ارجو المساعده والنصيحه ، بخصوص السنه التحضيريه . .

[al-8ymat]

السلام عليكم ..

اسعد الله مساكم و صباحكم بكل خيرَ


.
.


حبيت اكتب هالموضوع خاصه لسنه التحضيريه ، وفايده للجميع بإذن الله ..


معروف ان الدراسها بالكليه الجامعيه كلها English وهذاموضوعيُ ..

اغلب بنات السنه التحضيريه مستواهم ضعيف .. وهالشي سبب احباط لكثر الطالبات

ابي منكم نصايح تفيد بخصوص اللغه .. ؟

شلون واجهتم اول سنه تحضيريه .. وكيف كان مستواكم .. ؟

وتحسين اللغه هل ياخذ وقت طويل .. ؟


.
.


اتمنىُ الفايده من الجميع ..

[مجرد فتاه]

إْضم ـم .. صوتي لـ صوتهـآأأ ..!

الي عنده .. طريقَه معينه .. إْو ممكن " مواقع إْفـآده بـشكل جدي . "

تنصحونـآ بـ دورات .ومن هذإْ القبيل .. , مثلاَ .؟.

وهيكــآأ .. يعني .. وجعلــه الله في موإْزيـــن حسسسنـآتكم ـم ..
وإْبشرو بـ دعوإْت صــآدقه في ضهر الغيبَ .. :106:

[ترف ~]

عليكم السلآم ورحمة الله وبركآته ~

لآتخافون ولآشي خشينا الجامعه ومستوانا زييييييرو بالانجلش :biggrin: ~


بالنسبه لمواد الإنجليزي سهله جدآ نفس الثانوي بس بتوسع أكثر ., أهم شي تركزون بالمحاضرات لأن المسات يشرحون بأمانه صراحه وخاصه مع قرب الإختبارات ركزوا معهم بقوه يقولون أشياء جد جد مهمه ونصها تجي !!! والأجوبه تكون كلها إختيارات ماعدا الرايتنق ...


الماث نفس الشي كله أشياء ماخذينها من أول مايحتاج تكونين توب في الإنجليزي ترى .. أهم شي ماتهمليييين المذاكره ابدآ ولآ تلعبين بالمحاضرات وتسحبين مع خوياتكـ :wink: كلآم المسات بالمحاضرات جدآ مهم
وأي شي مافهمتيه سيده روحي للمس تشرحلكـ والله انهم متعاونين بشكل , ولآتراكمين الدروس عليكـ

الفيزيكس ماخذيته .,

الآيتي .. جدن جدن سهل بتتخرعون من كبر الكتاب لكن مو كله بتذاكرينه ! ترجمي كل محاضره الجزء تبعها بالكتاب أول ماترجعين عشان تفهمين انتي وش قاعده تذاكرين بعدين .. والعملي يرفع ( حنّا كنا نركز ع العملي أكثر - قد ماتقدرون أرفعوا درجاتكم فيه - النظري درجاته قليله )



أهم شي يابنات الترجمه أوّل بأوّل .. طبعآ مو كل الكتاب بتترجمينه لآ الكلمات المهمه والجديده عليك بس"

لآ تخافون أبد وبنفس الوقت لآتهملوووون وركزوا بالمحاضرات .. :(204):

[ترف ~]

هذي قنوات لتعليم الأنجلش اذا حابين :

http://www.youtube.com/JenniferESL

http://www.youtube.com/user/podEnglish

وهنا بودكاستات حطوها بالأيبود واسمعوا أكثر من مره يوميآ السمع جدن مهم أثناء تعلمك للإنجليزي وأسهل طريقة للتعلم :

http://www.eslpod.com/website/index_new.html


* بليز وطّوا ع الموسيقى ~


وعلى فكره لما تتكلمون بالأنجلش لآ تشيلون هم القرامر نهائيآ - تكلّموا وبربروا قد ماتقدرون :biggrin: - حتى المسّات كانوا يقولون لنا كذا وبعد فتره أصلآ من نفسك بتعرفين تنسقين الجمل وكل جمله وش يصلح لها .. بس لو شلتي هم القرامر والتركيب الصحيح للجمل مارح تتقدمين .,

الله يوفق الجميع"

[روني...~]

السلام عليكم

انا عن نفسي كان عندي خلفيه بالانقلش بسيطه وكنت افهم كلام المسات بس مع الممارسه صرت احسن
واكتشفت ان فيه كلمات ننطقها غلط من الثانوي :g2:
صح بالبدايه كلنا كنا خايفين كيف الاختبارات وكيف نفهم الاسئلة :biggrin:
بس بعد اول اختبار بكل ماده فهمنا شسالفه , شوفي صح بتغلطين وممكن مرات ما تفهمين وتقولين انا ما اعرف ومدري وشو بس صدقيني مع كل اختبار تفهمين اكثر وتتحسنين تدريجيا

الانقلش *
اهم شي الحل بالكتاب مع المس مهم مهم :love080: وانتبهي للسبلنق وصححيه مع المس او صديقاتك و الا اذا رجعتي البيت بقوقل اكتبي الجمل الي شاكه بالاسبلنق حقها ,لانك بتذاكرين من كتابك ولو نقلتي غلط بتحلين بالاختبار غلط , والتمارين تساعدك انك تفهمين اكثر بالانقلش

الرايتنق * تقريبا كلنا واجهنا صعوبه فيه عشان نكتب براقراف وزي كذا , بس الشاطره تقدر تعرف نفسها وتحسن نفسها , وركزو على القرمر بكتاب الرايتنق لانهم يجيبون لكم اسئله فيها قرمر وكلمات مو بس براقراف وهالاشياء تزيدك درجات:(204): , بس عموما مواضيعهم جدا سهله و نفس مواضيع الكتاب

الريدينق * كان عقدة البنات عشان كلمات كثيره ولخبطه , بس فيه بنات مشو فيه زي العسل , كلن وطريقته الي تذاكر اول بأول والي تربط الكلمات ببعض , واللي تقرا الجمله وتفهم وش معنى الكلمه وزي كذا :biggrin:

القرمر * مهم جدا تفهمين القاعده مو بس تحفظينها , واذا ما فهمتي روحي للمس مكتبها وعلميها , ترا الساعات المكتبيه حاطينها عشان الطالبات يسألون .

اللسننق * ماده خفيفه طينه وسهله بس لا تطنشينها .

نجي للحاسب (IT) قالو لنا صعب وكلن يعيده ومدري ايش :000: كلنا كنا خايفين منه , بس اكتشفنا العكس الشاطره الي تترجم اول بأول وتفهم بتمشي
لا تحفظين صم لا هذا غلط :(177): افهمي الزبده وترجمي الكلمات المهمه وركزي مع المس هذا اهم اهم شي وبتمشين بالراحه :wink: والاختبار كله خيارات وصح وخطا ويمكن فقرتين فراغات يعني منتي كاتبه شي من مخك الا يمكن كلمتين , وركزو على العملي اكثر *

الماث* سهل وحلو ويهبل:71: بس اختباراتهم لك عليها :cheese: يعني على حسب الاسئله تجيك مرات كنها لغز :hahahahahah: بس مع هذا حلو ولازم تشغلين مخك وتحضرين كل المحاضرات لأن لو تفوتك محاضره وحده يفوتك شي كثير :biggrin:

الهيلث * حفظ x حفظ وترجمي صح والاختبار كله خيارات, اصلن عندكم بس اختبار واحد بنص السمستر واختبار الفاينل , لكن الباقي كله عملي , بتسسون لوحه بسيطه جدا عليها 5 درجات , وبتسوون عمل اعاده تدوير الاشياء وعليه 5 بعد , وبتطبخون طبق من اختيار المس وتجيبونه معكم وتذوقه المس :biggrin:

الكومنيكيشن *ماده حلوه مره مره , كلها لعب وسوالف ومافيها اختبار نهائي ابشركم :cool: بس تسوون عروض بوربوينت كل اسبوعين عرض وعليه 20 درجه والاموضوع تصيرون ماخذينه مع المس وفاهمينه:smile:

الكيمياء والفيزياء * يعطونكم عروض بوربوينت تحفظونها وتختبرون كويزات من 5 درجات كله خيارات والا صح وخطأ احيانا , نفس الي اخذتوه بالثانوي بالضبط بالعكس مختصر اكثر بس مهم تعرفين وش المعاني والتعريفات
وتركزين بالكلاس

ستدي سكيلز * كأنها ندوه عن المذاكره والوقت وزي كذا تسولفون وتستانسون وتريحون من ضغط المواد :tongue: مافيها فاينل بس تختبرون 4 اختبارات من 20 وتعطونها باخر السمستر اسايمنت

واتوقع خلصنا :biggrin:
اي سؤال انا حاضره :wink:

[#--#]

مرررررررررررررررررررررررررررررره شكرا
( ترف & روني )
جزاكم الله كل خير .. الله يسعدكم ياآرب


هونتوا علي مررره شكرا .. :106:

[Maria ~]

الرايتنق * تقريبا كلنا واجهنا صعوبه فيه عشان نكتب براقراف وزي كذا , بس الشاطره تقدر تعرف نفسها وتحسن نفسها


حيل مششكله بالنسبة لي :(
والمششكله ان مافي الا انا اللي مااعرف أكتب شي :(
يعني أسوي جمل طيب وبعدين ؟ ، مايصير كذا احطهم مع بعض واسوي برقراف لازم شي مفيد
وثانياً كل البنات الي معآي بالسكشن دفره أو على أقل من دفره بشي بسيط وانا مثل البقره :icon9:
يعني نستوآي مو ضعيف مرآ ومو وسط مرآ أقل من وسط بشوي :icon9:

أفهم شي وشي ماأفهمه ، والا حيييل تصير ازمه بالنسبة لي اذا المس كلمتني ويعني المفروض اني ارد عليها ماأعرف أتكلم بتاتاً :icon9:


مثل : أكثر من مس يقولون عن اسمي انه مايسموه سعودين وانه اسم اجبني وكذا ودي اقول لهم اي شي مااعرف :icon9: بس ابتسم :icon9:

والا اليوم مس إلـسبث ماادري شتقول عن اسمي والبنات يضحكون وانا مثل الهبله ماادري شالسالفه :icon9:

:icon9:

[Ndoy]

مرحبـآ بنـآت ..

بغيت اسأل عن الـit :g2:
شلون ندرسه :(107): ..

ازعجتني المس اليوم :24_asmilies-com:
هذرت و بس ..:g2:
ما فهمت منها شي ..
ما قالت لنا شي عن الاختبارات
و الكتاب شكله يخوف صراحه
بلوكه مو كتاب :000: ..
هذا ندرسه كله ولا وش ندرس فيه
بما انه مافي دلع و تحديد :(177):

[طقطق]

بالعكس يجنن ميس ساره مرررره تفهمنا

هو سهل رح اخذ غفوه لي باك واقولك اش قالت لنا بالضضبببط ترى الاختبار بكون ترو وفولس وماتش وشورت كوستشن زي التعريفات وكذا

وحددت الشورت كوستشن واعطتنا خطه دراسيه وككل شي
اي استفسار قوليلي انا حاضره :mh318:

[Maria ~]

^


مي تو

مس سآره حيل مسهله علينا وزي اللي تحسسنا في الكلآس ان المآده ولآ شششي :biggrin:
بس يعني يبيلها مذاكره أكيييد :119:

[(الرايق)]

وووو وانا بعد والله في الكلاس عندنا طلاب بعضهم عايدين سنة

يعني درسوو السنة المااضية في جامعة ثم فصلو وجاو عنندنا وما شاء الله عليهم فاهمين0 ويسولفون بالانجلش

وانا ماش خاصة الراايتنق لما نكتب براقراف يرفع الضغط

المشكله اني افكر ببالموضوع بالعربي ولا اعرف اعبر بالعربي هههآأي

كيف اكتب بالانجلش خخخ

والا موا الفيزي والكييما والله ماايصيرندرسها وماعندنا لغة سلاماات *_*:000:

[روني...~]

كل الاسئلة الي سألتوها كتبنا عنها :hahahahahah:يعني شلون اعيد كلامي :biggrin:

الي تقول عندها مشكلة بالرايتنق * ترا انا كنت كذا :bawling:لما تسألني المس ابتسم :tongue: وما اعرف اكتب شي اذا قالت اكتبو
بس المس حقتنا ( تيتا ) فلبينية ما شاء الله عليها خلتنا نكتب صح , بالبدايه لازم يصير عندك كلمات ما راح تعرفين تكتبين وانتي ما عندك كلمات ( معناتها مادة الريدينق مهمة ومرتبطه بالرايتنق)
ثانيا * لازم يصير عندك قرمر عشان لما تكتبين جمل تكون صحيحة وتعرفين تميزين بين لما تكتبين عن شي ماضي والا حاضر وزي كذا :smile:
ثالثا * ابدأي حبيبتي بكتابة جمل ورتبيها بالاهم
الجملة الي توضح لك وش بتتكلمين عنه وتكون في بداية البراقراف دايما هي ( topic sentence ) وبعدها تبدين ترتبين الجمل على شكل براقراف وتختمينه بخاتمه بسيطة يكون لها صله بtopic sentence وما تطلع برا الموضوع


وسالفة انكم ما تعرفون شي وما تقدرون تتكلمون واللي حولكم كلهم يعرفون :017:** لا تفكرون كذا بليز :tongue: صدقوني يمكن بنهاية هالسمستر تصيرون احسن منهم :(204):
موب من الباب للطاقة تصيرين بلبل لازم تتعلمين وتغلطين وتكتبين وتحفظين والاهم من هذا كله تمارسين اللغة ,
والله الانقليزي سهل سهل بس انتو حطو ببالكم انه سهل وادعو ربي يسهله عليكم واجتهدو والله يوفقكم يارب:love080:

[mallo0oka]

الآيتي .. جدن جدن سهل بتتخرعون من كبر الكتاب لكن مو كله بتذاكرينه !




الحمدلله طمنتيني انا كنت خايفه منه مرررره

يوم شفت الكتابين الكبار تخوف قلت شكلي بجيب f مره وحده




اللسننق * ماده خفيفه طينه وسهله بس لا تطنشينها .

اهااا طيب اذا بذاكر اول بأول كيف ؟؟ يعني ايش اذاكر بالضبط ؟؟!!! :119:


الماث* سهل وحلو ويهبل:71: بس اختباراتهم لك عليها :cheese: على طاري الماث انا ادرس تحضيري و اخترت التخصص انجليش بس يقولون في السمستر الثاني بناخذ ماث !! صح هالكلام ولا بس للي بيدرسون بزنس؟؟


وبتطبخون طبق من اختيار المس وتجيبونه معكم وتذوقه المس :biggrin:

واللي مايعرف يطبخ :biggrin::biggrin::biggrin:



وتعطونها باخر السمستر اسايمنت << ايش هذا ؟؟؟




والله مو عارفه كيف اشكركم الله يحقق لكم كل اللي تتمنوه ان شاء الله ويعطيكم على قد نيتكم يآرب

من جد احنا محتاجين احد مثلكم يخلينا نتفائل

مدري ليش دايما احنا اللي بندرس بالـ JUC

نلقى تحطيم من كل الناس,, من بعض البنات اللي درسوا فيها وحتى من اللي مايعرفون عنها الا اسمها وبس

[الريـــم]

بس حابه اضيف افاده بالنسبه للرايتنق

نصييييييحه اقروا براقرافات كثييييييير ..
كتاب الريدنق اقروا كل القطع الموجوده فيه
وترجموا كلمه كلمه الين تفهمون كل كلمه موجوده بالقطعه

هذا بيساااعدكم مرررره في كتابة البراقراف في الرايتنق
بيصير عندكم مخزون كلمات وافكار للكتابه

(القارئ الجيّد كاتب جيّد )

وهذي قاعده وشي معروف للكتابه سواء كانت باللغه العربيه او الانجليزيه


جربوا وبتلاحظون كيف يتحسّن مستواكم في الكتابة :)




ادعولي بالتوفيق :mh318:

[مجرد فتاه]

ههههههههههههههههههه .. " فطسستَ ع بعض تعليقــآآــت ,..:106::biggrin:

الكلآم .. سلسَ .. ويخشش إْلمخ .بلَ . ويدفعك .تزيدين من حمـآسسك وإْصرارك . وكـل شيئ بـ العزيم ــه . نقدر نجيبه ..
يعني بـ لله إْلدفره إْحسسن . منا بـ شيئ . <يعني هم عندهم موخ واحنامـآفيهـ . :biggrin: :106:

إْو حتى المسـآت .. ليه نروح بعيد .. جنسيـآتهم . مختلفه منهم الفلبيني . ومنهم الهندي . ومنهم تركيـين ..

برضو هم تعلمو اللغـــــه ,. وإْجـآدوهـآأأ ... محد إْحسسن من إْحدَ ... :106:
وكلوَ . يعتمد ع الشخص . نفسه .. كل شيئ يبدإْ منك إْنت .. إْذا انت تبي تتعلم .. رإْح تتعلـــــم ...

لآتقولين / او تقول .. مـآاقدر . مـآافهم .صعب .. معقــد . لآأنَ ..
من يتهيب صعود الجبال ~ يعيش أبد الدهر بين الحفر

يعجزَ لسسـآني عن شكر كل من بـآدر بـ المساعده .. / وإْسسأل الله إْن يــجزيكم وإْيـآكم .. الفردوسس ألآعلى .من الجنــآن ... :106:

[al-8ymat]

يعطيكم العافيه .. ، عـَ المساعده و النصايحَ :)

[ζ͡»βѓŞŦĺģ ĥĽǾɱ]

ربي يوفقكم
ريحتوناا و سهلتو علينااا : )

[قيمممر]

‏*‏--*

انا الحيين تحضيري وانشاءالله ابي تخصص بزنسس بنأخذ ماث وفيزكس وكمستري >< ولا لا ؟ واذا بنأخذ متا يعني السمستر 2 ولا سنةةة التخصص

:‏*‏)))

ي رب

[روني...~]

اللسننق * ماده خفيفه طينه وسهله بس لا تطنشينها .


اهااا طيب اذا بذاكر اول بأول كيف ؟؟ يعني ايش اذاكر بالضبط ؟؟!!! :119:
ذاكري الكلمات اللي تجيك بالتمارين ومعانيها وفيه قاعدات تجيك صغيره ذاكريها


الماث* سهل وحلو ويهبل:71: بس اختباراتهم لك عليها :cheese:
على طاري الماث انا ادرس تحضيري و اخترت التخصص انجليش بس يقولون في السمستر الثاني بناخذ ماث !! صح هالكلام ولا بس للي بيدرسون بزنس؟؟

لا الانقلش ما ياخذون ماث ابد حتى بالتحضيري يعني تطمني
بس البزنس ياخذون فونديشن ماث (أساسيات)

وبتطبخون طبق من اختيار المس وتجيبونه معكم وتذوقه المس :biggrin:


واللي مايعرف يطبخ :biggrin::biggrin::biggrin:
ما ادري هم كل سمستر لهم نظام حنا طبخنا كل بنتين طبق تسوينه بالبيت وتجيبنه وتسوين طاوله طعام لشخصين , والسمستر اللي قبلنا كانت طريقتهم غير سوو وجبه كامله يعني مثلن غداء قروب من البنات وكل بنت تجيب اكلة للغداء ويحضرون السفره فهمتي



وتعطونها باخر السمستر اسايمنت << ايش هذا ؟؟؟
بحث او عرض بوربوينت او اي شي تاخذين عليه درجات على حسب المس عاد:biggrin:

[روني...~]

‏*‏--*

انا الحيين تحضيري وانشاءالله ابي تخصص بزنسس بنأخذ ماث وفيزكس وكمستري >< ولا لا ؟ واذا بنأخذ متا يعني السمستر 2 ولا سنةةة التخصص

:‏*‏)))

ي رب

اذا انتي علمي ومكتوب بجدولك (BUS) فتطمني حبيبتي منتي ماخذه لا كيميا ولا فيزيا وحتى اذا تخصصتي مافيه

الكيمياء والفيزياء لتخصص الحاسب , نظم المعلومات , التصميم فقط

وبالنسبة للماث ايه بتاخذين اساسيات ماث على حسب جدولك اذا ما اخذتيها السمستر الاول تاخذينها الثاني ماده وحده بالسنه

لكن التخصصات اللي ذكرته فوق الحاسب , نظم المعلومات , التصميم ياخذون ماث 1 السمستر الاول و ماث 2 السمستر الثاني :biggrin:

[كفالي]

بسألكم بمس IT اللي تتكلمون عنها

مس سارا ايش عايلتها

بلليز لا تطنشوووني:Cry111:

[روني...~]

سارة الملحم

[كفالي]

اقدر احول لمس سارا الملحم درستني كلاس واحد
وراحت .... لكن ممرررة تفهم:(204):