وصفوني -لاهنتم- مكان مركز اختبار الظهران>> فيه عنوان اوضح من كذا؟؟ [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : وصفوني -لاهنتم- مكان مركز اختبار الظهران>> فيه عنوان اوضح من كذا؟؟

ابوسريع

2011- 12- 12, 12:26 PM

اسعد الله اوقاتكم جميعا :106:

زي مو موضح في العنوان ياكرام ابي بالظبط موقع مركز اختبار الظهران اذا امكن .. مع العلم انه هذا اللي طلع لي في خدمات الطلاب مجرد اسم المدينه بدون تحديد للمكان ..

ولكم جزيل الشكر مسبقا على المرور والافاده ..
وفق الله الجميع لما يحب ويرضى ..

فهد الظهران

2011- 12- 12, 12:39 PM

باقي يالغالي الى الان ماحددوا مراكز الاختبارات في كل منطقة
مع ان اول اختبار يوم الخميس مابقى عليه شي

ننتظر ونشوف

عنيــده

2011- 12- 12, 12:41 PM

وانا بعد نفس السؤال ياليت اللي يعرف يدلنا..... الاختبارات قربت ولا ندري وين بنختبر :000:

الباشا انا

2011- 12- 12, 12:51 PM

طيب اذا بيعلنون عن الاماكن ..

وين بيحطون الاعلان ..؟ :53:

هادئه وملسونه

2011- 12- 12, 12:54 PM

:24_asmilies-com: اذا مثلا جاء الخميس وماعلنو مكان الاختبارات وش نسوي:mh12: ننام مثلا:biggrin:

كازومي

2011- 12- 12, 01:04 PM

من جد متى يعني ؟؟

انزين من يعرف رابط الاوراق الي نطبعهم حق الاختبار

FEDUO

2011- 12- 12, 01:17 PM

لاحووول رجعنا لمماطلتهم ..
المفروض اعلنوا من اول الاسبوع !!!!!!!!!!

Abu Jood

2011- 12- 12, 01:22 PM

حسب الطلاب اللي قبل اعلنو تقريباً قبل الاختبار بيومين

ابوسريع

2011- 12- 13, 07:54 PM

فهد - عنيده - الباشا - هادئه - كازومي - في ديو - ابو جود
ألف شكر على المرور والمشاركه ..
أبغى اعرف فايده وحده لكتمان موقع الاختبار والاعلان عنه في اللحظات الاخيره ..
كنه ناقصنا هموم عشان يزيدونا هم .. الشكوى على الله ..

أسأل الله العظيم ان يوفقكم والجميع دنيا وآخره..

!.. غلآ..!

2011- 12- 13, 09:34 PM

طلعت طلعت:71: .. البنات بالمتوسطه الثالثه والرجال بمدرسه ابن المظفر :53:

ابوسريع

2011- 12- 13, 10:12 PM

تسلمين يا غلا .. عقبال ما تفرحين بنجاحك والتخرج .. انتي والباقين ياااااارب

ابوسريع

2011- 12- 13, 10:49 PM

بالنسبة لمكان متوسطة ابن المظفر بالظهران .. الصق الاحداثيات التاليه في السيرش بار حق قوقل بيطلعها ع الماااب
26°20'11"n 50°8'33"e

بالتوفيق يارب للجميع وان شا الله اني افدكم .. ايه يابنات اذا تبون توصيف مدرستكم بنفس الطريقه قولوا..

ṡϻȋӀε

2011- 12- 13, 10:55 PM

حددو مكااااان الاختبار واخيراا

بالظهران

ابي تفصصيل مفصصل .....!! وين هالمدرسسه

ابوسريع

2011- 12- 13, 11:07 PM

وهذي احداثيات المتوسطه الثالثه للبنات بالظهران
26°19'53"n 50°9'10"e
قريب من ماك الدانه .. يالله تحمسوا يابنات ككككك
نفس الطريقه نسخ ولصق بقوقل ..
ربي ييسر لنا ولكم كل صعب..

!.. غلآ..!

2011- 12- 13, 11:18 PM

ولو .. نحن بالخدمه :biggrin:

تعالوا بيتنا وادليكممم :tongue: .. ياحبي لهمم اختيارهمم جمييييييل :love080: