من الي موقع اختباره في ثانويه اليمامه

[الدووسري]

السلام عليكم

شباب من الي منكم تخصص علم اجتماع .. الثالث

ومكان اختباره تحدد مثلي في ثانويه اليمامه بالمعذر

مركز 17

[عبدالله ع العنزي]

انا انا
بس ياخي بعيد علي جدا
انا من سكان شرق الرياض وذا مقلع وادرين

شارع المعذر اسمع به ولاقد شفتة

يمقن اجي اختبر ويمقن لا

[عبدالله العصيمي]

انا مثلك

بس والله بعيد وزحمة خريص تكفي انك تطلع من الظهر عشان توصل

الله يعين بس

[عبدالله ع العنزي]

والسواة

مشوار بجد والله يعين

[منتسب متوهق]

يمقن رحنا فيها ويمقن مارحنااا

ياجماعة الكروكي مافيه شي واضح ، موقع المدرسه ماهو موجود
وبعدين ماهم جايبين الوصف من خريص
عز الله البلشه معقوله جامعتنااا من جنبها :064:

الحين فهمونااا وش السواة :000:

[فهد9990]

السوااه انك تستأجر لك شقه ف المعذر وتذاكر
اتمنى لك التوفيق

[عبدالله ع العنزي]

شكلي بتصل على الرقم الموجود وانشب له يوصف لي الموقع الحين

[عبدالله العصيمي]

شكلي بتصل على الرقم الموجود وانشب له يوصف لي الموقع الحين


المشكلة مو في الوصف المشكلة في ازمة خريص والله اني شايل همها من الحين


ياخي اللي يختار الاماكن هاذا ياانه اللي يطلع كل صبح اللي بعد ابو شراره في الام بي سي << الطرق انسايبيه ولافيه شي يدعوا لذكره

او انه احد من جماعته قريب من المواقع يجي يسلم عليهم ويختار


والله شغله

[عبدالله العصيمي]

وعلى فكره انا مستوى رابع

ولد عمي مستوى ثالث وحاطينه في 18 وللحين ماحددوها

والله يستر لايجونك بكره يغيرون الاماكن مثل الاترام الماضية

[حــرامـــى]

اناا رحت للموقع

و انت نازل من كبرى الخليج اتجاه الغرب

بعد المستشفي العسكري يجيك شارع المعذر

اول اشاره ثاني اشاره تشوف على يسارك وزارة الحج هي جنبها على طول

رحت والقيت نظره عليها بصراحه دمعت عيونها يوم شافتنى :71:يا بخيل ما تعزمنى هع

[رنو]

أقصـــد 24

بس حيـــــــل بعيـد ,,

ماعنـدكم سيــارهـ زايدهـ نرووح فيها المركز <<<ماتعرفيـن نايف ؟؟



^

إلا واللله أعرفووووه :hahahahahah:


يمقن تعرفوووه يمقن لأ :sdfgdsf:

[عبدالله ع العنزي]

انا مستوى ثالث مركز 17

طريق خريص زحمة بس ياخي فيه طرق بديلة تعال مع المية من استاد الملز اذا انت من شرق الرياض بعدين انزل على النهضه او واصل من عند معهد الادارة
ادري حوسه واشارت بس احسن من خريص عليه من الله مايستحق
اهم شي فيه مواقف

[الدووسري]

الي منكم دافور يجي حولي ...

[الفيصلاوي]

انا معكم واحسن طريق بالنسبة للي في جنوب الرياض
يجي مع طريق كبري الوشم ينزل غرب ثم يمين مع الاشارة اللي تودي لطريق الملك فهد وعلى طول ما يردة الا التفتيش اللي قبل وزارة الداخليةيتعداة تجي اشارة معها يمين المدرسة بعد تقريبا 100 متر اللوحة كبيرة مكتوب عليها ثانوية اليمامة
نتقابل بكرة
وتحياتي للعصيمي عبدالله كيف الحال

[abuhusam]

تحياتيييييييييييييي وبالتوفيق مركز 17 ولجميع المراكز

[عبدالله العصيمي]

نتقابل بكرة
وتحياتي للعصيمي عبدالله كيف الحال


هلا والله اخوي ابو محمد

انا بخير انت كيفك

اهم شي ذاكر بجي جنبك :hahahahahah::hahahahahah:

[الدووسري]

عبدالله


الفيصلاوي

ماتدرون هل الثانويه حكوميه ام اهليه

[عبدالله العصيمي]

عبدالله


الفيصلاوي

ماتدرون هل الثانويه حكوميه ام اهليه


حكوميه


والله حرام مقر 18 جنب بيتي في السويدي الغربي وربي قهههههههههههر :017::017::017:


فيه طريقة احول له ياليت تفيدوني

[محمد الشلاحي]

سجلوني معاكم ياشباب في مركز 17 وانشالله نلتقي على خير ويكون اول اختبار فاتحة خير علينا وعليكم

[ابو حلا]

مو مشكلة المدرسة
سواء بشرق او غرب الرياض مجبورين نروح


اهم شي الكراسي تكون كويسة ماتسكر ظهورنا
وثاني شي الازعاج بصراحة ماحبة احب احل في هدوء
مع العلم ان البعض يفضلة عشان ياخذ راحته:064:

[^^ أبو نايف ^^]

تكفووووووووووووووووون الفزعه يااااااااااااااااشباب

انا علم اجتماااااع المستوى الثالث


وين اختبرررررررررررررر الزبده

تكفووووون يمقن اعرف ويمقن ماعرف :mh12:

[عبدالله ع العنزي]

اليوم مريت المدرسه شكلها كبيرة بجد.. حكوميه مو اهليه
جنوب اسكان الكويتيين اللي على شارع الضباب

اسئل الله التوفيق للجميع
بس يالله يارب مايكون فيه احد بثر
تخيل واحد اول مره تشوفه بحياتك يجي يقول مذاكر؟؟؟ طيب تغششني؟؟؟؟
اتمنى ماشوف هالاشكال

[عبدالله العصيمي]

بس يالله يارب مايكون فيه احد بثر
تخيل واحد اول مره تشوفه بحياتك يجي يقول مذاكر؟؟؟ طيب تغششني؟؟؟؟
اتمنى ماشوف هالاشكال



ههههههههههههههههههههههههههه


ياكثرهم وبكره تشووووووووووووف

[عبدالله ع العنزي]

ههههههههههههههههههههههههههه


ياكثرهم وبكره تشووووووووووووف

والله يابعدي لا اسمع لا ارا لا اتكلم

[first]

بالتوفيق للجميع
بس الله يرج من اختار ها المركز وبعدين كيف وزعو الطلاب على المراكز انا شمال الرياض وعندي اكثر من مركز اختبار قريب
:017::017::017::017::017::017:حسبي الله ونعم الوكيل عليهم يكفيك الزحمه

[عبدالله ع العنزي]

اليوم بتنهظم مافيه ذيك الزحمة
لكن الوعد يوم السبت والله لتطفش من عمرك دوام الموظفين وزحمة خريص واتوقع اختبارنا 3:30

[abuhusam]

الترم هذا خلاص لأكن الترم الجاي المفروض يحطون اختيارات لمدينة كبيره مثل الرياض