
dr.memoo
2011- 9- 7, 10:34 PM
صح عليك

اهم شي الوصل الازرق تعطيه البريد والورقة مالها دخل
المنصور
2011- 9- 8, 12:10 AM
عادي بدون ختم انا سالت البريد هم الي يعلمون بهذا الشي
وقالو عادي بس اصل الورقه الزرقاء وصورة تحتفظ بها
abood_k
2011- 9- 8, 01:39 PM
اوك سيتم الارسال .. بالملز ..

لو في أقرب يكون أفضل . لكن مو مشكلة :) ..
البرواز المكسور
2011- 9- 8, 01:44 PM
يعطيكم العافية على سرعة الرد ..

طمنتوني :) ..

سيتم تصوير الورقة وارسال الاوراق يوم السبت ان شاء الله ..

سؤال على طاري الموضوع .. وين في فرع بريد ممتاز بشمال الرياض !!!؟؟؟


انتبه ترسلها عن طريق الوكالات

ارسلها عن طريق البريد السعودي

وبالتوفيق للجميع
مناااااير
2011- 9- 8, 02:39 PM
انا كمان
صارلي نفس الموقف
ماختمولي البنك على الورقه البيضاء الي طبعتها من موقع الجامعه



الله يعطيكم العافيه ماقصرتوا