بخصوص تخوف الاخوان من تراكم المحاضرات .. لاتقلقون في حل .. [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : بخصوص تخوف الاخوان من تراكم المحاضرات .. لاتقلقون في حل ..

طَمُوح

2011- 10- 5, 02:26 AM

السلام عليكم ورحمة الله وبركاته

صباح الخير على الجميع ..

طبعا بعد ما فتح البلاك بورد اغلبنا انصدم .. وانا اولكم .. لقيت محاضرتين قدامي في كل ماده

2x5 = 10 محاضرات والحين نزلت 5 محاضرات يعني مجموعهم 15 محاضرة ..

اتمنى من الاخوان عدم الاستعجال في سماعها بدون تركيز يكفي الواحد منا ياخذ محاضرة كل يوم يستمع لها ويقراها من الكتاب او التلخيص ويستخرج النقاط اللي يشوف انها مهمه بالنسبه له ..

ولا تنسون عندنا تقريبا اسبوعين اجازة عيد الاضحى .. يعني الاسبوعين هذي مابتنزل فيها اي محاضرة ( على حسب اعتقادي ) الاسبوعين هذي بنقدر اننا نمشي مع الحاضرات .. يعني ماتبدأ الدراسة الا واحنا ماشيين مع الجدول بالتمام .. فلاحد يتخوف يا اخوان ..

انا احس اغلب الاخوان الموجودين متخوفين بزياده .. يعني لو سمع واحد قال ان الماده الفلانيه صعبه .. على طول جاله احباط ولا تثبيط في عزيمته ,,,

المفروض كل واحد فينا يجتهد ويسوي اللي عليه .. وربك مابيخلي احد .. كل مجتهد بياخذ نصيبه ..

الركاده زينه .. ومحاولة تخصيص وقت وتخصيص مكان ملائم للمذاكره بيساعدنا كثير على تجاوز المرحله هذي ..

اول سمستر دائما صعب بحكم ابتعاد اغلبنا عن الدراسة من فتره

ثانيا يوجد بيننا من هو متزوج وموظف وكل شخص عنده ظروف خاصه ... فلننظر باننا افضل وضع من اغلب الموجودين ونحاول ان نساعد بعضنا ولو بالكلمة الحسنة ...

اشكر اخواني المشرفين بصراحه على مجهودهم الجبار ... اشكر اخوي وطني الجبيل الذي اثرى المنتدى ببياناته

ويعطيكم العافيه يارب والله يوفقنا وياكم

سوسو الرياض

2011- 10- 5, 02:53 AM

صباح الخير ات والمسراات

والله كلامك يجنن ويفرح الله يسعد قلبك دنيا واخره

انت بطـــــــــل :(204):

الله يوفقنا جميعا ويسهل أموورنا

دمت في رضى سعاده

تحياتي لشخصك

ا

asmma

2011- 10- 5, 02:56 AM

يعطيك العافيه انا تقريبا خلصتهم كلهم بس 3 مواد صعبين عندي وماابي افهمهم افتح المحاضرات كذا بس ومدري وش الطبخه بجيب لي مدرسين بصراحه هههههههههه

ولا اضمن الثلاثين والاختبار ان شاء الله احل كويس الله يسستر ويوفقننننننننننننننني ويوفقكم

مشكور اخوي :love080:

حور الدنيا

2011- 10- 5, 02:57 AM

كلامك سليم:(204):

joOod

2011- 10- 5, 02:58 AM

يسسسسعدك ربي آخوي وفعلآ كلآمك صصحيح احنا متخوفين وللحين ضضايعين .. بس بسسـآلك آخوي أنت آخذت ملخصصاتك خلآص ..يعني طبعتهم من هنا ولآآخذتهم من المكتبه ..؟

فهاوه

2011- 10- 5, 03:00 AM

الله يسعدك ويوفقك ويسهل عليك دنيا واخره

jewei

2011- 10- 5, 03:00 AM

صباااح نور وسرور
:106::106::106:
ويعطيييييييييك العاافيه
والله ييسرلنااا يااارب
مشكووور
:106::106::106:

al_ghamdi

2011- 10- 5, 03:09 AM

سعود الرياض

2011- 10- 5, 03:14 AM

أحسنت يابطل كلامك صحيح ولسى باقي وقت بس نشد حيلنا :d5:
saudone1@hot

طَمُوح

2011- 10- 5, 03:15 AM

سوسو الرياض

امين اختي .. الله ييسر علينا وعليك يارب ويوفقنا جميع ..لو ناخذ الامور بسهالة صدقيني امورنا بتمشي تمام.

asmma

ماشاء الله عليك اخوي .. الله يوفقك ويسهل عليك امورك يارب

بخصوص المواد الصعبة حاول انك ترجع وتركز فيها وحاول تقرى التلاخيص

حاول انك تعتمد على نفسك وخل المدرسين ااااااااااااااااخر حل ... اذا حسيت انها من جد مقفله عندك جيب مدرس

حور الدنيا

حياك الله اختي .. نورتي الموضوع.

joood

ماعليك مع الوقت اختي بناخذ الثقه بنفسنا لمن نفهم الدروس والسستم اللي ماشيه عليه الجامعه .

بخصوص سؤالك .. صراحه انا ماني مأيد موضوع اني اذاكر المادة من الملخص .. ولحد الحين مريت على كم موضوع فيه تلاخيص ولا فتحته .. انا بعتمد بعد الله على الكتاب وبعدها ان شاء الله على اخر الترم باخذ الملخصات بخليها فقط للمراجعه ... تهمني الاستفادة من الجامعه بالمقام الاول ومن ثم الشهادة .

فهاوه

امين اختي ... ولك بالمثل

jewei

حياك الله اختي وصباحك خير

طَمُوح

2011- 10- 5, 03:17 AM

صبحكم الله بالخير و النوووور و السروور :love080:
صباااحكم حوووسة محاضرات :mh35:
منجدددد كلامك يرفع المعنويات و يحمس وشسمه و كل شي :(269):
بس ان شاء الله تتسهل :119:

يعطيك العافية :106:

صباحك خير وعافيه

والله من ناحية حوسه والله انها حووووسه . بس شنسوي الدنيا تبي والاخره تبي

شد حيلك وماعليك تتسهل الامور ان شاء الله ...

أحسنت يابطل كلامك صحيح ولسى باقي وقت بس نشد حيلنا :d5:

الله الله .. اهم شي نشد حيلنا ولا نخلي فرصه للتثبيط يدخل بقلوبنا وتخف عزيمتنا

الله يوفقنا وياكم يارب

Om Shahad

2011- 10- 5, 03:29 AM

طَمُوح

2011- 10- 5, 03:36 AM

كلام جميل ورااائع وعين العقل :biggrin:

بس بالنسبة لاجازة العيد نضيعها بالروحات والجايات ( سفرات وقلق واجتماعات

يعني لازم نذاكر اول باول كل يوم محاضرة ونخصص وقت معين للمذاكرة

طول مع معنا البي بي شكل مافي مذاكرة :biggrin:

يعطيك العافية يارب ،، سلمت يداك على ماخطته من حروف قيمة

هلا فيك اختي

معاك حق العيد له اجواء ووضع غير الايام المعتادة

لكن الحين الله يخلي اللاب توب والتابلت وحتى الجوالات تقدرين تسوين كل اللي تبينه وانتي بمكانك

انا قبل يومين كنت رايح لمشوار بعيد بالسيارة ... خذيت المحاضرة حقتي وياي وشغلتها على شاشة السيارة وشغلتها على شاشة الجوال وكل مافضيت اسمعها ووفرت على نفسي يمكن ساعه كامله كنت اضيعها على الفاضي ...

نقدر نستغل وقتنا باشياء كثيرة تفيدنا في دراستنا .. اهم شي نرتب جدولنا وربك بيسهل علينا

قرقر

2011- 10- 5, 03:37 AM

انت بطـــــــــل :(204):

ا

كلام سليم لكن ما أظن بالنسبة لي أني أفتح البلاك بورد في إجازة العيد
كل الشكر لك يالغالي

م هـ م 1432هـ

2011- 10- 5, 03:44 AM

صبااح الخيراات .. الصراحه انا الى الحيين ماسمعت المحاضرات كلها بس من جد خايفه ومتوتره :Cry111:.. احس اني ضايعه .. الله يعطيك العافيه على النصيحه والله يوفقنا ويسهل علينا

طَمُوح

2011- 10- 5, 03:48 AM

كلام سليم لكن ما أظن بالنسبة لي أني أفتح البلاك بورد في إجازة العيد
كل الشكر لك يالغالي

هلابك اخوي قرقر .. :biggrin:

يحق لكم انتم مستوى ثاني .. يعني عندكم خبرة كيف تتعاملون مع الوقت .. بس اتوقع كل اللي بمستوى اول خايفين ومتوترين .. يحتاجون اي موضوع فقط يرد لهم الامل

الله يوفقنا وياك اخوي

طَمُوح

2011- 10- 5, 03:49 AM

صبااح الخيراات .. الصراحه انا الى الحيين ماسمعت المحاضرات كلها بس من جد خايفه ومتوتره :Cry111:.. احس اني ضايعه .. الله يعطيك العافيه على النصيحه والله يوفقنا ويسهل علينا

هلابك اختي م ه م

زين يعني سمعتي بعضها :biggrin: شرهتك على اللي سمع غير محاضرة وحده وصكتني بعدها فلونزه والعمل ضغط علي فيه بس باقي عندي امل اني اضبط اموري :cool:

لاتخافين ولا شي ماعليك امورك بتضبط وتتحسن ان شاء الله

sloof

2011- 10- 5, 03:57 AM

هذا الكلام اللي يوسع الصدر

الله يعطيك الف عافيه اخوي

محمد بن جنيد

2011- 10- 5, 04:04 AM

الامور سهالات باذن الله وسهله
حتى لو درس الطالب ماحضرتين باليوم تقريبا 7 ايام او 8

الاخوان الي سبقونا بالدراسه مسهلين الامور فعلا من نصايح وملخصات واساله وارشادات
الله يجزاهم كل خير

ماباقي الا انهم يدرسون ويختبرون عنا بس ههههه:hahahahahah: < برا :biggrin:

بالتوفيق للجميع والله يسهل عليكم:106:

ملاك1401

2011- 10- 5, 04:42 AM

:106:الله يجزاك الجنة ويسدد مقاصدك وييسر لك كل صعب انت وكل اللي نوي انه يسلك طريق فيه علم ومنفعه:106:

ملامح فرح

2011- 10- 5, 06:44 AM

هذا الكلام الي يشرح الصدر مع هالصبح:106:

احساآآآس

2011- 10- 5, 06:49 AM

يسلاآآم كلاآآم جمييل

الله يوفقناآآ

غفوة مشااعر

2011- 10- 5, 07:53 AM

صباحكم مسك ...سبحان الله احيان يحتاج الواحد إنه يسمع كلام يشرح خاطره ويبسط له الامور ألف شكر أخوي ويسر لك ولي ولجميع الاخوان والاخوات العسير ...:106:

مفاهيم الغلا

2011- 10- 5, 09:00 AM

كلااامك %
مشكور وماقصرت

ابو سلاف

2011- 10- 5, 09:35 AM

الله يجزاك خير

ويوفقك

اخوكم / ابو سلاف

هادئه وملسونه

2011- 10- 5, 09:41 AM

:24_asmilies-com:الله يسهل علينا ويوفقنا
مشكووووره ورحم الله والديك:d5:

ROUZ

2011- 10- 5, 09:46 AM

جزاك الله خير , فعلا أحس كلامك ريحني لاني مافتحت أكثر المحاضرات لحد الان ..,
بس مدري ليش أحس ان ماآفيه شي صعب ..
يمكن مجرد أحساس ويمكن فعلا المواد سهله بس أحنا متحمسين شوويات ..:53:

تحياتي :106:

حلم الطفولهـ

2011- 10- 5, 09:47 AM

يعطيك الف عاآآآفيه اخوووي
كلاام سليم 100%
بالتوفيق للجميع ؛؛

llosha1414

2011- 10- 5, 09:53 AM

يسعد صبااحكمم

اناا خلصت من كل ماده محاضره وباقي لي 2 يااارب يسهل وان شاءالله كلها سهله مثل مااقال طموح

:bawling:صاحيه من الفجر اسمع محاضارت عيني تدور المخده والله >>>تبي تفضفض :biggrin:

المهم مااقصصررت اخووي وان شاءالله كلهاا سهالات وربي يوفقك على رفع المعنويات ويفق الجميييع

غائب حبيبي

2011- 10- 5, 09:56 AM

سهلها بتسهل صعبها بتصعب:d5:

سعود الرياض

2011- 10- 5, 07:33 PM

يعني بإجازة العيد توقف الدراسه يعني مافيه محاضرات؟:biggrin:

أحبكـ ربي

2011- 10- 5, 07:57 PM

الله يرفع معنويااتك ويطمن قلبك ولله محتاجين مثل هالكلااام ..
الله يعين ..
المتزوج والموضف عادي يههون بالنسبه لي :Cry111:..
انا سجلت هي السنه وانصدمت ان عندي سفره بعد اسبوعين او اقل وتااخذ شهر:Cry111:.. مدري شلون راح اكمل:Cry111:.. الشبكه هنااك صعببببه بالحيل ومعدوومه !! لاني بروح العرااق .:biggrin:..
عاد انا اول باول اشوف المحاظره واتابع ع الملخص مدري كيف راح اكمل بس ارجع :Cry111:..

حبااب تكفى قول شي يرفع معنويااتي اكثر .

سبحان الله وبحمده ..سبحان الله العظيم ..

ant

2011- 10- 5, 08:02 PM

وربي كلااااااااااامك ينقط عسسسسسسسسسسل

ويجيب التفائل

مشكوووووووووووووووووور وماقصرت

الله يوفقك

ويوفقناااااااا اجمممممعين :d5::d5::d5::d5:

وليد بن سعد

2011- 10- 5, 08:09 PM

الله يعطيك العافية على هذا الجهود .

رافايللو

2011- 10- 5, 08:12 PM

معلومة

حتى في الاجازات تنزل محاضــــــــــرات

:biggrin:

Nadr Wjodi

2011- 10- 5, 08:18 PM

خيو طموح ..
يسعد قلبك ..

موكاتشينو

2011- 10- 5, 08:19 PM

صح عليك اخوي كلامك بمحله مو مهم الواحد يشوف المحاضرات ورى بعض بقصد الخوف من التراكم
الاهم الاستيعاب والفهم ~ الله يسهل وييسر امورنا اجمعين :smile:

عـآبر

2011- 10- 5, 08:34 PM

احب اقول للجميع مبروك التخرج من الحين .. :biggrin:

مادلين

2011- 10- 5, 09:14 PM

يسلمو على الكلام الحلو

الفــــوز

2011- 10- 5, 09:34 PM

كلام صحيح وفي محله ، كلنا بحاجه لرفع معنويات خصوصا أغلبنا مشغول بوظايف ومع ضغطها يجي يلقى كلام يسبب له احباط من البداية
بالتوفيق للجميع

نبض عاشق

2011- 10- 5, 09:45 PM

بيض الله وجهك والله انك اعطيتني امل كبير في الجامعة
والله يسعدك دنياء واخرة

الشعلاء

2011- 10- 5, 09:53 PM

تبون الجد كني بديت اهون عن الدراسه يبيله ناس فاضيه هالتخصص مو ناس موظفه بقسم مسوليته صعبه:bawling: زي حالاتي

هدفي من الدراسه تحسين المستوى الوظيفي فقط:biggrin:

لكن ماقدرت اوفق بين عملي ومسوليتي العائليه والدراسه:icon9:

اجي مهدود حيلي واحاتي بالدوام باقي المحاضرات اللي ماسمعتها ولخصتها حسب فهمي جهد فوق طاقتي قسم حتى نوم زي ناس منامه انام بس 5 ساعات باليوم بعد مخلص تدريس البنات لجت6 مساء افضا للنت ثم ابدا بالمحاضره مدري الا ساعه 12 احط راسي وانام واقوم 5فجر:bawling:

على فكره تروني احب العلم وكنت ولازلت احب ادرس من قلب لو مو موظفه اراهن اني بكون منتازه :mh318:كعادتي بالدراسه:biggrin:

بنوتة جامعية

2011- 10- 5, 09:58 PM

:cheese:انا كل يوم لهم مادتين اذاكرهم بالفجر واسمع الممحاضرتين باليوم الثاني

عندي لكم نصيحة اقرؤا المحاضرة وناموا راح تتركز المحاضرة في عقلكم

تحياتي لكم :biggrin:

سعود الرياض

2011- 10- 5, 10:07 PM

عبدالعزيزمنتسب

2011- 10- 6, 12:11 AM

بيض الله وجهك لاهنت .. بارك الله فيك

نوره | ~

2011- 10- 6, 12:19 AM

ياويلي يعني لازم نسمع المحاضرات << مفهيه "

MRSOM

2011- 10- 6, 01:18 AM

العقل السليم في الكلام السليم

سارة1985

2011- 10- 6, 01:26 AM

الله يجزاك الجنة شكرا

شعاع الأمل

2011- 10- 6, 05:58 AM

بارك الله فيك كلماتك ترفع المعنويات وكانت بمثابة شعاع أمل لنا جميعاً

وانا ابتديت اسمع بالمحاظرات بس التحميل زفت وكلما احمل محاظرة لازم تكون ناقصه مادري منين الخطأ ؟؟

هنوووونه

2011- 10- 6, 06:03 AM

:d5::d5::d5:
الله يعطيك العافيه مبدع ومواااااااااضيعك فعاله

بالنسبه والله ماخذتها حبه حبه تو مخلصه رياضيات

وببداء بالباقيات على روااااااااااااااق عشان ماضغط روحي

طَمُوح

2011- 10- 6, 08:20 AM

sloof

في الخدمة اخوي .. والله يوسع صدورنا ان شاء الله باليوم اللي نمسك فيه الشهادة

محمد بن جنيد

كلامك صحيح يالغالي والاخوان ماقصروا جميعا ... مشرفين وطلاب سابقين والطلاب المستجدين ماشاء الله عليهم مايبخلون على احد باي معلومه لديهم
مرورك اسعدني يالغالي.

ملاك1401

امين اختي ..وجزاك الله خير على الدعوات اللي تثلد الصدر

ملامح فرح

الله يشرح صدورنا 24 ساعه مو بس الصبحيه:biggrin: ..

حياك الله اختي وبالتوفيق

غفوة مشااعر
ماعليك يا اختي ابعدي التوتر والخوف وان شاء الله امورنا بتمشي ... حياك الله وبالتوفيق

ROUZ

مع المتابعه والاجتهاد صدقيني اختي مافي اي شي صعب ... لكن ان كان فيه اهمال او تكاسل صدقيني السهل بيصير صعب وقتها

الله يعيننا وياك يارب

ọỌỏŁн£

هههههههههههههههه حياك الله اختي الله يساعدك يارب .. بس مادري انتي تسمعين محاضرة من كل ماده واذا خلصتي خمس محاضرات ترجعين للمحاضرة الثانيه وكذا ...

انا اشوف انك تستمرين تسمعين المادة الكامله لين تخلصينها بعدين تنتقلين للماده الثانيه ... احس ترابط الافكار بالطريقه هذي بيكون انفع لك واسهل ...

سعود الرياض

على حسب اعتقادي كذا . بس اشوف رد واحد من الاخوان يقول ماتوقف :icon9:

أحبكـ ربي

اهلين بك اختي .. وحي الله اهل العراق ..

وليه خايفه .. عندك كتب وعندك مراجع وملازم خذيها معاك هناك وخليها تجربه لك انك تدرسين بدون فديو او صوت ... حاولي تركزين فيهم وسوي تلاخيصك وسوي كل مهامك هناك واذا رجعتي بتحصلين كل شي قدامك حملي المحاضرات والتلاخيص الجديده وراجعي على اللي درستيه

صدقيني بتحسين انك استوعبتي وفهمتي كل المطلوب منك افضل مننا لان دراستك كانت مركزه اكثر بدون ماتعتمدين على احد

الله ييسر امورك ويردك بالسلامه

رافايللو

ماودي اقول الله يسد نفس العدو :(269): هههههههههههه

شنو المعلومه هذي اللي تسد النفس <<< وين التفائل يابو الشباب اللي قبل شوي هههههه

ماعليك بتزين الامور انت اطلع منها بس وبتضبط امورنا :biggrin::biggrin:

مشكور اخوي على المعلومه وزين انك قلت لنا عشان ما ننصدم اذا نزلت لنا

موكاتشينو

هذا هو المقصد من الموضوع التركيز وعدم الخوف .. اكل العنب حبه حبه على مايقولون

نورتي موضوعي اختي

عـآبر

امين الله يسمع منك :biggrin:

احساآآآس - الفــــوز - مفاهيم الغلا - ابو سلاف - هادئه وملسونه - حلم الطفولهـ - غائب حبيبي - ant - وليد بن سعد - Nadr Wjodi - مادلين

حياكم الله ....والله يوفقنا جميعا

امورة وايد

2011- 10- 6, 10:14 AM

يعافيك ربي
ومشكور على الدعم المعنوي

لا خلا ولا عدم

وليد بيك

2011- 10- 6, 01:26 PM

ياخي جزاك الله خير والله اني بقدر ما انا اشاهد هذا الكم من المحاضرات يصيبني الاحباط

اخو من طاع الله

2011- 10- 6, 03:19 PM

كلام جميل اتمنى لك التوفيق ....:d5:

HR Professional

2011- 10- 6, 07:26 PM

خلصت محاضرة إدارة ومحاضرتين اقتصاد

اللي قاهرني انهم بداية الفصل اسبوعين ما نزلو شي والحين نزلت 15 محاضرة

واللي يزيد الطين بله هو الواجبات ومنتديات الحوار ، الواحد ما لحق يقرا محاضرات علشان يجاوب ولا يشارك

ولكن فكرة الإجازة راحت عن بالي ، الله كريم ويعدي هالشهر بخير ونحاول نسترجع اللي فاتنا

بس من جد المحاضرات وحدها ما تكفي ، الكتب بالنسبة لي تغنيني عن المحاضرة ولكن لو يحددون لنا وشو اللي بالضبط يبغونا نذاكر يصير الوضع ايزي

تمنياتي للجميع بالتوفيق