اريد مشورتكم ، أرغب في الانسحاب من الماجستير

[ابو علي1]

الحمد لله أولاً وآخراً
تم قبولي بماجستير بجامعة الملك فيصل بالاحساء
ولكن المشكله انني اسكن بالدمام وتعبت من الطريق ذهاباً وعودة والدوام في الصباح ومسؤلية البيت

وافكرفي الاعتذار عن الماستر ، لكن تراودني افكار أخرى لماذا لا تكمل وقد تم اختيارك لدراسة الماستر بالجامعة

ارغب في مشورتكم يا اعضاء المنتدى الكرام هل تؤيدون فكرة الانسحاب

[أبو ياسر]

أخوي

الفرصة لاتتكرر


وبحكم تجربة أنصحك بالاستمرار وسوف تستطيع التوفيق بين التزاماتك ودراستك خصوصا أنك من الدمام


بالتوفيق

[خاتم سليمان]

بكل صراحه أعتقد ان السبب غير مقنع نوعا ما. طيب عارفه إن هذا متعب لكن أولا كل شي يحتاج إلى تعب علشان يصير و بعدين مده الماجستير مو طويله مقارنه بالبكالوريوس أو الدكتوراه. صح راح تتعب الحين لكن راح تاخذ نتيجه حلوه في النهايه. أنا كمان طالبه طالبه ماجستير و أحس بالذات اليوم إني راح أموت من التعب لكن طول ماأنا حابه إني أكمل فلازم أستحمل. مو إنت كمان سجلت علشان حاب تاخذ الماجستير خلاص مادام الله كتب لك القبول كمل و توكل على الله. يعني الماجستير راح يجي يمشي لك؟؟!! بعدين إن شاء الله إذا أخذت الشهاده راح تقول خلاص نسيت كل التعب اللي راح.

[فراشه]

نفس الافكار تراودني :bawling:

[طموحي فوق]

نصيحة لاتنسحب الفرصة تجي مرة وحده ماتتكرر

الله له حكمة في قبولك بالماستر..
اذا انت من الدمام وهي قريبة تقول كذا

اجل وش يقولون اهل الجبيل والنعيرية والحفر:Cry111:

[بنت سيالة]

لا تنسحب نصحيه
تخيل نفسك بعدين اذا شفتك ناس من اهلك واقرابك ومعارفك عندهم ماجستير وانت ماعندك
بتقول ياليت اني صابر ومثابر كأن الان انا عندى درجه علميه افتخر فيها
ويااخوي بعد لا تنسى التحصين كل يوم عيون الناس وحسدهم يأكل الواحد اكل

[glo00ories]

كمّل وبالتووووفيق
ومثل ماقآلوا كل شي يبي له تعب
وبعدين كلها يومين بالأسبوع :119:
وآأآأصل والله يوووووفقكـ ,,,

[غيم تايه]

نفس الافكار تراودني :bawling:


لا تكفين ،، شدي حيلك ما نبي هالافكار ،، وانتي لا مدرسة ولا شيء ،،
ولازم تجتهدين ، ونسمع عنك الاخبار الحلوه .. موفقه يارب .


نرجع لصاحب الموضوع اخونا ابو علي ،،
الحقيقة يا اخي الفاضل الكلام سهل
ولكن الواقع صعب ،،
وانا أضم صوتي لصوتك المسألة ماهي بسهلة
خصوصا وعندكاطفال ،، ولكن هذا الحاصل ،،
ولازم نتكيف ونعود انفسنا ،، الانسحاب لو كان حل كان
ايدتك عليه ،،
لأنه بمجرد ما ينتهي هذا الفصل ممكن الفصل الثاني تأجل ،
وتأخذ فصل وتريح فصل ،،
يعني فيه امكانية اكمال الدراسة بتوزيع الجهد ،،
ولكن ليه ما تحاول تشوف لك سكن خلال هالفترة
في منطقة تكون وسطيه بين الدمام والاحساء
بحيث تقطع نصف المسافة في الذهاب لعملك
ونصف المسافة او اقل او اكثر للذهاب إلى الجامعة
يعني تسدد وتقارب ،،
اذا امكن ذلك صدقني راح تنحل مشاكلك ،
اذا ما أمكن فأنت بالخيار ما بين ان تكمل أو تنسحب
مع ان اغلب الاصوات تقول بأن تكمل ،،
ولكن النار لا تحرق إلا رجل واطيها ولو الشيء بالأماني ،
كان ما فيه تعب في هذه الدنيا ،،
اتمنى يكون خيارك محقق لرغباتك
وسامحني لو طولت أو اثقلت عليك ،،
والله يسهل امرك وييسره ويكتب لك التوفيق ..
تحياتي ""

[ابو علي1]

شكراً للأعضاء الكرام

والله يعطيكم الصحة والعافية والتوفيق.

واسال الله ان يختار لنا الخير

[ابو حور]

هلا ابو علي ماهو برنامج الماستر الذي قبلت فيه

[كوكب دري]

نصيحة لاتنسحب الفرصة تجي مرة وحده ماتتكرر

الله له حكمة في قبولك بالماستر..
اذا انت من الدمام وهي قريبة تقول كذا

اجل وش يقولون اهل الجبيل والنعيرية والحفر:Cry111:
صدقتي يا طموحي الحفر ووماادراك:Cry111:
تذكر قول طارق السويدان ((علمتني الحياة نـــــــــار الصبر على العلم ولا جنة الجهل ))

[ابو علي1]

هلا ابو علي ماهو برنامج الماستر الذي قبلت فيه


الارشاد النفسي

[هاكونه مطاطه]

لي زميل يأتي من جدة إلى الأحساء ولديه مدرسة والتزمات وأسرة، فسل الله التوفيق واصبر فسوف توفق لذلك

[امواج الغلا]

بالتووووفيق لك

واضم صووتى لهم اكييد لاتنسسحب :(204):

مشاء الله جاتك الفرصه غيرك يتمنونهااا :119:

[صمت السكون]

اخوي شد حيلك وتعوذ من ابليس
ربك كريم عالمشاوير
حاول تقعد بسكن او شقه بالايام المتتاليه بالدراسه
لاتفوت الفرصه
والقبول ماكان سهل انا مجربه
طلعت عيونا لين انقبلنا
شد حيلك وخلك قوي
عليك بالصلاه والدعاء والاستغفار
وربي يسهلك
تحياتي لك
خلك قوي وكمل
بتتعب هالترم عشان تمهيدي وبعدها ترتاح

[ابو حور]

الأخ أبو علي أتمنى التواصل معاك حاول ترسل لي رساله خاصة أو بأي طريقه أريد أسألك بعض الأسئله عن الإرشاد شكري الجزيل لشخصكم النبيل

[يآرب وفقني]

..


كمل وآنا آختك ، فرصه جآتك لاتفوتهآ منك

الفرصه تجي مره بالعمر .. :106:

[ابو علي1]

الأخ أبو علي أتمنى التواصل معاك حاول ترسل لي رساله خاصة أو بأي طريقه أريد أسألك بعض الأسئله عن الإرشاد شكري الجزيل لشخصكم النبيل

لا استطيع إرسال رسالة خاصة لكن نتواصل mmthx_4412@hotmail.com

واعتذر من ادارة المنتدى عن وضع الايميل

[لوجي الشرقية]

طبعا محد راح يأيدك حاول تتغلب ع التعب
الامر مش بسيط تنسحب وترجع غيركـ
يتمناها والله يكتب لك الي فية الخير


فراشة / ايش هالكلالالام ؟