بليز أي أحد عند خبرة بالتسجيل يدخل

[كرم]

:119:السلام عليكم
كيفكم بختصار أنا طالبة نسبتي الموزونة 70 وشوية غلطت غلطة بالتسجيل وغلطتي هي أني كتبت رغبتي الثانية بالتسجيل كلية المجتمع ومكنت عارفة انة فية كليتين بهالاسم وانا اخترت الي برسوم وماأذكر اني شفت تنبية او اي شي انها برسوم وقبلوني فيها وطبعن تفاجأت يوم عرفت انها برسوم
المهم أني ضيعت علي نص سنة من الدراسة
أبي أعرف اذا كان فية تسجيل بالنصف الثاني وأبي أعرف لو جيت أسجل شنو تنصحوني أختار شنو أفضل الاقسام بالجامعة بحدود نسبتي طبعن
لاحد يغلط غلطتي
شكرا

[بـــو أحــمــد]

و عليكم السلام

كرم
للأسف جامعتنا ما فيها تسجيل للفصل الدراسي الثاني
باستثناء هالكلية ألي ذكرتيها ألي برسوم :000:

إن شاء الله رايح نفتح قسم خاص بآخر أخبار القبول و التسجيل للفصل الدراسي الثاني
تابعي معانا آخر الأخبار

[كرم]

مشكورة ويعطيك العافية
:Cry111:

[oO أميــ الورد ـــرة Oo]

كرم .. أنا قريت إنه يتم فتح تسجيل للفصل الدراسي الثاني

لكن الجامعه ما تعلن عنه في الموقع .. ولازم تخلين أحد يراجع
عمادة التسجيل والقبول قبل فتره من إنتهاء الفصل الدراسي

الأول .. ومع إن Admin نفى الموضوع إلا إني فعلا قريت هالكلام

و أتمنى إنه مايزال صحيح هالسنه ..

وبالتوفيق ..

[بـــو أحــمــد]

oO أميــ الورد ـــرة Oo

هم صحيح يفتحونه و ما يعلنون عنه .. بس مو في كل الكليات
في كلية وحدة
و هي كلية الدراسات التطبيقية و خدمة المجتمع ألي برسوم
و التسجيل فيها يكون عن طريق الكلية مباشرةً .. مش عمادة القبول و التسجيل

[كرم]

مشكورة أميرة الورد
بس شفتي حتى أنتي غلطتي نفس غلطتي كلية الدراسات التطبيقية وخدمة المجتمع من غير سوم
كلية المجتمع بس برسوم
يعني ماأنلام لو غلطت هالغلطة مافي توضيح ان من الاساس ماكنت عارفة انة في كليتين بنفس الاسم
بلييييييييييييييييز لا أحد يغلط غلطتي الكل ينتبة