اليوم الاثنين 18/12/1432هـ آخر موعد للتأجيل أو الانسحاب مع استرداد نصف الرسوم

[my Dreams]

الحمد لله والصلاة والسلام على رسول الله .

احبتنا في الله...


اليوم الاثنين 18/12/1432هـ آخر موعد لتقديم طلب تأجيل الدراسة أو طلب الانسحاب من الدراسة مع استرجاع نصف الرسوم المدفوعة ومابعد هذا التاريخ سيكون ليس له الحق في استرجاع الرسوم كاملة .

اتمنى أن لايحتاج أحد لهذا الاجراء لكن من باب التذكير جرى التنويه والله يحفظكم ويرعاكم

محبكم / ابو عبد العزيز

[Aziza algarny]

جزاك الله خيرا

موضوع يستحق التثبيت ,,

[siham]

مشكوووووووووور اخوي ابو عبد العزيز على التذكير والله يجزيك كل خير
وان شاء الله الجميع يكمل المشوار ، وماينسحب

[فتونه العبدالله]

جزاك الله خير

ماي دريم

والله يسعدك يارب على مجهودك الرائع ولك وحشه يالغاليه
:love080:

[رنو]

يعطيك العافيـه يادكتورنـا الفاضل موضوع يستحق التثبيت لأهميته ,,

وينك ووين أيامك ياأبو عبدالعزيز أنقطعت فتره من الزمن عسى المانع خير,,


شكري وتقديري

أختك في الله

رنـو

[my Dreams]

اعتذر من الجميع لانقطاعي ولكن ظروف خارجة عن ارداتي فلا تنسوني من دعواتكم مشكورين

[كورديليا]

سؤال بس الحين الايقونه متفعله عندكم ولا لأ

[super sosa]

مشكور اخوي ابو عبد العزيز الله يجزاك كل خير يارب

وان شالله الكل يكمل مشوارو
:d5:

[my Dreams]

سؤال بس الحين الايقونه متفعله عندكم ولا لأ

متفعلة وانا اخوك

[كورديليا]

متفعلة وانا اخوك



معلش اخوي انا قصدت انسحاب من مقرر الحين انتبهت انك تقصد التأجيل الدراسه

شكراً

[اَلْـعُـمْـهُـوُجْ]

اجزل الباريء ثوابك واحسن اليك...ماتقصر ..مبارك مجهودك ربي يحفظك ..

[rna]

انا سويت لقريبتي تاجيل طبعا قبل اسبوعين يعني قبل العيد اتوقع وجيت الحين اشيك ابشوف هل قبلوا التأجيل او لا دخلت على الرقم الجامعي حقها والباسورد يطلعلي كذا بالحرف الواحد واللون

لاتوجد أية بيانات للرقم الجامعي المدخل


فمادري هل معناه قبلوا الاعتذار أو شنو ؟؟
طيب لو كانو قبلوه مارسلوا رسالة على جوالها ولاشيء وشلون رح يرجعون لها نصف الرسوم؟
بليز اللي سووا تأجيل قبل كذا يفيدوني كنت بكتبه بموضوع جديد بس شفت اسم الموضوع هذا قلت خل اسألكم يمكن تفيدوني الله يجزاكم خير:love080:

[أسير نجد]

اخى العزيز ابو عبدالعزيز مشكور ويعطيك الله العافيه ولكن ياعزيزى لا اظن ان هناك تراجع بتاتاً بأذن الله تعالى ( ماهو حنا اللى نرجع في نصف الطريق ) برغم الظروف المحيطه بنا ياعزيزى من ضيق الوقت والعمل والاسره ومشاغل الدنيا ( الله لا يشغلنا عن طاعته ) وايضا الجامعه السنه هذى لم يقصروا حقيقةً قدموا الاختبارات ووقعنا في ورطه كبيره وتلخبطت كافة حساباتنا ولكن الاستعانه والاتكال على الله عز وجل حتى ولو لم نستطع المذاكره بنسبة كبيره يكفينا الاجتهاد الباقى على ربك سبحانه وشكرا مره اخرى .....

[هــدوء ملكــه]

طيب انااجلت كيف استرجع نص المبلغ ؟؟هل النص البااقي لهم او محفووظ لي لماارجع اكممل دراسسه؟؟أجلت الدراسسه وانامووعارفه نظامههم ابد...ياليت تفيدووني..

[rna]

هدوء ملكة

كيف عرفتي انهم قبلوا تأجيلك؟؟ طلعلك نفس ماكتبت انا بالاحمر والا شلون بليز خبريني

[هــدوء ملكــه]

هدوء ملكة

كيف عرفتي انهم قبلوا تأجيلك؟؟ طلعلك نفس ماكتبت انا بالاحمر والا شلون بليز خبريني

اييه طلع نفس اللي كتبتي بالاحمر..ياويلي يعني فييها قبوول ولالابععد؟؟

[حدك نظر]

يعطيك العافية ابو عبد العزيز

[عزيز مجد]

جزاك الله خير على التذكير بس ان شاء الله ماحد ينسحب من البرن:oao:امج

[بدويه]

الله يعطيك العافية

[zeezo1]

ابي اوقف قيــــــــــــــــــــــد هذا السمستر بس

عادي الحين اسويه ولا لا:mh12:

[أبـو سـلـطـان]

مشكور اخوي ابو عبدالعزيز على التذكير لمن هم مترددون ويفكرون بالانسحاب

انا والله لي من تاريخ استرداد الرسوم كامله قبل نهايته باسبوع انسحبت وصار لي اتوقع الحين حوالي شهرين وعليها وماجاني خبر ولاشي

فما أدري أدق سلف واروح لهم ولا وش العلم

والمبلغ يجيني على نفس البنك اللي سددت منه ولا يجي بشيك

علما باني سددت عن طريق بنك الرياض عن طريق الايداع وانا ماعندي حساب عند البنك محتار وبشدهـ

[هــدوء ملكــه]

ووووينكم رودا..يالله:Cry111::Cry111:

[kaka09]

طيب والانسحاب من مقرر اواكثر متى يفعلون الايقونة

[Asus]

الـسلام عليـكم



أبـو سـلـطـان ..,



المبلـغ يجي بشيك مع شهاداتك .. لـ البريد الممتاز اللي انت حطيت عنوانه .. [ عنوان سكنك ]


تاخذ الشيك وتصرفه من بنك الرياض ..


قالوا بعد شهرين تقريباً .. لكن الحين صار لهم شهر ونص ..,


ننـتظر والله المستعان , وبالتوفيق للجميع