للدوافير.. والدوافير.. فقط..!! ( محاسبة تكاليف )

[هبوب نجد]

السلام عليكم ورحمة الله وبركاته



واسعد الله جميــــع اوقاتكم بالخير والمسرات :106::106:



طبعا الكل شايف ظغط المحاضرات بالبلاك بورد اقل من اسبوع الخامسه والسادسه والسابعه
والحين جامعتنا الله يحفظها حالفه الا تنزل للعاشره :41jg:


والله يستر بكره لاتهدينا الـ 14 كلها


طبعا اكيــد نزول المحاضرات في صالحنا بس لو اصدمتنا قبل اسبوعين ع الاقل يجزأون الصدمه شوي مو دفعه وحده وعشان نصحصح من بدري :biggrin:

<<<<<<<<<< مايعجبها شي :tongue:



المووهيم اختكم في الله توها تستوعب انه خلاص مافيه وقت :icon9:
وقررت اني احاول اخلص على الاقل عشر محاضرات من الاحصاء والاداره الماليه والمحاسبه الاداريه
هالفتره والاربع مواد الباقيه بعد العيد

وبديت بالمحاسبه طبعا لاني اعشق هالماده:love080: بس وصلت المحاضره التاسعه حسيت باحباط شديد
المحاضره صعبه بس ممكن مع التكرار اني اقدر استوعبها بس المشكله بآآخر المحاضره طريقة التوزيع التبادلي !!
تعتمد على المعادله الخطيه ( يعني رياضيات ) يعني مافي امل افهمها :bawling:

والدكتور طبعا مو ملزم انه يشرحها وقال هالشي بالمحاضره

حاولت احل المثال بالآله الحاسبه بس للاسف ماعرفت
النتيجه تطلع غير نتيجة الدكتور :000:


فيااااليت اذا فيه احد وصل هالمحاضره وعارف كيف يحلها يشرحها لنا بليز او اذا فيه طريقة حل بالاله يكون افضل
وله خااالص الدعوات قبل جزيل الشكر والعرفان




وسلامتكم :mh318:




:106::106::106:

[عقدألماس]

:(269): ما وصلت توني في المحاضرة 6:000:

[ام فجورة]

والله انك صادقه لما شفته انصدمت مثلك شكله مرررررررررره صعبه ولا فيه امل افهمها جلست عليه يوووووووم كامل!!!!!:24_asmilies-com:
شكلي ابسحب عليه :biggrin:

[ام القمر دودي]

توني مخلصة السابعة :53:

[بنت الخضير]

مابعد وصلت
لسه بالسادسه والي الان الامور بخير

[فهد~]

المادة شوي دسمة
الله يعينا

[فروحه 2011]

مابعد وصلت لها :mh318:

خوفتوني :Cry111:

[شموخي تعدآهم]

وصلت للسابعه :biggrin:

أن شاء الله بتلآقين أحد يقدر يفيدك:106:

[قايده القمر]

مافتح المحاسبه لحد الحين:bawling:


:106:

[sho sho 111]

توني بالخامسه :(269):

[كان في مكان]

:53::53:

[هبوب نجد]

:(269): ما وصلت توني في المحاضرة 6:000:



شاكره مرورك يالغلا :106:

[هبوب نجد]

والله انك صادقه لما شفته انصدمت مثلك شكله مرررررررررره صعبه ولا فيه امل افهمها جلست عليه يوووووووم كامل!!!!!:24_asmilies-com:
شكلي ابسحب عليه :biggrin:



ام فجوره :064: بسحب عليه مثلك :(269):
ماتسوى اضيع وقت عليها :53:

يسلمو ياقلبي ع المرور :106::106:

[هبوب نجد]

:106:توني مخلصة السابعة :53:

عقبال ماتخلصين كل المحاضرات وتاخذين فيها +a

اذا وصلتي للتاسعه لاتنسين تشوفين الطريقه وتعطينا رايك فيها :g2:


الف شكر على مرورك :106:

[هبوب نجد]

مابعد وصلت
لسه بالسادسه والي الان الامور بخير


الله يوفقك يارب :106: وسهالات باذن الله
اذا وصلتي للتاسعه شوفي طريقة التوزيع التبادلي :g2:


موفقه يالغلا وشاكره مرورك :106::106:

[هبوب نجد]

المادة شوي دسمة
الله يعينا




صادق والله الماده مرره دسمه الله يعينا :icon9:

موفق ياارب وفالك الـ +a

الف شكر ع المرور :106:

[هبوب نجد]

مابعد وصلت لها :mh318:

خوفتوني :Cry111:


لاتخافين ياقلبي اتوقع سهله للي يعرف رياضيات
بس انا ماحب الرياضيات ابد :sdfgdsf:

وبعدين لاتشيلين هم هي طريقه وحده بالمحاضره

بس المووهيم المحاضرات الجايه مايكون فيها معادلات :icon9:


الف شكر ع المرور :106::106:

[بــــــــــدر]

انا بقولك لي تبي بس بعد نهايت السنه مابعد بديت:biggrin::biggrin:

[هبوب نجد]

وصلت للسابعه :biggrin:

أن شاء الله بتلآقين أحد يقدر يفيدك:106:



موفقه يالغلا :106::106:

والف شكر ع مرورك وتشريفك موضوعي :106::106:

[هبوب نجد]

مافتح المحاسبه لحد الحين:bawling:


:106:



:icon9: لاتتأخرين اكثر من كذا لان الماده يبيلها استيعاب وتركييييز

الله يوفقك ياارب

ويسلمووووو نورتي الموضوع :106::106::106:

[هبوب نجد]

توني بالخامسه :(269):


عقبال ماتخلصين 14 وتاخذين فيها الفل مارك :106::106:

الف شكر ع مرورك يالغلا :106::106:

[هبوب نجد]

:53::53:



:53::53::53:

نوووورتي يالغلا :106::106:

[»றōōҜā«]

مآفتحت المآده خييييير شرر :bawling:

الله يوفق الجميع ..

:106:

[هبوب نجد]

مآفتحت المآده خييييير شرر :bawling:

الله يوفق الجميع ..

:106:



وياك ياقلبي الله يوفقك :106::106:

وحاولي تشدين الهمه شوي وابدي مابقى وقت عن الاختبارات وموادنا دسسسمه هالسمستر :icon9:



تسلمي ع المرور :106:

[crystal]

كان بودي افيدك بس توني خلصت الرابعة لان بعد مانزلوا المحاضرات العشر غيرت الخطة وقلت خليني اخلص من مادة وبعدين اروح للمادة الثانية وهكذا

[وليد العجمي]

نلتفت لها في بداية الاجازة ... والله خلينا دوافير :53:

[ابوي نبض قلبي]

وعليكم السلام ورحمة الله وبركاته


بشرح لك طريقتها :53:

للي يبي يستفيد هي بالمثال ص 91 من ملخص الاخت بزنس

بشرح طريقة المعادلة الخطية على طول بغض النظر عن المثآل كله لانه هذا اللي مافهمتيه منه


نبدأ بسم الله :cool:

الحين احنا افترضنا معادلتين صح اللي هي

الاولى /س= 250000+0.1ص

الثانية /ص= 160000+0.2س

ياإنك تآخذي اول معادلة وتعوضي بقيمة ص او انك تبدي بالمعادلة الثانية
وتعوضي بقيمة س

يعني اللي ابوصله لكي من هالكلآم انه مايأثر الترتيب

المهم بستخدم نفس ترتيب الدكتور عشآن ماتتلخبطي

اول شيء نآخذ المعادلة الثانية
اللي هي ص = 160000
ونعوض عن قيمة س بقيمتها اللي هي (250000+0.1ص)

تصير كذا

ص= 160000+0.2(250000+0.1ص )<<<هنا عوضنا بقيمة س

ص= 160000+50000+0.02ص<<<< هنا ضربنا 0.2بكل طرف من اللي بالقوس

ص= 210000+0.02ص<<< جمعنا المعاليم مع بعض

ص-0.02ص= 210000<<<ننقل المجاهيل بطرف مع مراعاة تغيير اشارتها عند النقل

0.98ص= 210000<<ناتج طرح المجاهيل والمعلوم لم يتغير

0.98ص/0.98=0.98/210000<<<نقسم على معامل ص بكلا الطرفين للتخلص منه

ص = 214285.7143

ص= 214286<<<بعد التقريب


والحين الخطوة الثانية تأخذي اي وحدة من المعادلتين اللي افترضناهم ماتفرق بيطلع نفس الحل

وتعوضي بقيمة ص بالقيمة اللي طلعناها

بآخذ المعادلة الاولى

س= 250000+0.1(214286)<<هنا عوضنا بقيمة ص

س= 250000+21428.6<<هنا ضربنا اول 0.1 بقيمة ص لانه الاولوية للضرب

س= 271428.6

س= 271429 <<بعد التقريب

.
..

س= 271429

ص= 214286


وبس كذا خلصنا شفتي كيف سهلة :tongue:


وفآلك وفآلي والجميع +a

[لووودي]

ترى سهله ما يبيلها شي
واوعدك اذا فضيت اشرح لك فى المنتدي
بس مشغول فى النظم حاليا.

[شموخ & انسان]

ترى سهله ما يبيلها شي
واوعدك اذا فضيت اشرح لك فى المنتدي
بس مشغول فى النظم حاليا.


يبارك فيك ربي ويخليك شرح رائع جداً
فالك النجاح والتوفيق بدنياك وآخرتك ...

[محمد الحسني]

طيب ممكن مساعده شرح اختبر نفسك فقط

2و3و4 في نهاية المحاضره 11

[هبوب نجد]

للجميع الف شكر ع المرور والله يجزاكم خير :106:

ابوي نبض قلبي

تسلمين ياقلبي الله يجزاك خير ويوفقك يااااارب والله يسمع منك ونجيب a+

يعجز اللسان عن شكرك يالغلا :106::106::106:



لووودي

جزاك الله خير الجزاء والف الف الف شكر على جهوودك في نظم المعلومات
لاحرمك الله الاجر

:106::106::106:

[هبوب نجد]

طيب ممكن مساعده شرح اختبر نفسك فقط

2و3و4 في نهاية المحاضره 11


للحين والله ماشفت المحاضره 11

بس وعد ان شالله اذا شفتها لي عوده

المهم مايكون فيها معادلات خطيه :064:

بالتوفيق :106::106::106:

[Picasso*]

جزاك الله خير

[اشوش الغامدي]

توني با السابعه

[ابوي نبض قلبي]

طيب ممكن مساعده شرح اختبر نفسك فقط

2و3و4 في نهاية المحاضره 11

بشرحها لك اخوي على حسب مافهمتها

والاسئلة للي يبي يستفيد ص112 +ص113لملخص الاخت بزنس

نقول بسم الله :cool:

في الفقرة الثانية اللي طالبه مننا التكاليف الصناعية خلال الفترة صح

وعندنا قانون يقول

اجمالي التكاليف الصناعية خلال الفترة = تكلفة المواد المباشرة +تكلفة الاجورالمباشرة +تكلفة صناعية غير مباشرة


نعوض على القانون بقيم كل وحدة

لاكن لاحظنا انه مو كل القيم معلومة في بعض القيم مجهولة لابد من استخراجها /

تكلفة المواد المباشرة = ؟؟ "مجهوله القيمة " يعني لازم نستخرجها

تكلفة الاجور المباشرة = 8000 "معطاه بالسؤال "

تكلفة الصناعية غير مباشرة = ؟؟"مجهولة القيمة " يعني لازم نستخرجها


نبدأ اول شيء نستخرج تكلفة المواد المباشرة حتى نقدر نعوض بالقانون الاساسي لاستخراج التكاليف الصناعية

الحين سؤالي كيف نستخرجها ؟؟

بقولك كيف لازم نسوي خطوتين صغآر حتى نوصل لها

الخطوة الاولى /

نجيب قيمة تكلفة لمواد المستخدمة

وفيه قانون لها يقول

تكلفة المواد المستخدمة = تكلفة مواد خام مشتراه خلال الفترة +مخزون اول العام - مخزون آخر العام

الحين نعوض بقيمهم من المعطيات الموجودة بالسؤال


تكلفة المواد المستخدمة = 15500 "مشتريات "+3000"مخزون اول العام "-1500"مخزون آخر العام

تكلفة المواد المستخدمة = 17000

الحين بعد ماجبنا قيمة المواد المستخدمة نبدأ بالخطوة الثانية عشان نجيب المواد المباشرة

الخطوة الثانية /

نأخذ تكلفة المواد المستخدمة "القيمة اللي استخرجناها قبل اشوي " ونطرح منها المواد غير المباشرة حتى تعطينا قيمة المواد المباشرة

نبدأ نعوض

المواد المباشرة = 17000-5500
المواد المباشرة =11500

وبكذا الحين نلاحظ انه

المواد المباشرة = 11500
الاجور المباشرة = 8000
تكلفة الصناعية غير مباشرة =؟؟ للحين مجهولة


فنستخرج الحين قيمة ت .ص.غ. م

من خلال جمع عناصرها

اللي هي مواد غير مباشرة +اجور غير مباشرة +استهلاك الآت المصنع +ايجارات المصنع +تأمين ضد الحريق على المصنع

وبس نعوض بقيمة كل وحده يصير /

ت .ص.غ.م = 5500+5000+1000+500+2000

تكلفة صناعية غير مباشرة = 14000

خلآص الحين تعرفنا على كل القيم اللي نبيها لاستخراج التكلفة الصناعية خلال الفترة

بس نعوض تعويض مباشر بكل قيمة


اجمالي التكاليف الصناعية خلال الفترة = تكلفة المواد المباشرة +تكلفة الاجورالمباشرة +تكلفة صناعية غير مباشرة

اجمالي التكاليف الصناعية خلال الفترة = 11500+8000+14000

اجمالي التكاليف الصناعية خلال الفترة = 33500 ريال

.
..الاجابة الصحيحة هي D

وبس هذا بالنسبة للفقرة 2


والفقرة 3 و 4 تراها اسهل من هالفقرة بشرحها برد ثاني عشآن يصير ارتب

[محمد الحسني]

تكلفة المواد المستخدمة = تكلفة مواد خام مشتراه خلال الفترة +مخزون اول العام +مخزون آخر العام

الحين نعوض بقيمهم من المعطيات الموجودة بالسؤال

تكلفة المواد المستخدمة = 15500 "مشتريات "+3000"مخزون اول العام "+1500"مخزون آخر العام "

تكلفة المواد المستخدمة = 17000



قصدك نطرح قيمة مخزون نهاية العام ... للتصحيح فقط ..!!


ما شاء الله عليك ... الله يسعدك يالغالي . . . و يخليك لكل عين ترجيك :d5:

[محمد الحسني]

و الفقره 3 على حسب فهمي

تكلفة الانتاج التام =

تكاليف صناعيه + مخزون الانتاج تحت التشغيل اول الفتره - مخزون الانتاج تحت التشغيل نهاية الفتره

33500 + لايوجد - لا يوجد = 33500

تكلفة البضاعه المباعه = تكلفة الانتاج التام +مخزون الانتاج التام اول الفتره - مخزون الانتاج التام اول الفتره


33500+ لا يوجد - لا يوجد = 33500

[ابوي نبض قلبي]

شرح الفقرة 3

الحين هو طآلب مننا البضاعة المباعة صح

على طول نحلهآ من قانونها اللي هو

البضاعة المباعة = التكلفة الصناعية خلال الفترة +مخزون تحت التشغيل اول الفترة -مخزون تحت التشغيل آخر الفترة +مخزون انتاج تام اول الفترة -مخزون انتاج تام آخر الفترة

البضاعة المباعة = 33500 +0-0+0-0

البضاعة المباعة = 33500ريال

يعني الاجابة d

توضيحات /

33500 <<< هي قيمة التكلفة الصناعية خلال الفترة اللي طلعناها بالسؤال اللي قبله

نلاحظ انه مخزون تحت التشغيل لاول وآخر الفترة ومخزون انتاج تام لاأول وآخر الفترة مذكور بالسؤال انه لايوجد انتاج لهم يعني بتكون قيمتهم صفر عشىآن كذا شآيف اني عوضت بقيمتهم صفر عشآن اوضحها لك انها بالاساس من القانون ولاكن لاتوجد لها قيمة هنا بهالسؤال


-----------------------------------------------------------------------------------


شرح الفقرة 4

اللي طآلبه مننا هو صافي الربح

وقانونها هو

صافي الربح = مجمل الربح -مصروفات تسويقية وادارية

نلاحظ ان مصروفات تسويقية وادارية = 1000 "معطى بالسؤال "
مجمل الربح =؟؟ "لابد من استخراجه "

نبدا نستخرج قيمة مجمل الربح حتى نتوصل للمطلوب

ونقول مجمل الربح = مبيعات - تكلفة البضاعة المباعة
مجمل الربح = 36000 "معطى من نفس السؤال" - 33500"اللي استخرجنا قيمتها بالفقرة 3"

مجمل الربح = 2500 <<ناتج طرحهم

الآن عرفنا
مجمل الربح = 2500
مصروفات تسويقية وادارية = 1000
.
.. نعوض بقيمتهم من خلال القانون

صافي الربح = مجمل الربح - مصروفات بيعية وادارية
صافي الربح = 2500 - 1000
صافي الربح =1500 ريال

وهو جواب الفقرة b

وبس كذا خلصت شرح 3 فقرآت اللي طلبتها

وبالتوفيق اخوي

[محمد الحسني]

و 4


مجمل الربح = المبيعات - تكلفة البضاعه المباعه

36000 - 33500 = 2500

صافي الربح = مجمل الريح - المصروفات

2500 - 1000 = 1500

[ابوي نبض قلبي]

قصدك نطرح قيمة مخزون نهاية العام ... للتصحيح فقط ..!!


ما شاء الله عليك ... الله يسعدك يالغالي . . . و يخليك لكل عين ترجيك :d5:

ايه نهايه العام او آخر العام نفس المعنى

اللهم ىميين واياك اخوي

[محمد الحسني]

للتصحيح فقط القانون هكذا

البضاعة المباعة = التكلفة الصناعية خلال الفترة +مخزون تحت التشغيل اول الفترة -مخزون تحت التشغيل آخر الفترة +مخزون انتاج تام اول الفترة -مخزون انتاج تام آخر الفترة


و الله يسعدك يالغلا

[محمد الحسني]

ايه نهايه العام او آخر العام نفس المعنى


القصدانت كتبت نجمع و لكن هي نطرح اي ننقص

[ابوي نبض قلبي]

و الفقره 3 على حسب فهمي

تكلفة الانتاج التام =

تكاليف صناعيه + مخزون الانتاج تحت التشغيل اول الفتره - مخزون الانتاج تحت التشغيل نهاية الفتره

33500 + لايوجد - لا يوجد = 33500

تكلفة البضاعه المباعه = تكلفة الانتاج التام +مخزون الانتاج التام اول الفتره - مخزون الانتاج التام اول الفتره


33500+ لا يوجد - لا يوجد = 33500

رآجع الشرح اللي حطيته لك بالفقرة 3

و 4


مجمل الربح = المبيعات - تكلفة البضاعه المباعه

36000 - 33500 = 2500

صافي الربح = مجمل الريح - المصروفات

2500 - 1000 = 1500

هنا ماشاء الله صح عليك :(204):


وعلى العموم وضعت لك شرح الفقرة 3و 4 بتستفيد منها ان شاء الله

[ابوي نبض قلبي]

للتصحيح فقط القانون هكذا

البضاعة المباعة = التكلفة الصناعية خلال الفترة +مخزون تحت التشغيل اول الفترة -مخزون تحت التشغيل آخر الفترة +مخزون انتاج تام اول الفترة -مخزون انتاج تام آخر الفترة


و الله يسعدك يالغلا


شكرا لك عدلت عليه مع العجلة تلخبطت بالاشاراات

القصدانت كتبت نجمع و لكن هي نطرح اي ننقص

ايه صح كلامك ولو تلاحط الناتج سويت فيها مثل ماكتبت نطرح منها مخزون آخر العام بس مع العجلة حطيت + ومااقدر اعدل عليها الحين بشوف ارسل لدفئ عشان محد يتلخبط

[محمد الحسني]

الف شكر لك و الله يوفقك و عقيال الفل كار قصدي مارك

[بنوته فله]

شكرا