彡 هانا ミ彡 مونتانا ミ
2008- 12- 18, 02:25 AM
خلاص اليوم الحلقه الأخيره من مسلسل يومياتي
بنات والله فيني ضيقه مو طبيعيه ودي افضفض لكم
بحكي لكم يومياتي هالمره بشكل مختلف بدقق شوي في التفاصيل
سبحان الله يوم الأربعاء اللي هو آآآخر يوم في التطبيق كان يوم مميز كل لحظه فيه احسها مميزه فضلت اني اعيشه بكل تفاصيله وكأن كل لحظه تمر علي ماراح تتكرر مره ثانيه
وفعلا هذا اللي صار من ليلة هاليوم الغريب بكل مافيه مانمت إلا الساعه 4 الفجر جاني أرق مو طبيعي والله يابنات اني كنت أفكر شلون بوادع الثانويه اللي تعودت عليها من بداية الترم وأنا أداوم فيها صدق انها أيام قليله ومتفرقه بس وربي تعودت على البنات فيها مو قادره اتخيل ان هذا أخر يوم بشوفهم فيه
ابدأ من الصباح ... قمت من نومتي اللي ماطولت فيها الساعه 6:30 يعني مانمت الا ساعتين ونص وافطرت فطور خفيف نص توست وحليب كاكاو بارد
وطوالي رحت ألبس واستعد للروحه (الأخيره) للمدرسه
لبست بلوزه ملونه كأني أحاول أموه الشعور الحزين اللي بداخلي فقررت اني ألبس يلوزه ملونه لعلها تتغير نفسيتي مع ألوانها الحلوه
ولبست عدسات لونها بنفسجي خلت لعيوني لون غريب مثل غرابة هذا اليوم
انتهيت من اللبس والمكياج والإستيشوار حدود الساعه 8 وصلني الباص للمدرسه في الحصه الثانيه يعني للأسف فاتني الطابور والإذاعه اللي كان فيها تكريم وشكر لإدارة المدره والمدرسات المتعاونات
دخلت وجلست مع صديقاتي وزميلاتي انتظر حصة زميلتي اللي انا إحتياطها يعني حضوري واجب معها
وفي الوقت اللي انا جالسه بإنتظار الحصه جاو طالبات يسلمون علي بعضهم درستهم وبعضهم مادرست بس اعرفهم وعلاقتي فيهم حلوه وبعضهم سلمو علي وأنا ماأعرفهم اصلا بس بادلتهم السلام والتحيه كانت كل وحده تعبر عن حبها لي بأسلوبها ماكنت قادره أرد عليهم لان عيوني كانت ترد عني وتقول لهم اني بفقدهم
وربي بفقدهم أكيد بفقدهم ياناس تعودت عليهم وتعودت على ابتساماتهم الصادقه لما يسلمون أو مجرد انهم يمرون علي تعودت على نظرات الإعجاب البريئه اللي كنت أشوفها في عيونهم لما يعجبهم لبس أو ستايلي اللي دايم أحب أنوع فيه تعودت على الكلام الحلو اللي اسمعه منهم لما أمر على اي وحده منهم صدق كانوا يحرجوني بس يالبيهم والله فقدتهم
ابد و مر اليوم كله وداع وسلام اخير وفيه بنات طلبوا رقمي ماترددت ابدا اني اعطيهم اياه
وأولهم وحده معجبه فيني كانت دايم تلاحقني وين ماأروح وتطالعني والبسمه شاقه وجهها وكل ماشافتني لازم تقط كلام غزل أشكال وألوان كنت دايم اتضايق منها وأشتكي على صديقاتي بس هاليوم حسيت مضايقاتها لي غير حسيتها عسل على قلبي وبالعكس جبت لها هديه مميزه وهي عباره عن قلب فضي بحجم كف اليد ومزين بالخرز السماوي اللماع وفيه حرفها A فديتها
وبس انتهى وقت الدوام وانصرفوا طالبات الثانويه انصراف روتيني بالنسبه لهم وحزين بالنسبه لي
لبست عبايتي ومشيت في الساحه متوجهه للبوابه الخارجيه
طالعت في المبنى من برى نظره أخيره
نظره صامته للي يشوفوني
بس الحقيقه كانت عيوني تتكلم وتقول آآآخر جملة وداع لهم
وداعـــــــــــــــــاً يـــا ثـــــانــــــــويـــــــــه
...
بنات والله فيني ضيقه مو طبيعيه ودي افضفض لكم
بحكي لكم يومياتي هالمره بشكل مختلف بدقق شوي في التفاصيل
سبحان الله يوم الأربعاء اللي هو آآآخر يوم في التطبيق كان يوم مميز كل لحظه فيه احسها مميزه فضلت اني اعيشه بكل تفاصيله وكأن كل لحظه تمر علي ماراح تتكرر مره ثانيه
وفعلا هذا اللي صار من ليلة هاليوم الغريب بكل مافيه مانمت إلا الساعه 4 الفجر جاني أرق مو طبيعي والله يابنات اني كنت أفكر شلون بوادع الثانويه اللي تعودت عليها من بداية الترم وأنا أداوم فيها صدق انها أيام قليله ومتفرقه بس وربي تعودت على البنات فيها مو قادره اتخيل ان هذا أخر يوم بشوفهم فيه
ابدأ من الصباح ... قمت من نومتي اللي ماطولت فيها الساعه 6:30 يعني مانمت الا ساعتين ونص وافطرت فطور خفيف نص توست وحليب كاكاو بارد
وطوالي رحت ألبس واستعد للروحه (الأخيره) للمدرسه
لبست بلوزه ملونه كأني أحاول أموه الشعور الحزين اللي بداخلي فقررت اني ألبس يلوزه ملونه لعلها تتغير نفسيتي مع ألوانها الحلوه
ولبست عدسات لونها بنفسجي خلت لعيوني لون غريب مثل غرابة هذا اليوم
انتهيت من اللبس والمكياج والإستيشوار حدود الساعه 8 وصلني الباص للمدرسه في الحصه الثانيه يعني للأسف فاتني الطابور والإذاعه اللي كان فيها تكريم وشكر لإدارة المدره والمدرسات المتعاونات
دخلت وجلست مع صديقاتي وزميلاتي انتظر حصة زميلتي اللي انا إحتياطها يعني حضوري واجب معها
وفي الوقت اللي انا جالسه بإنتظار الحصه جاو طالبات يسلمون علي بعضهم درستهم وبعضهم مادرست بس اعرفهم وعلاقتي فيهم حلوه وبعضهم سلمو علي وأنا ماأعرفهم اصلا بس بادلتهم السلام والتحيه كانت كل وحده تعبر عن حبها لي بأسلوبها ماكنت قادره أرد عليهم لان عيوني كانت ترد عني وتقول لهم اني بفقدهم
وربي بفقدهم أكيد بفقدهم ياناس تعودت عليهم وتعودت على ابتساماتهم الصادقه لما يسلمون أو مجرد انهم يمرون علي تعودت على نظرات الإعجاب البريئه اللي كنت أشوفها في عيونهم لما يعجبهم لبس أو ستايلي اللي دايم أحب أنوع فيه تعودت على الكلام الحلو اللي اسمعه منهم لما أمر على اي وحده منهم صدق كانوا يحرجوني بس يالبيهم والله فقدتهم
ابد و مر اليوم كله وداع وسلام اخير وفيه بنات طلبوا رقمي ماترددت ابدا اني اعطيهم اياه
وأولهم وحده معجبه فيني كانت دايم تلاحقني وين ماأروح وتطالعني والبسمه شاقه وجهها وكل ماشافتني لازم تقط كلام غزل أشكال وألوان كنت دايم اتضايق منها وأشتكي على صديقاتي بس هاليوم حسيت مضايقاتها لي غير حسيتها عسل على قلبي وبالعكس جبت لها هديه مميزه وهي عباره عن قلب فضي بحجم كف اليد ومزين بالخرز السماوي اللماع وفيه حرفها A فديتها
وبس انتهى وقت الدوام وانصرفوا طالبات الثانويه انصراف روتيني بالنسبه لهم وحزين بالنسبه لي
لبست عبايتي ومشيت في الساحه متوجهه للبوابه الخارجيه
طالعت في المبنى من برى نظره أخيره
نظره صامته للي يشوفوني
بس الحقيقه كانت عيوني تتكلم وتقول آآآخر جملة وداع لهم
وداعـــــــــــــــــاً يـــا ثـــــانــــــــويـــــــــه
...