محتاجه نصايحكم ( اورجوان وسارا)

[توفي1990]

هآآآي


كيفكم وكيف الدراسه معاكم

انا في موضوع مأزمني هالأسبوع

ألا وهو " كويز البايولوجي" يوم السبت القادم

ومو عارفه كيف اذاكره ومو متخيله الاسئله طبعا الدكتوره قالت

راح يكوون تشويزس وترو اور فولس

فحبيت انكم تنصحوني بحكم تجاربكم السابقه بطريقة المذاكره


يعني احفظ ولا يكفي اني افهم بس بدون حفظ

وخصوصا اني اذا جيت اذاكر اشوف معلومات مالها معنى ومع ذلك مخططتها لنا واهي ماجابت طاريها بالمحاظره


بلييز ابي نصايحكم :011:

وحبيت اسألك يا ( اورجوان ) عن الدكتوره جيهان اذا جربتيها وجربتي طريقتها او لا


لانها درست دفعة 2007



تشآآو

[سارا]

مرحبا

كيفك حبيبتي توفي .. كيف الدراسة

أول شي حبيبتي الله يوفقك بالاختبار .. و يا ربي تجيبين فيه الفل مارك <<< بسهولة الفل مارك تجي في البايولوجي صدقيني :119:

و حطي حيلك بالبايولوجي عدل ... لأنه عليه 8 كريديتس و يؤثر بالمعدل كثير

سأتلي عن طريقة المذاكرة ..

بالنسبة لي أنا بنيت طريقة المذاكرة الخاصة فيني من بعد ما أنصدمت عاطفيا و نفسيا بأول كويز بالجامعة و كان كمستري :bawling:

بعدها قعدت مع روحي قعدة محترمة نحلل الاسباب و العوامل التي أدت الى هذه الدرجة الخايسة _ كانت c+ _ <<< خلصي علينا :cheese:

طبعا أول شي اكتشفته أن طريقة المذاكرة بالمدرسة تختلف تمااااااااما عن الجامعة

خصوصا لما يجي الاختبار مثل اللحين اختباركم السبت mcq أو ترو و فلس

طبعا أنتي تدرسين المادة أول بأول ...

_ مع أني ما اقتنعت بفكرة أن الدكتورة تحدد لكم الاشياء بس يللا _

اللحين الله يسلمك تفتحين الكتاب و النوت اللي أنتي كاتبتها مع الدكتورة في المحاضرة

و النقاط اللي ركزت عليهم و تسدحت عليهم ألف مرة تشرحهم طبعا هذا اللي راح تجي فيهم الاسألة

و لا تخلين تركيزك أنك تحفظين المعلومة عن ظهر قلب ... لأنك ما راح تحتاجين أنك تكتبينها

أهم شي تعرفينها .. بضمير

اذا كنتي تذاكرين من كتاب .. أنا انصحك بطريقتي هذي _ و مرررة أشوفها فعالة و تحفظ لك الوقت _

خلي معك الهاي لايترز .. لا تقعدين تزخرفين الكتاب فيهم

لا .. أشري على المعلومات المهمة اللي most likely راح تجي بالاختبار ...

لما تجي ليلة الاختبار و أنتي مزحومة و ما في وقت كثير ... بس راجعي هذي النقاط

امممم بعد بنصحك بشي ثاني

_ هو يمكن يفشل .. بس بصراحة يفك ضيقة _

اذا كانت الدكتورة أو الدكتور معروف بتكرار الاسألة ... ما في مانع أنك تجمعينهم و تقرينهم للأمتحان

و اذا الاسألة موجودة عندك اللحين ,, أنصحك تقرينهم قراءة سريعة تاخذين فكرة عن طريقة الاسألة قبل ما تبدين المذاكرة

عشان يكون تفكيرك منظم .. و تركزين على النقاط اللي هي بالفعل موضع تركيز من قبل الدكتورة

اممممم بس أتوقع هذا اللي اقدر اقوله

و لكن تطمني .. غالباً أختبارات البايولوجي حلوووووة

و كثييييييير جبنا الفل ماركااااااات ...

أذكر أنا أقل درجة أخذتها بكويزات البايولوجي كانت a 93

بس قومي نامي اللحين ...

و بكرة بعد ما ترجعي من الجامعة و ترتاحي شوي

خذي نفس عميييييييييق و توكلي على الله ... و ربي ما يضيع جهد أحد

يللا بااايوووو يالغلا و سوري على التقصير :love080:

و اذا عندك اي استفسار ثاني اسدحيه ..

[اورجوان]

أهلا و سهلا فيك أختي الكريمة

بالنسبة للدكتورة جيهان فنعم قامت بتدريسي و طريقة اسئلتها تجيب اختيارات , صح و خطأ و أحيان سؤال مقالي قصير لكنها تأكد عليكم في حالة بتجيب لكم سؤال مقالي

بالنسبة لطريقة مذاكرة ماة الأحياء فهي مثل ما تعرفين من أيام الثنوي , مادة حفظ

بالنسبة لطريقة مذاكرتي لها في سنة أولى

أترجم الكلمات الجديدة للشبتر الجديد و أحاول أحفظ معانيهم علشان و أنا أقرأ بعدين أحس نفسي و كأني أقرأ بالعربي = أفهم وش أقرأ

يعني بلخص لك المختصر المفيد

تترجمين = شيء أساسي إذا كانت أغلب الكلمات مش واضحة لك و مش عارفة معناها = علشان تفهمين كويس

تفهمين قطعة قطعة = برقراف برقراف = اذا كانت أسألتكم اختيارية و صح و خطأ + محاولة التدقيق لأن اسئلة الاختياري مش دايم تكون سهلة , تحتاج تركيز اثناء القراءة

تحاولين بعد ما تفهمين كل برقراف تحفظينه , مش صم , إنما تحفظينه بطريقة مبسطة يعني ترتبين نفسك كيف بتحلين في الاختبار لو جا لك اشرحي = سؤال مقالي

==============

طبعاً بالنسبة للصح و الخطأ و اسئلة الاختياري تكون في بعض الحالات دقيقة يعني انتبهوا

بعطيك مثال

تجيب لك الدكتورة في الفقرة الأولى عن شيء معين

تكتب لك في الاختيارات : هالشيء يتضمن 1 ولا 2 و لا 3 و لا كلهم ولا و لا واحد فيهم ولا اثنين منهم ؟؟

يعني خصوصا الاسئلة الي تحتوي خياراتها Non of the above و All the above دققوا فيهم شوي اثناء الحل

=============

موفقين ان شاء الله

في حالة وجود شيء غير واضح من الي ذكرته اختي بإمكانك تسألين

[توفي1990]

مشكووووووووورين وماقصرتوا الله يعطيكم الف عافيه


وكثروا من هالنصايح الي تفتح نفس الواحد :c8:




واليوم الدكتوره قالت انها راح تجيب بس 5 فقرات صح وخطأ :000:


يعني يمكن شوي سهل بالنسبه لي


ودعواتكم لي بالتوفيق :119:

[اورجوان]

موفقة أختي

الله يسهل عليكم ان شاء الله

بس أكرر :lllolll: لا تستهينين أحيان يتيهونكم شوي :119: انتبهوا

[مزعوجـه]

اشوا احنا اختبارنا الثلاثا يعني يمدي نعرف ايش اللي راح تركز عليه معاكم :)

[توفي1990]

ايي مسااكين احنا اول قروب يختبر :bawling: :bawling:

[معزوفة الأحلام]

حنا في النص

الأحد اختبارنا و احاتي كثير شلون بحفظ بالانجليزي

و زين ما في سؤال مقالي و لا كان بعفس الدنيا شلون بعبر


ربي يوفقنا و يوفق الجميع و نصعد على الصخرة الثانية بأحلى الدرجات


معزوفة الأحلام

:119:

[اورجوان]

موفقين جميعاً ان شاء الله

و بالنسبة للانجليزي يا اختي فمع الايام راح تشوفين شقد الانجليزية العلمية سهلة و حلوة و ما تحتاج ترجمة كثيرة على عكس الانجليزية العامة

[توفي1990]

اي صحيح كلامك اورجوان

الحين تقريبا صار لنا شهر وشوي


واحس اني بديت اتأقلم مع الأنقلش لانقوج


وان شاء الله مع الوقت راح نتقنها ومانعاني اي صعوبه فيها

[كيان إمرأة]

وناسة اختبرنا وجبت الفول مارك ياحظي حظاهـ <- درجتين ونص ومستانسة الأخت هع

الله يوفقنا في Step Into writing سهل .. مع ميس تهاني "بنحكي مسلن" :cheese: = أقولكم مثال :cheese:

ويعيننا في الكيمياء يوم الثلاثاء ماادري الأحد ؟!

إن شاء الله الأحياء فاتحة خير علينا :lllolll:

[اورجوان]

مبروك

الله يوفقك أختي

و عقبال بقية المواد ان شاء الله لك و للجميع

[توفي1990]

وانا بعد جبت الفل مارك :c8:

[اورجوان]

:lllolll:

ألف مبروك لك بعد أختي توفي

أنا اذكر دكتورة جيهان , كانت راقية في شرحها و اسئلتها حلوة

الله يوفقكم معها و يسهل عليكم بقية الاختبارات

موفقين جميعا ان شاء الله

[سارا]

ما شااااااااااء الله .. مبرووووووك :mh001::mh001::mh001:

الله يوفقكم .. و دوووووووم الفولااااااااات يا رب

[توفي1990]

الله يباركم فيكم

وعقبال الاختبارات الثانيه ان شاء الله :c8:

بس تدروون اليوم اختبرنا ليسننق وكل البنات راحوا فيها


ياخي شنو هذا صراحه الشريط مو واضح وصوت الي تتكلم ماينفهم


:Cry111:

علمووني انتوا بسنه اولى شسويتوا مع الليسننق وشلون تدربتوا عليه ؟؟

[كيان إمرأة]

الله يبارك فيكم (أورجوان وسارا )<-قدوتنا >- احوم :cheese:

إيه توفي اليوم البنات مسووين ضجة على هـ الليسنينق .. ماأدري بس حسيت ردة فعلهم كانت" Over "حبتين :s12:

أنا سمعت زين يوم عادت الكاسيت ..بس اللي قالته هي ماني متأكدة منه :c8:

يارب نجيب [الفل مارك ] مرة أوخرى :119: ...

ويلا أورجوان وسارا أفيدونا كيف كنتوا تتدربون على الليسنينق؟!:g2: لأنو يوم الأحد عندنا "الميد تيرم " ..الله يعين

[اورجوان]

:lllolll:

اللسننق إذا غلطتي في حرف فقط من الجملة كلها = صفر :bawling: لذالك حفظوا السبلنق و انتبهوا للنقطة و علامة الاستفهام و ان يكون بداية الجملة كابيتل لاتر

:mh19: اتذكر كانت درجاتي فيه زفت :t1: لان الاستاذة ما كانت ترضى تعيد لنا غير مرة وحدة تقريبا :mh19: و الشريط يسرع و هو يتكلم <<<< تكلمكم عن بعيد شوي . بس غيروها على حظكم الحلو و حطوا لكم استاذة جديدة خبري , يعني يمكن تكونون احسن منا

ربنا يساعدكم .

:mh19:

في كتاب لونه برتقالي = لسننق = أخو الاخضر = يحتوي على الحلول حقت الكتاب الاخضر

[توفي1990]

ماأدري بس حسيت ردة فعلهم كانت" Over "حبتين


لا والله مو اوفر ولا شي


معاهم حق التيب مو واضح بالمررررررره وماسمعنا شي

[توفي1990]

طيب اورجوان بسألك سؤال

المعدل يجي بسهووله ولا بطلعت روح ؟؟


لاني سألت السؤال لكم بنت من دفعة العام وقالوا لا مو بسهوله :bawling:

[اورجوان]

معدل النجاح = ما تقلين عن 3

و ان شاء الله اذا اجتهدتي بتجيبينه و بسهولة

بس اذا اهملتي .................... تعرفين وش راح يصير

معدل الامتياز هو الصعب اما الجيدجدا و الجيد فسهل تقريبا :mh19:

موفقين ان شاء الله

[كيان إمرأة]

معاهم حق التيب مو واضح بالمررررررره وماسمعنا شي
:c8:


الله يوفقنا :000:

[مزعوجـه]

نحفظ السبلينق حق ايش؟

هذي الجديده تعيد لنا بس حتى لو عادت مليون مره ماراح نفهم شي صراحه

[اورجوان]

أختي

اللسننق = استماع = تكتبون الي تسمعوونه على ورق صح ؟؟ :119:

الكتابة لها شروط , لازم تكونين ماشيه عليها

يعني خلينا نرجع أيام الابتدائي و نقول

ذهب محمد الى المدرسة

و حنا صغار ايام ما نعرف املاء

كنا نكتب احيان

ذهبا موحمد الى المدرسه = هذي الجملة كتابتها غلط = عليها صفر و اذا كلش كلش كرم من الاستاذة = نص درجة :lllolll:

و هذا الي اقصده في السبلنق

Mohammed went to the school

[مزعوجـه]

احنا خلينا نسمع عشان نعرف السبلنق هع

بس اللي عطتنا اياهم في اول محاضره كانوا سهلين وعرفنا السبلنق بس ان شاء الله ماتجيب اصعب في الميد ترم