ساعدونا ........... بليز

[معزوفة الأحلام]

السلام عليكم و رحمة الله

كيفكم شباب و صبايا ان شاء الله بخير

عندي مسألة نحتاج فيها مساعدة جدا جدا

أنا طالبة سنة أولى طب في جامعة الملك فيصل فرع الأحساء

و كل ما دخلت منتدى فيه أشياء عن الطب شفتها تخص جامعة الملك فيصل فرع الدمام

و فيها اختلاف تقريبا عن اللي ناخذه بسبب اختلاف الدكاتره

لكن ما لقيت شي يخص جامعة الملك فيصل فرع الأحساء

يعني مثلا لقيت محاظرات و نوتات بعضها موجودة في المواقع

و بعضها تنزل في المكتبات لكن ما حصلت شي لفرع الأحساء و الدكاترة اللي يدرسون فيه

فياليت يكون في قسم يضم هالأشياء ( نوتات - محاظرات - اسئلة اختبارات - و غيره )

يعني مثلا بالنسبة للكيمياء الدكتورة قالت ان حنا و الاولاد بنختبر في نفس اليوم

و الاسئلة موحدة و بعض بنات سنة ثانية قالوا لي انه تجي اشياء ما مرت علينا

يصير الدكتور عطاها الاولاد و هي ما عطتنا اياها

علشان كذا ياريت يكون بيننا و بين الأولاد تواصل في المنتدى بحيث كل منا يشوف شنو أخذ الثاني

و شنو اسئلة الاختبارات اللي جات للطرفين لأن احتمال كبير تجي للطرف اللي ما اختبر

و هذا ما يكون في الكيمياء بس و انما في جميع المواد

نتعاون و نتساعد في تطوير بعضنا البعض

و مو بس الأولاد من سنة أولى بس

أيضا نريد ارشادات من السنوات الماضية ثانية و ثالثة و رابعة و خامسة و سادسة

( بنات و أولاد ) من الجهتين

إذا عندهم نوتات أو أسئلة جات لهم في الاختبارات

الدكاترة اللي درسوهم شنو طريقتهم شنو يهمهم حفظ و لا فهم و شنو نركز عليه عندهم

إذا عطوهم شي اضافي وين نحصله

و بنكون ممتنين أشد الانتماء و شاكرين أعظم الشكر


معزوفة الأحلام

[نمرود ين]

والله أكثر الأولاد من طب الدمام

لكن المنهج نفس ما هو


يعني الدراسة موحدة وإن شاء الله يفيدونكي الأعضاء

[اورجوان]

أختي الكريمة

بالنسبة لسنة أول طب :

مواد الانجليزي = اسئلة خارجية

المواد العلمية :

أحياء من الكتاب و الفيزياء جزء من الكتاب و جزء تلخصه لكم الدكتورة او من الي تكتبون انتو وراها

و الكيمياء من الكتاب تقريبا

يعني من ناحية النوت و وو الخ لسنة أولى فلا يوجد

اما اذا انتقلتي الى سنة ثانية بمشيئة الله

ففي موقع يضم طلبة الاحساء كلهم اولاد و بنات و تنزل فيه المحاضرات و بعض الملاحظات اما من ناحية وجود اسئلة او شي من هذا القبيل فللأسف لا يوجد

اسم الموقع أطباء الاحساء

تشوفين له اعلان مكتوب " صعدي اول الصفحة "

و هذا الرابط اذا حبيتي الموضوع يسهل اكثر

http://www.ahsadr.com/vb/index.php

اسئلة سنة أولى خبري انها غير موحده :mh19: و لكن سنة ثانية و طالع موحده

[معزوفة الأحلام]

يعطيكم ألف عافية اللي شرفو موضوعوي

نمرود ين : يسلمو لمورك بس اللي أعرفه ان أعلى مرحلة وصلوا لها الأولاد في فرع الأحساء هي السنة السادسة

و المنهج نفس ما هو مثل ما قلت بس المشكلة ان دكتورتنا الكيمياء تعرض لنا المحاظرة على بروجكتر

و تقول انها نفسها عند الأولاد بس اللي قالوه لي بنات سنة ثانية انه تجي في الاختبارات اشياء ما مرت عليكم

و يصير الدكتور عطاها الأولاد بس حنا تصير الدكتورة ما عطتنا اياها فنتوهق

يا ليت لو نعرف بس الأولاد شنو الأشياء اللي ياخذونها علشان لو في اضافة ما عطتنا اياها الدكتورة ننتبه لها

و يا ليت لو نعرف الاختبارات للسنوات السابقة و اختبارات السنة هذي لأن احتمال كبير تجي منها بعض الفقرات

علشان كذا يفضل يكون في تواصل لتبادل المساعدة و هالأشياء

اورجوان : مشكورة لتعليقك لكن الأحياء نفس ما ذكرتي من الكتاب

بس لمى ترجعين للكتاب بعد المحاظرة تحسين ان المصطلحات غير اللي قالتهم الدكتورة

و لهم نفس المعنى و أحس في صعوبة في حفظ بعض المصطلحات اللي في الكتاب

فلو في نوته للي تقوله الدكتورة بيكون أفضل و أسهل

أما الفيزياء الدكتورة قاهرتني ( ما فيش فُرستي ) ليش ما تقول ( ما فيش سرعة ) أو ( نو فُرستي )

و لو سألناها عن مصطلح جديد تونا ناخذه عن معناه تسكت و تناظر باستغراب كأنها تقول هذا شي تافه و تسألون عنه

و المسائل ما تفهمنا اياها عدل لأنها تحل بطريقة غير اللي في الكتاب

و قالت بتحل معنا الهوم وورك و لا حلته و استنتاجات القانون ما أحسها توضحها عدل

أما الكيمياء فمثل ما ذكرت للأخ نمرود ين تعرض المحاظره على البروجكتر و لا تسجلون هذا لأنه بس للشرح

و هذا مو مهم ( الحمد لله اني أخطط معها في الكتاب كل شي )

و في النهاية قالوا لي السنوات الثانية انه ننصدم في الأسئلة و ان درجة الكيمياء هي أقل درجة حصلوا عليها

لأجل هالشي أبغى أستعين بنوتات و محاظرات و أسئلة اختبارات جات للي قبلنا لأن أكيد بنستفيد منها

يا ليت نحصل و نكون حلقة تعاونية بين الجميع


منتظرتكم ........... معزوفة الأحلام

[اورجوان]

اورجوان : مشكورة لتعليقك لكن الأحياء نفس ما ذكرتي من الكتاب
بس لمى ترجعين للكتاب بعد المحاظرة تحسين ان المصطلحات غير اللي قالتهم الدكتورة و لهم نفس المعنى و أحس في صعوبة في حفظ بعض المصطلحات اللي في الكتاب

نعم , حتى حنا نحس بهذا الاحساس على الرغم ان وصلنا سنة ثالثة , و لكن مصطلحات الكتاب هي الي تجي منها الاسئلة ، يعني القراءة من الكتاب تسهل عليك قراءة اسئلة الاختبار

فلو في نوته للي تقوله الدكتورة بيكون أفضل و أسهل

للاسف اختي , فكما ذكرت لك , ما في نوت لسنة أولى

أما الفيزياء الدكتورة قاهرتني ( ما فيش فُرستي ) ليش ما تقول ( ما فيش سرعة ) أو ( نو فُرستي )
و لو سألناها عن مصطلح جديد تونا ناخذه عن معناه تسكت و تناظر باستغراب كأنها تقول هذا شي تافه و تسألون عنه

:lllolll: معليه اختي ، بعض الدكاترة اسلوبهم كذا , و في الافضل , و في الاسوأ

و المسائل ما تفهمنا اياها عدل لأنها تحل بطريقة غير اللي في الكتاب

دامك تفتحين الكتاب , و تفهمين على الكتاب , مش ضروري تخلينها تضيعك في انك تتعلمين طريقتها في حل المسائل

الاوضح لك ذاكري منه

او حتى كلمي وحده من البنات تفهم عليها خل تشرح لك , الا ما تكون وحده او حتى اكثر من وحده فيهم الخير و يساعدون


و قالت بتحل معنا الهوم وورك و لا حلته و استنتاجات القانون ما أحسها توضحها عدل

الجامعة اختي مش نفس المدرسة ! , يعني مش مثل اول , تفتيش ع الواجب و منو حل و منو لا و يلا كيف نحل الواجب وو الخ

في الجامعة انتي المفروض تهتمين بنفسك مش مثل الاول الاستاذة تركض ورانا , يعني حلي أول بأول , فكري , استنتجي , بحثي عن الحل , طلبي مساعدة غيرك , روحي للدكتورة , حاولي ما تطلعين الا و انتي فاهمة كل شي عليها

أما الكيمياء فمثل ما ذكرت للأخ نمرود ين تعرض المحاظره على البروجكتر و لا تسجلون هذا لأنه بس للشرح
و هذا مو مهم ( الحمد لله اني أخطط معها في الكتاب كل شي )

حلو اختي

دامك تخططين في الكتاب فهالشيء نفس النوتة , يعني لا تفكرين ان النوتات غير عن الكتاب , هي فقط اختصار و انتي دامك تخططين فهذا هو الاختصار :mh19:

و في النهاية قالوا لي السنوات الثانية انه ننصدم في الأسئلة و ان درجة الكيمياء هي أقل درجة حصلوا عليها

:lllolll: ما شاء الله مشهورين حنا في درجات الكيمياء

اي , سنتنا و سنة الي بعدنا الكيمياء مصيبة و لكن الحمد لله عدت على خير = نجحنا فيها

لأجل هالشي أبغى أستعين بنوتات و محاظرات و أسئلة اختبارات جات للي قبلنا لأن أكيد بنستفيد منها

يا ليت نحصل و نكون حلقة تعاونية بين الجميع

دخلي على الموقع الي اعطيتك اياه اختي , في اول رد لي , هذا هو مكان تجمع الطلبة و الطالبات الي في الاحساء , = مختص بكلية الطب

موفقه عزيزتي

[معزوفة الأحلام]

على فكرة أختي اورجوان الموقع تصفحته و لقيته رائع

و فيه بعض الأشياء لسنة أولى من ضمنها المحاظرات و اسئلة الاحتبارات

المحاظرات و الأشياء الموجودة تختلف عن اللي خذناه و ان كان فيها جزء من اللي خذناه و جزء ما أخذناه

يعني تخص لجامعة الملك فيصل فرع الدمام

أما قسم للاختبارات لكنه محمي بكلمة مرور يعني ما يدخلونه إلا بعض الأشخاص

و الدكتورات نفسهم قالوا عادي انتوا تاخذون الأسئلة من بنات السنوات الثانية لكن حنا نعطيكم لا

شنو العمل؟؟؟؟ :s11:

[اورجوان]

:mh19:

المشكلة اني ما اذكر اسئلة اختبار الاسبوع الماضي :lllolll: يعني كيف بذكر اسئلة جات لنا قبل سنتين :119:

أختي ..

راح أشوف لك بنات سنة ثاني إذا عندهم معلومات او شي بقول لك

ولا وش رايك تجين لنا زيارة ما كلية الطب كليتك , دخلي و سئلي و استفسري

عادي مسكي اي بنت منا و الطريق و سئليها ترى كلنا حبوبات و نجاوب :g8:

[توفي1990]

اورجوان

انتي درستك الدكتوره خلوود ابو النور ؟؟؟

[اورجوان]

نعم , درستني
سوالفها و ضحكها معنا شي
و اختباراتها و درجاتنا شي ثاني
أسئلتها صحيح اختياري بس لاحظي نقطة
انك اذا خترتي جواب غلط = تروح عليك الدرجة
و إذا اخترتي فقرتين بعد , تروح عليك الدرجة
و هذا الي يروح الدرجات
أحيان نسرع في القراءة من زود الارتباك فنختار غلط
و أحيان أخرى نفهم السؤال بشكل خاطئ فنختار أيضا غلط

[توفي1990]

يعني صحيح الي سمعناه انو اسئلتها صعبه ؟؟؟


:000::bawling:

[اورجوان]

ان شاء الله ما في شي راح يكون صعب ما دامك مذاكرة بتركيز

أنا قلت لك في موضوعك الي كتبتيه , ركزي اثناء قراءة السؤال ولا تستهينين في الخيارات لأن احيان تحسين ان كل الخيارات تصلح تكون الجواب فتحتارين وش تختارين !

الله يوفقكم

أنا ما ابغى أخوفكم من المواد و أقول لكم هذا صعب و هذا سهل و لكني أحب أكثر نصايح علشان اخليكم تتفادون الاخطاء الي كنت أقع أنا و غيري من بنات دفعتي فيها

كل الي اقدر اقوله لك

ركزي اثناء المذاكرة و بتحصلين على الدرجات

و ال A+ مش مستحيلة اذا سعيتي لها

و بالنسبة لي اعتبر أول اختبار تجربة يعلمني وين الخطأ في مذاكرتي و وين الصح

[مزعوجـه]

:000:طيب واللي مااتفهم فيزيا لاكتاب ولا شرح

[مزعوجـه]

طيب وساميه كيف طريقتها في اسئله الفيزيا

قامت تقول لنا الاسبوع الماضي انها راح تجيب سؤال عشان تقيس مستوى ذكاء الطالبات هع

[توفي1990]

:bawling::bawling::bawling: لاتجيبين طاري الفيزكس يامزعووجه


كلنا بالهوا سوااا

[مزعوجـه]

توفي مافكرتي تروحين لمدرسه خصوصيه؟

[نمرود ين]

لا عاد الفيزياء والكيمياء عندنا مدرسين يحلون الأسئلة بـأوراق خارجية ويصورونها لنا بعد

[توفي1990]

الا والله فكرت بالشي هذا

اذا تعرفين احد قولي لي

[اورجوان]

ان شاء الله أختي

[معزوفة الأحلام]

يسلمو لكل من شرف موضوعي

بس كأني قريت ان في دكاترة يحلون الأسئلة و يصورونها

نمرود ين مرجعنا في ما يخص الأولاد حياك الله

<< ما تشوفه إلا هو يدخل من الأولاد علشان كذا بتستفسر منه فيما يخصهم

>> نمرود ين إذا ما عليكم أمر تقدرون تنزلون لنا الأوراق في مكتبة بحيث ما يعطيها أحد إلا إذا طلبها

علشان ما تتسرب ( لأن اللي أعرفه انه ممنوع ) و نروح و نطلبها منه يعطينا اياها

مع الشكر الجزيل و العرفان المتواصل


معزوفة الأحلام

[مزعوجـه]

معزوفه

نمرود ين من الدمام مو من الاحسا :(

مفروض نقول لأي طالب من منتدى اطباء الاحسا ينزل لنا الكيميا ع الاقل

[معزوفة الأحلام]

يؤ يؤ يؤ يؤ

و أنا أفكره من الأحساء

معليش على اللبس في الموضوع

أجل مثل ما قلتي مزعوجه

خل أسوي نسخ لموضوعي و أحطه في منتدى أطباء الأحساء

<< ما عندها وقت خخخخخخخخخخ

>> يلا أروح أسجل و أحطه يمكن أحصل شي


معزوفة الأحلام

[نمرود ين]

لا عادي مفيش مشكلة

أي سؤال أنا موجود نو بروبلم أني ثينق

[اورجوان]

:s11:

سألت طالبة من سنة ثانية

من وين أسئلة الكمستري كانت تجيكم ؟؟

قالوا , حسب ما ذكرت لهم الدكتوة , إن الاسئلة من قسم الاولاد من دكتور اسمه أيوب :064:

و ان اسئلته صعبه و فيها شوية :mh19: ما ادري وش شويته صراحة :lllolll: بس :mh19: شوية لخطبة للطالب اثناء الحل

و طبعاً ما يتذكرون وش الاسئلة الي كانت تجي لهم

يمكن قسم الاولاد يكونون اكثر خبرة و بالتالي يكونون مجمعين كمن سؤال من اسئلة هذا الدكتور

==============

موفقين

شدوا حيلكم و بتحلون ان شاء الله و تاخذون امتياز بعد