المساعد الشخصي الرقمي

مشاهدة النسخة كاملة : الأخ القائد وطني الجبيل..تعال هنا

صالح علي
2011- 10- 23, 10:52 AM
صبحكم الله بالخير
تذكرون أن الأخ القائد (وطني الجبيل) في بيانه الخامس اللي طرحه قبل فتره كان يشرح فيه طريقة المشاركه في مواضيع النقاش وكيف ترد وتحسب لك درجة المشاركه واستفدنا منه كثير جزاه الله خير وكان هذا مع المواد السابقه مبادي القانون والمحاسبه.
رابط شرح طريقة المشاركه في مواضيع النقاش للأخ القائد
http://www.ckfu.org/vb/t232701.html (http://www.ckfu.org/vb/t232701.html)

لكن بالنسبه لمواضيع النقاش في مادة الاداره والاعمال مكان مواضيع النقاش مهوب مثل المواد السابقه كأن الدكتور منزلها كـ سلسة رسائل .. فكيف نشارك ونضمن أن طريقة المشاركه صحيحه وانحسبت لنا الدرجه؟؟
صالح علي
2011- 10- 23, 10:57 AM
وهم بعد مادة الاقتصاد الجزئي مثل مادة الاداره والاعمال كيف نضمن أن طريقة المشاركه صحيحه وانحسبت الدرجه؟؟؟؟؟
2030
2011- 10- 23, 11:18 AM
..اللي أنا أعـرفه أن فيه قضايا النقاش مع اجوبتها حقت العام في المواضيع المثبته اللي فوق وهي نفس

اسئلة قضايا النقاش حقتنا .....يعني السالفه كلها نسخ ولصق ....وهي عبارة عن سؤال واجابته ..وانا اقول

ليش نشك في عدم انحساب الدرجه ...مدام الأجابه صحيحه ومضمونه ,,,؟؟؟؟ :(107):
ابوخالد2011
2011- 10- 23, 11:22 AM
ومنهو هالدكتور اللي بينسدح على جنب ويرز خشته ع الشاشه

ويفضي نفسه خميس وجمعه ويترك عياله

علشان يدخل على نقاش نقاش لكل الطلاب والطالبات :biggrin:

الااااف الطلاب والطالبات .. :biggrin:
هذا شغل كمبيوتر يعني الدكتور ماله لا حول ولا قوة بالموضوع

اهم شي ما تكتب ( شكرا . يعطيك العافيه ...الخ ) << يعني التسليكات هذي
وطني الجبيل
2011- 10- 23, 11:27 AM
ياخوك وش هالاسم شبهتني بالقذافي

اخوي صالح انا ماني الا اصغر اخوانكم هنا وان سويت شي

فهو لاخواني و اخواتي الكبار اللي يستاهلون اكثر من كذا

بالنسبة لسؤالك والله انا حاليا اجاوبك عن طريق الجوال ولا اقدر

اعطيك الاجابة الصحيحه ، بس ابشر لو تأكدت من الاجابه على

سؤالك راح ابلغك بشرح مفصل .. ولي عوده بإذن الله

والاخوان اللي عندهم اجابه اكيده ابد يمونون علي ويجاوبون

كلنا لبعض الاهم نطلع بنتيجه وفايده

بالتوفيق للجميع :106:
صالح علي
2011- 10- 23, 11:38 AM
حبايب ألبي 2030 و ابوخالد2011 أنا ماقصدت مضمون الاجابه أدري إن الدكتور صعب عليه يقرا كل اجابات المشاركين وإن المسأله نظام وآليه تحسب لك الدرجه بمجرد مشاركتك ولكن استفساري كان عن طريقة المشاركه بشكل صحيح بحيث يحسب النظام الدرجه ولو رجعتم لموضوع الأخ القائد وطني الجبيل بتفهمون مقصدي
صالح علي
2011- 10- 23, 11:45 AM
هههههههههه
اذا القذافي شوه كلمة الأخ القائد فإنت راح ترد لها قيمتها ومعناها الحقيقي :53:

تسلم يالغالي في انتظار توضيح منك متى ماصار لك فرصه
New LiFe
2011- 10- 23, 11:47 AM
المشكلة بمواضيع النقاش تبع الادارة ان الدكتور حاط ملاحظة انه لايجوز انشاء سلسة رسائل ، وبعض الشباب هنا بالمنتدى مجتهدين ويقولون طريقة الاجابة على موضوع النقاش انك تضغط على ايقونة انشاء سلسلة رسائل وتضع الاجابة فيه !!!! .. ودي نتأكد من الطريقة الصحيحة

والأغرب ان الدكتور خالف كلامه اللي قاله !!
ببداية الترم فاتح قسم خاص بتنزل فيه مواضيع المناقشات
ويروح ينزل مواضيع المناقشة ( كأقسام ) .. وبما أنه فاتحه على شكل قسم
فطبيعي مانقدر نسوي رد على قسم !! .. لذلك الشباب داخلين على القسم اللي بإسم
المناقشة ويفتحون مواضيع للاجابة وانواع اللخبطة !!!!!

لازم الدكتور بشكل عاجل يصلح غلطه وينزل مواضيع المناقشة في قسمها الصحيح
حتى نقدر نسوي لها رد
ǺĽ ẕeeห
2011- 10- 23, 12:22 PM
طيب وين المشكله بكذآ ؟

هم طريقتين للمشاركه

وحده تكون كرد

والثانيه كـ سلسله رسائل "

الأخ الكريم / وطني الجبيل

ماغلط بشي لان الطريقه الي ذكرها هي الشائعه بين المواد بالوضع الراهن وخي الطريقه الي كانت بأول ماده حليتو مناقشتها "

والطريقه الثانيه هي طريقتنا احنا الترم الي فات

مو كل المواد تحمل نفس الطريقه ولو كان الأخ وطني الجبيل عارف بـ هالشي كان وضحه وم سكت عنه

( ان الله تجاوز عن امتي الخطأ والنسيان )

عادي نخطأ او ننسى كلنا بشر محد معصوم "" :love080:

جزاه الله خير انه شرح لكم طريقه المشاركه "" ولو نسآ شي علموه بطريقه افضل من كذا

جزاكم الله خير

ملاحظه """

اي عضو او عضوه يكتب موضوع ي ليت م يذكر اسم العضوو الي هو يحتاجه

مثال "

دفئ المشاعر الرجاء المساعده

لاكوست تعال هنا بسرعه الله لا يهينك

ووو ... الخ

في شي اسمه - رسائل خاصه & رسائل زوار & تقيم

تفاهمو مع بعض خلف الكواليس :biggrin: بدون م ندري عن شي :: منعآآ للأحراج في اغلب الأحيان "

اوك ؟؟

موفقين ي رب "
ǺĽ ẕeeห
2011- 10- 23, 12:23 PM
ارتاحوووووووو

كلا الطريقتين صحيحه

سواء رد او انشاء سلسله رسايل ""
New LiFe
2011- 10- 23, 12:34 PM
طيب يامشرفتنا ليش الدكاترة يكتبون ملاحظة ( لا يجوز انشاء سلسلة رسائل ، فقط الرد على الموضوع المطروح من قبلي ) دام طريقة انشاء سلسة الرسائل صحيحه؟
mona-a
2011- 10- 23, 01:38 PM
المشكله انه في بعض المواد مافي مجال لانشاء سلسلة رسائل جديده

مدري البنات كيف حاطين مشاركاتهم
ǺĽ ẕeeห
2011- 10- 23, 11:59 PM
طيب يامشرفتنا ليش الدكاترة يكتبون ملاحظة ( لا يجوز انشاء سلسلة رسائل ، فقط الرد على الموضوع المطروح من قبلي ) دام طريقة انشاء سلسة الرسائل صحيحه؟

ي خيو "

هم طريقتين الي مافيهم رد سو لهم انشاء سلسله رسائل والي يصير لهم رد علة نفس الموضوع هنا سو لها رد

الدكتور الي يقول لا يجوز اسمعو كلامه وسوو - رد - فقط

والي م قال وسؤاله يسمح بـ انشاء السلسه انشؤها "

المشكله انه في بعض المواد مافي مجال لانشاء سلسلة رسائل جديده

مدري البنات كيف حاطين مشاركاتهم

دام مافي مجال يعني سويها كـ رد
مـ ع ـاند جروحه
2011- 10- 24, 12:04 AM
كفايه وجع راس . ناس تقول استنى ناس تقول سوي .. :sdfgdsf:
..
اتفق العرب على ان لا يتفقو > مقوله صحيحه :hahahahahah: