وش الحل مع مواقع الاختبارات في الرياض !!

[ركوني الرياض]

السلام عليكم ورحمة الله وبركاته

أسعد الله اوقاتكم بكل خير يارب

إخواني اعضاء الملتقى انا بحثت وحاولت الإتصال برقم الجامعة ودايم مشغول بصراحه

الحاصل انا ودي ارفع طلب انه يخلون اماكن الإختبارات موزعه على منطقة الرياض

واصلا هي موزعه انا اسكن بشمال غرب الرياض

ومكان الإختبار بشرق الرياض

وصراحه شرق الرياض عشان توصل يبغالك ساعه ولما توصل يكون راسك مصدع

زحمة الدائري الشرقي والسرعه والحوادث هناك متعبه نفسيا خاصه وانت رايح لاختبار

انا لما سالت بعض الزملاء قالولي انه فيه ناس تختبر في مواقع بغرب وشمال الرياض

بس مستويات أعلى يعني مستوى ثاني وثالث

انا الآن بالمستوى الأول

أتمنى التفاعل او طريقة الوصول لإدارة الجامعه

لانه بصراحه لا استطيع الإكمال بهذه الصوره

تحياتي لكم

وفيه ناس راح تسال كيف عرفت انا بالترم الأول رسبت بجميع المواد وراح اعيد من جديد


وبكل صراحه اذا هم مصممين على هالموقع اللي بشرق الرياض ماعندي استطاعه اني اسدد الرسوم


دخلت على اسئلة واجوبه ولي ثلاثة اسابيع إلى الآن ماحد رد على سؤالي

تحياتي مره أخرى لكم

[لبى روحكـ]

وعليكم السلام والرحمة
الله يعينكم
جرب هالارقام يمكن أحد يرد عليك :(204):

جامعة الملك فيصل
عمادة التعلم الالكترونى و التعليم عن بعد
الأحساء 31982
ص.ب 400
تلكس 861029
تليفون 0096635802278
فاكس 035896119

عمادة التعلم الإلكتروني والتعليم عن بعد : del@kfu.edu.sa

الهاتف : 0096635802278


للتواصل مع منسوبي عمادة التعلم الإلكتروني والتعليم عن بُعد

م الاسم جوال العمل طبيعة العمل
1 أ. أحمد الشعيبي 0507074891 مدير مكتب العميد + شئون أكاديمية
2 أ. فهد النويحل 0506690774 مدير مكتب العميد
3 أ. عمر العمير 0552864690 شئون أكاديمية
4 أ. أحمد الحليبي 0530705264 شئون أكاديمية
5 أ. صالح الهديب 0501628681 شئون مالية
6 أ. يوسف الجوهر 0554938343 شئون مالية
7 أ. عبد العزيز الشيخ حسين 0501628353 Blackboard
8 أ. مبارك الحمل 0501628630 سكرتير المشرف + مدخل بيانات
9 أ. حسن الرزيحان 0551689378 مسئول التسجيل
10 أ. مالك الملحم 0558174892 مطور برمجيات + بلاك بورد
11 أ. راشد الدوسري 0501630870 مطور برمجيات + شئون أكاديمية
12 أ. عيسى العلي 0501628084 مشغل برامج
المواعيد من 9.00 صباحاً حتى 1.00 ظهراً

الخط المباشر 035802278
وهذا رقمـ العميد 0505858107

['سمآ]

من جد والله بالرياض انت جنووب يحطونك شمال
مرره يكوون المكاان بعييد..
بس ان شاءالله يخلونا احنا نختار انا وربي شايله هم مدري وين بكون
ومثل ماقلت متعبه نفسيا تووصل وراسك ونفسيتك زفت:000:
بس اتصل ع النجار وشوف وش يقول
وعطنا خبر
0505858107
مووفق:106:

[زهرة الريف]

وانا بعد ودي اعرف وين.. ياليت اللي يتصل ويخبرونه يفيدنا..
تحياتي:119:

[Diala]

الله يعين

طيب انا نقلت من المدينة الى مدينة ثانية راح اقدر اغير مركز الاختبار بعدين
والايقونه تقفلت والله خايفه اتورط وماأقدر اغير

وش السواة

[ركوني الرياض]

والله من جد حاله احس ان الدعوه فيها واااو جامد خاص بشرق الرياض

بصراحه الوضع مايصلح ابد ابد

انا ساكن بشمال غرب الرياض يقلعوني شرق الرياض واسوا منطقة بالرياض اللي هي شرق الرياض

زحمة تريلات على الدايري المتوجهه للمنطقة الصناعيه

طيب انا طالب رايح احضر اختبار ليه تويديني لها الزحمه ووجع الراس اوصل الاختبار وراسي منفوخ ؟

[ملح البنات]

ركوني الله يعينك بس لازم تكلم النجار :mad:
الله معآآآآآآآآآك :106:

[انفاس مشرقة]

انت رسبت بجميع الموااد:Cry111:الله يستر بس توقعت يمشوناااا

[عيون ALmaha]

اذا انت ولد وسيارتك تحت أمرك وتقول هالكلام وش نقول حنا يالبنات

طبعا أنا مؤيدة لكلامك بكل مافية .. وانشاءالله احد يرد عليك ويفيدك

بانتظار جديدك


تحياتي

[من و الى]

انا عادي ودي باي مكان بس يكون بفصل مهو بساحة :mh12:

[ٌRauoOom]

:hhheeeart4:

[مستر مجهول]

الحمد لله والشكر اذا المكان بشرق الرياض وخصوصا قريب

من حي المنار فهذا المطلوب قريب جداً للبيت :lllolll:

والي يبي العلم والنجاح يروحهله باي مكان ومايقعد يدور الاعذار

خصوصاً الشباب اما البنات الله يكون بعونهم وبالتوفيق للجميع :119:

[عيون ALmaha]

انا عادي ودي باي مكان بس يكون بفصل مهو بساحة :mh12:


:hahahahahah:

:hahahahahah:

ليش مختبر في الحوش

لا حشا مو طلاب بكالوريوس

الله يسامحهم

[(كـبـريـآء)]

الله يعينك ...وكلامك صح المفروووض يكون في كل انحاء الرياااض ...واعتقد الطلاب اللي مسجلين بالجامعه ومن الريااض اكثر من اي منطقه اخرى ,,,,والله يوفقنا على كل الاحووووال

[ام لين]

يعني وين بالضبط في شرق الرياض حددوا لاني بشمال الرياض ؟؟؟؟؟

[أم فهووودي]

الله يعيين
اتوقع كأني سمعت انه في مدارس التربية النموذجيه :53:
بس ليه الاختبار بالساحه من جدكم ؟
تراه بدا يبرد الجو :mh12:

[ركوني الرياض]

الللي يسال يقول وين بشرق الرياض

تخيل طلعت من البيت الساعة ثلاثه الا ربع الظهر ياطويل العمر واذكر كان الاختبار الساعة اربعه العصر

على بالي قلت المشوار يعني نص ساعه وباقابل شباب هناك واشوف وضع الاختبار

وخذ لك الدائري الشرقيه هذي تريله شاطفتك حاطه طبلونها طبعا سواقين التريلات وش عليهم التامين في مخباه

لو توطات كانه متوطفي قطو مو مواطن كل شي على التامين ولا عليه منك

وخذ لك زحمه هذا حادهث وهذا منبشر وهذا موقفته المرور

وهذا يبي يمسك يمين يطلع على المخرج تخيل عاد انت الوضع

والوقت متى برضه وقت قبل العصر كلن طالع يبي يخلص اشغاله من بدري

وصلت لهم ياطويل العمر خمسه الا ربعه

وطبعا الوصف مكتوب بكروكي وحاطين رقم جوال وكل شي

تفر في شرق الرياض لين ينفجر راسك شوارع بايخه


تصدق عاد من كثر ماداخ راسي من هالزحمه توقعت اني بالقصيم اناظر الا لوحة شارع بريده

شوي الا شارع عنيزه

واجلس مع نفسي انا لا يكون مسكت طريق القصيم وغلطت رحت القصيم

عموما يد وحده ماتصفق ياشباب اللي له مثل معاناتي نبي نرفع كلنا ونتصل كلنا

تحياتي لكم

[soo0sa]

من جد ,, والله لو آحد يكلمهم ويسوون مثل أختبار القدرآت
قممممة الترتيب وربي ..

كل وآحد يدخل ويختآر المركز الآقرب لهـ آو اللي يبغآهـ , آذا آمتلى المزكز تغلق الآيقونهـ
فَ يختآر مركز آخر ,, ويصير الطرفين رآضيين:biggrin:

[جرح الخفوق]

ياربي ليش تخوفوني انا ساكنه شمال شرق وسمعت ان اكاديمية الفيصل
نختبر فيها وفيه مدارس الريان بحي الربيع وماكنت ادري هو مستويات ثانيه
مو اولى لالالا ياليت احد يرد علينا والله هذا اللي مسوي لي قلق
من دخلت الجامعه المواصلات عندي صعبه ماعندي احد متفرغ يوديني
قلعة وادرين اقصد من الشمال للشرق لابالله ياليت احد يرد ويريحنا
بعدين هم يختارون لنا مكان الامتحان ولا اقرب شي عندنا نروح له :bawling: ردو علينا

[دانه الناصر]

هم متى يقولون لنا عن مواقع الاختبار
والشباب والبنات في موقع واحد والا يختلفون
الشباب ماعندهم مشكله يطلعون بسياراتهم المشكله
اللي ماعنده احد فاضي له وش يسوي

[رنو الحلوه]

معاإاإاإاإاإاإاإاإاإاإاك يالييييت يوزعون اماكن الأختبار
يراعون ظروفنا شوي:Cry111:

[ريما عادل]

حي الازدهار مدارس الرواد شرق الرياض صارت هذي! انا ساكنه هناك:mh12:
شرق الرياض الجهه الثانية من عند اشبيليا والحمرا والروضة والنسيم والسلي والجزيرة والفيحاء والنهضة والروابي والريان والربوه :71:

المهم .. انت تقدر تطلع من الدايري الشمالي على طول لمخرج 9 ماراح ياخذ منك وقت كثير

اجل اللي ساكنين بغرب وجنوب الرياض وش بيقولون الله يعينهم :24_asmilies-com:

[سلمان الحقباني]

اجل صار شرق الرياض :hahahahahah::hahahahahah:

[ركوني الرياض]

حسبي الله ونعم الوكيل

حسبي الله ونعم الوكيل

الله لا يوفقهم لا دنيا ولا آخره

مركز الاختبار صار ابعد

طريق الشيخ جابر حسبي الله عليهم يارب


الله ينتقم منهم

اخوياي واصحابي حاطينهم عند جامعة الملك سعود

واللي في مخرج سته

وانا قالعيني عند الشيخ جابر

الله يقلعهم يارب

[عاشق السحاب]

الله يعين

[اكليل البنفسج]

اجل انا وش اقول من الغرب للشرق :Cry111:

و لا اعرف وين بالضبط

ولا في كروكي

ولا ادري بحصل احد يوديني ولا لا

لا والقهر فيه مراكز قريبة من عندي


حسبي الله ونعم الوكيل فيهم

وش فايده المراكز المتعدده اجل

بالله وش استفدنا منها :(177):

[طالب جامعه]

ساكن با المغرزات واختباري با السويدي مخرج 26 يا ليل الليل

[ركوني الرياض]

هل تقارن الدائري حق غرب الرياض بالدائري حق شرق الرياض او طريق الدمام


الاماكن ذيك حقت مفحطين كلها سرعه وشاحنات واعوذ بالله

[لبى روحكـ]

تقدر تتفق مع احد الطلاب تبديل مكان الاختبار
بس تعطون المشرف خبر موجوده ارقامهم هنا
http://del.kfu.edu.sa/entisab_app/browse_city/center_addresses.asp

[موظف بالصحه]

انا ساكن بآخر الشمال بالصحافه وإختباري بشرق الرياض بالروابي , والله المهزله ...

[ركوني الرياض]

مايردون ياشيخ

[أبو غدير]

أنا ساكن في شرق الرياض ومقع الاختبار في غرب الرياض؟؟؟؟؟؟؟؟؟؟؟؟؟؟؟؟؟:bawling::bawling:

['سمآ]

الله يعيين بس الرياض زززحممه والدائري بهالوقت مووت زحمه:sdfgdsf:
ماادري متى اطلع من البيت ومتى بووصل
مرركز اختبااري بعيييييد مرره عن بيتي بمخرج 7 :(177):
وبعد يقولون مانقدر نغير اصلا ماحد يرد عليك وفي واحد اتصل عليهم
قالوله التوزيع حسب اّليات معينه مانقدر نغيرك:41jg:

[شقراوي]

السلام عليكم ورحمة الله وبركاته

أخواني أخواتي الطلاب والطالبات

أحمدوا ربكم على هذه النعمة الي أنتم فيها طلاب جامعة الإمام وطلاب جامعة الأ ميرة نورة وطلاب ...الخ

كل يوم في الصباح وقت الزحمة يروحون ويرجعون الظهر وقت الزحمة ويروحون من شرق ومن غرب ومن جنوب

ومن....الخ

وأنتم تدرسون في بيوتكم في أي وقت تبون ويوم جت الإختبارات لمدة 6أيام أو 7 أو 8حطيتو ها قضية

وين إطلب العلم من الشرق إلى الغرب وين الحريم الي يدرسن أو يدرسن في القرى البعيدة عن الرياض

وكل يوم يروحن 200كيلو ويرجعون 200كيلو تلقاها مسيكينة قبل صلاة :24_asmilies-com: الفجر وهي مرتكزة عند الباب

تحتري الباص يوديها لسدير ولا القويعية والا حوطة ولا.....الخ :41jg:

[أسير نجد]

اخوى شقراوى /

الحمد لله والشكر له على كل حال , وكلامك جميل جدا
وهو عين العقل ايضا , اذا مالنا الا الصبر والصبر مفتاح الفرج
ومادام انها في الرياض تهون بعد , والمساله مثل ماتفضلت
انت كلها ايام بسيطه يجب علينا ان نتحملها والله يسهلها علينا وعليكم جميعا ,
وانا ايضا بشمال غرب الرياض وحطونى بشرق الرياض
بس امس كنت متضايق شوى , واليوم وبعد كلامك لا والله الامر عادى جدا وبنتحمل انشاء الله
والله يجزاك الف خير .....

[عاشق ومحروم]

اها يامركز 9 تراى الاختبار الثاني بنجيب كوره وبنلعب ههههههههههههههه

[mkmk]

انا بشرق الرياض الترم الماضي قلعوني الى حي طويق اقصى غرب الرياض
بس الحمد لله الترم هاذا نقلوني الى وسط الرياض مش بعيد و مش قريب

لا واسطة ولا هم يحزنون اتوقع ان التوزيع عشوائي

[ღ A ღ]

انا احوليت من التنظيم هذا :bawling:

[ღ A ღ]

الله يكون في عوننا بس :icon9:

[najlaa]

لاتصيرون على وشك الـــ http://forum.lahaonline.com/images/smilies/bomb.gif
كلها اسبوع ولا اثنين بالكثير وانتهى الموضوع تحملوا



هو صح التوزيع سيء جداا :(177):والود ودنا لو يصير فيه تنظيم وتوزيع افضل
لكن هذا الموجود والشكوى لله
وعموما محد بيعطيك وجه وخصوصا النجارhttp://forum.lahaonline.com/images/smilies/163.gif



يالله مره تفوت ولا حد يموت
وعلى فكره كل مره بمكان يعني بنمتر الرياضhttp://forum.lahaonline.com/images/smilies/victory.gifخلال دراستنا ونتعرف على ربوع الرياضhttp://forum.lahaonline.com/images/smilies/construction.gif

[ركوني الرياض]

اخوي احنا دافعين عشان ندرس ونتعلم وناخذ شهاده صح ولا لا

تخيل طول الفتره تدرس وتراجع وتجي الاختبار النفسيه مدموره بتقولي ليه

خذ تجربتي انا الترم اللي راح طبعا اعدت جميع المواد كلها صفر بتقولي ماذاكرت اقولك لا مذاكر

بتقولي انت غبي اقولك الحمد لله معاي عقل مثلك ومثل اي انسان طبيعي

الحمد لله مرضي والديني ومرضي من حواليني واخلاقي عاليه ولله الحمد والمنه من فضل ربي

ومن ثم تربية اهلي

انا ساكن بشمال غرب الرياض

الترم اللي راح حاطيني بمقر بحي الروابي وحاطين رقم الدكتور طبعا

كان الاختبار الساعة الرابعه عصرا

ركبت سيارتي توكلت على الله والشوف مو لذيك الدرجه واتضايق من القياده

رحت وانت عارف الدائري الشمالي وزحمة السيارات والتريلات والمبزره المتهورين بالقياده

طبعا لا رقيب ولا حسيب المرور نايم بالعسل حط لك كاميرات ساهر ويتوقع انها بتحل كل شي

هذا يكبس لك من ورا والثاني يشطف ويلف عليك وهذا سواق تريله معاه تامين لو يتوطاك راس مالها تامين وقضينا

ولا انت من جلدته ولا ابن بلده ولا كان بيهمني من اكون يتوطى اي واحد يوقف بطريقه

الحاصل وصلت الاختبار بعد ساعه ونص من المعانات وضيعت المقر وحوسه وانت عارف عاد شرق الرياض وحوسته

والله ثم والله اني وصلت مصدع وراسي مررررررررررره مقفل واتذمر وحالتي مايعلم فيها الا رب العالمين

عزيزي انا مافتحت هالموضوع من فراغ

انا حاولت جاهدا اتواصل مع اي احد إلى اليوم اتصلت بجميع المراقبين بالمراكز اللي اخلاقه مش ولا بد

واللي كل ماجي اتكلم يقولي مقرك فين روح له

الى ان تعمدت الكذب في احد المراكز القريبه قلت مضيع موقعي ولا اعرف وينه وابي اختبر عندكم وسهلها ربك


الحين نبي من الاخوان وراح افتح موضوع بذلك يانتبادل المواقع او احد يدلنا على شخص واعي يريحينا

انا ترم اول ونفس المواد وغيري مثلي ومو مرتاح من مقرهم نبدل وصلى الله وبارك

تحياتي لك ولكل واحد شاركنا بالموضوع وراح افتح موضوع بذلك الحين

[نورة]

بصراحة الله يعين بس
على الاقل يوفرون اماكن للأمتحان واكثر من مكان خاصة في الرياض لانها كبيرة
وعاد الاماكن على افا من يشيل

كفايه ظغط الامتحان

[امورة وايد]

اي والله انا شرق الرياض وحاطيني في لبن عند الجسر المعلق
:bawling::bawling::bawling:

حسيت اني مسافرة
ومع السواق المكان يخوووووووووف وترجعين في الليل
ماقول غير حسبي الله ونعم الوكيل

[ريما عادل]

انا الازدهار المركز قدام بيتي :53:
بس صديقة اختي بنفس الحارة وحطوها مركز في غرب الرياض :mh12: