استفسار مصيري لــ الترم

[مخربها]

اسعد الله اوقاتكم بكل خير يا أيها الاحبة والجمع الكريم >>>اول مرة يمسك المايك


الموضوع باختصار لاني اكره شي اسمه مقدمة >>>خليك دوغري


الموهيم انا رجال الا الان ماسددت الرسوم وافكر جدياً ومالياً بان اعتذر عن هالترم

والسبب وقت الاختبارات مادري متى يبداء ؟؟؟

وصراحة الجامعة ذي من جد عليهم حركات غبية الجدول حملته خمسطعش مرة وكله مكتوب اليوم الاول ولافية تاريخ من جد دلاخه >>>مايدرون ان عندي شركات ومسؤؤليات وماني فاضي لهم

فاتمنى من الاعضاء الي ضبط جدوله وزبرقه مع التواريخ لـ الترم يسدحه واكون شاكر وممنون؟؟

وسوال ثاني >>> ويتكون من شقين


الشق الاول :
اذا يغيت اعتذار من قائمة الخدمات الطلابية ؟


الشق الثاني:
هل لازم اثبات رسمي والا ابربر عليهم وتنتهي المشكلة ؟؟





ومضه : الي عنده جوب يجوب والي ماعنده مايبربر يتكهن علينا من التكهنات التي لم يخلق الله بها من سلطان

ولا مانع من رفع الموضوع رفع الله قدوركم وملاليسكم

ولامانع من المشورة ماهو مجلس الشوربة الي ماستفدنا منه غير البربرة الواجدة>>>خويكم قلبه رهيف كلمة توديه وكلمة تجيبه

وش رايكم احذف او لا ؟؟

اما المشرفين ترى ماني فاضي تحذفون موضوعي واقوم ادورة بهالاسياب كاني مجنون اذا مخالف غضوء النظر
(ومدام النظر مسموح اشوفك كل يوم واروح)

[سيدة الأسئلهـ]

.




من جد مخربها هدي شوي أخونا في الله الدنيا سهالات :tongue:

الشيء الوحيد اللي متأكدة منه إن تاريخ أول يوم اختبار بالهجري = 20 / 1 / 1433 هـ

هذا بالنسبة لأول يوم.. وانت قيس على الأيام الباقية على هالتاريخ

والباقي مابي أتكهن تكهنات فأخليها لأهل الخبرة

وبما أنك طلبت مشوورة فالصراحة سبب اعتذارك جداً مو كافي !

أجل تعتذر عشانك ماتعرف وقت الاختبارات ؟

هذا انت عرفت عسى غيرت رأيك :tongue:


موفق..



.

[هبوب نجد]

up :106:

[NOW OR NEVER]

صدق انت مخربها :biggrin:


بس يا طويل العمر انا اعرف واحد سجل مواد ثم اعتذر وما سدد الفصل اللي راح

يوم جا يرجع الفصل هذا قالوا له انت عليك رسوم مواد ما سددتها من قبل لازم تدفعها

طبعا هو يدور السبايب ويبي يطلع من الجامعة

سحب عليهم


شوري عليك لا تنسحب وجدول الاختبارات سهل انك تطلعه

واكيد بتلقاه في اي موضوع

عطني موادك وانا ادور لك جدولك

واي استفسار انا والموجودين راح نفيدك


وبالتوفيق

[NOW OR NEVER]

اليوم الاول الخميس 20 محرم

الموافق 15 ديسمبر

[الكاسر2020]

http://www.ckfu.org/vb/t215309.html

[مخربها]

يلبى قلوبكم والله دانتم تووحفه المنتدى


لكن ياسيدتي تاجيل لان الوقت الي فيه الاختبارات راح اكون مشغول خبرك راعي شركات


NOW OR NEVER (http://www.ckfu.org/vb/u45467.html)


الله لايهينك حبيبي قسم بالله اني مادري وش المواد


بس ابي انقز للخدمات الطلابية واكون لك من الشاكرين

:mad::mad::mad:

[مخربها]

يا شباب انا وشلون اعرف موادي اي قسم ماستهبل مالقيت شي بالخدمات الطلابية ولا بالبانر:mad::mad::mad::mad::mad:

[مخربها]

اي قسم اني مو بصاحي


حصلتها بالبلاك بورد

اساسيات المحاسبة الادارية

ادارة مالية

الاحصاء في الادارة

تقنية المعلومات

نظم المعلومات


لايهمك شفت على هالدجة ترى فية معدل يرفع الراس :d5:
اذكرو الله

[كان في مكان]

أول يوم اختبار بالهجري = 20 / 1 / 1433 هـ
بالتوفيق:oao:

[مخربها]

شاكر لكم

انا خايف اني ااجل وبعدين والله مااكمل اعرف روحي واخذت بشوركم وهدايت الله ابي اضغط على عمري

بس فية مشكلة

انا منزل 5 مواد اي 15 ساعة والرسوم 2495 >>>هذا بداية التسجيل شفتها

يعني المجموع 15 ساعة ولكن حصلت بالبلاك بورد ست مواد والخدمات الطلابية 17 ساعة الحالة فعال

وحتى لما دخلت على التسديد حصلت المبلغ 2495 >>>وسددتها

يعني فية مادة ابو ساعتين معطينيها مجاناً والا وش السالفة؟؟؟
احد مرت عليه هالمشكلة وش الحل ؟؟؟

[هبوب نجد]

وش المواد اللي عندك بالبلاك بورد ؟





اذا على الخدمات الطلابيه خانة الاستعلام عن وضع الطالب عادي لاتشيل همها انا مسجله 18 ساعه هالترم ولسا مكتوب 17 ساعه من الترم اللي راح والرسوم طبعا سددت حق 18 ساعه

اما اذا كانو منزلين لك ماده زياده بالبلاك بورد عاد هذا شي ثاني :g2: