طريقة السداد الدخول للأهمية

[ابو شعيل]

السلام عليكم ورحمة الله وبركاته

صباح الخير /مساء الخير

اخواني الله يعطيكم العافية

موضوعي تسديد الرسوم

انا مسجل من العام اللي راح 1431هـ ودرست مستوى تخصص تربية خاصة و عندي انذار اول والترم

الثاني سجلت ونزلت مواد من المستوى الاول والمستوى الثاني ودفعت الرسوم حق الترم الثاني

وبعدين سويت اعتذار عن الدراسة مع استرجاع 50% من المبلغ وطبعت الورقة من الخدمات

الطلابية ولم اذهب اليهم والحين سويت عودة للدراسة وغيرت تخصصي لغة انجليزية وسجلت

المقررات وطلبو مني 2495ريال هل يخصمون منها لاني باقي لي عندهم فلوس حقت الترم اللي

راح ايش رايكم يوافقون والا لا بس اشوف اني انزلهم احسن وانا من الجبيل مشوار شوي لكن

معليه اهم فيه نتيجة .

وشكراً طولت عليكم يعطيكم العافية

[Lubna]

السلام عليكم ورحمة الله وبركاته

صباح الخير /مساء الخير

اخواني الله يعطيكم العافية

موضوعي تسديد الرسوم

انا مسجل من العام اللي راح 1431هـ ودرست مستوى تخصص تربية خاصة و عندي انذار اول والترم

الثاني سجلت ونزلت مواد من المستوى الاول والمستوى الثاني ودفعت الرسوم حق الترم الثاني

وبعدين سويت اعتذار عن الدراسة مع استرجاع 50% من المبلغ وطبعت الورقة من الخدمات

الطلابية ولم اذهب اليهم والحين سويت عودة للدراسة وغيرت تخصصي لغة انجليزية وسجلت

المقررات وطلبو مني 2495ريال هل يخصمون منها لاني باقي لي عندهم فلوس حقت الترم اللي

راح ايش رايكم يوافقون والا لا بس اشوف اني انزلهم احسن وانا من الجبيل مشوار شوي لكن

معليه اهم فيه نتيجة .

وشكراً طولت عليكم يعطيكم العافية




و عليكم السلام و رحمة الله و بركاته


هو المفروض ينخصم لك نص المبلغ بما انك سويت تأجيل مع استرداد 50% من الرسوم

انصحك تتصل على احد المسئولين في الجامعه و تكلمهم بهالموضوع لانه افضل شي مهما ردينا عليك هي تبقى مجرد مشاركات و الكلمة الاولى و الاخيرة للمسئولين بالجامعه


الله يسهل عليك امورك و يطمن بالك

[الجوoOoري]

السلام عليكم::::::::::


اليوم راح يبدأ تاريخ سداد الرسوم ياليت الي سدد ومن لدية علم بكيفية طريق السداد يوضح لنا بالخطوات وهل يكون فيه اوراق ومستندات يتم ارسالها مع الرسوم ؟


ولكم جزيل الشكر

أختكم: الجوoOoري

[j0o0ry]

http://www.ckfu.org/vb/t217743.html

[j0o0ry]

جامعة الملك فيصل (رقم المفوتر 118)

[تخطيت السحاب]

السلام عليكم
انا البارحة واليوم حاولت اسدد عن طريق الصراف وبرقم المفوتر (118) للجامعة
يظهر لي رقم الحساب غير صحيح

قد يكون ماتفعل رقم المفوتر ( رقم الحساب )

نصبح يومين ونشوف

[دفا الاحساس]

عن نفسي بروح البنك بكبره وبسدد نفس المستوى اول:biggrin:

[احلام الحياه]

حاولت عن طريق صراف الراجحي مافيه شي لجامعتنا


اللي يسدد ياليت يبلغنا

[Dima]

السلام عليكم ورحمة الله وبركاته ,,

اليوم الجمـعه هو أول أيام السداد الرسووم والطريــقه كما تعرفوون تغيرت عن الاترام السابقه ولله الحمد:

تم اضافة الرقم المفوتر لجامعة الملك فيصل<<<وأخيرا
وذلك ايذانا بالتسديد عن طريق الصراف الالي <<جاك الموت
_جامعة الملك فيصل (رقم المفوتر 118)
وهذا المصدر
http://www.sadad.com/Arabic/menu/BanksandBillers/

طريقة السداد سوف تكون بالشكل التالي :

1-أختر لغة التعامل <<اكيد العربيه
2-أدخل الرقم السري الخاص بك
3-اختر عمليات اخرى من القائمة
4-إختر مدفوعات خدمة موارد من القائمة >>> ثم تدخل المبلغ 0000ريال
5-أدخل رمز الجهة:(118)<<هذه رقم المفوتر لجامعتنا
6-أدخل رقم الهوية(السجل المدني ) / الإقامة الخاصة بالطالب
7-أدخل الرقم الجامعي
8-قم بتأكيد العملية، (يرجى الاحتفاظ بإيصال السداد)

ملاحظات مهمه **
سوف يصل السداد مباشره إلى الجامعه بدون الحاجه إلى إرسال الإيصال

حتى تصلك رسالة تأكيد من الجامعه بإستلام المبلغ:(204):

أو ظهور تم السداد في إيقونه سداد الرسوم بالخدمات الطلابيه

[تخطيت السحاب]

الله يعطيك العافية اختي ديما
انا حاولت البارحة وامس واليوم مازبطت معي

انا بكرة ان شاء الله اجرب طريقتك وان شاء الله تزبط

[abo-3zoooz]

يعطيك العافية ديما

[مناف]

السلام عليكم ورحمة الله وبركاتة
كيف اعرف المبلغ الي علي هالترم ؟هم من الخدمات الطلابية اكيد بس من اي خانة ؟؟؟

[بنت المريسي]

يعطيك العافيه

[B O N]

السلام عليكم ورحمة الله وبركاتة
كيف اعرف المبلغ الي علي هالترم ؟هم من الخدمات الطلابية اكيد بس من اي خانة ؟؟؟

من خانة (الاستعلام عن وضع الطالب المالي)


بالتوفيق

[j0o0ry]

مناف

بالنسبه لكيف تعرفين كم المبلغ المطلوب عليك
من الخدمات الطلابيه
ثم الاستعلام عن وضع الطالب المالي
موفقه يارب
او اضربي عدد الساعات ب165 وزودي عليهم 10 خخخخ قيمه خدمه المسجات تبع الجامعه:biggrin:

[ورده جنوبيه]

هل استطي التسديد بنظام بنك الرياض مثل الفصل الاول
اواعطونا طريقه الصراف الالي بشكل اوضح لاني مافهمت

[ابو شعيل]

الله يجزاك خير
يعني الله يعيني لازم اروح لهم بالاحساء وانا من الجبيل لكن يخصمون هذا اهم شي مو اتعب نفسي واخرتها مايخصمون.

[مناف]

مشكورة bon وجوري 26
جزاكم الله خير ماقصرتو :106:

[ابو هند]

فيه احد من الاخوان او الاخوات سدد اليوم ولا لا

[TheDream]

انا الى الآن ما سددت

حاولت اعرف الجامعة من قائمة تعريف مستفيد بسامبا ولقيت اسم الجامعة ولكن رفض يقول العملية خطأ


بكرر واشوف واردلكم شو يصير معي

[( gladiator )]

السسسلام عليكم ورحمه الله وبركااته
<< اسسسسستفساار ع الطااائر~~
متي اخــــــــــــــــــــــــــــــــــــــــــــر يوم لتسديد رسوم الجامعه ؟!!
وبالتوفيق للجميع ياارب .:106::106:

[j0o0ry]

وعليكم السلام ورحمه الله وبركاته
جواب ع الطااااير :biggrin:
بدء يوم الجمعه 25 شوال ولمده اسبوعين
موفق اخوي

[رضااك يااربي]

وعليكم السلام ورحمه الله وبركاته
اممممممممممممممممممم
ما ادري :biggrin::biggrin:
بس حبيت اتلقف وارد ولا اطلع الا قد حطيتلي بصمه
:(284)::(284)::(284):

[ساره 2005]

2-أدخل الرقم السري الخاص بك
يقصد بالرقم الخاص بالبنك او الرقم الخاص بالجامعه

[j0o0ry]

ساره
اكيد يقصد
الرقم حق الصراف طال عمرك
موفقه :106:

[Ahmad Alfhedi]

2-أدخل الرقم السري الخاص بك
يقصد بالرقم الخاص بالبنك او الرقم الخاص بالجامعه
.
.

يقصد الرقم السري تبع بطآقه الصرآف ...!

[محسن العنزي]

:33_asmilies-com:اضرب عدد الساعات بـ 165 يطلع المبلغ الي عليك :33_asmilies-com:

[الجوoOoري]

ياجماعة مين فيكم سدد ؟؟؟؟؟؟؟؟ هل تفعل رقم الجامعة ارجو الرد

[روح الله يسامحك]

نفس سؤاااال الجوري ارجواا الافاده :sdfgdsf:

[صمت الظلام]

اللي سدد يا ليت يوضح لنا الطريقة

[Lubna]

الله يجزاك خير
يعني الله يعيني لازم اروح لهم بالاحساء وانا من الجبيل لكن يخصمون هذا اهم شي مو اتعب نفسي واخرتها مايخصمون.


الله يسلمك

لا لاتروح لهم جرب اتصل عليهم راح اعطيك رقم الاستاذ احمد الشعيبي هذا مو نفسه الدكتور واحد ثاني بس ممكن يفيدك
0507937304

و فيه هذا الرابط فيه ارقامهم بس عسى احد يرد عليك


http://www.kfu.edu.sa/ar/Deans/elearning/Pages/contacts.aspx

[يارب تخلي امي]

انا حولت اسدد ماتمت العمليه مدري ليه ؟؟

[NONA:)]

انا رحت البنك وسددت بالطريقه القديمه :53:

[( gladiator )]

هههههههههههههههههههههههههههه
مـــــــــــــــــــــتــشكرين اووي اوي اوي (جوري 26 & رضاااك ياربي )
وبالتووفيق ياارب :(204)::(204):

[Ahmad Alfhedi]

.
.

وأنا حآولت أسدد مو رآضي .. يقول لآ يمكن إتمآم العمليه ...!

[منتسب ولكن..!]

تهقون نروح للبنك أصرف لنا :(269):

[ابو عبدالكريم]

حاولت من صراف الراجحي ولا رضي مدري وش السالفة

ياليت الي سدد يفيدنا ومن اي بنك سدد

[سحاب الشرق]

ممكن احد يفيدنا عن طريقة السداد

[لمسات]

المفروض الجامعه تتكلم او تتصرف

ليش السكوت يعني :(177):

[Lubna]

اتصلت على الجامعه اليوم للحين ما فتح السداد قالي بعد 3 ايام إن شاء الله راح يفتح قلت له بس انتم اعلنتوا بداية التسديد قال صحيح و بعدها وصلتنا الموافقه على تفعيل النظام و شغالين فيه


بعدين كل تأخيرة فيها خيره خصوصا ان البعض مادياً ما يقدر اللحين يسدد هدوا بالكم و روقوا

[الجوoOoري]

اتصلت على الجامعه اليوم للحين ما فتح السداد قالي بعد 3 ايام إن شاء الله راح يفتح قلت له بس انتم اعلنتوا بداية التسديد قال صحيح و بعدها وصلتنا الموافقه على تفعيل النظام و شغالين فيه


بعدين كل تأخيرة فيها خيره خصوصا ان البعض مادياً ما يقدر اللحين يسدد هدوا بالكم و روقوا

الله يبشرك بالخير طمنتينا ونا على بالي اني اخر وحده في التسديد او فاتني بس المفروض يتكلمون بخصوص التاخير ويعني مايعلنون الا بعدما تتفعل مو يلعبون على اعصابنا على العموم مشكورة ماقصرتي

[غريب الطبايع]

امس الاثنين انا حاولت عن طريق صراف الراجحي ماضبط معي وعند البحث عن رمز الجامعة لم اجده بالقائمة شكله لي اللحين ما تفعل!!

[غريب الطبايع]

:33_asmilies-com:اضرب عدد الساعات بـ 165 يطلع المبلغ الي عليك :33_asmilies-com:

+ 10 ريال قيمة الرسايل على ما اعتقد والا:(107):