الرجاء دخول الموظفين المنتسبين بخصوص ورقة الموافقه " لجهة العمل "

[*Dev*]

السلام عليكم ورحمة الله وبركاته

نفس ماهو موضح بالموضوع

بعض الأدارات الحكوميه تطلب من الموظف المنتسب في التعليم عن بعد

ورقه إفاده من الجامعه ومختومه

لكي يتم عن طريقها أخذ إجازه أختبارات بعد رفعها للأداره والموافقه عليها

فـ أتمنى من الأخوان والأخوات الموظفين الذي سبق لهم طباعه الورقه

شرح الطريقه لطباعتها مع العلم إني بحثت عنها في خدمات الطلاب ووجدت إشعار فقط

مادري هذي هي أو لازم أراسل الجامعه لكي يرسلون لي نموذج من عندهم !!

شاكر لكم مقدما ً

[^تركي^]

وعليكم السلام ورحمة الله وبركاته

يوجد ايقونه في الخدمات الطلابيه شهادة لحضور الإختبار موضح فيها الأيام والتواريخ !

ايضاً بعد اداء الإختبارات يوجد ايقونه اسمها اثبات لحضور الإختبار وهل تم الحضور ام لا !

وفقك الله

[*Dev*]

الله يوفقك أخوي تركي

الأن أفهم إن الأوراق المطلوبه لجهة العمل هي

1- جدول الأختبارات
2- شهاده حضور الاختبار
3- إشعار إني طالب في الجامعه

[وطني الجبيل]

عزيزي تركي .. بعض الادارات وخاصة الحكومية تطلب اولاً

ملف علاقي اخضر وثانياً صورة مكشوف الراس وثالثاً

والاهم تكون اوراق اصلية :)

يعني ماراح ينفع معاهم تطبع لهم من النت وتجيب لهم الورقة

وتقول ياناس انا عندي اختبار وهذي ورقة حضور ..

لازم يرفعون الضغط بالطلبات الروتينية

هل في طريقة اني اراجع الجامعة لختم الاوراق رسمياً من الجامعة ؟؟

[*Dev*]

اللي أعرفه من الزملاء طبعا ً في جامعات أخرى طباعة جدول الأختبار

عشان ياخذ إجازه بس الأن اللي محيرني بكل أمانه لازم ورقه أطبعها للأداره عشان يتم الموافقه عليها مبدئيا ً


المشكله تكمن في البدايه و الموافقه عليها فـ أتمنى أحد يعطينا الخبر الأكيد ولا هو قصور في أخونا تركي

[احمد..؟؟]

اخوي انا جديد مثلك وبالدوام طالبين مني تعريف او ورقت موافقه من الجامعه عشان ارفع اوراقي وتجيني الموافقه من ادارتي لقيت تعريف انه طالب منتسب للجامعه عن طريق الخدمات الطلابيه وتطبعه بطابعه ملونه عشان الختم فيها وان شاء الله تمشي امورك ووقت الاختبارات الجدول ينطبع وبعد الاختبارات ورقة حضور الاختبارات كلها عن طريق الخدمات الطلاب بس تحتاج طابعه ملونه وتزين امورك ان شاء الله :(204):

[^تركي^]

ختم الجامعه مطبوع على الورقه ولكن يفضل طبعاً ان تطبع الورقه من طابعه ملونه


وموضح فيها جدولك وايامه وفتراته وتقدمها لجهة عملك وسيتم قبولها !

انتظر فقط حتى يتم انزال المقررات وتتفعل ايقونة الجدول الدراسي وجدول الإختبارات وتطبعها وتقدمها !

وفقك الله

[*Dev*]

عافاك الله أخوي أحمد


أتمنى تعطيني أسم الأيقونه في خدمه الطلاب عشان أطبعها !!

وأكون شاكر لك

[احمد..؟؟]

شهادة التعريف

[*Dev*]

عافاك الله

[احمد..؟؟]

الله يعافيك بالتوفيق لي ولك وللجميع :53:

[Hannudah]

الله يجزاك خير كنت اتساءل نفس التساؤل
مشكورين كلكم

[أبـو سـلـطـان]

بس مشكلة الدوام مايعطيك الا اجازه وقت الاختبارات فقط

يعني لو يخلوني اقضي دراستي اللي هي التعليم عن بعد وانا اجازة وراتبي يمشي لحد موعد تخرجي يالبيـــه

لبيه يـا أمن المنشات لبى دوامي:love080:

[فواز بن ناصر]

صراحة مشكلة كبيرة جداً .. هذا الدوام
..
الله يعين لما تجي الإختبارات ربك يحلها

[ولد حبيل]

الخدمات الطلابيه شهادة لحضور الكل موجود في الموقع الجامعة
ماعيك الى تقوم بطباعة الورقة حاول تكون طباعة ملونة
لان الختم موجود

[طالب حكومي]

الف شكر على التوضيح

[[ A H M A D ]]

شباب كم مدة الامتحانات شيكت على الخطه الزمنيه تبتدي من 20 - 1 - 1433

الاداره خمس مواد اسبوع واحد ولا ؟

[hani1402]

انا طبعت النموذج حق القبول المبدئي وكتبت معروض للمدير اني ارغب في اكمال الدراسة وحولني لقسم التدريب ... وراح يعطوني موافقه بالدراسة

الموضوع بسيط