تسجيل الدخول

مشاهدة النسخة كاملة : جميع التخصصات إختبارات شهريه للإنتساب

رهف2
2011- 10- 13, 02:17 PM
السلام عليكم بنات فيه إمتحانات شهريه للإنتساب مثل العام وإلاكيف الطريقه ياليت الي عندها معلومه تفيدنا أوالي تروح للكليه تسأل لنا لاني بعيد
caramel
2011- 10- 13, 02:49 PM
لو كان فيه مابتعرفي بهالطريقة بينزلوا بالتوصيف والباقي بنتبهدل على مانعرف فيه امتحان او لا

احنا بنسجل اول بعدين يصير خير

حتى تسجيل ماسجلنا


موفقه
رهف2
2011- 10- 13, 03:30 PM
لو كان فيه مابتعرفي بهالطريقة بينزلوا بالتوصيف والباقي بنتبهدل على مانعرف فيه امتحان او لا

احنا بنسجل اول بعدين يصير خير

حتى تسجيل ماسجلنا


موفقه
يسلمو على الرد
RanD
2011- 10- 15, 02:09 AM
اتوقع اكيد فيه .... لان هذا نظام جديد دخلووة على المنتسبات العام ... ومااتوقع يلغونة لان صراحه في صالح المنتسبة .... لكن نظام كليتنا فاشل مايوضحون الامور للطالبات


بالتوفيق
caramel
2011- 10- 15, 03:45 AM
اتوقع اكيد فيه .... لان هذا نظام جديد دخلووة على المنتسبات العام ... ومااتوقع يلغونة لان صراحه في صالح المنتسبة .... لكن نظام كليتنا فاشل مايوضحون الامور للطالبات


بالتوفيق

أنا برأيي اذا مايتكلموا من البداية مش الى صالحنا بالعكس الى هلاكنا بالذات الآن متأخرين وبعد شهري أحس صعبة

ان شاء الله مافيه مع ان تفيدنا هالامتحانات
بس ادري بنتبهدل كثيررررررررررررررر

واذا فيه ياليت يعلقوا لنا المواد مثل المنتظمات
مستبيعه
2011- 10- 15, 11:59 AM
:119:
رهف2
2011- 10- 15, 01:41 PM
:24_asmilies-com:
زين الكون
2011- 10- 15, 01:53 PM
صادقه اختي اللي فوق يوم قالت كليتنا ماتوضح لنا واذا تبين اكبر دليل شوفيني انا قدامك

ايام كانت سجلاتنا الاكاديميه على نظام البنر ماكان اي احقيه لطالبه الانتساب تسجل صيفي ؟؟؟

ويوم جانا بيبول سوفت صارت البنت تقدر تسجل صيفي وهي انتساب ..؟؟

كليتنا الموقره اول مارحت لهم استفسر ودخلت عليها تضحك باقوى ماعندها تقول لي من جدك تبين صيفي وانتي انتساب

قلت لها استاذه لان احنا نظام جديد واكيد فيه قرارات جديده ولوائح

ردت هي علي وكانها تسكتني تقول اطلعي يابنتي ماعندك اي احقيه تاخذين طلب زايرر

تتوقعون رضخت لها او صدقتها

سحبت عليهم ورحت وكلمت العماده نفسها وصديقتي خلت ابوها يروح وقالو له بالحرف الواحد

بنتك انتساب او انتظام ماله علاقه اذا النظام قبلها كان بها واذا ماقبلها خلاص فيه اكتفاء

ورحت واخذت صيفي ونجحت وحتى الدكتوره خلتني اختبر شهري وقالت احتياط لكم لو ماحليتو زين في النهائي اخذ من الشهري

دايم يحقرون من شان الانتساب وهي مايقل خوفها وحرصها عن بنت الانتظام وهذا وان ماكانت احرص

الكل يفكر ان طالبه الانتساب دخلت كذا برضاها ورغبتها ليه يعني تتوقعون يهون علينا وثائقنا انتساب

والارزاق عن ربي ماختلف بس نجي نمسكها من جانب ثاني هي انتساب وتختبر من 100 عطونا ع الاقل اختبار من 10 نسوي بحث من 5 راضين بس اقلها البنت تدخل مرتاحه تتذكر عندها 10 درجات في صالحهاا

وانا عن نفسي خلاص جتن مناعه صرت مااخاف من 100 ابدااا اذاكر واتعب واتوكل على الله واللي مكتوب باخذه غصب عني
mooc
2011- 10- 15, 07:33 PM
لمتى بنقعد على هالحاله مهضوووم حقنا :017:
زين الكون
2011- 10- 15, 08:21 PM
لمتى بنقعد على هالحاله مهضوووم حقنا :017:

معليش ياقلبي لعل الله يحدث بعد ذلك امرا

وسعي صدرك والارزاق عند ربي محفوظه وباذن الله بتتسهل هم يفكرون انتساب

واحنا باذن الله بننجح ونتخرج ونتوظف ربي كريم وربي خزاينه ممتليه

ورحمته واسعه وباذن الله لنا رزق مادرينا عنه
ابذلو الاسباب
ذاكرو واتعبو

توكلو على اللي عينه ماتنام

ادعو بكل سجده اللهم ارزقني رزق ماحسبت له حساب في الدنيا والاخره

مو بس الدنيا لا ادعو بعد للاخره

كثرو من الدعوه بوقت السجود وبتشوفون ان شاء الله

ياما من انتساب وربي وفقها واخذت ماجستير وياما من انتظام وقعدت في البيت

لاتحقرون نفوسكم بنات انتو قويات انتو مجتهدات انتو احسن مما انتو تظنون

يشهد الله وحده اكتب لكم ودمعتي على خدي

انا كنت انتظام سنتين من عمري واعرف كل شي انا تخرجي تاخر ومااخجل اقولها وراضيه والحمدلله


بنات تقدرون وانتو قدها وقدود اسعوو ويد الله مع الجماعه ساعدو بعض ساعدو خواتكم المنتسبات

يابنات والله حتى قطوتكم اللي في البيت ارزقوها عطوها بقايا اللحم والدجاج

وشوفو ربي كيف بيوفقكم ويسهل عليكم

والله انا دايم اعطي القطو في بيتنا

ودايم اقول لنفسي وانا اعطيهاااا

جعل اللي عطاك وانتي ماتدرين انه بيجيك شي يعطيني وانا مادري ان بيجيني شي

ودايم ادعي اقول يارب ادفع البلا عني

تصدقوو يابنات وادعووو ربي يسهل عليكم


ولاتستهينون في الاطعام ترا ماندري عن اي عمل صغير يدخلنا الجنه


يابنات بتنجحون

يابنات ربي بيوفقكم

فقط احسنو الظن بالله

فقط احسنو الظن بالله
الانسة ذكية
2011- 10- 15, 09:34 PM
باذن الله فيه اختبارات شهريه للالنتساب انا سائلتهم قالو ايه
ام محمدد
2011- 10- 15, 11:39 PM
اذا سمعت عن اي ماده فيها امتحان شهري او بحث كتبوا هنا
اللغةالعربية
2011- 10- 15, 11:57 PM
يبدوا يبغون يتخلصوا منا خلونا نسجل كل المواد اللي علينا حتى مواد الترم الثاني

ربي يسر وننجح وما ناخذ f :mh12:
زين الكون
2011- 10- 16, 02:18 AM
بنات حبايب قلبي زي ماتعرفون ان كليتكم وكليتنا نفس الكتب

ونفس موادكم

حبيت اقول لكم لو تبون اسئله قديمه اصول فقه وحديث وفقه وتفسير وحاضر االعالم الاسلامي
من عيوني ابخدمكم لاني اعرف معناتكم وانتو انتساب

بس اجيب لكم اسماء الكتب ومؤلفينها ويارب تطلع نفسها

وحاليا التفسير حقنا سوره الحج والنور



طبعا فقه اللي ادرسه كتاب الروض المربع للبهوتي ومنهجي هو

حد الزنى والقذف والمسكر والسرقه والتعزير وقطاع الطرق والمرتد

كتاب الاطعمه
القضاء

الشهادات

الاقرار

كتاب سياسه التعليم ونظامه للدكتور عبدالله بن عقيل العقيل

كتاب حاضر االعالم الاسلامي ل تاج السر احمد حران الطبعه الرابعه

كتاب اصول فقه ل المؤلف ابراهيم نورين ابراهيم ومنهجي هو

المصلحه المرسله
الاستحسان
شرع من قبلنا
قول الصحابي
العرف
الاستصحاب
سذ الذرائع

الفصل الثاني التعارض والترجيح

الفصل الثالث النسخ


هذا حاليا اللي موجود عندي ولوطلع نفسه قولو لي عشان اساعدكم يشهد الله مانبي غير الاجر والدعاء فقط

لو اعجبكم شي من مجهودي قولو ماشاء الله تبارك الله ولو صادف احسنت واصبت فهو من الله وان اسئت فهو مني

موفقين يارب
هيوفه
2011- 10- 16, 03:44 AM
زين الكون يعطيك العافيه بسالك كيف قدرتي تدرسين نظام زائر
لازم نروح عند الرجال الله يسعدك ردي علي
زين الكون
2011- 10- 16, 03:50 AM
هلافديتك ياقلبي شلونك عساك بخيررر

انا ماخذت طلب زائر يوم درست صيفي لان النظام كان متعطل فقالو لنا روحو سجلو عند الكليه اللي بتاخذو فيها الصيفي وهي بدورها ترفع الاسماء لكليتكم وترفعها للعماده برضووو

انا ابو صديقتي راح للعماده يسالهم عن التحاق طالبات الانتساب بالصيفي والحمدلله قبلونا

وكنا 5 بنات واكتفت الشعبه وصلنا 120 طالبه

بس من ضمنهم 5 بنات انتساب واحنا اول دفعه والتجربه فينا

مرمطونا تمرمط وفي البدايه كليتنا حقت نعيريه رفضت هذا الشي بحكم انو انتو طالبات انتساب ومين قالكم ومين اعطاكم الاحقيه

ويوم رفعتا شكوى للعماده ماكان للنعيريه اي ردع فعل سوا الرضوخ للامر الواقع وبلعوها غصب عنهم

الحين دام انتو انتساب ترا لكم احقيه تاخذون صيفي ولاحد يلعب عليكم

يابنات والله انا وصديقاتي اخذنهااا

وربي معكم

اي سؤال فديتك انا حاضره ياقلبي
ام محمدد
2011- 10- 21, 06:55 PM
في احد اخد التوصيف؟
الصمت الحنون
2011- 10- 21, 08:53 PM
بكره رايحه اشوف اذا نزل التوصيف او لا؟؟؟
غلاروحي
2011- 10- 22, 07:35 AM
بنات تكفون لانزل التوصيف بلغونا

:icon9:
أرض و وطن
2011- 10- 22, 04:52 PM
بنات يقولوا التوصيف مانزل بس المحاضرات بدت من اليوم
فبكرة رايحين نشوف
ام محمدد
2011- 10- 22, 05:22 PM
اللقاء بعد العيد
والتوصيف مانزل
هيوفه
2011- 10- 23, 02:59 AM
مشكورة فديتك الله يعطيك العافية
ام محمدد
2011- 10- 23, 05:10 AM
العفو
الله يعافيك يارب