الفيزياء امآنه سآعدوني .. ابي حل لمسألة الفيزياء .. ضروووووووووووووري ..! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : الفيزياء امآنه سآعدوني .. ابي حل لمسألة الفيزياء .. ضروووووووووووووري ..!

هوآهآ خليجي

2011- 10- 14, 10:49 PM

السلام عليكم ..

امآآنه سآآعدووني .. ابي حل لمسألة الفيزياء ..

ياليييييييت تسآعدووني ...

ضروووري بلييييييييييييز :Cry111:

هذي هي المسأله ..

هوآهآ خليجي

2011- 10- 14, 11:13 PM

شدعوه محد يعرف يحلهآ ..:icon9:

طيب واللي تخصصه فيزياء مآيعرف لهآ ..!:bawling:

عناد الصمت

2011- 10- 15, 12:45 AM

مممم

بقولك فكرة الحل بس لأني ناسيه القوانين وهالشغول

بس فيها أنك تحلليين

القوى

وهنا فيه اكثر من قوه وحده ع اليمين وع اليسار وقوة الجاذبيه الارضيه

هذا والله أعلم

بالتوفيق حياتي =)

هوآهآ خليجي

2011- 10- 15, 11:36 PM

مشكووره يالغلآ .. :love080: :106:

بس محد يقدر يحلهآ ؟.

فيزيائية طموحة

2011- 10- 16, 12:43 AM

وعليكم السلام ورحمة الله وبركاته

بكرة إن شاء الله أشوفها لك وزي ماقالت الأخت عناد الصمت :love080:فيها تحليل قوى

موفقة بإذن الله :106::106:

هوآهآ خليجي

2011- 10- 16, 09:34 PM

تيب يآلغلآ ,,

ويوفقك يآآرب ’’ :love080:

انتظرك ^_^

فيزيائية طموحة

2011- 10- 16, 10:09 PM

فكرة الحل في المرفقات

وإذا فيه شي مافهمتيه قولي :oao:

هوآهآ خليجي

2011- 10- 16, 10:44 PM

فيزيائية طموحة

2011- 10- 16, 11:42 PM

:d5:السلام عليكم أختي بصراحة تشكري لهذا الاهتمام وفقك الله وجعله في ميزان الحسنات .. سؤالي لك كيف نجيب محصلة القوى الصادية إذا ممكن توضحين في اقرب وقت مشكوووووووورة .. لأن احنا بصراحة ما فهمنا من معيدتنا ولا شي و الكتاب مو موضح ؟؟؟

وعليكم السلام ورحمة الله وبركاته

لاشكر على واجب ولك بمثل دعواتك :106::love080:

بعد ماحللنا القوى صار عندنا مركبتين سينية وصادية ، السينة انلغت والصادية لها قيمة

تجمعين كل المركبات اللي بالإتجاه الصادي الموجب والسالب وحتى قوة الجاذبية الأرضية اللي على تحت طبعا هاذي ماتتحلل مالها الا مركبة وحدة صادية باتجاه المحور الصادي السالب مع مراعاة الإشارات

وبالنسبة للقوتين FT3 و FT4 مركباتهم الصادية صحيح انهم مو على المحور الصادي المار بالثقل بس أنا أهملت المسافة اللي بين العقدتين اللي فوق لأن المحصلة تساوي صفر بينهم فاعتبرت انهم على نفس المحور المار بالثقل <<< إن شاء الله يكون كلامي صح وإذا طلع غلط يكفي شرف المحاولة :(204):

Fy = FT1 sin60 +FT2 sin 60 +FT3 sin20 +FT4 sin 20 - Fg

هنا لأن الثقل مشدود لأعلى اعتبرنا اشارة الجاذبية سالبة لأنها عكس اتجاه القوة المبذولة

Fy = 600 * sin60 +600 * sin 60 +600 * sin20 +600 * sin 20 - 600

وطلعي الناتج :(204):

واضح الحين ؟

مين المعيدة اللي تدرسكم ؟ :g2:

هوآهآ خليجي

2011- 10- 17, 12:30 AM

فيزيائية طموحة

2011- 10- 17, 01:21 AM

المعيدة مادرستني من قبل

اكتشفت غلط عندي المفروض ماأعوض عن كل قوة ب 600 :mh318:

وأجل طلع تفكيري على اف تي 5 بعد غلط

بس من ناحية تحليل القوى كله صحيح

شكلها السالفة فيها حل معادلات زي اللي كنا نسويه في الثانوي بحاول بكرة إن شاء الله أجرب هالطريقة :(204):

تصبحين على خير :24_asmilies-com:

هوآهآ خليجي

2011- 10- 17, 01:41 AM

:sdfgdsf: وانتين من أهله غناتي .. عطاش الله العافية . المسألة عليها 5 درجات!!!! امتحان منزلي .. وكانت تبغى الحل السبت وطلبوا البنات منها تأجيله لبعد بكرة .. الثلاثاء .. أتمنى تتوصلين لحلها .. :Cry111:

فيزيائية طموحة

2011- 10- 17, 04:46 PM

:mh12:واضح أختي مشكورة .. بس اللي مدوخنا هيه عاطتنا نتائج المسألة لكل قوة ما استثنت ولا قوة الا القوى المتساوية وضعت لهم نفس القيمة حتى ما الغتهم !!! والحين جربت اللي تقوليه ما طلع نفس النواتج ؟؟؟
النواتج :
FT1= FT2=34.41N
FT3=FT4=877.14N
FT5= 651.03N
Fg = 9.8 ????? ليش -600 معلومة غريبة عليي
المعيدة نورية

العفو لاشكر على واجب :106:

Fg هي نفسها قوة الجاذبية واللت تساوي وزن الجسم = كتلته * تسارع الجاذبية تعتمد على كتلة الجسم

تسارع الجاذبية الأرضية g = 9.8 مو القوة (الوزن)

نجي لحل المسألة حاولت بالطريقة الثانية ووصلت لنواتج اربع قوى باقي وحدة بشوف ايش مشكلتها :d5:

هي طالبة في السؤال أصلا القوى عند كل عقدة بس التناحة وماتسوي :biggrin:

بالنسبة للعقدة اللي تحت : نشوف القوى اللي تأثر عليها وطلعت FT1,FT2,Fg1 نحلل القوى ونطبق قانون الإتزان على المركبات اللي هو مجموع القوى يساوي الصفر لأن العقدة ماتتحرك أو أقدر اقول اني أطبق قان نيوتن الثالث على المركبات

محصلة القوى السينية :

FT1 cos60 - FT2 cos60 = 0
FT1 cos60 = FT2 cos60
FT1 = FT2

محصلة القوى الصادية :

FT1sin60 + FT2 sin60 - Fg1 = 0
FT1sin60 + FT2 sin60 - 600 = 0
FT1sin60 + FT2 sin60 = 600
FT1 = FT2
FT1sin60 + FT1 sin60 = 600
2FT1sin60 = 600
FT1 = 600/2sin60
346.418N =
FT1 = FT2=346.418N

بالنسبة للعقدة اللي فوق على اليمين : القوى اللي تأثر عليها FT3,FT5,Fg2

محصلة القوى السينية :

FT3 cos20 - FT5 = 0
FT3 cos20 = FT5 ...... 1

محصلة القوى الصادية :

FT3 sin20 - Fg2 =0
FT3 sin20 - 300 =0
(حطيت 300 لأن القوة 600 على العقدة اللي تحت توزعت على العقدتين اللي فوق والمفروض حتى في الرسم أرسم سهم إلى الأسفل في كل عقدة يدل على اتجاه الجاذبية )
FT3 sin20 = 300
FT3 = 300/sin20
877.14N =
ونعوض في المعادلة 1 لإيجاد FT5
FT5= FT3cos20
FT5= 877.14 cos20
FT5= 824.24N <<< مايطلع معاي نفس الناتج اللي كتبتيه يوجد خطأ ما في هذه القوة :(107):

بالنسبة للعقدة اللي فوق على اليمين : القوى اللي تأثر عليها FT4,FT5,Fg3 حيث Fg2=Fg3

محصلة القوى السينية :

FT4 cos20 - FT5 = 0
FT4 cos20 = FT5

محصلة القوى الصادية :

FT4 sin20 - Fg2 =0
FT4 sin20 - 300 =0
FT4 sin20 = 300
FT4 = 300/sin20
877.14N =

FT3 = FT4=877.14N

وكان الله غفورا رحيما

الحين باقي لنا FT5 ماتضبط معانا مع ان FT4 تطلع صح لو حسبناها من FT4 cos20 = FT5

عوضت عن FT5 بالناتج اللي طلع لي وطلعت لي قيمة FT4 صحيحة :(107):

تأكدي من الناتج اللي عطتكم اياه المعيدة وشوفي نقلتيه صح أو لا :119:

وإن شاء الله تجيبين العلامة الكاملة :love080::106:

هوآهآ خليجي

2011- 10- 17, 07:46 PM

السلام عليكم
مساء الانوار
سؤال : في العلاقة 1 الخطوة التي تسبقها ليش نطرح ال اف تي فايف :g2:
للتأكيد FT5 = 651.03N:(107):
:oao: انتظرش ** أدري تعبتش ويايي

فيزيائية طموحة

2011- 10- 17, 09:04 PM

وعليكم السلام ورحمة الله وبركاته

مساء الخيرات :106:

لأن المركبة السينية للقوة FT3 مساوية في المقدار للقوة FT5 ومعاكسة لها في الإتجاه بدليل ان العقدة لا تتحرك إلى أي اتجاه

دام انك متأكدة من الناتج أكيد فيه شي غلط يخص FT5 بحاول فيه أكثر وإذا ماوصلنا لنتيجة خلاص أهم شي انك حاولتي والحمد لله طلعنا أربع قوى :(204):

وانتي بعد شوفيها يمكن تقدرين تكتشفين الخطأ انتي قدها وقدود :(204):

لا يأس مع الفيزياء ولافيزياء مع اليأس :love080:

soosoooo

2011- 10- 17, 09:53 PM

هوآهآ خليجي

2011- 10- 17, 11:05 PM

:d5:

اي قدها وقدود انا من دخلت الكلية يئست من الفيزياء الله يستر .. تشرح تشرح واحنا ما نفهم شي واللي يزيد الطين بلة هيه للنظري وهيه للتمارين واغلب البنات ما حلوها ترى كانت تبغاها االسبت بس ماحد حلها واللي حلوا مو متأكدات ف اضطرت اتأخرها لبكرة .. الفضل في الاربع قوى يرجع الش اختي ما اعرف كيف اشكرش بصراحة .. بذلتين جهد كبير الله يوفقش يا رب ويحقق لش طموحش يا فيزيائية طموحة .. على فكرة انا مسمية ليي لقب فيزيكس ماي انمي ..؟!
ان شاء الله أصير أحبه واغير هاللقب ..:mh318:

:love080:

فيزيائية طموحة

2011- 10- 18, 10:16 PM

ليش لأ بعدين مو من مادة وحدة يبين فإنتي إذا كنتي تحبين الفيزياء كمادة بغض النظر عن اللي تدرسه معناته مابيكون عدوك بالعكس بيكون صديقك الصدوق:love080:
ولاتفكرين تحطين اللقب لأن يأثر عليك لاسمح الله دايما خلي تفكيرك إيجابي :(204):

الفضل لله الذي ساعدني للوصول إلى النتائج أما أنا فلا أستطيع فعل شيء دون توفيق من ربي سبحانه وتعالى

ولك بمثل دعواتك وأضعافها إن شاء الله

الله يوفقك وييسر أمورك ويسهل عليك كل عسير :106::love080:

هوآهآ خليجي

2011- 10- 18, 11:24 PM

فيزيائية طموحة

2011- 10- 19, 03:04 PM

هلا تدرين :: الاستاذة تقول الحل خطأ .. تقول فكرة تصنيف القوة 600 ل 300 عند اف تي 3 خطأ
قلت ليها النواتج صح قالت حتى ولو !!!! عشان كدة تطلع اف تي فايف خطأ تخمن طبعا يعني ما اطلعت على الحل بصورة مفصلة ..:Cry111:

لا إله إلا الله

طيب ماعطتك درجات على المحاولة !!! :g2:

وبعدين مايصير كذا تقول لكم حلوا السؤال وهي ماشافت طريقة حله لازم تقنعكم بالحل الصحيح والشي الغريب حتى الفواصل طلعت عندنا صحيحة :000:

روحوا لها مرة ثانية وقولوا لها تحل السؤال معاكم بالتفصيل

الله يسامحها ويهديها

كان ودي أساعدك أكثر بس هذا اللي قدرت أوصل له مامر سؤال زي كذا فيه ثلاث عقد دايما نشتغل على عقدة وحدة فأنا اللي كنا نسويه على العقدة سويته على الباقي

الله يعوضك خير إن شاء الله في الإمتحانات الجاية :106::106:

أهم شي لاتيأسين :oao:

هوآهآ خليجي

2011- 10- 19, 03:36 PM

أهلا أختي شحالج ؟ .. عطتنا محاولة للسبت القادم
وقالت ان حلي لو انها صححته ما باخذ كامل - طبعا هوه امتحان يعني ما بتجاوب ع المسألة الا بعد ما تستلم جميع الحلول من الطالبات - فهيه رافضة فكرة تنصيف القوة تقول ما مر عليها بالفيزياء مثل هالحل ..قلت يمكن سبحان الله الواحد مو معصوم عن الخطأ بس يعني الفكرة معقولة غريب انها اتقول خطأ ؟؟ بيني وبينش العقد مو في المسألة المسألة بنفسها عقده هذا السر
الله يهدينا ويا هالمعيدة على الطاعة ..
على كل أنا عارفة اني تعبتج معي .. أعتذر منش ومشكوووورة كثير ما قصرتين .. وإذاا احتجتين شي احنا بالخدمة
:106:بالتوفيق :106:

soosoooo

2011- 10- 20, 12:42 AM

اتوقع والله اعلم ان القوتانft1,ft2تحلل الى مركبتيها عن العقدتين على اليمين واليسار ولا داعي لمركبات الوزن التي وضعت عند العقدتين اليمين واليسار اما الحل عند العقده السفليه فالله اعلم انه صحيح

فيزيائيه حلك اتوقع صح ماعدا توزيع الوزن واتبعي الكلاام الي فوق:(204): ويارب يطلع معكم الحل:d5:

فيزيائية طموحة

2011- 10- 20, 01:37 PM

جزاك الله خير وفرج الله عنك ياسوسو والحمد لله وصلت للناتج :mh001:

url=http://hazemsakeek.com/up/download.php?img=2899]http://hazemsakeek.com/up/download.php?img=2899[/url]

تحليل FT1 باللون العنابي
تحليل FT2 باللون الأصفر
تحليل FT3 باللون الأزرق
تحليل FT4 باللون الأخضر
FT5 بالأسود
Fg بالبرتقالي

أولا : العقدة التي بالأسفل :

القوى المؤثرة عليها : FT1,FT2,Fg1

محصلة القوى السينية :

FT1 cos60 - FT2 cos60 = 0
FT1 cos60 = FT2 cos60
FT1 = FT2

محصلة القوى الصادية :

FT1sin60 + FT2 sin60 - Fg1 = 0
FT1sin60 + FT2 sin60 - 600 = 0
FT1sin60 + FT2 sin60 = 600
FT1 = FT2
FT1sin60 + FT1 sin60 = 600
2FT1sin60 = 600
FT1 = 600/2sin60
346.418N =
FT1 = FT2=346.418N

ثانيا : العقدة التي على اليمين :

القوى المؤثرة عليها :FT1,FT3,FT5

محصلة القوى السينية :

FT3 cos20 - FT1 cos60- FT5 = 0 ......1

محصلة القوى الصادية :

FT3 sin20 - FT1 sin60 =0
FT3 sin20 = FT1 sin60
FT3 = FT1 sin60/sin20
FT3 = 346.418 sin60/sin20 = 877.16N

بالتعويض عن قيمة FT1,FT3 في المعادلة 1 لإيجاد FT5
FT3 cos20 - FT1 cos60- FT5 = 0
FT5 = FT3 cos20 - FT1 cos60
FT5 = 877.16 cos20 - 346.418 cos60 = 651.05N

ثالثا : العقدة التي على اليسار :

القوى المؤثرة عليها : FT2,FT4,FT5

محصلة القوى السينية :

FT2 cos60 + FT5 - FT4 cos20 = 0

محصلة القوى الصادية :

FT4 sin20 - FT2 sin60 = 0
FT4 = FT2 sin60/sin20
FT4 = 346.418 sin60/sin20 = 877.16N

FT3 = FT4= 877.16N

وتقدرين تحسبينها بعد من المحصلة السينية بس من الصادية أسهل :(204):

:d5::d5::d5:

والحمد لله رب العالمين وصلنا لنفس النواتج والفواصل ماتفرق حتى لو كانت مختلفة وفعلا زي ماقالت الأخت سوسو المفروض نحلل FT1,FT2 عند باقي العقد لأنها تأثر عليها

وإن شاء الله هالمرة مافيه أخطاء وانحلت العقدة ولله الحمد :love080::106:

بالتوفيق إن شاء الله :love080::106:

soosoooo

2011- 10- 20, 02:21 PM

:d5::mh001::d5::mh001:

هوآهآ خليجي

2011- 10- 20, 04:49 PM

كللللللللللللللللللللللللللللللللللللللللللللللللل لللللللوش
مشكووووووووورين سوسو - فيزيائية طموحة .. بصراحة كلمة الشكر قليلة بحقكم
جعل الله ذلك في ميزان الأعمال :love080:
:(269)::119:

فيزيائية طموحة

2011- 10- 20, 08:21 PM

لا شدعوة ماسوينا إلا الواجب :mh318:

وإذا احتجتي أي شي لاتترددين بالسؤال :oao:

موفقة بإذن الله :106: