اساله وطالبكم يااخوان

[علاوي السعدون]

السلام عليكم ورحمة الله وبركاته

اخواني الله يعطيكم العافيه انقطعت عن المنتدى وعن البلاك بورد بسبب عملي وجيت وكل شي متراكم .. ماعلينا من هالشي ..

الي ابي اعرفه الحين موجوده عندي 10 محاضرات .. هل نزلت معهم واجبات غير الواجبات الاولى الي نزلت قبل ..

وهل النقاش عليه درجات .. والي ابي اعرفه انا حملت من كل ماده 4 محاضرات هل تنزل لي الدرجات ولا لازم بعد احمل العشر كاملين ..

وابي اعرف كيف اضع ملف التعريب في صفحة المحاضرات .. مثل هالموضوع http://www.ckfu.org/vb/t151837.html

لكن وين احصل الملف الي اضع فيه التعريب

تكفون تكفون طالبكم تساعدوني باسرع وقت

[علاوي السعدون]

موضوع التعريب خلاص فهمته يااخوان ابي الاشياء الثانيه ربي يعافيكم

[ابن خلدوون]

المحاضرات عليها عشر درجات سواءاً حمّلتها أو إكتفيت بسماعها ولازم تسمعها كلّها على شان تاخذ الدرجة الكاملة ..

على الأقل لازم تسمع من كل محاضرة شوي على شان يظهر إنك سمعت المحاضرة ..

النقاشات كذلك عليها عشر درجات ولازم تشارك بكل مواضيع النقاش لكل مادة على شان تاخذ الدرجة كاملة .

والواجبات عليها عشر درجات ولازم تحلّها كلّها وهذي مامنها فكّه ..

ماأذكر إنه نزل واجبات غير اللي الواجبات الأولى لحد الآن ..

سماع المحاضرات أو تحميلها والمشاركة في مواضيع النقاش لازال معاك وقت الى آخر الترم ..

لكن الواجبات حسب ماسمعت لها وقت محدّد لذلك أنصحك تحلّها أوّل بأوّل ولاتأخّرها أكثر من إسبوع ..

وبعدين تلقاها محلوله ومسدوحه بكل مكان ..

الواجبات والمحاضرات والنقاشات عليها جميعاً 30 درجة ..

والإختبار النهائي من 70 درجة والمجموع الكلي 100 ولازم تحصل على مجموع كلي 60 درجة من 100 على شان تنجح ..

لذلك لازم تحرص على الحصول على 30 درجة التي تخص سماع المحاضرات والمشاركة بالنقاشات وحل الواجبات على شان يسهل عليك تجيب ثلاثين من سبعين وتجتاز المادة المقررة ..

اتمنى اكون وضحت لك الصورة وربي يوفّقك ..

[ضمير الود]

اخوي لازم تحمل جميع المحاضرات العشر والباقي بالطريق:biggrin: ولازم ترد علي المناقشات لان عليها 10 درجات والواجب مادري وش عندك افتح البلاك بورد وشوف وش عندك بس حنا البنات الي الحين بس واجب واحد لكل ماده عاد مدري عنكم نزل ل كم انتو او لا وفالك التوفيق يارب وبقولك اخوي بما انك مشغول شوف لك اختك حرمتك اي احد يدخل ويحل بدالك اول باول :biggrin: شريره انا بس والله عشان ماتروح عليك الدرجات واخاف يقفل البلاك لانو يختار اوقات روعه:33_asmilies-com:

[علاوي السعدون]

ييض الله وجهك ياخوي

كفيت ووفيت

سؤال اخر

متى الاختبارات يااخوان ؟.؟ تاريخ كم ؟؟

[علاوي السعدون]

اخوي لازم تحمل جميع المحاضرات العشر والباقي الجايه بالطريق:biggrin: ولازم ترد علي المناقشات لان عليها ١٠ درجات والواجب مادري وش عندك افتح البلاك بورد وشوف وش عندك بس حنا البنات الي الحين بس واجب واحد لكل ماده الحين عاد مدري نزل انتو وفالك التوفيق يارب وبقولك اخوي بما انك مشغول شوف لك اختك حرمتك اي احد يدخل ويحل بدالك اول باول :biggrin: شريره انا بس والله عشان ماتروح عليك الدرجات واخاف يقفل البلاك لانو يختار اوقات روعه:33_asmilies-com:

تسلمين خيه يعطيك العافيه ماقصرتي

بخصوص اختي والله موفاضيه هي بعد مشغوله بدراستها اما زوجتي خليها تجي اول ههههههههههه

ولا شرايك انتي تحلين عني وعنك هههههههههه

[ابن خلدوون]

سمعت إنها تبدأ بتاريخ 22 / 1 / 1432 ..

والشكر لله ياأخي ماسوّينا شي ..

عسى وجهك أبيض يالغالي .

[علاوي السعدون]

سلمت اخوي ابن خلدون

جعله في ميزان حسناتك وربي يوفقك ياخوي