مشكلتي في القبول

[غديري]

السلام عليكم

أسعد الله أيامكم بالخير والمسرات

سالفتي مع الكلية

:

قبلوني بس ما قدمت أوراقي لأني كنت مسافرة

بيوم السبت رحت الكلية و أعطوني قسم شئـون الطالبات ورقة أكتب فيها المشكلة

و كتبت فيهـا// إني كنت مسافره خارج المملكه و لم أستطِع الرجوع لعدم توفر مواصلات العودهـ

وكانت هناك بنت عندها نفس مشكلتي

أعطوني رقم و قالوا لي اتصلي عليه سألتهم متى .؟

: بكره نهاية الدوام

و جا بكره واتصلت طلبت اسمي قالت لي: الرد لسى ما وصل من المسئول

بيوم ثاني { الاثنين .. رحت لهم بنفسي الكلية

قلت لها عندي ورقة مراجعه حقرتني و كملت شوي من شغلها بعدها سألتني عن الاسم و لقيت ورقة زميلتي اللي عندها نفس المشكلة موجودة ع المكتب { مدري هم أرسلوهم ولا ينتظرون يغطيهم الغبار

و الرد بعد : لسى ما وصل الرد من المسئـول

بالأمس { يوم الثلاثاء .. اتصلت و بدون ما تسأل عن اسمي قالت لي ما وصل الرد من المسئـول

قلت لها طيب الدراسة بتبدء و أنا للحين انتظر

قالت لي حبيبتي الرد مو من عندنا من المسئول

جا اليوم الأربعاء و اتصلت كان الخط دائمـاً مشغـول


،،

إذا احد عنده رقم المسئول تكفون يعطيني ياه

نقطة }
مدري ليه عندنا الإهمال شي أساسي في التدريس

:000:

[بـــو أحــمــد]

و عليكم السلام

غديري
الجامعة حددت مواعيد لتسليم الأوراق الأاصلية لكل دفعة من دفعات القبول
و كتبوا و أعلنوا أن ألي ما رايح يسلم أوراقه خلال الفترة المحددة
رايح تطير عليه فرصة القبول ..

هذا الرابط فيه أرقام و تلفونات كل مسؤولي عمادة القبول و التسجيل في الجامعة :
http://www.kfu.edu.sa/Registration/contact.asp

[غديري]

يا هلا أخـوي

قرارهم جيد

بس في ظروف قهريه خارج عن إرادة الإنسان

انا مستعده اقدم لهم الجواز و تذاكر دخولي السعودية

ومشكوور أخوي ع الأرقام إن شاء الله يوم السبت أدق و مايصير إلا الخير

:119:

[ضبيه]

ان شاء الله نسمع اخبار طيبه ..دعواتنا لش بالتوفيق

[غديري]

شكـراً لكِ أخت ضبيه

تمّ مراجعتي للكليه بعد مهاتفتي للكليه

قِيل لي اتصلي بعد نصف ساعه ..

ذهبت لمقرّ الكليه وتمّ إبلاغي بأن المسئول رفض المشكله ×

لكن لا أحد من المسئولين يجيب على الأرقام الموضحة في موقع الجامعه

{ وعسى أن تكرهوا شيئـاً وهو خير لكم

بالتوفيق لكم جميعـاً