هل من مجيب هل في تسجيل انتساب في جامعة الملك فيصل لترم الثاني امانه الي بتمر على موضوعي ما تدخل الله لايسمحه اذا ماترد علي اتمنى الكل يجيب اترككم مع الموضوع

[همسات حزينة]

السلام عليكم ورحمة الله :Cry111:وبركاته اتمنى من الكل :mh12:الي يدخل على موضوعي يجاوبوني على سوالي وسوال الاخوات والاخوان الاعضاء المنتدى اتمنى انكم كل الي يدخلن يردون على سوالي وسوال الكل واتمنى الي يعرف ش يعن التسجيل في الانتساب لترم الثاني يرد علينه ما يخلينه احنا والاعضاء محتارين الله يفك حيرة كل محتار مع الف دعوة صالح من القلب المظلوم ان اختكم البريئه المظلومه همسات حزينه مع الف سلامة لكل من يرد على سوةالي له دعوة صالح :Cry111:

[L,v]

طيب حياتي تبين تعرفييين متى التسسسجيل ... !!:love080:

التسجيل بمحرم ان شاء الله انتي تابعي الملتقى ان شاء الله كل شي موووجود وبيعلنون عنننه

<-- ذا الي فهمتتتته من مووووضعك تاريخ التسجيل

وشدني عنوان موووضوعك حسسيته لحاله موووضوع :hahahahahah:

واي استفسار حنا بالخدمممممه :(204):
ونعيين ونعااون :love080:

[رنو الحلوه]

هدي اختي ولا تحزنين:119:
فيه تسجيل ليه مافيه:biggrin:
انتي تابعي الموقع تبع الجامعه واكيد بينزلونه
خليك ارواند بس

وريلاكس قلبووو:biggrin:

[HELLO~ KITTY]

اختي جزااك الله حير ... ما يحتاج تدعي ع المسلمات والمسلمين وصدقيني كل مين يقرا موضوعك راح يضايق من اسلوبك ..

سبحان الله ترا اللي في الملتقى اكاديميين اطرحي سؤالك وابشري بعزك

وجهة نظر

[TheDream]

بصراحة دخلت اشوف وشوله التحسب علينا ؟؟؟


سبحان الله كثر هالتكاتف بهالمنتدى الا فيه ناس ما تقدر تحس فيه والدليل الولوه

[(ست الحبايب)]

الله اعلم الله يوفقك

[sunflowers]

لا تدعــــي على أحــد ,,,الكـــل راح يساعــدكـ من غــــير ما تدعـــي
شوفي التقويم الزمني و الموقع الرسمي للجامعه
:106::106::106:

[ريومة الشرقية]

لاتدعين علينا:Cry111:
نعين ونعاون:mh318:
قريب ان شاء الله بعطيك خبر:119:
مووفقه:106:..

[فيصل فهود]

:mh12: خفت من الدعوه ودخلت بصراحه ماعندي اجابه مو واضح أسلوبك

[حفيدة شاعر]

استغفري الله :biggrin:

اييه فيه اكيييد

تابعي التقوويم وسجلي

الله يوفقك يارب ...’

<<اطول عنوان شفته بالملتقى :biggrin:

[روحي بنتي]

الله يهديك :mad:

ماادري متى يفتح التسجيل

[ياربـ توفيقكـ]

:hhheeeart4:

[عالي شموخي}..]

دخلت عشان ماتصيبني الدعووه


والله الدراسه في الترم الثاني قصدك

تابعي الملتقى موقع الجامعه
انشاء الله راح يعلنون عن فتح التسجيل بوقته


ذكرتيني بمنتدى كذا عضواته بس داعوي وياويل اللي ماتدخل :(284):
ههههههههههههههههههههههههههههههههه:mh35:

[ريما عادل]

احس انك تكتبين وانتي في داخل دوامة من حزن وظلم ومشكلة مدري وش وجالسة تفكرين فيها وانتي تكتبين الموضوع :mh12: او انك مكثره مسلسلات تركية حزينة :bawling::hahahahahah:

المهم التسجيل بآخر محرم :71: تابعي الموقع
وترا الدعوه ذي اللي انتي كاتبتها طلعت عنها فتاوى انها ماتقع على المسلمين حتى لو مانفذوا الشرط :lllolll:لان مالهم ذنب مساكين :Cry111:

بالتوفيق ان شاءالله

[مديناوي]

عليك بمتابعة وتحديث التقويم الزمني من خلال موقع الجامعة

واتوقع قريب يعلنو متى التسجيل للترم الثاني

بس لابد عليك من متابعة التقويم الزمني


وومايحتاج تدعي على الكل ؟

[ترآنيم الغلآ]

....ّ!

هذآ معروض والا عنوآن ؟

وش كاتبه انتي ؟ المظلومات المسكينات المحرومات .. المعقدات ماخليتي شي .!؟

الله يهديك بس ..

عمومآ الكل مارح يقصر معك حتى لو بس كتبتي العنوان .. متى تسجيل الترم الثاني .. < والله مارح يقصرون

آرتقوآ لنرتقي :106:

وبصرآحه ماجالي نفس أرد ع استفسآرك للأسف .. :icon9:

ان شاء الله اللي قبلي فآدوك بالاجابه .

الله يهديك

[missflower]

اي في تسجيل تابعي تقويم زمني

[فــــرح]

طيب لاعاد تدعين على احد

انتي استمري بتواجدك بالملتقى واي جديد بتلقينه بخصوص التسجيل او غيره

[nouf.m]

من اسمك واضح انك انسانة درامية لحد المدري وشو
:biggrin:

[om osama]

في محرم

[ملح البنات]

الله يهديك دخلت عشان الدعوه :mh12:

واللله ما عندي علم :g2:

[ملح البنات]

خلاص اكلتوا البنت صح اخطأت بس ولو ما يصير رحمتها :Cry111:

[عبير الصمت]

وعليكم السلام ورحمه الله وبركاته ...


الله يساامحك عزيزتي ... تفااجأت من موضوعك ....:(107):


مااقصرو الأخوات جااوبو ... :biggrin:


غاليتي / أستغفري ربكــ ولا عااد تعودينها ... >> :mad:

لأننا مظلومين >> :icon9:


ع العموم : ترى أحنا هنا نعين ونعاون ... ونستفيد ونفيد ..


في حفظ الرحمن ..

[عبير الصمت]

معليه معليه يالغلا ... مسموحه ...


كلنا نخطأ ...

[زهرة الريف]

اتمنى تغيير عنوان الموضوع من المشرفين تفادي للمشاكل ... وبالنسبه للاعضاء اتمنى منهم ماياخذون الموضوع بهالحساسيه جايز اختنا خانها التعبير واكيد انها مااتقصد... اذا اسلوبها كان شوي جاف ودعاوي فهذا مايمنع ان تكون ردودنا فيها من التسامح والروح الحلوه وشئ من النصح زي ماشفت في بعض الردود الله يجزاهم خير اقتداء بنبينا عليه الصلاة والسلام لما كان يعامل المسيئين اليه.. وتدبرو قوله تعالى (( والكاظمين الغيض والعافين عن الناس))... اختنا اكيد ماتقصد فاعذروها لاعدمتكم..
دمتم بود..:106:

[وطني الجبيل]

لقبك بالموضوع ذكرني بالقذافي

اختكم البريئه المظلومه همسات حزينه مظلومة الملايين ملكة ملوك الحزن

ارحمي نفسك

[اسماء صالح]

استغفرالله

ياختي لا عاد تتدعين :017:

من دون دعاء راح نجاوبك:mad:

والي قالووه كفايه :(107):

[أعذب إحساس]

باين الكل متنرفز من طريقة الأخت الله يهديها اتمنى منها تغير الموضوع او احد المشرفين يقوموا بتغييره والله انني اشفقت عليها من طريقتكم يمكن الأخت مقهوره من شي وحطت حرتها بالعنوان لاتواخذوها :064:
اينكم من خلق الرسول ياطلبة العلم :wink:؟؟
وماكان يحتاج منكم تعصبوا وإذا ماعندكم رد ارفعوا هذي اللافته الجميله :biggrin: وانتهى ...
:hhheeeart4:


وفقنا الله واياكم :106::106:

[أسطوره الشمس]

سبحان الله الملافظ سعد
وهذا غصب عنكم تجاوبون
خليك ايجابيه الله لايهينك ..وهذي المعلومات اداريه احنا طلبه وش لنا فيها ولا تخافين اذا نزل التاريخ راح يعلنون
بس لاتتحسبين على احد
لان في ملك يقول:(لك بالمثل)
:017::sdfgdsf::017:

[النمر2009]

اختى تابعي موقع الجامعه وان شاء الله يتم الاعلان من خلال موقع الجامعه
وبالتوفيق للجميع ان شاء الله
:000:

[fairuz]

حبيبتي هذا انا والله مدري عن شي ..

ومتابعة منتدى الجامعه اول باول واسال بعض الاعضاء برسائل خاصه يمكن تكون عندهم نبذه ..

بأذن الله سيتم إفتتاح التسجيل الترم الثاني شهر صفر بتاريخ 12 / 2 .

وبالتوفيق عزيزتي .. :love080:

[RoshoF]

!! الي بتمر على موضوعي ما تدخل الله لايسمحه اذا ماترد علي !!
:(177):

[مشموشه]

الا فيه تسجيل الترم الثاني تابعي المنتدى وشوفي متى يبدا:(107):

[دانه الناصر]

ليش الدعاء الاعضاء متعاونين بدون دعوة
استهدي بالله وراح تحصلي طلبك في اقرب وقت
لاتيئسي
فيه تسجيل الترم الثاني

[Aldlo3h]

:hhheeeart4:
الله يهديك بس ..
ماله دآعي تدعين عشان نرد عليك ..
مو الكل فآضي آو عنده معلومات كآفيه عشاان ندخل وغصب نرد :mad:
يآآختي لو انتي فااضيه :(177): ترى غيرك مشغول :(177):
هنا اي احد يسأل يلاقي جوآبه من دوون مايكتب عنوان نفس طريقتك :119:
وإذا كان فيه آي رد قآسي وماعجبك من اللي ردوآ ع الموضوع ياليت تتحملينه :119:
لآن طريقتك بالعنوآن تستوجب رد كذآ :119:

ياليت المشرفين يعدلوون العنوآن الطوييل !!!!

[بسمة فرح]

تابعي التقويم الزمني
وبلاش دعاوي علينا :Cry111:
حولي دعاويك على الجامعة حسبي الله ونعم الوكيل

[بحة الشووق]

استغر الله واتوب اليه


ماعندي رد على سؤالكـ صرآحتن :biggrin:

[ski]

مدري مثلي مثلك
تابعي التقويم الزمني

[بنت بدوي]

صح ساعات يقولون اخر شهر 12 واحيان شهر 1 واحيان شهر 2

[لاكوست]

الرجاء متابعة اعلانات الجامعة ب أستمرار

وماراح يقصر الجميع في الأعلانان هنا أذا الله راد

راح تشوفين القسم مليان مواضيع

بالتوفيق لكـ

أستغفر الله وأتوب اليه

بعد أذنكـ يغلق الموضوع :106: