تسجيل الدخول

مشاهدة النسخة كاملة : مشكلتي انا والرقم الجامعي :( ساعدوني بليز


قلبي له
2008- 10- 16, 01:21 AM
السلام عليكم ورحمة الله




انا عندي مشكله اذا ماحليتها قبل يوم الجمعه بتضيع علي الدراسه في الجامعه وبتتحطم احلامي :Cry111:




انا طالبه مستجده في كلية الآداب قسم لغة عربية ..


اليوم رحت للكلية واخذت الجدول واستمارات التسجيل في البانر لكن مشكلتي رقمي الجامعه !!



لما رحت اسجل في الكلية( اسلم اوراقي وشهادتي) عطوني ورقه فيها ختم الجامعه ورقمي الجامعي لكن هالورقه ضاعت علي



مع اني متأكده اني مارميتها ..:Cry111:



ولما دخلت موقع الجامعه علشان استرجع الرقم الجامعي طلب مني رقم الجوال والسجل المدني !!



لكن يقولي (تأكد من البيانات المدخله ) مع اني متأكده من رقم الجوال والسجل حقي ...




طيب الحين كيف اسجل في نظام البانر وانا ما اعرف رقمي الجامعي ؟ وكيف احصله ؟ :s12:



بليييييييز ساعدوني ما ابغى انحرم من الدراسه هالسنه

endless love
2008- 10- 16, 01:25 AM
ياعمري انتي هدي واتذكري زين رقم الجوال الي انتي مدخلته


جربي ودخليه مره وثنتين وتأكدي انك تدخليه صح


وان شاء الله تظبط عندك:praying::praying:


الله يوفقك بس استعجلي لك شوي التسجيل بسكر بكره الظهر الساعه(1)

عسولة الشرقية
2008- 10- 16, 01:31 AM
حاولي حبيبتي اذا ما حصل عطيني رقم الجوال والسجل المدني بالخاص اشوفلك


اذا اقدر ادخل ولا لا


وبعدين سمي بسم الله



واستغفري واجد وان شاء الله ربي يفرجها


موفقه يا قلبي وطمنيني عنك اذا صار اي جديد اوكي

كليـ غنج
2008- 10- 16, 01:38 AM
ايه حبيبتي اضبطي اعصابك وهدي ... ممكن تكونين مشوشه بذا الحاله



ربي يوفقك يا بعدهم

قلبي له
2008- 10- 16, 02:16 AM
انا مو بس مشوشه انا مابقى فيني اعصاب ..


تعبت وانا اعيد وازيد في الرقم مايدخلني !!


ادعوا لي القى الورقه :011: انا متأكده اني مارميتها ان شاء الله القاها



مستحيل يسكر التسجيل بكرا هم قالوا الجمعه !!!لازم يمددون ويعطوني فرصه

طيب مافي طريقه ثانيه القى فيها الرقم الجامعي ..


اقدر ارسل للجامعه مشكلتي ؟ اسألوا اصحاب الخبره د







يعطيكم العافيه والله يوفقكم ولا يحطكم في مشكله مثلي

يالبيه
2008- 10- 16, 02:40 AM
واللللللللللله ياعمري انتي نفس حاله صديقتي

المشكله مو من الرقم الجامعي

صديقتي عندها الرقم الجامعي وخلناه

ونفس الشي يقولنا التأكد من البيانات

وحاولنا كم مررررره ونفس الشي انا سمعت بنتين عندهم نفس الحاله


وانتي الثالثه مادري وش حلها الصرااحه


انا واللله متضايقه عشان صديقتي

لااااااااازم نلقى حل هي راحا الكليه وقالو لها ارسلو لدكتور بالايميل انا رسلت وللحين ماجاني رد


بس انشااااااء الللله خييير

نتوكل على الله وانشاء الله خير

الله يسهل على الجمييييييييع ياااااااااااااااااااااااااااااااااااااااااااارب:s1 2:

وشكرا

قلبي له
2008- 10- 16, 02:58 AM
انا بعد ارسلت لهم مشكلتي اتمنى يردون علي بالحل او يعطوني رقمي:praying:



الوقت يمر و والفرص تضيع واحنا ماسجلنا



الله المعين



اخوااااااتي الله يعافيكم اللي تقدر ترسل للدكتور احمد الشعيبي في منتدى النقاش للجامعه وتقوله بمشكلتنا بكون شاكره لها والله يوفقها



مايسجلوني الا برقمي الجامعه شفتوا شلون التحطيييييييييييييييييييم

english gairl
2008- 10- 16, 03:13 AM
هدي اعصـــــابك

حبيبتي جربي دخلي رقم جوال ثاني
يجوز انتي لما تسجلين دخلتي رقم جوال ثاني
والحين مو ذاكره من الربكه

sofya
2008- 10- 16, 03:20 AM
حبيبتي قولي استغفر الله العظيم الذي لا اله الا هوالحي القيوم واتوب اليه 3مرات ولا تدرين الا وانفرجت عليك من حيث لا تعلمين ثقي بالله وكل شي له حل وبتتيسر انا هذي طريقتي في اموراصعب من كذا وسبحانه ييسرها لي وعلمت صديقاتي ولقوا نفس النتيجه الله ييسرلك ويكتب لك معانا نصيب انا سنه رابعه عربي وبالخدمه لاي شي تبين

قلبي له
2008- 10- 16, 03:50 AM
الله يسهل اموركم يارب ولا يحرمني من طيبكم !!



يارب لاتخيبني :s12:

english gairl
2008- 10- 16, 04:01 AM
بشرينا لو دخـــــــــــل

قلبي له
2008- 10- 16, 04:16 AM
انا لما بغيت اعرف نتيجة قبولي للجامعه مادخلني عن طريق الجوال !!


دخلته عن طريق اسم المستخدم والباسورد ... اتوقع انه صار خطأ في تسجيلي لأني مو انا اللي سجلت كنت في العمره


ان شاء الله القى حل او الرقم :Cry111:

english gairl
2008- 10- 16, 04:28 AM
طيب جربي دخلي النك اللي دخلتيه لما سجلتي للجامعه + الباسورد

قلبي له
2008- 10- 16, 04:30 AM
من وين ادخله ؟

english gairl
2008- 10- 16, 04:40 AM
في البـــــــانر

قلبي له
2008- 10- 16, 05:02 AM
مشكوره حبيبتي على المساعده



بس هم مايدخل لازم الرقم الجامعي :(

endless love
2008- 10- 16, 06:27 AM
حبيبتي (قلبي له)


روحي لإسترجاع الرقم السري للطلبه والطالبات المستجدين


وبتلاقي فيه خانتين الأولى حق الرقم الجامعي والسجل المدني


والثانيه للسجل المدني ورقم الجوال هذي ادخلي عليها


اسألي الي سجلتك اي رقم جوال دخلت


ومثل ماقلتي انا توي فتحت موقع الجامعه وبتمتد فتره التسجيل ليوم الجمعه الساعه السادسه مساء


الله يوفقك ان شاء الله:praying::praying:

أميرهـ الـورد~
2008- 10- 16, 12:13 PM
الرقم الجامعي الي ماكانت تعرفه تقدر تآخذه يوم ماأخدت الأستمآرهـ


انا شفت بنات كثير مايعرفون الرقم الجامعي اعطتهم الي وزعت الاستمآرات


:mh19: وأصلا" ماتستلمي الاستمارة إلا وفيهـآ الرقم الجامعي !!


مأدري كيف خلصتي الاستمارة واعطوكـ الجدول بدون رقم !!