تسجيل الدخول

مشاهدة النسخة كاملة : شعر جيتك ولا غيرك ذكرته بمسراي

aروحي تحبكa
2011- 10- 17, 09:32 PM
قصيدة جيتك


لاتلومني لاجيت كلي من اقصاي
مافيه غيرك لاتضايقت جيته

جيتك ولاغيرك ذكرته بمسراي
جيتك وكل انسان غيرك نسيته

جيتك وانا ماني بأنا تايه الراي
جيتك وانا مدري وش اللي بغيته

جيتك وقلبي دقته تسبق خطاي
جيتك اقول مفارقك ماقويته

ان مر يومٍ بالعمر منت وياي
اشتاق لك شوق المسافر لبيته

مثل الهوا تحتاجه الناس والماي
يحتاج لك قلبٍ هواك وهويته

دامك معي ماقصرت يوم دنياي
دامي خذيتك وش بقا ماخذيته

وانكان تنشدني بعد ليه انا جاي
ابشر بردٍ يقنعك لاقريته

جيت اعترف بالفرق يا اخر مناي
بينك وبين اللي عشانك جفيته

اني ليامن جيت لك ( همك رضاي )
واني ليامن جيت له ( مالقيته )

لاتلومني لاجيت كلي من اقصاي
مافيه غيرك لاتضايقت جيته




الشاعر > ثامر شبيب
وريف*
2011- 10- 17, 09:37 PM
أبداع ثامر شبيب :love080:

يعطيك العافيه على حسن اختيارك


:106:

http://www.youtube.com/watch?v=9MHfE98QU94&feature=player_embedded
صمتي جنون
2011- 10- 18, 07:44 PM
**
..

صح لسان شاعرها وتسلم [ يمناك ] على النقل .. :(204):
يعطيك آلف عافيه ابدعت بالاختيار



تقديري واحترامي لـــ سموك ~ :106:
بدر نت
2011- 10- 18, 10:30 PM
كلمات جميلة

الله يعطيك العافيه
aروحي تحبكa
2011- 10- 19, 06:40 PM
هلابكم شاكر مروركم

:106::106::106: