بخصوص اني مو فاهمه شي [الأرشيف] - ملتقى طلاب وطالبات جامعة الملك فيصل,جامعة الدمام

عشقي الظهران

2011- 9- 20, 07:17 PM

السلام عليكم

كيفكم واخباركم وشنو مسووين مع ثاني اسبوع من الدراسه ..ان شاء الله تمام

اممم انا اواجه شي واتمنى اني احصل له حل:mh12::mh12:

اذا جاوا يشرحون مافهم كثير بس كم كلمه واحاول استوعب ماقدر مع اني شاطره بس ماعرف كثير بالانجليزي ووواحاول اني اتفاعل او اشارك بس ماعرف اركب الجمل بالانجليزي وواخاف يأثر علي وعلى معدلي:Cry111::Cry111:وهم بعد اذا جيت اكتب بالدفتر اكتب السبلينق خطأ لاني ماعرف لازم انقل من احد :bawling::bawling:

ابي اجيب معدددل مرتفع ياليت تساعدوني ايش اسوي وابي اعتمد على نفسي مابي اترجم بالقاموس او شي ابي اعتمد على نفسي اعتماد كلي

اممم في احد عنده نفس مشكلتي ولا ؟؟؟

وهل بعد فتره راح تتحسن وضعيتي بالانجليزي ولا ؟؟؟

زهرة التوليب

2011- 9- 21, 07:33 PM

وعليكم السلام ورحمة الله وبركاته

الحمدلله بخير وتمام وكويسين .. كيف اسبوعكم الثاني انتو

ان شاء الله كل مشكلة ولها حل ;)

عادي مشكلتش هادي يعرفوها الـstaff وبنات كثيييييييييييييير يعانو منها
كثير منكم شطار ودوافير بس مو الكثير مستواهم بالانجلش مرة عالي
بنات واجد بداية السنة يادوب يفهمو ومايلحقو يكتبو كل شي .. ولما يشاركو مايعرفو يركبو جمل صح
بس صدقيني ماحد راح يعلق او يسخر على الجمل <--- ادا استثنينا البنات السخيفات فـ هم مو مهمين أهم شي نتعلم
ماراح يأثر هالشي على معدلش اذا حرصتي انش تتطوري
بالنسبة للكتابة لحقي اكتبي مو مهم السبلنق اهم شي تعرفي تنطقي حاليا
ادا كلمة تحسي مهم تعرفي السبلنق حقها وقفي الاستاذة واسألي عنها . . اذا ماقدرتي
حاولي تخمنيه واكتبي المعنى اللي فهمتيه .. وارجعي اسألي احد من البنات او الاستاذة عن كيف يكتبو الكلمة الي نطقها كذا ومعناها كذا
في كلمات واجد بتكون جديدة عليش والبعض ما راح تتوقعي السبلنق حقه بس دا شي عادي ويصير حتى عند سنة ثالثة ورابعة .. وحتى عند الي يتكلمو انجلش كـ لغة أم

الريدنج راح يساعدوك تتعلمي انك تفهمي المقال او الجملة بشكل عام بدل انش تفهمي كل كلمة بلحالها ايش معناها
القاموس لما تستخدميه مو معناها انش ماتعتمدي على نفسش ..
انتي تعتمدي على نفسش بانش نسهلي الى نفسش الدراسة وتاخدي بأسباب الفهم والنجاح
وحبة حبة راح تصيرين ما تحتاجين للقاموس
كثييير بنات بدأو بـ مشاكل مع الانجلش وتركيب الجمل والقواميس
واليوم هم بسنوات التخرج ومعدلاتهم حلوة والحمدلله
لاتخافي من موضوع الانجلش :)
بنات كثير عندهم نفس المشكلة والأغلب يتحسنو ويكونو ممتازين بنهاية سنة اولى
عادي يعني لاتحاتي كثير
وعطي نفسش فرصة تتعودي على الدراسة بالانجلش