خلااااص تعبت نفسيا بحذف الرياضيات هالترم [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : خلااااص تعبت نفسيا بحذف الرياضيات هالترم

صالحـ

2011- 11- 26, 10:18 PM

السلام عليكم

بصراحة قررت احذف الرياضيات هالترم ماااااقدرت استوعب شرح الدكتور ابدااا وعجزت كل ما حفظت كم معادلة تجي معادلات غيرها واقوم اضيع :bawling:
كل محاضرة اصعب من اللي قبل ..
انا اشوف اني أأجلها للترم الجاي وربنا يحلها ويفرجها علينا بدكتور ثاني والا اجيب مدرس من بداية الترم والا نشوف لنا حل ثاني .. بس بصراحة اختبرها هالترم مستحيييل ..

هديل المشاعر

2011- 11- 26, 10:30 PM

مرياميه

2011- 11- 26, 10:36 PM

الله يستر انا لسه ما فتحت هالماده بداء فيها بكرا :mh12:

مملكة لمو

2011- 11- 26, 10:37 PM

ما أتوقع يغيروا الدكتور هو وراك وراك

المستوى اللي راح أعترضوا عليه ولازال الدكتور نفسه

هولويفكنا من ماينص وداش كان إحنا بخير
أحيانا يقرأ عربي وأحيانا e
ذاكر التمارين اللي حلها الدكتور وشوف أسئلة العام

أنا وقفت ع المحاضرة الخامسة وبدأ فيها من جديد
ترى فيه تمارين تعوض وتمارين بالآلة
هونها وتهون

وفالك النجاح

:hahahahahah::hahahahahah::hahahahahah:
حلوه ما ينص و داش
بس بجد الدكتور ما يفهم
مشكلته يتعامل معنا كأننا عباقره في الرياضيات
المفروض يشرح كل نقطه وبلعربي
الله يكون بلعون
والله يقدرنا ونجيب B

ابوي نبض قلبي

2011- 11- 26, 10:38 PM

وعليكم السلام

اخوي توكل على الله ولاتحذفها انا مااخذتها الترم اللي رآح وتندمت الكل يمدح باسئلته

واعتمد على الله ثم نفسك في فهمها واي شيء يصعب عليك اطرحه هنا وان شاء الله مانقصر

وبالتوفيق للكل

زيدان9

2011- 11- 26, 10:45 PM

الله يرحم والديك ، ابعدونا عن جو التوتر والتحطيم وتعب النفسيات !

الرياضيات فيك فيك لو حذفتها الحين نطت مثل العفريت بعدين ، والعلة مش في مدرس المادة العلة في الرياضيات نفسها تبي جهد مضاعف.

شد حيلك وذاكر وكلها ايام وتعدي هذي الازمة على خير ونجاح بعون الله.

وقد ورد عن الرسول صلى الله عليه وآله وسلم أنه كان يعجبه الفأل ،و قالت العرب : ( تفاءلوا بالخير تجدوه ) ...

وانا اقولك بي كوووووول وخلك رايق:lllolll:

توفي~

2011- 11- 26, 11:31 PM

//

لاتحذفهآ ولا شي ,

ع كلام أخوي ماخذها الترم اللي راح يقول المآده ترى سهله بس شرح الدكتور مصعبهآ ,,

وماتابع ولا محاضره , بس وقت الاختبار كتبت له إختي القاعدآت بالعربي , حفظها و فهمهآ ومشاءالله نجح بدرحة عاليه ,

هذا دليل ان الماده سهله وماتستاهل الحذف :tongue:
بس اللي مصعبها علينا انها انجلش ,

وإن شاءالله انا راح اسوي نفس الشي ماراح أتابع المحاضرات , وبعرّب القآعدآت وبإذن الله رآح أنزل هنآ نسخه منهآ ,

والله يوفقنا اجمعين :106:

كواليتي

2011- 11- 27, 12:05 AM

والله انا مثلك ياخوي بس ما راح احذفها
كنت في الثانويه ادبي شارده من الرياضيات لكنها زي العفريت تنطلي بكل مكان :71:
قررت اني اتحدى الخوف واواجهها :33_asmilies-com:
توكل على الله واخلص منها هالترم
وضاعف مجهودك فيها وبشرنا بالنجاح :(204):

**شذا**

2011- 11- 27, 12:14 AM

وين الدكتور حنفي وربي ماانسى صوته
وهو يهبل فيني وهو يقول ها سمعك اووولي صح لدرجه اني كنت اشك انه معي
هههههههههههههههههههه
انهبلت من هالزول والله جبلي زهايمز مبكر
اخوي نصيحتي في وقت كافي انك تذاكر الماده وربي يوفقنا كلنا

ليمونة حامضة

2011- 11- 27, 12:23 AM

انا أنصحك اخوي انك ما تحذفها

شِف..

إبتدي من بكرة وذاكر محاضرتين من الرياضيات واليوم اللي بعده ذاكر محاضرتين وإللي بعده نفس الحكاية بس حاول انك تذاكرها بتركيز "حاول تحسس نفسك انك تحب المادة وما تبي تخسرها"

وشيل إحساس إنك ما راح تعدي هالمادة..

قسم بالله أنا كل يوم أصحى من النوم واتحلطم على الدكتور تقل عجوز مطلقة وسارقين عشاها :bawling:

قول انا قادر وانا راح أعدي المادة وانت بإذن الله راح تعديها وإن شاء الله بدرجة حلوة

بالتوفيق :106:

فيصل22

2011- 11- 27, 12:23 AM

الله يعينك يا خوي بس اياك يهزمك الياس باقي وقت كافي لتفهمها ان شاء الله ولو تبي اعطيك رقم مدرس رياضيات والله انه دافور يشربها لك شرب ولا انك تحذفها وهي وراك وراك هي وهذا الزول هههههههههه
غير مودك هذا وقم وانفض عنك الشيطان وربي يسهلها علينا جميعا امين

AრooََL

2011- 11- 27, 01:56 AM

سؤال شآآطح :

في امل باقي للحذف انا ابي احذف ماده مايمدي اذاكرها

تشتيتي مركز

2011- 11- 27, 02:06 AM

اخوي صالح ... استخير وتعوذ ن بليس .. الماده اول ما تناظرها تجيك صددمه عاطفيه .. وبعدين تحس انها ما تستاهل .. انا منيب شاطره بالرياضيات ادبي ولله الحمد .. لكن اتبعت ثلاث خطوات ..
:biggrin: شرح الدكتور بلوك ودليت ..
:biggrin:جبت دفتر وقلم وفسرت اكمامي ..
:biggrin:مسكت ملخصين فهد السري وهوعباره عن لمحتوى وملخص الاخ المطيري مثال وقانون ..

وربي سهلها ولله الحمد وحبه حبهتزود المحبه .. واي شي حطه هنا ونشرحه .. :(204):
فكر زين حسافه يا ابن الحلال ..

هذا فيه الملخص اللي قلت لك عنه اطلع عليه ..
http://www.ckfu.org/vb/ckfu/misc/subscribed.gif [ ملخص ] : ملـــــــــــفات قد تســـــــــاعد في فهم رياضيـــــــــــــــات 2 (http://www.ckfu.org/vb/t247811.html) ‏(http://www.ckfu.org/vb/ckfu/misc/multipage.gif 1 (http://www.ckfu.org/vb/t247811.html) 2 (http://www.ckfu.org/vb/t247811-2.html) 3 (http://www.ckfu.org/vb/t247811-3.html))

الطالبة المعذبة

2011- 11- 27, 02:08 AM

نصحية مني انا درست المادة وربي الى يوم الاختبار وانا ابكي مو فاهمة شي بس سويت اللي عليا وذاكرت اللي اعرف له واللي ما اعرفه طنشته

والحمد الله رب العالمين نجحت كانت الاسئلة مرة سهلة ومباشرة

لا تحدفيها بعدين تتحسفين

جورجي~♥

2011- 11- 27, 02:15 AM

كلان لايعه كبده من مادة مطفشته لا تحذفها ونا اختك ترها وراك وراك ها الماده :biggrin:

يوم حلو

2011- 11- 27, 03:44 AM

كنت مثلك فكرت احذفهاا بس حاولت والحمد لله

درست المحاضرات 1-2-3-4-6-7-8

باقي 12-11

نصيحه مني 7و8و11و12 سهلاااات

الباقي حذفتهن العوض والا القطيعه

صالحـ

2011- 11- 27, 02:59 PM

شكرا لكم جميعا ردودكم واهتمامكم حمسني بصراحة :(204):
دام انكم كلكم مجمعين ان الدكتور من جنبها :biggrin:
وبرضه كلكم بتتوكلون على الله وبتدخلون الاختبار
حتى انا بتوكل على الله وبكمل مذاكره وحتى لو مافهمت محاضرة والا ثنتين بطنشها
وراح ادخل الاختبار وربنا يحلها ويسهلها علينا جميعا
الله يجزاكم خير رجعتوا لي الثقة والحماس .. :53:

كحيلان الشرقيه

2011- 11- 27, 03:25 PM

^
^
يااااااااااااااسمي
الاختباااااااااااااااااار العام الماضي سهل
واذا ماجبت اقل شي 80 تراااك >> غلطااااااااااان وربي

بالتوفيق

ليمونة حامضة

2011- 11- 27, 03:26 PM

شكرا لكم جميعا ردودكم واهتمامكم حمسني بصراحة http://www.ckfu.org/vb/images/shrqwea/%28204%29.gif
دام انكم كلكم مجمعين ان الدكتور من جنبها :biggrin:
وبرضه كلكم بتتوكلون على الله وبتدخلون الاختبار
حتى انا بتوكل على الله وبكمل مذاكره وحتى لو مافهمت محاضرة والا ثنتين بطنشها
وراح ادخل الاختبار وربنا يحلها ويسهلها علينا جميعا
الله يجزاكم خير رجعتوا لي الثقة والحماس .. :53:

:(204):

لا تطنش محاضرات ,, حاول انك تفهمها ولو شوي

الله يهون علينا بختبار هالمادة

mona-a

2011- 11- 27, 05:55 PM

لالالا

مو مقبول منك هاليأس أبدااا

وأنا أقول انت العاقل فينا :cheese:

خلي أملك كبير وربي يفتح عليك واجتهد وسوي اللي عليك

ترى اغلب المادة قوانين وتطبيق عليها

والدكتور قال ما بيجيب المسائل اللي حلولها طويلة عشان الوقت

توكل على الله والمهم تعديها ونخلص ... عن نفسي ما افكر في المعدل ابدا قدام الرياضيات