تسجيل الدخول

مشاهدة النسخة كاملة : بنات التجسير

لصقة جونسون
2011- 9- 17, 01:06 PM
السلام عليكم

الكليه مثثثثثثثثل :017:

قالت لي الدكتوره بكره راح اعطيج الجدول ويوم جيت ابطلع قالوا ممنوع :017:

ورحت ارتزيت لين مااخذت الجدول الغبي واستاذة المايكرو مالقيتها
اصلا ماشفت لاب مايكرو باختصار

بالله بنات اللي اخذتوا الجدول بكره ايش راح ناخذ ؟؟
كليه مافيها نظام
صرت احن للحكومه :biggrin: قال اهليه قال ماااالت

دووووومتم في قمة السلامه
nursing care
2011- 9- 17, 02:38 PM
مرحبا جونسون

و يارب ييسرها إن شاء الله علينا جميعا

يعني ما درستوا شي اليوم ؟

ما قلتي لي شنو مقررات هذا الترم ؟

و بعدين ليه حاطين مايكرو و في الدبلوم دارسينه ؟

و طولي بالك تراك في أولها ..

دمتي بخير
فني طوارئ متميز
2011- 9- 17, 02:42 PM
ههههههههههههههههههههههههههههههههه
اصبري توك ماشفتي شي :hahahahahah:
الخافي اعظم
لصقة جونسون
2011- 9- 17, 07:12 PM
مرحبا جونسون

و يارب ييسرها إن شاء الله علينا جميعا

يعني ما درستوا شي اليوم ؟

ما قلتي لي شنو مقررات هذا الترم ؟

و بعدين ليه حاطين مايكرو و في الدبلوم دارسينه ؟

و طولي بالك تراك في أولها ..

دمتي بخير



اهلين خيتو
انا قلت لهم شلون مايكرو وبايو وانا دارستهم قالوا هذا الوكيله معادلتهم ولازم وتخيلي رحت للوكيله ابي معادلة المواد ماعطتني اقولها طيب كم سنه قالت روحي للدكتوره الفلانيه ورحت لهذيك الدكتوره باختصار مااخذت لاحق ولا باطل انا مستغربه شلون ماعادلوا لي المواد وبيعطوني من راسهم والمشكله ماشفت بنات التجسير والكلاس كان فاضي ،، تدرين اول مره بحياتي اطول بالي لاني دايم يقولون عن عصبيه :017: انا اندفاعيه وخصوصا اذا انقهرت ولايفوتج استاذه المايكرو مالقيتها ولافي اصلا كلاس اسمه مايكرو شفتي اللي يقهررررررر .. شكلي ابكلم قسم الاولاد بكره او بنفسي اروح اتفاهم معاهم ماابي اضيع هذا الناقص .. تو احس بقيمة الحكومي قلت اهلي بيدلعونا .. فيه بنات راح بياخذون جداولهم طب طوارىء استاذتهم صارخت عليهم اطلعوا برا بدون اي اسلوب او احترام بالقوه قلة ادب ع قولتها تبي هواء وين احنا قاعدين فيه ..
بشري انتي وش صار عليج؟؟
لصقة جونسون
2011- 9- 17, 07:14 PM
ههههههههههههههههههههههههههههههههه
اصبري توك ماشفتي شي :hahahahahah:
الخافي اعظم



الله يستررررررررر
ع الاقل انتو اولاد وتقدرون تمشون اموركم

الله يستر علينا بستره
انسان أنا
2011- 9- 17, 07:18 PM
بصراحة احنا قسمنا الدكاترة والاساتذة تعاملهم مرة محترم ومتعاونين كثير معنا
وما بشوف في فرع البنين المشاكل والسلبيات بالحجم اللي نسمعه في قسم البنات
فيه سلبيات اكيد بس مو بهالحجم
وفيه احترام للطلاب عندنا اكثر
nursing care
2011- 9- 18, 09:15 AM
هذا أولها الله يستر من تاليها

تخيلي جونسون يقولون ما فيه تجسير أصلا :53:

من جد قسم البنات ترى لا يطاق

بس روحي لقسم الاولاد شوفي السالفه كلها

و ما قلتي لي شنو بعد غير البايو و المايكرو في الجدول ؟

و أنا للحين أنتظر الرد من التخصصي بس اليوم برجهم بإتصلاتي لحد ما يردوا عليّ و يعطوني الزبدة

عشان أعرف أتصرف في حياتي

و الله الوضع اللي تقولينه حطمني من جد :Cry111:

دمتي بخير
لصقة جونسون
2011- 9- 18, 12:51 PM
يابنات
فيه امتحان يوم الثلوث حق المايكرو
بيكون الامتحان مزيج من المديكل + انجليزي .. اذا ماعديناهم راح ندرسهم واذا عديناهم مادري ايش راح ينزلون لنا سألتهم وماحصلت اجابه
نيرسنج كير هذا الجدول

health assessment theory & practical

introduction to nursing

biochmestry

microbiology>>>>لما رحت للمسؤؤله قالت لي عن الامتحان قلت لها عطيني فرصه اذاكر قالت انتي امتحنتي توفل وهذا اسهل

الله كريم تخيلي قالت لي انتوا خمسه وانسحبوا ٢ صح قلت لها انا خبري ان فيه بنات كثير تجسير الله يستر مدري ليه عندي ذا الاحساس


انسان معروف منذو الازل ان اقسام الطالبات ماعندهم اسلوب يتعاملون فيه مو مثل الطلاب يمكن عشان الضغوط يعني وحنا ماتعودنا ع هالاسلوب الهمجي :017:
نشوف مع الايام


بالتوفيق جميع
nursing care
2011- 9- 18, 01:43 PM
مراحب

ان شاء الله تعدينه يا جونسون .. بس هل البنات موجودات يعني شفتي بنات التجسير و إلا للحين ما شفتي أحد ؟
لازم تتأكدين من الوضع عشان لا تضيعين وقت معاهم ..

بالنسبة لي يا عزيزتي كلموني اليوم و حددوا لي اختبار الانجليزي بعد أسبوعين , بيكون اختيارات من متعدد للقواعد و الاستماع , و كتابة تعبير و قراءة .. و الدرجة المطلوبة 60 من 100 و بصراحة هم متعاونين جدا معاي و يبون يخلصون اجراءاتي في أقرب فرصة ..

تشورين عليّ خلاص أسحب أوراقي من الكلية ؟ و إلا أنتظر مع العلم إني خلاص ما أعتقد بجي أداوم لأني لازم أحضر للإمتحان بشكل مكثف ..

موفقين جميعا يارب

دمتم بخير
لصقة جونسون
2011- 9- 18, 05:07 PM
مراحب

ان شاء الله تعدينه يا جونسون .. بس هل البنات موجودات يعني شفتي بنات التجسير و إلا للحين ما شفتي أحد ؟

ان شاء الله يارب .. انا ماشفت احد بس الدكتوره حقتنا تقول ان في بنات راحوا لها عشان الجدول


لازم تتأكدين من الوضع عشان لا تضيعين وقت معاهم ..


بشوف هالاسبوع وش يصير معاهم وبسأل بكره كم بنت فيه لااتتوووهق



بالنسبة لي يا عزيزتي كلموني اليوم و حددوا لي اختبار الانجليزي بعد أسبوعين , بيكون اختيارات من متعدد للقواعد و الاستماع , و كتابة تعبير و قراءة .. و الدرجة المطلوبة 60 من 100 و بصراحة هم متعاونين جدا معاي و يبون يخلصون اجراءاتي في أقرب فرصة ..

ان شاء الله تعدينه وتتيسر لك امورك يارب


تشورين عليّ خلاص أسحب أوراقي من الكلية ؟ و إلا أنتظر مع العلم إني خلاص ما أعتقد بجي أداوم لأني لازم أحضر للإمتحان بشكل مكثف ..


اممممم احس انه بكير تسحبين اوراقك انتظري وشوفي مع الايام واذا حسيتي انك محتاجه اوراقك اسحبيهم
موفقين جميعا يارب



يارب جميع


دمتم بخير





وياك بخير
هدوء البنفسج
2011- 9- 19, 12:03 PM
:biggrin:

ماادري اشفيهم ذيلي مخبصين
تخيلي فيه بنات محولين ولا دخلوهم المحاضرة تقول لهم المس اساميكم مو موجودة

ولا وفيه مس بتعطي البنات كويز عن اهداف الكلية

انا ماادري اشفيهم دائما في البداية يصير عندنا خربطة

بس مسات المختبر ذوووق
عطيتهم وصل تأخير التحويل ومشووا اموري كلها
وحتى مس رشا
قالت مرح اعطيكم كويز اليوم عشان توكم جدد

ع العموم انا اللي بيدرسوني اعرفهم عسل
جربت كم وحدة العام :106:

بالنسبة للمعاملة مع الموظفات يبي لك لسان
اصلا حتى ذي صبوحة صارت تتحكم
فينا انا ماكلمتني لو مكلمتني عطيتها لساني


والله يعينكم يابنات التجسير وصح امس مريت على كم كلاس واشوفه فااضي
وحتى المجسرات من قبل اعرف وحدة بس ماشفتها جات

سهلات ان شاء الله
لصقة جونسون
2011- 9- 19, 02:09 PM
اي صبووووحه يوم جيت ابطلع قالت لي ممنوع انا من دلاختي مامسكت الباب وطلعت صرت احاجج شف الغباء
:biggrin:
يمكن المجسرات مو ناويات يداومون :biggrin: الله يهديهم خلوني لوحدي
وانتي وينك خلينا نتقابل :biggrin:
سلامات وش كويز عن اهداف الكليه هع وين جالسين فيه:cheese:


بالتوفيق ماي كوليك
هدوء البنفسج
2011- 9- 19, 03:26 PM
خلاص تعالي بكرا شوفيني ان شاء الله اروح مو مثل اليوم
تصدقين درست مع تاج ولا اعرفها :biggrin:

مدري عنه هذي اول محاضرة خذتها عن
ambitions

بعدين خذنا المحاضرة عن الباثولوجي (pathology)

ايه التجسير يمكن بيجون يوم الاحد مدري عنهم

بس زحمة الكلية صاارت وفوضى

وصبوحة جالسة بس وتتأمر ممنوع وممنوع
اي باد ممنوع جوال بلاك بيري بدون كاميرا ممنوع :017:

شنو اللي كاتبيه
ماي كوليك << ماعرفتها :biggrin:
كتبينها باالانجليزي
لصقة جونسون
2011- 9- 19, 05:01 PM
ماي كوليك يعني زميلاتي او زملائي
my dear colleagues

ambitions من اسمها مقدمه يعني طموح ومال امها داعي:biggrin: اللحين الطموح وش دخله بالشسمه :biggrin:

الباثو و المديكل كانوا من اجمل المواد اللي درستهم

اي باد ممنوع اجل اذا جبت لابي ممنوع بعد ؟؟؟
اهم شي بلاك بيري بدون كاميرا ههههههههههههه

وينه ذا خليني اشتريه عن الزهق لوحدي
هدوء البنفسج
2011- 9- 19, 11:34 PM
مدري عنهم
اصلا مادري شدخلنا بطموح كليتنا
انا اللي اعرفه تجمع فلوس وتشلخ

يؤيؤ
مو في عالم التطور
الحين اشتري جوال بكاميرا وروحي لاي محل يشيلها لج
الاغلب يسوي هالطريقة بس انا محتاجة الكام بس ماشايلها
لزوم اصور الدمام :biggrin:

اها الحين فهمتها تعبت وسألت واستفسرت وسويت قضية عشان هالكلمة
خلاص حفظتها عندي في قاموسي

ماي كوليك تحبين المديكل
انا اكرهه جاب لي القلب تميت 3 ايام وانا اطحن فيه ولا ونسيت بعض الكلمات وبعد هالتعب ماجبت شي
حلو بس حسيت براحه لما خلصت الاختبار اهو مع الفيزيا من الوناسة كان بودي
اسوي حفلة بس تعوذت من الشيطان لانه الجاي اصعب :000:

واتوقع الباثو نفس المديكل شكله مليق :icon9:

لاتجين يوم الاربعا غيبي وحتى بكرا لو انا منج اغيب واسحب عليهم :biggrin:
لصقة جونسون
2011- 9- 20, 12:27 PM
اغييييب اغييييييييب اسحبببببببببببب
لاااااااا والف لاااااااااااااااااا
انا ناويه بمعدل يكسر ابو اللي يسوا واللي مايسوا :biggrin:

ماي كوليك عليج بالعافيه
والله تو ادري عن هالحركه بس حرام خساير ع الفاضي يبي لي اخذ صيني ابو ميتين واخليه يشيل الكام هااااااااااااااااع :biggrin:

انا من سمعت ان السنه بخمسين يعني غلبت جامعة الامير قلت ابووووووو النصبه الطموح بجهه وهم الله بالخير بجهه




بالتوفيق
somaiah
2011- 9- 21, 10:59 AM
الله يوفقكم وعقبالي اتجسر في الحياه

الظاهر مافي امل :Cry111:

ع فكره سواليفكم حلوه حنيت لايام الدراسه :mh318:
لصقة جونسون
2011- 9- 21, 01:33 PM
هلا وغلا سميه نورررررتي

تتجسرين في الحياه ان شاء الله كلنا نتجسر بالحياه بس بدون امتحانات :biggrin:

حياج الله سولفي ولاتخلي شي بخاطررررررررج