تكفون طلبتكم ... حدي متوهقه ..!؟

[روبين]

السلام عليكم ورحمة الله وبركاته ..
تكفووووووووووووون طلبتكم .... والله حدي متوهقه
أولا : لازم يكون عندكم رحابة صدر و تكونون فاضيييييييين ما عندكم شغل ..

طيب خلاص متفقييييييييين !!؟

ياله نجي للجد ..
الطلب الأول : انا طالبة انتساب و لحد ألحين ما سلمت اوراقي لكلية الآداب للبنات بالدمام .... ابغى وحده تجي معي للكليه والله اني خايفه ادخل الكليه لحالي ... يعني عـ الاقل نتقابل عند باب الكليه وندخل مع بعض نسلم الأوراق تكفووووووووون طلبتكم ..!؟

السؤال الاول : ألحين لمن اسلم اوراقي وتخلص المرحله الاولى .... كيف اذاكر يعني هم بيعطوني كتب ولا كيف ..ا!؟
السؤال الثاني : أقدر احضر المحاضرات بدون ما يكتشفون اني طالبة انتساب ... ولا فيه شيء اسمه البطاقه الجامعيه ( يعني بيكشفوني ) ..!؟
السؤال الثالث : انا انقبلت تاريخ .... كم المعدل اللي لازم اجيبه علشان احول انتظام السنه الجايه .. ولو سمحتوا لو فيه وحده انتساب تعلمني كيف تذاكر ... !؟

كمان عرفت ان فيه شنطه لطالبات الإنتساب نشتريها من الكليه .... لازم انا اطلبها منهم ولا كيف ..!؟

بإختصار ... كل وحده إذا ما عليكم كلافه تكتب اللي تعرفه عن الإنتساب و دوخة الراس حقته ..!؟

تكفوووووون طلبتكم .. لاتردوني
وإذا ما تبغون تجاوبون بس أبغى أول طلب ... اهم شيء في هذي المرحله ( ابغى وحده تجي معي تكفووووووون حتى لو كانت انتظام المهم ما ادخل الكليه لحاليييي تكفووووووون مابقي إلا الاحد و الاثنين والثلاثاء والاربعاء اللي ما عندها مشكله ترسلي عـ الخاص ...:bawling:

[الزمبق الاحمر]

هلا اختي .. انا من الحسا مو من الدمام

بس عذريني بقولك شي

اختي انتي بتسجلين كليه مو ابتدائي لا تزعلين مني

يعني ليه هذا الخوف والخجل الطريقة سهل ما تعرفين دخلي وسألي بتشوفين مثلك وااااجد وترى الكل بيساعدك تعرفينه او ما تعرفينه... الكل فيه خير ومحتاج مثلك

اليوم رحت اسجل تخيلي بنات جايين مع امهاتهم ... والمشرفا يصوتون زحمه وجايبين امهاتكم ليه!!


ثقي بنفسك وروحي وتوكلي على الله وربي يسهل امورك ولا تشوفين الي شفناه اليوم عجب عجب الزحمة والفوضة

[بـــو أحــمــد]

و عليكم السلام

روبين
قبل كل شي
هدي بالك .. و لا تقلقين و لا شي
يعني الدخول للكلية ما يخوف ..
بالعكس لو ضعتي هناك أو ما عرفتي وين تروحين .. على طوول سألي البنات
أو سألي موظفات الأمن و رايح يوجهونك ..

أبد لا تقلقين و لا شي .. و خذي الأمور بسهولة و بساطة :g8:
و إذا رحتي تسلمين أوراقك .. أسأليهم أي سؤال يجي في بالك
لا تطلعين من الكلية إلا و انتي عارفة ألي لك و ألي عليكِ
حتى لو اضطريتي تروحين للدكتورة - رئيسة القسم ألي انقبلتي فيه

رايح أفيدك بخصوص شروط التحويل من الإنتساب إلى الإنتظام

1-إتمام فصلين دراسيين في برنامج الانتساب في إحدى كليات جامعة الملك فيصل.
2- النجاح في جميع المقررات الدراسية التي سجلت فيها الطالبة خلال الفصلين الدراسيين.
3- الحصول على معدل تراكمي 3.5 من 5.00 على الأقل خلال السنة الأولى من دراستها في الانتساب، وبالتالي لن ينظر لنسبة الثانوية العامة عند الحصول على هذا المعدل في الكلية.

[روبين]

هههههههههههههههههههه
هههههههههههههه
ههههههه
... حلوه بتسجلي كليه مو إبتدائي ...
يوه حسافه ياريتني رحت اليوم وافتكيت :bngo12:
عموماً ميرسي هديت شوي مشكورين وما قصرتو الزمبق الاحمر و Admin ...

[روبين]

هااااااااااااااااي ..
فرجت .. فرجت ..
بتاجي اختي معايه .. وناسه .. ارتحت راحه مو طبيعيه ..
:d5::d5::lllolll::d5::d5::lllolll:

[الزمبق الاحمر]

ربي يسهل امورك


كان من اول قلتي لاختك

اخي ادمن ... يعطيك العافيه
بس الي في الكليه من مشرفات نفسهم في خشمهم ما ادري اشلون بنسالهم عن الجدول والمواد

[روبين]

قلتلها من اول بس ما وافقت ...
آخر سؤال : الساعه كم رحتي للكليه ... وكمان وش لبستي يعني عادي عبايه كتف ولا لازم راس ..!؟
وبالنسبه للمشرفات هذا اللي تخيلته ..

[بنت الناس]

مرحبا اختي انا سجلت انتساب وقبلوني تاريخ يعني زيك وحبيت اتعرف عليك واتواصل معك وهذا ايميلي اذا تبين نتعرف [/[COLOR="Plum"]COLOR]miss_nani_91@ho:g8: