اللهم بلغت اللهم فشهد( بخصوص الاقتصاد)

[قديمة جديده]

السلام عليكم ورحمة الله وبركاته
مساء أو صباح ............ الفل للجميع
حابه أقول شي لوجه الله بخصوص هذي ألماده بالذات رغم أني أشوف مادة المحاسبة لا تقل صعوبة عنها بكثيرررررررررررررر

اسمعوا مني اياخوان وياخوات كلا يأخذ من قوله ويرد ألا صاحب هذا القبر( يقصد به رسول الله صلى الله علية وسلم) مقوله شهيرة لمالك.... كثرنا بالفروع وتركنا الأصل !!! مع احترامي وتقديري للجميع ممن بذل مجهود وحط محاضرات وملخصات ............الخ , واقصد بلاصل هي ملخصات الدكتور غسان الله يهدي سره !!
أنا وأنت وأنتي وجميعنا بتجينا الاسئله ممن ؟؟ من بيوضعها؟؟ أبو موزه ؟؟!!! النزار أو النازل مادري وش اسمهم ؟!!! والله ماقصد الاستهتار أو التقليل من شأن احد بالعكس هم على الرأس والعين وجزاهم الله ألف خير لكن معنا ملخصات الدكتور ألي هو بلا ساس ألي راح يحط لي الاسئله بالامتحان يعني أنا يوم ارجع ملخصاته بكون اقدر على فهم أو على الأقل بوصل لو لشيء بسيط من مستوى تفكيره ويسهل علي افهم نمط الاسئله ألي راح نجيني!!!! صحيح أو أنا غلطانة؟؟ لكن الملخصات الثاني هي اجتهاد أشخاص لا راح اختبرهم ولا يختبروني ، غير كذا ألي راح يقارن الكتاب حق الاقتصاد مع ملخصات الدكتور من جد فيها ألزبده وشي المهم المطلوب منا التركيز عليه حتى لو شرحه مافهمت يكفي احفظ النقاط الموجودة من غير مسمع محاضره ، وعلى فكره في شي مهم مهم مهم جدا في الملخصات!! ألي طبعها بالملون راح يلاحظ شي ألا وهو أن بعض الأمور أو النقاط بلون مخالف يعني ألمحاضره بلا سود وهي تكون بلا زرق ولو دققت شوي راح تشوف أنها زبده ألزبده للمحاضرة يعني افهمي يجاره ياشطوره وركزي عليها:biggrin:

وبدل التشتيت وهنا وهنا وبلا خير نروح بالرجلين والي يأكل باليدين يروح وطي،،

ماقول اهملو الباقي لكن عليكم بلا ساس وهو ملخصات الدكتور
هذا ألي جبيت أقوله لكم وكما قلنا في الأول كلا يأخذ من كلامه ويرد، وآسفة على الاطاله
ربي يوفقنا وإياكم

[فــزوولها]

:53::hhheeeart4:

[BayanFJ]

الملخصات وُضعت ل الترتيب و التسهيل
يعني بالنسبة لي أنا بـ أفتح المحاضرة و امسك الملخص
وأمشي محاضرة محاضرة إذا فيه خطأ اصحح , إذا فيه زيادة أكتبها
الشي المهم أحدده .. اللي محتاج شرح أعيد عليه ,

يعني المسألة مو بالملخص ولا بالكتاب و لا بالمحتوى , فيك إنتي
وطريقة إستذكارك للمادة !

الله يوفقنا أجمعين :106:

[دافنشي كود]

يعني القصد نركز على المحتوى والمحاضره

ومافهمت قصدك بكلخص الدكتور ..هل تقصدين هو المحتوى :love080:

[ابو حبتين]

والله انك عقدتيها اكثر ماهي معقده

تولنا خاسرين ونبي نذاكر

الله منه الخراج من هالدراسه

[mimaprincess]

بيان صح عليك وانا بعد اسوي مثلك :53:وبالتوفيق للجميع

[نـــوار]

يعطيكي العافية على على خوفك عالجميع :(204): :love080:

أنا معك في شي وماني معك في شي ثاني .. انتي لو ركزتي زين مافي اختلاف
في الملخصات أو اللي ذركتيه اللهم اختلفت في الترتيب والصيغة غير كذا الاقتصاد محتاج فهم مو حفظ كذا يسبب التشتيت ومعك في أنه المرجع الأساسي ملخصات الدكتور وانه المذاكرة منها ,اذا الواحد فهم من ملخصاته خير وبركة ومايحتاج ملخص ثاني
لكن اذا مافهم وش يسوي يحفظ هذا مو حل لانه رح ينسى بسهولة
ببساطة ياخذ من أي ملخص أو مقطع فيديو بشرط انه يتناسب مع محتوى وعناصر محاضرة الاستاذ
وعلى فكرة ملخص النزال ومجموعة من طلاب وطالبات المنتدى هو نفسه حق ملخصات الدكتور
ناسخين المحتوى وكلام الدكتور
وبس
وربي يوفقك يارب وينجحنا أجمعين

تحياتي لك :106:

[لسعة شقآوهـ]

:hhheeeart4:

[ابوهاجر]

مع احترامي لرأيك ,,, أن اختلف معاك في عدة نقاط

اولا :الملخصات هي بالاساس أما من الكتاب او شرح الدكتور ومواده المرفقه بكل محاضره ,,

ثانيا : شرح دكتور الاقتصاد الله يجزاه خير مو مفهوم ,, ولكن لما استمعت لشرح الاخ ايزو سهل اشياء كثيره

ثالثا : بالله كيف اقضي من وقتي حوالي ساعه اناظر فالمحاضره وانا مدري وش يقول ؟؟!! وتقولين ركز عالنقاط

الرئيسيه !! اي رئيسيه وانا ما فهمت شي؟؟!!

رابعا : بخصوص الالوان المختلفه وقصدك اللون الازرق ,, ترين كلها عناوين رئيسيه يعني ما رح تودي ولا تجيب

ولو بتركزين عليها بس ما رح تساعدك ,,,

اتمنى انك ما تهملين الملخصات لان شرح وعرض الدكتور ما يتناسب مع تفكيرنا بخصوص ان متعمق فالماده وقد

يهمل اشياء يعتبرها غير ضروريه بينما تشكل غاية الاهميه عندنا ,, لكن الاخوان اللي فهموا الماده عندهم معرفه

باسلوب تفكيرنا والاشياء الاساسيه اللي ممكن تساعدنا ,,,

ما اطول بالكلام ولكن اختم بالمثل اللي يقول اسأل مجرب ولا تسأل طبيب ( دكتور ) ,,!!

[lightning]

يا حبي لك والملخصات ايش
كلها المحتوى حق المحاضره + كلام الدكتور يعني شرح الدكتور +نقاط من الكتاب

يعني نفس الشي بالاخير بتكون طريقة المحاضره اني افتح الملخص الي اساسا يحتوي على محتوى المحاضره
واشوف المحاضره واخطط واكتب الي ابي ...والافضل انك تقري الملخص اول قراءه سريعه على شوي تركيز وبعدها تشوفي المحاضره ...لكن مرات تمر علينا مسائل او جداول يكون الدكتور ما شرحها بطريقه واضحه هنا الطلاب يسألوا ويساعدوا بعض ..

انتي تسمعي عن الملخصات بس ما تدري وش محتواها ...افتحيها وشوفي ,افتحي كل ملخص وشوفيه وشوفي المحاضره


بالأخير كل واحد واسلوبه في المذاكره

[سيانق]

المعنى كلها خسارة في خسارة نطبع محتوى و شوي واحد يقول ملخص و شوي ملخص و محتوى خلوها على ربكم .

[قمييله]

يعطيك العافيه شاتتي العالم انا عن نفس اذاكر الملخصات واسئله الكتاب بس لاغير

[candil]

:hhheeeart4:

[ام سما]

السلام عليكم


اختي وينه الملخص حق الدكتور اذا موجود افيدينا به الله يجزاك خير

اما سالفة اجلس على المحاضرات بعيده عني يكفي الرياضيات جالسه اسمعها غيرة نووووووي

[عروب الخيل]

بالعكس ملخصات النزال جدا حلوه وسهله الدكتور الي والله مدري وش يقول وشرحه:(177):الله يوفقنا وينجحنا في مادته ونخلص منه:064:

[Hanan o1]

انا مع BayanFJ (http://www.ckfu.org/vb/u79722.html)

:tongue:هذا وجهي ااذا فهمتي شي من الدكتور

الملخصات كثير ساعدتني ف المذاكره

والله يوفقك ي عسل:119:

[همس الغرور]

بصراحه الدكتور الله يجزاه خير شفت 9 محاضرات بدون فايده مدري انا فيني مشكله والا ايش !!

الله يهديه لو يخلي الشرح على اللوحه اللي جنبه ويركز معانا لانه يقعد يأشر وانا انحول احاول اشوف..:oao: وش اسوي على بالي مركزه والله اعصب احاول افهم ماقدرت افكاره مو متسلسله والله يوم شفت شرح الاخ ايزو حسيت انها ماده طبيعيه مو طلاسم ..

الدكتور الله يجزاه خير بيحط الاسئله على فهمه وهو طبعا فاهم الماده بس ماوصلنا المعلومه الصحيحه يعني احنا لازم نفهم الماده علشان نحل ..

[قديمة جديده]

الله يعطيكم العافيه كل ابوكم:biggrin: الي اقصده ان الملخصات حق الدكتور والي هي ملخص الكتاب يعني الدكتور كتب الي هو شايفه مهم وترك الباقي !!!! فبعتقادي انه اذا بيحط الاسئله راح تكون من الامور الي هو لخصها والي هو حددها ...............سيبكم من الشرح كلنا بالهوا سوا لكن هو راح يطلع على ملخصات الشباب السابقه ويجيب اسئله منها او راح يجيب من ملخصاته هو؟؟؟؟؟؟؟؟؟؟؟؟؟؟؟؟؟؟؟؟؟؟؟
سالفت فهمتو مافهمتو هو ماعليه وسواء فهمتو اولا :(269)::(269): المهم هو راح يجيب شي من صنعه فهمتو او اعيد:41jg:

اما الي يبي يطلع دكتور اقتصاد ويفهم زين زين فزيد من البحث والتركيز:biggrin:
اما قولت ان اغلب المأشر بلازرق عناوين موجوده بالكتاب .!!! صح انا معاكم لكن مو كل الي بالكتاب نزل ولو كان العنون موجود لحظوو الفرق بين الي موجود بالكتاب والي هو اختاره ونزله في ملخص المحاضره .
ومحاضرات او ملخصات الشباب السابقه معتمده على الفهم وافلقوني لو اعتمدتو فقط على الفهم في الاقتصاد واذا هي ملخص اساسا من حق الدكتور فليش اشتت روحي فيمكن الي هم شايفينها مو مهم الدكتور شايفها غير فأن امش خلف من بالضبط الي راح يحط الاسئله او غيره؟؟ طيب سؤال يسدح نفسه !!!! هذي الملخصات موجوده من قبل فليش نسمع ان كثير رسبووو في السنوات الي قبل من هذي الماده؟؟؟؟ يعني ملخصات مانفعت او وش بالضبط،،، على العموم هذا رئي شخصي وحبيت اشاركم فيه والعفو لو كان مو عاجب او مخالف لرئي البعض :biggrin::biggrin:
يد وحده ماتصفق لازم حفظ + فهم في كل الامور .

[منـور]

ثانيا : شرح دكتور الاقتصاد الله يجزاه خير مو مفهوم ,, ولكن لما استمعت لشرح الاخ ايزو سهل اشياء كثيره

ثالثا : بالله كيف اقضي من وقتي حوالي ساعه اناظر فالمحاضره وانا مدري وش يقول ؟؟!! وتقولين ركز عالنقاط

الرئيسيه !! اي رئيسيه وانا ما فهمت شي؟؟!!






تصدق يابو هاجر انا اكثر وحده كنت اشتكي من شرح الدكتور !!

واحس الان اني ظلمممته بالحيل .. ورب البيت اني ظلمته

تصدقون ان العيب موب من شرحه من مخناا الواقف تدرون ليش !!

تحديت نفسي قلت ياانا ياشرحه وربي اني مبققه عيوني بالملخص وبكلامه والماوس على
الاعاده واعيد كلامه مره وبعدين اهدي تفكيري وارجع اقرا الكلام من الملخص

قسم بالله انففففتح مخي ذاك الي مقفل !! وبعدين صرت امشي معه خطوه خطوه

وخاصه محاضرته 14 ورب البيت اني اوقف المحاضره واحل التمرين قبله ليه !!

لاني فققققط ركزت بالي يقوله ..

مثال بسيط .. لون انك بسوبر ماركت ودق عليك شخص يقولك سالفه وانت تتقضى

تلقاك نص سالفته ماتدري وش قال ونص اغراضك لو انك كاتبها بورقه ماجبتها ومن زود

لخطبتك تصرفه وتطلع من السوبر ماركت لانها قفلت وياك ماعاد تقدر تثبت شيء

وهذا حنا نهزء فيه وندور شروحات وحالتنا حاله والسبب !! فقط ناقصنااا التركيييز

جربو لو سطرين من الملخص و8 دقايق لدكتور وهو يشرحه بدون اي هواجيس ولاحولك احد يزعجك .. والله بتضحك على نفسك بتقول يووه هي كذا وانا مافهمت !!

كلنا عندنا قدرات وعندنا مخ يخزن اكبر كميه من المعلومات ولو اقولك سمع الجريده سمعتها

لكن امور دارسيه !! اوف يوقف المخ بهالوقت

هذي نصيحه مني لكم اتمنى الكل يتقبلها واتمنى لي ولكم التيسير والتوفيق

[ROUZ]

ــ
أختي أنتي الحين ماوضحتي كلامك !
وسببتي لبس لبعض الاشخاص :biggrin:
مدريوشو ملخص الدكتور اللي تقولينه
اذا تقصدين المحتوى فاالملخصات عباره عن المحتوى وشرح الدككتور ونماذج للاختبار
واذا تقصدين شي ثاني وضحيه ..
بعدين لو ان الملخصات بتضيعنا كان ضيعت اللي قبلنا :(269): حالياً باالمستوى الرابع
......


ذاكروا الملخصات وهي كفايه أصلا أحس الملخصات أكبر من الكتاب وفيها كل شي
فماني عارفه ليش بنروح فاالرجلين :biggrin:

[دلوعه ابوي]

بصراحه الدكتور يفكرنا عباقرهـ

يكلمنا ويشرح بدون امثله

بس الحمد لله فيه اللي سهل الفهم علينا

الله يجزاهم خير يارب

[BayanFJ]

لكن هو راح يطلع على ملخصات الشباب السابقه ويجيب اسئله منها او راح يجيب من ملخصاته هو؟؟؟؟؟؟؟؟؟؟؟؟؟؟؟؟؟؟؟؟؟؟؟


يا حبيبتي إنتي <3
الشباب ما جابو الملخصات من كتاب ثاني أو من شرح دكتور ثاني !
الملخصات أساساً مقتبسة من المحاضرة و الكتاب و شرح الدكتور
للأمانة .. انا ما فتحت ملخص الإقتصاد ولا شفت منه ولا محاضرة
لكن إستناداً على الملخصات الثانية أشوفهم ما شاء الله وضّحو أشياء كثيرة أقلها تفهمين
لهجة الدكتور !
و مثل ما قالت لانا / إرجعي شوفي المحاضره ثانية وثالثة و رابعة لاتعدّين المحاضرة و إنتي ما فهمتي !
لو ما فهمتي من المحاضرات الأولى أبداً لا تكملين لأن كل محاضرة تعتمد على اللي قبلها .

** الله يوفقك يارب :106: ,, وإختاري إللي يريحك و اللي يعجبك ولك كامل الحرية بإختيار طريقة مذاكرتك
لكن .. خذي المادة من الجانب الآخر ( جانب الطالب ) , أقرب ل طريقة فهمك و إستيعابك بعكس الدكتور
اللي يشرح ب مستوى فهمه : ) !

[حبيب الشمس]

ترى المحتوى هو ملخص الدكتور :064: ،

والملخصات الي غير مجرد تبسيط واضافات من مجتهدين الله يكتب لهم الاجر ولا يهينهم .

وانا انصح بالنسبة للقانون والادارة بطريقة جربتها ولقيتها مفيدة وظريفة وخفيفة ولا ننسى اختهم لطيفه :g2:
الا وهي نسخ المحاضرات كامله على سي دي او شريط والاستماع لها باستمرار بالسيارة .
طبعا الي ماعنده سيارة .. يشوف له احد يركب معه .. :hahahahahah:

اما بالنسبة للرياضيات فما اعتقد انها تستاهل اكثر من ساعه ( كل المنهج المخصص لمستوى 1 ) او هكذا اعتقد.

بقي عندنا المحاسبة والاقتصاد .. هذي صراحه لي فيه راي مادري شرايكم فيه .. وهو المدرس الخصوصي :(204):
يجتمعون اربع او خمسه كحد اعلى وينقزون لهم مدرس خاص من هالفلتات ويقطون له 2000او 3000 ريال ، ومن قبل الاختبارات باسبوع او ثنين كل يوم ساعتين وخلصنا .

هذا والله يوفقنا وياكم

والسلام سكر

:119::106:

[يآرب آنجح]

تيب بليززززز ممكن احد يرسل لي المحتوى الموجود بالمحاظره
6.7.8.9.10.11.12.13.14

[BayanFJ]

تيب بليززززز ممكن احد يرسل لي المحتوى الموجود بالمحاظره
6.7.8.9.10.11.12.13.14



سمي
http://www.4shared.com/file/57WFLYjB/__online.html?

[New LiFe]

انا من ناحيتي ما اقتنعت بالملخصات ، مو لأنها سيئة لا والله الا الله يجزي من سواها ألف خير ، لكن بطبيعتي انا ماحب وسيط بيني وبين الدكتور او المدرس ، فأركز على محاضراته او المحتوى تبعه ، اذا شفت شي مافهمته ابحث بالنت واعرفه ثم ارجع اكمل معه ، وهذا رأي خاص فيني

اللي اتوقع بتعب معها شوي القانون .. لأن كلها حفظ وتحتاج وقت ، لذلك مضطر انسخ كل محاضرات الدكتور mp3 cd واسمعها طول الاسبوع الجاي ، منها ترسخ معلوماته بذهني ومنها استفيد من وقتي بالسيارة عاد مايحتاج الرياض وزحمته

[وتمر الأيام]

يآحبكم لكثر الهرج بس خلاص استغلوآ الوقت وذآكروا الى متى تتأرجحون بين ملخص وآخر ترى السآلفه نجاح انتوآ ذاكروا ولكل مجتهد نصيب :119:
تمنيآتي للجميع بالتوفيق المستريح :53:

[يآرب آنجح]

سمي

http://www.4shared.com/file/57WFLYjB/__online.html?



تسلمي ربي يوووفقكـ :mh318:

[تشافي هارنانديز]

هو الدكتور شرح لنا حاجه علشان نذاكر من شرحه ومحتوياته وشرحه يتعب النفسيه

كأنه يقولنا فيكم خير انجحوا الدكتور هذا يحطم فينا ويحطم بمعنوياتنا

[اللامي]

وينه ملخص الدكتور هل قصدك اللي بالبوربوينت
؟

[اسامة عبد الله]

طيب الملخصات هو جايبها من الكتاب والمحاضرات واغلب الناجحين اعتمدو علي الملخصات والحمد لله نجحو انا اقول شي مهم ركزوا على المحاضرات الاخيره فيها الزبده او داكرو من الاسئله السابقه وانشاالله بعونه ناجحين ..... وبعدين انا اشك انا عندك مكتبه تبيع كتب وتروجين لها:(107):

[اللامي]

اقول


انتي الحين اللي يسمعك اللهم بلغت اللهم فاشهد

يقول جايبه اسئلة اختبارات فالاخير اوم التحطيم

اقول بس ورا ماتذاكرين من دون احباط

:lllolll:

[وادي زاعم]

السلام عليكم ورحمة الله وبركاته
مساء أو صباح ............ الفل للجميع
حابه أقول شي لوجه الله بخصوص هذي ألماده بالذات رغم أني أشوف مادة المحاسبة لا تقل صعوبة عنها بكثيرررررررررررررر

اسمعوا مني اياخوان وياخوات كلا يأخذ من قوله ويرد ألا صاحب هذا القبر( يقصد به رسول الله صلى الله علية وسلم) مقوله شهيرة لمالك.... كثرنا بالفروع وتركنا الأصل !!! مع احترامي وتقديري للجميع ممن بذل مجهود وحط محاضرات وملخصات ............الخ , واقصد بلاصل هي ملخصات الدكتور غسان الله يهدي سره !!
أنا وأنت وأنتي وجميعنا بتجينا الاسئله ممن ؟؟ من بيوضعها؟؟ أبو موزه ؟؟!!! النزار أو النازل مادري وش اسمهم ؟!!! والله ماقصد الاستهتار أو التقليل من شأن احد بالعكس هم على الرأس والعين وجزاهم الله ألف خير لكن معنا ملخصات الدكتور ألي هو بلا ساس ألي راح يحط لي الاسئله بالامتحان يعني أنا يوم ارجع ملخصاته بكون اقدر على فهم أو على الأقل بوصل لو لشيء بسيط من مستوى تفكيره ويسهل علي افهم نمط الاسئله ألي راح نجيني!!!! صحيح أو أنا غلطانة؟؟ لكن الملخصات الثاني هي اجتهاد أشخاص لا راح اختبرهم ولا يختبروني ، غير كذا ألي راح يقارن الكتاب حق الاقتصاد مع ملخصات الدكتور من جد فيها ألزبده وشي المهم المطلوب منا التركيز عليه حتى لو شرحه مافهمت يكفي احفظ النقاط الموجودة من غير مسمع محاضره ، وعلى فكره في شي مهم مهم مهم جدا في الملخصات!! ألي طبعها بالملون راح يلاحظ شي ألا وهو أن بعض الأمور أو النقاط بلون مخالف يعني ألمحاضره بلا سود وهي تكون بلا زرق ولو دققت شوي راح تشوف أنها زبده ألزبده للمحاضرة يعني افهمي يجاره ياشطوره وركزي عليها:biggrin:

وبدل التشتيت وهنا وهنا وبلا خير نروح بالرجلين والي يأكل باليدين يروح وطي،،

ماقول اهملو الباقي لكن عليكم بلا ساس وهو ملخصات الدكتور
هذا ألي جبيت أقوله لكم وكما قلنا في الأول كلا يأخذ من كلامه ويرد، وآسفة على الاطاله
ربي يوفقنا وإياكم



احترم رايك واحترم امانتك بتوصيل ما تشعري به للاخوان والاخوات , ولكني اختلف معك بخصوص ملزمة الاخ نزال لاني افتحها امامي وكل مايقوله الدكتور والمحتوى هو موجود بالملخص يعني الاخ نزال جزاه الف خير هو يكتب ما يقول الدكتور + المحتوى , المشكله انا اشوف هو شرح الدكتور ماني قادر استوعبه على العموم انا ودي اركز على النظري واحاول افهم المسائل ودنا ان شاءالله نعدي بعون لله , تقبلي مروري بكل ود :106::106::106:

[قديمة جديده]

:bawling: والله اني ذاكرت :24_asmilies-com:وشفت ملخصات الاخون بعد لكن بلاخير قررت اركز على ملخصات الدكتور الي منزلها مع المحاضره الي على قولكم مالها داعي الله يحفظه ويطول بعمره:biggrin: وتبون الصدق <<<<<< متنحه بعد:24_asmilies-com:
اقووول بس خلاص كلاو وهواه وربي يوفقني ويوفقكم قلووووووووووووووووو امين يالله على دروسكم ياحلوين:41jg:

[dr.memoo]

انا مافهمت الا من ملخص ابو موزة والنزال الله يجزاهم خير تلخيصهم واضح ومفهوم مع شرح لاستاذ مصري على اليوتيوب اتوقع اسمه محمد نعمون اذا ماني غلطانه

المحتوى مو واضح كله رؤوس اقلام كيف بالله نفهم؟؟؟؟

[قديمة جديده]

ــ
أختي أنتي الحين ماوضحتي كلامك !
وسببتي لبس لبعض الاشخاص :biggrin:
مدريوشو ملخص الدكتور اللي تقولينه
اذا تقصدين المحتوى فاالملخصات عباره عن المحتوى وشرح الدككتور ونماذج للاختبار
واذا تقصدين شي ثاني وضحيه ..
بعدين لو ان الملخصات بتضيعنا كان ضيعت اللي قبلنا :(269): حالياً باالمستوى الرابع
......


ذاكروا الملخصات وهي كفايه أصلا أحس الملخصات أكبر من الكتاب وفيها كل شي
فماني عارفه ليش بنروح فاالرجلين :biggrin:

اقصد المختصر الي نزله الدكتور مع المحاضره هو هو الي بالكتاب والي يقوله لكن هو الزبده يعني المهم من كل الي بالكتاب

[قديمة جديده]

خلاص خليكم بالي ماشين عليه واسفين على الازعاج :41jg::41jg:ماكانت نصيحه ياحوستي:hahahahahah::hahahahahah: