*****بخصوص كلية التربيييه الجديده *****

[اروع شعور]

السلام عليكم بنااات ودي اسالكم عن كلية التربيه الجديده الي فتحوهاا
الحيين انا متخصصه وهذي السنه الاولى تخصص هل بامكاني انقل للكليه الجديده واغير قسمي وكم يبيلهاا معدل اذا بحوول تكفوون الي عنده خبر ياليت ييفيدني وايش الاقسااام الي فيهاا وبالنسبه للتحوييل انا اقصد احوول الترم الثاني

[kadooj]

امممم بصراحه اذا انتي متخصصه فاتوقع وضعج نفس صديقاتي
لانهم حولوا طبعاا بعد طلعة الروح وبعد ماراحوا اباءهم وكلمووا وازمه
وبالاخير حولوا بس يعيدون التحضيري ..
بحجه ان الكليه جديده ومافيها فصول ومواد مفتوحه لسنه ثانيه الي متخصصين يعني ..

فمادري شنو وضعج ، احس لازم انتي بنفسج تسألين ...

[Meme als]

طيب متى نقدر نحول :mh12:
سمعت ماتعيدين التحضيري بس يسوون لك معادلت مواد !

[sheere]

ايه يعادلون الموااد

خدووج صديقاتك الي حولو كم كانت معدلاتهم

[اروع شعور]

طيب الحييين مو هم يدرسووون التحضيري نفس موادنا فمالها داعي
نعيد سنه تحضيريه كامله ليشش التعقيييد
طيب كم يبيلهاااا معدل اذا بحول
وايشش التخصاات الي بيفتحون فيهاا
سمعت فيها رياض اطفال

[فطوم الشهري]

لا حبيبتي مو نفس المواد في مواد تختلف عشان كذا تعيدين انا سمعت انا من كليه لكليه يطلبون معدل اثنين ونص

[big hart]

على فكره انا سمعت انها

دبلوم سنتين مو بكالريوس .. <- اوم القهر :cool:

[البدويه]

بناات راح افيدكم بعيد عن الاشاعات ..


1 ) بتضطرين تعيدين الشنه التحضيريه من ناحية المواد الي مادرستيها يعني مثلا التحضيري 9 مواد
4 مشتركه يعني الكل يدرسها و5 لا لكل كليه شي خاص فيها فبتالي تضطرين تعيدينهم .. ولان المواد تكون كميتها كبيره وساعاتها كثيره فماتقدرين تتخصصين .. عشان كذا يقولون تعيدين السنه التحضيريه بينما انتي بالحقيقه تم معادلة المواد المشتركه وجالسه تدرسين المواد الي ماكانت موجوده بكليتك ..



2 ) اول شي شهادتها بكلوريوس وهذا الشي واثقه منه 100 % لان في كليتنا مافي دبلوم
غير كذا تقدرين تسالين وتتاكدين لاني انا سالت من قبل قالتلي ماعندنا دبلومات كلها بكلوريوس


اي استفسار انا حاضره ...

[دآنـهـ]

كلية التربية بالدمآم فيهآ بكآلريوس وفيهآ دبلوووم ,,

البكالريوس تخصصين فقط :درآسات قرآنية + ريآض اطفال ..

الدبلووم يكون لخريجين البكالريوس ,, عشان تصير شهادتك تربوييه ,,ومدته 10 شهوور > يعني سنه تقريباً ..


وبالتووفيييق للجمييييع :106:

[7o0ore]

كيف طريقت النقل قالو من البيبل سوفت >الخدمه الذاتيه>نماذج الكترونيه >وبعدين مادري وش الباقي وش ادخل احد يعرف واكون له شاكره