للي ذاكرو مادة الاقتصاد الجزئي

[دفره تايم]

شنو أفضل طريقه للمذاكره للماده !!!!!!!!!!!!!

:(107):

اشوف المحاضرات ولا ماشوفها اطلع عع محتوى ! ولا اذاكر بس من الملخص ولا شنو بالضبط

:119:

[the.best]

والله يا دافوره تايم .. ماشاء الله يصلح اسم محل كوفي شوب
المهم تبين الراي الصحيح والي من وجة نظري عال العال
المحاضرات ضروري جدا تشوفينها وتكتبين معاه واشدد على تكتبين له .. اعيدي مره ومرتين وثلاث مرات اذا ما فهمتي لا تتحطمين حاولي انك تطلعين بنسبه فهم كبيره من المحاضره واذا ما فهمتي مره مو معناته ما تكملين لا روحي للمحاضره الي بعدها وكل محاضره اكتبي الشي الي مافهمتيه واعرضيه في المنتدى الاخوان ما راح يقصرون

الخلاصه :- اذا مافهمتي محاضره مو معناته تتحطمين لا روحي الي بعدها واذا خلصتي
دوري لي ملخص اي واحد بو موزه او غيره واقري فيه كمراجعه
هذي طريقتي .. والكلمه لك

[دفره تايم]

طيب ممكن اعرف كم ساعه تذاكر فيها !

نزلت ملخص وطبعته بس مو ملخص بو موزه ! تنصحني اطبع ملخص بو موزه و اذاكر منه ّ!

[مجروحه بصمت]

بما انك مثـل حالتي بقولك انا شنو سويت


اولا عندي ملخص النزال


وعندي ملخص شامل اخذته ممن المنتدى مدري من اي موضوع بس هو عباره عن سوال وجواب من الفصل الاول الين 9 ابن الاجواد يسهلي طريقه المذاكره يعني حلو اسئله واجوبه احسن من تحوسين بكلام طويل وماتدرين وش السالفه


طبعا اخذت الملخص اللي فيه اسئله كله اضافه الى النزال اللي اختصرته من عندي


وجمعت الزبده من الملخصين وبذاكرهم .. طبعا مع نموذج سابق للاختبار وسويت اللي علي والباقي ع الله

و على فكره المحاضرات ماسمعتها لاني ماراح افهم من الدكتور وبضيع وقت ع الفاظي ابي الحق نفسي


وفالك التوفيق :53:

[the.best]

ملخص ابو موزه عباره عن المحتوى وشوي من الكتاب
اذا معزمه الا تذاكرين من ملخص بو موزه كويس .. بس المحاضرات لا تطنشينها

انا كل يوم محاضرتين الى ثلاث محاضرات لان بعضها ربع ساعه بس اذا بديتي اليوم السبت وانتي مخلصته
وزعيها كل يوم 3 محاضرات

وبالتوفيق

[دفره تايم]

أوكي جزاكم الله خير

راح اذاكر من المحاضرات و الملخص اللي عندي مع ملخص بو موزه

والله يسهلها علي :Cry111:

[dr.memoo]

اختي المحاضرات حلوة بس يبيلها تركيز وجو هادي وقبل ماتبدي قولي
(اللهم اني اسالك فهم النبيين وحفظ المرسلين والملائكة المقربين اللهم اجعل السنتنا عامرة بذكرك وقلوبنا بخشيتك واسرارنا بطاعتك انك على كل شي قدير وحسبنا الله ونعم الوكيل)
ان شاء الله بتفهمين المحاضرات واي شي تبينه انا موجودة

[parliament]

اقول مافي شي بالسااهل لازم تعب انا الاحظ الطلبه يبغى احد يطمنه ان الماده سهله وماعليك بس ملخص اوكي اذا ذاكرت وشديت حيلك واجتهدت راح تلاقي انك راضي عن نفسك حتى لو ماجبت درجه كويسه في الاختبارات عموما توكلوا على الله وهذا كلام انفطمنا عليه ابدا مذاكره والصعب اللي ماتفهمه خليه وامشي للاخير وبعدين ارجع للي مافهمته اذا باقي في وقت لاتوقف عندي محاضره تخليك يائس من الماده وحاول تثق بأمكانياتك وقدراتك لست انت او انتي اقل الناس في الفهم اكيد ماوصلت لهالمرحله وترغب بالدارسه الا انت انسان فاهم وذكي وواعي واتمنى لكم دوام التوفيق

[الفــــوز]

مشكورة على طرح السؤال والله يعطيهم العافيه اللي ذكروا لنا تجاربهم ومنكم نستفيد

[دفره تايم]

كلامكم جميل ويرفع من المعنويات ومشجع

كل الشكر والتقدير لكم

[Dr.feeling]

:d5:

:53:parliament (http://www.ckfu.org/vb/u90792.html) :53:
كلام جميل