المساعد الشخصي الرقمي

مشاهدة النسخة كاملة : مطلووبه على بند المكافئه / ساعدوني

الآمـــل
2011- 9- 14, 03:10 PM
السلام عليكم


يابنات اتمنى احد يساعدني
اليوم دقت علي وحده من كلية الجبيل

قالت لي : اجي يوم السبت او الاحد اشرح درس معمل ( قانون اوم )
عشان تقديم بند المكافئه

فهموني الله يجزاكم خير

لو بنقبل على هالبند

كم يوم اداوم ؟
الدوام سهل فيه والا صعب ؟
صدق مالي اي شي يثبت حقوقي ؟
الراتب كيف حلوو يستاهل اجي من الدمام للجبيل والا مايسوى ؟
Anfal1
2011- 9- 14, 03:46 PM
عملت لمده سنه في جامعه الدمام على بند المكآفئة...
كان مسمى الوظيفة مدرسة لغه و الراتب بالساعه...١٥٠ ريال للساعه، و حسب الساعات اللي يعطونك.
الداوم مريح بس عليك الحضور وقت محاضرتك ، مافيه ساعات مكتبيه ولا مطالبه بانشطه او حضور دورات.
البند مش مسجل في ديوان الخدمه المدنيه يعني ما تحسب لك سنوات خبرة ولا فيه راتب تقاعدي هو عقد يتجدد كل تيرم و لهم الحق لو ماجددوا العقد.
الوظيفة حلوه مرة كبديل للعمل في القطاع الخاص، و تضيف لك في سيرتك الذاتيه انك درستي بالكلية شي حلو. و تكونين داخل الكلية تعرفين لو فيه تقديم وظايف معيدات اوشي.. تكونين بالجو
انتي روحي سوي الدرس و اسأليهم عن كل شي بالتفصيل الممل عشان تعرفين خياراتك بوضوح و تختارين
الله يوفقك
Anfal1
2011- 9- 14, 04:45 PM
بعد ودي اضيف.. كان الراتب استلمه شيك نهايه التيرم مرة وحدة.
الآمـــل
2011- 9- 15, 07:47 PM
الله يجزاك خير ماااقصرتي

بس عندي سؤال
دوامي حسب ساعات المعمل بسسس ؟
يعني اذا ماكان عندي معمل الا يوم الاحد والاثنين ! ماااداوم الا هاليومين بسسس ؟!
Anfal1
2011- 9- 15, 09:40 PM
اذا نفس النظام اللي اشتغلت عليه، ايه
تأكدي بنفسك من الكليه أحسن
الآمـــل
2011- 9- 15, 09:58 PM
اذا نفس النظام اللي اشتغلت عليه، ايه
تأكدي بنفسك من الكليه أحسن


الله يجزاك خييير ماقصرتي

بسال ان شاء الله ان قبلوني
غيم تايه
2011- 9- 17, 01:30 PM
تصدقون هذا يشبه بند ( الوظائف المقطوعة ) إذا ما كان هو لكن مسمينه في الجامعة بالمكافآة .
فراشه
2011- 9- 18, 12:51 AM
الامل ربي ييسرلك

طيب سؤال : اهو موجود بس بالجبيل ؟؟؟ وكيف التقديم عليه هل يوجد وقت محدد للتسجيل والا عادي مفتوح ؟؟؟


البند مش مسجل في ديوان الخدمه المدنيه يعني ما تحسب لك سنوات خبرة ولا فيه راتب تقاعدي هو عقد يتجدد كل تيرم و لهم الحق لو ماجددوا العقد


خيتو يعني عند التقديم على جداره ما يقبلوه كخبرة ؟؟؟!!!
همس النسيم
2011- 9- 18, 01:56 AM
تصدقون هذا يشبه بند ( الوظائف المقطوعة ) إذا ما كان هو لكن مسمينه في الجامعة بالمكافآة .



حلو المسمى (( الوظائف المقطوعه ))؟!:(107):


اتمنى اني اعرف هالبند وش الوظائف المقطوعه ؟
غيم تايه
2011- 9- 18, 02:51 PM
^^
حياك اختي امل : الوظائف لها مسميات إدارية ،، وكوادر وقطاعات معينة تختلف ..

الوظائف المقطوعة غالبا تكون في المناطق النائية ،، يتوظف الشخص لفترة معينة براتب معين مقطوع قابلة للتجديد .. فلا له حق في العلاوة ولا الترقيات ولا البدلات ولااستحقاق مالي عند انهاء خدماته ،، ولا يشملهم اي ترسيم ،، فيه على بند الساعات ،، نفس الحال .. وما ادري تتلغي ولا لا بعد الترسيم الاخير ... لانه المفروض تتلغي ،، موفقه
غيم تايه
2011- 9- 18, 02:55 PM
الامل ربي ييسرلك

طيب سؤال : اهو موجود بس بالجبيل ؟؟؟ وكيف التقديم عليه هل يوجد وقت محدد للتسجيل والا عادي مفتوح ؟؟؟



خيتو يعني عند التقديم على جداره ما يقبلوه كخبرة ؟؟؟!!!


جربي بند المتعاونات اذا باقي موجود ،،
الآمـــل
2011- 9- 22, 05:56 AM
من قال مايقبل كخبره !!

انا درسة بمدرسه حكوميه على بند الساعه
وتوقعت لي شهاددة خبره من التوجيه
همس النسيم
2011- 9- 22, 06:38 AM
^^^^
بالله الامل اذا قبلوك بالوظيفه

بلغينا بليززززززز
فراشه
2011- 9- 25, 02:21 AM
خيتو الامـل ماجاوبتي كيف التقديم عليه ؟؟؟

وغيم ماهو بند المتعاونات وكيف اقدم عليه ؟؟